Showing posts with label ནང་ཆོས།. Show all posts
Showing posts with label ནང་ཆོས།. Show all posts
Friday, December 9, 2011
Wednesday, June 15, 2011
ཆོས་ཉན་པའི་ཚུལ།
༡༽ ཆོས་ཉན་པ་ལ་དང་པོ་ཆོས་ཐོས་པའི་ཕན་ཡོན་བསམ་དགོས་པས་ཆོས་ཉན་པའི་ཕན་ཡོན་ནི།
རང་གིས་མི་ཤེས་པ་དེ་ནོར་འཁྲུལ་ཚང་མ་འབྱུང་ས་ཡིན་པར་ཐོས་པ་ལས་ཤེས་ཏེ། མི་ཤེས་པ་ལས་ལས་བཟང་ངན་འབྱུང་བ་དང་། མི་ཤེས་པ་དེ་མེད་པ་ཆགས་པ་ན་འཁོར་བ་ལས་ཐར་བ་སོགས་ཐོས་པ་ལས་ཤེས་པའི་ཕྱིར། དེ་ལྟར་ཤེས་པ་ལ་བརྟེན་ནས་སྡིག་པ་མ་བསགས་པ་དང་དགེ་བ་གྲུབ་སོགས་བྱེད་པ་འབྱུང་སྟེ། ཐོས་པའི་ཚོམས་ལས།
ཐོས་པས་ཆོས་རྣམས་ཤེས་པར་འགྱུར།།
ཐོས་པས་སྡིག་ལས་ལྡོག་པར་བྱེད།། ཅེས་གསུངས། དེ་བཞིན་དུ་སྐྱེ་རབས་སོ་གཅིག་པ་ལས་ཀྱང་། ཤེས་རབ་སྐྱེ་ཞིང་གཏི་མུག་མེད་པར་འགྱུར།།
རང་གི་ཤས་ཀྱང་དེ་ནི་ཉོ་བར་རིགས།། ཞེས་ཐོས་པ་ལ་བརྟེན་ནས་དཀོན་མཆོག་གི་ཡོན་ཏན་དང་བདེན་བཞིའི་གནས་ལུགས་སོགས་ཤེས་པ་སྟེ། ཐོས་པ་ལས་བླང་བྱ་དང་དོར་བྱ་གང་ཡིན་ལེགས་པར་ཤེས་པས་མི་ཤེས་པ་གཏི་མུག་བྱ་བའི་ཉོན་མོངས་མེད་པར་འགྱུར་བར་སོང་། རང་གི་ལུས་ཀྱི་ཤ་བཅད་ནས་གཞན་ལ་བཙོང་པས་ཀྱང་ཐོས་པ་ཉོ་བར་རིགས་པར་གསུངས་པ་དང་།
ཡང་ཐོས་པ་ནི། མི་ཤེས་པའི་མུན་པ་སེལ་བའི་སྒྲོན་མེ་དང་། རྐུ་མས་ཁྱེར་བར་མི་ནུས་པའི་ནོར་དང་། རྨོངས་པའི་དགྲ་འཇོམས་པའི་མཚན་ཆ་དང་། རང་ལ་ཕན་པ་སྒྲུབ་པའི་མན་ངག་སྟོན་པའི་ཆོས་གྲོགས་དང་། འགྱུར་བ་མེད་པའི་མཛའ་བོ་དང་། གནོད་པ་མེད་པའི་སྨན་དང་། དཔལ་དང་གྲགས་པའི་གཏེར་དང་། ཡ་རབས་རྣམས་ཐུག་དུས་སྐྱེས་ཀྱི་མཆོག་སྟེ་རྔན་པ་ཡག་ཤོས་ལྟ་བུ་ཡིན་པར་ཡང་གསུངས།
གཞན་ཡང་། ང་ཚོས་འཇིག་རྟེན་འདི་ན་དཀོན་པར་རྩིས་པའི་རྡོ་རྗེ་ཕ་ལམ་སོགས་རིན་པོ་ཆེ་གང་དག་ལས་ཀྱང་སངས་རྒྱས་ཀྱི་གསུང་རབ་ཐོས་པ་ནི་ཆེས་དཀོན་པ་ཡིན་ཏེ། སངས་རྒྱས་འབྱུང་བ་ཤིན་ཏུ་དཀོན་པས་དེའི་གསུང་རབ་དཀོན་པ་ཉིད་ཡིན་པའི་ཕྱིར། དེས་ན། ད་ལྟ་སངས་རྒྱས་བཅོམ་ལྡན་འདས་བྱོན་ནས་ལོ་ཉིས་སྟོང་ལྷག་ལས་སོང་མེད་དུས་འདིར་སངས་རྒྱས་ཀྱི་གསུང་ལ་ཐོས་པ་མ་བྱས་ན། དེའི་རྗེས་ཀྱི་སངས་རྒྱས་འབྱུང་བར་ལོ་གྲངས་བགྲངས་ལས་འདས་ཅིང་། དེའི་ཚེ་ཡང་སོ་སོ་རང་ཉིད་མི་ལུས་ཐོབ་པའི་འདེང་ཚོད་གང་ཡང་མེད་ལ། ཅི་སྟེ་མིར་སྐྱེ་བའི་དབང་དུ་བྱས་ཀྱང་སངས་རྒྱས་གང་ན་འབྱུང་བའི་ཡུལ་དེར་སྐྱེ་བར་མ་ངེས་པས་ད་ལྟ་ལྟ་བུའི་གོ་སྐབས་དེ་འདྲ་ཤིན་ཏུ་རྙེད་པར་དཀའ་བ་བསམ་མོ།།
༢ དེ་ལྟ་ཆོས་ཉན་པའི་ཕན་ཡོན་བསམ་པའི་རྗེས་ཆོས་དང་ཆོས་སྨྲ་བ་ལ་གུས་པ་ཇི་ལྟར་བྱ་བ་ནི།
དེ་ཡང་ཆོས་སྨྲ་བ་ལ་གུས་པའི་སྒོ་ནས་ཆོས་ཉན་པ་དགོས་ཀྱི། དེ་ལ་འཕྱ་ལེ་བྱེད་པ་སོགས་ཀྱིས་ཆོས་ཉན་མི་རུང་བ་ཡིན། དེ་བཞིན་དུ་ཆོས་ཉན་པའི་དུས་ཀྱང་ཆོས་སྟོན་པ་པོ་ཐུགས་བདེ་བ་དང་། བྲེལ་བ་མེད་པའི་དུས་སུ་ཉན་པ་དང་། ཆོས་སྟོན་པ་པོ་ལ་ཕྱག་འཚལ་བ་སོགས་ཀྱི་བཀུར་སྟི་བྱེད་པ་དང་། ཀླན་ཀ་མི་ཚོལ་བ་དང་། ཆོས་དེ་དེ་འདྲ་ཙམ་ཞིག་རེད་སྙམ་པ་དང་ཆོས་སྟོན་པ་པོ་དེར་ཧ་ལས་རྒྱུ་ཅང་མེད་ལྟ་བུ་ཁྱད་གསོད་མི་བྱེད་པ་དང་། དེ་བཞིན་དུ་ཆོས་སྟོན་པ་པོ་དེ་ཚུལ་ཁྲིམས་ཉམས་པ་དང་། རིགས་དམའ་བ་དང་། མདོག་ཉེས་པ་ཡིན་པས་བདག་གིས་དེ་ལས་མི་ཉན་ནོ་སྙམ་པ་དོར་བ་དགོས།
ས་ཡི་སྙིང་པོའི་མདོ་ལས།
གཅིག་ཏུ་དད་ཅིང་གུས་པས་ཆོས་མཉན་གྱི།།
དེ་ལ་འཕྱ་ཞིང་སྐུར་བར་མི་བྱའོ།། ཞེས་སོགས་དང་།
སྐྱེ་རབས་ལས་ཀྱང་།
ནད་པས་སྨན་པའི་ཚིག་ཉན་བཞིན།།
རིམ་གྲོ་བསྐྱེད་དེ་ཆོས་ཉན་ཅིག། ཞེས་གསུངས།
༣ དངོས་གཞི་ཆོས་ཇི་ལྟར་ཉན་པའི་ཚུལ་ནི།
སྤྱིར་ཆོས་ཉན་པ་ལ་འགལ་རྐྱེན་སྣོད་ཀྱི་སྐྱོན་གསུམ་དང་བྲལ་བ་དང་། མཐུན་རྐྱེན་འདུ་ཤེས་དྲུག་བསྟེན་པ་དགོས་པས། དང་པོ་སྣོད་ཀྱི་སྐྱོན་གསུམ་དང་བྲལ་བ་ནི།
༡ སོ་སོ་རང་ཉིད་ཆོས་ཉན་སར་བསྡད་ཀྱང་སྣོད་ཆས་ཁ་སྦུབ་པ་ནང་བཞིན་ཆོས་ཨམ་ཆོག་གིས་ཡག་པོ་མ་ཉན་པ་དེ་འདྲ་མི་བྱེད་པ་དང་།
༢ རང་ཉིད་ཀྱིས་ཡག་པོ་ཉན་ཀྱང་སྣོད་ཆས་བཙོག་པ་ནང་བཞིན་རང་ཉིད་མཁས་འདོད་དང་། ཆོས་དང་ཆོས་སྨྲ་བ་ལ་དགག་པ་སོགས་བྱེད་དགོས་སྙམ་པ་ལྟ་བུ་བསམ་བློ་ལ་སྐྱོན་ཞུགས་པ་དེ་འདྲ་མི་བྱེད་པ།
༣ གོང་གི་སྐྱོན་གཉིས་ཀ་མེད་ཀྱང་སྣོད་ཆས་རྐུབ་རྡོལ་བ་ནང་བཞིན་ཆོས་ཉན་ཚར་བ་དང་ཡང་ཡང་མ་བསམ་པར་སྣང་མེད་དུ་བརྗེད་དུ་འཇུག་པར་མི་བྱེད་པའོ།།
མཐུན་རྐྱེན་འདུ་ཤེས་དྲུག་ནི། (འདུ་ཤེས་ཟེར་ན་དེ་དེའོ་སྙམ་པའི་བསམ་བློ་ཡིན)
༡ རང་ཉིད་འདོད་ཆགས་དང་ཁོང་ཁྲོ་སོགས་ཉོན་མོངས་པས་དུས་རྟག་ཏུ་ན་བའི་ནད་པ་ཡིན་པའི་འདུ་ཤེས་བསྟེན་པ་དང་།
༢ རང་ཉིད་ཀྱི་ནད་གཞི་དྲག་པོ་དེ་སེལ་བར་བྱེད་མཁན་ཆོས་སྟོན་པ་པོ་ལ་སྨན་པའི་འདུ་ཤེས་བསྟེན་པ་དང་།
༣ ནད་དེ་དངོས་སུ་མེད་པ་བཟོ་བྱེད་དེས་སྟོན་པའི་ཆོས་ལ་སྨན་གྱི་འདུ་ཤེས་བསྟེན་པ་དང་།
༤ དེས་ཇི་ལྟར་བསྟན་པ་ཉམས་སུ་བླང་བ་ནད་གསོ་བར་བྱེད་པ་དང་འདྲ་བས་ནད་འཚོ་བའི་འདུ་ཤེས་བསྟེན་པ་དང་།
༥ དེ་བཞིན་གཤེགས་པ་སངས་རྒྱས་རྣམས་ལ་སྐྱེས་བུ་དམ་པའི་འདུ་ཤེས་བསྟེན་པ་དང་།
༦ ཆོས་འདི་ལྟ་བུ་ཉན་པ་ལ་བརྟེན་ནས་སངས་རྒྱས་ཀྱི་བསྟན་པ་རྒྱུན་རིང་དུ་གནས་ན་ཅི་མི་རུང་སྙམ་པའི་འདུ་ཤེས་བསྟེན་པ་དགོས་སོ།།
ལྷག་པར་ཆོས་ཉན་པའི་དུས་སུ་རང་གི་རྒྱུད་ལ་མ་སྦྱར་བར་སྔོན་འདས་པའི་དུས་ཀྱི་མི་ལ་ལ་ཞིག་གི་ལོ་རྒྱུས་ཉན་པ་ལྟ་བུ་མ་བྱས་པར། ཆོས་དེ་ཉིད་མེ་ལོང་གི་ཤེལ་རྐོ་འདྲ་པོར་བསམ་བློ་བཏང་ནས་རང་གི་སེམས་རྒྱུད་ཀྱི་སྐྱོན་དེ་ཚོ་ཆོས་ཀྱི་མེ་ལོང་ནང་ནས་མཐོང་བར་བྱས་ནས་རང་རྒྱུད་ཀྱི་ཉོན་མོངས་པའི་སྐྱོན་རྣམས་བསལ་དགོས་པ་ཡིན།
མདོར་ན། ཆོས་ཉན་པའི་ཚེ་ངས་ལྷ་དང་མི་བཅས་པའི་སེམས་ཅན་ཚང་མའི་ཆེད་དུ་སངས་རྒྱས་ཀྱི་གོ་འཕང་ཐོབ་པར་བྱེད་དགོས། དེ་ལྟར་བྱེད་པ་ལ་དེའི་ཐབས་ཤེས་ཀྱི་རྒྱུ་གང་ཡིན་ཧ་གོ་དགོས། དེ་ཧ་གོ་ལ་ཆོས་ཉན་དགོས་པ་ཡིན་ཙང་ཆོས་ལེགས་པར་ཉན་པར་བྱའོ་བསམས་ནས་ཆོས་ཉན་དགོས་པ་ཡིན།
ར་ས་བསྟན་ཕུན་དཔལ་གྱིས་སྤྱི་༢༠༡༡ ས་ག་ཟླ་བའི་ཚེས་༡༥ ཉིན་བྱེས་ཀྱི་འབྲས་སྤུངས་དགོན་གྱི་རང་ཤག་ནས་བྲིས།
Tuesday, March 8, 2011
འཇམ་དཔལ་གྱི་སྙིང་རྗེ་ལ་བསྟོད་པ།
འཕགས་པ་ཀླུ་སྒྲུབ་ཀྱིས་མཛད།
རྒྱ་གར་སྐད་དུ། ཨརྱ་མཉྫུ་ཤྲཱི་བྷ་ཊྚཱར་ཀ་ཀྵ་རུ་ན་སྟོ་ཏྲ། བོད་སྐད་དུ། རྗེ་བཙུན་འཕགས་པ་འཇམ་དཔལ་གྱི་སྙིང་རྗེ་ལ་བསྟོད་པ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ།།
ཉེས་པ་མ་ལུས་པ་རྣམས་རབ་གསལ་ཞིང་།།
ཐུབ་པའི་གྲགས་པས་འགྲོ་བ་མ་ལུས་ཁྱབ།།
དཔལ་ལྡན་རབ་ཏུ་བརྟན་པའི་སྐུ་མངའ་བ།།
དཔལ་ལྡན་ཁྱེད་ལ་རྟག་ཏུ་ཕྱག་འཚལ་ལོ།།
བོས་ཤིང་བོས་ཤིང་འགྲོ་བ་མ་ལུས་པ།།
ཕོངས་པ་འདི་དག་ཀུན་ལས་ཁྱེད་སྐྱོབ་མཛད།།
བདག་ནི་སྡུག་བསྔལ་གྱུར་ཀྱང་དམན་ཁྱེད་ཅེས།།
ཅི་ཡི་ཕྱིར་ན་ངེས་པར་སེལ་མི་མཛད།།
བཅོམ་ལྡན་ཁྱེད་ནི་རྟག་པར་ཐམས་ཅད་ལ།།
རྣམ་པ་ཀུན་ཏུ་ཐམས་ཅད་གསལ་གྲགས་ན།།
བདག་ལ་མཐོང་བ་ཙམ་ཡང་མི་སྩལ་བས།།
དེ་ཕྱིར་བདག་ནི་ཤིན་ཏུ་བསྐལ་དམན་ལགས།།
ཡོན་ཏན་ལྡན་ཞིང་ཉེས་པ་སེལ་མཛད་པ།།
བློ་བཟང་འགྲོ་ཀུན་སྐྱོབ་པར་བརྩོན་གྱུར་ན།།
བདག་བློ་ཁྱེད་ལ་མངོན་དུ་ཞེན་ན་ཡང་།།
ཕོངས་པས་གདུངས་པ་ཉིད་དུ་ཅི་ཕྱིར་འགྱུར།།
ཐུགས་རྗེ་བདག་ཉིད་ལྡན་པ་ཁྱེད་ཀྱི་ནི།།
པདྨ་ལྟ་བུ་དག་པའི་སྤྱན་གཉིས་ཀྱིས།།
འགྲོ་བར་ཕན་པར་མཛད་ཀྱང་བདག་སྡུག་པར།།
མ་གཟིགས་པ་ནི་ཀྱེ་མ་སྡུག་བསྔལ་ལོ།།
ཁྱེད་ཀྱིས་ཡིད་འཇགས་དབུགས་འབྱིན་མཛད་པ་ཡི།།
ཕྱག་གི་པདྨ་རིང་དུ་རྟག་རྐྱོང་ཡང་།།
སྐལ་ཉེས་པ་ཡི་ཚ་བས་དེ་ཡང་ནི།།
ཐག་རིང་དུ་ནི་མི་སྣང་ཉིད་དུ་འགྱུར།།
ཁྱེད་ཀྱི་སྙན་ནི་མི་ཉམས་གཙང་བ་དག།
གཉིས་ཀྱིས་ཀྱང་ནི་ལུས་ལ་སྡུག་བསྔལ་གྱིས།།
གཟིར་ཏེ་སྤྱན་སྔར་འོ་དོད་འབོད་གྱུར་ཀྱང་།།
བདག་གི་དམན་པ་ཅི་ཕྱིར་གསན་མ་གྱུར།།
རྣམ་པ་ཀུན་ཏུ་ཐུགས་རྗེས་དྲངས་ཁྱེད་ཀྱིས།།
དམྱལ་བར་སོང་བའི་འགྲོ་རིགས་བདེ་མཛད་ན།།
སྡིག་ཅན་བདག་ལ་བཅོམ་ལྡན་འདས་ཀྱིས་ནི།།
ཐུགས་རྗེ་དེ་ཡང་བརྩེ་བར་མི་མངའ་འགྱུར།།
འཇིག་རྟེན་དམན་ལ་ཕན་པར་མཛད་པ་ཡི།།
ཁྱེད་ལ་གཞོན་ནུའི་རལ་པ་འདི་མངའ་ན།།
གང་འདི་བདག་ནི་སྡུག་བསྔལ་གྱིས་གཟིར་ཀྱང་།།
བསྐྱབ་པར་མི་མཛད་སྡིག་ཅན་བསམ་པས་ཉེས།།
འདི་ན་སྡུག་བསྔལ་ཅན་ནི་གང་ཡིན་ཞེས།།
གླེན་གང་གང་གི་ཕུན་ཚོགས་ཟད་གྱུར་ཅེས།།
དེ་ལྟར་རྣམ་པར་རྒྱུ་ཞིང་སྐྱོབ་མཛད་ཀྱང་།།
བདག་ཕོངས་མ་གཟིགས་ཀྱེ་མ་ངོ་མཚར་ཆེ།།
གང་ཞིག་ལ་ནི་ཚིག་སྦྱིན་གང་ཞིག་ལ།།
འཕྲལ་དུ་ཕུན་ཚོགས་རྒྱུ་ཆེན་སྦྱིན་བྱ་ཞིང་།།
དེ་ལྟར་བརྩོན་པ་ཁྱེད་ཀྱི་མཁྱེན་རབ་ཀྱིས།།
ཅི་ཡི་ཕྱིར་ན་བདག་ལ་སྐྱོབ་མི་མཛད།།
ཁྱེད་ལ་དད་པར་གྱུར་པ་སུ་མི་བདེ།།
ཁྱེད་དང་བསོད་ནམས་དམན་པ་ཞིག་མ་མཆིས།།
བདག་ནི་ཁྱེད་ལ་དད་ཀྱང་སྡུག་བསྔལ་བར།།
ཅི་ཕྱིར་གྱུར་ཅེས་ངོ་མཚར་རྣམ་པར་འཁྲུངས།།
སྡུག་བསྔལ་གཅོད་མཛད་སྨན་པ་ཆེན་པོ་ནི།།
གང་དེ་ཁྱེད་ཀྱང་བདག་ལ་སྤོང་མཛད་ན།།
བསོད་ནམས་བཅོམ་པ་བདག་གིས་གཞན་སུ་ལ།།
སྐྱབས་སུ་མཆི་བར་བགྱི་བ་ཁྱེད་ཀྱིས་གསུངས།།
འགྲོ་ལ་རྟག་ཏུ་བུ་གཅིག་འདྲ་བ་ཡི།།
བརྩེ་བའི་ཐུགས་ནི་མངའ་བཞིན་སྒྲོལ་སྤྱོད་པ།།
ཁྱེད་ཀྱང་གལ་ཏེ་བདག་གནོད་མི་སེལ་ན།།
དེ་ཚེ་བདག་ནི་མགོན་མེད་བཅོམ་པ་ལགས།།
བཅོམ་ལྡན་ཁྱེད་ནི་དྲན་པ་ཙམ་གྱིས་ནི།།
འགྲོ་ལ་འབྲས་བུ་མཉམ་མེད་ཀུན་སྩོལ་ན།།
བདག་ནི་བསྙེན་བཀུར་བགྱིད་ཀྱང་བདག་གི་ཕྱོགས།།
རྣམ་པ་ཀུན་དུ་ཕྱི་བཤོལ་ཅི་ཕྱིར་མཛད།།
དེ་ལྟར་སྨྲེ་གསོལ་བ་ཡིས་ཁྱོད་ཡོན་ཏན།།
ཆ་ཙམ་བརྗོད་ལས་བདག་གིས་དགེ་བསགས་པ།།
གང་ཡིན་དེས་ནི་འགྲོ་ལ་བསོད་ནམས་དག།།
རྒྱ་ཆར་རང་བཞིན་གྲུབ་པའི་བུམ་པ་བཟང་།།
ཡིད་བཞིན་ནོར་བུ་ལྟ་བུ་གཟུགས་སྐུ་ཡི།།
ཞབས་གཉིས་རྒྱུ་བའི་དཔག་བསམ་འདྲ་བ་ཡི།།
ཁྱེད་ཀྱི་གཞོན་ནུའི་ལུས་སུ་བདག་གྱུར་ཅིང་།།
སྐྱེ་བོ་ཀུན་ཏུ་བདག་པོ་ཉིད་གྱུར་ཅིག།།
རྗེ་བཙུན་འཕགས་པ་འཇམ་དཔལ་གྱི་སྙིང་རྗེ་ལ་བསྟོད་པ་སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པ་རྫོགས་སོ།།
རྒྱ་གར་སྐད་དུ། ཨརྱ་མཉྫུ་ཤྲཱི་བྷ་ཊྚཱར་ཀ་ཀྵ་རུ་ན་སྟོ་ཏྲ། བོད་སྐད་དུ། རྗེ་བཙུན་འཕགས་པ་འཇམ་དཔལ་གྱི་སྙིང་རྗེ་ལ་བསྟོད་པ། འཇམ་དཔལ་གཞོན་ནུར་གྱུར་པ་ལ་ཕྱག་འཚལ་ལོ།།ཉེས་པ་མ་ལུས་པ་རྣམས་རབ་གསལ་ཞིང་།།
ཐུབ་པའི་གྲགས་པས་འགྲོ་བ་མ་ལུས་ཁྱབ།།
དཔལ་ལྡན་རབ་ཏུ་བརྟན་པའི་སྐུ་མངའ་བ།།
དཔལ་ལྡན་ཁྱེད་ལ་རྟག་ཏུ་ཕྱག་འཚལ་ལོ།།
བོས་ཤིང་བོས་ཤིང་འགྲོ་བ་མ་ལུས་པ།།
ཕོངས་པ་འདི་དག་ཀུན་ལས་ཁྱེད་སྐྱོབ་མཛད།།
བདག་ནི་སྡུག་བསྔལ་གྱུར་ཀྱང་དམན་ཁྱེད་ཅེས།།
ཅི་ཡི་ཕྱིར་ན་ངེས་པར་སེལ་མི་མཛད།།
བཅོམ་ལྡན་ཁྱེད་ནི་རྟག་པར་ཐམས་ཅད་ལ།།
རྣམ་པ་ཀུན་ཏུ་ཐམས་ཅད་གསལ་གྲགས་ན།།
བདག་ལ་མཐོང་བ་ཙམ་ཡང་མི་སྩལ་བས།།
དེ་ཕྱིར་བདག་ནི་ཤིན་ཏུ་བསྐལ་དམན་ལགས།།
ཡོན་ཏན་ལྡན་ཞིང་ཉེས་པ་སེལ་མཛད་པ།།
བློ་བཟང་འགྲོ་ཀུན་སྐྱོབ་པར་བརྩོན་གྱུར་ན།།
བདག་བློ་ཁྱེད་ལ་མངོན་དུ་ཞེན་ན་ཡང་།།
ཕོངས་པས་གདུངས་པ་ཉིད་དུ་ཅི་ཕྱིར་འགྱུར།།
ཐུགས་རྗེ་བདག་ཉིད་ལྡན་པ་ཁྱེད་ཀྱི་ནི།།
པདྨ་ལྟ་བུ་དག་པའི་སྤྱན་གཉིས་ཀྱིས།།
འགྲོ་བར་ཕན་པར་མཛད་ཀྱང་བདག་སྡུག་པར།།
མ་གཟིགས་པ་ནི་ཀྱེ་མ་སྡུག་བསྔལ་ལོ།།
ཁྱེད་ཀྱིས་ཡིད་འཇགས་དབུགས་འབྱིན་མཛད་པ་ཡི།།
ཕྱག་གི་པདྨ་རིང་དུ་རྟག་རྐྱོང་ཡང་།།
སྐལ་ཉེས་པ་ཡི་ཚ་བས་དེ་ཡང་ནི།།
ཐག་རིང་དུ་ནི་མི་སྣང་ཉིད་དུ་འགྱུར།།
ཁྱེད་ཀྱི་སྙན་ནི་མི་ཉམས་གཙང་བ་དག།
གཉིས་ཀྱིས་ཀྱང་ནི་ལུས་ལ་སྡུག་བསྔལ་གྱིས།།
གཟིར་ཏེ་སྤྱན་སྔར་འོ་དོད་འབོད་གྱུར་ཀྱང་།།
བདག་གི་དམན་པ་ཅི་ཕྱིར་གསན་མ་གྱུར།།
རྣམ་པ་ཀུན་ཏུ་ཐུགས་རྗེས་དྲངས་ཁྱེད་ཀྱིས།།
དམྱལ་བར་སོང་བའི་འགྲོ་རིགས་བདེ་མཛད་ན།།
སྡིག་ཅན་བདག་ལ་བཅོམ་ལྡན་འདས་ཀྱིས་ནི།།
ཐུགས་རྗེ་དེ་ཡང་བརྩེ་བར་མི་མངའ་འགྱུར།།
འཇིག་རྟེན་དམན་ལ་ཕན་པར་མཛད་པ་ཡི།།
ཁྱེད་ལ་གཞོན་ནུའི་རལ་པ་འདི་མངའ་ན།།
གང་འདི་བདག་ནི་སྡུག་བསྔལ་གྱིས་གཟིར་ཀྱང་།།
བསྐྱབ་པར་མི་མཛད་སྡིག་ཅན་བསམ་པས་ཉེས།།
འདི་ན་སྡུག་བསྔལ་ཅན་ནི་གང་ཡིན་ཞེས།།
གླེན་གང་གང་གི་ཕུན་ཚོགས་ཟད་གྱུར་ཅེས།།
དེ་ལྟར་རྣམ་པར་རྒྱུ་ཞིང་སྐྱོབ་མཛད་ཀྱང་།།
བདག་ཕོངས་མ་གཟིགས་ཀྱེ་མ་ངོ་མཚར་ཆེ།།
གང་ཞིག་ལ་ནི་ཚིག་སྦྱིན་གང་ཞིག་ལ།།
འཕྲལ་དུ་ཕུན་ཚོགས་རྒྱུ་ཆེན་སྦྱིན་བྱ་ཞིང་།།
དེ་ལྟར་བརྩོན་པ་ཁྱེད་ཀྱི་མཁྱེན་རབ་ཀྱིས།།
ཅི་ཡི་ཕྱིར་ན་བདག་ལ་སྐྱོབ་མི་མཛད།།
ཁྱེད་ལ་དད་པར་གྱུར་པ་སུ་མི་བདེ།།
ཁྱེད་དང་བསོད་ནམས་དམན་པ་ཞིག་མ་མཆིས།།
བདག་ནི་ཁྱེད་ལ་དད་ཀྱང་སྡུག་བསྔལ་བར།།
ཅི་ཕྱིར་གྱུར་ཅེས་ངོ་མཚར་རྣམ་པར་འཁྲུངས།།
སྡུག་བསྔལ་གཅོད་མཛད་སྨན་པ་ཆེན་པོ་ནི།།
གང་དེ་ཁྱེད་ཀྱང་བདག་ལ་སྤོང་མཛད་ན།།
བསོད་ནམས་བཅོམ་པ་བདག་གིས་གཞན་སུ་ལ།།
སྐྱབས་སུ་མཆི་བར་བགྱི་བ་ཁྱེད་ཀྱིས་གསུངས།།
འགྲོ་ལ་རྟག་ཏུ་བུ་གཅིག་འདྲ་བ་ཡི།།
བརྩེ་བའི་ཐུགས་ནི་མངའ་བཞིན་སྒྲོལ་སྤྱོད་པ།།
ཁྱེད་ཀྱང་གལ་ཏེ་བདག་གནོད་མི་སེལ་ན།།
དེ་ཚེ་བདག་ནི་མགོན་མེད་བཅོམ་པ་ལགས།།
བཅོམ་ལྡན་ཁྱེད་ནི་དྲན་པ་ཙམ་གྱིས་ནི།།
འགྲོ་ལ་འབྲས་བུ་མཉམ་མེད་ཀུན་སྩོལ་ན།།
བདག་ནི་བསྙེན་བཀུར་བགྱིད་ཀྱང་བདག་གི་ཕྱོགས།།
རྣམ་པ་ཀུན་དུ་ཕྱི་བཤོལ་ཅི་ཕྱིར་མཛད།།
དེ་ལྟར་སྨྲེ་གསོལ་བ་ཡིས་ཁྱོད་ཡོན་ཏན།།
ཆ་ཙམ་བརྗོད་ལས་བདག་གིས་དགེ་བསགས་པ།།
གང་ཡིན་དེས་ནི་འགྲོ་ལ་བསོད་ནམས་དག།།
རྒྱ་ཆར་རང་བཞིན་གྲུབ་པའི་བུམ་པ་བཟང་།།
ཡིད་བཞིན་ནོར་བུ་ལྟ་བུ་གཟུགས་སྐུ་ཡི།།
ཞབས་གཉིས་རྒྱུ་བའི་དཔག་བསམ་འདྲ་བ་ཡི།།
ཁྱེད་ཀྱི་གཞོན་ནུའི་ལུས་སུ་བདག་གྱུར་ཅིང་།།
སྐྱེ་བོ་ཀུན་ཏུ་བདག་པོ་ཉིད་གྱུར་ཅིག།།
རྗེ་བཙུན་འཕགས་པ་འཇམ་དཔལ་གྱི་སྙིང་རྗེ་ལ་བསྟོད་པ་སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པ་རྫོགས་སོ།།
Monday, February 14, 2011
དཔལ་ལྡན་བླ་མ་དམ་པ་ལ་བསྟོད་པའི་ཚིགས་སུ་བཅད་པ་ཚངས་པའི་དབྱངས།
མཁས་གྲུབ་དགེ་ལེགས་དཔལ་བཟང་པོས་མཛད།
རྗེ་བཙུན་བླ་མ་འཇམ་པའི་དབྱངས་ཀྱི་ཞབས་ཕྱག་འཚལ་ལོ།།
དཔལ་ལྡན་ཡོན་ཏན་ཚོགས་ཀྱི་བྱེད་པོ་ཡིས།།
མི་འཇིགས་སེང་གེའི་ཁྲི་ལ་དབང་བསྐུར་བ།།
རྒྱལ་བ་གཉིས་པའི་རྒྱལ་ཚབ་ཆོས་ཀྱི་རྗེ།།
མི་ཕམ་བླ་མ་གཉིས་པ་རྒྱལ་གྱུར་ཅིག །
ཁྱོད་ནི་རྣམ་དཔྱོད་ལུས་མཛེས་ཤིང༌། །
དར་དིར་ལེགས་བཤད་མགྲིན་པ་དབྱངས། །
མ་ལུས་མཁས་པའི་ཡིད་འཕྲོག་པ། །
རིན་ཆེན་རིགས་པའི་དོ་ཤལ་འཕྱང༌། །
མཁས་པ་ཀུན་གྱི་ཟུར་ཕུད་ལ། །
བཀའ་ཡིས་རྩེ་དགའ་བགྱིས་པ་ཁྱོད། །
དཔལ་ལྡན་ཕྱོགས་རྣམས་ཐམས་ཅད་ལས། །
རྣམ་པར་རྒྱལ་བའི་རྒྱལ་མཚན་འཛིན། །
རིགས་པའི་ཉིན་བྱེད་ཁྱོད་དྲིན་ལས། །
གངས་ཅན་བློ་གསལ་བུང་བའི་ཚོགས།།
མཐའ་དག་བསྟན་པའི་པད་ཚལ་དུ།།
གསུང་རབ་སྦྲང་རྩིའི་དགའ་སྟོན་མྱོང༌། །
ད་ལྟ་ཐུབ་པའི་གཞུང་ལུགས་ལ། །
ལོག་པར་འཁུ་བ་རྣམས་ཀྱི་སྙིང༌། །
ཁྱོད་གསུང་རིགས་པའི་རི་བོ་ནི། །
ཤིན་ཏུ་ལྩི་བས་ཅི་ཡང་ནོན། །
བརྩོན་པ་དམ་པའི་དཔུང་གི་ཚོགས། །
ཡན་ལག་བཞི་དང་ལྡན་པ་ཁྱོད། །
ལེ་ལོའི་དགྲ་སྡེ་དྲུངས་ཕྱུངས་ནས། །
ཉམས་པ་མེད་པའི་གོ་འཕང་འཛིན། །
དེ་ཕྱིར་ཆོས་ཚུལ་ཆུ་བོའི་རྒྱུན། །
བྱེ་བ་ཕྲག་བརྒྱ་ཉིན་བཞིན་དུ། །
རྒྱུན་མི་འཆད་པར་འབབ་པ་ལས། །
ཁྱོད་ཐུགས་ཆུ་གཏེར་རྣམ་པར་འཕེལ། །
ཁྱོད་ནི་དམ་པའི་མགོན་གྱིས་བཟུང༌། །
རྒྱལ་བའི་ཐུགས་བཅུད་བདུད་རྩིའི་རྒྱུན། །
ཞལ་གྱི་བུམ་བཟང་ལས་འོངས་པ། །
དད་པའི་སྙིམ་པས་རྫོགས་པར་གསོལ། །
དེ་སླད་ཆོས་ཀུན་ཐུགས་སུ་ཆུད། །
རང་གཞན་གྲུབ་མཐའི་ཕ་རོལ་སོན། །
སྨྲ་མཁས་རི་དྭགས་ཚོགས་རྣམས་ཀྱི། །
དབུས་སུ་སེང་གེའི་སྒྲ་ཡང་བསྒྲགས། །
སྟོང་ཉིད་སྡེར་ཕྲེང་ཆེར་གཡོ་བ། །
རྟེན་འབྲེལ་ཟབ་མོའི་ང་རོ་ཡིས། །
དངོས་འཛིན་གླང་ཆེན་མྱོས་པ་དག །
སྙིང་ལ་འཆི་བའི་འཇིགས་པ་བྱིན། །
བདེན་གསུང་བདེན་པར་གསུང་བ་གང༌། །
དེ་ཡང་བཅད་བརྡར་བསྲེགས་པ་ཡི། །
གསེར་བཞིན་ཚད་མས་ལེགས་སྦྱངས་པའི། །
གསུང་ལ་སུ་ཞིག་གླགས་སློང་འགྱུར། །
དེ་ཕྱིར་རྟོག་གེ་རྣོ་ལྡན་པ། །
ལེགས་སྦྱངས་རྒོལ་བ་སྟོང་དག་ནི། །
ཁྱོད་དྲུང་ལྕེ་རྩེ་མགྲིན་པ་ན། །
སྙིང་དང་ལྷན་ཅིག་འདར་བ་བསྟེན། །
ལེགས་བཤད་འོད་དཀར་རབ་རྒྱས་ཤིང༌། །
ལྷག་བསམ་ཆ་ཤས་ཡོངས་རྫོགས་པ། །
གྱ་གྱུའི་རི་བོང་མཚན་མ་དང༌། །
བྲལ་བའི་ཟླ་བ་ཁྱོད་ཤར་ཚེ། །
ལོག་སྨྲ་འབྱུང་པོའི་བྱ་ཡི་ཚོགས། །
མཚན་མོ་རྒྱུ་བའང་མཚན་མོ་ནི། །
ལོང་བས་སྡུག་བསྔལ་ཐོབ་པ་དག །
མུན་པའི་ཁུང་བུ་སྐྱབས་སུ་འཛིན། །
ཁྱོད་ནི་དབྱངས་ཅན་མགྲིན་པར་བྱས། །
ལེགས་བཤད་བདུད་རྩི་ཞལ་ལ་ཆགས། །
ཕ་རོལ་རྒོལ་བ་མ་ལུས་ཀྱི། །
ཁ་ལ་སྨྲ་བཅད་རྒྱ་ཡང་བྱིན། །
མཁས་པ་གསེར་རིའི་ཕྲེང་བ་ནི། །
གཟི་བརྗིད་རབ་རྒྱས་ཉི་མ་ཡི། །
དྲུང་ན་མར་མེའི་རྩེ་མོ་དང༌། །
མཚུངས་པའི་གནས་ལ་ཁྱོད་ཀྱིས་བཀོད། །
རྟག་ཏུ་ལེགས་བཤད་ཚོགས་ཀྱིས་གང༌། །
དུལ་བའི་དཔལ་གྱིས་རྣམ་པར་ བརྗིད། །
རིགས་པའི་སྣང་བ་བྱེ་བས་བརྒྱན། །
བསྟན་པ་འབའ་ཞིག་གཅེས་པར་དགོངས། །
དེ་ཕྱིར་ཕན་བདེའི་རྩ་ལག་མཆོག །
བློ་ལྡན་ཐར་ལམ་སྟོན་པའི་མིག །
འགྲོ་བའི་མཛའ་བཤེས་དམ་པའི་ཕུལ། །
ཁྱོད་ལྟའི་མགོན་བཅས་སྐལ་བ་བཟང༌། །
བག་ཡོད་ཆ་ལོན་བརྟན་པོ་ཡིས། །
ཉེས་པའི་ཆུ་ཀླུང་རྒྱུན་བཅད་ནས། །
བརྟུལ་ཞུགས་རྫོགས་པའི་དྲང་སྲོང་མཆོག །
ཀུན་གྱི་རལ་བའི་ཅོད་པན་འཛིན། །
རང་གི་དོན་དུ་འཆི་མེད་ཀྱི། །
བདེ་བའང་རྩྭ་ལྟར་དགོངས་པ་ཁྱོད། །
ཐུགས་རྗེ་ཁོ་ནས་གཞན་དོན་ཕྱིར། །
དཀའ་བ་བརྒྱ་ཕྲག་དག་གིས་དགྱེས། །
རི་རབ་ལྟ་བུར་བརྟན་པའི་ཐུགས། །
བྱམས་པའི་རླུང་ཤུགས་ཀྱིས་བསྐྱོད་པས། །
ཤིང་བལ་བཞིན་དུ་སྲིད་པ་འདིར། །
འགྲོ་བའི་དོན་དུ་གཡོ་བ་ལགས། །
རིམ་གཉིས་ནོར་བུའི་ཅོད་པན་གྱིས། །
བསླབ་གསུམ་གདེངས་ཀ་རབ་ཏུ་མཛེས། །
ཟབ་ཡངས་རྒྱུད་སྡེའི་རྒྱ་མཚོ་ལ། །
དབང་བསྒྱུར་གདེངས་ཅན་དབང་པོ་ཁྱོད། །
ཏིང་འཛིན་མཆོག་གི་བདེ་བ་ལ། །
འདོད་དགུར་སྤྱོད་པའི་མཐུ་ལྡན་ཡང༌། །
འགྲོ་བའི་མུན་སེལ་ངལ་བ་ལ། །
ལྷག་པར་གཞོལ་འདི་རྨད་དུ་བྱུང༌། །
མདོར་ན་ཡབ་རྗེ་དམ་པའི་བཀའ། །
རྒྱལ་བའི་རིང་ལུགས་ཡོངས་རྫོགས་པ། །
ཉམས་པ་མེད་པའི་བཀའ་དྲིན་མཛད། །
ཕན་མཛད་ཁྱོད་ལ་ཕྱག་འཚལ་ལོ། །
སྐྱེ་བོ་ཡོན་ཏན་མེད་ལ་ཡང༌། །
ཡོན་ཏན་ལྷག་པར་སྒྲོ་བཏགས་ནས། །
གཅམ་བུ་ཁོ་ནའི་ངག་གིས་ནི། །
མགུ་བ་ལྷུར་ལེན་ཚིག་ཏུ་སྨྲ། །
ཁྱོད་ཀྱི་ཡོན་ཏན་ཆུ་གཏེར་ལས། །
སྐྲ་རྩེས་བཟུང་བའི་ཐིགས་པ་ལྟར། །
བསྔགས་པའི་འདབ་བརྒྱ་དགོད་པ་འདི། །
ཚད་མའི་ཉིན་བྱེད་འོད་ཀྱིས་ཕྱེ། །
དེ་ལྟར་དགེ་བའི་བཤེས་ཀྱི་ཡོན་ཏན་གྱི། །
