Due to our blog readers from Tibet we shifted our Tibetan blog to kyareng.wordpress.com. Now on this blog is stand for both of Tibetan and English writers
ད་ནས་བཟུང་དྲ་ལམ་དེ་བོད་ཡིག་དང་དབྱིན་ཡིག་གཉིས་ཀ་སྤྱོད་ཆོག་པ་ཞིག་ཏུ་གྱུར་པ་ཡིན་པས། རྩ་བའི་སྐྱ་རེངས་དྲྭ་ཚིག་གཤམ་གྱི་ཁ་བྱང་དུ་སྤོས་ཟིན་པ་ཡིན། kyareng.wordpress.com

Wednesday, October 5, 2011

རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེང་རྟགས་སྦེལ་ཀོབ་གོ་ལ་ཐ་ལའི་རུ་ཁག་ལ་ཐོབ་པ


ཟླ་བ་སྔོན་མའི་ཚེས་༢༦ ནས་དེ་རིང་གི་བར་རྒྱལ་ཡུམ་ཆེན་མོའི་དྲན་རྟེན་རྐང་སྤོལ་གསེར་གྱི་གཟེང་རྟགས་རྩེད་འགྲན་བྱས་པའི་འབྲས་བུར། ད་རིང་ཉིན་རྒྱབ་སྦེལ་ཀོབ་གོ་ལ་ཐ་ལའི་རུ་ཁག་གིས་གསེར་གྱི་རྟགས་མ་ལེན་སོང་།
དེ་ཡང་ཚོུད་༣ པའི་ཐོག་ཁ་སེང་ཕྱེད་མཐའ་མའི་རྩེད་འགྲན་སྐབས་མོན་གྷོ་ལས་རྒྱལ་མཁན་ཀལ་མེན་ཊོན་དང་། ཅིན་ནའི་བོད་ཕྲུག་རུ་ཁག་ལས་རྒྱལ་མཁན་སྦེལ་ཀོབ་གོ་ལ་ཐ་ལའི་རུ་ཁག་བར་མཐའ་མའི་རྩེད་འགྲན་འགོ་ཚུགས་སོང་། ཀལ་མེན་ཊོན་རུ་ཁག་ནི་དེ་སྔ་རྒྱལ་ཡུམ་ཆེན་མོའི་གསེར་གྱི་རྟགས་པ་ཐེངས་འགའ་ལེན་མྱོང་བའི་རྐང་སྤོལ་རུ་ཁག་ཡག་ཤོས་ཤིག་ཏུ་ལྟད་མོ་བ་ཚོས་ངོས་འཛིན་བྱེད་ཀྱི་འདུག་ལ། སྦེལ་ཀོབ་གོ་ལ་ཐ་ལའི་རུ་ཁག་གིས་ཀྱང་སྦེལ་ཁོབ་གཞིས་ཆགས་གསར་པའི་རུ་ཁག་ཕམ་པར་བྱས་པ་སོགས་ལ་བལྟས་ན་ལས་སླ་པོ་ཞིག་མེད་པར་ངོས་འཛིན་བྱས་པ་ལས། ལྟད་མོ་བའི་ཁྲོད་ཕྱོགས་གཉིས་ཀ་ལ་རྒྱབ་སྐྱོར་བྱེད་མཁན་འདྲ་འདྲ་འདུག

