Due to our blog readers from Tibet we shifted our Tibetan blog to kyareng.wordpress.com. Now on this blog is stand for both of Tibetan and English writers
ད་ནས་བཟུང་དྲ་ལམ་དེ་བོད་ཡིག་དང་དབྱིན་ཡིག་གཉིས་ཀ་སྤྱོད་ཆོག་པ་ཞིག་ཏུ་གྱུར་པ་ཡིན་པས། རྩ་བའི་སྐྱ་རེངས་དྲྭ་ཚིག་གཤམ་གྱི་ཁ་བྱང་དུ་སྤོས་ཟིན་པ་ཡིན། kyareng.wordpress.com

Thursday, July 2, 2009

མཐོ་སྒང་གི་ལས་དབང་

མཐོ་སྒང་གི་ལས་དབང་

མཁའ་ཡི་ཀློང་ནས་ཉི་ཟེར་དམར་པོའི་ཟེར་མངར་ཆེ།།
ས་གཞི་གོར་མོར་འདོད་ཆེན་བདུད་ཀྱི་རླུང་ནག་ཕྱུར།།
སྲིད་རྒན་གངས་དཀར་རིན་ཆེན་གཏེར་གྱི་འཚོང་རྫས་སྤྱད།།
ཆོས་སྲིད་འོ་ཆུ་ལྷིང་འཇགས་གཤོང་ནས་བཞུར་རྒྱུན་ལྷོད།།
མཐོ་རིམ་སྲིད་དབང་ལྐོག་ངན་གར་གྱི་འཁྲབ་ཚན་དར།།
སྐྱབས་གནས་དམ་པ་གླིང་གཞན་འགྲོ་དོན་ཁུར་ཆེན་བཞེས།།
ཤེས་ལྡན་མཁས་དབང་ནུབ་རྒྱུད་མཁའ་མཐར་འཕུར་ལ་བྲེལ།།
གངས་ལྗོངས་མུན་གླིང་རིགས་གནསའདྲེས་མས་རང་གཤིས་ཡལ།།
སྐྱེས་གཡའ་སྟག་ཤར་སེར་མིག་མཛེས་མར་ཤི་འཐམ་བྱས།།
མཐོ་སྒང་བུ་མོ་རྒྱ་གྲོང་མདའ་ནས་སྨད་འཚོང་གཉེར།།
རིགས་རྒྱུད་འདྲེས་མ་ཁ་བ་ཅན་གྱི་རྒྱུད་འཛིན་བཀང་།།
གདོང་དམར་རིགས་ཀྱི་གཤིས་བཟང་ཡོད་ཚད་རླུང་ལ་བསྐུར།།

3 comments:

  1. This comment has been removed by the author.

    ReplyDelete
  2. This comment has been removed by the author.

    ReplyDelete
  3. སྨྱུག་ཐོགས་དཔའ་བོ་ཤོག་བུ་སྟེང་དུ་སྨྱུ་གུ་བརྡར་རྒྱུ་མཚམས་བཞག་ནས།
    དབྱིན་ཇི་སྨྱོ་མའི་རྐུབ་་གཡོག་རྒྱུགས་ཞིང་དབྱིན་སྐད་ཟད་དོ་འབད་འབད་སྦྱང་།
    ལ་རྒྱ་ཅན་དང་སྤྱི་སེམས་ཅན་ཞིག་ཡིན་རོགས་བྱས་ན་ཆོག་མོད་ཀྱང་།།
    དེ་ལས་ལྡོག་ཏེ་སོ་སོའི་དོན་དུ་དྷོ་ལོར་འཚོལ་དུས་ངོ་རེ་ཚ།།

    ReplyDelete

བསམ་འཆར་གནང་ཚུལ། གལ་ཏེ་ཁྱེད་ལ་གྷོ་གྷོལ་ཁ་བྱང་ཡོད་ན་དེ་གས་འཐུས་ལ། ཅི་སྟེ་མེད་ནའང་གཤམ་གྱི་ལྒེ་ཁུང་ནས་Anonymousཞེས་པ་དེ་འདེམས་ནས་དགོངས་འཆར་གསུངས་ཐུབ།

རང་དོན་འབའ་ཞིག་ཁོག་ཏུ་བཅངས་པ་ལས། །རྩོམ་ཡིག་དེབ་ཕྲེང་བརྒྱ་ཕྲག་བྲིས་པ་ལས། །གཞན་ལ་ཕན་ཕྱིར་རྩོམ་ཡིག་བྲི་བའི་ལས། །ཅིས་ཀྱང་ལྷག་པ་དམ་པའི་སྤྱོད་ལས་ཤེས། །
དྲ་རྒྱར་རྩོམ་ཡིག་བསྐུར་ཡུལ། kyareng@gmail.com