མེ་ཏོག་ཕྲེང་མཛེས་ཅུང་ཟད་སྤེལ་བ་ལས། །
ཐོབ་པའི་དགེ་བས་འགྲོ་མ་ལུས་པ། །
ཐེག་པ་མཆོག་གི་མགོན་དང་ལྡན་གྱུང་ཅིག །
རབ་བྱེད་འདི་ཡང་གངས་རིའི་ཁྲོད་འདི་ན། །
སྙན་དངགས་དབང་པོ་ཀུན་གྱི་མགོ་བོ་ལ། །
ཚིག་གི་གོམ་པ་འགོད་མཁས་དགེ་ལེགས་དཔལ། །
བཟང་པོས་ཚིག་གི་སྦྱོར་བ་སྤངས་ཏེ་སྨྲས། །
དཔལ་ལྡན་མཁས་པ་མ་ལུས་པའི་ཅོད་པན་འཛིན་པའི་ཞབས་ཀྱི་པདྨོས་ས་ཆེན་པོ་ལ་དབུགས་འབྱིན་པར་མཛད་པ་དེ་ཉིད་ལ་ཡོན་ཏན་རབ་ཏུ་བསྔགས་པའི་ཚིགས་སུ་བཅད་པ་ཚངས་པའི་དབྱངས་ཞེས་བྱ་བ་འདི་ནི། མགོན་པོ་དེའི་བཀའ་དྲིན་གྱིས་ཉེ་བར་འཚོ་བ། སྡེ་སྣོད་རིན་པོ་ཆེའི་ནོར་གྱིས་བློ་གྲོས་ཀྱི་བང་མཛོད་རབ་ཏུ་ཁེངས་པ་འཛིན་པ་དུ་མས། ཚིག་གི་སྦྱོར་བའི་འཆིང་བ་དང་མི་ལྡན་པའི་གོ་བདེ་བར་རྗོད་ཅིག་ཅེས་ཉེ་བར་བསྐུལ་ནས་གསོལ་བ་འདེབས་པའི་རྐྱེན་གྱིས་མཚམས་སྦྱར་བའི་བྱེད་པ་ལས། རིགས་པའི་གནས་ཀྱི་འབྱོར་བ་དམ་པའི་དཔལ་ལ་འདོད་དགུར་སྤྱོད་པའི་སྐལ་བ་མཆོག་དང་ལྡན་པའི་བཙུན་པ་དགེ་ལེགས་ཀྱིས་སྤྲོ་བ་ལྷུར་ལེན་པའི་མགྲིན་པ་ཅུང་ཟད་གཟེངས་བསྟོད་དེ་སྨྲས་པའོ། ། ། །
རྗེ་བཙུན་བླ་མ་འཇམ་པའི་དབྱངས་ཀྱི་ཞབས་ཕྱག་འཚལ་ལོ།།
དཔལ་ལྡན་ཡོན་ཏན་ཚོགས་ཀྱི་བྱེད་པོ་ཡིས།།
མི་འཇིགས་སེང་གེའི་ཁྲི་ལ་དབང་བསྐུར་བ།།
རྒྱལ་བ་གཉིས་པའི་རྒྱལ་ཚབ་ཆོས་ཀྱི་རྗེ།།
མི་ཕམ་བླ་མ་གཉིས་པ་རྒྱལ་གྱུར་ཅིག །
ཁྱོད་ནི་རྣམ་དཔྱོད་ལུས་མཛེས་ཤིང༌། །
དར་དིར་ལེགས་བཤད་མགྲིན་པ་དབྱངས། །
མ་ལུས་མཁས་པའི་ཡིད་འཕྲོག་པ། །
རིན་ཆེན་རིགས་པའི་དོ་ཤལ་འཕྱང༌། །
མཁས་པ་ཀུན་གྱི་ཟུར་ཕུད་ལ། །
བཀའ་ཡིས་རྩེ་དགའ་བགྱིས་པ་ཁྱོད། །
དཔལ་ལྡན་ཕྱོགས་རྣམས་ཐམས་ཅད་ལས། །
རྣམ་པར་རྒྱལ་བའི་རྒྱལ་མཚན་འཛིན། །
རིགས་པའི་ཉིན་བྱེད་ཁྱོད་དྲིན་ལས། །
གངས་ཅན་བློ་གསལ་བུང་བའི་ཚོགས།།
མཐའ་དག་བསྟན་པའི་པད་ཚལ་དུ།།
གསུང་རབ་སྦྲང་རྩིའི་དགའ་སྟོན་མྱོང༌། །
ད་ལྟ་ཐུབ་པའི་གཞུང་ལུགས་ལ། །
ལོག་པར་འཁུ་བ་རྣམས་ཀྱི་སྙིང༌། །
ཁྱོད་གསུང་རིགས་པའི་རི་བོ་ནི། །
ཤིན་ཏུ་ལྩི་བས་ཅི་ཡང་ནོན། །
བརྩོན་པ་དམ་པའི་དཔུང་གི་ཚོགས། །
ཡན་ལག་བཞི་དང་ལྡན་པ་ཁྱོད། །
ལེ་ལོའི་དགྲ་སྡེ་དྲུངས་ཕྱུངས་ནས། །
ཉམས་པ་མེད་པའི་གོ་འཕང་འཛིན། །
དེ་ཕྱིར་ཆོས་ཚུལ་ཆུ་བོའི་རྒྱུན། །
བྱེ་བ་ཕྲག་བརྒྱ་ཉིན་བཞིན་དུ། །
རྒྱུན་མི་འཆད་པར་འབབ་པ་ལས། །
ཁྱོད་ཐུགས་ཆུ་གཏེར་རྣམ་པར་འཕེལ། །
ཁྱོད་ནི་དམ་པའི་མགོན་གྱིས་བཟུང༌། །
རྒྱལ་བའི་ཐུགས་བཅུད་བདུད་རྩིའི་རྒྱུན། །
ཞལ་གྱི་བུམ་བཟང་ལས་འོངས་པ། །
དད་པའི་སྙིམ་པས་རྫོགས་པར་གསོལ། །
དེ་སླད་ཆོས་ཀུན་ཐུགས་སུ་ཆུད། །
རང་གཞན་གྲུབ་མཐའི་ཕ་རོལ་སོན། །
སྨྲ་མཁས་རི་དྭགས་ཚོགས་རྣམས་ཀྱི། །
དབུས་སུ་སེང་གེའི་སྒྲ་ཡང་བསྒྲགས། །
སྟོང་ཉིད་སྡེར་ཕྲེང་ཆེར་གཡོ་བ། །
རྟེན་འབྲེལ་ཟབ་མོའི་ང་རོ་ཡིས། །
དངོས་འཛིན་གླང་ཆེན་མྱོས་པ་དག །
སྙིང་ལ་འཆི་བའི་འཇིགས་པ་བྱིན། །
བདེན་གསུང་བདེན་པར་གསུང་བ་གང༌། །
དེ་ཡང་བཅད་བརྡར་བསྲེགས་པ་ཡི། །
གསེར་བཞིན་ཚད་མས་ལེགས་སྦྱངས་པའི། །
གསུང་ལ་སུ་ཞིག་གླགས་སློང་འགྱུར། །
དེ་ཕྱིར་རྟོག་གེ་རྣོ་ལྡན་པ། །
ལེགས་སྦྱངས་རྒོལ་བ་སྟོང་དག་ནི། །
ཁྱོད་དྲུང་ལྕེ་རྩེ་མགྲིན་པ་ན། །
སྙིང་དང་ལྷན་ཅིག་འདར་བ་བསྟེན། །
ལེགས་བཤད་འོད་དཀར་རབ་རྒྱས་ཤིང༌། །
ལྷག་བསམ་ཆ་ཤས་ཡོངས་རྫོགས་པ། །
གྱ་གྱུའི་རི་བོང་མཚན་མ་དང༌། །
བྲལ་བའི་ཟླ་བ་ཁྱོད་ཤར་ཚེ། །
ལོག་སྨྲ་འབྱུང་པོའི་བྱ་ཡི་ཚོགས། །
མཚན་མོ་རྒྱུ་བའང་མཚན་མོ་ནི། །
ལོང་བས་སྡུག་བསྔལ་ཐོབ་པ་དག །
མུན་པའི་ཁུང་བུ་སྐྱབས་སུ་འཛིན། །
ཁྱོད་ནི་དབྱངས་ཅན་མགྲིན་པར་བྱས། །
ལེགས་བཤད་བདུད་རྩི་ཞལ་ལ་ཆགས། །
ཕ་རོལ་རྒོལ་བ་མ་ལུས་ཀྱི། །
ཁ་ལ་སྨྲ་བཅད་རྒྱ་ཡང་བྱིན། །
མཁས་པ་གསེར་རིའི་ཕྲེང་བ་ནི། །
གཟི་བརྗིད་རབ་རྒྱས་ཉི་མ་ཡི། །
དྲུང་ན་མར་མེའི་རྩེ་མོ་དང༌། །
མཚུངས་པའི་གནས་ལ་ཁྱོད་ཀྱིས་བཀོད། །
རྟག་ཏུ་ལེགས་བཤད་ཚོགས་ཀྱིས་གང༌། །
དུལ་བའི་དཔལ་གྱིས་རྣམ་པར་ བརྗིད། །
རིགས་པའི་སྣང་བ་བྱེ་བས་བརྒྱན། །
བསྟན་པ་འབའ་ཞིག་གཅེས་པར་དགོངས། །
དེ་ཕྱིར་ཕན་བདེའི་རྩ་ལག་མཆོག །
བློ་ལྡན་ཐར་ལམ་སྟོན་པའི་མིག །
འགྲོ་བའི་མཛའ་བཤེས་དམ་པའི་ཕུལ། །
ཁྱོད་ལྟའི་མགོན་བཅས་སྐལ་བ་བཟང༌། །
བག་ཡོད་ཆ་ལོན་བརྟན་པོ་ཡིས། །
ཉེས་པའི་ཆུ་ཀླུང་རྒྱུན་བཅད་ནས། །
བརྟུལ་ཞུགས་རྫོགས་པའི་དྲང་སྲོང་མཆོག །
ཀུན་གྱི་རལ་བའི་ཅོད་པན་འཛིན། །
རང་གི་དོན་དུ་འཆི་མེད་ཀྱི། །
བདེ་བའང་རྩྭ་ལྟར་དགོངས་པ་ཁྱོད། །
ཐུགས་རྗེ་ཁོ་ནས་གཞན་དོན་ཕྱིར། །
དཀའ་བ་བརྒྱ་ཕྲག་དག་གིས་དགྱེས། །
རི་རབ་ལྟ་བུར་བརྟན་པའི་ཐུགས། །
བྱམས་པའི་རླུང་ཤུགས་ཀྱིས་བསྐྱོད་པས། །
ཤིང་བལ་བཞིན་དུ་སྲིད་པ་འདིར། །
འགྲོ་བའི་དོན་དུ་གཡོ་བ་ལགས། །
རིམ་གཉིས་ནོར་བུའི་ཅོད་པན་གྱིས། །
བསླབ་གསུམ་གདེངས་ཀ་རབ་ཏུ་མཛེས། །
ཟབ་ཡངས་རྒྱུད་སྡེའི་རྒྱ་མཚོ་ལ། །
དབང་བསྒྱུར་གདེངས་ཅན་དབང་པོ་ཁྱོད། །
ཏིང་འཛིན་མཆོག་གི་བདེ་བ་ལ། །
འདོད་དགུར་སྤྱོད་པའི་མཐུ་ལྡན་ཡང༌། །
འགྲོ་བའི་མུན་སེལ་ངལ་བ་ལ། །
ལྷག་པར་གཞོལ་འདི་རྨད་དུ་བྱུང༌། །
མདོར་ན་ཡབ་རྗེ་དམ་པའི་བཀའ། །
རྒྱལ་བའི་རིང་ལུགས་ཡོངས་རྫོགས་པ། །
ཉམས་པ་མེད་པའི་བཀའ་དྲིན་མཛད། །
ཕན་མཛད་ཁྱོད་ལ་ཕྱག་འཚལ་ལོ། །
སྐྱེ་བོ་ཡོན་ཏན་མེད་ལ་ཡང༌། །
ཡོན་ཏན་ལྷག་པར་སྒྲོ་བཏགས་ནས། །
གཅམ་བུ་ཁོ་ནའི་ངག་གིས་ནི། །
མགུ་བ་ལྷུར་ལེན་ཚིག་ཏུ་སྨྲ། །
ཁྱོད་ཀྱི་ཡོན་ཏན་ཆུ་གཏེར་ལས། །
སྐྲ་རྩེས་བཟུང་བའི་ཐིགས་པ་ལྟར། །
བསྔགས་པའི་འདབ་བརྒྱ་དགོད་པ་འདི། །
ཚད་མའི་ཉིན་བྱེད་འོད་ཀྱིས་ཕྱེ། །
དེ་ལྟར་དགེ་བའི་བཤེས་ཀྱི་ཡོན་ཏན་གྱི། །
མེ་ཏོག་ཕྲེང་མཛེས་ཅུང་ཟད་སྤེལ་བ་ལས། །
ཐོབ་པའི་དགེ་བས་འགྲོ་མ་ལུས་པ། །
ཐེག་པ་མཆོག་གི་མགོན་དང་ལྡན་གྱུང་ཅིག །
རབ་བྱེད་འདི་ཡང་གངས་རིའི་ཁྲོད་འདི་ན། །
སྙན་དངགས་དབང་པོ་ཀུན་གྱི་མགོ་བོ་ལ། །
ཚིག་གི་གོམ་པ་འགོད་མཁས་དགེ་ལེགས་དཔལ། །
བཟང་པོས་ཚིག་གི་སྦྱོར་བ་སྤངས་ཏེ་སྨྲས། །
དཔལ་ལྡན་མཁས་པ་མ་ལུས་པའི་ཅོད་པན་འཛིན་པའི་ཞབས་ཀྱི་པདྨོས་ས་ཆེན་པོ་ལ་དབུགས་འབྱིན་པར་མཛད་པ་དེ་ཉིད་ལ་ཡོན་ཏན་རབ་ཏུ་བསྔགས་པའི་ཚིགས་སུ་བཅད་པ་ཚངས་པའི་དབྱངས་ཞེས་བྱ་བ་འདི་ནི། མགོན་པོ་དེའི་བཀའ་དྲིན་གྱིས་ཉེ་བར་འཚོ་བ། སྡེ་སྣོད་རིན་པོ་ཆེའི་ནོར་གྱིས་བློ་གྲོས་ཀྱི་བང་མཛོད་རབ་ཏུ་ཁེངས་པ་འཛིན་པ་དུ་མས། ཚིག་གི་སྦྱོར་བའི་འཆིང་བ་དང་མི་ལྡན་པའི་གོ་བདེ་བར་རྗོད་ཅིག་ཅེས་ཉེ་བར་བསྐུལ་ནས་གསོལ་བ་འདེབས་པའི་རྐྱེན་གྱིས་མཚམས་སྦྱར་བའི་བྱེད་པ་ལས། རིགས་པའི་གནས་ཀྱི་འབྱོར་བ་དམ་པའི་དཔལ་ལ་འདོད་དགུར་སྤྱོད་པའི་སྐལ་བ་མཆོག་དང་ལྡན་པའི་བཙུན་པ་དགེ་ལེགས་ཀྱིས་སྤྲོ་བ་ལྷུར་ལེན་པའི་མགྲིན་པ་ཅུང་ཟད་གཟེངས་བསྟོད་དེ་སྨྲས་པའོ། ། ། །
ཡོན་ཏན་གཞིར་གྱུར་མ།
རྗེ་ཙོང་ཁ་པ་བློ་བཟང་གྲགས་པས་མཛད།
ཡོན་ཏན་ཀུན་གྱི་གཞིར་གྱུར་དྲིན་ཅན་རྗེ།།
ཚུལ་བཞིན་བསྟེན་པ་ལམ་གྱི་རྩ་བ་རུ།།
ལེགས་པར་མཐོང་ནས་འབད་པ་དུ་མ་ཡིས།།
གུས་པ་ཆེན་པོས་བསྟེན་པར་བྱིན་གྱིས་རློབས།།
ལན་ཅིག་རྙེད་པའི་དལ་བའི་རྟེན་བཟང་འདི།།
ཤིན་ཏུ་རྙེད་དཀའ་དོན་ཆེ་ཤེས་གྱུར་ནས།།
ཉིན་མཚན་ཀུན་ཏུ་སྙིང་བོ་ལེན་པའི་བློ།།
རྒྱུན་ཆད་མེད་པར་སྐྱེ་བར་བྱིན་གྱིས་རློབས།།
ལུས་སྲོག་གཡོ་བ་ཆུ་ཡི་ཆུ་བུར་བཞིན།།
མྱུར་དུ་འཇིག་པའི་འཆི་བ་དྲན་པ་དང༌།།
ཤི་བའི་རྗེས་སུ་ལུས་དང་གྲིབ་མ་བཞིན།།
དཀར་ནག་ལས་འབྲས་ཕྱི་བཞིན་འབྲང་བ་ལ།།
ངེས་པ་བརྟན་པོ་རྙེད་ནས་ཉེས་པའི་ཚོགས།།
ཕྲ་ཞིང་ཕྲ་བ་རྣམས་ཀྱང་སྤོང་བ་དང༌།།
དགེ་ཚོགས་མཐའ་དག་སྒྲུབ་པར་བྱེད་པ་ལ།།
རྟག་ཏུ་བག་དང་ལྡན་པར་བྱིན་གྱིས་རློབས།།
སྤྱད་པས་མི་ངོམས་སྡུག་བསྔལ་ཀུན་གྱི་སྒོ།།
ཡིད་བརྟན་མི་རུང་སྲིད་པའི་ཕུན་ཚོགས་ཀྱི།།
ཉེས་དམིགས་རིག་ནས་ཐར་བའི་བདེ་བ་ལ།།
དོན་གཉེར་ཆེན་པོ་སྐྱེ་བར་བྱིན་གྱིས་རློབས།།
རྣམ་དག་བསམ་པ་དེ་ཡིས་དྲངས་པ་ཡི།།
དྲན་དང་ཤེས་བཞིན་བག་ཡོད་ཆེན་པོ་ཡིས།།
བསྟན་པའི་རྩ་བ་སོ་སོར་ཐར་བ་ལ།།
སྒྲུབ་པ་སྙིང་བོར་བྱེད་པར་བྱིན་གྱིས་རློབས།།
རང་ཉིད་སྲིད་མཚོར་ལྷུང་བ་ཇི་བཞིན་དུ།།
མར་གྱུར་འགྲོ་བ་ཀུན་ཀྱང་དེ་འདྲ་བར།།
མཐོང་ནས་འགྲོ་བ་སྒྲོལ་བའི་ཁུར་འཁྱེར་བའི།།
བྱང་ཆུབ་སེམས་མཆོག་འབྱོངས་པར་བྱིན་གྱིས་རློབས།།
སེམས་ཙམ་བསྐྱེད་ཀྱང་ཚུལ་ཁྲིམས་རྣམ་གསུམ་ལ།།
གོམས་པ་མེད་ན་བྱང་ཆུབ་མི་འགྲུབ་པར།།
ལེགས་པར་མཐོང་ནས་རྒྱལ་སྲས་སྡོམ་པ་ལ།།
བརྩོན་པ་དྲག་པོས་སློབ་པར་བྱིན་གྱིས་རློབས།།
ལོག་པའི་ཡུལ་ལ་གཡེངས་པ་ཞི་བྱེད་ཅིང༌།།
ཡང་དག་དོན་ལ་ཚུལ་བཞིན་དཔྱོད་པ་ཡིས།།
ཞི་གནས་ལྷག་མཐོང་ཟུང་དུ་འབྲེལ་བའི་ལམ།།
མྱུར་དུ་རྒྱུད་ལ་སྐྱེ་བར་བྱིན་གྱིས་རློབས།།
ཐུན་མོང་ལམ་སྦྱང་སྣོད་དུ་གྱུར་པ་ན།།
ཐེག་པ་ཀུན་གྱི་མཆོག་གྱུར་རྡོ་རྗེ་ཐེག།
སྐལ་བཟང་སྐྱེ་བོའི་འཇུག་ངོགས་དམ་པ་དེར།།
བདེ་བླག་ཉིད་དུ་འཇུག་པར་བྱིན་གྱིས་རློབས།།
དེ་ཚེ་དངོས་གྲུབ་རྣམ་གཉིས་སྒྲུབ་པའི་གཞི།།
རྣམ་དག་དམ་ཚིག་སྡོམ་པར་གསུངས་པ་ལ།།
བཅོས་མ་མིན་པའི་ངེས་པ་རྙེད་གྱུར་ནས།།
སྲོག་དང་བསྡོས་ཏེ་སྲུང་བར་བྱིན་གྱིས་རློབས།།
དེ་ནས་རྒྱུད་སྡེ་སྙིང་པོ་རིམ་གཉིས་ཀྱི།།
གནད་རྣམས་ཇི་བཞིན་རྟོགས་ནས་བརྩོན་པ་ཡིས།།
ཐུན་བཞིའི་རྣལ་འབྱོར་སྤྱོད་ལས་མི་གཡེལ་བར།།
དམ་པའི་གསུང་བཞིན་སྒྲུབ་པར་བྱིན་གྱིས་རློབས།།
དེ་ལྟར་ལམ་བཟང་སྟོན་པའི་བཤེས་གཉེན་དང༌།།
ཚུལ་བཞིན་སྒྲུབ་པའི་གྲོགས་རྣམས་ཞབས་བརྟན་ཅིང༌།།
ཕྱི་དང་ནང་གི་བར་དུ་གཅོད་པའི་ཚོགས།།
ཉེ་བར་ཞི་བར་བྱིན་གྱིས་བརླབ་ཏུ་གསོལ།།
ཡོན་ཏན་ཀུན་གྱི་གཞིར་གྱུར་དྲིན་ཅན་རྗེ།།
ཚུལ་བཞིན་བསྟེན་པ་ལམ་གྱི་རྩ་བ་རུ།།
ལེགས་པར་མཐོང་ནས་འབད་པ་དུ་མ་ཡིས།།
གུས་པ་ཆེན་པོས་བསྟེན་པར་བྱིན་གྱིས་རློབས།།
ལན་ཅིག་རྙེད་པའི་དལ་བའི་རྟེན་བཟང་འདི།།
ཤིན་ཏུ་རྙེད་དཀའ་དོན་ཆེ་ཤེས་གྱུར་ནས།།
ཉིན་མཚན་ཀུན་ཏུ་སྙིང་བོ་ལེན་པའི་བློ།།
རྒྱུན་ཆད་མེད་པར་སྐྱེ་བར་བྱིན་གྱིས་རློབས།།
ལུས་སྲོག་གཡོ་བ་ཆུ་ཡི་ཆུ་བུར་བཞིན།།
མྱུར་དུ་འཇིག་པའི་འཆི་བ་དྲན་པ་དང༌།།
ཤི་བའི་རྗེས་སུ་ལུས་དང་གྲིབ་མ་བཞིན།།
དཀར་ནག་ལས་འབྲས་ཕྱི་བཞིན་འབྲང་བ་ལ།།
ངེས་པ་བརྟན་པོ་རྙེད་ནས་ཉེས་པའི་ཚོགས།།
ཕྲ་ཞིང་ཕྲ་བ་རྣམས་ཀྱང་སྤོང་བ་དང༌།།
དགེ་ཚོགས་མཐའ་དག་སྒྲུབ་པར་བྱེད་པ་ལ།།
རྟག་ཏུ་བག་དང་ལྡན་པར་བྱིན་གྱིས་རློབས།།
སྤྱད་པས་མི་ངོམས་སྡུག་བསྔལ་ཀུན་གྱི་སྒོ།།
ཡིད་བརྟན་མི་རུང་སྲིད་པའི་ཕུན་ཚོགས་ཀྱི།།
ཉེས་དམིགས་རིག་ནས་ཐར་བའི་བདེ་བ་ལ།།
དོན་གཉེར་ཆེན་པོ་སྐྱེ་བར་བྱིན་གྱིས་རློབས།།
རྣམ་དག་བསམ་པ་དེ་ཡིས་དྲངས་པ་ཡི།།
དྲན་དང་ཤེས་བཞིན་བག་ཡོད་ཆེན་པོ་ཡིས།།
བསྟན་པའི་རྩ་བ་སོ་སོར་ཐར་བ་ལ།།
སྒྲུབ་པ་སྙིང་བོར་བྱེད་པར་བྱིན་གྱིས་རློབས།།
རང་ཉིད་སྲིད་མཚོར་ལྷུང་བ་ཇི་བཞིན་དུ།།
མར་གྱུར་འགྲོ་བ་ཀུན་ཀྱང་དེ་འདྲ་བར།།
མཐོང་ནས་འགྲོ་བ་སྒྲོལ་བའི་ཁུར་འཁྱེར་བའི།།
བྱང་ཆུབ་སེམས་མཆོག་འབྱོངས་པར་བྱིན་གྱིས་རློབས།།
སེམས་ཙམ་བསྐྱེད་ཀྱང་ཚུལ་ཁྲིམས་རྣམ་གསུམ་ལ།།
གོམས་པ་མེད་ན་བྱང་ཆུབ་མི་འགྲུབ་པར།།
ལེགས་པར་མཐོང་ནས་རྒྱལ་སྲས་སྡོམ་པ་ལ།།
བརྩོན་པ་དྲག་པོས་སློབ་པར་བྱིན་གྱིས་རློབས།།
ལོག་པའི་ཡུལ་ལ་གཡེངས་པ་ཞི་བྱེད་ཅིང༌།།
ཡང་དག་དོན་ལ་ཚུལ་བཞིན་དཔྱོད་པ་ཡིས།།
ཞི་གནས་ལྷག་མཐོང་ཟུང་དུ་འབྲེལ་བའི་ལམ།།
མྱུར་དུ་རྒྱུད་ལ་སྐྱེ་བར་བྱིན་གྱིས་རློབས།།
ཐུན་མོང་ལམ་སྦྱང་སྣོད་དུ་གྱུར་པ་ན།།
ཐེག་པ་ཀུན་གྱི་མཆོག་གྱུར་རྡོ་རྗེ་ཐེག།
སྐལ་བཟང་སྐྱེ་བོའི་འཇུག་ངོགས་དམ་པ་དེར།།
བདེ་བླག་ཉིད་དུ་འཇུག་པར་བྱིན་གྱིས་རློབས།།
དེ་ཚེ་དངོས་གྲུབ་རྣམ་གཉིས་སྒྲུབ་པའི་གཞི།།
རྣམ་དག་དམ་ཚིག་སྡོམ་པར་གསུངས་པ་ལ།།
བཅོས་མ་མིན་པའི་ངེས་པ་རྙེད་གྱུར་ནས།།
སྲོག་དང་བསྡོས་ཏེ་སྲུང་བར་བྱིན་གྱིས་རློབས།།
དེ་ནས་རྒྱུད་སྡེ་སྙིང་པོ་རིམ་གཉིས་ཀྱི།།
གནད་རྣམས་ཇི་བཞིན་རྟོགས་ནས་བརྩོན་པ་ཡིས།།
ཐུན་བཞིའི་རྣལ་འབྱོར་སྤྱོད་ལས་མི་གཡེལ་བར།།
དམ་པའི་གསུང་བཞིན་སྒྲུབ་པར་བྱིན་གྱིས་རློབས།།
དེ་ལྟར་ལམ་བཟང་སྟོན་པའི་བཤེས་གཉེན་དང༌།།
ཚུལ་བཞིན་སྒྲུབ་པའི་གྲོགས་རྣམས་ཞབས་བརྟན་ཅིང༌།།
ཕྱི་དང་ནང་གི་བར་དུ་གཅོད་པའི་ཚོགས།།
ཉེ་བར་ཞི་བར་བྱིན་གྱིས་བརླབ་ཏུ་གསོལ།།
Thursday, January 20, 2011
སྐྱེ་བ་སྔ་ཕྱི།
མཁས་དབང་དུང་དཀར་བློ་བཟང་འཕྲིན་ལས།
གོང་དུ་ཤི་དུས་ཆོས་མ་གཏོགས་གང་གིས་ཀྱང་མི་ཕན་པའི་སྒྲུབ་བྱེད་བཤད་ཟིན་པར་བརྟེན་ཡང་མི་ལ་ལའི་སེམས་ནང་ཤི་དུས་ཆོས་ཀྱིས་ཕན་གྱི་ཡོད་ནའང་འདྲ། ཕན་གྱི་མེད་ནའང་འདྲ། གང་ལྟར་སྐྱེ་བ་སྔ་ཕྱི་ཟེར་བ་དེ་ནི་ཤོད་ཚུལ་ཙམ་ལས་དངོས་སུ་ཨེ་ཡོད་སྙམ་པ་ཡོང་སྲིད་པར་བརྟེན་སྐྱེ་བ་སྔ་ཕྱི་ཡོད་པའི་རྒྱུ་མཚན་འདི་བྱུང་བ་རེད། སྐྱེ་བ་སྔ་ཕྱི་ཡོད་པའི་སྐོར་དེ་རིག་པ་ཧ་ཅང་གཏིང་ཟབ་པོ་ཡོད་ཅིང་། ཚད་མ་རིག་པ་ལེའུ་གཉིས་པའི་ནང་གཙོ་བོ་སྐྱེ་བ་སྔ་ཕྱིའི་སྐོར་བཤད་ཡོད། འདིར་མདོར་བསྡུས་ཙམ་ཞུས་ན།
སྐྱེ་བ་སྔ་ཕྱི་ཟེར་བ་མེད་ཅེས་བཤད་ན་དེའི་ལན་དུ་འདི་ལྟར་སྟེ། ཤི་བའི་རྗེས་སུ་རང་གི་རྣམ་ཤེས་དེ་མེད་པར་འགྲོ་མི་སྲིད་པར་སྐྱེ་བ་རྗེས་མ་ཡོད་པར་འདོད་ལ། འོ་ན་འཇིག་རྟེན་ཐོག་གི་དངོས་པོ་ཚང་མ་དང་པོ་སྐྱེ་བ། བར་དུ་གནས་པ། མཐའ་མ་འཇིག་པའམ་མེད་པར་འགྲོ་བ་ནི་ལྡོག་ཐབས་མེད་པའི་ཆོས་ཉིད་ཅིག་ཡིན་པས་རྣམ་ཤེས་ཀྱང་ཆོས་ཉིད་དེ་ལས་ལྡོག་ཏུ་མེད་པས་ད་དུང་སྐྱེ་བ་རྗེས་མར་འགྲོ་ཟེར་བ་དེ་མེད་པར་ལུས་པོ་ཤི་བའི་རྗེས་སུ་རྣམ་ཤེས་ཀྱང་མེད་ཅེས་བཤད་ཚེ་སངས་རྒྱས་ཆོས་ལུགས་པས་རྣམ་ཤེས་ནི་ལུས་པོ་ཁོ་ནར་བརྟེན་ནས་བྱུང་བ་ཞིག་མིན་པར་དཔེར་ན་ནས་དང་། གྲོ། སྲན་མ། འབྲས། ཤིང་། ལྕགས་སོགས་ཚང་མ་འཇིག་རྟེན་འདིའི་ཐོག་གི་དངོས་པོ་སྤྱིར་བཏང་བ་ཤ་སྟག་ཡིན་ནའང་དེ་ཚོ་ཚང་མར་སོ་སོ་ཆགས་ཡས་ལ་སོ་སོ་དང་རིགས་འདྲ་བའི་རྒྱུ་ཞིག་ངེས་པར་དགོས་ཤིང་། རིགས་མི་འདྲ་བའི་རྒྱུ་ལ་བརྟེན་ནས་རིགས་འདྲ་བའི་འབྲས་བུ་ཡོང་མི་སྲིད་དེ་དཔེར་ན་གྲོ་བཏབ་ན་གྲོ་དང་། སྲན་མ་བཏབ་ན་སྲན་མ་སྐྱེ་བ་ལས་གྲོ་ལ་སྲན་མ་དང་སྲན་མར་གྲོ་སོགས་སྐྱེ་མི་སྲིད་པས་འཇིག་རྟེན་ཐོག་གི་དངོས་པོ་སྤྱིར་བཏང་རྣམས་ཀྱང་དེ་ལྟར་ཡིན་ན་རྣམ་ཤེས་ནི་ལོས་ཡིན། གང་ཞེ་ན། རྣམ་ཤེས་ནི་ཕྱི་རོལ་ཡུལ་གྱི་དངོས་པོ་ངོས་འཛིན་བྱེད་པའི་ནུས་པ་ཡོད་པ་དང་། དངོས་པོ་ལ་བཀོད་འདོམས་བྱེད་ཐུབ་མཁན། དངོས་པོའི་ཆོས་ཉིད་ལ་ཤེས་རྟོགས་བྱེད་ཐུབ་མཁན། འཕེལ་རྒྱས་འགྲོ་བའི་ནུས་པ་ཆེན་པོ་ཡོད་པ་བཅས་དངོས་པོ་གཞན་དང་མི་འདྲ་བ་ཚད་མཐོ་པོ་ཞིག་ཡིན་པས་དངོས་པོ་ཚད་མཐོ་པོ་འདི་འདྲ་ཞིག་གི་རྒྱུ་དེ་རང་དང་རིགས་འདྲ་བ་ཞིག་མེད་ན་དངོས་པོ་དེ་ཡང་མི་སྲིད། འོ་ན་ཁྱེད་ཀྱི་རྣམ་ཤེས་དེ་གང་ནས་བྱུང་བ་རེད་དམ་ཞེས་དྲིས་ན་མི་མང་ཆེ་བས་ཕལ་ཆེར་རང་གི་རྣམ་ཤེས་དེ་ཨ་མའི་ཁོག་ནས་སྐྱེ་བའི་ཉིན་དེ་ནས་བྱུང་ཞེས་ཤོད་བཟོ་ཡོད།
འོན་ཀྱང་དེ་འདྲ་མིན་ཏེ་ཨ་མའི་ཁོག་པའི་ནང་ཟླ་དགུ་ངོ་བཅུ་གནས་ཚང་གཡར་རིང་ཚ་གྲང་གི་སྡུག་བསྔལ་ཧ་ཅང་མང་པོ་མྱོང་དགོས་པ་དཔེར་ན་ཨ་མས་ལྟོ་ཆས་ཚ་པོ་བཟའ་དུས་ཚ་བའི་སྡུག་བསྔལ་དང་། ལྟོ་ཆས་གྲང་མོ་བཟའ་དུས་གྲང་བའི་སྡུག་བསྔལ། ཨ་མས་ལམ་དུ་མཆོངས་རྒྱག་རྒྱག་དུས་གཡང་དུ་ལྷུང་བའི་སྡུག་བསྔལ། ཨ་མས་ཐོག་ཁར་འཛེགས་དུས་རང་གིས་དངོས་པོ་ཆེན་པོ་ཞིག་ཡར་བཀྱག་པ་ལྟ་བུའི་སྡུག་བསྔལ། ཨ་མ་ལྟོ་ཟ་ཡས་མང་དྲག་ན་རང་ཉིད་རི་ཆེན་པོ་ཞིག་གིས་མནན་པ་ལྟ་བུའི་སྡུག་བསྔལ་སོགས་ཚོར་བ་དེ་འདྲ་ཡོང་གི་ཡོད་པ་མ་ཟད། སྐྱེ་བའི་སྐབས་སུའང་ཨ་མའི་ཁོག་པའི་ནང་ནས་མགོ་རྟིང་ལོག་རྗེས་རང་གི་ཤུགས་དང་ཨ་མའི་ཤུགས་གཉིས་ཀས་འདེད་དེ་རང་གི་ལུས་པོ་དེ་ལྕགས་ཀྱི་བུ་ག་ཆུང་ཆུང་ཞིག་ནང་བཙིར་ནས་མར་འཐེན་པ་ལྟ་བུའི་སྡུག་བསྔལ་ཡོད་སྟབས་སྐྱེ་མ་ཐག་སྐད་ཤུགས་གང་ཡོད་ཀྱིས་ངུ་བ་དེ་སྡུག་བསྔལ་དེ་དངོས་སུ་ཚོར་སྣང་ཡོང་གི་ཡོད་པའི་རྟགས་ཡིན་པར་བརྟེན་ཨ་མའི་ཁོག་ནང་དུ་ཡོད་དུས་ནས་རྣམ་ཤེས་མེད་ན་ཚོར་བ་དེ་དག་ཡོང་ཐབས་མེད་པས་ཚོར་བ་ཡོང་ཡས་ཀྱི་རྣམ་ཤེས་དེ་ལ་ཁོ་དང་རིགས་མཐུན་པའི་རྣམ་ཤེས་ཤིག་ཡོད་དགོས་པ་ལས་རྒྱུ་རྐྱེན་གང་ཡང་མེད་པར་གློ་བུར་དུ་བྱུང་བ་ཞིག་མིན།
འོ་ན་ཨ་མའི་ཁོག་པའི་ནང་ཡོད་པའི་ཕྲུ་གུ་དེའི་རྣམ་ཤེས་དེ་ལ་རྒྱུ་ཞིག་ངེས་པར་ཡོང་སྲིད་ལ་དེ་ཡང་རིགས་མི་འདྲ་བའི་རྒྱུ་ཞིག་རྩ་བ་ནས་མིན་པས་ཡང་སྙིང་རིགས་འདྲ་བའི་རྒྱུ་དེ་ཕ་མ་གཉིས་ཀྱི་ཁོག་ཏུ་ཡོད་དང་ཡང་ན་དེ་མིན་གང་དུ་ཡོད་ཅེ་ན། དེ་ནི་རང་གི་རྣམ་ཤེས་ཀྱི་རྒྱུ་ཞིག་ལས་ཕ་མ་གཉིས་ཀྱི་ལུས་ཐོག་ནས་བྱུང་བ་ཞིག་མིན། དེས་ན་ད་ལྟའི་རང་གི་རྣམ་ཤེས་དེའི་རྒྱུ་དེ་སུའི་རྣམ་ཤེས་ཡིན་ནམ་ཞེ་ན། དེའི་རིག་པ་ཧ་ཅང་གཏིང་ཟབ་པོ་ཡོད་དེ་ཨ་མའི་ཁོག་པའི་ནང་གི་ཕྲུ་གུ་དེའི་རྣམ་ཤེས་ཀྱི་རྒྱུ་དེ་རང་དང་རིགས་འདྲ་བ་ཞིག་ཡིན་པ་ལས་རིགས་མི་འདྲ་བ་ལ་བརྟེན་ནས་ཡོང་མི་སྲིད་ལ། རིགས་འདྲ་བའི་རྒྱུ་ནི་རྣམ་ཤེས་ཤིག་རང་ལས་རྣམ་ཤེས་མིན་པའི་རྒྱུ་ཞིག་གིས་རྣམ་ཤེས་ཀྱི་རྒྱུ་བྱེད་མི་ཐུབ་པ་དཔེར་ན་ལྕགས་ལ་ལྕགས་ཆགས་ཐུབ་པའི་རྒྱུ་ཞིག་དང་གྲོ་ལ་གྲོ་ཆགས་ཐུབ་པའི་རྒྱུ་ཞིག་དགོས་པ་ལྟར་རྣམ་ཤེས་ལ་རྣམ་ཤེས་ཆགས་ཐུབ་པའི་རྒྱུ་ཞིག་དགོས་པ་ལས་རྣམ་ཤེས་མ་ཡིན་པ་ཞིག་རྣམ་ཤེས་ཀྱི་རྒྱུ་ལ་བསྒྱུར་ཏེ་རྣམ་ཤེས་ཆགས་པ་ཞིག་རྩ་བ་ནས་ཡོང་མི་སྲིད། དེས་ན་རང་གི་རྣམ་ཤེས་དེའི་རྒྱུ་རྣམ་ཤེས་ཤིག་ཡིན་པ་གཏན་འཁེལ་རེད། འོ་ན་རྣམ་ཤེས་དེ་པ་ཕའི་རྣམ་ཤེས་ཡིན་དང་། ཨ་མའི་རྣམ་ཤེས་ཡིན། ཡང་ན་ཕ་མ་ཟུང་གི་རྣམ་ཤེས་བསྡོམས་ནས་བྱུང་བ་ཡིན་ནམ་ཞེ་ན། དེ་ཕ་མ་གཉིས་ཀ་དང་འབྲེལ་བ་མེད་པར་སོ་སོ་རང་གི་རྣམ་ཤེས་ཡིན་ཏེ་དཔེར་ན་པ་ཕའི་རྣམ་ཤེས་ལས་བྱུང་བ་ཡིན་ན་པ་ཕ་རིག་པ་སྐྱོ་པོ་གང་ཡང་མི་ཤེས་མཁན་ཞིག་ལ་ཕྲུ་གུ་ཡང་དེ་དང་འདྲ་བ་ཞིག་ཡོད་དགོས་པ་དང་། གལ་ཏེ་ཨ་མའི་རྣམ་ཤེས་ལས་བྱུང་བ་ཡིན་ན་ཨ་མ་ཞེ་སྡང་དང་ང་རྒྱལ་ཚ་པོ་ཡོད་པ་ཞིག་ལ་ཕྲུ་གུ་ཡང་དེ་དང་འདྲ་བ་ཞིག་དགོས་པས་དེ་ནི་གཏན་འཁེལ་མེད། དེར་བརྟེན་རྣམ་ཤེས་དེ་རང་གི་རང་གི་རྣམ་ཤེས་ཡིན་པ་བརྗོད་མི་དགོས།
དེ་ལ་རྒྱུ་མཚན་ལྔ་ཡོད། ༡. རང་གི་ལུས་པོ་དེ་རྣམ་ཤེས་ཆགས་ཡས་ཀྱི་རྒྱུ་མིན་པ། ༢. ཕ་མའི་ལུས་པོ་དེ་ཡང་རང་གི་རྣམ་ཤེས་ཆགས་ཡས་ཀྱི་རྒྱུ་མིན་པ། ༣. དབུགས་ནི་རྣམ་ཤེས་ཆགས་ཡས་ཀྱི་རྐྱེན་ཡིན་པ་ལས་རྒྱུ་མིན་པ། ༤ .མ་ཡི་མངལ་དུ་ཉིང་མཚམས་སྦྱར་བའི་སྐབས་ཀྱི་རྣམ་ཤེས་དེ་ལ་རིགས་སྔ་མ་ཡོད་པ། ༥. འཆི་ཁའི་དུས་ཀྱི་སེམས་དེས་རྣམ་ཤེས་ཕྱི་མ་མཚམས་སྦྱོར་བྱེད་པ་བཅས་ཡིན།
