ཚྭ་རུ་མ་ཐབས་མཁས་ཀྱིས།
རང་རེ་བོད་དང་བོད་པའི་ལས་བསྐོས་ཀྱི་ལས་དབང་གི་ལོ་ཟླ་སྐྱོ་སྣང་དང་། ཛ་དྲག་གིས་བཞུར་དང་བཞུད་ཀྱིན་པའི་དུས་སྐབས་འདིར་། གཞིས་སྡོད་རང་རེའི་སྤུན་ཟླ་ཚོས་རང་སྲོག་བློས་གཏོང་བྱས་པའི་རེ་འདུན་འགྲུབ་ཆེད་དང་། རང་རེའི་རྩ་དོན་གྱི་རང་ཡུལ་རང་སྐྱོང་གི་རང་དབང་འཐོབ་ཕྱིར་དུ་ང་ཚོ་བོད་པ་བྱེས་སྡོད་པ་ཡོངས་ཀྱིས་སྔར་ལས་ལྷག་པའི་ཆིག་སྒྲིལ་གྱི་ནུས་པ་གོང་མཐོར་བཏང་ནས། རང་ཅག་ཡོངས་ལ་འཁྲི་བའི་བོད་དང་བོད་པའི་དེང་སྐབས་ཀྱི་ཛ་དྲག་གི་གནས་ཚུལ་ངོ་མ་འཛམ་གླིང་རྒྱལ་སྤྱིའི་ཐོག་ཁྱབ་སྤེལ་གསལ་བསྒྲགས་ནུས་ཤུགས་ཆེན་པོ་ཨང་དང་པོ་ཞིག་ཡོང་བར་ང་ཚོས་ཐབས་ལམ་ཡོད་རྒུ་བཙལ་ནས་ད་དུང་ཤུགས་སྣོན་བྱ་དགོས་པར་མཐོང་། ད་ལྟའི་མིག་སྔའི་གནས་ཚུལ་ལ་གཞིགས་ན་ང་ཚོའི་གཞུང་དང་གཞུང་འབྲེལ་མིན་པའི་ཚོགས་པ། མི་མང་བཅས་ནས་རང་རང་གི་འཇོན་ནུས་ལ་དཔག་པའི་ལས་འགུལ་སྤེལ་བར་གང་ཐུབ་ངང་འཕག་འཚག་རྒྱག་གིན་ཡོད་མོད། ད་དུང་རྒྱལ་སྤྱིའི་ཐོག་རྒྱ་མཚོའི་ནང་ཁ་བ་འབབ་པ་ཇི་བཞིན་ང་ཚོའི་ཛ་དྲག་གནས་ཚུལ་དྲིལ་བསྒྲགས་ནི་ཅི་ཡང་གྲག་འགུལ་མེད་པའམ། ང་ཚོའི་ད་ལྟའི་ཧ་ཅང་ཛ་དྲག་གནས་བབ་ལ་དཔག་ན་འཛམ་གླིང་གསར་འགྱུར་ཨང་དང་པོར་མ་སླེབས་ན་ཡང་ཨང་གཉིས་པར་ངེས་པར་སླེབས་དགོས་པ་ཡིན་མོད། ང་ཚོའི་ཛ་དྲག་གནས་ཚུལ་གྱི་གསར་འགྱུར་ཁག་ནི་ཕར་འཛམ་གླིང་རྒྱལ་སྤྱིའི་ཐོག་མི་ཁྱབ་པར་ཚུར་ང་རང་ཚོ་བོད་དང་བོད་པའི་མིག་དང་རྣ་བ་རུ་སྐོར་བ་བརྒྱབས་ནས་ཡོད་པར་མཐོང་གིན་འདུག དེས་ན་འདི་ལ་བསྐྱར་ཞིབ་དང་བསམ་བློ་གཉིས་པ་ཞིག་ངེས་པར་དུ་གཏོང་བའི་དུས་རེད་འདུག རྒྱ་ནག་རྒྱལ་སྤྱིའི་ཐོག་ནུས་ཤུགས་འདི་ལྟར་ཆེ་ན། ང་ཚོས་ཀྱང་ཁ་ཕྱོགས་དང་ལམ་ཁ་གཞན་པ་ཞིག་བཙལ་ནས་ལས་འགུལ་སྤེལ་ན་ཅིས་མི་ཆོག