༄། །བཀའ་དྲིན་ཟླ་མེད་ ༧ གོང་ས་ ༧ སྐྱབས་མགོན་ཆེན་པོ་མཆོག། ( དལ་བུ། )

གཞས་ཚིག་རྩོམ་མཁན། བསྟན་འཛིན་དཔལ་མཆོག

ཁྱེད་ཀྱི་ཐུགས་བཞེད་ལྷུན་གྱིས་གྲུབ་པར་ཤོག།
ཁྱེད་ཉིད་སྐུ་ཚེ་ཡུན་དུ་བརྟན་པར་ཤོག།

མཁྱེན་རླབས་འགྲན་ཟླ་བྲལ་བས།།
འཇིག་རྟེན་མཁས་དགུས་བཀུར་ཀྱང་།།
ཞི་དུལ་དམན་ས་གཟུང་བའི།།
མཛད་སྤྱོད་ངོ་མཚར་ཆེ་བ།།

གཞས་ཚིག་རྩོམ་མཁན། བསྟན་འཛིན་དཔལ་མཆོག

ཁྱེད་ཀྱི་ཐུགས་བཞེད་ལྷུན་གྱིས་གྲུབ་པར་ཤོག།
ཁྱེད་ཉིད་སྐུ་ཚེ་ཡུན་དུ་བརྟན་པར་ཤོག།

མཁྱེན་རླབས་འགྲན་ཟླ་བྲལ་བས།།
འཇིག་རྟེན་མཁས་དགུས་བཀུར་ཀྱང་།།
ཞི་དུལ་དམན་ས་གཟུང་བའི།།
མཛད་སྤྱོད་ངོ་མཚར་ཆེ་བ།།

འཕགས་ཡུལ་རིག་གཞུང་བཟང་པོ།།
འཇིག་རྟེན་ཀུན་ཏུ་སྤེལ་ནས།།
དུས་རབས་གསར་པའི་འཕེལ་ཁ།།
ཞི་བདེའི་ཕྱོགས་སུ་བསྒྱུར་མཛད།།

ཁྱེད་ཀྱི་ཐུགས་བཞེད་ལྷུན་གྱིས་གྲུབ་པར་ཤོག།
ཁྱེད་ཉིད་སྐུ་ཚེ་ཡུན་དུ་བརྟན་པར་ཤོག།

འཛམ་གླིང་ཆོས་ལུགས་སྣ་ཚོགས།།
བསླབ་བྱ་བྱམས་བརྩེ་བཟོད་བསྲན།།
གཅིག་ཏུ་མཐུན་པའི་གདམས་པ།།
འཇིག་རྟེན་ཡོངས་ཀྱི་གསོས་སྨན།།

ཉམ་ངའི་གནས་སུ་ལྷུང་བའི།།
བདག་ཅག་གང་གི་ཐུགས་རྗེས།།
དེང་རབས་ཤེས་བྱའི་ཁྱད་ཡོན།།
སྤྱོད་པའི་སྐལ་བཟང་ཐོབ་སོང་།།

ཁྱེད་ཀྱི་ཐུགས་བཞེད་ལྷུན་གྱིས་གྲུབ་པར་ཤོག།
ཁྱེད་ཉིད་སྐུ་ཚེ་ཡུན་དུ་བརྟན་པར་ཤོག།

རང་མགོ་རང་གིས་བསྐོར་སྲིད།།
ཁྱེད་ཀྱིས་བསླུ་བ་མི་སྲིད།།
རང་གིས་རང་ལ་བརྩེ་བ།།
ཁྱེད་ཀྱིས་མོག་པོར་བྱས་སོང་།།

ཁྱེད་ཀྱི་རྣམ་ཐར་བཟང་པོར།།
བསླབས་ནས་རྨོངས་པའི་སྐྱེ་བོར།།
གུས་ཅག་ཤེས་པའི་ཡོན་ཏན།།
རེ་བ་མེད་པར་སྟོན་ནོ།།

ཁྱེད་ཀྱི་རྣམ་ཐར་བཟང་པོར་སློབ་པར་ཤོག།
ཁྱེད་ཀྱི་ཐུགས་བཞེད་ལྷུན་གྱིས་གྲུབ་པར་ཤོག།
ཁྱེད་ཉིད་སྐུ་ཚེ་ཡུན་དུ་བརྟན་པར་ཤོག།