༡. རང་གི་ལུས་པོ་དེ་རྣམ་ཤེས་ཆགས་ཡས་ཀྱི་རྒྱུ་མིན་པ་ནི། རྒྱུ་དང་རྐྱེན་ཞེས་ཁག་གཉིས་ཡོད་པ་ལས་རྣམ་ཤེས་ཆགས་ཡས་ཀྱི་རྒྱུ་དེ་ལུས་མིན། འོན་ཀྱང་རྐྱེན་དེ་ལུས་ཡིན། རྒྱུ་དང་རྐྱེན་གཉིས་དབྱེ་བ་ཡོད་པ་དེ་ཚད་མ་རྣམ་འགྲེལ་སློབ་ཁྲིད་བྱེད་སྐབས་ཞུས་ཟིན་པ་ལྟར་ཡིན། དཔེར་ན་མར་བཏབ་པའི་སོན་དེ་འབྲུ་ཡིན་ན་ཡར་སྐྱེ་ཡས་དེའང་འབྲུ་ཡིན་པས་ཡར་སྐྱེ་ཡས་ཀྱི་སོན་འབྲུ་དེ་རྒྱུ་ཡིན་ལ། སོན་དེ་ལ་བརྟེན་ནས་འབྲས་བུ་ཡོང་དགོས་ན་ས་དང་། ཆུ། ལུད། དྲོད་བཅས་ཀྱི་ཆ་རྐྱེན་འཛོམས་དགོས་པས་དེ་དག་ནི་རྐྱེན་ཡིན། རྐྱེན་ཡོད་ནའང་རྒྱུ་མེད་ན་འབྲས་བུ་ཡོང་ཐབས་མེད་ལ། རྒྱུའི་ངོ་བོ་དེ་འབྲས་བུའི་ངོ་བོར་འགྱུར་དགོས་པར་བརྟེན་རིགས་མི་འདྲ་བའི་རྒྱུ་དེ་རིགས་མི་འདྲ་བའི་འབྲས་བུའི་ངོ་བོ་ལ་འགྱུར་ཐུབ་ཐབས་མེད་སྟབས་རྒྱུ་དེ་རང་དང་རིགས་འདྲ་བའི་འབྲས་བུའི་ངོ་བོ་ལ་འགྱུར་ཐུབ་པ་ཞིག་དགོས་པ་ཡིན། དཔེར་ན་ནས་བཏབ་ན་ནས་སྐྱེ་བ་དང་། འབྲས་བཏབ་ན་འབྲས་སྐྱེ་བ་ལས་ནས་བཏབ་ན་གྲོ་སྐྱེ་བ་དང་འབྲས་བཏབ་ན་སྲན་མ་སྐྱེ་བ་སོགས་ཀྱི་དཔེ་མེད། དཔེར་ན་ཞིང་ཁ་དང་། ཆུ། ལུད། དྲོད་སོགས་ཀྱི་ཆ་རྐྱེན་ཚང་མ་འཛོམས་ནའང་སོན་མེད་ན་འབྲས་བུ་ཡོང་ཐབས་མེད། དེ་རྒྱུ་མཚན་གང་ཡིན་ཞེ་ན། སོན་དེ་ལ་བརྟེན་ནས་རང་དང་རིགས་འདྲ་བའི་འབྲས་བུ་ཞིག་ཆགས་དགོས་པས་ཡིན། དེར་བརྟེན་རྒྱུ་དང་འབྲས་བུ་གཉིས་རིགས་མི་འདྲ་བ་ཞིག་ཡིན་ན་རྒྱུ་དེ་ལ་བརྟེན་ནས་འབྲས་བུ་དེ་ཡོང་མི་ཐུབ། དེས་ན་ལུས་པོ་དེ་ཡང་རྣམ་ཤེས་ཆགས་ཡས་ཀྱི་རྒྱུ་ཡིན་ན་རང་ཤི་ཚར་བའི་རྗེས་སུ་རང་གི་ལུས་པོ་བསྡད་ཡོད་ནའང་རྣམ་ཤེས་དེ་ལུས་པོ་དང་ཁ་བྲལ་ཟིན་པས་གལ་ཏེ་ལུས་པོ་དེ་རྣམ་ཤེས་ཆགས་ཡས་ཀྱི་རྒྱུ་ཡིན་ན་ལུས་པོ་གར་ཡོད་སར་རྣམ་ཤེས་ཡོད་དགོས་པས་དེ་མེད། དེར་བརྟེན་ལུས་པོ་དེ་རྣམ་ཤེས་ཆགས་ཡས་ཀྱི་རྒྱུ་མིན་པའི་རྒྱུ་མཚན་དང་པོ་དེ་ཡིན། རྒྱུ་མཚན་གཉིས་པ་ནི་རང་གི་ལུས་པོ་དེ་རྣམ་ཤེས་ཆགས་ཡས་ཀྱི་རྒྱུ་ཡིན་ན་ལུས་སྟོབས་ཆེ་བར་རྣམ་ཤེས་སྟོབས་ཆེ་བ་དང་། ལུས་སྟོབས་ཆུང་བར་རྣམ་ཤེས་སྟོབས་ཆུང་བ། ལུས་སྟོབས་ཆེ་ན་རིག་པ་ཡག་པ་དང་། ལུས་སྟོབས་ཆུང་ན་རིག་པ་གཞན་པ་ཡོང་དགོས་སྟབས་དེ་ཡང་ངེས་པ་མེད་པས་རང་གི་ལུས་པོ་དེ་རྣམ་ཤེས་ཆགས་ཡས་ཀྱི་རྒྱུ་མིན་པའི་རྒྱུ་མཚན་གཉིས་པ་དེ་ཡིན། ཡང་རང་གི་དབང་པོ་ལྔ་པོ་དེ་རྣམ་ཤེས་ཆགས་ཡས་ཀྱི་རྒྱུ་མིན་ནམ་སྙམ་ན་དེ་ཡང་མིན་ཏེ་ལོང་བ་དང་འོན་པ་ལའང་རྣམ་ཤེས་ཡོད་པས་དེ་ནི་རྒྱུ་མཚན་གསུམ་པ་ཡིན།
༢. ཕ་མའི་ལུས་པོ་དེའང་རང་གི་རྣམ་ཤེས་ཆགས་ཡས་ཀྱི་རྒྱུ་མིན་པ་ནི། ཕ་མའི་སེམས་ལ་སྐྱོན་དང་ཡོན་ཏན་གང་ཡོད་པ་ལྟར་བུ་ཕྲུག་ལའང་ཡོད་དགོས་པས་དེ་ནི་ངེས་པ་གཏན་ནས་མེད་པ་དང་། ཕ་མ་གཅིག་ལས་སྐྱེས་པའི་བུ་ཕྲུག་ལའང་སྐྱོན་དང་ཡོན་ཏན་ཆེ་ཆུང་དང་། ཤེས་རིག་གསལ་མི་གསལ་སོགས་ཀྱི་ཁྱད་པར་དཔག་ཏུ་མེད་པ་ཡོད།
༣. དབུགས་ནི་རྣམ་ཤེས་ཆགས་ཡས་ཀྱི་རྒྱུ་མིན་པ་སྟེ། དབུགས་འགྲོ་འོང་གི་ཆ་ལ་སྐྱོན་གང་ཡང་མེད་པར་གཅིག་མཚུངས་ཡིན་ཀྱང་། ཤེས་རིག་གསལ་མི་གསལ་དང་། ཡོན་ཏན་ཆེ་ཆུང་སོགས་ཀྱི་ཁྱད་པར་ཆེན་པོ་ཡོད་པ་དང་། དབུགས་ཀྱི་འགྲོ་འོང་རྒྱུན་ལྡན་ཡིན་ཀྱང་ཚོར་བ་ཉམས་པ་དང་། དྲན་པ་ཉམས་ནས་སྨྱོ་བ་དེ་འདྲའང་མང་པོ་མཐོང་རྒྱུ་ཡོད། གལ་ཏེ་དབུགས་དེ་རྣམ་ཤེས་ཀྱི་རྒྱུ་ཡིན་ན་དབུགས་རྟག་ཏུ་ཕར་གཏོང་ཚུར་ལེན་བྱེད་ཀྱི་ཡོད་པས་དབུགས་ཕར་གཏོང་ཚུར་ལེན་བྱེད་ཐེངས་རེར་རྣམ་ཤེས་ཀྱང་བརྗེ་ལེན་ཐེངས་རེ་བྱེད་དགོས་ཤིང་། དེ་འདྲ་ཡིན་ན་དབུགས་ཀྱི་གྲངས་དང་མཉམ་པའི་རྣམ་ཤེས་གསར་པ་ཡོང་དགོས་ལ་ཡོན་ཏན་སློབ་སྦྱོང་བྱེད་ཡས་ལ་ཆ་བཞག་ནའང་ཉིན་རེ་ཉིན་རེ་བརྗེད་འགྲོ་བ་ལས་གསོག་འཇོག་བྱེད་ཐུབ་ཐབས་མེད་པ་མཐོང་ཆོས་སུ་གྱུར་པས་ན་དབུགས་ཀྱི་འགྲོ་འོང་ནི་རྣམ་ཤེས་ཀྱི་རྒྱུ་མིན།
༤ . མ་ཡི་མངལ་དུ་ཉིང་མཚམས་སྦྱར་བའི་སྐབས་ཀྱི་རྣམ་ཤེས་དེ་ལ་རིགས་འདྲ་སྔ་མ་ཡོད་པ་སྟེ། རང་ཉིད་ཐོག་མ་ཨ་མའི་ཁོག་ཏུ་འཁོར་མ་ཐག་པའི་རྣམ་ཤེས་སྐད་ཅིག་དང་པོ་དེ་ལ་རྒྱུ་ཞིག་ངེས་པར་ཡོད་དགོས་ཤིང་། རྒྱུ་དང་རྐྱེན་མེད་པར་བྱུང་བ་ཞིག་གཏན་ནས་མིན། རང་ཉིད་མ་ཡི་མངལ་དུ་འཁོར་མ་ཐག་པའི་རྣམ་ཤེས་སྐད་ཅིག་དང་པོ་དེ་ལ་རང་དང་རིགས་འདྲ་བའི་རྒྱུ་ཞིག་ཡོད། རང་དང་རིགས་འདྲ་བའི་རྒྱུ་ཞིག་ལ་བརྟེན་ནས་བྱུང་བ་ཡིན་ཙང་རྒྱུ་དེ་ག་དུས་བྱུང་བ་དང་གང་ནས་བྱུང་བ་ཡིན་ནམ་ཞེ་ན་དེ་ཡང་གློ་བུར་བྱུང་བ་ཞིག་མིན། ཡང་དཔེར་ན་རང་ཉིད་མི་ལུས་ལེན་དགོས་ན་ཕ་མ་གཉིས་ཀ་མི་ཡིན་དགོས་པ་ལས་དུད་འགྲོའི་རིགས་ལ་སྐྱེ་མི་སྲིད། འོན་ཀྱང་པ་ཕ་བོང་བུ་དང་ཨ་མ་རྟ་ཡིན་ན་དྲེའུ་སྐྱེ་བ་དེ་ནི་ཕ་དེ་ཕྲུ་གུ་དེའི་ཐུན་མོང་མ་ཡིན་པའི་རིགས་ཆགས་ཡས་ཀྱི་རྒྱུ་ཡིན་པ་དང་མ་ནི་རྐྱེན་ཡིན། རྣམ་ཤེས་ནི་གཟུགས་སྒྲ་དྲི་རོ་སོགས་ཚང་མ་མི་ལྡན་པ་ཞིག་ཡིན་ནའང་གསོན་ཉམས་ལྡན་པ་དང་། ནུས་པ་ཆེ་བ། ཕྱི་རོལ་ཡུལ་གྱི་ངོ་བོ་དང་སྣང་ཚུལ་ངོས་འཛིན་ཐུབ་མཁན་ཞིག་ཡིན་པས་གློ་བུར་དུ་ཡོང་མི་སྲིད་པར་དེ་ལ་རང་དང་རིགས་འདྲ་བའི་རྒྱུ་སྔོན་མ་ཞིག་གཏན་གཏན་ཡོད། དཔེར་ན་ཐོག་མ་ཕ་མ་གཉིས་ཀྱི་ས་བོན་གྱི་ནང་དུ་རང་གི་རྣམ་ཤེས་དེ་ཞུགས་མ་ཐག་རང་གི་ལུས་པོ་དེ་ཆུ་འཁོལ་མའི་ནང་བཙོས་པ་ལྟ་བུའི་ཚོར་སྣང་ཡོང་གི་ཡོད་པས་རྣམ་ཤེས་མེད་ན་ཚོར་སྣང་ཡོང་མི་ཤེས་ལ་མའི་མངལ་དུ་ཕྲུ་གུས་འགུལ་སྐྱོད་བྱེད་པ་དེ་ཡང་རྣམ་ཤེས་ཡོད་པས་ཡིན། དེས་ན་རྣམ་ཤེས་གསར་པ་དེ་ལ་རང་དང་རིགས་འདྲ་བའི་རྒྱུ་ཞིག་ངེས་པར་ཡོད་པར་བརྟེན་དེ་ཐོག་ནས་སྐྱེ་བ་སྔོན་མ་ཡོད་པ་མཚོན་པ་ཡིན་ཟེར།
༥. འཆི་ཁའི་དུས་ཀྱི་སེམས་དེས་རྣམ་ཤེས་ཕྱི་མ་མཚམས་སྦྱོར་བྱེད་པ་སྟེ། སྐྱེ་བ་སྔོན་མ་རྣམ་ཤེས་ཡོད་པ་གཏན་འཁེལ་བ་ཡིན་སྟབས་ད་ལྟའི་རྣམ་ཤེས་དེའང་སྐྱེ་བ་རྗེས་མར་འགྲོ་རྒྱུ་ཡིན་པ་ངེས་གཏན་རེད། གོང་དུ་སྐྱེ་བ་སྔ་མ་ཡོད་པའི་རྒྱུ་མཚན་བཞི་བཤད་རྗེས་ད་ལྟའི་རྣམ་ཤེས་དེ་ཚེ་རྗེས་མར་འགྲོ་རྒྱུ་ཡོད་པ་གཏན་འཁེལ་བ་རེད། འོ་ན་རྣམ་ཤེས་དེ་རང་གི་ལུས་པོའི་ཐོག་ཏུ་གནས་ཡོད་ན་ལུས་པོ་འཐོར་དུས་རྣམ་ཤེས་ཀྱང་འཐོར་འགྲོ་བས་དེ་ཟུར་དུ་གནས་དགོས་པའི་རྒྱུ་མཚན་མི་འདུག་སྙམ་ཚེ་དེ་ནི་དེ་འདྲ་མ་ཡིན་པར་དཔེར་ན་སྐྱེ་བ་སྔ་ཕྱི་མཁས་མི་ལེན་མཁན་ཞིག་ལ་ཆ་བཞག་ནའང་ཤི་ཁར་རང་གི་ལུས་སེམས་ལ་ཆགས་ཞེན་མེད་མཁན་རྩ་བ་ནས་མེད་དེ་རང་གཙོ་བོ་བྱེད་པའི་སྒེར་སེམས་དེ་ཡོད་ཕྱིན་རང་འཇིག་རྟེན་འདི་ནས་ཁ་བྲལ་པར་རང་གི་ལུས་རྟེན་དེར་ཆགས་ཞེན་སྐྱེས་ནས་སེམས་སྐྱོ་ལྷང་ལྷང་མེ་བྱེད་མཁན་ཡོང་མི་སྲིད་ཅིང་། སྐྱེ་བ་སྔ་ཕྱི་མཁས་མི་ལེན་མཁན་ཞིག་ཡིན་ནའང་རང་གི་ལུས་པོ་ལ་ཆགས་ཞེན་མེད་མཁན་མེད། དེ་ནི་འཇིག་རྟེན་འདིའི་ཐོག་སྲོག་ཆགས་ཆེ་ཆུང་ཚང་མ་གཅིག་མཚུངས་ཡིན། ཆགས་ཞེན་བྱེད་པ་དེ་སྐྱེ་བ་རྗེས་མར་འགྲོ་བའམ་རྣམ་ཤེས་རྗེས་མ་ཡོང་བའི་རྒྱུ་ཡིན་ཏེ་རང་གཙོ་བོ་བྱེད་པའི་སྒེར་སེམས་དེ་མེད་པ་བཟོ་མ་ཐུབ་བར་སྐྱེ་བ་ཡང་ནས་ཡང་དུ་ལེན་དགོས་པར་བརྟེན་སྐྱེ་བ་ལེན་མི་དགོས་པ་ཞིག་བྱེད་དགོས་ན་རང་གཙོ་བོ་བྱེད་པའི་སྒེར་སེམས་དེ་རྩ་བ་ནས་མེད་པ་བཟོ་དགོས། དེ་བཟོ་ཐུབ་ན་འཁོར་བའི་སྡུག་བསྔལ་ལས་ཐར་ཏེ་བཅིངས་འགྲོལ་ཐོབ་པ་ཡིན་ཟེར།
གཞན་ཡང་དངོས་པོ་གང་འདྲ་ཞིག་ཡིན་ནའང་དང་པོ་སྐྱེ་བ་དང་། བར་དུ་གནས་པ། མཐའ་མ་འཇིག་པ་ཞེས་པ་དེ་འདྲ་ཞིག་ཡིན་ནམ་ཞེ་ན་མཐའ་མ་འཇིག་པ་ཟེར་བ་དེ་རྒྱུན་ཆད་དེ་རྩ་བ་ནས་མེད་པར་འགྱུར་བའི་དོན་མིན་ཏེ་དཔེར་ན་ཤིང་ལ་ཆ་བཞག་ན་མེར་བསྲེགས་རྗེས་ཁག་ཅིག་སོལ་བ་དང་ཁག་ཅིག་ཐལ་བར་གྱུར་ཐོག ཡང་སོལ་བ་དེ་མེར་བསྲེགས་ཏེ་ཐལ་བར་འགྱུར་ནའང་དེའི་རྒྱུན་དེ་གཏན་ནས་ཆད་མེད། འོ་ན་ས་གཞི་རིལ་མོ་འདིའི་ཐོག་གི་སྲོག་ཆགས་རྣམས་གོ་ལ་འདི་གའི་ཐོག་གློ་བུར་གསར་དུ་བྱུང་བ་ཡིན་ནམ་གཞན་ནས་ཡོང་བ་ཡིན་ཞེ་ན། དེའི་ཐད་སངས་རྒྱས་ཆོས་ལུགས་ཀྱི་བཤད་སྲོལ་ལྟར་ན་གོ་ལ་འདིའི་ཐོག་གསར་དུ་བྱུང་བ་ཞིག་ཡིན། འོན་ཀྱང་སྔར་མེད་གསར་སྐྱེས་གློ་བུར་དུ་བྱུང་བ་ཞིག་མ་ཡིན་པར་འཇིག་རྟེན་གཞན་ནས་ཚེ་འཕོས་པ་ཞིག་ཡིན་ཟེར། དེའི་རྒྱུ་མཚན་ནི་གོང་དུ་ཞུས་ཟིན་པ་དེ་དག་ཡིན། དཔེར་ན་ས་གཞི་རིལ་མོ་འདིའི་ཐོག་ཏུ་ས་དང་། ཆུ། ཤིང་། ལྕགས། རྡོ་ལ་སོགས་པའི་དངོས་པོ་དེ་རྣམས་ནི་འབྱུང་བ་ལྔ་ཡི་རྡུལ་ཕྲན་ཚོགས་པ་ལ་བརྟེན་ནས་བྱུང་བ་ཤ་སྟག་ཡིན་པ་དང་། མི་ཡང་འབྱུང་བ་ལྔ་ཡི་རྡུལ་ཕྲན་ཚོགས་པ་ལ་བརྟེན་ནས་བྱུང་བ་ཡིན་ལ་ལུས་པོ་དང་འབྲེལ་བ་ཡོད་པའི་རྣམ་ཤེས་དེའང་རང་དང་རིགས་འདྲ་བའི་དངོས་པོ་ཞིག་ལ་བརྟེན་ནས་བྱུང་བ་ལས་རྣམ་ཤེས་མེད་པའི་དངོས་པོ་གཅིག་ནས་རྣམ་ཤེས་ཡོད་པའི་དངོས་པོ་ཞིག་ཡོང་ཐུབ་ཐབས་མེད་པས་རྣམ་ཤེས་ཀྱི་རྒྱུ་དེ་ལ་རྣམ་ཤེས་ཤིག་ངེས་པར་ཡོད་དགོས། དེར་བརྟེན་འཇིག་རྟེན་ཐོག་སྲོག་ཆགས་ཐོག་མ་ཆགས་ཡོང་དུས་དེའི་རྣམ་ཤེས་དེ་ཡང་དེ་དང་རིགས་འདྲ་བའི་རྣམ་ཤེས་ཤིག་ལ་བརྟེན་ནས་བྱུང་བ་ལས་གློ་བུར་དུ་རྣམ་ཤེས་མ་ཡིན་པ་ཞིག་གིས་རྒྱུ་བྱས་ནས་གསར་དུ་བྱུང་བ་ཞིག་མིན། སྐྱེ་བ་མང་པོར་གོམས་འདྲིས་བྱས་ཏེ་འཚང་རྒྱ་བ་ཟེར་བའི་སངས་རྒྱས་ཆོས་ལུགས་ཀྱི་ལྟ་ཚུལ་དེ་ལ་དགག་པ་རྒྱག་ཆེད་ཕྱི་རོལ་མུ་སྟེགས་པས་སྐྱེ་བ་མང་པོར་གོམས་འདྲིས་བྱས་ཏེ་འཚང་རྒྱ་བ་ཟེར་བ་དེ་མེད་པར་སྐྱེ་བ་གཅིག་རང་ཡིན་ཏེ་དེ་ཚར་ན་བཞུ་མར་ལ་ཕུ་བཏབ་པ་ཇི་བཞིན་གང་ཡང་མེད་ཅེས་ཟེར།
གོང་དུ་ཤི་དུས་ཆོས་མ་གཏོགས་གང་གིས་ཀྱང་མི་ཕན་པའི་སྒྲུབ་བྱེད་བཤད་ཟིན་པར་བརྟེན་ཡང་མི་ལ་ལའི་སེམས་ནང་ཤི་དུས་ཆོས་ཀྱིས་ཕན་གྱི་ཡོད་ནའང་འདྲ། ཕན་གྱི་མེད་ནའང་འདྲ། གང་ལྟར་སྐྱེ་བ་སྔ་ཕྱི་ཟེར་བ་དེ་ནི་ཤོད་ཚུལ་ཙམ་ལས་དངོས་སུ་ཨེ་ཡོད་སྙམ་པ་ཡོང་སྲིད་པར་བརྟེན་སྐྱེ་བ་སྔ་ཕྱི་ཡོད་པའི་རྒྱུ་མཚན་འདི་བྱུང་བ་རེད། སྐྱེ་བ་སྔ་ཕྱི་ཡོད་པའི་སྐོར་དེ་རིག་པ་ཧ་ཅང་གཏིང་ཟབ་པོ་ཡོད་ཅིང་། ཚད་མ་རིག་པ་ལེའུ་གཉིས་པའི་ནང་གཙོ་བོ་སྐྱེ་བ་སྔ་ཕྱིའི་སྐོར་བཤད་ཡོད། འདིར་མདོར་བསྡུས་ཙམ་ཞུས་ན།
སྐྱེ་བ་སྔ་ཕྱི་ཟེར་བ་མེད་ཅེས་བཤད་ན་དེའི་ལན་དུ་འདི་ལྟར་སྟེ། ཤི་བའི་རྗེས་སུ་རང་གི་རྣམ་ཤེས་དེ་མེད་པར་འགྲོ་མི་སྲིད་པར་སྐྱེ་བ་རྗེས་མ་ཡོད་པར་འདོད་ལ། འོ་ན་འཇིག་རྟེན་ཐོག་གི་དངོས་པོ་ཚང་མ་དང་པོ་སྐྱེ་བ། བར་དུ་གནས་པ། མཐའ་མ་འཇིག་པའམ་མེད་པར་འགྲོ་བ་ནི་ལྡོག་ཐབས་མེད་པའི་ཆོས་ཉིད་ཅིག་ཡིན་པས་རྣམ་ཤེས་ཀྱང་ཆོས་ཉིད་དེ་ལས་ལྡོག་ཏུ་མེད་པས་ད་དུང་སྐྱེ་བ་རྗེས་མར་འགྲོ་ཟེར་བ་དེ་མེད་པར་ལུས་པོ་ཤི་བའི་རྗེས་སུ་རྣམ་ཤེས་ཀྱང་མེད་ཅེས་བཤད་ཚེ་སངས་རྒྱས་ཆོས་ལུགས་པས་རྣམ་ཤེས་ནི་ལུས་པོ་ཁོ་ནར་བརྟེན་ནས་བྱུང་བ་ཞིག་མིན་པར་དཔེར་ན་ནས་དང་། གྲོ། སྲན་མ། འབྲས། ཤིང་། ལྕགས་སོགས་ཚང་མ་འཇིག་རྟེན་འདིའི་ཐོག་གི་དངོས་པོ་སྤྱིར་བཏང་བ་ཤ་སྟག་ཡིན་ནའང་དེ་ཚོ་ཚང་མར་སོ་སོ་ཆགས་ཡས་ལ་སོ་སོ་དང་རིགས་འདྲ་བའི་རྒྱུ་ཞིག་ངེས་པར་དགོས་ཤིང་། རིགས་མི་འདྲ་བའི་རྒྱུ་ལ་བརྟེན་ནས་རིགས་འདྲ་བའི་འབྲས་བུ་ཡོང་མི་སྲིད་དེ་དཔེར་ན་གྲོ་བཏབ་ན་གྲོ་དང་། སྲན་མ་བཏབ་ན་སྲན་མ་སྐྱེ་བ་ལས་གྲོ་ལ་སྲན་མ་དང་སྲན་མར་གྲོ་སོགས་སྐྱེ་མི་སྲིད་པས་འཇིག་རྟེན་ཐོག་གི་དངོས་པོ་སྤྱིར་བཏང་རྣམས་ཀྱང་དེ་ལྟར་ཡིན་ན་རྣམ་ཤེས་ནི་ལོས་ཡིན། གང་ཞེ་ན། རྣམ་ཤེས་ནི་ཕྱི་རོལ་ཡུལ་གྱི་དངོས་པོ་ངོས་འཛིན་བྱེད་པའི་ནུས་པ་ཡོད་པ་དང་། དངོས་པོ་ལ་བཀོད་འདོམས་བྱེད་ཐུབ་མཁན། དངོས་པོའི་ཆོས་ཉིད་ལ་ཤེས་རྟོགས་བྱེད་ཐུབ་མཁན། འཕེལ་རྒྱས་འགྲོ་བའི་ནུས་པ་ཆེན་པོ་ཡོད་པ་བཅས་དངོས་པོ་གཞན་དང་མི་འདྲ་བ་ཚད་མཐོ་པོ་ཞིག་ཡིན་པས་དངོས་པོ་ཚད་མཐོ་པོ་འདི་འདྲ་ཞིག་གི་རྒྱུ་དེ་རང་དང་རིགས་འདྲ་བ་ཞིག་མེད་ན་དངོས་པོ་དེ་ཡང་མི་སྲིད། འོ་ན་ཁྱེད་ཀྱི་རྣམ་ཤེས་དེ་གང་ནས་བྱུང་བ་རེད་དམ་ཞེས་དྲིས་ན་མི་མང་ཆེ་བས་ཕལ་ཆེར་རང་གི་རྣམ་ཤེས་དེ་ཨ་མའི་ཁོག་ནས་སྐྱེ་བའི་ཉིན་དེ་ནས་བྱུང་ཞེས་ཤོད་བཟོ་ཡོད།
འོན་ཀྱང་དེ་འདྲ་མིན་ཏེ་ཨ་མའི་ཁོག་པའི་ནང་ཟླ་དགུ་ངོ་བཅུ་གནས་ཚང་གཡར་རིང་ཚ་གྲང་གི་སྡུག་བསྔལ་ཧ་ཅང་མང་པོ་མྱོང་དགོས་པ་དཔེར་ན་ཨ་མས་ལྟོ་ཆས་ཚ་པོ་བཟའ་དུས་ཚ་བའི་སྡུག་བསྔལ་དང་། ལྟོ་ཆས་གྲང་མོ་བཟའ་དུས་གྲང་བའི་སྡུག་བསྔལ། ཨ་མས་ལམ་དུ་མཆོངས་རྒྱག་རྒྱག་དུས་གཡང་དུ་ལྷུང་བའི་སྡུག་བསྔལ། ཨ་མས་ཐོག་ཁར་འཛེགས་དུས་རང་གིས་དངོས་པོ་ཆེན་པོ་ཞིག་ཡར་བཀྱག་པ་ལྟ་བུའི་སྡུག་བསྔལ། ཨ་མ་ལྟོ་ཟ་ཡས་མང་དྲག་ན་རང་ཉིད་རི་ཆེན་པོ་ཞིག་གིས་མནན་པ་ལྟ་བུའི་སྡུག་བསྔལ་སོགས་ཚོར་བ་དེ་འདྲ་ཡོང་གི་ཡོད་པ་མ་ཟད། སྐྱེ་བའི་སྐབས་སུའང་ཨ་མའི་ཁོག་པའི་ནང་ནས་མགོ་རྟིང་ལོག་རྗེས་རང་གི་ཤུགས་དང་ཨ་མའི་ཤུགས་གཉིས་ཀས་འདེད་དེ་རང་གི་ལུས་པོ་དེ་ལྕགས་ཀྱི་བུ་ག་ཆུང་ཆུང་ཞིག་ནང་བཙིར་ནས་མར་འཐེན་པ་ལྟ་བུའི་སྡུག་བསྔལ་ཡོད་སྟབས་སྐྱེ་མ་ཐག་སྐད་ཤུགས་གང་ཡོད་ཀྱིས་ངུ་བ་དེ་སྡུག་བསྔལ་དེ་དངོས་སུ་ཚོར་སྣང་ཡོང་གི་ཡོད་པའི་རྟགས་ཡིན་པར་བརྟེན་ཨ་མའི་ཁོག་ནང་དུ་ཡོད་དུས་ནས་རྣམ་ཤེས་མེད་ན་ཚོར་བ་དེ་དག་ཡོང་ཐབས་མེད་པས་ཚོར་བ་ཡོང་ཡས་ཀྱི་རྣམ་ཤེས་དེ་ལ་ཁོ་དང་རིགས་མཐུན་པའི་རྣམ་ཤེས་ཤིག་ཡོད་དགོས་པ་ལས་རྒྱུ་རྐྱེན་གང་ཡང་མེད་པར་གློ་བུར་དུ་བྱུང་བ་ཞིག་མིན།
འོ་ན་ཨ་མའི་ཁོག་པའི་ནང་ཡོད་པའི་ཕྲུ་གུ་དེའི་རྣམ་ཤེས་དེ་ལ་རྒྱུ་ཞིག་ངེས་པར་ཡོང་སྲིད་ལ་དེ་ཡང་རིགས་མི་འདྲ་བའི་རྒྱུ་ཞིག་རྩ་བ་ནས་མིན་པས་ཡང་སྙིང་རིགས་འདྲ་བའི་རྒྱུ་དེ་ཕ་མ་གཉིས་ཀྱི་ཁོག་ཏུ་ཡོད་དང་ཡང་ན་དེ་མིན་གང་དུ་ཡོད་ཅེ་ན། དེ་ནི་རང་གི་རྣམ་ཤེས་ཀྱི་རྒྱུ་ཞིག་ལས་ཕ་མ་གཉིས་ཀྱི་ལུས་ཐོག་ནས་བྱུང་བ་ཞིག་མིན། དེས་ན་ད་ལྟའི་རང་གི་རྣམ་ཤེས་དེའི་རྒྱུ་དེ་སུའི་རྣམ་ཤེས་ཡིན་ནམ་ཞེ་ན། དེའི་རིག་པ་ཧ་ཅང་གཏིང་ཟབ་པོ་ཡོད་དེ་ཨ་མའི་ཁོག་པའི་ནང་གི་ཕྲུ་གུ་དེའི་རྣམ་ཤེས་ཀྱི་རྒྱུ་དེ་རང་དང་རིགས་འདྲ་བ་ཞིག་ཡིན་པ་ལས་རིགས་མི་འདྲ་བ་ལ་བརྟེན་ནས་ཡོང་མི་སྲིད་ལ། རིགས་འདྲ་བའི་རྒྱུ་ནི་རྣམ་ཤེས་ཤིག་རང་ལས་རྣམ་ཤེས་མིན་པའི་རྒྱུ་ཞིག་གིས་རྣམ་ཤེས་ཀྱི་རྒྱུ་བྱེད་མི་ཐུབ་པ་དཔེར་ན་ལྕགས་ལ་ལྕགས་ཆགས་ཐུབ་པའི་རྒྱུ་ཞིག་དང་གྲོ་ལ་གྲོ་ཆགས་ཐུབ་པའི་རྒྱུ་ཞིག་དགོས་པ་ལྟར་རྣམ་ཤེས་ལ་རྣམ་ཤེས་ཆགས་ཐུབ་པའི་རྒྱུ་ཞིག་དགོས་པ་ལས་རྣམ་ཤེས་མ་ཡིན་པ་ཞིག་རྣམ་ཤེས་ཀྱི་རྒྱུ་ལ་བསྒྱུར་ཏེ་རྣམ་ཤེས་ཆགས་པ་ཞིག་རྩ་བ་ནས་ཡོང་མི་སྲིད། དེས་ན་རང་གི་རྣམ་ཤེས་དེའི་རྒྱུ་རྣམ་ཤེས་ཤིག་ཡིན་པ་གཏན་འཁེལ་རེད། འོ་ན་རྣམ་ཤེས་དེ་པ་ཕའི་རྣམ་ཤེས་ཡིན་དང་། ཨ་མའི་རྣམ་ཤེས་ཡིན། ཡང་ན་ཕ་མ་ཟུང་གི་རྣམ་ཤེས་བསྡོམས་ནས་བྱུང་བ་ཡིན་ནམ་ཞེ་ན། དེ་ཕ་མ་གཉིས་ཀ་དང་འབྲེལ་བ་མེད་པར་སོ་སོ་རང་གི་རྣམ་ཤེས་ཡིན་ཏེ་དཔེར་ན་པ་ཕའི་རྣམ་ཤེས་ལས་བྱུང་བ་ཡིན་ན་པ་ཕ་རིག་པ་སྐྱོ་པོ་གང་ཡང་མི་ཤེས་མཁན་ཞིག་ལ་ཕྲུ་གུ་ཡང་དེ་དང་འདྲ་བ་ཞིག་ཡོད་དགོས་པ་དང་། གལ་ཏེ་ཨ་མའི་རྣམ་ཤེས་ལས་བྱུང་བ་ཡིན་ན་ཨ་མ་ཞེ་སྡང་དང་ང་རྒྱལ་ཚ་པོ་ཡོད་པ་ཞིག་ལ་ཕྲུ་གུ་ཡང་དེ་དང་འདྲ་བ་ཞིག་དགོས་པས་དེ་ནི་གཏན་འཁེལ་མེད། དེར་བརྟེན་རྣམ་ཤེས་དེ་རང་གི་རང་གི་རྣམ་ཤེས་ཡིན་པ་བརྗོད་མི་དགོས།
དེ་ལ་རྒྱུ་མཚན་ལྔ་ཡོད། ༡. རང་གི་ལུས་པོ་དེ་རྣམ་ཤེས་ཆགས་ཡས་ཀྱི་རྒྱུ་མིན་པ། ༢. ཕ་མའི་ལུས་པོ་དེ་ཡང་རང་གི་རྣམ་ཤེས་ཆགས་ཡས་ཀྱི་རྒྱུ་མིན་པ། ༣. དབུགས་ནི་རྣམ་ཤེས་ཆགས་ཡས་ཀྱི་རྐྱེན་ཡིན་པ་ལས་རྒྱུ་མིན་པ། ༤ .མ་ཡི་མངལ་དུ་ཉིང་མཚམས་སྦྱར་བའི་སྐབས་ཀྱི་རྣམ་ཤེས་དེ་ལ་རིགས་སྔ་མ་ཡོད་པ། ༥. འཆི་ཁའི་དུས་ཀྱི་སེམས་དེས་རྣམ་ཤེས་ཕྱི་མ་མཚམས་སྦྱོར་བྱེད་པ་བཅས་ཡིན།
༡. རང་གི་ལུས་པོ་དེ་རྣམ་ཤེས་ཆགས་ཡས་ཀྱི་རྒྱུ་མིན་པ་ནི། རྒྱུ་དང་རྐྱེན་ཞེས་ཁག་གཉིས་ཡོད་པ་ལས་རྣམ་ཤེས་ཆགས་ཡས་ཀྱི་རྒྱུ་དེ་ལུས་མིན། འོན་ཀྱང་རྐྱེན་དེ་ལུས་ཡིན། རྒྱུ་དང་རྐྱེན་གཉིས་དབྱེ་བ་ཡོད་པ་དེ་ཚད་མ་རྣམ་འགྲེལ་སློབ་ཁྲིད་བྱེད་སྐབས་ཞུས་ཟིན་པ་ལྟར་ཡིན། དཔེར་ན་མར་བཏབ་པའི་སོན་དེ་འབྲུ་ཡིན་ན་ཡར་སྐྱེ་ཡས་དེའང་འབྲུ་ཡིན་པས་ཡར་སྐྱེ་ཡས་ཀྱི་སོན་འབྲུ་དེ་རྒྱུ་ཡིན་ལ། སོན་དེ་ལ་བརྟེན་ནས་འབྲས་བུ་ཡོང་དགོས་ན་ས་དང་། ཆུ། ལུད། དྲོད་བཅས་ཀྱི་ཆ་རྐྱེན་འཛོམས་དགོས་པས་དེ་དག་ནི་རྐྱེན་ཡིན། རྐྱེན་ཡོད་ནའང་རྒྱུ་མེད་ན་འབྲས་བུ་ཡོང་ཐབས་མེད་ལ། རྒྱུའི་ངོ་བོ་དེ་འབྲས་བུའི་ངོ་བོར་འགྱུར་དགོས་པར་བརྟེན་རིགས་མི་འདྲ་བའི་རྒྱུ་དེ་རིགས་མི་འདྲ་བའི་འབྲས་བུའི་ངོ་བོ་ལ་འགྱུར་ཐུབ་ཐབས་མེད་སྟབས་རྒྱུ་དེ་རང་དང་རིགས་འདྲ་བའི་འབྲས་བུའི་ངོ་བོ་ལ་འགྱུར་ཐུབ་པ་ཞིག་དགོས་པ་ཡིན། དཔེར་ན་ནས་བཏབ་ན་ནས་སྐྱེ་བ་དང་། འབྲས་བཏབ་ན་འབྲས་སྐྱེ་བ་ལས་ནས་བཏབ་ན་གྲོ་སྐྱེ་བ་དང་འབྲས་བཏབ་ན་སྲན་མ་སྐྱེ་བ་སོགས་ཀྱི་དཔེ་མེད། དཔེར་ན་ཞིང་ཁ་དང་། ཆུ། ལུད། དྲོད་སོགས་ཀྱི་ཆ་རྐྱེན་ཚང་མ་འཛོམས་ནའང་སོན་མེད་ན་འབྲས་བུ་ཡོང་ཐབས་མེད། དེ་རྒྱུ་མཚན་གང་ཡིན་ཞེ་ན། སོན་དེ་ལ་བརྟེན་ནས་རང་དང་རིགས་འདྲ་བའི་འབྲས་བུ་ཞིག་ཆགས་དགོས་པས་ཡིན། དེར་བརྟེན་རྒྱུ་དང་འབྲས་བུ་གཉིས་རིགས་མི་འདྲ་བ་ཞིག་ཡིན་ན་རྒྱུ་དེ་ལ་བརྟེན་ནས་འབྲས་བུ་དེ་ཡོང་མི་ཐུབ། དེས་ན་ལུས་པོ་དེ་ཡང་རྣམ་ཤེས་ཆགས་ཡས་ཀྱི་རྒྱུ་ཡིན་ན་རང་ཤི་ཚར་བའི་རྗེས་སུ་རང་གི་ལུས་པོ་བསྡད་ཡོད་ནའང་རྣམ་ཤེས་དེ་ལུས་པོ་དང་ཁ་བྲལ་ཟིན་པས་གལ་ཏེ་ལུས་པོ་དེ་རྣམ་ཤེས་ཆགས་ཡས་ཀྱི་རྒྱུ་ཡིན་ན་ལུས་པོ་གར་ཡོད་སར་རྣམ་ཤེས་ཡོད་དགོས་པས་དེ་མེད། དེར་བརྟེན་ལུས་པོ་དེ་རྣམ་ཤེས་ཆགས་ཡས་ཀྱི་རྒྱུ་མིན་པའི་རྒྱུ་མཚན་དང་པོ་དེ་ཡིན། རྒྱུ་མཚན་གཉིས་པ་ནི་རང་གི་ལུས་པོ་དེ་རྣམ་ཤེས་ཆགས་ཡས་ཀྱི་རྒྱུ་ཡིན་ན་ལུས་སྟོབས་ཆེ་བར་རྣམ་ཤེས་སྟོབས་ཆེ་བ་དང་། ལུས་སྟོབས་ཆུང་བར་རྣམ་ཤེས་སྟོབས་ཆུང་བ། ལུས་སྟོབས་ཆེ་ན་རིག་པ་ཡག་པ་དང་། ལུས་སྟོབས་ཆུང་ན་རིག་པ་གཞན་པ་ཡོང་དགོས་སྟབས་དེ་ཡང་ངེས་པ་མེད་པས་རང་གི་ལུས་པོ་དེ་རྣམ་ཤེས་ཆགས་ཡས་ཀྱི་རྒྱུ་མིན་པའི་རྒྱུ་མཚན་གཉིས་པ་དེ་ཡིན། ཡང་རང་གི་དབང་པོ་ལྔ་པོ་དེ་རྣམ་ཤེས་ཆགས་ཡས་ཀྱི་རྒྱུ་མིན་ནམ་སྙམ་ན་དེ་ཡང་མིན་ཏེ་ལོང་བ་དང་འོན་པ་ལའང་རྣམ་ཤེས་ཡོད་པས་དེ་ནི་རྒྱུ་མཚན་གསུམ་པ་ཡིན།
༢. ཕ་མའི་ལུས་པོ་དེའང་རང་གི་རྣམ་ཤེས་ཆགས་ཡས་ཀྱི་རྒྱུ་མིན་པ་ནི། ཕ་མའི་སེམས་ལ་སྐྱོན་དང་ཡོན་ཏན་གང་ཡོད་པ་ལྟར་བུ་ཕྲུག་ལའང་ཡོད་དགོས་པས་དེ་ནི་ངེས་པ་གཏན་ནས་མེད་པ་དང་། ཕ་མ་གཅིག་ལས་སྐྱེས་པའི་བུ་ཕྲུག་ལའང་སྐྱོན་དང་ཡོན་ཏན་ཆེ་ཆུང་དང་། ཤེས་རིག་གསལ་མི་གསལ་སོགས་ཀྱི་ཁྱད་པར་དཔག་ཏུ་མེད་པ་ཡོད།