དེང་སྐབས་རྒྱ་ནག་དཔོན་རིགས་ནང་ཁུལ་འཆམ་མཐུན་མེད་པ་དང་། རྒྱ་ནག་གི་མང་ཚོགས་དང་སོག་པོས་ཡར་ལངས་བྱེད་ཀྱིན་ཡོད་པ། ཕྱི་སྡོད་རྒྱ་མི་མང་གཙོ་དོན་གཉེར་པ་དང་རྒྱ་ནག་དང་འགལ་ཟླའི་རྒྱལ་ཁབ་སོགས་འདི་དག་ཡོད་ཚད་ང་ཚོ་བོད་ཀྱི་རྩ་དོན་འཐབ་རྩོད་ཀྱི་གོ་སྐབས་དང་། འཐབ་གྲོགས་རེ་ཡིན་པ་ངེས་པར་དུ་ཤེས་དགོས་པའི་དུས་ལ་སླེབས་འདུག་སྙམ། ང་ཚོའི་གཞུང་དང་མི་མང་ཡོངས་ཀྱིས་མཉམ་འབྲེལ་རྒྱལ་ཚོགས་དང་རྒྱལ་ཁབ་འགའི་གཞུང་གི་སྒོ་རྩར་འདི་ལྟར་ཞུ་འབོད་བྱེད་པ་གཅིག་པུས་འདང་གི་མེད་པ་ཧ་ཅང་གསལ་པོ་རེད་འདུག མཉམ་འབྲེལ་རྒྱལ་ཚོགས་ནི་ཤོག་གུའི་སྟག་རེད་ཟེར་བ་དོན་ལ་གནས་ཤིང་། རྒྱལ་ཁབ་སུ་ཞིག་ཡིན་ཡང་སོ་སོའི་རྒྱལ་ཁབ་ཀྱི་ཁེ་ཕན་ཨང་དང་པོར་འཛིན་རྒྱུ་ཡིན་པ་སུས་མི་ཤེས། རྒྱུ་མཚན་དེའི་ཕྱིར་ན་ང་ཚོས་ད་དུང་འདི་ལྟར་མཇུག་འབྲས་མེད་པ་ཤེས་བཞིན་དུ་ཨུ་ཚུགས་བྱེད་པ་རང་གིས་རང་ལ་མགོ་སྐོར་གཏོང་བ་ལྟ་བུའི་ལས་ཀ་ཞིག་དང་། དུས་ཚོད་དང་གོ་སྐབས་མེད་བརླགས་བྱས་པའི་ང་ཚོས་ང་ཚོའི་ལོ་རྒྱུས་ནང་ནག་ཉེས་ཤིག་གསོག་གིན་ཡོད་པར་སེམས། རྒྱལ་སྤྱིའི་གསར་འགྱུར་བརྒྱུད་ལམ་ཁག་རྒྱ་ནག་གིས་ཉོས་པ་མིན་ཡང་ཉོས་པ་འདྲ་བ་དང་། རྒྱལ་ཁབ་སུ་ཡིན་ཡང་རྒྱ་ནག་ལ་དགའ་བཞིན་མེད་ན་ཡང་དགའ་མདོག་དང་འཆམ་མཐུན་མི་བྱེད་ཀ་མེད་ངང་ཡོད་པ། དྲང་བདེན་ནི་ནམ་ཡང་དྲང་བདེན་ཡིན་ཡང་དུས་སྐབས་དང་གནས་ཚུལ་ཛ་དྲག་ལ་ཐུག་ན་ནུས་པ་འདི་ལྟར་ཆུང་བ་སོགས་ལ་བསམས་ན། ང་ཚོས་བཞུད་ཟིན་པའི་རྐང་རྗེས་ནང་ཕྱི་མིག་ཅིག་བལྟས་ནས་བསམ་བློ་གསར་པ་ཞིག་དང་ཐབས་ལམ་གཉིས་པ་ཞིག་འཚོལ་དགོས་པའི་དུས་ལ་བབ་ཡོད་པར་སྙམ།སྐབས་དང་དུས་ལ་སླེབས་ན་འཇུ་དགོས་པ་དང་འཇུ་གི་ཡིན་ཟེར་བའི་ང་ཚོའི་བཀུར་འོས་སྲིད་སྐྱོང་བློ་བཟང་སེང་གེ་མཆོག་གིས་ཡང་ཡང་བཤད་པ་བཞིན་ཁོང་གིས་ཨ་རི་དང་ཡོ་རོབ་ཁུལ། ཉི་ཧོང་སོགས་སུ་ཆེད་བསྐྱོད་ཀྱིས་ལས་འགུལ་ཁྱབ་སྤེལ་བྱས་དང་བྱེད་མུས་སུ་འདུག་ཀྱང་ད་དུང་ཅི་ཞིག་གིས་མ་འདང་བ་ཡིན་ནམ། ང་ཚོའི་རྒྱལ་གཅེས་དཔའ་བོ་དཔའ་མོ་སུམ་ཅུ་ལྷག་གི་གཅེས་སྲོག་མེ་རུ་བསྒྲོན་ན་ཡང་། ད་དུང་སྔོན་བེ་ཁྲི་ནེམ་གྱི་གྲྭ་པ་མེར་སྦར་མཁན་གཅིག་པོ་དེའི་ནུས་པའི་ཤུགས་རྐྱེན་ཙམ་ཡང་རྒྱལ་སྤྱིའི་ཐོག་མ་བྱུང་ཞིང་། རང་རེའི་གཞིས་སྡོད་སྤུན་ཟླ་མང་པོ་བསད་རྨས་དང་བཙོན་འཇུག་གིས་བོད་ནང་ནི་དམྱལ་ཁམས་གསོན་པོ་རུ་བསྒྱུར་བཞིན་ཡོད་ན་ཡང་། ད་དུང་རྒྱ་གར་དང་བལ་ཡུལ་སོགས་ཁྱིམ་མཚེས་རྒྱལ་ཁབ་ཁག་གིས་རྒྱ་ནག་གཞུང་ལ་བོད་རྒྱ་ཁོངས་དང་ཆ་ཤས་ཡིན་མིན་གྱི་དྲི་བ་མ་དྲིས་ན་ཡང་ཡིན་པར་བཤད་ཀྱིན་ཡོད་པ་རེད།དེས་ན་ད་ལྟའི་དུས་སུ་ང་ཚོ་བོད་ལ་ང་ཚོ་ལས་ལྷག་པའི་རེ་འབོད་ཞུ་ཡུལ་ཞིག་མེད་པར་སེམས་ན། ད་ནི་བཙན་བྱོལ་བོད་པ་ཡོངས་ཀྱིས་འཆམ་མཐུན་ཆིག་སྒྲིལ་སྔར་ལས་ལྷག་ཅིག་བྱས་ནས་ལས་འགུལ་གྱི་ནུས་པ་ཆེན་པོ་ཞིག་འདོན་རན་ཡིན་ཞིང་། མང་གཙོ་དང་སྨྲ་བརྗོད་རང་དབང་ཁ་ལ་གྱེར་བཞིན་རང་གཞུང་དང་། རང་གིས་བདམས་པའི་འགོ་དཔོན་ཚོར་སྐྱོན་བརྗོད་དང་ལེ་ལན་འདེད་པའི་ཀུ་ཅོ་རེ་ཞིག་མཚམས་བཞག་ནས། ཐབས་ཇུས་དང་གོ་སྐབས་དམ་འཛིན་བྱས་ཏེ་ང་ཚོའི་ནང་ཁུལ་ལ་གཏད་བཞིན་པའི་མདའ་ཁ་མདུང་རྩེ་ཕྱི་རུ་སྐོར་བའི་དུས་ཡིན་པ་ངེས་པར་དུ་ཤེས་རན་རེད་སྙམ། ང་ཚོས་རང་ས་རང་ཡུལ་ཤོར་ནས་དེང་སྐབས་གཞན་ལ་སྐྱབས་བཅོལ་ཞིང་ས་ཆ་གཡར་ནས་བསྡད་ཡོད་པས། ང་ཚོ་ལ་ཆོལ་ཁ་དང་གསར་རྙིང་གི་བོད་པའི་དབྱེ་འབྱེད་མི་དགོས་ཤིང་། ལྷག་པར་དུ་རྒན་རབས་དང་གཞོན་རབས་ཚོས་བསམ་ཚུལ་འགལ་ཟླར་མི་འཛིན་པར་ང་ཚོ་ཚང་མས་ནུས་ཤུགས་ལྷན་ཅིག་ཏུ་བཏོན་ནས། རང་རང་གི་ཤ་རུས་ཀྱི་གསེང་ན་བོད་བཙན་པོའི་ཁྲག་རྒྱུན་ངོ་མ་ཞིག་འཁོར་བསྐྱོད་བྱེད་ཀིན་ཡོད་ན། རང་རེའི་བོད་ཀྱི་ཆེས་ཛ་དྲག་གི་དུས་ཚོད་འདིར་རང་རང་གི་ནུས་པ་དང་འཇོན་ཐང་ཡོད་ཚད་སྤྲུག་སྤྲུག་བྱེད་པའི་དུས་སྐབས་ཡིན་པར་ཤེས་དགོས་སྙམ། ད་ལྟའི་དུས་སྐབས་འདིར་ང་ཚོའི་རྒྱལ་གཅེས་དཔའ་བོ་དཔའ་མོ་ཚོས་རང་གི་ཡོད་ཚད་མེ་རུ་བསྒྲོན་པའི་མེ་ལྕེ་འབར་བཞིན་ཡོད་ལ། གཞིས་སྡོད་བོད་པ་ཡོངས་ཀྱིས་བོད་དང་བོད་པའི་སང་ཉིན་གྱི་ཆེད་དུ་མེ་མདའི་རྩེ་ན་ཞི་རྒོལ་དང་ཞི་བའི་འབོད་སྒྲ་ལྷང་ལྷང་ངང་སྒྲོག་གིན་ཡོད། འདས་ཟིན་པའི་ལོ་ཟླ་གང་མང་ལྟར་ང་ཚོས་ད་དུང་ཅི་ཞིག་ཡོང་བ་ལ་ངང་སྒུག་བྱས་ནས་མི་སྡོད་པར། ད་ནི་ང་ཚོས་ཅི་ཞིག་བྱེད་དགོས་པའི་གོམ་སྟབས་ཆེན་པོ་ཞིག་སྤོ་དགོས་པའི་དུས་ལ་སླེབས་འདུག་པར་སེམས། ༧གོང་ས་སྐྱབས་མགོན་ཆེན་པོ་མཆོག་གིས་སྲིད་དོན་གྱི་ལས་འགན་ཡོད་ཚད་ང་ཚོར་གནངས་ཟིན་ན་ཡང་། ང་ཚོས་ད་དུང་ཆབ་སྲིད་ཀྱི་ལས་འགུལ་དོན་ལྡན་ཞིག་ཀྱང་སྤེལ་མི་ཐུབ་པར་བསྡད་ན་༧ ཁོང་གི་དགོངས་གཞི་སྒྲུབ་ཐུབ་ཀྱི་ཡོད་དམ། མ་ཟད་ང་ཚོས་ང་ཚོ་ནི་བོད་ཀྱི་ལོ་རྒྱུས་ནང་ཉེས་མིང་ཁུར་མཁན་གྱི་ཆེས་དམན་པའི་མི་རབས་ཤིག་གི་མིང་བྱང་འབྲི་མཁན་དུ་འགྱུར་བར་ངེས་ན། ང་ཚོས་ངེས་པར་དུ་དུས་ཚོད་ཛ་དྲག་ཅན་འདི་ནས་ང་ཚོའི་རྩ་དོན་ཐོག་གྲོས་བསྡུར་དང་ཆིག་སྒྲིལ། ལས་འགུལ་དང་ཁྱབ་བསྒྲགས་སོགས་སྔར་ལས་ནུས་པ་ཆེན་པོ་ཞིག་དང་། སྔར་ལས་གནད་དུ་ཁེལ་པའི་འཕག་འཚག་གསར་པ་ཞིག་ངེས་པར་རྒྱག་པའི་སྐབས་དང་དུས་ཡིན་ཞིང་། སྐབས་དང་དུས་འདི་མི་ཤོར་བར་བྱས་ཏེ་ང་ཚོས་ངེས་པར་དུ་སྐབས་དང་དུས་ལ་བབས་པ་འདི་ལ་འཇུ་དགོས་པ་དང་འཇུ་བའི་དུས་ལ་སླེབས་འདུག་གོ ། ༡༤ ༤ ༢༠༡༢
Showing posts with label དཔྱད་རྩོམ།. Show all posts
Showing posts with label དཔྱད་རྩོམ།. Show all posts
Sunday, April 15, 2012
Monday, April 9, 2012
ང་ཚོར་དོན་དངོས་ཀྱི་རང་དབང་ཞིག་དགོས་སམ།
སྐྱིད་བྱམས་བསྟན་འཛིན་དགའ་བ།
མི་རིགས་ཤིག་ལ་དབང་སྒྱུར་བྱ་འདོད་ན་མི་རིགས་དེའི་ཆིག་སྒྲིལ་གྱི་ནུས་པ་རྩ་གཏོར་དུ་བཏང་སྟེ་མེ་སྟག་རིམ་མཆེད་བཞིན་དུ་དབང་སྒྱུར་བྱ་དགོས་པ་ནི་དམག་དོན་མཁས་པས་ཉམས་མྱོང་དངོས་ལ་ཕྱོགས་སྡོམ་ཡང་དག་བྱས་པའི་གྲུབ་དོན་ཞིག་རེད་ལ། དོན་དངོས་ཐོག་ནས་ཀྱང་དམག་དོོན་ཐབས་བྱུས་འདི་གཞི་རྩར་བཟུང་སྟེ་ལས་དོན་ལག་བསྟར་བྱས་པས་གྲུབ་འབྲས་ཀྱང་མིག་མཐོང་ལག་ཟིན་བྱུང་ཡོད་པ་ནི་དཔེ་མཚོན་གཅིག་གི་ཐོག་ནས་གསལ་བཤད་བྱས་ན་ཟུར་བལྟས་ལེབ་མཐོང་གི་དཔེ་དང་བལ་པོས་སེ་འུ་མ་ཟོས་ཀྱང་ཁ་དོག་ཉིད་ལས་བྲོ་བ་ཤེས་ངེས་པ་ཞིག་རེད།