རྣོ་ངར་ལྡན་པའི་ཕྱོགས་གཉིས་ཀྱི་རྐང་སྤོལ་འགྲན་པ་ལས་སྤོལ་ལོ་གཅིག་ཀྱང་མ་བླུགས་པར་དུས་ཚོད་ཕྱེད་ཀ་རྫོགས། གཡས་གཡོན་དུ་ཆུ་གྲང་མོ་དང་ཇ་ཚ་པོ། མོ་མོ་དང་ཤ་བག་ལེབ་བཙོང་མཁན་ཚོར་དེ་ཙམ་ཡ་བྱེད་མཁན་ཡང་མི་འདུག ཡང་བསྐྱར་དུ་རྩེད་འགྲན་བྱས་པ་ལས་སྐར་མ་༣༠ ཙམ་སོང་སྐབས་ལྟད་མོ་བ་ཚོ་ཧད་ཅིང་། འགའ་ཤས་ཀྱིས་དེ་རིང་སྦེལ་ཀོབ་ཚོས་མི་གསར་པ་ཁྲིད་ཡོད་པ་འདྲ་ཡག་ཏུ་ཕྱིན་འདུག་ཟེར་བ་དང་། ཡང་འགའ་ཤས་ཀྱིས་ད་ཐད་གཏོང་སྤོལ་ལོ་བསྡུར་དགོས་ཐུག་ས་རེད་ཟེར། དེ་ནས་དུས་ཚོད་རྫོགས་ནས་དུས་ཚོད་ཕར་མ་སྐར་མ་ཉི་ཤུ་རྩེས་ཀྱང་རྒྱལ་ཕམ་མ་ཆོད། སྐབས་དེ་དུས་གོ་ལ་ཐ་ལའི་ཕྱོགས་ནས་ཤོ་པག་སྤར་བ་སོགས་བྱས་ནས་རྒྱལ་བའི་རྣམ་པ་སྟོན་སོང་། དེ་ནས་མཐའ་མ་ཐད་གཏོང་སྤོལ་ལོ་འགྲན་རྒྱུ་དེ་རེད། དེའི་སྐབས་ཀལ་མེན་ཊོན་རྩེད་འགྲན་པ་ཞིག་གིས་སྤོལ་ལོ་གཅིག་སྒོའི་ཕྱི་རོལ་དུ་ཤོར་སོང་། ཡང་དེ་ནས་གོ་ལ་ཐ་ལའི་རུ་ཁག་གིས་སྒོ་ར་བས་སྤོལ་ལོ་གཅིག་བཀག་སོང་བ་ལས་སྦེལ་ཀོབ་གོ་ལ་ཐ་ལའི་རུ་ཁག་ལ་རྒྱལ་ཡུམ་ཆེན་མོའི་རྐང་སྤོལ་རྒྱལ་ཁ་ཐོབ་སོང་།
སྦེལ་ཀོབ་གོ་ལ་ཐ་ལ་ནི་སྦེལ་ཀོབ་གཞིས་གྲོང་ལྔ་པ་དང་དྲུག་པ་དང་དམག་མི་གཞིས་གྲོང་བཅས་རེད་འདུག་ལ། གོ་ལ་ཐ་ལའི་རུ་ཁག་གིས་སྒོ་ར་བ་ནི་དེ་སྔ་སྦེལ་ཀོབ་གཞིས་ཆགས་ཀྱི་སྒོ་ར་བ་ཡིན་པ་དང་རྒྱལ་ཡུམ་ཆེན་མོའི་རྐང་སྤོལ་ཐེངས་མང་རྩེས་མྱོང་ཡོད་འདུག་པ་དང་སྒོ་ར་བ་ཡག་ཤོས་གྲལ་ཡིན་འདུག རྐང་སྤོལ་མཇུག་སྒྲིལ་བའི་རྗེས་སུ་ལྟད་མོ་བའི་ཁྲོད་ཁོང་དང་ལྷན་དུ་དཔར་རྒྱག་མཁན་མང་པོ་བྱུང་སོང་། གོ་ལ་ཐ་ལའི་རུ་ཁག་གི་ནང་རྩེད་འགྲན་པ་ཨང་༦ དང་༩ དང་༡༡ དང་སྒོ་ར་བ་བཅས་ལ་ལྟད་མོ་བའི་བསྔགས་བརྗོད་བྱེད་ཀྱི་འདུག

ཀལ་མེན་ཊོན་ནི་དྷེ་ར་དྷུན་ཉེ་འགྲམ་དུ་ཡོད་པའི་བོད་པའི་གཞིས་ཆགས་ཤིག་ཡིན་པ་དང་། དེ་སྔ་རྒྱལ་ཡུམ་ཆེན་མོའི་རྐང་སྤོལ་གསེར་གྱི་རྟགས་མ་ཐེངས་འགའ་ལེན་མྱོང་བ་དང་རྐང་སྤོལ་རྩེད་འགྲན་པ་ཡག་ཤོས་ཀྱི་ཁུངས་སུ་སླེབས་ཀྱི་ཡོད། ཀལ་མེན་ཊོན་རུ་ཁག་གི་ནང་མིང་འདོགས་ལ་ལམ་བྷུ་(གཟུགས་རིང་པོ་)ཟེར་བའི་རྩེད་འགྲན་པ་ཞིག་འདུག་པ་དེར་ལྟད་མོ་བའི་ཁྲོད་དགའ་མོས་བྱེད་མཁན་མང་པོ་འདུག་ལ། ཡང་སེ་ཁོའི་མིང་ནས་འབོད་ཀྱི་འདུག དེ་བཞིན་རྩེད་འགྲན་པ་ཨང་༧ དང་༡༠ དང ༡༨ དང་༡༢ བཅས་ལ་ལྟད་མོ་བའི་བསྔགས་བརྗོད་བྱེད་ཀྱི་འདུག

ལྷག་དོན་ད་ལེན་རྒྱལ་ཡུམ་ཆེན་མོའི་དྲན་རྟེན་རྐང་སྤོལ་རྩེད་འགྲན་གྱི་སྐབས་འདིར་རྩེད་འགྲན་པ་དང་ལྟད་མོ་བའི་ངོས་ནས་སྙོག་སྒྲ་ཟེར་བ་སྤུ་ཙམ་བླངས་མེད་པ་དེར་ཚང་མའི་ཡིད་སྨོན་དང་བསྔགས་བརྗོད་ཞུ་ཡི་འདུག་ལ། དེ་ནི་འུhttp://www.blogger.com/img/blank.gif་ཅག་བོད་མི་རྣམས་མཐུན་སྒྲིལ་གྱི་རྣམ་པ་མཚོན་པའི་སྤྱོད་ལམ་ཡག་ཤིག་ཞིག་ཏུ་ངོས་འཛིན་བྱེད་ཀྱི་འདུག