༣. དབུགས་ནི་རྣམ་ཤེས་ཆགས་ཡས་ཀྱི་རྒྱུ་མིན་པ་སྟེ། དབུགས་འགྲོ་འོང་གི་ཆ་ལ་སྐྱོན་གང་ཡང་མེད་པར་གཅིག་མཚུངས་ཡིན་ཀྱང་། ཤེས་རིག་གསལ་མི་གསལ་དང་། ཡོན་ཏན་ཆེ་ཆུང་སོགས་ཀྱི་ཁྱད་པར་ཆེན་པོ་ཡོད་པ་དང་། དབུགས་ཀྱི་འགྲོ་འོང་རྒྱུན་ལྡན་ཡིན་ཀྱང་ཚོར་བ་ཉམས་པ་དང་། དྲན་པ་ཉམས་ནས་སྨྱོ་བ་དེ་འདྲའང་མང་པོ་མཐོང་རྒྱུ་ཡོད། གལ་ཏེ་དབུགས་དེ་རྣམ་ཤེས་ཀྱི་རྒྱུ་ཡིན་ན་དབུགས་རྟག་ཏུ་ཕར་གཏོང་ཚུར་ལེན་བྱེད་ཀྱི་ཡོད་པས་དབུགས་ཕར་གཏོང་ཚུར་ལེན་བྱེད་ཐེངས་རེར་རྣམ་ཤེས་ཀྱང་བརྗེ་ལེན་ཐེངས་རེ་བྱེད་དགོས་ཤིང་། དེ་འདྲ་ཡིན་ན་དབུགས་ཀྱི་གྲངས་དང་མཉམ་པའི་རྣམ་ཤེས་གསར་པ་ཡོང་དགོས་ལ་ཡོན་ཏན་སློབ་སྦྱོང་བྱེད་ཡས་ལ་ཆ་བཞག་ནའང་ཉིན་རེ་ཉིན་རེ་བརྗེད་འགྲོ་བ་ལས་གསོག་འཇོག་བྱེད་ཐུབ་ཐབས་མེད་པ་མཐོང་ཆོས་སུ་གྱུར་པས་ན་དབུགས་ཀྱི་འགྲོ་འོང་ནི་རྣམ་ཤེས་ཀྱི་རྒྱུ་མིན།
༤ . མ་ཡི་མངལ་དུ་ཉིང་མཚམས་སྦྱར་བའི་སྐབས་ཀྱི་རྣམ་ཤེས་དེ་ལ་རིགས་འདྲ་སྔ་མ་ཡོད་པ་སྟེ། རང་ཉིད་ཐོག་མ་ཨ་མའི་ཁོག་ཏུ་འཁོར་མ་ཐག་པའི་རྣམ་ཤེས་སྐད་ཅིག་དང་པོ་དེ་ལ་རྒྱུ་ཞིག་ངེས་པར་ཡོད་དགོས་ཤིང་། རྒྱུ་དང་རྐྱེན་མེད་པར་བྱུང་བ་ཞིག་གཏན་ནས་མིན། རང་ཉིད་མ་ཡི་མངལ་དུ་འཁོར་མ་ཐག་པའི་རྣམ་ཤེས་སྐད་ཅིག་དང་པོ་དེ་ལ་རང་དང་རིགས་འདྲ་བའི་རྒྱུ་ཞིག་ཡོད། རང་དང་རིགས་འདྲ་བའི་རྒྱུ་ཞིག་ལ་བརྟེན་ནས་བྱུང་བ་ཡིན་ཙང་རྒྱུ་དེ་ག་དུས་བྱུང་བ་དང་གང་ནས་བྱུང་བ་ཡིན་ནམ་ཞེ་ན་དེ་ཡང་གློ་བུར་བྱུང་བ་ཞིག་མིན། ཡང་དཔེར་ན་རང་ཉིད་མི་ལུས་ལེན་དགོས་ན་ཕ་མ་གཉིས་ཀ་མི་ཡིན་དགོས་པ་ལས་དུད་འགྲོའི་རིགས་ལ་སྐྱེ་མི་སྲིད། འོན་ཀྱང་པ་ཕ་བོང་བུ་དང་ཨ་མ་རྟ་ཡིན་ན་དྲེའུ་སྐྱེ་བ་དེ་ནི་ཕ་དེ་ཕྲུ་གུ་དེའི་ཐུན་མོང་མ་ཡིན་པའི་རིགས་ཆགས་ཡས་ཀྱི་རྒྱུ་ཡིན་པ་དང་མ་ནི་རྐྱེན་ཡིན། རྣམ་ཤེས་ནི་གཟུགས་སྒྲ་དྲི་རོ་སོགས་ཚང་མ་མི་ལྡན་པ་ཞིག་ཡིན་ནའང་གསོན་ཉམས་ལྡན་པ་དང་། ནུས་པ་ཆེ་བ། ཕྱི་རོལ་ཡུལ་གྱི་ངོ་བོ་དང་སྣང་ཚུལ་ངོས་འཛིན་ཐུབ་མཁན་ཞིག་ཡིན་པས་གློ་བུར་དུ་ཡོང་མི་སྲིད་པར་དེ་ལ་རང་དང་རིགས་འདྲ་བའི་རྒྱུ་སྔོན་མ་ཞིག་གཏན་གཏན་ཡོད། དཔེར་ན་ཐོག་མ་ཕ་མ་གཉིས་ཀྱི་ས་བོན་གྱི་ནང་དུ་རང་གི་རྣམ་ཤེས་དེ་ཞུགས་མ་ཐག་རང་གི་ལུས་པོ་དེ་ཆུ་འཁོལ་མའི་ནང་བཙོས་པ་ལྟ་བུའི་ཚོར་སྣང་ཡོང་གི་ཡོད་པས་རྣམ་ཤེས་མེད་ན་ཚོར་སྣང་ཡོང་མི་ཤེས་ལ་མའི་མངལ་དུ་ཕྲུ་གུས་འགུལ་སྐྱོད་བྱེད་པ་དེ་ཡང་རྣམ་ཤེས་ཡོད་པས་ཡིན། དེས་ན་རྣམ་ཤེས་གསར་པ་དེ་ལ་རང་དང་རིགས་འདྲ་བའི་རྒྱུ་ཞིག་ངེས་པར་ཡོད་པར་བརྟེན་དེ་ཐོག་ནས་སྐྱེ་བ་སྔོན་མ་ཡོད་པ་མཚོན་པ་ཡིན་ཟེར།
༥. འཆི་ཁའི་དུས་ཀྱི་སེམས་དེས་རྣམ་ཤེས་ཕྱི་མ་མཚམས་སྦྱོར་བྱེད་པ་སྟེ། སྐྱེ་བ་སྔོན་མ་རྣམ་ཤེས་ཡོད་པ་གཏན་འཁེལ་བ་ཡིན་སྟབས་ད་ལྟའི་རྣམ་ཤེས་དེའང་སྐྱེ་བ་རྗེས་མར་འགྲོ་རྒྱུ་ཡིན་པ་ངེས་གཏན་རེད། གོང་དུ་སྐྱེ་བ་སྔ་མ་ཡོད་པའི་རྒྱུ་མཚན་བཞི་བཤད་རྗེས་ད་ལྟའི་རྣམ་ཤེས་དེ་ཚེ་རྗེས་མར་འགྲོ་རྒྱུ་ཡོད་པ་གཏན་འཁེལ་བ་རེད། འོ་ན་རྣམ་ཤེས་དེ་རང་གི་ལུས་པོའི་ཐོག་ཏུ་གནས་ཡོད་ན་ལུས་པོ་འཐོར་དུས་རྣམ་ཤེས་ཀྱང་འཐོར་འགྲོ་བས་དེ་ཟུར་དུ་གནས་དགོས་པའི་རྒྱུ་མཚན་མི་འདུག་སྙམ་ཚེ་དེ་ནི་དེ་འདྲ་མ་ཡིན་པར་དཔེར་ན་སྐྱེ་བ་སྔ་ཕྱི་མཁས་མི་ལེན་མཁན་ཞིག་ལ་ཆ་བཞག་ནའང་ཤི་ཁར་རང་གི་ལུས་སེམས་ལ་ཆགས་ཞེན་མེད་མཁན་རྩ་བ་ནས་མེད་དེ་རང་གཙོ་བོ་བྱེད་པའི་སྒེར་སེམས་དེ་ཡོད་ཕྱིན་རང་འཇིག་རྟེན་འདི་ནས་ཁ་བྲལ་པར་རང་གི་ལུས་རྟེན་དེར་ཆགས་ཞེན་སྐྱེས་ནས་སེམས་སྐྱོ་ལྷང་ལྷང་མེ་བྱེད་མཁན་ཡོང་མི་སྲིད་ཅིང་། སྐྱེ་བ་སྔ་ཕྱི་མཁས་མི་ལེན་མཁན་ཞིག་ཡིན་ནའང་རང་གི་ལུས་པོ་ལ་ཆགས་ཞེན་མེད་མཁན་མེད། དེ་ནི་འཇིག་རྟེན་འདིའི་ཐོག་སྲོག་ཆགས་ཆེ་ཆུང་ཚང་མ་གཅིག་མཚུངས་ཡིན། ཆགས་ཞེན་བྱེད་པ་དེ་སྐྱེ་བ་རྗེས་མར་འགྲོ་བའམ་རྣམ་ཤེས་རྗེས་མ་ཡོང་བའི་རྒྱུ་ཡིན་ཏེ་རང་གཙོ་བོ་བྱེད་པའི་སྒེར་སེམས་དེ་མེད་པ་བཟོ་མ་ཐུབ་བར་སྐྱེ་བ་ཡང་ནས་ཡང་དུ་ལེན་དགོས་པར་བརྟེན་སྐྱེ་བ་ལེན་མི་དགོས་པ་ཞིག་བྱེད་དགོས་ན་རང་གཙོ་བོ་བྱེད་པའི་སྒེར་སེམས་དེ་རྩ་བ་ནས་མེད་པ་བཟོ་དགོས། དེ་བཟོ་ཐུབ་ན་འཁོར་བའི་སྡུག་བསྔལ་ལས་ཐར་ཏེ་བཅིངས་འགྲོལ་ཐོབ་པ་ཡིན་ཟེར།
གཞན་ཡང་དངོས་པོ་གང་འདྲ་ཞིག་ཡིན་ནའང་དང་པོ་སྐྱེ་བ་དང་། བར་དུ་གནས་པ། མཐའ་མ་འཇིག་པ་ཞེས་པ་དེ་འདྲ་ཞིག་ཡིན་ནམ་ཞེ་ན་མཐའ་མ་འཇིག་པ་ཟེར་བ་དེ་རྒྱུན་ཆད་དེ་རྩ་བ་ནས་མེད་པར་འགྱུར་བའི་དོན་མིན་ཏེ་དཔེར་ན་ཤིང་ལ་ཆ་བཞག་ན་མེར་བསྲེགས་རྗེས་ཁག་ཅིག་སོལ་བ་དང་ཁག་ཅིག་ཐལ་བར་གྱུར་ཐོག ཡང་སོལ་བ་དེ་མེར་བསྲེགས་ཏེ་ཐལ་བར་འགྱུར་ནའང་དེའི་རྒྱུན་དེ་གཏན་ནས་ཆད་མེད། འོ་ན་ས་གཞི་རིལ་མོ་འདིའི་ཐོག་གི་སྲོག་ཆགས་རྣམས་གོ་ལ་འདི་གའི་ཐོག་གློ་བུར་གསར་དུ་བྱུང་བ་ཡིན་ནམ་གཞན་ནས་ཡོང་བ་ཡིན་ཞེ་ན། དེའི་ཐད་སངས་རྒྱས་ཆོས་ལུགས་ཀྱི་བཤད་སྲོལ་ལྟར་ན་གོ་ལ་འདིའི་ཐོག་གསར་དུ་བྱུང་བ་ཞིག་ཡིན། འོན་ཀྱང་སྔར་མེད་གསར་སྐྱེས་གློ་བུར་དུ་བྱུང་བ་ཞིག་མ་ཡིན་པར་འཇིག་རྟེན་གཞན་ནས་ཚེ་འཕོས་པ་ཞིག་ཡིན་ཟེར། དེའི་རྒྱུ་མཚན་ནི་གོང་དུ་ཞུས་ཟིན་པ་དེ་དག་ཡིན། དཔེར་ན་ས་གཞི་རིལ་མོ་འདིའི་ཐོག་ཏུ་ས་དང་། ཆུ། ཤིང་། ལྕགས། རྡོ་ལ་སོགས་པའི་དངོས་པོ་དེ་རྣམས་ནི་འབྱུང་བ་ལྔ་ཡི་རྡུལ་ཕྲན་ཚོགས་པ་ལ་བརྟེན་ནས་བྱུང་བ་ཤ་སྟག་ཡིན་པ་དང་། མི་ཡང་འབྱུང་བ་ལྔ་ཡི་རྡུལ་ཕྲན་ཚོགས་པ་ལ་བརྟེན་ནས་བྱུང་བ་ཡིན་ལ་ལུས་པོ་དང་འབྲེལ་བ་ཡོད་པའི་རྣམ་ཤེས་དེའང་རང་དང་རིགས་འདྲ་བའི་དངོས་པོ་ཞིག་ལ་བརྟེན་ནས་བྱུང་བ་ལས་རྣམ་ཤེས་མེད་པའི་དངོས་པོ་གཅིག་ནས་རྣམ་ཤེས་ཡོད་པའི་དངོས་པོ་ཞིག་ཡོང་ཐུབ་ཐབས་མེད་པས་རྣམ་ཤེས་ཀྱི་རྒྱུ་དེ་ལ་རྣམ་ཤེས་ཤིག་ངེས་པར་ཡོད་དགོས། དེར་བརྟེན་འཇིག་རྟེན་ཐོག་སྲོག་ཆགས་ཐོག་མ་ཆགས་ཡོང་དུས་དེའི་རྣམ་ཤེས་དེ་ཡང་དེ་དང་རིགས་འདྲ་བའི་རྣམ་ཤེས་ཤིག་ལ་བརྟེན་ནས་བྱུང་བ་ལས་གློ་བུར་དུ་རྣམ་ཤེས་མ་ཡིན་པ་ཞིག་གིས་རྒྱུ་བྱས་ནས་གསར་དུ་བྱུང་བ་ཞིག་མིན། སྐྱེ་བ་མང་པོར་གོམས་འདྲིས་བྱས་ཏེ་འཚང་རྒྱ་བ་ཟེར་བའི་སངས་རྒྱས་ཆོས་ལུགས་ཀྱི་ལྟ་ཚུལ་དེ་ལ་དགག་པ་རྒྱག་ཆེད་ཕྱི་རོལ་མུ་སྟེགས་པས་སྐྱེ་བ་མང་པོར་གོམས་འདྲིས་བྱས་ཏེ་འཚང་རྒྱ་བ་ཟེར་བ་དེ་མེད་པར་སྐྱེ་བ་གཅིག་རང་ཡིན་ཏེ་དེ་ཚར་ན་བཞུ་མར་ལ་ཕུ་བཏབ་པ་ཇི་བཞིན་གང་ཡང་མེད་ཅེས་ཟེར།
Sunday, January 16, 2011
ཚེ་དཔག་མེད་ཀྱི་བསྟོད་པ་ཉི་གཞོན་འཆར་ཀ་མ།
རྗེ་ཙོང་ཁ་པ་བློ་བཟང་གྲགས་པ།
༄༅། །ཉི་གཞོན་འཆར་ཀའི་མདངས་ལྡན་ལི་ཁྲི་ལྟར།།
ཡིད་འོང་དམར་སེར་དྲ་བས་ཁེབས་པ་ཡི།།
འདབ་སྟོང་གེ་སར་རྩེ་ན་ཟླ་གདན་ལ།།
ཧྲཱིཿལས་བྱུང་བའི་མགོན་པོ་ཚེ་དཔག་མེད།།
པདྨ་རཱ་གའི་ལྷུན་པོ་དབང་པོའི་གཞུས།།
ཀུན་ནས་ཀླུབས་པ་ཇི་བཞིན་ཁྱོད་ཀྱི་སྐུ།།
སྣ་ཚོགས་གོས་དང་ནོར་བུའི་རྒྱན་མང་གིས།།
ཀུན་ནས་མཛེས་པར་བྱས་ལ་ཕྱག་འཚལ་ལོ།།
འཁྲི་ཤིང་གཞོན་ནུའི་ཡལ་འདབ་ལྟར་མཉེན་པའི།།
ཕྱག་གཉིས་དབུས་ན་འཆི་མེད་བདུད་རྩི་ཡིས།།
ལེགས་པར་གང་བའི་ལྷུང་བཟེད་རབ་བསྣམས་ནས།།
ཚེ་ཡི་དངོས་གྲུབ་སྩོལ་ལ་ཕྱག་འཚལ་ལོ།།
བུང་བ་ལྟར་ནག་རལ་པའི་ཐོར་ཅོག་ནི།།
སྤྱི་བོར་མཛེས་པའི་ལན་བུ་རིང་དུ་འཕྱང་།།
འཇམ་མཉེན་སྣ་ཚོགས་དར་གྱི་སྨད་གཡོགས་ཅན།
།མཚན་དཔེའི་གཟི་བརྗིད་འབར་ལ་ཕྱག་འཚལ་ལོ།།
ཤུགས་དྲག་དང་བས་བསྐྱོད་པའི་ཐལ་སྦྱར་ཞིང་།།
ཡིད་འཕྲོག་ཤིན་ཏུ་སྙན་པའི་ང་རོ་ཡིས།།
ཁྱོད་ཀྱི་ཡོན་ཏན་ལེགས་པར་བརྗོད་པ་ལ།
།ལེགས་ཚོགས་ཐམས་ཅད་སྩོལ་ལ་ཕྱག་འཚལ་ལོ།།
ཡེ་ཤེས་མཚོན་གྱིས་མི་ཤེས་དྲ་བ་བཅད།།
སེམས་ཅན་ཀུན་ལ་ཐུགས་རྗེ་རྒྱུན་ཆད་མེད།།
འགྲོ་ཀུན་འདྲེན་པའི་ཁུར་གྱིས་མི་ངལ་བ།།
གཏན་གྱི་སྐྱབས་གནས་ཁྱོད་ལ་ཕྱག་འཚལ་ལོ།།
མཚན་ཙམ་བཟུང་བས་དུས་མིན་འཆི་བ་འཇོམས།།
ཡིད་ལ་དྲན་པས་སྲིད་པའི་འཇིགས་ལས་སྐྱོབ།།
སྐྱབས་སུ་བསྟེན་ལ་གཏན་གྱི་བདེ་སྟེར་བ།།
ཁྱོད་ལ་རྣམ་པ་ཀུན་ཏུ་ཕྱག་འཚལ་ལོ།།
སྐྱོན་བྲལ་ཁྱོད་ལ་གུས་པས་བསྟེན་པ་བདག།
གནས་སྐབས་མི་འདོད་ཉེར་འཚེ་ཞི་བ་དང་།།
མཐར་ཐུག་བདེ་བ་ཅན་དུ་པདྨོ་ལས།།
བརྫུས་ཏེ་སྐྱེས་ནས་ཁྱོད་མཉེས་བགྱིད་པར་ཤོག།
ཅེས་པ་འདི་ཡང་ཤར་ཙོང་ཁ་བ་བློ་བཟང་གྲགས་པའི་དཔལ་གྱིས་སྦྱར་བའོ། །
Tuesday, January 11, 2011
Friday, January 7, 2011
མིག་ནད་ཞི་བར་བྱེད་པའི་མདོ་བཞུགས་སོ།།
༄༅། །རྒྱ་གར་སྐད་དུ། ཨཱརྱ་ཨཀྵི་རོ་ག་པྲ་ཤ་ས་ཎི་སྰུ་ཏྲ། བོད་སྐད་དུ་འཕགས་པ་མིག་ནད་རབ་ཏུ་ཞི་བར་བྱེད་པའི་མདོ་སངས་རྒྱས་དང་བྱང་ཆུབ་སེམས་པ་ཐམས་ཅད་ལ་ཕྱག་འཚལ་ལོ།།
འདི་སྐད་བདག་གི་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་ཕུང་པོའི་རི་ལ་བཞུགས་ཏེ། དེ་ནས་གནོད་སྦྱིན་གྱི་སྡེ་དཔོན་ཆེན་པོ་ནག་པོ་བཅོམ་ལྡན་འདས་ག་ལ་བ་དེར་སོང་སྟེ། ཕྱིན་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རྒྱལ་པོའི་ཁབ་གྲོང་ཁྱེར་ཆེན་པོ་འདིར་མིག་ནད་བྱུང་ན་དེ་དག་ལ་ཇི་ལྟར་སྒྲུབ་པར་གྱིས། བཅོམ་ལྡན་འདས་ཀྱིས་བཀའ་སྩལ་པ། ནག་པོ་མིག་ནད་ཀྱི་སྔགས་ཀྱི་ཚིག་འདི་དག་ཡོད་དེ། ཏ་དྱ་ཐ། རུ་དྷི་རེ་ཕུ་ར་དྷི་ར། ཨཀྵི་ཕུ། རུ་དྷ་རི་པིྃ་ག་ལེ་ཕུ། བྷ་ཏེ་ཕུཿཧ་ན་ཏེ་ཕུཿམཱཾ་ས་དུ་དྷུ་བྷི་ཕུ། པད་མ་ཨཀྵི་ཕུ། པད་མ་དཎྜ་ཧི་ར་ཎི་ཡེ་ཕུ་སཱཧཱ། བཅོམ་ལྡན་འདས་ཀྱི་དེ་སྐད་ཅེས་བཀའ་སྩལ་ནས་གནོད་སྦྱིན་གྱི་སྡེ་དཔོན་ཆེན་པོ་ནག་པོ་ཡི་རངས་ཏེ་བཅོམ་ལྡན་འདས་ཀྱི་གསུངས་པ་ལ་མངོན་པར་བསྟོད་དོ། ། ཆོ་ག་ནི་འདི་ཡིན་ཏེ། སྲད་བུ་དཀར་པོ་ལ་ལན་བདུན་བཟླས་པ་བྱས་ཏེ། མདུད་པ་མདུན་བོར་རོ། །ཆུ་ལ་ལན་བདུན་བཟླས་པ་བྱས་ལག་པས་བྱབས་ན། མིག་ནད་ཞི་བར་འགྱུར་རོ། །འཕགས་པ་མིག་ནད་ཞི་བར་བྱེད་པའི་མདོ་རྫོགས་སོ།།
Thursday, January 6, 2011
དཀྱིལ་འཁོར་གྱི་འབྱུང་བ་དང་མཚོན་དོན།
འཇིགས་མེད་ཆོས་ཀྱི་རྡོ་རྗེ།
སྤྱིར་དཀྱིལ་འཁོར་ཞེས་པ་ནི་ལྷ་གཙོ་འཁོར་རྟེན་དང་བཅས་པའི་བཀོད་པ་སྟེ་རྒྱལ་བ་རྡོ་རྗེ་འཆང་གིས་གདུལ་བྱའི་དབང་གིས་རྒྱུད་དེ་དང་དེ་གསུང་བའི་སྐབས་སུ་ལྷ་དེ་དང་དེའི་དཀྱིལ་འཁོར་གྱི་བཀོད་པ་དངོས་སུ་སྤྲུལ་ཏེ་དབང་བསྐུར་ཅིང་རྒྱུད་བསྟན། དགོངས་གཞི་དང་དགོས་པའི་དབང་གིས་བློས་བསླངས་ཀྱི་དཀྱིལ་འཁོར། རྡུལ་ཚོན་གྱི་དཀྱིལ་འཁོར། རས་བྲིས་ཀྱི་དཀྱིལ་འཁོར། ལུས་དཀྱིལ་གྱི་དཀྱིལ་འཁོར། བསམ་གཏན་གྱི་དཀྱིལ་འཁོར་ལ་སོགས་པ་ཚོགས་གཉིས་སྒྲུབ་ཚུལ་གྱི་མན་ངག་ཞིབ་པར་རྒྱུད་སྡེ་སོ་སོ་ནས་བསྟན་ཡོད། དེ་ལྟར་བོད་དུ་བཞེངས་པའི་ཚུལ་གྱི་མགོ་འབུས་ཙམ་ཞིག་སྟོན་ན། སྲོང་བཙན་ཡབ་ཡུམ་གྱིས་ར་སའི་གཙུག་ལག་ཁང་དུ་འཇམ་དཔལ་དྲག་པོའི་དཀྱིལ་འཁོར་དང་། ཐུགས་རྗེ་ཆེན་པོའི་དཀྱིལ་འཁོར་སོགས་བྲིས་བཞེངས་མཛད་པ་དང་། ཁྲི་སྲོང་གི་དུས་བསམ་ཡས་སུ་གསང་སྔགས་ཀྱི་དཀྱིལ་འཁོར་ཆ་ཚང་བཞེངས་པ་དང་། སློབ་དཔོན་ཆེན་པོས་ཕྱག་བྲིས་མཛད་པའི་དཀྱིལ་འཁོར་ཡང་མང་བར་གྲགས། ཁྱད་པར་དུ་ཕོ་བྲང་པོ་ཏ་ལ་ནི་ཕྱི་རྒྱལ་པོའི་ཕོ་བྲང་དང་། ནང་གཙུག་ལག་ཁང་། གསང་བ་བླ་མེད་ཀྱི་དཀྱིལ་འཁོར་གྱི་རྣམ་པར་བཞེངས། ས་ཆེན་གོང་མ་ན་རིམ་དང་། ཀུན་མཁྱེན་བུ་སྟོན་རིན་ཆེན་གྲུབ་ལ་སོགས་པའི་གདན་ས་དག་ཏུ་བཀའ་རྒྱུད་སོ་སོའི་ཐུན་མོང་དང་ཐུན་མོང་མ་ཡིན་པའི་དཀྱིལ་འཁོར་ཆ་ཚང་བ་རེ་བཞེངས་པར་བརྟེན། བོད་ཁམས་ཡོངས་སུ་རྡུལ་ཚོན་དང་རས་བྲིས། ལོགས་བྲིས་སོགས་ཀྱི་དཀྱིལ་འཁོར་བགྲང་ལས་འདས་པ་བཞེངས་དང་བཞེང་བ་ལྟར་དང་། ཁྱད་པར་དུ་རྗེ་ཐམས་ཅད་མཁྱེན་པས་དགའ་ལྡན་དུ་ཕྱག་ལེན་ཕྲ་ཞིབ་ཀྱིས་བདེ་གསང་ལ་སོགས་པའི་དཀྱིལ་འཁོར་དང་བློས་བསླངས་ངོ་མཚར་བ་བཞེངས་པའི་བཀའ་སྲོལ་ད་ལྟ་འཕེལ་བཞིན་པ་དང་། གཞན་རིན་པོ་ཆེའི་དཀྱིལ་འཁོར་དང་། གསེར་དངུལ། ཟངས། མུ་ཏིག ཙན་དན། སའི་རྒྱུ་སྣ་ཚོགས་ཀྱིས་བསྒྲུབས་པའང་ཤིན་ཏུ་མང་བ་ཕལ་ཆེ་བ་དུས་དབང་གིས་འཇིག་ཀྱང་ད་ལྟའང་མངོན་དུ་གྱུར་པ་མང་པོ་ཞིག་བཞུགས། བློས་བསླངས་ཞེས་པ་བློ་ངོར་སྒོམ་དོན་གྱི་དཀྱིལ་འཁོར་དེ་གཟུགས་སུ་བསླངས་པ་དང་། རྡུལ་ཚོན་ནི་རིན་ཆེན་བྱེ་མས་འབུར་ཐོན་དུ་སྤུངས་ཏེ་བཀོད་པ། རས་བྲིས་ནི་རིན་པོ་ཆེའི་ཁུ་བས་བྲིས་པ་སྟེ། ཐམས་ཅད་དཀྱིལ་འཁོར་དངོས་ཀྱི་དོད་ཐུབ་ཡིན་ཏེ། དེ་ལ་རྟེན་གཞལ་ཡས་ཁང་ལྷའི་ཕོ་བྲང་གི་རྣམ་པ་དང་། བརྟེན་པ་ལྷ་གཙོ་འཁོར་གྱི་བཀོད་པ་སྐུ་བརྙན་དང་ས་བོན་ཕྱག་མཚན་ཚོམ་བུ་ལ་སོགས་པའི་སྒོ་ནས་བཞག་པ་ཡིན་ནོ།།
དཔལ་དུས་ཀྱི་འཁོར་ལོའི་རྟེན་གཞལ་ཡས་ཁང་གི་དག་པའམ་མཚོན་བྱ་ནི། ཚད་མེད་བཞི་རྣམས་ཀྱི་དག་པས་ནི་རྡོ་རྗེ་རྩ་ཐིག་བཞི། དྲན་པ་ཉེར་བཞག་བཞིའི་རྟོགས་རིགས་མཐར་ཐུག་པ་རྣམས་ཀྱི་དག་པས་སྐུའི་རྩིག་པའི་རྒྱ་ཚད་དང་དཔངས་ཚད་ཕྱིར་ཚད་མཉམ་དུ་བྱས་པའི་ཀུན་ནས་གྲུ་བཞི་བ། ཀུན་ཉོན་ཕྱོགས་ཀྱི་རྟེན་འབྲེལ་ཡན་ལག་བཅུ་གཉིས་འགོག་པའི་ཡེ་ཤེས་ཀྱི་རྟོགས་རིགས་མཐར་ཐུག་པ་རྣམས་ཀྱི་དག་པས་དཀྱིལ་འཁོར་གསུམ་ག་བསྡོམས་པའི་སྒོ་ནི་བཅུ་གཉིས། ས་བཅུ་གཉིས་ཀྱི་རྟོགས་རིགས་མཐར་ཐུག་པ་རྣམས་དག་པས་དཀྱིལ་འཁོར་གསུམ་གའི་རྟ་བབས་དག་ནི་མཛེས་པ་བཅུ་གཉིས། འཕགས་ལམ་ཡན་ལག་བརྒྱད་པོ་རྣམས་ཀྱི་རྟོགས་རིགས་མཐར་ཐུག་པ་རྣམས་ཀྱི་དག་པས་ཕྱོགས་བརྒྱད་དུ་ནི་དུར་ཁྲོད་བརྒྱད། སྟོང་ཉིད་བཅུ་དྲུག་རྟོགས་པའི་ཡེ་ཤེས་ཀྱི་རྟོགས་རིགས་མཐར་ཐུག་པ་རྣམས་ཀྱི་དག་པས་བདེ་ཆེན་འཁོར་ལོའི་ཀ་བ་བཅུ་དྲུག ཁམས་ལྔ་རྣམས་ཀྱི་དག་པས་ཀྱང་གཞལ་ཡས་ཁང་སྟེང་འོག་ཕྱི་ནང་ཀུན་ནས་བརྩེགས་པ་དང་། རྣམ་ཐར་བརྒྱད་ཀྱི་རྟོགས་རིགས་མཐར་ཐུག་པ་རྣམས་ཀྱི་དག་པས་སྒོ་ཁྱུད་བརྒྱད། གཟུགས་ཅན་བརྒྱད་དྲི་མས་དག་པ་རྣམས་ཀྱིས་སྒོ་འགྲམ་བརྒྱད། ཡོན་ཏན་བརྒྱད་དྲི་མས་དག་པ་རྣམས་ཀྱི་སྒོ་ལོགས་བརྒྱད་དེ། སྒོ་འགྲམ་རྣམས་དང་ནི་སྒོ་ལོགས་རྣམས་ཉིད་ཀྱི་དག་པ་རྣམས་སོ།།
ཕུང་པོ་ལྔས་མཚོན་པའི་ཁ་དོག་ལྔ་ནི་རྣམ་པར་སྦྱངས་པ་སྟེ་དག་པ་དང་། དག་པ་གསུམ་གྱི་རྟོགས་པ་མཐར་ཐུག་གི་དག་པས་ཐུགས་ཀྱི་ར་བ་གསུམ་དང་། དབང་པོ་ལྔ་རྣམས་ཀྱི་དག་པས་གསུང་གི་ར་བ་ལྔ་དང་། སྟོབས་ལྔ་རྣམས་ཀྱི་རྣམ་དག་གིས་སྐུའི་ར་བ་ལྔ་སྟེ། དེ་དག་ཐུགས་གསུང་སྐུ་ཡི་དཀྱིལ་འཁོར་ལ་དེ་ལྟར་སྦྱོར་དགོས་པའོ། །གཟུངས་རྣམས་ཀྱི་དག་པས་དཀྱིལ་འཁོར་གསུམ་ག་ལ་ཡོད་པའི་ཁ་ཁྱེར་ཞེས་བྱ་བ་སྟེགས་བུ་བཞི་ཚན་གསུམ་སྟེ། ཡེ་ཤེས་ཀྱི་ཕ་རོལ་དུ་ཕྱིན་པ་བཅུ་རྫོགས་པ་དག་པ་ཡིས་རིན་པོ་ཆེའི་སྣམ་བུ་རིན་པོ་ཆེའི་འཚར་བུ་རྣམ་པར་བཀྲ་བ་དང་། སྤྱོད་པས་བསྡུས་པ་དྲུག་དང་། རྟོགས་པས་བསྡུས་པ་དྲུག འཕྲིན་ལས་ཀྱིས་བསྡུས་པ་གསུམ། ཡེ་ཤེས་ཀྱིས་བསྡུས་པ་གསུམ་སྟེ་མ་འདྲེས་པའི་ཆོས་ནི་བཅོ་བརྒྱད་ཀྱི་དག་པས་དོ་ཤལ་དང་དོ་ཤལ་ཕྱེད་པ་དཀྱིལ་འཁོར་གསུམ་པོ་དེ་རྣམས་ལ་ཡོད་པ་ཉིད་དང་། དབང་བཅུ་པོ་རྣམས་ཀྱི་དག་པས་ཀྱང་བ་ཀུ་ལི་ཤར་བུ། དགེ་བ་བཅུ་དག་པས་ཀྲ་མ་ཤིརྵ་སྟེ་མདའ་ཡབ་ཀྱི་ཕྲེང་བ། རྣམ་ཐར་གྱི་དག་པས་དྲིལ་བུའི་སྒྲ་ནི་རྫོགས་པར་སྒྲོགས་པ། རྫུ་འཕྲུལ་གྱི་རྐང་བ་བཞི་དག་པས་མདའ་ཡབ་ཀྱི་བར་རྒྱལ་མཚན་སྣ་ཚོགས་པས་གཏམས་ཤིང་དཀྲིགས་པ། ཡང་དག་སྤོང་བ་བཞི་དག་པས་མེ་ལོང་འོད་རབ་ཏུ་འབར་བ། བྱང་ཆུབ་ཡན་ལག་བདུན་གྱི་དག་པས་རྔ་ཡབ་སྣ་ཚོགས་གཡོ་བ། གསུང་རབ་ཡན་ལག་དགུ་ཡི་དག་པས་མེ་ཏོག་གི་ཕྲེང་བ་སྣ་ཚོགས་པས་བརྒྱན་པ། བསྡུ་བའི་དངོས་པོ་བཞི་བོ་རྣམས་ཀྱི་དག་པས་ནི་གཞལ་ཡས་ཁང་གི་ཟུར་དུ་སྣ་ཚོགས་རྡོ་རྗེས་བརྒྱན་པ། བདེན་པ་བཞིའི་དག་པས་རིན་ཆེན་བཞི་རྣམས་ཀྱིས་སྒོ་དང་སྒོ་ཁྱུད་མཚམས་སུ་སྤྲས་པ། མངོན་ཤེས་ལྔ་ཡི་དག་པས་རྟག་ཏུ་ནི་འོད་ཕྲེང་གི་ཟླུམ་སྐོར་ཆེན་པོ་ལྔ་ཡིས་བསྐོར་བ། སྐུ་བཞིའི་བདག་ཉིད་རྣམ་པ་ཀུན་མཁྱེན་བྱང་ཆུབ་པ་དག་པས་ཕྱི་རོལ་ཏུ་རྡོ་རྗེ་ཕྲེང་བས་ལེགས་པར་བསྐོར་བ། ཟག་མེད་ཀྱི་བདེ་བ་གཅིག་པུའི་རང་བཞིན་དུ་གནས་པ་དག་པས་ལྕགས་རི་ཡིས་བསྐོར་བ་སྟེ། ཁོར་ཡུག་ཏུ་རྡོ་རྗེའི་ཕྲེང་བ། ཡེ་ཤེས་ལྔའི་རང་བཞིན་གྱི་རྡོ་རྗེའི་མེ་ལྕེ་འབར་བས་བསྐོར་བ། ཤེས་རབ་དང་ཐབས་གཉིས་ཀྱི་ཆ་ཡི་དག་པས་ནི་ཟླ་བ་ནུབ་བཞིན་པ་དང་། ཉི་མ་རྟག་ཏུ་འཆར་བཞིན་པ། རྡོ་རྗེ་བཞི་དག་པ་ནི་སྐུ་དཀྱིལ་གྱི་རྟ་བབས་ཀྱི་ཆོས་ཀྱི་འཁོར་ལོ་དང་། བུམ་པ་ཆེན་པོ་དང་། རྔ་བོ་ཆེ་དང་། བྱང་ཆུབ་ཀྱི་ཤིང་བཞི། ཡང་རྡོ་རྗེ་བཞི་པོ་དེ་དག་དག་པ་ནི་བདེ་ཆེན་གྱི་འཁོར་ལོའི་གྲྭ་བཞིར་གནས་པའི་ཡིད་བཞིན་ནོར་བུ་དཔག་བསམ་གྱི་ཤིང་། ཆོས་ཀྱི་གཎྜི། ཆོས་ཀྱི་དུང་རྣམས་ཏེ་དེ་ལྟར་ཤེས་པར་བྱའོ།།
དཔལ་དུས་ཀྱི་འཁོར་ལོའི་རྟེན་གཞལ་ཡས་ཁང་གི་དག་པའམ་མཚོན་བྱ་ནི། ཚད་མེད་བཞི་རྣམས་ཀྱི་དག་པས་ནི་རྡོ་རྗེ་རྩ་ཐིག་བཞི། དྲན་པ་ཉེར་བཞག་བཞིའི་རྟོགས་རིགས་མཐར་ཐུག་པ་རྣམས་ཀྱི་དག་པས་སྐུའི་རྩིག་པའི་རྒྱ་ཚད་དང་དཔངས་ཚད་ཕྱིར་ཚད་མཉམ་དུ་བྱས་པའི་ཀུན་ནས་གྲུ་བཞི་བ། ཀུན་ཉོན་ཕྱོགས་ཀྱི་རྟེན་འབྲེལ་ཡན་ལག་བཅུ་གཉིས་འགོག་པའི་ཡེ་ཤེས་ཀྱི་རྟོགས་རིགས་མཐར་ཐུག་པ་རྣམས་ཀྱི་དག་པས་དཀྱིལ་འཁོར་གསུམ་ག་བསྡོམས་པའི་སྒོ་ནི་བཅུ་གཉིས། ས་བཅུ་གཉིས་ཀྱི་རྟོགས་རིགས་མཐར་ཐུག་པ་རྣམས་དག་པས་དཀྱིལ་འཁོར་གསུམ་གའི་རྟ་བབས་དག་ནི་མཛེས་པ་བཅུ་གཉིས། འཕགས་ལམ་ཡན་ལག་བརྒྱད་པོ་རྣམས་ཀྱི་རྟོགས་རིགས་མཐར་ཐུག་པ་རྣམས་ཀྱི་དག་པས་ཕྱོགས་བརྒྱད་དུ་ནི་དུར་ཁྲོད་བརྒྱད། སྟོང་ཉིད་བཅུ་དྲུག་རྟོགས་པའི་ཡེ་ཤེས་ཀྱི་རྟོགས་རིགས་མཐར་ཐུག་པ་རྣམས་ཀྱི་དག་པས་བདེ་ཆེན་འཁོར་ལོའི་ཀ་བ་བཅུ་དྲུག ཁམས་ལྔ་རྣམས་ཀྱི་དག་པས་ཀྱང་གཞལ་ཡས་ཁང་སྟེང་འོག་ཕྱི་ནང་ཀུན་ནས་བརྩེགས་པ་དང་། རྣམ་ཐར་བརྒྱད་ཀྱི་རྟོགས་རིགས་མཐར་ཐུག་པ་རྣམས་ཀྱི་དག་པས་སྒོ་ཁྱུད་བརྒྱད། གཟུགས་ཅན་བརྒྱད་དྲི་མས་དག་པ་རྣམས་ཀྱིས་སྒོ་འགྲམ་བརྒྱད། ཡོན་ཏན་བརྒྱད་དྲི་མས་དག་པ་རྣམས་ཀྱི་སྒོ་ལོགས་བརྒྱད་དེ། སྒོ་འགྲམ་རྣམས་དང་ནི་སྒོ་ལོགས་རྣམས་ཉིད་ཀྱི་དག་པ་རྣམས་སོ།།
ཕུང་པོ་ལྔས་མཚོན་པའི་ཁ་དོག་ལྔ་ནི་རྣམ་པར་སྦྱངས་པ་སྟེ་དག་པ་དང་། དག་པ་གསུམ་གྱི་རྟོགས་པ་མཐར་ཐུག་གི་དག་པས་ཐུགས་ཀྱི་ར་བ་གསུམ་དང་། དབང་པོ་ལྔ་རྣམས་ཀྱི་དག་པས་གསུང་གི་ར་བ་ལྔ་དང་། སྟོབས་ལྔ་རྣམས་ཀྱི་རྣམ་དག་གིས་སྐུའི་ར་བ་ལྔ་སྟེ། དེ་དག་ཐུགས་གསུང་སྐུ་ཡི་དཀྱིལ་འཁོར་ལ་དེ་ལྟར་སྦྱོར་དགོས་པའོ། །གཟུངས་རྣམས་ཀྱི་དག་པས་དཀྱིལ་འཁོར་གསུམ་ག་ལ་ཡོད་པའི་ཁ་ཁྱེར་ཞེས་བྱ་བ་སྟེགས་བུ་བཞི་ཚན་གསུམ་སྟེ། ཡེ་ཤེས་ཀྱི་ཕ་རོལ་དུ་ཕྱིན་པ་བཅུ་རྫོགས་པ་དག་པ་ཡིས་རིན་པོ་ཆེའི་སྣམ་བུ་རིན་པོ་ཆེའི་འཚར་བུ་རྣམ་པར་བཀྲ་བ་དང་། སྤྱོད་པས་བསྡུས་པ་དྲུག་དང་། རྟོགས་པས་བསྡུས་པ་དྲུག འཕྲིན་ལས་ཀྱིས་བསྡུས་པ་གསུམ། ཡེ་ཤེས་ཀྱིས་བསྡུས་པ་གསུམ་སྟེ་མ་འདྲེས་པའི་ཆོས་ནི་བཅོ་བརྒྱད་ཀྱི་དག་པས་དོ་ཤལ་དང་དོ་ཤལ་ཕྱེད་པ་དཀྱིལ་འཁོར་གསུམ་པོ་དེ་རྣམས་ལ་ཡོད་པ་ཉིད་དང་། དབང་བཅུ་པོ་རྣམས་ཀྱི་དག་པས་ཀྱང་བ་ཀུ་ལི་ཤར་བུ། དགེ་བ་བཅུ་དག་པས་ཀྲ་མ་ཤིརྵ་སྟེ་མདའ་ཡབ་ཀྱི་ཕྲེང་བ། རྣམ་ཐར་གྱི་དག་པས་དྲིལ་བུའི་སྒྲ་ནི་རྫོགས་པར་སྒྲོགས་པ། རྫུ་འཕྲུལ་གྱི་རྐང་བ་བཞི་དག་པས་མདའ་ཡབ་ཀྱི་བར་རྒྱལ་མཚན་སྣ་ཚོགས་པས་གཏམས་ཤིང་དཀྲིགས་པ། ཡང་དག་སྤོང་བ་བཞི་དག་པས་མེ་ལོང་འོད་རབ་ཏུ་འབར་བ། བྱང་ཆུབ་ཡན་ལག་བདུན་གྱི་དག་པས་རྔ་ཡབ་སྣ་ཚོགས་གཡོ་བ། གསུང་རབ་ཡན་ལག་དགུ་ཡི་དག་པས་མེ་ཏོག་གི་ཕྲེང་བ་སྣ་ཚོགས་པས་བརྒྱན་པ། བསྡུ་བའི་དངོས་པོ་བཞི་བོ་རྣམས་ཀྱི་དག་པས་ནི་གཞལ་ཡས་ཁང་གི་ཟུར་དུ་སྣ་ཚོགས་རྡོ་རྗེས་བརྒྱན་པ། བདེན་པ་བཞིའི་དག་པས་རིན་ཆེན་བཞི་རྣམས་ཀྱིས་སྒོ་དང་སྒོ་ཁྱུད་མཚམས་སུ་སྤྲས་པ། མངོན་ཤེས་ལྔ་ཡི་དག་པས་རྟག་ཏུ་ནི་འོད་ཕྲེང་གི་ཟླུམ་སྐོར་ཆེན་པོ་ལྔ་ཡིས་བསྐོར་བ། སྐུ་བཞིའི་བདག་ཉིད་རྣམ་པ་ཀུན་མཁྱེན་བྱང་ཆུབ་པ་དག་པས་ཕྱི་རོལ་ཏུ་རྡོ་རྗེ་ཕྲེང་བས་ལེགས་པར་བསྐོར་བ། ཟག་མེད་ཀྱི་བདེ་བ་གཅིག་པུའི་རང་བཞིན་དུ་གནས་པ་དག་པས་ལྕགས་རི་ཡིས་བསྐོར་བ་སྟེ། ཁོར་ཡུག་ཏུ་རྡོ་རྗེའི་ཕྲེང་བ། ཡེ་ཤེས་ལྔའི་རང་བཞིན་གྱི་རྡོ་རྗེའི་མེ་ལྕེ་འབར་བས་བསྐོར་བ། ཤེས་རབ་དང་ཐབས་གཉིས་ཀྱི་ཆ་ཡི་དག་པས་ནི་ཟླ་བ་ནུབ་བཞིན་པ་དང་། ཉི་མ་རྟག་ཏུ་འཆར་བཞིན་པ། རྡོ་རྗེ་བཞི་དག་པ་ནི་སྐུ་དཀྱིལ་གྱི་རྟ་བབས་ཀྱི་ཆོས་ཀྱི་འཁོར་ལོ་དང་། བུམ་པ་ཆེན་པོ་དང་། རྔ་བོ་ཆེ་དང་། བྱང་ཆུབ་ཀྱི་ཤིང་བཞི། ཡང་རྡོ་རྗེ་བཞི་པོ་དེ་དག་དག་པ་ནི་བདེ་ཆེན་གྱི་འཁོར་ལོའི་གྲྭ་བཞིར་གནས་པའི་ཡིད་བཞིན་ནོར་བུ་དཔག་བསམ་གྱི་ཤིང་། ཆོས་ཀྱི་གཎྜི། ཆོས་ཀྱི་དུང་རྣམས་ཏེ་དེ་ལྟར་ཤེས་པར་བྱའོ།།
Wednesday, January 5, 2011
༄༅། །བྱང་ཆུབ་སེམས་ཀྱི་བསྟོད་པ་རིན་ཆེན་སྒྲོན་མ་
ཁུ་ནུ་བླ་མ་བསྟན་འཛིན་རྒྱལ་མཚན་མཆོག
༡༽ བདག་ནི་སངས་རྒྱས་དེ་ཡི་ཆོས།།
དེ་ཡི་རྗེས་སུ་འཇུག་རྣམས་ལ།།
མི་ཕྱེད་པ་ཡི་དད་པས་ལྟ།།
སྐྱབས་སུ་འགྲོ་ཞིང་སྨོན་པའང་བགྱིད།།
༢༽ ཕན་པར་བཞེད་པ་ཟླ་བ་ཡི།།
ཆ་ཤས་རྫོགས་པ་ལས་བྱུང་བ།།
བཅོམ་ལྡན་འགྲོ་བའི་བླ་མ་སྟེ།།
སྲིད་ན་ཚད་མས་གཞན་མི་རྙེད།།
༣༽ གང་གི་གསུང་ལས་བྱུང་བ་ཡི།།
དོན་གྱི་ཡིད་བཞིན་ནོར་བུ་ལ།།
གཞན་སྡེའི་ལེགས་བཤད་ལྟར་སྣང་བའི།།
མཆིང་བུས་འགྲན་པར་ག་ལ་བཟོད།།༤༽ གང་ལ་གཟུར་གནས་བློ་ལྡན་པ།།
དཔྱད་པ་གསུམ་གྱིས་ཡོངས་བརྟགས་པའི།།
ཐུབ་བསྟན་མཆོག་ལ་པད་རྫིང་ལྟར།།
མཐོང་ནས་ངང་པའི་ཚུལ་གྱིས་འཇུག།
༥༽ རང་གཞན་ཕུན་སུམ་ཚོགས་པའི་གནས།།
གཞན་གྱིས་ཤེས་མིན་ལ་སོགས་པའི།།
ཡོན་ཏན་བརྒྱད་ལྡན་སངས་རྒྱས་ལ།།
སུ་ཞིག་སྐྱབས་སུ་འཛིན་མི་བྱེད།།
༦༽ བདེན་པ་གཉིས་ཀྱི་མཚན་ཉིད་དང༌།།
བསམ་མེད་གཉིས་སུ་མེད་པ་སོགས།།
ཡོན་ཏན་བརྒྱད་ལྡན་དམ་པའི་ཆོས།།
སུ་ཞིག་གི་ནི་སྐྱབས་མ་ཡིན།།
༧༽ ཆགས་ཐོག་དམན་པའི་སྒྲིབ་ལས་གྲོལ།།
ཇི་ལྟ་ཇི་སྙེད་ནང་རིག་པ།།
རིག་གྲོལ་ཡོན་ཏན་བརྒྱད་ལྡན་པའི།།
འཕགས་ཚོགས་སུ་ཡི་སྐྱབས་གནས་མིན།།
༨༽ བྱམས་པའི་ཆུ་དང་སྙིང་རྗེའི་སར་རྒྱས་པ།།
བྱང་ཆུབ་སེམས་ཀྱི་དཔག་བསམ་ལྗོན་པ་ཆེ།།
སྐྱེས་བུའི་འདོད་དོན་བདེ་བླག་འགྲུབ་པའི་དཔེ།།
དབྱངས་ཅན་མགྲིན་པར་གནས་ཀྱང་རྙེད་དཀའ་སྙམ།།
༩༽ ཇི་ལྟར་བྱང་ཆུབ་སེམས་མཆོག་གི།
ཕན་པའི་བསམ་པས་འགྲོ་ཀུན་ཁྱབ།།
དེ་ལྟར་ཕ་མ་དྲང་སྲོང་དང༌།།
ཚངས་པ་ལ་ཡང་ག་ལ་སྲིད།།
༡༠༽ མེ་ཏོག་དབུས་ན་པུབྱྜརི་ཀ་བཞིན།།
དགེ་སེམས་ཀུན་གྱི་ནང་ན་བྱང་ཆུབ་མཆོག།
དེ་དང་ལྡན་ན་འཕྲལ་དང་ཕུགས་སུ་བདེ།།
དེ་ཕྱིར་འབད་པ་ཀུན་གྱིས་བསྐྱེད་པར་བྱ།།
༡༡༽ རྣམ་པ་ཐམས་ཅད་མཁྱེན་པ་ཡང༌།།
བྱང་ཆུབ་སེམས་མཆོག་ཁོ་ན་ལས།།
འབྱུང་ཕྱིར་གྲོལ་བར་འདོད་པ་དག།
འདི་ལ་ནན་ཏན་བྱ་བར་འོས།།
༡༢༽ རང་དང་གཞན་གྱི་དོན་བྱེད་པའི།།
ཐབས་མཆོག་ཅི་ཞེས་དཔྱད་པ་ན།།
རིན་ཆེན་བྱང་ཆུབ་སེམས་འབའ་ཞིག།
ཡིན་པར་ངེས་ནས་དགའ་བས་བསྐྱེད།།
༡༣༽ འབྲས་བུ་ལན་གཅིག་མི་འབྱིན་བྱང་སེམས་དགེ།
རྣམ་མཁྱེན་བར་བུ་མི་ཟད་ཡོངས་སུ་འཕེལ།།
རྣམ་མཁྱེན་རེག་ནས་གཟུགས་སྐུའི་ཆུ་འཛིན་ལས།།
དམ་ཆོས་ཆར་གྱིས་འགྲོ་དགེ་མྱུ་གུ་རྒྱས།།
༡༤༽ རིག་པའི་ནང་ན་ནང་དོན་རིག།
རིན་ཆེན་ནང་ན་ཡིད་བཞིན་ནོར།།
མྱུར་འགྲོའི་ནང་ན་ཅང་ཤེས་ཏེ།།
སེམས་ཀྱི་ནང་ན་བྱང་ཆུབ་སེམས།།
༡༥༽ ཉི་མ་ཟླ་བ་སྒྲོན་མ་གློག་གི་ཕྲེང༌།།
གསལ་མོད་ནང་གི་མུན་སྟུག་ག་ལ་སེལ།།
བྱང་ཆུབ་སེམས་འདི་འགྲོ་བའི་ནང་གི་སྨག།
མཐའ་དག་རྩད་ནས་འབྱིན་པར་དམ་པས་བསྔགས།།
༡༦༽ ཕན་བདེ་ཀུན་གྱི་འབྱུང་བའི་གནས། །
རྒྱལ་བའི་སྲས་ཀྱི་བྱང་ཆུབ་སེམས། །
དེ་ལ་ཡིད་བཞིན་ནོར་བུ་ཡིས། །
འགྲན་པའི་ནུས་པ་ཡོད་རེ་སྐན། །
༡༧༽ ཆུ་ཤིང་རང་འབྲས་བསྐྱེད་ནས་འཛད། །
སླར་ཡང་འབྲས་བུ་འབྱིན་མི་ནུས། །
བྱང་ཆུབ་སེམས་ཀྱིས་ཟིན་པའི་དགེ །
འབྲས་བུ་འབྱིན་པར་མི་ཟད་འཕེལ། །
༡༨༽ ཡོངས་འདུ་ས་བརྟོར་རྩར་བྱིན་ནས། །
སྨོན་ན་དེ་བཞིན་འདོད་དོན་འགྲུབ། །
བྱང་ཆུབ་སེམས་ཀྱང་འགྲོ་བ་ཡི། །
འདོད་དོན་རྫོགས་པར་བྱེད་ལ་དབང༌། །
༡༩༽ ལྗོན་པ་འདབ་འབྲས་གཡུར་ཟ་བ། །
འཛིན་མའི་ཐིག་ལེར་བརྟེན་ནས་ཡིན། །
འཁོར་འདས་དགེ་མཚན་ཇི་སྙེད་པ། །
བྱང་ཆུབ་སེམས་ལ་བརྟེན་ནས་ཡིན། །
༢༠༽ འདི་ནས་རྣམ་མཁྱེན་རེག་གི་བར།།
གཅིག་ཏུ་བཟུང་བར་བྱ་བའི་ཆོས།།
ཕན་བདེ་འབུམ་ཕྲག་འཕྲོ་བའི་གཞི།།
བྱང་ཆུབ་སེམས་ཏེ་དམ་པ་གླེང༌།།
༢༡༽ སེམས་ཅན་རེ་རེའི་སྐྱོན་ཀུན་སེལ།།
རེ་རེའང་ཡོན་ཏན་མཐའ་ཀླས་པ།།
སྐྱེད་འདོད་བྱང་ཆུབ་སེམས་མཆོག་སྟེ།།
རྨད་བྱུང་ལས་ཀྱང་འདི་རྨད་བྱུང༌།།
༢༢༽ ཀུན་ལ་ཕན་པར་འདོད་ན་བྱང་སེམས་དགོས།།
ཀུན་དང་མཛའ་བར་འདོད་ན་བྱང་སེམས་དགོས།།
ཀུན་གྱིས་བློ་གཏད་འདོད་ན་བྱང་སེམས་དགོས།།
ཀུན་གྱི་བཤེས་གཉེན་འདོད་ན་བྱང་སེམས་དགོས།།
༢༣༽ འགྲོ་ལ་ཕན་པར་བཞེད་པ་ཡི།།
འགྲོ་ལ་གང་གིས་ཕན་འགྱུར་ཞེས།།
འགྲོ་ལ་བརྩེ་བས་དགོངས་པ་ན།།
བྱང་ཆུབ་སེམས་མཆོག་འདི་ཉིད་གཟིགས།།
༢༤༽ གདུང་བ་འཇིལ་ལ་བསིལ་ཟེར་ཅན།།
སྨག་རུམ་སེལ་བར་ནམ་མཁའ་ནོར།།
ཀུན་ནས་ཉོན་མོངས་འབྱིན་པ་ན།།
བྱང་ཆུབ་སེམས་ཀྱི་ཟླར་མི་འོས།།
༢༥༽ སེམས་ཀྱི་ཟླ་བ་བྱང་ཆུབ་སེམས།།
སེམས་ཀྱི་ཉི་མ་བྱང་ཆུབ་སེམས།།
སེམས་ཀྱི་ནོར་བུ་བྱང་ཆུབ་སེམས།།
སེམས་ཀྱི་བདུད་རྩི་བྱང་ཆུབ་སེམས།།
༢༦༽ རང་ཕན་འདོད་ན་བྱང་ཆུབ་སེམས་མཆོག་བསྐྱེད།།
གཞན་ཕན་འདོད་ན་བྱང་ཆུབ་སེམས་མཆོག་བསྐྱེད།།
བསྟན་པའི་སྲིད་ཞུར་འདོད་ན་བྱང་སེམས་བསྐྱེད།།
བདེ་ལམ་འདོད་ན་བྱང་ཆུབ་སེམས་མཆོག་བསྐྱེད།།
༢༧༽ བླ་མེད་བྱང་ཆུབ་འཐོབ་བྱེད་སེམས།།
མི་དགེའི་དྲི་མ་འཁྲུད་ནས་ཆུ།།
དགེ་བ་སྡུད་པའི་ལག་པ་སྟེ།།
དམ་པའི་ཆོས་སུ་སྐུལ་བའི་ལྕག།
༢༨༽ འདབ་བརྒྱ་འགྲོལ་བར་མི་བྱེད་ཅིང༌།།
ཀུ་མུད་ཟུམ་པའི་བྱ་བ་བྲལ།།
འདམ་རྫབ་སྐེམ་པར་མི་བྱེད་པའི།།
བྱང་ཆུབ་སེམས་ཀྱི་འོད་བརྒྱ་པ།།
༢༩༽ འདི་ནས་བྱང་ཆུབ་སྙིང་པོའི་བར།།
བྱང་ཆུབ་སེམས་དང་འབྲལ་མི་བྱ།།
དེ་བཞིན་སྨོན་དང་བྱིན་བརླབ་པར།།
བླ་དཀོན་རྣམས་ལ་གསོལ་བ་གདབ།།
༣༠༽ ཚ་བས་གདུང་ཞིང་དུབ་པའི་འགྲོན།།
ལྗོན་གྲིབ་སྣུམ་པོ་ཐོབ་ན་བདེ།།
སྲིད་ལམ་རྒྱུ་ཞིང་ངལ་བའི་འགྲོ།།
རིན་ཆེན་བྱང་སེམས་སྐྱེས་ན་བདེ།།
༣༡༽ དབུལ་དང་ཕྱུག་གི་རྣམ་དབྱེ་མེད།།
མཁས་དང་བླུན་པོའི་ཁྱད་མི་བྱེད།།
མཆོག་དམན་མཉམ་པར་ཕན་བྱེད་པ།།
བྱང་ཆུབ་སེམས་ཀྱི་རིན་པོ་ཆེ།།
༣༢༽ ཡུལ་དུས་གནས་སྐབས་རིགས་དྲུག་གི།
ཁྱད་པར་རྣམ་སྤངས་ཕན་པ་ཡི།།
བསམ་དང་སྦྱོར་བས་འཇུག་བྱེད་པ།།
སངས་རྒྱས་ས་བོན་བྱང་ཆུབ་སེམས།།
༣༣༽ ཞུམ་པའི་སྐབས་སུ་སྤྲོ་བ་སྐྱེད།།
འབྱོར་པའི་སྐབས་སུ་ཁེངས་པ་སེལ།།
སྲིད་ན་སླུ་བ་མེད་པའི་བཤེས།།
བྱང་ཆུབ་སེམས་ལས་གཞན་མ་མཆིས།།
༣༤༽ འདི་ན་ཕན་པའི་དཔེ་ཇི་སྙེད།།
ཕྱོགས་འགའ་ཞིག་ཏུ་བསྡུས་ན་ཡང༌།།
རྨད་བྱུང་བྱང་ཆུབ་སེམས་ཀྱི་ཆར།།
རྨི་ལམ་དུ་ཡང་འགྲན་མི་བཟོད།།
༣༥༽ རིན་ཆེན་དང་པོ་ཇི་ལྟ་བར།།
འབྱོར་རྒུད་རྐྱེན་གྱིས་མི་འགྱུར་བ།།
བྱང་ཆུབ་སེམས་ཀྱི་རོ་མཆོག་གིས།།
བདུད་རྩི་ལ་ཡང་འཕྱ་བར་བྱེད།།
༣༦༽ ཤེས་བྱའི་མཆོག་གྱུར་བྱང་ཆུབ་སེམས།།
བསླབ་བྱའི་མཆོག་གྱུར་བྱང་ཆུབ་སེམས།།
བླང་བྱའི་མཆོག་གྱུར་བྱང་ཆུབ་སེམས།།
བསྒོམ་བྱའི་མཆོག་གྱུར་བྱང་ཆུབ་སེམས།།
༣༧༽ ཀླུང་གིས་ཆུ་ཡི་གཏེར་ཇི་བཞིན།།
ཆུ་ཡི་གཏེར་གྱིས་ཆུ་འཁུར་བཞིན།།
ཆུ་འཁུར་གྱིས་ཀྱང་འཛིན་མ་བཞིན།།
བྱང་ཆུབ་སེམས་ཀྱིས་འགྲོ་འདི་མཛེས།།
༣༨༽ རིན་ཆེན་གཏེར་དང་འདོད་འཇོའི་བ།།
ལམ་འཇུག་རྣམས་ཀྱི་ངལ་གསོའི་སྟེགས།།
སྨན་གྱི་མཆོག་ལས་ཕུལ་བྱུང་བ།།
བྱང་ཆུབ་སེམས་ཞེས་དམ་པར་གྲགས།།
༣༩༽ རྣམ་པ་ཐམས་ཅད་མཁྱེན་པའི་སར།།
བདེ་བླག་ཏུ་ནི་འགྲོ་འདོད་ན།།
རྒྱལ་སྲས་རྣམས་ཀྱི་བྱང་ཆུབ་སེམས།།
འདི་ལ་མ་བསྟེན་ཐབས་ཅི་ཡོད།།
༤༠༽ གཞན་དོན་སེམས་པ་ལ་སོགས་པའི།།
རབ་དགའ་ཆུ་གཏེར་འཕེལ་བྱེད་པ།།
བྱང་ཆུབ་སེམས་ཀྱི་ཟླ་གཞོན་འདིས།།
བསིལ་ཟེར་ཅན་ཡང་སྨ་འབེབས་བགྱིད།།
༤༡༽ ཉོན་མོངས་མྱུ་གུ་གཅོད་པ་ཡིས།།
རལ་གྲིའི་བྱ་བ་ཉེར་གནས་པ།།
བྱང་ཆུབ་སེམས་ཞེས་བྱ་བ་འདི།།
འགྲོ་ཀུན་སྲུང་བར་བྱེད་པའི་མཚོན།།
༤༢༽ འབྱོར་པའི་ཚེ་ན་ཁེངས་པ་མེད།།
རྒུད་པའི་ཚེ་ན་ཞུམ་པ་མེད།།
གཞན་གྱི་རྫི་བར་མི་ནུས་པ།།
རིན་ཆེན་དང་པོའི་བྱང་ཆུབ་སེམས།།
༤༣༽ ཀུན་ནས་ཉོན་མོངས་རྣམ་གསུམ་གྱི།།
བུད་ཤིང་སྐམ་པོ་སྲེག་པ་ཡིས།།
བྱང་ཆུབ་སེམས་ཀྱི་མེ་ཆེན་པོ།།
ཐ་མལ་མེ་ཡི་རྗེས་མི་འགྲོ།།
༤༤༽ སྲིད་ན་སྙན་པའི་སྒྲ་གང་ཞེས།།
དམ་པ་དུ་མས་དཔྱད་ན་ཡང༌།།
བྱང་ཆུབ་སེམས་ཞེས་བྱ་བའི་སྒྲ།།
འདི་ལས་གཞན་དུ་མི་གསན་སྙམ།།
༤༥༽ བྱང་ཆུབ་སེམས་ཀྱི་རོ་མྱོང་བ།།
དེ་དག་བུད་ཤིང་འོ་མ་དང༌།།
ས་ཧ་ཀ་ར་སྦྲང་རྩི་ཡི།།
རོ་གཞན་དག་གིས་ག་ལ་དགའ།།
༤༦༽ སྲིད་ཞིའི་མཐའ་ལ་མི་ལྷུང་བར།།
མི་གནས་མྱང་འདས་གྲོང་འཁྱེར་དུ།།
བགྲོད་པའི་ལམ་ཆེན་བྱང་ཆུབ་སེམས།།
འགྲོལ་བར་འདོད་པས་བསྟེན་བྱ་ཉིད།།
༤༧༽ ཆུ་ཡི་རྙོག་མ་དྭངས་བྱེད་པ།།
ཀ་ཏ་ཀ་སོགས་མང་མོད་ཀྱི།།
ཉོན་མོངས་རྙོག་མ་དྭངས་བྱེད་པ།།
བྱང་ཆུབ་སེམས་ལས་གཞན་རྙེད་དཀའ།།
༤༨༽ མར་ཤེས་དྲིན་དྲན་དྲིན་གཟོ་བ།།
བྱམས་དང་སྙིང་རྗེ་ལྷག་པ་ཡི།།
བསམ་པ་ལས་བྱུང་བྱང་ཆུབ་སེམས།།
རང་གཞན་ཕན་བདེ་འབྱུང་བའི་གནས།།
༤༩༽ མང་ཐོས་བཙུན་ལ་སྒྲུབ་ཚུགས་འཛིན།།
རྣམ་པར་དཔྱོད་པའི་བློ་ལྡན་ཡང༌།།
བྱང་ཆུབ་སེམས་དང་མི་ལྡན་ན།།
དེ་ལ་སུ་ཞིག་སྨོན་པར་བྱེད།།
༥༠༽ བྱང་ཆུབ་སེམས་ཀྱིས་རྣམ་འཚེ་སྤོང༌།།
བྱང་ཆུབ་སེམས་ཀྱིས་སྡུག་བསྔལ་འདོན།།
བྱང་ཆུབ་སེམས་ཀྱིས་འཇིགས་པ་འབྲལ།།
བྱང་ཆུབ་སེམས་ཀྱིས་ཉེས་སྤྱོད་འགོག།
༥༡༽ བྱང་ཆུབ་སེམས་འདྲའི་བརྟན་པ་གང༌།།
བྱང་ཆུབ་སེམས་འདྲའི་སྙིང་སྟོབས་གང༌།།
བྱང་ཆུབ་སེམས་འདྲའི་སྤོབས་པ་གང༌།།
བྱང་ཆུབ་སེམས་འདྲའི་ཞི་བ་གང༌།།
༥༢༽ ཀུན་སློང་བྱང་ཆུབ་སེམས་མཆིས་པ།།
སྦྱོར་བའང་དགེ་བ་རྒྱ་ཆེན་འགྱུར།།
ནད་སེལ་སྨན་གྱི་རྩ་བ་ལས།།
སྨན་གྱི་མྱུ་གུ་འབྱུང་བ་ཡིན།།
༥༣༽ བྱང་ཆུབ་སེམས་ཀྱིས་མངོན་མཐོ་འགྲུབ།།
བྱང་ཆུབ་སེམས་ཀྱིས་ངེས་ལེགས་འགྲུབ།།
དེ་ཕྱིར་བྱང་ཆུབ་སེམས་ཀྱི་གཏམ།།
དམ་པ་དག་གི་ཞལ་དུ་གནས།།
༥༤༽ བྱང་སེམས་སྐྱེས་ན་ཕལ་པ་ཡང༌།།
བྱང་ཆུབ་སེམས་དཔའི་མིང་འཐོབ་ཅིང༌།།
ལྷ་དང་བཅས་པའི་འཇིག་རྟེན་གྱི།།
ཕྱག་བྱ་བཀུར་བའི་གནས་སུ་འགྱུར།།
༥༥༽ གཞན་ཕན་ལས་སུ་སྦྱོར་བ་ན།།
ཚ་གྲངས་བཀྲེས་སྐོམ་ངལ་སོགས་ཀྱིས།།
སྐྱོ་བ་མེད་པར་རབ་སྤྲོ་བ།།
བྱང་ཆུབ་སེམས་ཀྱི་ཆ་ཤས་སྙམ།།
༥༦༽ བྱང་ཆུབ་སེམས་དང་མི་ལྡན་ན།།
མི་གནས་མྱང་འདས་འཐོབ་མི་འགྱུར།།
མི་གནས་མྱང་འདས་མ་ཐོབ་ན།།
འཆིང་བ་གཉིས་སུ་ཐོགས་པར་འགྱུར།།
༥༧༽ འཁོར་སྒྱུར་མི་གཙང་གནས་མི་འབྱོན།།
བྱང་སེམས་སྡིག་པའི་ཡིད་ལ་མིན།།
བྱང་ཆུབ་སེམས་མཆོག་སྐྱེ་འདོད་ན།།
སྟོབས་བཞིས་རང་རྒྱུད་དག་པ་གཅེས།།
༥༨༽ ལོངས་སྤྱོད་ཡོངས་སུ་རྒྱས་པའི་སར།།
འཁོར་སྒྱུར་གདན་ནི་དྲང་བར་འོས།།
དགེ་བ་རྒྱས་པའི་ཡིད་ལ་ཡང༌།།
བྱང་ཆུབ་སེམས་ཀྱི་མྱུ་གུ་སྐྱེ།།
༥༩༽ བྱང་ཆུབ་སེམས་ཀྱིས་གནོད་སེམས་སྤོང༌།།
བྱང་ཆུབ་སེམས་ཀྱིས་ཡིད་བྱེད་འཐོབ།།
བྱང་ཆུབ་སེམས་ཀྱིས་ཤེས་རབ་བསྐྱེད།།
བྱང་ཆུབ་སེམས་མཆོག་གཟུང་ན་ལེགས།།
༦༠༽ རང་གི་དོན་དུ་གཞན་དག་ལ།།
རྨི་ལམ་དུ་ཡང་མི་འབྱུང་བ།།
སེམས་ཅན་ཀུན་གྱི་དོན་སེམས་པ།།
རྨད་བྱུང་བྱང་ཆུབ་སེམས་ལ་སྣང༌།།
༦༡༽ རྒྱལ་སྲས་སྤྱོད་པ་མཐའ་དག་གི།
རྟེན་དུ་གྱུར་པ་བྱང་ཆུབ་སེམས།།
ལྗོན་ཤིང་ཡལ་འདབ་རྒྱས་པ་ཡི།།
རྟེན་དུ་གྱུར་པ་འཛིན་མ་བཞིན།།
༦༢༽ བྱང་ཆུབ་སེམས་ལ་བདག་གཞན་མཉམ་པ་ཡོད།།
བྱང་ཆུབ་སེམས་ལ་བདག་གཞན་བརྗེ་བ་ཡོད།།
བྱང་ཆུབ་སེམས་ལ་བདག་པས་གཞན་གཅེས་ཡོད།།
བྱང་ཆུབ་སེམས་ལ་དོན་གཉིས་གྱ་ནོམ་ཡོད།།
༦༣༽ བྱང་ཆུབ་སེམས་དང་མི་ལྡན་ན།།
ཆོས་གཞན་ལྡན་ཡང་འཚང་མི་རྒྱ།།
སྲོག་གི་དབང་པོ་མི་ལྡན་ན།།
དབང་པོ་གཞན་དག་དོན་མི་བྱེད།།
༦༤༽ བྱང་ཆུབ་སེམས་ཀྱིས་རྙེད་པ་དང༌།།
བཀུར་སྟི་སྙན་པར་གྲགས་པ་ལ།།
མི་འཇུག་གལ་ཏེ་བྱུང་ན་ཡང༌།།
གསེར་བཞིན་རྣམ་པར་འགྱུར་བ་མེད།།
༦༥༽ བྱང་ཆུབ་སེམས་ཀྱི་དགེ་བ་ལ།།
རྒྱལ་བ་ཡིས་ཀྱང་འཇལ་མི་སྤྱོད།།
འཇིག་རྟེན་ཉན་ཐོས་རང་སངས་རྒྱས།།
འཕགས་མཆོག་གིས་ལྟ་སྨོས་ཅི་དགོས།།
༦༦༽ མཁའ་ལ་མངོན་མཐོ་ཉིན་མོར་བྱེད།།
དམན་གནས་འགྲོ་བ་ཡོངས་ཀྱི་མིག།
མངོན་པར་མཐོ་བའི་བྱང་ཆུབ་སེམས།།
དམན་གནས་འགྲོ་ལ་བླང་དོར་སྟོན།།
༦༧༽ པདྨས་སྐྱབས་པའི་མེ་ཏོག་བཅུད།།
བུང་བ་ཀུན་གྱི་དགའ་བའི་དཔལ།།
བྱང་ཆུབ་སེམས་ཀྱིས་བཤད་པའི་ཆོས།།
སྐྱེ་བོ་ཀུན་གྱི་དགའ་བའི་དཔལ།།
༦༨༽ བཙལ་ཀྱང་སྙན་ངག་མཁན་དག་གིས། །
བྱང་ཆུབ་སེམས་ཀྱི་དཔེ་མ་རྙེད། །
བྱང་ཆུབ་སེམས་དང་མཚུངས་བརྗོད་པ། །
དཔེ་ཡིས་ཀྱང་ནི་དབུལ་བ་སྙམ། །
༦༩༽ ཕྱུགས་ཀྱི་ཤིང་རྟ་ལ་སོགས་ལྟའི། །
བྱང་ཆུབ་སེམས་དཔའ་དེ་དག་ལས། །
དེ་བཞིན་གཤེགས་པའི་རྫུ་འཕྲུལ་ལྟའི། །
བྱང་ཆུབ་སེམས་དཔའ་མཆོག་ཏུ་བསྔགས། །
༧༠༽ གྲུ་ཡིས་ཕ་རོལ་སྒྲོལ་བར་བྱེད། །
ཁབ་ཀྱིས་གྱོན་པ་འདྲུབ་པར་བྱེད། །
མགྱོགས་འགྲོས་འདོད་པའི་གནས་སུ་སྐྱེལ། །
བྱང་ཆུབ་སེམས་ཀྱིས་སངས་རྒྱས་འཐོབ། །
༧༡༽ ཆགས་སོགས་ཀྱི་གཉེན་མི་སྡུག་སོགས། །
དྲུངས་ནས་འབྱིན་པར་མི་བྱེད་ཀྱང༌། །
བྱང་ཆུབ་སེམས་མཆོག་ཀུན་གཉེན་ཏུ། །
གྱུར་ནས་སྤང་བྱ་ཀུན་ལས་རྒྱལ། །
༧༢༽ བྱང་ཆུབ་སེམས་ཀྱིས་རང་རྒྱུད་ལ། །
བྱང་ཆུབ་སེམས་ཀྱིས་གཞན་རྒྱུད་འདུལ། །
བྱང་ཆུབ་སེམས་ཀྱིས་ཀུན་ལ་གུས། །
བྱང་ཆུབ་སེམས་ཀྱིས་ཀུན་མཉམ་མཐོང༌། །
༧༣༽ འདབ་རྒྱའི་གཉེན་གྱིས་མུན་པ་སེལ། །
ཀུ་མུད་གཉེན་གྱིས་གདུང་བ་འཕྲོག །
ཡིད་བཞིན་ནོར་བུས་འདོད་པ་འཇོ། །
བྱང་ཆུབ་སེམས་ཀྱིས་དོན་ཀུན་འཐོབ། །
༧༤༽ གསེར་སྣང་ཞེས་བྱའི་དངུལ་ཆུ་ཡིས། །
ལྕགས་ཁམས་གསེར་དུ་སྒྱུར་བར་བྱེད། །
བྱང་ཆུབ་སེམས་ཀྱིས་མི་གཙང་ལུས། །
སངས་རྒྱས་སྐུ་རུ་སྒྱུར་བར་བྱེད། །
༧༥༽ དྲང་ཞིང་བསམ་པ་རྒྱ་ཆེན་ལྡན། །
བློ་གྲོས་ཀུ་ཤའི་རྩེ་མོས་སྦ། །
མཆོད་འོས་སྐྱེས་བུ་དམ་པ་ཡི། །
འཇུག་བྱ་བྱང་ཆུབ་སེམས་ཁོ་ན། །
༧༦༽ ནམ་མཁའི་མཐའ་དང་མཉམ་པའི་འགྲོ། །
དངོས་སམ་ཡང་ན་རྒྱུད་ཀྱང་རུང༌། །
འཕྲལ་དང་ཡུན་གྱི་བདེ་བ་ལ། །
བྱང་ཆུབ་སེམས་ཀྱིས་སྦྱོར་བར་བྱེད། །
༧༧༽ བྱང་ཆུབ་སེམས་ཀྱི་མྱུར་བ་གསལ་བའི་གློག །
བྱང་ཆུབ་སེམས་ཀྱི་ཟབ་པ་ཆུ་ཡི་གཏེར། །
བྱང་ཆུབ་སེམས་ཀྱི་ཕ་མཐར་ལྷ་ཡི་ལམ། །
བྱང་ཆུབ་སེམས་ཀྱི་བརྟན་པ་རི་ཡི་དབང༌། །
༧༨༽ ཀུན་གསལ་ལམ་དུ་ཉིན་མོར་བྱེད་པ་རྒྱུ། །
རྒྱ་མཚོའི་ངོགས་སུ་ཕྱོགས་ཀྱི་གླང་པོ་རྒྱུ། །
ཀུན་གྱི་རྣ་བར་ཐུབ་པའི་སྙན་པ་རྒྱུ། །
སྐྱེས་མཆོག་ཐུགས་ལ་བྱང་ཆུབ་སེམས་འདི་རྒྱུ། །
༧༩༽ ཐེག་ཆེན་འགའ་ཞིག་བྱང་སེམས་ཀྱི། །
ངོ་བོ་འགའ་རྒྱུ་འགའ་འབྲས་ཏེ། །
དེ་ཡི་ཕྱིར་ཡང་བྱང་ཆུབ་སེམས། །
ཐེག་པ་ཆེན་པོར་གསུངས་པ་སྙམ། །
༨༠༽ བྱང་ཆུབ་སེམས་ཀྱིས་སྨྲས་པའི་ཚིག །
གཞན་ཕན་སྙིང་པོར་འགྱུར་བ་སྟེ། །
ཁུ་བྱུག་སྙན་པར་སྒྲོག་པའི་སྒྲ། །
རྣ་བ་ཡི་ནི་དཔལ་དུ་འགྱུར། །
༨༡༽ ཇི་ལྟ་ཇི་ལྟར་རྒྱལ་སྲས་ལ། །
རྐྱེན་ངན་དྲག་པོ་འབྱུང་འགྱུར་བ། །
དེ་ལྟ་དེ་ལྟར་དགེ་གྲོགས་སུ། །
འགྲོ་བ་བྱང་ཆུབ་སེམས་ལས་སྙམ། །
༨༢༽ བྱང་ཆུབ་སེམས་ནི་མར་ཤེས་དྲིན་དྲན་ལ། །
བྱང་ཆུབ་སེམས་ནི་དྲིན་གཟོ་བྱམས་སྙིང་ལས། །
བྱང་ཆུབ་སེམས་ནི་ལྷག་པའི་བསམ་པ་ལས། །
སྐྱེ་ཕྱིར་དེ་དག་ལ་འབད་ཤིན་ཏུ་གཅེས། །
༨༣༽ རིན་ཆེན་ཆག་ཀྱང་རིན་པོ་ཆེ། །
རང་གི་མིང་ནི་མི་འདོར་བ། །
དེ་བཞིན་བྱང་ཆུབ་སེམས་སྙམ་ཀྱང༌། །
རང་གི་མིང་ནི་གཏོང་མ་ཡིན། །
༨༤༽ བཤན་པ་སྲོག་གི་གནད་ལ་མཁས། །
ཤིང་མཁན་ཤིང་གི་གནད་ལ་མཁས། །
རླབས་ཆེན་ཡིད་ཅན་རྒྱལ་བའི་སྲས། །
བྱང་ཆུབ་སེམས་ཀྱི་གནད་ལ་མཁས། །
༨༥༽ བྱང་ཆུབ་སེམས་ཀྱི་ནོར་མཆིས་པ། །
མདོག་ངན་མདོག་བཟང་མེད་ཀྱང་བླ། །
སྙན་གྲགས་བཀུར་སྟི་མེད་ཀྱང་བླ། །
དགེ་བ་གཞན་དག་མེད་ཀྱང་བླ། །
༨༦༽ དམ་པ་གསུམ་གྱི་རྩིས་ཟིན་ན། །
རྣམ་མཁྱེན་རྒྱུ་རུ་འགྲོ་གསུངས་པ། །
དེ་ཡི་དང་པོ་བྱང་ཆུབ་སེམས། །
ཡིན་ཕྱིར་ནམ་ཡང་བརྗེད་མི་རུང༌། །
༨༧༽ ཡུལ་དུས་གནས་སྐབས་ཐམས་ཅད་དུ། །
རིས་བྲལ་སེམས་ཅན་ཀུན་གྱི་དོན། །
བློ་ལྡན་རེ་བ་མེད་པར་མཛད། །
བྱང་ཆུབ་སེམས་ལ་བརྟེན་ནས་ཡིན། །
༨༨༽ རྒྱུ་སྐར་དབུས་ན་ཟླ་བ་དང༌། །
རི་བོའི་དབུས་ན་ལྷུན་པོ་བཞིན། །
གང་ལ་བྱང་ཆུབ་སེམས་ཡོད་པ། །
དེ་ནི་སྐྱེ་བོའི་དབུས་ན་བརྗིད། །
༨༩༽ སྐྱོ་བའི་ཚེ་ན་བྱང་ཆུབ་སེམས་དྲན་བྱ། །
འཇིགས་པའི་ཚེ་ན་བྱང་ཆུབ་སེམས་དྲན་བྱ། །
སྡུག་བསྔལ་འབྱུང་ཚེ་བྱང་ཆུབ་སེམས་དྲན་བྱ། །
བདེ་བ་འབྱུང་ཚེ་བྱང་ཆུབ་སེམས་དྲན་བྱ། །
༩༠༽ སྙིང་སྟོབས་ཞན་ན་བྱང་སེམས་དྲན་པར་བྱ། །
གཞན་དོན་ལྷོད་ན་བྱང་སེམས་དྲན་པར་བྱ། །
ལེ་ལོ་འབྱུང་ན་བྱང་སེམས་དྲན་པར་བྱ། །
ཉམ་ང་འབྱུང་ན་བྱང་སེམས་དྲན་པར་བྱ། །
༩༡༽ ལྷ་ལམ་འདོམ་གྱིས་སུ་ཞིག་འཇལ། །
ཆུ་གཏེར་ཕུལ་གྱིས་སུ་ཞིག་གཤོར། །
ལས་ཚུལ་བློ་ཡིས་སུ་ཞིག་དཔྱོད། །
བྱང་སེམས་ཆེ་བ་སུ་ཞིག་རྗོད། །
༩༢༽ གྲུ་ཆར་དུས་སུ་འབབ་ན་དགའ། །
ཞིང་དུ་ལོ་ཏོག་རྒྱས་ན་དགའ། །
མཁའ་དང་མཉམ་པའི་འགྲོ་བ་ཡི། །
རྒྱུད་ལ་བྱང་སེམས་སྐྱེ་ན་དགའ། །
༩༣༽ ཐེག་ཆེན་བྱང་ཆུབ་སེམས་བསྐྱེད་ཀྱིས། །
ཕྱི་རོལ་པ་དང་ཉན་རང་ལས། །
བྱང་ཆུབ་སེམས་དཔའ་ཁྱད་པར་འཕགས། །
རྒྱུ་སྐར་དབུས་ན་ཟླ་བ་བཞིན། །
༩༤༽ འདབ་བརྒྱ་པ་ལ་མེ་ཏོག་བཅུད། །
རྒྱལ་བའི་སྲས་ལ་བྱང་ཆུབ་སེམས། །
དེ་ཡིས་འགའ་ལ་ཕན་པ་ཙམ། །
འདི་ཡིས་ཡོངས་ལ་མཆོག་ཏུ་ཕན། །