དེ་ཡང་ལོ་རབས་བཞི་བཅུ་པའི་ནང་གོ་གུང་དམག་འཁྲུག་ཡོངས་སུ་མཇུག་བསྒྲིལ་རྗེས་རྒྱ་ནག་གུང་ཁྲན་ཏང་གིས་རྒྱ་ནག་ཡོངས་རྫོགས་ལ་དབང་སྒྱུར་བྱས་པ་དང་དུས་མཚུངས་སུ་བོད་སོགས་ལའང་དམག་དོན་ཐབས་བྱུས་འདི་གཞི་རྩར་བཟུང་སྟེ་དབང་སྒྱུར་བྱས་པ་དེས་ད་གཟོད་གྲངས་ཉུང་མི་རིགས་དུ་མ་ཞིག་རྒྱ་ནག་གྲངས་མང་མི་རིགས་ནང་སིམ་ཡལ་དུ་གྱུར་ཏེ་མི་རིགས་རྩ་གཏོང་དུ་གྱུར ་དང་འགྱུར་བཞིན་ཡོད་པ་རེད། དཔེ་མཚོན་འདིས་ང་ཚོར་ཅི་ཞིག་གི་གོ་བརྡ་སྤྲོད་ཀྱི་ཡོད་དམ་ཞེ་ན། གྲངས་མང་མི་རིགས་ཀྱི་དབང་སྒྱུར་འོག་གྲངས་ཉུང་མི་རིགས་ལ་ཆབ་དཔལ་རིག་གསུམ་སོགས་གང་ཐད་ནས་རང་དབང་ཇི་ཙམ་ཡོད་རུང་གྲངས་མང་མི་རིགས་དེའི་ཆབ་དཔལ་རིག་གསུམ་གྱི་བཀོལ་སྤྱད་ཀྱི་ཁྱབ་རྒྱ་དང་། ཐོན་གསར་མྱུར་སྤྱོད་སོགས་ཀྱི་ཤུགས་རྐྱེན་འོག་གྲངས་ཉུང་མི་རིགས་དེ་ས་རྡོ་ལྟར་མཁྲེགས་རུང་མི་རིང་བར་སྣུམ་ཟད་ཀྱི་མར་མེ་བཞིན་དུ་འགྲོ་རྒྱུ་ཡིན་པའི་གོ་བརྡ་མཛུབ་བཙུགས་སུ་སྤྲད་ཡོད་པ་དེ་རེད། ལྷག་པར་དུ་རྒྱ་གཞུང་གི་དབང་སྒྱུར་འོག་དེ་བས་ཀྱང་གྲངས་ཉུང་མི་རིགས་རྣམས་གསོན་གནས་ཐུབ་དཀའ་སྟེ་དབང་སྒྱུར་གྱི་དམིགས་ཡུལ་དེ་རྒྱ་ནག་ཧན་མི་རིགས་ཁོ་ནའི་ཁེ་ཕན་གྱི་སླད་དུ་ཡིན་པའི་གནད་ཀྱིས་སོ། གནས་ལུགས་དེ་ལྟ་བས་ན་ང་ཚོར་དོན་དངོས་ཀྱི་རང་དབང་ཞིག་དགོས་སམ་ཞེས་པ་འདི་ནི་རྒྱའི་དབང་སྒྱུར་འོག་གནས་པའི་གྲངས་ཉུང་མི་རིགས་ཡོངས་ལ་གཅིག་མཚུངས་སུ་བཀོད་ཆོག་པའི་དྲི་གཞི་ཞིག་རེད་ལ་ང་ཚོའི་ལས་འགུལ་སྤེལ་སྟངས་འདིས་ང་ཚོ་རང་ཉིད་ལ་ཚུར་བཏོན་པའི་དྲི་བ་ཉག་གཅིག་ཀྱང་རེད། ( གལ་ཏེ་ང་ཚོར་དོན་དངོས་ཀྱི་རང་དབང་ཞིག་དགོས་ན་ད་ལྟ་ང་ཚོ་གྲངས་ཉུང་མི་རིགས་ཚོའི་ལས་འགུལ་སྤེལ་སྟངས་འདིས་ང་ཚོར་དོན་དངོས་ཀྱི་རང་དབང་ཞིག་དགོས་པའི་སེམས་དོན་ཕྱིར་མཚོན་ཐུབ་ཀྱི་འདུག་གམ། )