རྒྱལ་ཡུམ་ཆེན་མོའི་དྲན་རྟེན་རྐང་སྤོལ་རྩེད་འགྲན་བྱ་དགའ་ཐོབ་མཁན།

༡ གསེར་གྱི་རྟགས་མ་ལེན་མཁན། སྦེལ་ཀོབ་གོ་ལ་ཐ་ལའི་རྐང་སྤོལ་རུ་ཁག
༢ ཨང་གཉིས་པ་ལེན་མཁན། ཀལ་མེན་ཊོན་དོན་གྲུབ་གླིང་རུ་ཁག་རྐང་སྤོལ་རུ་ཁག
༣ སྤོལ་ལོ་མང་ཤོས་བླུགས་མཁན། མོན་གྷོ་རུ་ཁག་གི་རྩེད་འགྲན་པ་བུ་ལགས།
༤ རྐང་སྤོལ་རུ་ཁག་ཡག་ཤོས། ཨོ་རི་ས་ཕུན་ཚོགས་གླིང་རྐང་སྤོལ་རུ་ཁག


ཐེངས་འདིར་གཟེང་རྟགས་ཕྱག་གིས་གནང་མཁན་ནི་ལྕམ་ཨཤེ་རི་ཋི་རེད་འདུག་ལ། ཁོང་གི་སྐོར་གཟིགས།

4 comments:

  1. འདྲ་པར་ཁག་ངའི་ངོ་དེབ་ནང་ཡོད། More photos in my facebook http://www.facebook.com/media/set/?set=a.268160466550138.74705.100000685603063

    ReplyDelete
  2. ནོར་་་་་་་་་་་་་་་་་་་་་་་་་་་་་་་་་་་་་་་་བཅོས།
    གསེར་གྱི་རྟགས་མ་ལེན་སོང་་་་་་་་བླངས་སོང་།
    སྤུ་ཙམ་བླངས་་་་་་་་་་་་་་་་་་་་་་་་་་བསླངས།
    བསམ་ཚུལ།
    ཐད་གཏོང་་་་་་་་་་་་་་་་་་་་་Penalty་་་་ཉེས་སྒོལ།
    སྒོ་ར་བ་་་་་་་་་་་་་་་་་་་་་་་་་་་་སྒོ་བཀག་་་keeper.
    སྦོལ་ལོ་་་་་་་་་་་་་་་་་་་་་སྤོ་པོ་་་་ball.
    goal ལ་ཐ་སྙན་ག་རེ་བྱ་ག

    ReplyDelete
  3. penalty ཉེས་པ་མིན་པ་ཡོད་རེད། དེ་འདྲ་སོང་ཙང་ཐད་གཏོང་ངམ་ཐད་ཐོབ་ཟེར་གྱི་ཡོད། ལེན་སོང་་བླངས་སོང་ཞེས་བཅོས་དོན་མ་མཐོང་། Goal ལ་སྤོ་ལོ་རྩེས་དུས་སྤོ་ལོ་བླུགས་པ་ཟེར་ན་ཡག་ཤོས་འདུག སྤྱིར་དེའི་དོན་དམིགས་ཡུལ་གྲུབ་པ་འདྲ་པོ་རེད་བསམས།

    ReplyDelete
  4. མི་ཤེས་ཡ། ལེན་ད་ལྟ་བ་དང་་་་་བླངས་འདས་པ་ཡིན་དུས་་་ཁྱོད་ཀྱིས་ཚིག་གྲོགས་སོང་སྦྱར་སྟབས་དེའི་བྱ་ཚིག་བླངས་ཐོབ་དགོས་ངེས་རེད་བསམ།
    སྤོ་ལོ་བླུགས་པ་ཟེར་ན་འགྲེལ་བཤད་ཙམ་ལས་ཐ་སྙད་གཅིག་རག་མི་འདུག་སྙམ།

    ReplyDelete

བསམ་འཆར་གནང་ཚུལ། གལ་ཏེ་ཁྱེད་ལ་གྷོ་གྷོལ་ཁ་བྱང་ཡོད་ན་དེ་གས་འཐུས་ལ། ཅི་སྟེ་མེད་ནའང་གཤམ་གྱི་ལྒེ་ཁུང་ནས་Anonymousཞེས་པ་དེ་འདེམས་ནས་དགོངས་འཆར་གསུངས་ཐུབ།

རང་དོན་འབའ་ཞིག་ཁོག་ཏུ་བཅངས་པ་ལས། །རྩོམ་ཡིག་དེབ་ཕྲེང་བརྒྱ་ཕྲག་བྲིས་པ་ལས། །གཞན་ལ་ཕན་ཕྱིར་རྩོམ་ཡིག་བྲི་བའི་ལས། །ཅིས་ཀྱང་ལྷག་པ་དམ་པའི་སྤྱོད་ལས་ཤེས། །
དྲ་རྒྱར་རྩོམ་ཡིག་བསྐུར་ཡུལ། kyareng@gmail.com