༩༥༽ རིན་ཆེན་བྱང་ཆུབ་སེམས་བརྟེན་ནས། །
འཕགས་མཆོག་སྨོན་ལམ་རྫོགས་པར་བྱེད། །
རང་གི་གདུལ་བྱ་ཡོངས་སུ་སྨིན། །
ཞིང་ཁམས་སྦྱོང་ལ་མངོན་དུ་ཕྱོགས། །
༩༦༽ ཚངས་པའི་གནས་པ་རྣམ་བཞི་ལས། །
རིན་ཆེན་བྱང་ཆུབ་སེམས་མཆོག་སྐྱེ། །
རྒྱུ་དང་རྐྱེན་དག་ཚོགས་པ་ལས། །
འབྲས་བུ་སྐྱེ་བ་རིགས་པས་འཐད། །
༩༧༽ ཉིན་བྱེད་ནོར་བུའི་སྣང་བ་ལ། །
བརྟེན་ནས་མིག་ལྡན་གཟུགས་ལ་ལྟ། །
བྱང་ཆུབ་སེམས་ཀྱིས་རྒྱལ་བའི་སྲས། །
མཁའ་དང་མཉམ་པའི་འགྲོ་ལ་ལྟ། །
༩༨༽ བརྩམ་ན་བྱང་ཆུབ་སེམས་ལས་བརྩམ། །
བསམ་ན་བྱང་ཆུབ་སེམས་ཉིད་བསམ། །
དཔྱད་ན་བྱང་ཆུབ་སེམས་སུ་དཔྱད། །
བརྟག་ན་བྱང་ཆུབ་སེམས་ལ་བརྟག །
༩༩༽ གང་ལ་བྱང་སེམས་རྒྱན་ལྡན་པ། །
དེ་ལ་འཚེ་སེམས་ག་ལ་སྲིད། །
གཞན་གྱི་མནར་སེམས་སྤོང་བ་ལ། །
མ་བསྐུལ་བར་ཡང་ངང་གིས་འཇུག །
༡༠༠༽གང་ཞིག་ཡོད་ན་སུ་ཡང་བླ། །
གཏན་དུ་ཉམས་པའི་སྐབས་མི་འབྱེད། །
རྨད་བྱུང་བྱང་ཆུབ་སེམས་མཆོག་སྟེ། །
དེ་ལ་བློ་ལྡན་སུ་མི་གུས། །
༡༠༡༽རྒྱལ་སྲས་བྱང་ཆུབ་སེམས་དཔའ་ཡི། །
སྤྱད་པ་སྤྱོད་པ་འདོད་པ་དག །
སྤྱོད་པའི་རྟེན་ཕྱིར་བྱང་ཆུབ་སེམས། །
ཐོག་མ་ཉིད་དུ་ནན་གྱིས་བསྐྱེད། །
༡༠༢༽རྒྱལ་བ་བྱང་ཆུབ་སེམས་དཔའ་ལས། །
བྱང་ཆུབ་སེམས་དཔའ་བྱང་སེམས་ལས། །
བལྟམས་ཕྱིར་བྱང་ཆུབ་སེམས་མཆོག་གི །
ཆེ་བ་བློ་དང་ལྡན་པའི་ཁུམས། །
༡༠༣༽འཁོར་ལོ་རིན་ཆེན་གར་སོང་གི །
རྗེས་སུ་རིན་ཆེན་རྣམ་དག་འགྲོ། །
ཕུལ་བྱུང་བྱང་ཆུབ་སེམས་རྗེས་སུ། །
དགེ་ཆོས་མཐའ་དག་ངང་གིས་སྙེག །
༡༠༤༽བཅོམ་ལྡན་བླ་མའི་གསུང་རབ་ཀྱི། །
འོ་མཚོ་ལས་བྱུང་སྙིང་པོ་མཆོག །
བྱང་ཆུབ་སེམས་ཏེ་འབད་པ་ཡིས། །
བྱང་ཆུབ་བར་དུ་གཅེས་པར་གཟུང༌། །
༡༠༥༽དྲི་བཞོན་ཞགས་པར་ཐེབས་པ་སྲིད། །
ཙནྡན་དྲོད་དང་ལྡན་པ་སྲིད། །
སྣང་བ་མུན་པར་འགྱུར་པ་སྲིད། །
བྱང་ཆུབ་སེམས་ཀྱི་སླུ་མི་སྲིད། །
༡༠༦༽བཅོས་མ་མིན་པའི་བྱང་ཆུབ་སེམས། །
སྐྱེ་བ་ཤིན་ཏུ་དཀའ་མོད་ཀྱི། །
བསྐལ་པ་སྟོང་དུ་འབད་དགོས་ཀྱང༌། །
མི་ལྡོག་པ་ཡི་སྙིང་སྟོབས་གཅེས། །
༡༠༧༽བྱང་སེམས་བྲམ་ཟེ་རྒྱལ་རིགས་དང༌། །རྗ
ེའུ་དམངས་ཀྱི་རིགས་ལ་ཡང༌། །
ཁྱད་མེད་སྐྱེ་ཕྱིར་བཞི་ག་ཡིས། །
དད་གུས་སྤྲོ་བས་བླང་བར་འོས། །
༡༠༨༽གང་གི་རྒྱུད་ལ་བྱང་སེམས་ཀྱིས། །
བརྒྱན་པ་དེ་དག་འགྲིབ་པ་བྲལ། །
རང་གཞན་ཉེས་པར་སྤྱོད་ལས་ཟློག །
རླབས་ཆེན་དགེ་ཆོས་སྡུད་ལ་དབང༌། །
༡༠༩༽དཔྱིད་ཀ་ཁུ་བྱུག་སྒྲོག་པའི་དབྱངས། །
སྒྲ་འཛིན་ལྡན་པ་དགའ་བའི་དཔལ། །
རྒྱལ་བའི་སྲས་ཀྱི་བྱང་ཆུབ་སེམས། །
ལུས་ཅན་ཀུན་གྱི་ཕན་བདེའི་དཔལ། །
༡༡༠༽མཁའ་ཁྱབ་སེམས་ཅན་དོན་གྱི་ཕྱིར། །
སངས་རྒྱས་གོ་འཕང་ཐོབ་འདོད་ན། །
བྱང་ཆུབ་སེམས་ཏེ་གང་ལ་མངའ། །
དེ་ནི་གཞན་དང་ག་ལ་མཚུངས། །
༡༡༡༽ལྷ་དང་བཅས་པའི་འགྲོ་བ་ཀུན། །
གནས་སྐབས་འཁོར་བའི་བདེ་བ་དང༌། །
མཐར་ཐུག་རྫོགས་པའི་བྱང་ཆུབ་ཏུ། །
བྱང་ཆུབ་སེམས་ཀྱིས་མགྲོན་དུ་གཉེར། །
༡༡༢༽ནོར་དང་ལུས་སྲོག་ཀུན་བཏང་ནས། །
རིན་ཆེན་བྱང་ཆུབ་སེམས་བསྲུང་བྱ། །
ཅི་ཕྱིར་ཐམས་ཅད་མཁྱེན་པ་ཡང༌། །
འདི་ཡིས་བདེ་བླག་འཐོབ་པ་ཡིན། །
༡༡༣༽ཐེག་པ་ཆེན་པོའི་བྱང་ཆུབ་སེམས། །
རྟེན་དང་མཚན་ཉིད་རབ་ཏུ་དབྱེ། །
འཇལ་བར་བྱེད་པའི་དཔེ་སོགས་ཀྱིས། །
ཇི་བཞིན་གཏན་ལ་དབབ་པར་བྱ། །
༡༡༤༽ཐོག་མ་མེད་ནས་འཁོར་བ་ན། །
སྡུག་བསྔལ་གསུམ་གྱིས་རབ་མནར་བའི། །
སེམས་ཅན་ནད་པ་ཇི་སྙེད་པ། །
བྱང་ཆུབ་སེམས་ཀྱི་བདུད་རྩིས་གསོ། །
༡༡༥༽མཆོད་སོགས་ཡན་ལག་རྣམ་བདུན་གྱི། །
སྦྱོར་བས་བྱང་ཆུབ་སེམས་བསྐྱེད་རྒྱས། །
ཆུ་ལུད་སོགས་ཀྱི་སྦྱོར་བ་ཡིས། །
མྱུ་གུ་སྐྱེད་ཅིང་རྒྱས་པ་བཞིན། །
༡༡༦༽ཀུན་ལ་འཚེ་བའི་བསམ་པ་སྤོང༌། །
དངོས་སམ་བརྒྱུད་ནས་གཞན་དོན་འཇུག །
རྐྱེན་གང་གིས་ཀྱང་གཡོ་མེད་པ། །
བྱང་ཆུབ་སེམས་ཀྱི་ཆ་ཤས་སྙམ། །
༡༡༧༽བྱང་ཆུབ་སེམས་ཀྱིས་སྦྱིན་པ་དང༌། །
ཚུལ་ཁྲིམས་བཟོད་བརྩོན་བསམ་གཏན་དང༌། །
དེ་ཉིད་རྟོགས་པའི་ཤེས་རབ་ཀུན། །
ཕུལ་དུ་ཕྱིན་པར་བྱེད་པ་ཡིན། །
༡༡༨༽ས་སྟེང་སྐྱེ་བོའི་རྣམ་དཀར་སེམས། །
གཅིག་ཏུ་བསྡུས་པར་གྱུར་པས་ཀྱང༌། །
ས་བརྟོལ་དག་གིས་ཡོངས་འདུ་བཞིན། །
བྱང་ཆུབ་སེམས་ཀྱི་ཆར་མི་ཕོད། །
༡༡༩༽བྱང་ཆུབ་སེམས་ཀྱིས་རྒྱུད་བརླན་ན། །
སྡིག་པ་སྤོང་ལ་དགའ་བར་འགྱུར། །
དགེ་བ་སྒྲུབ་ལ་དགའ་བར་འགྱུར། །
འཇིགས་པ་སེལ་ལ་དགའ་བར་འགྱུར། །
༡༢༠༽བྱང་ཆུབ་སེམས་དང་མཛའ་གྱུར་ན། །
དེ་ནི་རི་རབ་བཞིན་དུ་བརྟན། །
ཉམ་ང་ཆེ་ཐང་ཅི་བྱུང་ཡང༌། །
སེང་གེ་བཞིན་དུ་ཡ་ང་བྲལ། །
༡༢༡༽བྱང་ཆུབ་སེམས་མཆོག་བཅོས་མིན་སྐྱེས། །
མི་ཉམས་གོང་དུ་རྣམ་འཕེལ་ན། །
རྣམ་པ་ཐམས་ཅད་མཁྱེན་པ་ཡི། །
གོ་འཕང་འཐོབ་པ་གོར་མ་ཆག །
༡༢༢༽མངོན་མཐོའི་ཀ་མལ་རྣམ་པར་བཞད། །
ངེས་ལེགས་སྦྲང་རྩི་མྱོང་འདོད་པས། །
སྲས་བཅས་རྒྱལ་བའི་འབྱུང་གནས་མཆོག །
བྱང་ཆུབ་སེམས་ཀྱི་སྣང་བརྒྱ་བསྟེན། །
༡༢༣༽ཇི་ལྟར་ལྷ་ལམ་རྒྱ་ཆེ་བ། །
དེ་བཞིན་བྱང་ཆུབ་སེམས་རྒྱ་ཆེ། །
ཇི་ལྟར་རིན་འབྱུང་གཏིང་ཟབ་པ། །
དེ་བཞིན་བྱང་ཆུབ་སེམས་འདི་ཟབ། །
༡༢༤༽བྱང་ཆུབ་སེམས་ཀྱི་རབ་ཡངས་པ། །
བརྟན་པའི་འཛིན་མའང་རྣམ་པར་གཡོ། །
ཡིད་བཞིན་ནོར་བུའི་རྗེས་འགྲོ་བ། །
འདི་ཡི་ནུས་པ་བརྣག་པར་དཀའ། །
༡༢༥༽ལྟ་བ་བྱང་ཆུབ་སེམས་འབྲེལ་མཆོག །
སྒོམ་པ་བྱང་ཆུབ་སེམས་འབྲེལ་མཆོག །
སྤྱོད་པ་བྱང་ཆུབ་སེམས་འབྲེལ་མཆོག །
འབྲས་བུ་བྱང་ཆུབ་སེམས་འབྲེལ་མཆོག །
༡༢༦༽ སྟོབས་ཀྱི་ཕུལ་ཕྱིན་བྱང་ཆུབ་སེམས། །
གཞན་ཕན་ཕུལ་ཕྱིན་བྱང་ཆུབ་སེམས། །
སྐྱོན་སྤོང་ཕུལ་ཕྱིན་བྱང་ཆུབ་སེམས། །
འཇིགས་བྲལ་ཕུལ་ཕྱིན་བྱང་ཆུབ་སེམས། །
༡༢༧༽རྒྱུད་ལ་བྱང་ཆུབ་སེམས་གནས་པ། །
དགཻ་གཞན་ལ་སྦྱོར་དམན་ཡང་བླ། །
ཡིད་བཞིན་ནོར་བུ་རྙེད་པ་ན། །
ནོར་གཞན་འཚོལ་བ་ལྷོད་ཀྱང་བླ། །
༡༢༨༽མཁས་ཁྲོད་བྱང་ཆུབ་སེམས་ཀྱིས་མཛེས། །
བླུན་ཁྲོད་བྱང་ཆུབ་སེམས་ཀྱིས་མཛེས། །
བར་ཁྲོད་བྱང་ཆུབ་སེམས་ཀྱིས་མཛེས། །
ཀུན་དགའ་བྱང་ཆུབ་སེམས་ཀྱིས་སྐྱེད། །
༡༢༩༽བྱང་ཆུབ་སེམས་ཀྱིས་ཞལ་དཀྱིལ་མཛེས། །
བྱང་ཆུབ་སེམས་ཀྱིས་སྤྱན་དཀྱུས་མཛེས། །
བྱང་ཆུབ་སེམས་ཀྱིས་སྨྲ་བ་མཛེས། །
བྱང་ཆུབ་སེམས་ཀྱིས་སྤྱོད་ལམ་མཛེས། །
༡༣༠༽རླབས་ཆེན་དགེ་བ་གང་ཡང་རུང༌། །
བྱང་སེམས་མེད་པར་སྒྲུབ་པ་དཀའ། །
འདོད་པ་འཇོ་བའི་བ་མེད་པར། །
བསམ་དོན་ཡོངས་སུ་རྫོགས་པ་དཀའ། །
༡༣༡༽བྱང་ཆུབ་སེམས་ཀྱི་ཕན་པ་མཆོག །
ཇི་སྲིད་འཁོར་བ་གནས་དེ་སྲིད། །
ནམ་མཁའི་མཐའ་དང་མཉམ་པ་ཡི། །
འགྲོ་བ་ཀུན་ལ་ཁྱད་མེད་འཇུག །
༡༣༢༽བྱང་ཆུབ་སེམས་མཆོག་སློབ་དཔོན་ཏེ། །
བྱ་བ་མིན་ལས་ཡོངས་སུ་ཟློག །
ལྷག་པའི་བསམ་པ་ཀུན་ནས་སྐྱེད། །
གཞན་ཕན་སྙིང་པོ་འཛིན་དུ་འཇུག །
༡༣༣༽སྐྱབས་འགྲོ་བྱང་ཆུབ་སེམས་བསྐྱེད་ཅིང༌། །
བསོད་ནམས་ཡེ་ཤེས་ཚོགས་བླངས་ནས། །
ཀུན་ནས་བླ་ན་མེད་པ་ཡི། །
བྱང་ཆུབ་འཐོབ་ན་ཅི་མ་རུང༌། །
༡༣༤༽བྱང་སེམས་བསྲུང་བྱའི་མཆོག་ཡིན་ཕྱིར། །
བྱང་སེམས་དྲན་པས་བསྲུང་བར་བྱ། །
བྱང་སེམས་ཤེས་བཞིན་གྱིས་བསྲུང་བྱ། །
བྱང་སེམས་བག་ཡོད་ཀྱིས་བསྲུང་བྱ། །
༡༣༥༽བྱང་ཆུབ་སེམས་ཀྱི་འདབ་བརྒྱ་པ། །
ཀུན་ནས་བཞད་ན་མ་བོས་ཀྱང༌། །
མ་དྷུ་དོན་དུ་གཉེར་བའི་བློས། །
འགྲོ་བའི་བུང་བ་ངང་གིས་འདུ། །
༡༣༦༽རིན་ཆེན་བྱང་ཆུབ་སེམས་མཆོག་གིས། །
ལུས་ཀྱི་བྱ་བ་ཆོས་མཐུན་བྱེད། །
ངག་གི་བྱ་བ་ཆོས་མཐུན་བྱེད། །
ཡིད་ཀྱི་བྱ་བ་ཆོས་མཐུན་བྱེད། །
༡༣༧༽རྒྱལ་བའི་སྲས་ཀྱི་བྱང་སེམས་མཐུས། །
དྲུང་ན་འཁོད་པའི་དུད་འགྲོ་དང༌། །
ཁྲོ་བའི་སེམས་པ་རབ་ཞི་སྟེ། །
ཕན་ཚུན་གནོད་སྤངས་མཛའ་བས་འཆིང༌། །
༡༣༨༽ཐེག་མཆོག་བྱང་སེམས་ལ་དགའ་བ། །
བྱང་ཆུབ་སེམས་དང་ལྡན་ལ་དགའ། །
བསུང་ཞིམ་ལ་དགའ་ཙནྡན་གྱི། །
ལྗོན་པ་མཆོག་ལ་རབ་ཏུ་དགའ། །
༡༣༩༽ཐེག་པ་མཆོག་གི་བྱང་ཆུབ་སེམས། །
མི་གནས་མྱང་འདས་འཐོབ་པ་ལ། །
ཐོག་མ་བར་དང་ཐ་མར་ཡང༌། །
མེད་མི་རུང་གིཡན་ལག་ཡིན། །
༡༤༠༽མྱུ་གུ་སྐྱེ་བའི་བྱ་བ་ལ། །
ས་བོན་བྲལ་ན་གང་གིས་ཕན། །
རྫོགས་པའི་སངས་རྒྱས་འཐོབ་པ་ལ། །
བྱང་སེམས་བྲལ་ན་གང་གིས་ཕན། །
༡༤༡༽ཇི་ལྟར་བྱང་ཆུབ་སེམས་མཆོག་ལ། །
སྐྱེས་བུ་དམ་པ་རབ་དགྱེས་པ། །
དེ་ལྟར་དམ་པ་མ་ཡིན་པའི། །
སྐྱེ་བོ་དགའ་བ་རྙེད་པར་དཀའ། །
༡༤༢༽བག་ལ་ཉལ་བཅས་རྣམ་པར་བྱང༌། །
ཤེས་བྱའི་དཀྱིལ་འཁོར་ཅིག་ཅར་ཆུབ། །
དེ་ལ་སེམས་ཤིང་འཇུག་པ་ལས། །
བྱང་ཆུབ་སེམས་ཀྱི་སྒྲ་འདི་སྙན། །
༡༤༣༽བྱང་ཆུབ་སེམས་ཀྱིས་ཉོན་མོངས་དང༌། །
བྱང་ཆུབ་སེམས་ཀྱིས་སྡུག་བསྔལ་འཇིགས། །
བྱང་ཆུབ་སེམས་ཀྱིས་ན་དང་འཆི། །
བྱང་ཆུབ་ལམ་དུ་སྒྱུར་བར་བྱེད། །
༡༤༤༽སྙིང་སྟོབས་ཆེ་ཆུང་ཁྱད་པར་ལས། །
རྒྱལ་པོ་མཉན་པ་རྫི་བོ་ལྟའི། །
བྱང་ཆུབ་སེམས་ནི་རྣམ་པ་གསུམ། །
རིམ་བཞིན་དམན་འབྲིང་མཆོག་ཏུ་ཤེས། །
༡༤༥༽བྱང་ཆུབ་སེམས་ཀྱིས་སྦྱིན་ཚུལ་དང༌། །
བཟོད་བརྩོན་བསམ་གཏན་ཤེས་རབ་ཀུན། །
སངས་རྒྱས་འཐོབ་པའི་རྒྱུ་རུ་བྱེད། །
ཕ་རོལ་ཕྱིན་པར་མིང་ཡང་འཐོབ། །
༡༤༦༽ཐེག་ཆེན་བྱང་ཆུབ་སེམས་ཀྱི་སར། །
འཇིག་རྟེན་པ་དང་ཐོས་སྒྲོག་དང༌། །
ཚོགས་སྤྱོད་བསེ་རུ་ལྟ་བུ་ཡི། །
ལྷག་པའི་བསམ་པ་ག་ལ་རྟོལ། །
༡༤༧༽རླབས་ཆེན་རྒྱལ་སྲས་དགྲ་ཀུན་དང༌། །
བར་མའི་འགྲོ་ལ་བྱང་སེམས་ཀྱིས། །
མཉམ་པར་ལྟ་བ་གཞན་དག་གིས། །
མཉམ་པར་ལྟ་ལས་རྨད་དུ་བྱུང༌། །
༡༤༨༽གྲུ་ཡིས་ཆུ་བོའི་ཕ་རོལ་སྒྲོལ། །
བཞོན་པས་འདོད་པའི་གནས་སུ་རྟོལ། །
དེ་བཞིན་བྱང་ཆུབ་སེམས་ཀྱིས་ཀྱང༌། །
རྫོགས་སངས་རྒྱས་ཀྱི་ས་ལ་སྐྱེལ། །
༡༤༩༽ས་དང་འདྲ་བ་ནས་བཟུང་སྟེ། །
སྤྲིན་འདྲའི་བར་གྱི་སེམས་བསྐྱེད་ལ། །
རྒྱལ་སྲས་རྣམས་ཀྱི་སེམས་བསྐྱེད་ཅེས། །
མ་ཕམ་པ་ཡིས་རྒྱན་དུ་བཤད། །
༡༥༠༽ཐེག་པ་ཆེན་པོའི་བྱང་ཆུབ་སེམས། །
ཀུན་རྫོབ་དང་ནི་དོན་དམ་གཉིས།།
ཀུན་རྫོབ་བྱང་ཆུབ་སྨོན་དང་འཇུག །
དོན་དམ་རྟོག་མེད་སྤྲོས་དང་བྲལ། །
༡༥༡༽ཐེག་མཆོག་བྱང་ཆུབ་སེམས་བསྐྱེད་ན། །
མཆོག་དམན་དབུལ་ཕྱུག་མཁས་དང་བླུན། །
བྲམ་ཟེ་གདོལ་པ་སོགས་ཀྱང་རུང༌། །
ལྷ་དང་བཅས་པའི་མཆོད་གནས་འགྱུར། །
༡༥༢༽བྱང་ཆུབ་སེམས་ཀྱིས་ཟིན་པ་ཡི། །
ལྟ་སྒོམ་སྤྱོད་པ་ལ་བརྟེན་ནས། །
རྒྱུ་ཚོགས་ཚང་ལས་འབྲས་བུ་བཞིན། །
བླ་ན་མེད་པའི་བྱང་ཆུབ་རེག །
༡༥༣༽བདེ་བའི་ནང་ན་སྲེད་ཟད་བདེ། །
སྡུག་བསྔལ་ནང་ན་མནར་མེད་སྡུག །
རིགས་པའི་ནང་ན་ཆོས་ཉིད་རིགས། །
དགེ་སེམས་ནང་ན་བྱང་སེམས་མཆོག །
༡༥༤༽ཐེག་ཆེན་བྱང་ཆུབ་སེམས་འབྲལ་ན། །
ཞི་ལྷག་ཟུང་དུ་འབྲེལ་བ་ཡང༌། །
ཉན་རང་ས་ལ་སྐྱེལ་མོད་ཀྱི། །
རྫོགས་པའི་སངས་རྒྱས་འཐོབ་མི་སྲིད། །
༡༥༥༽ཐོས་པར་བྱ་བ་བྱང་ཆུབ་སེམས། །
བསམ་པར་བྱ་བ་བྱང་ཆུབ་སེམས། །
བསྒོམ་པར་བྱ་བ་བྱང་ཆུབ་སེམས། །
རྣམ་པ་ཀུན་ཏུ་གཅེས་པར་གཟུང༌། །
༡༥༦༽ལུས་ཀྱི་དགེ་བ་ཉམས་ཡང་བླ། །
ངག་གི་དགེ་བ་ཉམས་ཡང་བླ། །
ཡིད་ཀྱི་དགེ་གཞན་ཉམས་ཀྱང་བླ། །
བྱང་སེམས་གཞར་ཡང་ཉམས་མི་བྱ། །
༡༥༧༽བྱང་ཆུབ་སེམས་ཀྱིས་རྣམ་མཁྱེན་གྱི། །
གོ་འཕང་མཆོག་ལ་བདེ་བླག་རེག །
གནམ་གྲུ་ཤིན་ཏུ་མྱུར་བ་ཡིས། །
ས་ཕྱོད་ཆེ་ཡང་ག་ལ་རྟོལ། །
༡༥༨༽བྱང་ཆུབ་སེམས་ཀྱིས་མཁའ་མཉམ་པའི། །
ཕན་དང་བདེ་བའི་ཀུ་མུད་འགྲོལ། །
རྣམ་འཚེ་སོགས་ལས་ཡོངས་སུ་སྐྱོབ། །
རྫོགས་སངས་རྒྱས་ཀྱི་ས་ལ་འགོད། །
༡༥༩༽ཉེས་སྤྱོད་སྡོམ་པར་བྱེད་ན་ཡང༌། །
དགེ་བའི་ཆོས་རྣམས་སྡུད་ན་ཡང༌། །
རྩ་རླུང་ཐིག་ལེ་སྒོམ་ན་ཡང༌། །
བྱང་སེམས་བྲལ་ན་འཚང་མི་རྒྱ། །
༡༦༠༽བྱང་ཆུབ་སེམས་ཀྱིས་བདེ་ཡང་དགའ། །
བྱང་ཆུབ་སེམས་ཀྱིས་སྡུག་ཀྱང་དགའ། །
བྱང་ཆུབ་སེམས་ཀྱིས་ཡོད་ཀྱང་དགའ། །
བྱང་ཆུབ་སེམས་ཀྱིས་མེད་ཀྱང་དགའ། །
༡༦༡༽ཐེག་པ་ཆེན་པོའི་བྱང་ཆུབ་སེམས། །
ཕྱི་རོལ་ཉན་ཐོས་རང་རྒྱལ་གྱི། །
དགེ་སེམས་ཀུན་ལས་ལྷག་པ་སྟེ། །
དེ་ཕྱིར་བཅོམ་ལྡན་བླ་མས་བསྔགས། །
༡༦༢༽གང་ལ་ཐེག་མཆོག་བྱང་ཆུབ་སེམས། །
གནས་པ་དེ་དག་སྐད་ཅིག་ཀྱང༌། །
རང་དོན་དུག་ལ་ཇི་ལྟར་འཇུག །
གཞན་དོན་བདུད་རྩི་ག་ལ་འདོར། །
༡༦༣༽བསྐལ་པ་འཇིག་པར་བྱེད་པའི་མེ། །
རི་གླིང་ཆུ་གཏེར་དང་བཅས་སྲེག །
བྱང་ཆུབ་སེམས་ཀྱིས་སྡིག་ཆེན་རྣམས། །
སྐད་ཅིག་གཅིག་ལ་ངེས་པར་སྲེག །
༡༦༤༽ལུས་ངག་ཡིད་ཀྱི་བྱ་བ་ཀུན། །
དངོས་སམ་ཡང་ན་བརྒྱུད་ཀྱང་རུང༌། །
རང་དོན་ཉི་ཚེ་ཡལ་དོར་ནས། །
བྱང་སེམས་གཞན་ཕན་དང་དུ་ལེན། །
༡༦༥༽དམ་པའི་ཚུལ་ལ་དགྱེས་པ་ན། །
ཆེར་འོས་སེམས་བསྐྱེད་འདི་གཟུང་རིགས། །
རིན་པོ་ཆེ་ཡི་གླིང་ཕྱིན་པར། །
འདོད་པས་གཟིངས་ལ་བསྟེན་པ་བཞིན། །
༡༦༦༽ཐེག་ཆེན་སེམས་བསྐྱེད་སྤངས་པ་དག །
གཞན་དོན་སེམས་དང་དེའི་ཐབས་རྙེད། །
དགོངས་དོན་དེ་ཉིད་མཆོག་མཐོང་བའི། །
བདེ་བ་རྣམ་སྤངས་ཞི་བར་གྲོལ། །
༡༦༧༽ཉོན་མོངས་བདོ་བ་རྣམ་པར་སེལ། །
ཉེས་གཞན་གང་ཡང་མི་སྐྱེད་པ། །
རིགས་པའི་མཐར་ཐུག་བྱང་ཆུབ་སེམས། །
དེ་ལ་རྟོགས་ལྡན་སུ་མི་དགའ། །
༡༦༨༽རྒྱལ་བའི་སྲས་ཀྱི་བྱང་ཆུབ་སེམས། །
ཚུལ་གནས་ཐོས་བསམ་སྒོམ་པ་དང༌། །
མཁའ་ཁྱབ་འགྲོ་དོན་བྱེད་པ་ལ། །
ངང་གིས་སྐུལ་ཏེ་བཤེས་གཉེན་འདྲ། །
༡༦༩༽བྱང་སེམས་ལུས་ཅན་མཐའ་དག་ལ། །
བུ་གཅིག་པ་ཡི་མ་བཞིན་ལྟ། །
ལན་དང་རྣམ་སྨིན་མི་རེ་བར། །
གཞན་ཕན་རོ་གཅིག་བདུད་རྩིས་བྲེལ། །
༡༧༠༽བཤེས་གཉེན་རྗེས་སུ་འགྲོ་བ་ཡི། །
བྱ་བ་བྱེད་པ་བྱང་ཆུབ་སེམས། །
བླང་དང་དོར་བར་བྱ་བའི་གནད། །
ཚུལ་བཞིན་འཁྲུལ་པ་མེད་པར་འདོམས། །
༡༧༡༽རྣམ་པར་འཚེ་བ་ཐབས་མ་ཡིན། །
འཇིགས་ཚོགས་ལ་ལྟ་ངན་འགྲོ་དང༌། །
ཐེག་པ་དམན་པ་དག་ལས་ཀྱང༌། །
བྱང་ཆུབ་སེམས་ཀྱི་ཡོངས་སུ་སྐྱོབ། །
༡༧༢༽སྟོན་པས་དང་པོར་བྱང་ཆུབ་སེམས། །
བསྐྱེད་ནས་ཚོགས་རྫོགས་འགྲོ་མགོན་གྱུར། །
དེ་ཕྱིར་འོ་སྐོལ་རྣམས་ཀྱིས་ཀྱང༌། །
དང་པོར་དམ་པ་འདི་གཟུང་འོས། །
༡༧༣༽རང་གི་བསམ་གཏན་བདེ་དོར་ནས། །
གཞན་གྱི་སྡུག་བསྔལ་བསལ་བྱའི་ཕྱིར། །
མནར་མེད་པར་ཡང་དགའ་ཚལ་ལྟར། །
འཇུག་པ་བྱང་ཆུབ་སེམས་ཀྱིས་ཡིན། །
༡༧༤༽འགའ་ཞིག་བྱང་ཆུབ་སེམས་ཀྱི་དོན། །
ཚུལ་དང་མཐུན་པར་འཆད་ཤེས་མོད། །
སྐྱེ་བའི་རྒྱུ་ཚོགས་མ་ཚང་བས། །
རང་གི་རྒྱུད་ལ་བྱང་སེམས་དབེན། །
༡༧༥༽ནད་ཀྱིས་མནར་ལ་བྱང་སེམས་བསྒོམ། །
ཡིད་མི་བདེ་ན་བྱང་སེམས་བསྒོམ། །
དུཿཁ་འབྱུང་ན་བྱང་སེམས་བསྒོམ། །
འཇིགས་པ་འབྱུང་ན་བྱང་སེམས་བསྒོམ། །
༡༧༦༽གང་ཞིག་གཞན་འབྱོར་མི་དགའ་བ། །
དེ་ལ་བྱང་ཆུབ་སེམས་མི་གནས། །
གང་ཞིག་གཞན་ལ་ཁོང་ཁྲོ་བ། །
དེ་ལ་བྱམས་པ་མི་གནས་བཞིན། །
༡༧༧༽ཐེག་ཆེན་མདོ་སྡེ་བསླབ་སྤྱོད་དང༌། །
མདོ་རྒྱན་བྱང་ཆུབ་སེམས་ཀྱི་འགྲེལ། །
མངོན་རྒྱན་བྱང་ས་ལ་སོགས་གཞུང༌། །
བཀླག་ན་བྱང་ཆུབ་སེམས་ཚུལ་ཤེས། །
༡༧༨༽བྱང་ཆུབ་སེམས་ཀྱི་རྣམ་གཞག་ལ། །
ངེས་པ་རབ་བརྟན་མ་རྙེད་ན། །
ཉམས་ལེན་སོགས་ལ་བརྩོན་བྱས་ཀྱང༌། །
འདོད་དོན་རྫོགས་པ་གནས་མ་ཡིན། །
༡༧༩༽བྱང་ཆུབ་སེམས་དང་མི་ལྡན་ན། །
ཆོས་གཞན་ལྡན་ཡང་འཚང་མི་རྒྱ། །
སྲོག་གི་དབང་པོ་བཏང་གྱུར་ན། །
དབང་པོ་གཞན་གྱིས་དོན་མི་བྱེད། །
༡༨༠༽བླ་ན་མེད་པའི་བྱང་ཆུབ་མཆོག །
འདི་ལ་བརྟཻན་ནས་འཐོབ་པའི་ཕྱིར། །
བྱང་ཆུབ་སེམས་ཀྱི་དགེ་བའི་དཔེ། །
སྲིད་དང་ཞི་བ་གཉིས་ན་དབེན། །
༡༨༡༽རྐང་ལྡན་འདུས་ནད་སེལ་བའི་ཐབས། །
གསོ་བ་རིག་པའི་གཞུང་གིས་བསྟན། །
ཉོན་མོངས་སེལ་བའི་བྱང་ཆུབ་སེམས། །
ཐེག་པ་ཆེན་པོའི་གཞུང་གིས་བསྟན། །
༡༨༢༽སེམས་ཅན་སངས་རྒྱས་ལ་བརྟེན་ནས། །
བྱང་ཆུབ་སེམས་མཆོག་སྐྱེ་བའི་རྒྱུས། །
དེ་ལ་དོན་གཉིས་ལྡན་པའི་སེམས། །
ཞེས་བྱ་དམ་པའི་གཞུང་ན་གསལ། །
༡༨༣༽མཆོད་པ་ཀུན་གྱི་ནང་ནས་མཆོག །
བླ་ན་མེད་པའི་མཆོད་པ་ཡིན། །
དེ་ཡང་བྱང་ཆུབ་སེམས་སོགས་སྟེ། །
ཡོན་ཏན་འབྱུང་གནས་འདི་བསྟེན་འོས། །
༡༨༤༽ཤིན་ཏུ་རྙེད་དཀའི་བྱང་ཆུབ་སེམས། །
རང་གི་རྒྱུད་ལ་སྐྱེ་འདོད་པས། །
དེ་རྒྱུ་བྱམསདང་སྙིང་རྗེ་སོགས། །
འབད་པས་སྔོན་དུ་བསྒོམ་པར་བྱ། །
༡༨༥༽བྱང་སེམས་ལྡན་ན་ཡོན་ཏན་གང༌། །
བྱང་སེམས་བྲལ་ན་སྐྱོན་གང་ཞེས། །
ཕྲ་བའི་བློ་ཡིས་རྣམས་དཔྱད་ནས། །
རིག་པའི་རྗེས་སུ་འབྲང་བར་བྱ། །
༡༨༦༽མཁའ་ཁྱབ་མར་གྱུར་འགྲོ་བ་ཡི། །
ཕན་བདེ་རྟག་ཏུ་སྐྱེད་པའི་གཞི། །
རེ་རེའི་སྡུག་བསྔལ་ཀུན་སེལ་ལ། །
རིན་ཆེན་སེམས་མཆོག་ཁོ་ན་དབང༌། །
༡༨༧༽འབྱོར་ལྡན་ཀུན་གྱི་ཡོད་དོ་ཅོག །
ཡིད་བཞིན་ནོར་བུ་ཇི་ལྟ་བར། །
བྱང་ཆུབ་སེམས་ཞེས་བྱ་བ་འདི། །
རྒྱལ་སྲས་ཀུན་གྱི་ཡོད་དོ་ཅོག །
༡༨༨༽གཞན་གྱིས་གནོད་པ་བསྐྱལ་བའི་ལན། །
སྙིང་ནས་ཕན་པས་འཇལ་བྱེད་པ། །
བྱང་ཆུབ་སེམས་ཀྱི་ཆ་ཤས་ཤིག །
ཡིན་པར་དམ་པ་བཞེད་དམ་སྙམ། །
༡༨༩༽བདག་ནི་བྱང་ཆུབ་སེམས་དཔའ་ཞེས། །
གྲོག་མ་ལ་ཡང་བརྙས་མི་བྱ། །
དོན་དམ་བྱང་ཆུབ་སེམས་མཆོག་གིས། །
འགྲོ་བ་ཀུན་ལ་ཁྱབ་པར་བསྟན། །
༡༩༠༽འོ་མའི་སྙིང་པོ་མར་ཇི་བཞིན། །
ཐེག་ཆེན་སྙིང་པོ་བྱང་ཆུབ་སེམས། །
མེ་ཏོག་སྙིང་པོ་སྦྲང་རྩི་བཞིན། །
ཐེག་ཆེན་སྙིང་པོ་བྱང་ཆུབ་སེམས། །
༡༩༡༽བྱང་སེམས་གཏན་ལ་འབེབས་འདོད་པས། །
མདོ་སྡེ་རྒྱན་དུ་བཤད་པ་བཞིན། །
དེ་ཡི་རྟེན་དང་སེམས་སོགས་ཀྱིས། །
རྟག་ཏུ་ངེས་པར་བྱ་བ་ཡིན། །
༡༩༢༽བྱང་ཆུབ་སེམས་ནི་ཉམས་འགྱུར་ན། །
སླར་ཡང་བླང་བར་བྱ་བ་ཡིན། །
རིན་ཆེན་དང་པོའི་སྣོད་ཆག་ན། །
སླར་ཡང་བཅོས་སུ་རུང་བ་བཞིན། །
༡༩༣༽ལུས་ལ་ཡོན་ཏན་ཀུན་ཚང་ཡང༌། །
འདྲེན་བྱེད་མེད་ན་སྐལ་ངན་འགྱུར། །
ཡོན་ཏན་གཞན་དག་ཀུན་ལྡན་ཡང༌། །
བྱང་སེམས་མེད་ན་སྐལ་ངན་འགྱུར། །
༡༩༤༽གང་ལ་ཐུག་ཀྱང་བྱང་ཆུབ་སེམས། །
ནམ་ཡང་གཏང་བར་མི་བྱ་སྟེ། །
བྱང་ཆུབ་སེམས་མཆོག་བློས་བཏང་ན། །
སངས་རྒྱས་འཐོབ་པར་རྔོ་མི་ཐོགས། །
༡༩༥༽བྱང་ཆུབ་སེམས་སྐྱེ་འདོད་ན་དད་པ་དགོས། །
བྱང་ཆུབ་སེམས་སྐྱེ་འདོད་ན་ལེན་འདོད་དགོས། །
བྱང་ཆུབ་སེམས་སྐྱེ་འདོད་ན་སྙིང་རྗེ་དགོས། །
བྱང་ཆུབ་སེམས་སྐྱེ་འདོད་ན་འདི་དག་བསྒོམ། །
༡༩༦༽ཐེག་ཆེན་བྱང་ཆུབ་སེམས་བརྟེན་ནས། །
ལུས་ཀྱི་དགེ་བ་དག་པར་བྱ། །
ངག་གི་དགེ་བ་དག་པར་བྱ། །
ཡིད་ཀྱི་དགེ་བ་དག་པར་བྱ། །
༡༩༧༽ཐེག་ཆེན་བྱང་ཆུབ་སེམས་བརྟེན་ནས། །
ལུས་ཀྱི་དགེ་བ་བསྒྲུབ་པར་བྱ། །
ངག་གི་དགེ་བ་བསྒྲུབ་པར་བྱ། །
ཡིད་ཀྱི་དགེ་བ་བསྒྲུབ་པར་བྱ། །
༡༩༨༽བྱང་ཆུབ་མཆོག་ཏུ་སེམས་བསྐྱེད་ཀྱང༌། །
རྒྱུད་ལ་མ་སྐྱེས་དགོས་པས་སྟོང༌། །
ས་བོན་བཏབ་ནས་རྨོས་ན་ཡང༌། །
མྱུ་གུ་མ་སྐྱེས་དགོས་པས་སྟོང༌། །
༡༩༩༽ཡིད་ཅན་ཀུན་གྱི་དགའ་སྐྱེད་པ། །
རྒྱལ་བ་ཡིས་ཀྱང་ག་ལ་སྤྱོད། །
བཅོས་མིན་བྱང་ཆུབ་སེམས་མཆིས་ན། །
དེ་ལ་ཕལ་ཆེར་དགའ་བ་ཉིད། །
༢༠༠༽ཐེག་པ་ཆེན་པོའི་ས་དང་ལམ། །
ཐམས་ཅད་བྱང་ཆུབ་སེམས་སུ་འདུས། །
ཕུང་པོ་རྣམ་ལྔ་འདི་དག་ལ། །
འདུས་བྱས་ཆོས་ཀུན་འདུས་པ་བཞིན། །
༢༠༡༽འགྲོ་ཡང་བྱང་ཆུབ་སེམས་དྲན་བྱ། །
འདུག་ཀྱང་བྱང་ཆུབ་སེམས་དྲན་བྱ། །
ཉལ་ཡང་བྱང་ཆུབ་སེམས་དྲན་བྱ། །