ཅི་ཞིག་གི་སླད་དུ་ང་ཚོས་འཛམ་གླིང་མི་མང་གི་མདུན་སར་སྡུག་སྐད་རྒྱག་བཞིན་ཡོད་དམ། དེའི་རྒྱུ་མཚན་ནི་རྒྱ་ནག་སྲིད་གཞུང་གི་རྒྱུན་ལྡན་གྱི་སྲིད་བྱུས་ལ་ལྡོག་ཕྱོགས་ཀྱི་འགྱུར་བ་ཅུང་ཟད་ཐོན་པ་ཙམ་གྱི་རེད། གལ་ཏེ་ང་ཚོས་སྡུག་སྐད་བརྒྱབ་པ་བཞིན་རྒྱ་ནག་གཞུང་གི་སྲིད་བྱུས་ལ་བཟང་ཕྱོགས་ཀྱི་འགྱུར་བ་ཕྲན་བུ་བཏང་ཚེ་ང་ཚོས་མུ་མཐུད་དུ་ལས་འགུལ་སྤེལ་གྱི་རེད་དམ། རྒྱ་གཞུང་གིས་སྲིད་བྱུས་ཇེ་བཟུང་དུ་བཏང་བ་ཙམ་གྱིས་ང་ཚོའི་འདོད་དོན་ཡོངས་སུ་འགྲུབ་པ་རེད་དམ།
གལ་ཏེ་དེ་ལྟར་མིན་ན་རྒྱུ་མཚན་ཅི་ཞིག་གིས་རྐྱེན་པས་ནམ་རྒྱུན་ང་ཚོ་གྲངས་ཉུང་མི་རིགས་རྣམས་རང་རང་གི་ས་ནས་དགུན་གྱི་ཁུ་བྱུག་བཞིན་དུ་ཁུ་སིམ་མེར་རྒྱ་གཞུང་གི་དཔལ་འབྱོར་གྱི་བསླུ་བྲིད་འོག་ཏུ་མགོ་འཁོར་ནས་སྡོད་ཀྱི་ཡོད་དམ། ཡ་མཚན་པའི་འདུ་ཤེས་འཛིན་ཚུལ་དེས་ང་ཚོར་དོན་དངོས་ཀྱི་རང་དབང་ཞིག་དགོས་མིན་ལ་སོམ་ཉི་སྐྱེ་རུ་འཇུག་གི་མི་འདུག་གམ། ང་ཚོས་མཚམས་རེ་ཕྱོགས་སོ་སོ་ནས་མི་རྒྱུ་གཉིས་ཀྱི་འགྲོ་གྲོན་གཏོང་དོན་དེ་རང་གཞན་དཀའ་སྡུག་གི་གནས་ལས་གྲོལ་ཆེད་དུ་ཡིན་པ་ནི་མདང་སྐྱེས་བྱིས་པས་ཀྱང་ལན་འདེབས་ཐུབ་པ་ཞིག་རེད།
དེ་ལྟ་ནའང་ང་ཚོར་དོན་དངོས་ཀྱི་རང་དབང་ཞིག་མ་ཐོབ་པ་དེ་སྲིད་དུ་རང་གཞན་ཚང་མ་དཀའ་སྡུག་གི་གནས་ལས་གྲོལ་ཐུབ་བམ། གྲངས་མང་མི་རིགས་ཤིག་གི་དབང་སྒྱུར་འོག་གྲངས་ཉུང་མི་རིགས་དེའི་ཚེ་སྲོག་གི་རུས་རྐང་ལ་ཐུག་པའི་སྐད་ཡིག་རིག་གཞུང་དང་བཅས་པ་མི་རིང་བར་ཉམས་ཆག་ཏུ་འགྲོ་ངེས་པ་ནི་དཔེར་ན་ཆར་ཞོད་ཆེ་བའི་དུས་སྐབས་སུ་ས་སྟོང་ན་འཁྱིལ་བའི་རྫིང་བུ་ཆུང་ངུ་དག་ཧོབ་སྒྲ་དང་བཅས་རྒྱ་མཚོར་དེད་པ་བཞིན་རེད་ལ་གོང་དུ་དྲངས་པའི་དཔེ་མཚོན་དེས་ཀྱང་མཚོན་ཐུབ།
དཔེ་དོན་འདི་ཚོའི་ཐོག་ནས་སྡོམ་ཚིག་གཅིག་འགོད་ཐུབ་པ་ནི་གྲངས་མང་མི་རིགས་ཀྱི་དབང་སྒྱུར་འོག་གྲངས་ཉུང་མི་རིགས་ཤིག་རང་དབང་ངང་བདེ་གནས་ཐུབ་ཐབས་བྲལ་བ་ཞིག་ཡིན་པ་ནི་གལ་ཏེ་གྲངས་མང་མི་རིགས་དེ་ཐེག་ཆེན་སེམས་བསྐྱེད་མཚན་ཉིད་ཚང་བ་ཞིག་རང་རྒྱུད་ལ་སྐྱེས་ཟིན་པ་ཤ་སྟག་གཅིག་ཡིན་ན་ལས་གཞན་ཆུ་དཀྲོགས་ནས་མར་ལ་རེ་སྒུག་བྱས་པ་དང་ཆུ་ལ་ཆུ་བཞག་བཞིིན་ར