Due to our blog readers from Tibet we shifted our Tibetan blog to kyareng.wordpress.com. Now on this blog is stand for both of Tibetan and English writers
ད་ནས་བཟུང་དྲ་ལམ་དེ་བོད་ཡིག་དང་དབྱིན་ཡིག་གཉིས་ཀ་སྤྱོད་ཆོག་པ་ཞིག་ཏུ་གྱུར་པ་ཡིན་པས། རྩ་བའི་སྐྱ་རེངས་དྲྭ་ཚིག་གཤམ་གྱི་ཁ་བྱང་དུ་སྤོས་ཟིན་པ་ཡིན། kyareng.wordpress.com

Thursday, August 5, 2010

གཟིགས་སྐྱོང་གནང་བ།

སྐལ་བཟང་མཁས་གྲུབ་ཀྱིས་བརྩམས།
༄༅། །ྋགོང་ས་མཆོག་ང་ཚོའི་སློབ་གྲྭར་ཆིབས་སྒྱུར་བསྐྱངས་ཏེ་ང་ཚོ་ལ་འདི་འདྲའི་གཟིགས་སྐྱོང་གནང་ཡོང་བསམ་པ་སྣང་བའི་ཡུལ་ལའང་མ་བྱུང༌། ཉིན་དེའི་ཞོགས་པར་ང་ཚོ་ཚང་མ་ཁ་ཁུ་སིམ་མེར་འཛིན་གྲྭའི་ནང་སློབ་ཁྲིད་ཉན་གྱིན་བསྡད་ཡོད་སྐབས། ྋགོང་ས་མཆོག་ང་ཚོའི་སློབ་ཁང་དུ་ཆིབས་སྒྱུར་བསྐྱངས་གནང་སོང༌། ང་ཚོས་ལམ་སེང་ཡར་ལངས་ཏེ་ལག་གཉིས་ཐལ་མོ་སྦྱར་ནས་ྋགོང་ས་ྋསྐྱབས་མགོན་ཆེན་པོ་མཆོག་ལ། བཀྲ་ཤིས་བདེ་ལེགས། ཞེས་ཞུས་པ་ཡིན། ྋགོང་ས་ྋསྐྱབས་མགོན་ཆེན་པོ་མཆོག་གིས་རྒན་ལགས་སུ་ཕྱག་གཏོང་གནང་མཛད་པ་དང༌། ང་ཚོ་སློབ་མ་རྣམས་མར་སྡོད་དུ་འཇུག་གནང་མཛད་པ་དང་སྦྲགས་བཀའ་སློབ་ཕེབས་དོན། ཁྱེད་ཚོ་ནི་མ་འོངས་བོད་ཀྱི་སོན་རྩ་ཡིན་པས། བོད་ཀྱི་རིག་གཞུང་ལ་སྦྱང་བརྩོན་བྱ་རྒྱུ་དེ་ནི་གལ་གནད་ཆེ་ཤོས་དེ་ཡིན། ཞེས་བཀའ་སྩལ་ཏེ་ཐུགས་དགྱེས་ཚོར་ཆེན་པོས་ང་ཚོར་གཟིགས་སྐྱོང་གནང་བ་དེ་ནི་ངའི་སེམས་ནང་དུས་ནམ་ཡང་བརྗེད་ཐབས་བྲལ་བ་ཞིག་ཆགས་སོང༌།།
དཀར་གསལ་གྱི་ཟླ་བ་ཤར་བས་ཚེ། །ཞི་བསིལ་གྱི་རྣམ་པས་ཡོངས་སུ་ཁེངས།།
ཡིད་བཞིན་གྱི་ནོར་བུ་མཇལ་བ་དེས། །ངེད་སློབ་མའི་ཚོགས་ལ་དགའ་བདེ་སྤེལ།།

1 comment:

  1. སློབ་གླིང་ཡིད་ལ་དྲན་སོང་། དོན་གྲུབ་ཀྱིས།

    ReplyDelete

བསམ་འཆར་གནང་ཚུལ། གལ་ཏེ་ཁྱེད་ལ་གྷོ་གྷོལ་ཁ་བྱང་ཡོད་ན་དེ་གས་འཐུས་ལ། ཅི་སྟེ་མེད་ནའང་གཤམ་གྱི་ལྒེ་ཁུང་ནས་Anonymousཞེས་པ་དེ་འདེམས་ནས་དགོངས་འཆར་གསུངས་ཐུབ།

རང་དོན་འབའ་ཞིག་ཁོག་ཏུ་བཅངས་པ་ལས། །རྩོམ་ཡིག་དེབ་ཕྲེང་བརྒྱ་ཕྲག་བྲིས་པ་ལས། །གཞན་ལ་ཕན་ཕྱིར་རྩོམ་ཡིག་བྲི་བའི་ལས། །ཅིས་ཀྱང་ལྷག་པ་དམ་པའི་སྤྱོད་ལས་ཤེས། །
དྲ་རྒྱར་རྩོམ་ཡིག་བསྐུར་ཡུལ། kyareng@gmail.com