Due to our blog readers from Tibet we shifted our Tibetan blog to kyareng.wordpress.com. Now on this blog is stand for both of Tibetan and English writers
ད་ནས་བཟུང་དྲ་ལམ་དེ་བོད་ཡིག་དང་དབྱིན་ཡིག་གཉིས་ཀ་སྤྱོད་ཆོག་པ་ཞིག་ཏུ་གྱུར་པ་ཡིན་པས། རྩ་བའི་སྐྱ་རེངས་དྲྭ་ཚིག་གཤམ་གྱི་ཁ་བྱང་དུ་སྤོས་ཟིན་པ་ཡིན། kyareng.wordpress.com

Sunday, May 1, 2011

རྒྱ་གར་ཨ་རུ་ན་ཅལ་གྱི་མངའ་སྡེའི་བློན་ཆེན་རྡོ་རྗེ་མཁའ་འགྲོ་ལགས་གར་སོང་ཆ་མེད་པའི་གནས་ཚུལ།



ཁ་རྩངས་སྔ་དྲོ་ཚོུད་༩་༥༥ ཐོག་རྒྱ་གར་ཨ་རུ་ན་ཅལ་མངའ་སྡེའི་བློན་ཆེན་རྡོ་རྗེ་མཁའ་འགྲོ་ལགས་རྟ་དབང་ནས་ཐད་འཕུར་གནམ་གྲུ་བརྒྱུད་འཐོན་པའི་རྗེས་གར་སོང་ཆ་མེད་དུ་གྱུར་ཡོད། ཐད་འཕུར་གནམ་གྲུ་འདི་ནང་རྡོ་རྗེ་མཁའ་འགྲོའི་རོགས་པ་མི་བཞི་ཙམ་ཡོད་པ་དང་། ཁོང་གནམ་གྲུ་དེ་བརྒྱུད་ནས་ཨི་ཊ་ན་གྷར་ལ་བསྐྱོད་མཁན་ཡིན་པ་རེད། ཁོང་ཨི་ཊ་ན་གྷར་ལ་ཚོུད་༡༡་༣༠ ཐོག་འབྱོར་ངེས་ཡིན་ནའང་དེ་ལྟར་མ་འབྱོར་དུས་མི་ཚོར་དོགས་པ་འདྲ་མིན་ཟ་ཡོད་ཅིང་། དེ་ནས་༢་༣༠ ཐོག་ཁོང་གི་ལས་ཁུངས་ནས་ཁོང་འབྲུག་ཁུལ་གྱི་ས་གནས་དྲག་པོ་རི་ཇོ་Daporijoཞེས་པར་བདེ་ཐང་ངང་བབ་ཡོད་པའི་འགྲེལ་བརྗོད་བྱས་ཡོད་ཀྱང་ཕྱིས་སུ་སྐད་ཆ་དེ་ཕྱིར་བསྡུ་བྱས་ཡོད། ད་ལྟའི་ཆར་ཡང་རྡོ་རྗེ་མཁའ་འགྲོའི་གནམ་གྲུ་སོགས་གང་ཡང་རྙེད་མེད་པ་དང་། ད་རངས་ཞོགས་པ་རྒྱ་གར་གཞུང་གི་དམག་གི་གནམ་གྲུ་Sukhoi fighter གཉིས་བཏང་ནས་འཚོལ་ཞིབ་བྱས་ཀྱང་རྙེད་སོན་བྱུང་མི་འདུག དེ་རིང་༸གོང་ས་མཆོག་གིས་ཁོང་བདེ་ཐང་ཡོང་བའི་ཐུགས་སྨོན་ཀྱང་མཛད་ཡོད་པ་སྐུ་སྒེར་ཡིག་ཚང་ནས་རྒྱ་གར་གསར་ལམ་དུ་གསུངས་འདུག

རྡོ་རྗེ་མཁའ་འགྲོ་ནི་བོད་བརྒྱུད་ནང་པའི་མཆོད་ཡོན་སྦྱིན་བདག་ཤུགས་ཆེ་གནང་མཁན་དང་༸གོང་ས་མཆོག་ལ་དད་པ་ཞུ་མཁན་ཞིག་ཡིན་པའི་མུར་འབྱུང་འགྱུར་དུས་འཁོར་དབང་ཆེན་གྱི་སྦྱིན་བདག་ཀྱང་ཡིན་བརྗོད་ཀྱི་འདུག

4 comments:

  1. རྡོ་རྗེ་མཁའ་འགྲོ་དང་གཞན་རྣམས་བདེ་ཐང་ཡིན་པའི་སྨོན་ལམ་ཞུ།

    ReplyDelete
  2. འདི་རྒྱ་གར་གསང་བའི་ལས་ཁུངས་ཀྱིས་སྤྲུལ་རྟགས་བསྟན་པ་ཞིག་མིན་ནམ་སྙམ། དེར་རྒྱུ་མཚན་མང་པོ་བཤད་དུ་ཡོད་སྙམ།

    ReplyDelete
  3. རྒྱ་གར་དམག་གི་གནམ་གྲུས་ས་གནས་དེར་སྐོར་བ་ཁ་ཤས་རྒྱབ་ནས་པར་བླངས་པ་དག་ལ་ཞིབ་འཇུག་བྱེད་ཀྱི་ཡོད་འདུག

    ReplyDelete
  4. རྒྱ་གར་གནམ་དམག་གིས་Su-30 MKls སེ་ལ་པ་སེ་ཞེས་པའི་ཁུལ་དུ་ཐེངས་གཅིག་བསྐྱོད་པ་ལས། ཁོང་ཚོར་ཁུལ་དེར་ལྕགས་ཚ་པོ་ཡོད་པའི་མཚན་མ་གཉིས་རྙེད་འདུག་ཅིང་། ཁོང་ཚོའི་མཚན་མ་དེ་གཉིས་རྡོ་རྗེ་མཁའ་འགྲོའི་གནམ་གྲུའི་མཚན་མ་ཡིན་པར་དོགས་པ་ཟ་བཞིན་ཡོད་འདུག

    ReplyDelete

བསམ་འཆར་གནང་ཚུལ། གལ་ཏེ་ཁྱེད་ལ་གྷོ་གྷོལ་ཁ་བྱང་ཡོད་ན་དེ་གས་འཐུས་ལ། ཅི་སྟེ་མེད་ནའང་གཤམ་གྱི་ལྒེ་ཁུང་ནས་Anonymousཞེས་པ་དེ་འདེམས་ནས་དགོངས་འཆར་གསུངས་ཐུབ།

རང་དོན་འབའ་ཞིག་ཁོག་ཏུ་བཅངས་པ་ལས། །རྩོམ་ཡིག་དེབ་ཕྲེང་བརྒྱ་ཕྲག་བྲིས་པ་ལས། །གཞན་ལ་ཕན་ཕྱིར་རྩོམ་ཡིག་བྲི་བའི་ལས། །ཅིས་ཀྱང་ལྷག་པ་དམ་པའི་སྤྱོད་ལས་ཤེས། །
དྲ་རྒྱར་རྩོམ་ཡིག་བསྐུར་ཡུལ། kyareng@gmail.com