ེད། དེ་བས་ན་ང་ཚོའི་ལས་འགུལ་སྤེལ་ཤུགས་ཀྱི་ཁ་ཕྱོགས་འདི་དག་གིས་ང་ཚོར་དོན་དངོས་ཀྱི་རང་དབང་དེ་དགོས་པར་སྟོན་གྱི་འདུག་གམ། གལ་ཏེ་ང་ཚོར་དོན་དངོས་ཀྱི་རང་དབང་ཞིག་དགོས་ཀྱི་ཡོད་ན་ང་ཚོའི་ཐོག་ཏུ་གཞན་གྱི་དབང་སྒྱུར་ཡོད་ཕྱིན་ཆད་ལ་ངོ་རྒོལ་བྱེད་དགོས་པ་ལས་སྐབས་རེ་ཁུ་བྱུག་གི་བརྟུལ་ཞུགས་བཟུང་བ་དང་མཚམས་རེ་འབྲུག་སྒྲ་ཇི་བཞིན་གནམ་ས་འགེངས་ཚུལ་དེ་མིན་པར་དུས་ཚོད་ཀྱི་ཚག་སྒྲ་ལྟར་ཞི་བའི་འཐབ་རྒོལ་བྱ་སེམས་ཀྱི་མདུན་པ་རྒྱུན་གནས་ཐུབ་དགོས་ལ།
ཧྲོད་རན་ཞེས་པའི་སྦྲུལ་ལྟར་མགོ་ལ་རྒྱུག་པ་གཞུས་ན་མཇུག་མ་སྐྱོབ་ཏུ་ཡོང་བ་དང་། མཇུག་མར་རྒྱུག་པ་གཞུས་ན་མགོ་བོ་སྐྱོབ་ཏུ་ཡོང་ལ། སྐེད་པར་རྒྱུག་པ་གཞུས་ན་མགོ་མཇུག་གཉིས་ཀ་སྐྱོབ་ཏུ་ཡོང་བ་དེ་སྦྲུལ་དེའི་ཁྱད་རྣམ་འབྱེད་ཆོས་ཤིག་ཏུ་སྣང་བ་ལྟར་གྲངས་ཉུང་མི་རིགས་གཅིག་ལ་དྲག་གནོན་བྱེད་དུས་གྲངས་ཉུང་མི་རིགས་གཞན་དེས་འབོད་སྒྲ་སྒྲོག་ཐུབ་དགོས་ལ། གྲངས་ཉུང་མི་རིགས་གཞན་དེར་དྲག་གནོན་བྱེད་དུས་གྲངས་ཉུང་མི་རིགས་ཚུར་ཕྱོགས་དེས་འབོད་སྒྲ་སྒྲོག་ཐུབ་དགོས་ཤིང་། གྲངས་ཉུང་མི་རིགས་གཅིག་གིས་ཡར་ལངས་བྱེད་དུས་གྲངས་ཉུང་མི་རིགས་གཞན་དེས་ཀྱང་ཡར་ལངས་བྱེད་ཐུབ་པ་དགོས།
དེ་ལས་ལྡོག་སྟེ་དགྲ་ཕྱོགས་ཀྱི་སྟོབས་ཤུགས་ལ་རྒྱུས་ལོན་མི་ཐུབ་པར་རང་རང་གཅིག་པུའི་ས་ནས་ལས་འགུལ་ཇི་ཙམ་སྤེལ་ཀྱང་དེས་ནམ་ཡང་གནད་དོན་གཙང་སེལ་ཐུབ་བྱེད་ཀྱི་འབེན་དངོས་ལ་ཕོག་མི་ཐུབ་པ་ཙམ་དུ་མ་ཟད། རང་ཕྱོགས་ལ་མུ་གེའི་སྒང་ལ་ཟླ་ལྷག་གི་དཔེ་ལྟར་དྲག་གནོན་གྱི་ཆག་སྒོ་ཡང་ཡོང་ངེས་པ་ཞིག་རེད།