འགྲེང་ཡང་བྱང་ཆུབ་སེམས་དྲན་བྱ། །
༢༠༢༽བྱང་ཆུབ་སེམས་དང་འགལ་བའི་ལས། །
དྲན་དང་ཤེས་བཞིན་བསྟེན་ནས་སྤང༌། །
གལ་ཏེ་འགལ་ན་དེ་མ་ཐག །
བཤགས་པ་སོགས་ཀྱིས་ཕྱིར་བཅོས་བྱ། །
༢༠༣༽སྦྲིབས་པ་ཟས་ལ་དགའ་བ་བཞིན། །
སྐོམ་པ་བཏུང་བར་དགའ་བ་བཞིན། །
སྦྲེབས་པ་མེ་ལ་དགའ་བ་བཞིན། །
དམ་པ་བྱང་ཆུབ་སེམས་ལ་དགའ། །
༢༠༤༽ཇི་སྲིད་རང་དོན་ཁོ་ན་ཡི། །
བསམ་དང་སྦྱོར་བའི་ལྷད་འཇུག་པ། །
དེ་སྲིད་བཅོས་མིན་བྱང་ཆུབ་སེམས། །
དེ་ཡི་རྒྱུད་ལ་སྐྱེ་བར་དཀའ། །
༢༠༥༽སྔ་དྲོ་ལྡང་ཚེ་བྱང་སེམས་དང༌། །
མཐུན་པར་བྱ་ཞེས་སྙིང་ནས་བསམ། །
དགོངས་མོ་ཉལ་ཚེ་བྱང་སེམས་དང༌། །
མཐུན་པའམ་འགལ་བ་གང་བྱས་བརྟག །
༢༠༦༽རང་དོན་དུག་གི་སྡོང་པོ་འདི། །
རྩད་ནས་འབྱིན་པར་མི་བྱེད་ན། །
གཞན་དོན་ལ་དགའ་བྱང་སེམས་ཀྱི། །
དཔག་བསམ་ལྗོན་དབང་ག་ལ་རྒྱས། །
༢༠༧༽བྱང་ཆུབ་སེམས་ལས་གནས་སྐབས་བདེ། །
མཐར་ཐུག་རྫོགས་པའི་སངས་རྒྱས་འགྲུབ། །
དེ་ཕྱིར་འབད་པས་བྱང་སེམས་ཀྱི། །
ཆེ་བ་མཐའ་དག་བརྗོད་པར་བྱ། །
༢༠༨༽བྱང་ཆུབ་སེམས་ཀྱིས་རྒྱུད་བརླན་པའི། །
རྒྱལ་སྲས་གཞན་གྱི་དོན་མཛད་པར། །
སོ་སྐྱེ་ཉན་ཐོས་རང་རྒྱལ་གྱི། །
གཞན་དོན་བྱེད་པས་འགྲན་མི་བཟོད། །
༢༠༩༽བྱང་ཆུབ་སེམས་ཀྱིས་ཟན་ཆངས་གཅིག །
བྱིན་པའི་བསོད་ནམས་གང་ཡིན་པར། །
མུ་སྟེགས་བྱེད་པས་སྟོང་གསུམ་གྱི། །
རིན་ཆེན་བསྟབས་ཀྱང་ཟླ་མི་ནུས། །
༢༡༠༽རྙེད་དཀའ་དལ་རྟེན་རིན་ཆེན་ཐོབ། །
མཇལ་དཀའ་སངས་རྒྱས་བསྟན་དང་མཇལ། །
བྱང་སེམས་ལག་ཏུ་མ་བསྟར་ན། །
འདི་ལས་ཕོངས་པ་གཞན་ཅི་ཡོད། །
༢༡༡༽ཐོག་མེད་ནས་བཟུང་ད་ལྟའི་བར། །
དོན་མེད་སྡུག་བསྔལ་ཆེན་པོས་མནར། །
བྱང་སེམས་ལྷུར་ལེན་མི་བྱེད་ན། །
སླར་ཡང་མཐའ་མེད་སྡུག་བསྔལ་མྱོང༌། །
༢༡༢༽ཉིན་མོར་བྱེད་པས་མུན་པ་སེལ། །
ཟླ་བས་འོད་ཀྱིས་གདུང་བ་སེལ། །
རིན་པོ་ཆེ་ཡིས་ཕོངས་པ་སེལ། །
བྱང་ཆུབ་སེམས་ཀྱིས་ཉོན་མོངས་སེལ། །
༢༡༣༽གང་གཞན་བྱང་ཆུབ་སཻམས་དཔའ་ལ། །
དང་བའི་མིག་གིས་བལྟ་ན་ཡང༌། །
བསོད་ནམས་མཐའ་ཡས་གསོག་པ་སྟེ། །
བྱང་ཆུབ་སེམས་ཀྱི་སྟོབས་ལས་ཡིན། །
༢༡༤༽བྱང་ཆུབ་སེམས་ཀྱི་དམིགས་པ་ནི། །
མཁའ་དང་མཉམ་པའི་མ་རྣམས་ཡིན། །
བྱང་ཆུབ་སེམས་ཀྱི་དམིགས་པ་ནི། །
ཡང་དག་རྫོགས་པའི་བྱང་ཆུབ་ཡིན། །
༢༡༥༽མཐའ་གཉིས་སྤངས་པའི་གོ་འཕང་མཆོག །
བདེ་བླག་འཐོབ་བྱེད་ཐབས་གང་ཞེས། །
སྲས་བཅས་རྒྱལ་བའི་དགོངས་པ་ན། །
རིན་ཆེན་བྱང་ཆུབ་སེམས་འདི་གཟིགས། །
༢༡༦༽བྱང་ཆུབ་སེམས་ཀྱིས་རང་དོན་སྒྲུབ། །
བྱང་ཆུབ་སེམས་ཀྱིས་གཞན་དོན་སྒྲུབ། །
བྱང་ཆུབ་སེམས་ཀྱིས་འཇིགས་པ་སྤོང༌། །
བྱང་ཆུབ་སེམས་ཀྱིས་གཉེན་པོ་བྱེད། །
༢༡༧༽རི་དབང་བཞིན་དུ་རབ་བརྟན་པ། །
ཇི་སྲིད་བྱང་ཆུབ་སེམས་མ་གྱུར། །
ཟབ་དང་རྒྱ་ཆེའི་རིམ་པ་ལ། །
འཇུག་པའི་བདུད་རྩི་སུ་ཡིས་མྱོང༌། །
༢༡༨༽བྱང་ཆུབ་སེམས་ཀྱིས་འཚེ་བ་དང༌། །
ངན་སོང་འཇིག་ལྟ་ཐེག་དམན་དང༌། །
ཐབས་མ་ཡིན་པ་དག་ལས་སྐྱོབ། །
དེ་ཕྱིར་སྐྱབས་ཀྱི་དམ་པར་གསལ། །
༢༡༩༽ཤེས་བྱའི་ནང་ནས་མཆོག་གྱུར་པ། །
ཡོན་ཏན་འོད་འཕྲོ་བྱང་ཆུབ་སེམས། །
གང་ཞིག་སློབ་པར་མི་བྱེད་པ། །
དེ་རྣམས་བློ་ནི་བེམས་པོ་འདྲ། །
༢༢༠༽རབ་བསིལ་ཀུན་གྱི་དགའ་བ་སྐྱེད། །
མཐོན་པོའི་སར་གནས་དམན་པར་གཞོལ། །
བྱང་སེམས་རྒྱལ་བའི་སྲས་ལ་སྟེ། །
ཟླ་བ་ལྷ་ཡི་ལམ་ན་གནས། །
༢༢༡༽རང་ཕན་སྡུག་བསྔལ་འབྱུང་བའི་གནས། །
གཞན་ཕན་བདེ་བ་འབྱུང་བའི་གནས། །
དེ་ལྟའི་འཕགས་མཆོག་འགྲོ་བ་ཡི། །
ཕན་བདེའི་གཏེར་ཁ་འབྱེད་ལ་སྤྲོ། །
༢༢༢༽བདེ་གཤེགས་སྲས་ཀྱིས་གཅན་གཟན་ལ། །
འཇིགས་པར་མི་བྱ་གང་གསུངས་པ། །
བྱང་ཆུབ་སེམས་ཀྱིས་ཡིན་གཞན་དུ། །
གནོད་པའི་བསམ་སྦྱོར་གྱིས་མ་ཡིན། །
༢༢༣༽བདེ་གཤེགས་སྐུ་གཟུགས་ཆོས་དང་སྲས། །
བླ་མ་གཉེན་བཤེས་ལ་གནོད་པར། །
གཤིན་པའི་བྱང་སེམས་ཉེར་བཟུང་ནས། །
བཟོད་པའི་གོ་ཆ་བགོ་བར་བྱ། །
༢༢༤༽བྱང་ཆུབ་མཆོག་ཏུ་སེམས་བསྐྱེད་ནས། །
རྒྱལ་སྲས་སྤྱོད་པ་བྱ་དཀའ་ཡང༌། །
ཆེད་དུ་བྱ་བ་གྱ་ནོམ་ཕྱིར། །
ཁ་ཆེ་སྐྱེས་བཞིན་བླང་བར་རིགས། །
༢༢༥༽འཇིགས་སྤོང་བྱང་ཆུབ་སེམས་བཟུང་ནས། །
ལོངས་སྤྱོད་ལུས་སྲོག་ལྟོས་མེད་པར། །
སྡེ་སྣོད་གསུམ་གྱི་སེངྒེའི་སྒྲ། །
ཀུན་གྱི་རྣ་བའི་ལམ་དུ་བསྒྲག །
༢༢༦༽བླ་མེད་བྱང་ཆུབ་སེམས་བསྐྱེད་ནས། །
བསླབ་པ་མཐའ་དག་བསྲུང་བར་བྱ། །
གཞན་དུ་བུ་ག་ཡོད་ས་ནས། །
དྲི་བཞོན་འཇུག་ལྟའི་ངང་ཚུལ་འཛིན། །
༢༢༧༽བྱ་བ་གང་ཞིག་བྱེད་ན་ཡང༌། །
བྱང་ཆུབ་སེམས་དང་སྦྲེལ་ནས་བྱ། །
བདེ་ནས་བདེ་བའི་མཐར་སོང་སྟེ། །
རྟག་ཏུ་ཉམས་མེད་བདེ་ཆེན་རེག །
༢༢༨༽རང་དོན་བསམ་པ་དོར་བའི་གཞིར། །
བྱང་ཆུབ་སེམས་ཀྱི་ལྗོན་རྩ་བརྟན། །
གཞན་ཕན་འབྲས་བུ་གཡུར་ཟ་ན། །
འགྲོ་བའི་རེ་བ་སྐོང་བར་ངེས། །
༢༢༩༽བྱང་ཆུབ་སེམས་ལ་གཞི་བཅས་ཏེ། །
ལྷག་པའི་ཚུལ་ཁྲིམས་ཏིང་ངེ་འཛིན། །
ཤེས་པའི་རབ་ཀྱི་བསླབ་པ་གསུམ། །
ཉམས་སུ་བླང་བར་བྱ་བ་ཡིན། །
༢༣༠༽གཞན་གྱི་སྡུག་བསྔལ་ནམ་སེལ་ནུས། །
གཞན་གྱི་ཡོན་ཏན་ནམ་སྒྲུབ་ནུས། །
སྙམ་པའི་བློ་ཡང་བྱང་སེམས་ཀྱི། །
ཆ་རུ་དམ་པ་བཞེད་དག་སྙམ། །
༢༣༡༽བདེ་ཚེ་བྱང་ཆུབ་སེམས་དྲན་བྱ། །
སྡུག་ཚེ་བྱང་ཆུབ་སེམས་དྲན་བྱ། །
རྒ་ཚེ་བྱང་ཆུབ་སེམས་དྲན་བྱ། །
འཆི་ཚེ་བྱང་ཆུབ་སེམས་དྲན་བྱ། །
༢༣༢༽ལེན་པར་འདོད་པའི་དད་པ་དང༌། །
སྙིང་རྗེས་སེམས་ཅན་ཀུན་ལ་ཁྱབ། །
ཐེག་པ་ཆེན་པོའི་རིགས་སད་ན། །
བྱང་ཆུབ་སེམས་མཆོག་སྐྱེ་མི་དཀའ། །
༢༣༣༽འཇུངས་པ་གསེར་དང་དངུལ་གྱིས་དགའ། །
འདོད་ལྡན་གཞོན་ནུ་མ་ཡིས་དགའ། །
འཁོར་འགྲོ་སྦྲང་མའི་རྩི་ཡིས་དགའ། །
དམ་པ་བྱང་ཆུབ་སེམས་ཀྱིས་དགའ། །
༢༣༤༽བྱང་ཆུབ་སེམས་ཀྱིས་མཁའ་མཉམ་འགྲོའི། །
བྱ་བའི་ཁུར་ཆེན་འདེགས་ཆས་པ། །
དེ་དག་སྐད་ཅིག་གཅིག་ཙམ་ཡང༌། །
གཞན་དོན་ལ་སྦྱོར་ལྷོད་མི་བྱེད། །
༢༣༥༽མདོག་བཟང་མདོག་ངན་འབྲལ་ཡང་རུང༌། །
བྱང་ཆུབ་སེམས་དང་འབྲལ་མི་རུང༌། །
གཉེན་བཤེས་ལུས་སྲོག་འབྲལ་ཡང་རུང༌། །
བྱང་ཆུབ་སེམས་དང་འབྲལ་མི་རུང༌། །
༢༣༦༽བྱང་ཆུབ་མཆོག་གི་སེམས་བཟུང་སྟེ། །
དྲན་དང་ཤེས་བཞིན་བག་ཡོད་ཀྱིས། །
བསླབ་པ་ལ་གནས་བསླབ་པ་བསྒྲུབ། །
བསླབ་པ་བསྲུང་བར་བྱ་བ་ཉིད། །
༢༣༧༽རྟག་དང་ཆད་པར་ལྟ་བ་ཡི། །
རྟོག་གེ་སྡེ་ལྔ་ལ་སོགས་པ། །
བྱང་ཆུབ་སེམས་ནི་མེད་པར་ངེས། །
གལ་ཏེ་ཡོད་ན་འདྲི་བར་གྱིས། །
༢༣༨༽བྱང་ཆུབ་སེམས་ཀྱི་གནད་ཤེས་ཕྱིར། །
ཐེག་པ་ཆེན་པོའི་བཤེས་གཉེན་བསྟེན། །
ཐེག་པ་ཆེན་པོའི་མདོ་སྡེ་བལྟ། །
བདེ་གཤེགས་སྲས་དང་འགྲོགས་པར་བྱ། །
༢༣༩༽དགྲ་ཡི་གནོད་པ་ཆུང་ངུའང་ཤེས། །
གཉེན་གྱི་ཕན་པ་ཆུང་ངུའང་ཤེས། །
འོན་ཀྱང་དམ་པ་ཁྱད་མེད་པར། །
ཕན་འདོགས་བྱང་ཆུབ་སེམས་ཀྱིས་བྱེད། །
༢༤༠༽ཉིན་མོར་བྱེད་པ་མངོན་མཐོ་ཡང༌། །
དམན་གནས་འདབ་བརྒྱ་རབ་ཏུ་བཞད། །
བྱང་ཆུབ་སེམས་མཆོག་མངོན་མཐོ་ཡང༌། །
དམན་གནས་དགེ་བློ་རབ་ཏུ་བཞད། །
༢༤༡༽སྐད་ཅིག་ཙམ་ཡང་རྒྱལ་སྲས་ཀྱི། །
དགེ་བའི་བར་དུ་གཅོད་པ་ལ། །
ངན་འགྲོའི་དུཿཁ་མཐའ་མེད་པར། །
འབྱུང་བ་བྱང་ཆུབ་སེམས་ལས་ཤེས། །
༢༤༢༽བྱང་ཆུབ་སེམས་མཆོག་བློས་བཏང་བ། །
ལྟུང་བའི་ནང་ན་ལྕི་བ་སྟེ། །
སྲོག་གི་དབང་པོ་ཉམས་གྱུར་ན། །
དབང་པོ་གཞན་གྱིས་དོན་མི་བྱེད། །
༢༤༣༽སྲིད་པ་ཇི་སྲིད་གནས་ཀྱི་རིང༌། །
འགྲོ་བདེ་མ་ལུས་འབྱུང་བའི་གནས། །
བྱང་ཆུབ་སེམས་ཞེས་བྱ་བ་སྟེ། །
འབད་པ་ཀུན་གྱིས་བླང་བར་བྱ། །
༢༤༤༽སྲིད་ན་མེད་ཐབས་མེད་པ་ཡི། །
ཆོས་ནི་གང་ཞེས་རྟོག་པ་ན། །
བྱང་ཆུབ་སེམས་མཆོག་ཁོ་ན་ལས། །
གཞན་ཞིག་དམ་པ་སུ་ལ་རྙེད། །
༢༤༥༽བྱང་ཆུབ་སེམས་ལས་བདེ་གཤེགས་སྲས། །
ཕྱོགས་རིས་མེད་པར་འགྲོ་ཀུན་ལ། །
བུ་གཅིག་མ་བཞིན་རུས་གཏང་ནས། །
དྲང་ཞིང་བྱམས་པའི་མིག་གིས་ལྟ། །
༢༤༦༽བྱང་ཆུབ་སེམས་ཀྱིས་ཉེར་བཅིངས་པའི། །
གཞན་ཕན་རླབས་ཆེན་བྱ་བ་ལ། །
གཞན་ཕན་བྱེད་པ་ལྟར་སྣང་བའི། །
བྱ་བ་སྟོང་གིས་སྒྲིན་མི་ཕོད། །
༢༤༧༽བླ་མེད་བྱང་ཆུབ་སེམས་སྒོ་ནས། །
འགྲོ་ཕན་དཔག་ཏུ་མེད་པར་འདོགས། །
དུཿཁ་རྒྱུ་དང་བཅས་པ་སེལ། །
གང་དེ་རྒྱལ་བའི་མྱུ་གུ་སྣང༌། །
༢༤༨༽བྱང་སེམས་ལྟུང་བ་བྱུང་གྱུར་ན། །
སླར་ཡང་བླང་དུ་རུང་མོད་ཀྱི། །
ས་འཐོབ་པ་ལ་ཡུན་རིང་ཐོགས། །
དེ་ཕྱིར་ལྟུང་བས་མ་གོས་གཅེས། །
༢༤༩༽བྱང་ཆུབ་སེམས་ལ་གཞིར་བཟུང་ནས། །
ཟབ་ཅིང་རྒྱ་ཆེ་ཟུང་འཇུག་གི །
སྤྱོད་པས་རྣམ་མཁྱེན་འཐོབ་པ་སྟེ། །
རྒྱུ་འབྲས་སླུ་བ་མེད་པར་ངེས། །
༢༥༠༽དངུལ་ཆུ་གསེར་དུ་སྣང་བ་ཡིས། །
ལྕགས་ཁམས་གསེར་དུ་སྒྱུར་བར་བྱེད། །
བྱང་ཆུབ་སེམས་ཀྱིས་ཉོན་མོངས་ཀྱང༌། །
བྱང་ཆུབ་ཡན་ལག་སྒྱུར་བར་བྱེད། །
༢༥༡༽རྐྱེན་ངན་དྲག་པོ་བྱུང་ན་ཡང༌། །
རི་ཡི་དབང་པོ་ཇི་ལྟ་བར། །
བྱང་ཆུབ་སེམས་ཀྱིས་བྱིན་བརླབས་པའི། །
རྒྱལ་བའི་སྲས་ལ་དེས་མི་ཚུགས། །
༢༥༢༽བྱང་ཆུབ་སེམས་ཀྱིས་མི་སློབ་པའི། །
མཆོག་ཏུ་མི་འགྱུར་བདེ་སྦྱིན་ན། །
ལྷ་དང་མི་ཡི་བདེ་བ་གང༌། །
འདྲེན་ལ་ངོ་མཚར་སུ་ཞིག་འཛིན། །
༢༥༣༽མཁྱེན་པ་ཤེས་བྱའི་མཐའ་ལ་རེག །
བརྩེ་བ་ལུས་ཅན་ཀུན་ལ་འཇུག །
ནུས་པ་གློག་གི་རྗེས་སུ་འགྲོ། །
འདི་དག་བྱང་ཆུབ་སེམས་ལས་འབྱུང༌། །
༢༥༤༽བྱང་ཆུབ་སེམས་ཀྱི་རིན་འབྱུང་ལས། །
མངོན་བལྟམས་ཡོན་ཏན་ཆ་ཤས་རྫོགས། །
ཐུབ་དབང་ཟླ་བ་འཇིག་རྟེན་གྱི། །
ཕན་བདེའི་ཀུ་མུད་འཛུམ་ལ་དབང༌། །
༢༥༥༽རབ་ཏུ་མི་གནས་མྱང་འདས་ཀྱི། །
ས་ལ་བགྲོད་པའི་ཐེག་པ་མཆོག །
བྱང་ཆུབ་སེམས་ཞེས་བྱ་བ་སྟེ། །
འདོད་པའི་སར་ཕྱིན་ཅང་ཤེས་མཚུངས། །
༢༥༦༽བྱང་ཆུབ་སེམས་ཀྱི་བྱིན་ཕེབས་ན། །
དྲན་པ་དང་འགྲོགས་ཤེས་བཞིན་གྱིས། །
ལུས་ངག་ཡིད་ཀྱི་བྱ་བ་ཀུན། །
ཆོས་དང་མཐུན་ནམ་མིན་ཞེས་རྟོག །
༢༥༧༽བྱང་ཆུབ་སེམས་ཀྱིས་མཐའ་གཅིག་ཏུ། །
རང་དོན་བཙན་དུག་ལྟ་བུར་མཐོང༌། །
བྱང་ཆུབ་སེམས་ཀྱིས་མཐའ་གཅིག་ཏུ། །
གཞན་དོན་བདུད་རྩི་ལྟ་བུར་མཐོང༌། །
༢༥༨༽བྱང་སེམས་མེད་ན་རྒྱལ་སྲས་མིན། །
ཚེ་འདིར་ཞེན་ན་སྐྱེས་བུ་མིན། །
བློ་ལྡོག་མེད་ན་ངེས་འབྱུང་མིན། །
མཐའ་དང་བཅས་ན་ལྟ་བ་མིན། །
༢༥༩༽རིན་ཆེན་བྱང་ཆུབ་སེམས་བོར་ན། །
གཞན་དོན་བྱེད་ཀྱང་ལྟར་སྣང་ཡིན། །
འབྲས་བུའི་ཁུར་གྱིས་སྟོང་པའི་ལྗོན། །
མཛེས་ཀྱང་བྲུ་བ་ཚ་མི་སེལ། །
༢༦༠༽རིན་ཆེན་རང་བཞིན་འཇིག་རྟེན་ན། །
ཇི་སྙེད་མཆིས་པ་གཅིག་བསྡུས་བཞིན། །
རྙེད་དཀའ་ཕན་འདོགས་ཟླ་དང་བྲལ། །
རྒྱལ་བས་རབ་བསྔགས་བྱང་ཆུབ་སེམས། །
༢༦༡༽ཀུན་བཟང་སྤྱོད་པ་སྤྱད་འདོད་ན། །
བྱང་ཆུབ་སེམས་ཀྱི་རྩ་བ་གཟུང༌། །
ལྗོན་བཟང་ཡལ་འདབ་རྒྱས་འདོད་ན། །
སྡོང་པོའི་རྩ་བར་ཆུ་འདྲེན་བྱེད། །
༢༦༢༽བྱང་ཆུབ་སེམས་ཀྱིས་རང་གི་དོན། །
དུག་བཞིན་མཐོང་ནས་ལྡོག་པར་བྱེད། །
བྱང་ཆུབ་སེམས་ཀྱིས་གཞན་གྱི་དོན། །
བདུད་རྩི་ལྟ་བུར་མཐོང་ནས་འཇུག །
༢༦༣༽རང་གི་སྲོག་རྒོལ་གནོད་བྱེད་ནའང༌། །
སྦྱོར་བས་ཕན་རྔོ་མི་ཐོག་ཀྱང༌། །
ཕན་པའི་བསམ་པ་དོར་མི་བྱ། །
གཞན་དུ་བྱང་ཆུབ་སེམས་དང་འགལ། །
༢༦༤༽སྙིང་རྗེས་རབ་བཟུང་བྱང་ཆུབ་སེམས། །
མཁའ་མཉམ་མ་ལ་ཕན་པ་དང༌། །
བདེ་བ་སྐྱེད་པའི་སེམས་ཡིན་ཞེས། །
སྐྱེས་མཆོག་བསྔགས་པའི་མེ་ཏོག་འཐོར། །
༢༦༥༽ཐེག་ཆེན་བྱང་ཆུབ་སེམས་སྐྱེས་ན། །
རང་དོན་གཅེས་འཛིན་ན་བུན་ཡལ། །
གཞན་དོན་སྙིང་པོ་ལྷུ་རུ་ལེན། །
མ་འདྲེས་པ་ཡི་བཤེས་སུ་འགྱུར། །
༢༦༦༽བྱང་ཆུབ་སེམས་ཀྱི་རྩ་བརྟན་ལས། །
རབ་སྐྱེས་སྤྱོད་པའི་ཡལ་འདབ་རྒྱས། །
བྱང་ཆུབ་འཕྲིན་ལས་འབྲས་བུ་ཡིས། །
ཡིད་ཅན་རེ་བ་སྐོང་འདི་རྨད། །
༢༦༧༽གཉིས་མེད་ཡེ་ཤེས་སྒྲུབ་བྱེད་མཆོག །
འགྲོ་བ་ཡོངས་ལ་བདེ་བྱེད་མཆོག །
དགེ་སེམས་ནང་ནས་ཀུན་གྱི་མཆོག །
བྱང་ཆུབ་སེམས་ཏེ་འཇིག་རྟེན་རྒྱན། །
༢༦༨༽བྱང་ཆུབ་སེམས་དང་འདྲ་བ་ཡི། །
ཐོས་པར་བྱ་བའི་ཆོས་གཞན་མེད། །
བྱང་ཆུབ་སེམས་དང་འདྲ་བ་ཡི། །
བསམ་བསྒོམ་བྱ་བའི་ཆོས་གཞན་མེད། །
༢༦༩༽དེ་བཞིན་ཉིད་ཀྱི་ལྷ་ལམ་དུ། །
གློ་བུར་དྲི་མའི་སྤྲིན་གྱིས་སྒྲིབ། །
བྱང་ཆུབ་སེམས་ཀྱི་འཐོར་རླུང་གིས། །
སྒྲོན་མས་མུན་པ་བཞིན་དུ་སེལ། །
༢༧༠༽སྲིད་པའི་ཉེས་པ་ཇི་བཞིན་ངེས། །
བྱང་ཆུབ་ཡོན་ཏན་ཚུལ་བཞིན་རྟོགས། །
ཐེག་པ་ཆེན་པོའི་རིགས་ལྡན་པར། །
བྱང་ཆུབ་སེམས་ཀྱི་མྱུ་གུ་རྒྱས། །
༢༧༡༽འདི་ནས་བྱང་ཆུབ་སྙིང་པོའི་བར། །
མཉེས་གཤིན་བཤེས་མཆོག་བྱང་ཆུབ་སེམས། །
དེ་ལ་དམ་པའི་སྐྱེས་བུ་དག །
ཇི་ལྟ་བུར་ན་སྟེན་མི་མཛད། །
༢༧༢༽ཉམ་ང་ཆེ་ཐང་བྱུང་ན་ཡང༌། །
སྐྱེ་བོས་མིག་ནི་སྲུང་བར་བྱེད། །
དེ་བཞིན་ཉམ་ང་ཅི་བྱུང་ཡང༌། །
དམ་པས་བྱང་ཆུབ་སེམས་འདི་སྲུང༌། །
༢༧༣༽དམ་ཆོས་འཆད་པའི་ཚུལ་ལ་མཁས། །
འཐད་པའི་རིགས་པས་དོན་མིན་འགོག །
རྩོམ་པས་དགའ་བའི་རོ་སྐྱེད་ཀྱང༌། །
བྱང་སེམས་མེད་ན་སུ་ཞིག་སྨོན། །
༢༧༤༽རྒྱལ་བ་སྲས་བཅས་ཀྱི་བསྔགས་པ། །
བྱང་ཆུབ་སེམས་འདི་གང་ལ་མངའ། །
དེ་ལ་དགྲ་ཡང་གུས་གྱུར་ན། །
སྐྱེ་བོ་གཞན་ལྟ་ཅི་ཞིག་གཏམ། །
༢༧༥༽དད་པའི་རྩ་བ་རབ་ཏུ་བརྟན། །
ཐེག་པ་ཆེན་པོའི་རིགས་དང་ལྡན། །
སྙིང་ནས་ལེན་པར་འདོད་པ་ན། །
བྱང་ཆུབ་སེམས་མཆོག་སྐྱེ་མི་དཀའ། །
༢༧༦༽བསྲེག་བཅད་བརྡར་བའི་གསེར་བཞིན་དུ། །
སྲས་བཅས་རྒྱལ་བ་རྣམས་ཀྱིས་བརྟགས། །
རིན་ཆེན་དང་པོའི་བྱང་ཆུབ་སེམས། །
དོན་གཉིས་ཕུན་སུམ་ཚོགས་པའི་གཞི། །
༢༧༧༽གཞན་ལ་རྣམ་པར་འཚེ་བ་ཡི། །
བསམ་པ་བྱང་ཆུབ་སེམས་ཀྱི་དགྲ། །
ཀུན་ལ་སྙིང་ནས་མི་འཚེ་བའི། །
བསམ་པ་བྱང་ཆུབ་སེམས་ཀྱི་གཉེན། །
༢༧༨༽བྱང་ཆུབ་སེམས་མཆོག་སྐྱེ་འདོད་ན། །
ཀུན་ལ་ཕན་པའི་བསམ་པ་བསྒོམ། །
བྱང་ཆུབ་སེམས་མཆོག་སྐྱེ་འདོད་ན། །
རྟག་ཏུ་རྣམ་མཁྱེན་ཡིད་ལ་བྱ། །
༢༧༩༽དགྲ་གཉེན་བར་མའི་སེམས་ཅན་ལ། །
མཉམ་པ་ཉིད་དུ་ཕན་འདོག་པས། །
བྱང་སེམས་དཔག་ལྗོན་བརྟན་བཟུང་ནས། །
སྲོག་ལ་ཐུག་ཀྱང་བཏང་མི་བྱ། །
༢༨༠༽རྟག་ཏུ་ཁྲོ་བས་རང་རྒྱུད་སྲེག །
ང་རྒྱལ་གྱིས་ཁེངས་ཕྲག་དོག་ལྡན། །
དེ་ལ་བྱང་སེམས་རིན་པོ་ཆེ། །
ཉེ་བའི་གོ་སྐབས་ནམ་ཞིག་འཐོབ། །
༢༨༡༽མཁའ་མཉམ་འགྲོ་བ་རང་གི་མ། །
ཡིན་སྙམ་སྒོམ་པའི་སྐྱེས་བུ་ལ། །
ཐེག་པ་ཆེན་པོའི་བྱང་ཆུབ་སེམས། །
སྐྱེ་ལ་མངོན་དུ་ཕྱོགས་པར་སྣང༌། །
༢༨༢༽བྱང་ཆུབ་སེམས་ཀྱི་བདུད་རྩི་ཡིས། །
ནད་སེལ་སྙིང་གི་སྟོབས་རྒྱས་ཤིང༌། །
ལན་དང་རྣམ་སྨིན་མི་རེ་བར། །
ཀུན་ལ་མཉམ་པར་གཅིག་ཏུ་ཕན། །
༢༨༣༽ཐེག་ཆེན་རྩ་བ་བྱང་ཆུབ་སེམས། །
རང་ལ་ཡོད་དམ་མེད་ཅེས་བརྟག །
གལ་ཏེ་མེད་ན་ཆོ་ག་བཞིན། །
བླངས་ནས་ཉམས་པ་མེད་པར་བྱས། །
༢༨༤༽གཞན་དོན་ལྷུ་རུ་ལེན་བྱེད་པ། །
རིན་ཆེན་བྱང་ཆུབ་སེམས་ཀྱི་གྲོགས། །
རང་དོན་ལྷུ་རུ་ལེན་བྱེད་པ། །
རིན་ཆེན་བྱང་ཆུབ་སེམས་ཀྱི་དགྲ། །
༢༨༥༽དད་པ་རབ་བརྟན་རྙེད་པར་དཀའ། །
དལ་འབྱོར་ལུས་རྟེན་རྙེད་པར་དཀའ། །
དམ་པའི་སྐྱེས་བུ་རྙེད་པར་དཀའ། །
བྱང་ཆུབ་སེམས་མཆོག་རྙེད་པར་དཀའ། །
༢༨༦༽བྱང་ཆུབ་སེམས་ཀྱི་སྨན་བསྟེན་ན། །
ཀུན་ནས་ཉོན་མོངས་ནད་ཀུན་ཞི། །
དེ་ཕྱིར་སྲིད་ན་འདི་འདྲ་བའི། །
སྨན་གཞན་མེད་པར་གོར་མ་ཆག །
༢༨༧༽བཟོད་དཀའི་ནད་ཀྱིས་མནར་མོད་ཀྱང༌། །
བྱང་ཆུབ་སེམས་མཆོག་ནན་གྱིས་བསྒོམ། །
རབ་ཏུ་ཚ་བས་གདུངས་པ་དག །
གངས་ཆུ་ཡིད་ལ་བྱེད་པ་བཞིན། །
༢༨༨༽མཁའ་མཉམ་འགྲོ་བ་བདེ་འདོད་ན། །
བྱང་ཆུབ་སེམས་ལ་གཅེས་པར་གཟུང༌། །
མཁའ་མཉམ་འགྲོ་ལ་ཕན་འདོད་ན། །
བྱང་ཆུབ་སེམས་ལ་གཅེས་པར་གཟུང༌། །
༢༨༩༽བྱང་ཆུབ་སེམས་མ་བསྟེན་ན་སངས། །
མ་རྒྱས་མི་རྒྱས་རྒྱས་མི་འགྱུར། །
དེ་ཕྱིར་སངས་རྒྱས་འཐོབ་འདོད་པས། །
བྱང་ཆུབ་སེམས་ཀྱི་ས་བོན་ཐོབ། །
༢༩༠༽བདག་ཏུ་ལྟ་བའི་མུན་པ་ཆེ། །
སེལ་བའི་ཉིན་བྱེད་བྱང་ཆུབ་སེམས། །
སྣང་ནས་སྣང་བར་འགྲོ་བ་དག །
འདི་ལ་བསྟེན་པ་གཅིག་ཏུ་དགེ །
༢༩༡༽བྱང་ཆུབ་སེམས་ཀྱིས་ཟུག་རྔུ་འབྱིན། །
བྱང་ཆུབ་སེམས་ཀྱིས་རྣམ་འཚེ་འཇོམས། །
བྱང་ཆུབ་སེམས་ཀྱིས་མི་བདེ་སེལ། །
བྱང་ཆུབ་སེམས་ཀྱིས་འཇིགས་པ་སྤོང༌། །
༢༩༢༽སྐྱེ་བོ་མ་ལུས་མགུ་བྱེད་པ། །
ཐུབ་མཆོག་གིས་ཀྱང་དཀའ་བ་ཡིན། །
རང་ལ་བྱང་ཆུབ་སེམས་མཆིས་ན། །
ཕལ་ཆེར་དགའ་བར་འགྱུར་བ་ཡིན། །
༢༩༣༽དོན་ལ་ཐེག་པ་ཆེན་པོ་པ། །
བྱེད་པར་བསམ་ན་བྱང་ཆུབ་སེམས། །
མ་སྐྱེས་བསྐྱེད་པར་བྱ་བ་ན། །
སྐྱེས་པ་གཞར་ཡང་ཉམས་མི་བྱ། །
༢༩༤༽སྤྱིར་ན་དགེ་སེམས་སྐྱེ་བ་དཀའ། །
ཐར་པ་ཆ་མཐུན་དེ་བས་དཀའ། །
དེ་ལས་བྱང་སེམས་རིན་པོ་ཆེ། །
སྐྱེ་བ་དཀའ་ཡང་ནན་གྱིས་བསྐྱེད། །
༢༩༥༽ཡིད་ཡོང་བྱང་དང་སྙིང་རྗེ་སོགས། །
རྒྱུན་དུ་ཡུན་རིང་སྒོམ་པ་ལས། །
ཐེག་ཆེན་བྱང་ཆུབ་སེམས་སྐྱེ་སྟེ། །
རྒྱུ་ཚོགས་ཚང་ལས་མྱུ་གུ་བཞིན། །
༢༩༦༽བྱང་ཆུབ་སེམས་དང་ལྡན་གྱུར་ན། །
ན་ཡང་ལེགས་ལ་ཤི་ཡང་ལེགས། །
ཐོས་ཀྱང་ལེགས་ལ་སྒོམ་ཡང་ལེགས། །
ཇི་ལྟར་བྱས་ཀྱང་ལེགས་པ་འདྲ། །
༢༩༧༽བྱང་ཆུབ་སེམས་འདི་གོམས་གྱུར་ན། །
དེ་ཡིས་སྡིག་པ་མ་སྤངས་ཅི། །
དེ་ཡིས་དགེ་བ་མ་བྱས་ཅི། །
སྤྲོ་བས་ནན་གྱིས་བསྒོམ་པར་བྱ། །
༢༩༨༽བྱང་ཆུབ་སེམས་ཀྱི་རྩི་བྲལ་ན། །
ཐེག་ཆེན་ཐར་ཆའི་དགེ་མི་འགྱུར། །
དེ་ལྟར་གྱུར་ནས་སངས་རྒྱས་ཀྱི། །
གོ་འཕང་དམ་པ་ག་ལ་རྙེད། །
༢༩༩༽རྟག་ཏུ་ཉོན་མོངས་ཀྱིས་དཀྲུགས་པའི། །
རྒྱུད་ལ་བྱང་སེམས་སྐྱེ་བ་དཀའ། །
འདམ་རྫབ་དབེན་པའི་ས་ཕྱོགས་སུ། །
འདམ་ལས་སྐྱེས་པའི་འདབ་བརྒྱ་བཞིན། །
༣༠༠༽བྱང་ཆུབ་སེམས་ཀྱི་གཞི་ཚུགས་ན། །
ཉེས་སྤྱོད་མི་བཟད་ངང་གིས་འགག །
ལེགས་སྤྱོད་མཐའ་དག་ལག་ཏུ་འོང༌། །
བྲེད་འཁྲིམས་དང་བྲལ་བརྟན་པ་འཐོབ། །
༣༠༡༽མི་གང་བྱང་ཆུབ་སེམས་མ་བླངས། །
དེ་ཡི་སྐྱེ་བ་དོན་ལྡན་མིན། །
ས་བོན་ས་ལ་མ་བཏབ་པར། །
བཙས་མ་རྔ་བར་འདོད་པ་བཞིན། །
༣༠༢༽པདྨས་སྐྱུག་པའི་ཟིལ་མངར་གྱི། །
རོ་ལ་འཁོར་འགྲོ་འཕུར་ཞིང་ལྡིང༌། །
བྱང་ཆུབ་སེམས་ཀྱི་འདབ་བརྒྱ་པར། །
གྲོལ་བ་དོན་གཉེར་སྤྲོ་བས་འཇུག །
༣༠༣༽ཕུལ་དུ་བྱུང་བའི་རྒྱན་གང་ཞིག །
སྙན་ངག་མཁན་པོའི་བདོག་ཀུན་ཏེ། །
དེ་བཞིན་དམ་པའི་སྐྱེས་བུ་ཡི། །
བདོག་ཀུན་བྱང་སེམས་རིན་པོ་ཆེ། །
༣༠༤༽སྨ་གྱི་ནང་ན་རྣམ་པར་རྒྱལ། །
རིན་ཆེན་ནང་ན་ཡིད་བཞིན་ནོར། །
མེ་ཏོག་ནང་ན་པདྨ་དཀར། །
དགེ་སེམས་ནང་ན་བྱང་ཆུབ་སེམས། །
༣༠༥༽བྱང་ཆུབ་སེམས་ཀྱིས་སློབ་དཔོན་བྱེད། །
བྱང་ཆུབ་སེམས་ཀྱིས་ས་ལམ་བགྲོད། །
བྱང་ཆུབ་སེམས་ཀྱིས་དོན་གཉིས་སྦྱོར། །
བྱང་ཆུབ་སེམས་ཀྱིས་རྣམ་མཁྱེན་རེག །
༣༠༦༽གང་ཞིག་འབད་པ་དུ་མ་ཡིས། །
ཐེག་ཆེན་བྱང་ཆུབ་སེམས་བཟུང་བ། །
དེ་ཡིས་བསོད་ནམས་མ་བྱས་ཅི། །
དེ་ཡིས་ཡེ་ཤེས་མ་བསྐྱེད་གང༌། །
༣༠༧༽རང་དང་གཞན་གྱི་འབྱོར་པའི་གནས། །
རྒྱལ་སྲས་རྣམས་ཀྱི་བྱང་ཆུབ་སེམས། །
རྒྱལ་པོས་ཐོད་དུ་བཅིངས་པ་ཡི། །
ནོར་བུ་ལ་ཡང་འཕྱ་བར་བྱེད། །
༣༠༨༽བྱང་སེམས་རིན་ཆེན་སྤུད་པ་ཡི། །
བསོད་ནམས་ཆེན་པོ་གང་ན་བཞུགས། །
གནས་དེ་གཞན་ལས་ཁྱད་དུ་འཕགས། །
གང་ན་སྟོན་མཆོག་གཞེས་པ་འདྲ། །