ཀུན་དགའི་གླུ་གཞས་གསར་པ་ཆེད་བསྒྲིགས་བྱེད་བཞིན་པ།

༢༠༠༩ལོའི་ཉེ་ཆར་ཟླ་ཤས་རིང་ཀུན་དགའི་གླུ་གཞས་གསར་པ་ཆེད་བསྒྲིགས་བྱེད་བཞིན་ཡོད་། མི་རིང་བར་རྒྱ་ཆེའི་སྤུན་ཟླ་རྣམས་ཀྱི་རྣ་བའི་བདུད་རྩིར་ལོངས་སྤྱོད་ཆོག་མུས་ཡིན་།
དྲི་མེད་སྐྱེས་མཆོག།ཀུན་དགའ་ཕུན་ཚོགས་གངས་རིའི་བྱང་ཕྱོགས་འགྲོ་བའི་མུན་སེལ།
སྐྱེས་མཆོག་དྲི་མེད་ཟླ་བའི་འོད་དཀར།
ཁྱོད་ཉིད་བལྟམས་ཚེ་སེམས་པ་མང་པོས།
ལུང་བསྟན་ཤེས་བརྗོད་ངོ་མཚར་བླ་མ།
གཞོན་ནུས་དུས་ནས་རྒྱལ་སྲས་རང་གཤིས།     
འགྲོ་ལ་ཐུགས་བརྩེ་མ་འོངས་མཁྱེན་སོགས།
ཡ་མཚན་རྣམ་ཐར་བརྗོད་ཀྱང་མི་ཚར།
སྐྱེ་དགུའི་དེད་དཔོན་བདག་གི་བླ་མ།
མཁྱིན་ནོ་མཁྱེན་ནོ་དྲིན་ཆེན་བླ་མ།
སྐྱེས་མཆོག་ཟླ་བའི་འོད་དཀར་མཁྱེན་ནོ།
མཁྱིན་ནོ་མཁྱེན་ནོ་རྩ་བའི་བླ་མ།
མི་བཤིག་རྡོ་རྗེའི་ཁྲི་ལ་བཞུགས་རོགས།
བསྟན་འགྲོའི་དོན་དུ་རྡོ་རྗེའི་དམ་བཅའ།
དུས་ངན་རླུང་གིས་ལན་བརྒྱ་རྒོལ་ཡང་།
བ་སྤུ་ཙམ་ཞིག་གཡོ་བར་མ་ནུས།
བསྟན་པའི་སྲོག་ཤིང་དཔལ་ལྡན་བླ་མ།
དུ་ཁའི་མུན་ཁྲོད་ལྷུང་བའི་བདག་སོགས།
ཐུགས་རྗེ་ ཟླ་གཞོན་འོད་ཟེར་ འབུམ་གྱིས།
ཡང་དག་བདེ་བའི་ལམ་བཟང་སྟོན་ཏེ།
བྱང་ཆུབ་བར་དུ་ཁྱོད་ཀྱིས་སྐྱོང་མཛོད།
མཁྱིན་ནོ་མཁྱེན་ནོ་དྲིན་ཆེན་བླ་མ།
སྐྱེས་མཆོག་ཟླ་བའི་འོད་དཀར་མཁྱེན་ནོ།
མཁྱིན་ནོ་མཁྱེན་ནོ་རྩ་བའི་བླ་མ།
མི་བཤིག་རྡོ་རྗེའི་ཁྲི་ལ་བཞུགས་རོགས།
མི་བཤིག་རྡོ་རྗེའི་ཁྲི་ལ་བཞུགས་རོགས།
མི་བཤིག་རྡོ་རྗེའི་ཁྲི་ལ་བཞུགས་རོགས།

༼སེམས་ཀྱི་ལོག་ཕེབས་༽

༼སེམས་ཀྱི་ལོག་ཕེབས་༽
གཞས་མཁན་ ཡ་དུང་། ཀུན་དགའ་། གངས་བཞུགས་། ཚེ་དབང་།
ཚིག་། འབྲུག་ལྷ་རྒྱལ་། ༼ཡེ་ཤེས་ནས་བསྡུ་སྒྲིག་བྱས་༽
དབྱངས་། བཀྲིས་རྡོ་རྗེ་།
གངས་དཀར་ལྷུན་པོ་ལྷ་ཡི་ལྕགས་རི་ཡིན་།
གཙང་ཆུ་སྔོན་པོ་ཉི་ཟླའི་འཕྱང་འཕྲུལ་ཡིན་།
རྩ་ཐང་ཡངས་པོ་སྐར་མའི་མལ་གདན་ཡིན་།
ནམ་སཁའི་མཐོངས་སུ་ཆགས་པའི་གནསམཆོག་འདི་།
འཛམ་གླིང་ཡང་རྩེའེ་གངས་ལྗོངས་ཕྱུག་མོ་སྟེ།
ངེད་གངས་ཅན་བོད་པའི་ཕ་ས་ཡིན་།
ཨོ།་་་་་་་་་ མ་ཡུམ་ལགས་། གངས་ལྗོངས་།
ཁྱེད་ཀྱི་རུམ་ཁོངས་དྲོན་མོ་བསྙེགས་ནས་འོངས་།
དེ་རིང་ཁྱེད་ཀྱི་པང་ནས་གླུ་ཞིག་ལེན་།
ཨོ།་་་་་་་་་མ་ཡུམ་ལགས་། གངས་ལྗོངས་ལགས་།
འདི་ནི་ཁྱེད་ཀྱིས་བསླབས་པའི་ཤིས་གླུ་ཡིན་།
འདི་ནི་མ་ཡུམ་ཁྱེད་ལ་ཕུལ་བའི་སེམས་པ་ཡིན་།
འགྲོ་དྲུག་སེམས་ཅན་རང་གི་ཕ་མ་ཡིན་།
འཆི་མེད་ཞི་བདེ་སེམས་ཀྱི་ལོངས་སྤྱོད་ཡིན་།
དཔའ་མཛངས་བརྟུལ་ཕོད་སྙིང་གི་རུས་པ་ཡིན་།
གངས་རིའི་ལྗོངས་སུ་གནས་པའི་མི་རིགས་འདི་།
མཐོ་སྒང་འདི་ཡི་གཞི་འཛིན་དང་པོ་དེ་།
ངེད་གངས་ཅན་གདོང་དམར་བོད་པ་ཡིན་།
ཨོ།་་་་་་་ སྤུན་ཟླ་ལགས་། བོད་པ་།
ཁྱེད་ཀྱི་མཛའ་བརྩེ་ཟབ་མོ་དྲན་ནས་འོངས་།
དེ་རིང་ཁྱེད་ཀྱི་མདུན་ནས་བྲོ་ཞིག་འཁྲབ་།
ཨོ།་་་་་་་ སྤུན་ཟླ་ལགས་། བོད་པ་།
དེ་ནི་ཁྱེད་ཀྱིས་བསླབས་པའི་སྒོར་བྲོ་ཡིན་།
འདི་ནི་སྤུན་ཟླར་འཇལ་བའི་སེམས་པ་ཡིན་།

༄༅།།མཛའ་མོ། ༼གཞས་ཚིག༽

༄༅།།མཛའ་མོ། ༼གཞས་ཚིག༽

སྙིང་སྡུག་གི་མཛའ་མོ། རི་ཆུ་སྟོང་གི་ཕ་རོལ་ཏུ་བཞུད་ཀྱང༌།
འཇོ་སྒེག་གི་ལང་ཚོ། མི་རྐྱང་འཁྱམས་པོའི་མིག་ལམ་ལ་འཁོར་ཡོང༌།
མཛའ་མོ། ཁྱོད་ཉིད་ཆས་པའི་ཤུལ་ནས།
ཕྱིར་དྲན་གྱི་རི་མོ་ཐོད་ལ་བསྡུས།
མཛའ་མོ། ཁ་ཕྱོགས་མེད་པའི་ལམ་དུ།
གནག་སྣུམ་གྱི་སྐྲ་ལོ་རླུང་གིས་བསྐྱོད།
མཛའ་མོ། སྙིང་སྡུག་གི་མཛའ་མོ།
འཇོ་སྒེག་གི་ལང་ཚོ་རྒྱས་པའི་གཞོན་ནུ་མ།

སྙིང་སྡུག་གི་མཛའ་མོ། རི་ཆུ་སྟོང་གི་ཕ་རོལ་ཏུ་བཞུད་ཀྱང༌།
ཞི་དུལ་གྱི་གཤིས་ཀ མི་རྐྱང་འཁྱམས་པོའི་སེམས་གཏིང་ལ་འཁོར་ཡོང༌།
མཛའ་མོ། ང་རང་གཅིག་པུར་འགྲེངས་ནས།
གྱེས་བྲལ་གྱི་སྐྱོ་སྣང་དངན་པར་བསྟིམས།
མཛའ་མོ། ཡིད་སེམས་སྨྲེང་བས་བཟི་སྟེ།
སྨོན་འདུན་གྱི་རེ་བ་མཆི་མར་བསྐྱིལ།
མཛའ་མོ། སྙིང་སྡུག་གི་མཛའ་མོ།
ཞི་དུལ་གྱི་གཤིས་ཀ་འཛོམས་པའི་གཞོན་ནུ་མ།

སྙིང་སྡུག་གི་མཛའ་མོ། རི་ཆུ་སྟོང་གི་ཕ་རོལ་ཏུ་བཞུད་ཀྱང༌།
སྙན་འཇེབས་ཀྱི་སེམས་གཏམ། མི་རྐྱང་འཁྱམས་པོའི་རྣ་ལམ་ལ་འཁོར་ཡོང༌།
མཛའ་མོ། ལག་འཕྲིན་འགྲམ་པར་གླན་ནས།
དྲན་གདུང་གིས་མནར་བའི་སྡུག་ཡུས་བརྗོད།
མཛའ་མོ། མི་འགྱངས་འཕྲད་པའི་ཁ་གཡང༌།
སེམས་ཁོང་གི་གཏིང་ནས་ལྷོག་ལྷོག་འཕྱུར།
མཛའ་མོ། སྙིང་སྡུག་གི་མཛའ་མོ།
སྙན་འཇེབས་ཀྱི་སེམས་གཏམ་མོད་པའི་གཞོན་ནུ་མ།