༣༠༩༽བྱང་ཆུབ་སེམས་ཀྱི་ཀུན་སློང་གིས། །
བྱ་བ་གང་བརྩམས་ཐམས་ཅད་དགེ །
སྨན་གྱི་ས་བོན་ལས་བྱུང་བའི། །
ཡལ་འདབ་མེ་ཏོག་འབྲས་བུ་དགེ །
༣༡༠༽རིན་ཆེན་བྱང་ཆུབ་སེམས་མཆོག་གི །
ཕན་ཡོན་དཔག་ཏུ་མེད་པ་སྟེ། །
ཚད་མའི་ལུང་དང་འཐད་སྒྲུབ་ཀྱི། །
རིགས་པ་དག་གིས་རབ་ཏུ་གསལ། །
༣༡༡༽ཚུལ་ཁྲིམས་ལས་ནི་ཉམས་ཀྱང་བླ། །
བྱང་ཆུབ་སེམས་ལས་ཉམས་ན་སྨད། །
དང་པོའི་འབྲས་བུ་མཐོ་རིས་ཏེ། །
གཉིས་པའི་འབྲས་བུ་སངས་རྒྱས་ཡིན། །
༣༡༢༽རྟག་ཏུ་བྱང་ཆུབ་སེམས་མཆོག་ལ། །
གཅེས་པར་འཛིན་པའི་རྒྱུད་བརླན་པ། །
དེ་དག་བདེ་ནས་བདེ་བ་རུ། །
བཞུད་པར་འགྱུར་བ་སུ་ཡིས་འགོག །
༣༡༣༽བེམས་པོའི་རང་བཞིན་སངས་རྒྱས་ཀྱི། །
བྱང་ཆུབ་སྦྱིན་པར་ནུས་མ་ཡིན། །
དེ་ལྟ་བས་ན་ཡིད་བཞིན་ནོར། །
བྱང་ཆུབ་སེམས་ཀྱི་དཔེར་མི་འོས། །
༣༡༤༽གླང་པོ་ཆེས་ཡི་གླང་པོ་དང༌། །
ནོར་གྱིས་ནོར་གཞན་འགུགས་མོད་ཀྱི། །
བྱང་ཆུབ་སེམས་ཀྱིས་སྲིད་པ་དང༌། །
ཞི་བའི་དཔལ་ཡོན་མཐའ་དག་འགུགས། །
༣༡༥༽བྱང་ཆུབ་སེམས་དང་བྲལ་ན་ཡང༌། །
རང་ཉིད་ཐེག་ཆེན་པར་རློམ་པ། །
བདོག་པ་ཀུན་གྱིས་བཏང་ན་ཡང༌། །
རང་ཉིད་འབྱོར་ལྡན་སེམས་དང་མཚུངས། །
༣༡༦༽མ་ཡིས་བུ་ལ་ལྟ་བ་བཞིན། །
མཆོག་དམན་བར་གྱི་སེམས་ཅན་ལ། །
བྱང་ཆུབ་སེམས་ཀྱིས་རབ་བསྐུལ་བའི། །
སྤྱན་གྱིས་བཙའ་བར་སུ་མི་དགའ། །
༣༡༧༽ཕན་བདེའི་འབྱུང་གནས་བྱང་ཆུབ་སེམས། །
སྲིད་ན་ཆེ་བའི་ལྷར་གྲགས་པ། །
པདྨའི་སྐྱེ་གནས་ཐ་གུའི་ལྟོ། །
མིག་སྟོང་པར་ཡང་བདོག་གམ་ཅི། །
༣༡༨༽བདེ་གཤེགས་སྲས་ལ་དགྱེས་བྱེད་པའི། །
བྱང་ཆུབ་སེམས་མཆོག་འདི་མཐོང་ནས། །
ཀུན་དགའ་སྐྱེད་པའི་ཁེངས་ལྡན་པའི། །
ཟླ་བ་མཁའ་ལ་འཁྱུས་པ་སྙམ། །
༣༡༩༽ཟླ་བ་ག་བུར་ཙནྡན་དཀར། །
ཕྱོགས་འགའ་ཞིག་ཏུ་བསྡུས་པ་བཞིན། །
ཉོན་མོངས་གདུང་བ་སེལ་བྱེད་པས། །
བྱང་ཆུབ་སེམས་འདི་རབ་ཏུ་བསིལ། །
༣༢༠༽བྱང་ཆུབ་སེམས་ཀྱི་བདུད་རྩི་གང༌། །
མགྲིན་པར་ཟག་པའི་སྐྱེ་བོ་ལ། །
ལྷ་ཡི་འཆི་བ་མེད་པ་ཡིས། །
ཡིད་ལ་དགའ་བ་ཇི་ལྟར་སྐྱེད། །
༣༢༡༽བྱང་ཆུབ་སེམས་དབྱེས་སྐྱོན་མེད་དང༌། །
སྤྱོད་པ་ལ་འཇུག་སྐྱེ་གཅིག་ཐོགས། །
སྲིད་པ་ཐ་མའི་རྒྱལ་བའི་སྲས། །
རྣམ་པ་བཞི་རུ་འགྱུར་བ་ཡིན། །
༣༢༢༽འདོད་པའི་ཡོན་ཏན་རྣམ་པ་ལྔའི། །
རོ་བྲོ་བ་ལ་ཞེན་པ་དག །
བྱང་ཆུབ་སེམས་ཀྱི་རོ་མཆོག་ལ། །
སྨོན་པ་ཙམ་ཡང་བགྱིད་པར་དཀའ། །
༣༢༣༽བྱམས་པའི་དཀྱིལ་འཁོར་ཟླུམ་ཞིང་མཛེས། །
སྙིང་རྗེས་རི་དྭགས་མཚན་མ་བཀྲ། །
བྱང་ཆུབ་སེམས་ཀྱི་ཟླ་བ་འདི། །
ཡོད་བཞིན་གནམ་གྱི་ཟླ་བས་ཅི། །
༣༢༤༽འཆིང་བ་ཀུན་ལས་རྣམ་པར་འགྲོལ། །
འཕོ་མེད་བདེ་བ་མཆོག་འཐོབ་པའི། །
བསམ་པ་གང་ལ་བརྟན་ཡོད་པ། །
དེ་དག་བྱང་ཆུབ་སེམས་བཟུང་རིགས། །
༣༢༥༽མཁས་པར་འདོད་ན་བྱང་སེམས་སློབ། །
བཙུན་པར་འདོད་ན་བྱང་སེམས་སློབ། །
བཟང་པོར་འདོད་ན་བྱང་སེམས་སློབ། །
གཞན་ཕན་འདོད་ན་བྱང་སེམས་སློབ། །
༣༢༦༽བྱང་ཆུབ་སེམས་ཀྱི་ཆེ་བ་གང༌། །
རྗོད་པར་སྐྱོབ་པས་མི་སྤྱོད་ན། །
འཇིག་རྟེན་ཉན་ཐོས་རང་རྒྱལ་དང༌། །
འཕགས་མཆོག་གིས་ལྟ་ག་ལ་ནུས། །
༣༢༧༽དམན་པར་ཕན་པ་བྱང་ཆུབ་སེམས། །
བར་མར་ཕན་པ་བྱང་ཆུབ་སེམས། །
མཆོག་ལ་ཕན་པ་བྱང་ཆུབ་སེམས། །
ཀུན་ཕན་བྱང་སེམས་མ་ཡིན་ནམ། །
༣༢༨༽བྱང་སེམས་བཅུད་ལེན་རྙེད་པ་ན། །
བཅུད་ལེན་གཞན་གྱི་དགོས་པ་ཅི། །
མཁའ་ཟླ་མཐོང་བས་ཆུ་ནང་གི །
ཟླ་བ་སྙིང་པོར་སུ་ཞིག་འཛིན། །
༣༢༩༽བྱང་ཆུབ་སེམས་ཀྱི་བདེ་བའི་གཟིས། །
འཁོར་སྒྱུར་མཆོད་སྦྱིན་བརྒྱ་པ་དང༌། །
ཚངས་སོགས་འཇིག་རྟེན་བདེ་ཇི་སྙེད། །
ཉི་མས་མེ་ཁྱེར་བཞིན་དུ་གནོན། །
༣༣༠༽བྱམས་པའི་ཆུ་བོ་ལ་བརྟེན་ཅིང༌། །
རྗེས་བརྩེའི་འདབ་བརྒྱར་ཆགས་པའི་རྩི། །
བྱང་ཆུབ་སེམས་ཏེ་སྐལ་ལྡན་གྱི། །
ར་ཡིག་གཉིས་པ་འགུགས་ལ་དབང༌། །
༣༣༡༽བྱང་ཆུབ་སེམས་ལ་མ་བརྟེན་པར། །
སངས་རྒྱས་མ་བྱོན་མི་འབྱོན་ཞིང༌། །
འབྱོན་པར་མི་འགྱུར་དེ་ཡི་ཕྱིར། །
རྟག་ཏུ་གུས་པས་འགྲོགས་པར་འོས། །
༣༣༢༽ཉ་མོ་ཆུ་ཡིས་བཏང་གྱུར་ན། །
འཚོ་བའི་གོ་སྐབས་ག་ལ་རྙེད། །
བྱང་ཆུབ་སེམས་ཀྱིས་བཏང་གྱུར་ན། །
རྫོགས་བྱང་འདོད་ཀྱང་ག་ལ་རྙེད། །
༣༣༣༽བྱང་ཆུབ་སེམས་ཀྱིས་བརླན་པ་ཡི། །
ངག་གི་སྦྱོར་བ་རྣ་བར་འཇེབས། །
དཔྱིད་ཀྱི་ཕོ་ཉ་མྱོས་པའི་གླུ། །
སྒྲ་འཛིན་དག་ལ་དགའ་བ་སྟེར། །
༣༣༤༽བྱང་ཆུབ་སེམས་དང་འབྲེལ་བའི་དགེ །
རྣམ་མཁྱེན་བར་དུ་འཕེལ་བ་ཉིད། །
དཀར་པོའི་ཕྱོགས་ཀྱི་ཟླ་བའི་ཆ། །
གོང་ནས་གོང་དུ་འཕེལ་བ་བཞིན། །
༣༣༥༽བྱང་ཆུབ་སེམས་བྲལ་མཁས་ཀྱང་ཅི། །
བྱང་ཆུབ་སེམས་བྲལ་བཙུན་ཡང་ཅི། །
བྱང་ཆུབ་སེམས་བྲལ་བཟང་ཡང་ཅི། །
དེ་ཕྱིར་བྱང་སེམས་ལྡན་པ་གཅེས། །
༣༣༦༽ཡོན་ཏན་དུ་མས་སྤ་ན་ཡང༌། །
བྱང་སེམས་དམན་ན་སུ་ཡིས་རྩི། །
གཟུགས་བྱད་ལྟ་ན་སྡུག་པ་ཡང༌། །
མིག་གིས་དམན་ན་སུ་ཡིས་རྩི། །
༣༣༧༽ཀུན་རྫོབ་བྱང་ཆུབ་སེམས་མཆོག་གི །
ཉམས་ལེན་བདག་གཞན་བརྗེ་སོགས་ཏེ། །
དོན་དམ་བྱང་ཆུབ་སེམས་མཆོག་གི །
ཉམས་ལེན་སྟོང་ཉིད་སྒོམ་པ་ཡིན། །
༣༣༨༽འཆག་ན་བྱང་ཆུབ་སེམས་ཀྱིས་བཅག །
འདུག་ན་བྱང་ཆུབ་སེམས་ཀྱིས་བསྡད། །
འགྲེང་ན་བྱང་ཆུབ་སེམས་ཀྱིས་བསླང༌། །
ཉལ་ན་བྱང་ཆུབ་སེམས་ཀྱིས་བསྙལ། །
༣༣༩༽ལྟ་ན་བྱང་ཆུབ་སེམས་ཀྱིས་བལྟ། །
ཟ་ན་བྱང་ཆུབ་སེམས་ཀྱིས་བཟའ། །
སྨྲ་ན་བྱང་ཆུབ་སེམས་ཀྱིས་སྨྲ། །
རྟོག་ན་བྱང་ཆུབ་སེམས་ཀྱིས་བརྟག །
༣༤༠༽ནང་ན་བྱང་ཆུབ་སེམས་མེད་ན། །
སྤྱོད་ལམ་མཛེས་ཀྱང་ཅི་ལ་ཕན། །
ནང་ན་བྱང་ཆུབ་སེམས་མེད་ན། །
ལུང་རིགས་སྨྲ་ཡང་ཅི་ལ་ཕན། །
༣༤༡༽མཁའ་ནོར་གྱིས་གདུབས་ལག་ལྡན་ནི། །
པད་ལྡན་རྫིང་བུར་འཇུག་པ་ལྟར། །
བློ་ནོར་ལྡན་པ་བྱང་སེམས་ཀྱི། །
མཚོ་ལ་ངང་གིས་འཇུག་པ་ཉིད། །
༣༤༢༽ བྱང་ཆུབ་སེམས་ཀྱི་བསོད་ནམས་ལ། །
ཚད་ཀྱིས་འཇལ་བར་སུ་འདོད་པ། །
ནམ་མཁའ་འདོམ་གྱིས་འཇལ་བ་དང༌། །
རྒྱ་མཚོ་ཕུལ་གྱིས་གཤོར་དང་མཚུངས། །
༢༤༣༽གང་ལ་རྫོགས་པའི་བྱང་ཆུབ་སེམས། །
མངའ་བའི་སྐྱེས་བུ་དམ་པ་དག །
བདེ་ཡང་རྣམ་པར་འགྱུར་བ་མེད། །
སྡུག་ཀྱང་རྣམ་པར་འགྱུར་བ་མེད། །
༣༤༤༽ཉན་བྱའི་མཆོག་གྱུར་བྱང་ཆུབ་སེམས། །
བཤད་བྱའི་མཆོག་གྱུར་བྱང་ཆུབ་སེམས། །
བརྟག་བྱའི་མཆོག་གྱུར་བྱང་ཆུབ་སེམས། །
བསྒོམ་བྱའི་མཆོག་གྱུར་བྱང་ཆུབ་སེམས། །
༢༤༥༽ བྱང་ཆུབ་སེམས་ཀྱིས་སྤང་བྱ་མི་སྤོང་ཅི། །
བྱང་ཆུབ་སེམས་ཀྱིས་ཐོབ་བྱ་མི་འཐོབ་ཅི། །
བྱང་ཆུབ་སེམས་ཀྱིས་གཞན་དོན་མི་བྱེད་ཅི། །
བྱང་ཆུབ་སེམས་ཀྱིས་རང་དོན་མི་བྱེད་ཅི། །
༣༤༦༽ བྱང་ཆུབ་སེམས་ཀྱིས་རྫོགས་པ་ཡི། །
སངས་རྒྱས་ས་ལ་འཕེན་པར་བྱེད། །
དགེ་བའི་ལས་ཀྱིས་ལུས་ཅན་དགའ། །
མཐོ་རིས་དག་ཏུ་འཕེན་པར་བཞིན། །
༣༤༧༽རྒྱལ་དང་རྒྱལ་བའི་སྲས་རྣམས་ཀྱིས། །
ལན་ཅིག་མིན་པར་བྱང་སེམས་བསྔགས། །
དེ་བས་བདག་ལེགས་འདོད་པ་དག །
ཐེ་ཚོམ་མེད་པར་བྱང་སེམས་གཟུང༌། །
༣༤༨༽བདག་དང་མཁའ་མཉམ་འགྲོ་བ་ཀུན། །
བདེ་འདོད་སྡུག་བསྔལ་མི་འདོད་པར། །
མཐོང་ནས་བདག་གཞན་མཉམ་པའི་བློས། །
རྟག་ཏུ་བྱང་ཆུབ་སེམས་བསྒོམ་བྱ། །
༣༤༩༽རང་དོན་སྒྲུབ་པ་ཡལ་བར་དོར། །
གཞན་དོན་སྒྲུབ་པ་ལྷུར་བླངས་ནས། །
བདག་པས་གཞན་གཅེས་བྱང་ཆུབ་སེམས། །
འབད་པས་རང་གི་རྒྱུད་ལ་སྦྱོར། །
༣༥༠༽བྱང་ཆུབ་སེམས་ལ་ཕ་དང་མ། །
གཉེན་བཤེས་ཆུང་མ་བུ་འདྲ་བར། །
བསམ་ནས་རྣམ་པ་ཐམསཅད་དུ། །
ཕན་ཞིང་དགའ་བའི་འདུ་ཤེས་གཞག །
༣༥༡༽རྫོགས་པའི་བྱང་ཆུབ་སེམས་ལྡན་པའི། །
དམ་པ་སྐད་ཅིག་མ་ཙམ་ཡང༌། །
དུག་དང་མཚུངས་པའི་རང་གི་དོན། །
ལྷུ་རུ་ལེན་པ་ག་ལ་མཛད། །
༣༥༢༽བདག་གཞན་བརྗེ་བ་ལ་སོགས་ཀྱིས། །
ཀུན་རྫོབ་བྱང་ཆུབ་སེམས་མཆོག་བསྒོམ། །
མཐའ་བྲལ་ཤེས་རབ་ལ་སོགས་ཀྱིས། །
དོན་དམ་བྱང་ཆུབ་སེམས་མཆོག་བསྒོམ། །
༣༥༣༽ངག་རིག་ཀུན་གྱི་བརྗོད་པ་ཡི། །
ཡོན་ཏན་ཇི་སྙེད་མཆིས་གྱུར་པ། །
དེ་ཡིས་བྱང་ཆུབ་སེམས་ཆར་ཡང༌། །
འགྲན་པའི་གོ་སྐབས་སྙེད་པར་དཀའ། །
༢༥༤༽སྲིད་དང་ཞི་མཐར་མི་གནས་པ། །
བླ་ན་མེད་པའི་གོ་འཕང་མཆོག །
འཐོབ་བྱེད་བྱང་ཆུབ་སེམས་ཡིན་པས། །
གྲོགས་དག་གཅེས་པར་མཛད་ན་དགེ །
༣༥༥༽རང་གི་ཡིད་ལ་བསྒོམ་པའི་ཕྱིར། །
བྱང་ཆུབ་སེམས་ཀྱི་ཚུལ་འདི་བཤད། །
འདི་ལ་ནོངས་པའི་ཆ་མཆིས་ན། །
སྲས་བཅས་རྒྱལ་བའི་སྤྱན་སྔར་འཆགས། །
༢༥༦༽བྱང་ཆུབ་སེམས་མཆོག་ལས་བརྩམས་ཏེ། །
ཅུང་ཟད་བརྗོད་པའི་དགེ་སྲིད་ན། །
མཁའ་དང་མཉམ་པའི་མ་རྣམས་ཀྱི། །
རྒྱུད་ལ་བྱང་སེམས་སྐྱེ་བར་སྨོན། །
ཞེས་བྱང་ཆུབ་སེམས་ཀྱི་བསྟོད་པ་རིན་ཆེན་སྒྲོན་མར་འབོད་པ་འདི་ཡང་བླ་མ་བསྟན་འཛིན་རྒྱལ་མཚན་གྱིས་འཕགས་ཡུལ་ཝཱ་རཱ་ཎ་སིར་སྦྱར་བའོ།། །།
ཁ་ཏོན་དང་གླེགས་བམ་ཀླག་པའི་སྔོན་དུ་བྱ་བའི་ཆོ་ག
ཇོ་བོ་རྗེ་དཔལ་མར་མེ་མཛད་ཀྱིས་མཛད།
༄༅༅། །ཁ་ཏོན་དང་གླེགས་བམ་ཀླག་པའི་སྔོན་དུ་བྱ་བའི་ཆོ་ག༌།སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །དང་པོ་རེ་ཞིག་བྱང་ཆུབ་སེམས་དཔའ་ཆོས་ཁ་ཏོན་དུ་བྱ་བར་འདོད་པ་དང་གླེགས་བམ་དུ་བྱ་བ་ཀློག་པར་འདོད་པས་ཕྱོགས་བཅུའི་འཇིག་རྟེན་གྱི་ཁམས་ཀྱི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་གསོལ་བ་བཏབ་སྟེ། ཡིད་ཀྱིས་ཀུན་དུ་དམིགས་ལ། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་དུ་བཟང་པོའི་སྤྱོད་པའི་སྨོན་ལམ་གྱི་ཆོ་གས། ཕྱག་འཚལ་བ་ལ་སོགས་པ་ཡན་ལག་བདུན་གྱི་ཚུལ་དུ་མཆོད་པ་རྣམས་ཀྱིས་ཡང་དག་པར་མཆོད་དོ། །དེའི་རྗེས་ལ་སེམས་ཅན་ཐམས་ཅད་ལ་བྱམས་པའི་སེམས་ཉེ་བར་གཞག་སྟེ།
ཡང་དག་པའི་ལྷག་པའི་བསམ་པས་དེ་ལྟར་བསམས་པའི་རྗེས་ལ། ཚིག་ལན་གསུམ་བརྗོད་པར་བྱ་བ་ནི། བཅོམ་ལྡན་འདས་ཀྱིས་གསུངས་པའི་ཆོས་ཀྱི་ཚིག་གཅིག་གི་དོན་གང་ཡིན་པ་དེ་ནི་ཆོས་ཐམས་ཅད་ཀྱི་ཡང་ཡིན་ན། འོན་ཀྱང་བདག་ནི་རང་གི་ལས་ཀྱི་ཉེས་པས་ཤེས་རབ་ཆུང་ཞིང་བློ་ཞེན་ཏེ། དེ་ལྟ་ཡིན་དུ་ཟིན་ཀྱང༌། གང་བཅོམ་ལྡན་འདས་ཀྱི་གསུང་རབ་བཟུང་ནས་དེས་བདག་གི་ཁ་ཏོན་བྱས་ཏེ། ཆོས་ཀྱི་སྒྲ་དེ་སེམས་ཅན་གང་གི་རྣ་ལམ་དུ་གྲག་པ་དེ༑ དེ་བཞིན་གཤེགས་པའི་སྤོབས་པ་ཐེབ་པར་གྱུར་ཅིག །བཅོམ་ལྡན་འདས་ཀྱིས་གསུངས་པའི་ཆོས་ཚིག་གཅིག་གི་དོན་གང་ཡིན་པ་དེ་ནི། ཆོས་ཐམས་ཅད་ཀྱི་ཡང་ཡིན་ན། འོན་ཀྱང་བདག་ནི་རང་གི་ལས་ཀྱི་ཉེས་པས་ཤེས་རབ་ཆུང་ཞིང་བློ་ཞེན་ཏེ། དེ་ལྟར་ཡིན་དུ་ཟིན་ཀྱང༌། གང་བདག་གིས་གླེགས་བམ་དུ་བྱས་པའི་ཆོས་ཀླག་པར་བྱ་སྟེ། ཆོས་ཀྱི་སྒྲ་དེ་སེམས་ཅན་གང་རྣམས་ཀྱི་རྣ་ལམ་དུ་གྲག་པ་དེ་དག །དེ་བཞིན་གཤེགས་པའི་སྤོབས་པ་ཐོབ་པར་གྱུར་ཅིག །ཅེས་ལན་གསུམ་དུ་བརྗོད་པར་བྱའོ། །ཁ་ཏོན་དང་གླེགས་བམ་ཀླག་པའི་ཆོ་ག༌།སློབ་དཔོན་མཁས་པ་ཆེན་པོ་དཔལ་མར་མེ་མཛད་ཡེ་ཤེས་ཀྱི་ཞལ་སྔ་ནས་མཛད་པ་རྫོགས་སོ།། །།
༄༅༅། །ཁ་ཏོན་དང་གླེགས་བམ་ཀླག་པའི་སྔོན་དུ་བྱ་བའི་ཆོ་ག༌།སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །དང་པོ་རེ་ཞིག་བྱང་ཆུབ་སེམས་དཔའ་ཆོས་ཁ་ཏོན་དུ་བྱ་བར་འདོད་པ་དང་གླེགས་བམ་དུ་བྱ་བ་ཀློག་པར་འདོད་པས་ཕྱོགས་བཅུའི་འཇིག་རྟེན་གྱི་ཁམས་ཀྱི་སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་གསོལ་བ་བཏབ་སྟེ། ཡིད་ཀྱིས་ཀུན་དུ་དམིགས་ལ། བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་དུ་བཟང་པོའི་སྤྱོད་པའི་སྨོན་ལམ་གྱི་ཆོ་གས། ཕྱག་འཚལ་བ་ལ་སོགས་པ་ཡན་ལག་བདུན་གྱི་ཚུལ་དུ་མཆོད་པ་རྣམས་ཀྱིས་ཡང་དག་པར་མཆོད་དོ། །དེའི་རྗེས་ལ་སེམས་ཅན་ཐམས་ཅད་ལ་བྱམས་པའི་སེམས་ཉེ་བར་གཞག་སྟེ།
ཡང་དག་པའི་ལྷག་པའི་བསམ་པས་དེ་ལྟར་བསམས་པའི་རྗེས་ལ། ཚིག་ལན་གསུམ་བརྗོད་པར་བྱ་བ་ནི། བཅོམ་ལྡན་འདས་ཀྱིས་གསུངས་པའི་ཆོས་ཀྱི་ཚིག་གཅིག་གི་དོན་གང་ཡིན་པ་དེ་ནི་ཆོས་ཐམས་ཅད་ཀྱི་ཡང་ཡིན་ན། འོན་ཀྱང་བདག་ནི་རང་གི་ལས་ཀྱི་ཉེས་པས་ཤེས་རབ་ཆུང་ཞིང་བློ་ཞེན་ཏེ། དེ་ལྟ་ཡིན་དུ་ཟིན་ཀྱང༌། གང་བཅོམ་ལྡན་འདས་ཀྱི་གསུང་རབ་བཟུང་ནས་དེས་བདག་གི་ཁ་ཏོན་བྱས་ཏེ། ཆོས་ཀྱི་སྒྲ་དེ་སེམས་ཅན་གང་གི་རྣ་ལམ་དུ་གྲག་པ་དེ༑ དེ་བཞིན་གཤེགས་པའི་སྤོབས་པ་ཐེབ་པར་གྱུར་ཅིག །བཅོམ་ལྡན་འདས་ཀྱིས་གསུངས་པའི་ཆོས་ཚིག་གཅིག་གི་དོན་གང་ཡིན་པ་དེ་ནི། ཆོས་ཐམས་ཅད་ཀྱི་ཡང་ཡིན་ན། འོན་ཀྱང་བདག་ནི་རང་གི་ལས་ཀྱི་ཉེས་པས་ཤེས་རབ་ཆུང་ཞིང་བློ་ཞེན་ཏེ། དེ་ལྟར་ཡིན་དུ་ཟིན་ཀྱང༌། གང་བདག་གིས་གླེགས་བམ་དུ་བྱས་པའི་ཆོས་ཀླག་པར་བྱ་སྟེ། ཆོས་ཀྱི་སྒྲ་དེ་སེམས་ཅན་གང་རྣམས་ཀྱི་རྣ་ལམ་དུ་གྲག་པ་དེ་དག །དེ་བཞིན་གཤེགས་པའི་སྤོབས་པ་ཐོབ་པར་གྱུར་ཅིག །ཅེས་ལན་གསུམ་དུ་བརྗོད་པར་བྱའོ། །ཁ་ཏོན་དང་གླེགས་བམ་ཀླག་པའི་ཆོ་ག༌།སློབ་དཔོན་མཁས་པ་ཆེན་པོ་དཔལ་མར་མེ་མཛད་ཡེ་ཤེས་ཀྱི་ཞལ་སྔ་ནས་མཛད་པ་རྫོགས་སོ།། །།
Monday, December 27, 2010
ཡོན་ཆབ་འབུལ་ཚུལ།
ར་ས་ཕོ་ཉ།
ཇོ་བོ་རྗེ་དཔལྡན་ཨ་ཏི་ཤའི་ཞལ་ནས། བོད་ཀྱི་ཆུ་འདི་ཐམས་ཅད་ཡན་ལག་བརྒྱད་ལྡན་ཡིན་པས་བོད་ན་མཆོད་པ་ཡོན་ཆབ་གཅིག་པུས་ཆོག་པར་འདུག་ཞེས་གསུངས་པས། ངེད་ཅག་བོད་ཀྱི་ཆུ་འདིས་ཡོན་ཆབ་ཕུལ་ན་ཕན་ཡོན་ཤིན་ཏུ་ཆེན་པོ་འབྱུང་རྒྱུ་གདོན་མི་ཟ་བས་ད་ལན་ཡོན་ཆབ་འབུལ་ཚུལ་གྱི་སྐོར་ཞིག་བརྗོད་ན།
༡༽ ཕུལ་བྱའི་རྫས་ཆུའི་ཡོན་ཏན།
གང་ཕུལ་བར་བྱ་བའི་ཆུ་ལ་འབྱུང་ན་ཡན་ལག་བརྒྱད་ལྡན་ཉིད་བཟང་བ་ཡིན་ཏེ། ཡན་ལག་བརྒྱད་ནི།
མཆིམས་འཇམ་པའི་དབྱངས་ཀྱིས།
བསིལ་དང་ཞིམ་དང་ཡང་བ་དང་།།
འཇམ་དང་དྭངས་དང་དྲི་ང་མེད།།
འཐུང་ན་མགྲིན་དང་ལྟོ་བ་ལ།།
མི་གནོད་ཡན་ལག་བརྒྱད་ལྡན་ཆུ།།
ཞེས་གསུངས་པ་ལྟར་ཡིན། གལ་ཏེ་མི་འབྱུང་ན་རྒྱུན་ལྡན་སོ་སོའི་འཐུང་རྒྱུའི་ཆུས་ཕུལ་ནའང་མ་འགྲིགས་པ་མེད།
༢༽ ཕུལ་བྱེད་གང་ཟག་གི་ཀུན་སློང་བཅོས་ཚུལ།
མགོན་པོ་ཀླུ་གྲུབ་ཀྱིས།
འདོད་ཆགས་ཞེ་སྡང་གཏི་མུག་གསུམ།།
དེས་བསྐྱེད་ལས་ནི་མི་དགེ་བ།།
མ་ཆགས་མི་སྡང་གཏི་མུག་མེད།།
དེས་བསྐྱེད་ལས་ནི་དགེ་བའོ།།
ཞེས་གསུངས་པ་ལྟར་ཐོག་མར་དགེ་བའི་སེམས་དཔེར་ན། མ་སེམས་ཅན་ཀུན་གྱི་དོན་དུ་ངས་སངས་རྒྱས་ཀྱི་གོ་འཕང་འཐོབ་པར་བྱ་བ་ལ་ཐོག་མར་ཚོགས་གསོག་པའི་ཕྱིར་དཀོན་མཆོག་མཆོད་པར་བགྱིའོ་སྙམ་པའི་ཀུན་ནས་སློང་ན། དངོས་གཞི་ཡོན་ཆབ་ཕུལ་བའི་ལས་ཐམས་ཅད་དགེ་བར་གྱུར་ཏེ། ཇོ་བོ་ཆེན་པོས་ཀྱང་། རྩ་བ་སྨན་ཡིན་ན་ཡལ་ཁ་དང་ལོ་མ་ཡང་སྨན་དུ་སོང་ཞེས་གསུངས་སོ།།
༣༽ ཚུལ་ཇི་ལྟར་འབུལ་བའི་ཚུལ།
དང་པོ་༼མཆོད་སྟན་ཐིང་དེ་ནས་༽ཏིང་རྣམས་ཕྱིས། དེ་ནས་ཏིང་རྣམས་བརྩེགས་ཏེ་ཏིང་སྟེང་མ་དེའི་ནང་ཆུ་ཅུང་ཟད་བླུགས། ཨོཾ་ཨཿ་ཧཱུྂ་ཞེས་བརྗོད་ནས་བྱིན་གྱིས་རླབས། དེ་ནས་ཏིང་སྟེང་མར་ཡོད་པའི་ཆུ་དེ་ཏིང་འོག་མ་འོག་མར་བགོ་བཞིན་ཏིང་རྣམས་བསྒྲིགས། ཏིང་སྒྲིག་པའི་ཚེ་ཏིང་ཕན་ཚུན་མི་ཐུག་པ་དང་བར་ཐག་མི་རིང་བ་དང་ཏིང་ཕན་ཚུན་བརྡབས་ནས་སྒྲ་མ་འབྱིན་པ་བྱེད་དགོས། དེ་ནས་ལག་པ་གཉིས་ཀས་གུས་པས་གྲལ་མགོ་ནས་ཕུལ་དགོས་ཤིང་། དེ་ཡང་ལུད་པ་དང་མ་ཁེངས་པ་མ་ཡིན་པར་འབྲུ་རེ་ཚོད་ཙམ་མ་གཏོགས་གང་བར་བླུགས་ན་དགེ་ལེགས་འཕེལ་ལ། དེ་ལས་ལྡོག་ན་ཉེས་དམིགས་བྱུང་བ་ཡིན།
༤༽ ཕུལ་བའི་ཕན་ཡོན་དང་ཇི་ལྟར་གཤོམ་༼སྡུད་༽ཚུལ།
ཡན་ལག་བརྒྱད་ལྡན་ཆུའི་ཡོན་ཆབ་ཕུལ་བས་ཕན་ཡོན་མི་འདྲ་བ་བརྒྱད་སོ་སོར་ཐོབ་ཏེ། དེ་ཡང་། བསིལ་བ་ཕུལ་བས་ཚུལ་ཁྲིམས་དག་པ་དང་། ཞིམ་པ་ཕུལ་བས་རོ་མཆོག་རྙེད་པ་དང་། ཡང་བ་ཕུལ་བས་ལུས་སེམས་ལས་སུ་རུང་བ་དང་། དྭངས་པ་ཕུལ་བས་རིག་པ་དྭངས་པ་དང་། དྲི་ང་མེད་པ་ཕུལ་བས་སྒྲིབ་པ་སྦྱོང་བ་དང་། ལྟོ་བར་མི་གནོད་པ་ཕུལ་བས་ནད་མི་འབྱུང་བ་དང་། མགྲིན་པར་མི་གནོད་པ་ཕུལ་བས་ངག་སྙན་པ་འབྱུང་ངོ་། །མཐར་ཐུག་ཀྱི་ཕན་ཡོན་ནི་སངས་རྒྱས་ཀྱི་སྐུ་སྒྲུབ་བྱེད་ཀྱི་ཚོགས་སུ་འགྲོ་བའོ། །གཤོམ་པའི་ཚེ་བླ་མ་རྣམས་ཀྱི་ཕྱག་ལེན་བཞིན་དང་པོ་མཇུག་ནས་རིམ་གྱི་བཤམ་དགོས་པའོ།།
ཇོ་བོ་རྗེ་དཔལྡན་ཨ་ཏི་ཤའི་ཞལ་ནས། བོད་ཀྱི་ཆུ་འདི་ཐམས་ཅད་ཡན་ལག་བརྒྱད་ལྡན་ཡིན་པས་བོད་ན་མཆོད་པ་ཡོན་ཆབ་གཅིག་པུས་ཆོག་པར་འདུག་ཞེས་གསུངས་པས། ངེད་ཅག་བོད་ཀྱི་ཆུ་འདིས་ཡོན་ཆབ་ཕུལ་ན་ཕན་ཡོན་ཤིན་ཏུ་ཆེན་པོ་འབྱུང་རྒྱུ་གདོན་མི་ཟ་བས་ད་ལན་ཡོན་ཆབ་འབུལ་ཚུལ་གྱི་སྐོར་ཞིག་བརྗོད་ན།
༡༽ ཕུལ་བྱའི་རྫས་ཆུའི་ཡོན་ཏན།
གང་ཕུལ་བར་བྱ་བའི་ཆུ་ལ་འབྱུང་ན་ཡན་ལག་བརྒྱད་ལྡན་ཉིད་བཟང་བ་ཡིན་ཏེ། ཡན་ལག་བརྒྱད་ནི།
མཆིམས་འཇམ་པའི་དབྱངས་ཀྱིས།
བསིལ་དང་ཞིམ་དང་ཡང་བ་དང་།།
འཇམ་དང་དྭངས་དང་དྲི་ང་མེད།།
འཐུང་ན་མགྲིན་དང་ལྟོ་བ་ལ།།
མི་གནོད་ཡན་ལག་བརྒྱད་ལྡན་ཆུ།།
ཞེས་གསུངས་པ་ལྟར་ཡིན། གལ་ཏེ་མི་འབྱུང་ན་རྒྱུན་ལྡན་སོ་སོའི་འཐུང་རྒྱུའི་ཆུས་ཕུལ་ནའང་མ་འགྲིགས་པ་མེད།
༢༽ ཕུལ་བྱེད་གང་ཟག་གི་ཀུན་སློང་བཅོས་ཚུལ།
མགོན་པོ་ཀླུ་གྲུབ་ཀྱིས།
འདོད་ཆགས་ཞེ་སྡང་གཏི་མུག་གསུམ།།
དེས་བསྐྱེད་ལས་ནི་མི་དགེ་བ།།
མ་ཆགས་མི་སྡང་གཏི་མུག་མེད།།
དེས་བསྐྱེད་ལས་ནི་དགེ་བའོ།།
ཞེས་གསུངས་པ་ལྟར་ཐོག་མར་དགེ་བའི་སེམས་དཔེར་ན། མ་སེམས་ཅན་ཀུན་གྱི་དོན་དུ་ངས་སངས་རྒྱས་ཀྱི་གོ་འཕང་འཐོབ་པར་བྱ་བ་ལ་ཐོག་མར་ཚོགས་གསོག་པའི་ཕྱིར་དཀོན་མཆོག་མཆོད་པར་བགྱིའོ་སྙམ་པའི་ཀུན་ནས་སློང་ན། དངོས་གཞི་ཡོན་ཆབ་ཕུལ་བའི་ལས་ཐམས་ཅད་དགེ་བར་གྱུར་ཏེ། ཇོ་བོ་ཆེན་པོས་ཀྱང་། རྩ་བ་སྨན་ཡིན་ན་ཡལ་ཁ་དང་ལོ་མ་ཡང་སྨན་དུ་སོང་ཞེས་གསུངས་སོ།།
༣༽ ཚུལ་ཇི་ལྟར་འབུལ་བའི་ཚུལ།
དང་པོ་༼མཆོད་སྟན་ཐིང་དེ་ནས་༽ཏིང་རྣམས་ཕྱིས། དེ་ནས་ཏིང་རྣམས་བརྩེགས་ཏེ་ཏིང་སྟེང་མ་དེའི་ནང་ཆུ་ཅུང་ཟད་བླུགས། ཨོཾ་ཨཿ་ཧཱུྂ་ཞེས་བརྗོད་ནས་བྱིན་གྱིས་རླབས། དེ་ནས་ཏིང་སྟེང་མར་ཡོད་པའི་ཆུ་དེ་ཏིང་འོག་མ་འོག་མར་བགོ་བཞིན་ཏིང་རྣམས་བསྒྲིགས། ཏིང་སྒྲིག་པའི་ཚེ་ཏིང་ཕན་ཚུན་མི་ཐུག་པ་དང་བར་ཐག་མི་རིང་བ་དང་ཏིང་ཕན་ཚུན་བརྡབས་ནས་སྒྲ་མ་འབྱིན་པ་བྱེད་དགོས། དེ་ནས་ལག་པ་གཉིས་ཀས་གུས་པས་གྲལ་མགོ་ནས་ཕུལ་དགོས་ཤིང་། དེ་ཡང་ལུད་པ་དང་མ་ཁེངས་པ་མ་ཡིན་པར་འབྲུ་རེ་ཚོད་ཙམ་མ་གཏོགས་གང་བར་བླུགས་ན་དགེ་ལེགས་འཕེལ་ལ། དེ་ལས་ལྡོག་ན་ཉེས་དམིགས་བྱུང་བ་ཡིན།
༤༽ ཕུལ་བའི་ཕན་ཡོན་དང་ཇི་ལྟར་གཤོམ་༼སྡུད་༽ཚུལ།
ཡན་ལག་བརྒྱད་ལྡན་ཆུའི་ཡོན་ཆབ་ཕུལ་བས་ཕན་ཡོན་མི་འདྲ་བ་བརྒྱད་སོ་སོར་ཐོབ་ཏེ། དེ་ཡང་། བསིལ་བ་ཕུལ་བས་ཚུལ་ཁྲིམས་དག་པ་དང་། ཞིམ་པ་ཕུལ་བས་རོ་མཆོག་རྙེད་པ་དང་། ཡང་བ་ཕུལ་བས་ལུས་སེམས་ལས་སུ་རུང་བ་དང་། དྭངས་པ་ཕུལ་བས་རིག་པ་དྭངས་པ་དང་། དྲི་ང་མེད་པ་ཕུལ་བས་སྒྲིབ་པ་སྦྱོང་བ་དང་། ལྟོ་བར་མི་གནོད་པ་ཕུལ་བས་ནད་མི་འབྱུང་བ་དང་། མགྲིན་པར་མི་གནོད་པ་ཕུལ་བས་ངག་སྙན་པ་འབྱུང་ངོ་། །མཐར་ཐུག་ཀྱི་ཕན་ཡོན་ནི་སངས་རྒྱས་ཀྱི་སྐུ་སྒྲུབ་བྱེད་ཀྱི་ཚོགས་སུ་འགྲོ་བའོ། །གཤོམ་པའི་ཚེ་བླ་མ་རྣམས་ཀྱི་ཕྱག་ལེན་བཞིན་དང་པོ་མཇུག་ནས་རིམ་གྱི་བཤམ་དགོས་པའོ།།
Subscribe to:
Posts (Atom)