དེ་བས་ན་རང་གི་མི་མང་དང་རང་རྒྱལ་གྱི་བདེ་སྡུག་སླད་ཞི་བའི་འཐབ་རྒོལ་བྱ་སེམས་ཀྱི་སྙིང་སྟོབས་ལྡན་པ་ཞིག་ཡིན་ཚེ་རུ་ངར་དང་ཚོར་ཤུགས་ཀྱི་གཞན་དབང་དུ་མ་སོང་བར་དགྲ་ཕྱོགས་ཀྱི་སྟོབས་ཤུགས་ལ་མྱོང་རྒྱུས་ཆ་ཚང་ཐུབ་པའི་ཐོག་ནས་ཐབས་བྱུས་གནད་ལ་འཁེལ་བ་གདེང་དགོས་པ་ནི་གནས་སྐབས་རང་ཕྱོགས་ཀྱི་ཁེ་ཕན་སྲུང་སྐྱོབ་དང་མཐར་ཐུག་གི་རྒྱལ་ཁ་ལེན་རྒྱུའི་རྩི ག་རྨང་ལྟ་བུ་དེ་རེད་ལ་འཛམ་གླིང་ནང་དམག་དོན་ཐོག་གྲགས་ཆེ་ཤོས་དུ་བརྩི་བའི་སུན་ཙེའི་དམག་དོན་བསྟན་བཅོས་ཀྱི་དགོངས་དོན་ཡང་དེ་ལས་མ་འདས་པ་ཞིག་རེད། དེ་བས་ན་ཐབས་བྱུས་འདི་བློ་ངོར་ཆུད་པའི་མི་སྣ་ཞིག་གིས་ད་གཟོད་རང་ཉིད་གཅིག་པུས་ཤིན་ཏུ་ཆེ་བའི་ཕ་བོང་ཞིག་འདེགས་མི་ཐུབ་པ་ཇི་བཞིན་རྒྱ་གཞུང་གི་སྲིད་བྱུས་ལ་འགྱུར་བ་གཏོང་མི་ཐུབ་པ་ཙམ་དུ་མ་ཟད། ཕྱོགས་སོ་སོ་ནས་སྐབས་རེ་ཡར་ལངས་རེ་བྱས་པ་དེ་དག་ནི་སྟག་གི་མདུན་སར་ཙི་ཙིས་མཆེ་བ་ངོམ་སྟོན་བྱས་པ་ཙམ་ལས་ཅི་ཡང་མེད་པ་ཞིག་ཏུའང་མཐོང་ངེས་པ་རེད། རྒྱུ་མཚན་དེ་བས་ན་ང་ཚོ་གྲངས་ཉུང་མི་རིགས་ཚོར་དོན་དངོས་ཀྱི་རང་དབང་ཞིག་དགོས་ཀྱི་ཡོད་ན་ཧྲོད་རན་ཞེས་པའི་སྦྲུལ་ལྟར་བྱེད་དགོས་པ་ལས་གཅིག་གི་ཚེ་སྲོག་མེ་རུ་སྒྲོན་དུས་གཅིག་གི་རྒྱང་རིང་ནས་ཁུ་སིམ་མེར་གཏན་ནས་སྒུག་སྡོད་བྱེད་མི་ཉན།
བྱ་སྤྱོད་དེ་དང་སྣང་ཚུལ་དེས་དུས་ནམ་ཡང་རྒྱ་གཞུང་གི་སྲིད་བྱུས་ལ་འགྱུར་བ་གཏོང་མི་ཐུབ་བ་མ་ཟད་རྒྱ་གཞུང་གི་སྟོབས་ཤུགས་རྒྱུན་གནས་དང་སྲ་བརྟན་ཡོང་རྒྱུར་ཕན་ནུས་ཐོན་ངེས་པ་ཞིག་རེད། རྒྱུ་མཚན་དེ་བས་ན་གྲངས་ཉུང་མི་རིགས་རྣམས་ཁ་ཆད་བྱས་པ་ལྟར་ཉིན་བརྒྱ་དུས་གཅིག་ཏུ་ཕྱོགས་ཡོངས་ནས་ཡར་ལངས་བྱ་ཐུབ་པའི་དུས་ཚོད་དེ་ནི་ཆེས་མཐའ་མཇུག་གི་རྒྱ་ནག་སྲིད་གཞུང་མཇུག་བསྡུ་བའི་ཉིན་མོ་དེ་རེད་ལ་གྲངས་ཉུང་མི་རིགས་རྣམས་རྒྱ་གཞུང་གི་དབང་སྒྱུར་ལས་མཐར་བྱེད་ཀྱི་མཇུག་མཐའི་ཉིན་མོ་དེ་ཡང་རེད། དེ་བས་ན་གནད་དོན་འདིའི་འགག་རྩ་ཐུག་ས་ནི་གྲངས་ཉུང་མི་རིགས་ཡོངས་ལ་དོན་དངོས་ཀྱི་རང་དབང་ཞིག་དགོས་མིན་དེར་ཐུག་ཡོད་པ་ལས་གནས་སྐབས་ཀྱི་རང་དབང་ཉི་ཚེ་བ་ཞིག་དགོས་མིན་དེར་ཐུག་མེད་པ་ནི་གྲངས་ཉུང་མི་རིགས་ཚོས་ལས་འགུལ་སྤེལ་སྟངས་ཀྱི་བྱ་སྤྱོད་དེའི་ཐོག་ནས་བདེན་དཔང་ར་སྤྲོད་བྱས་འདུག། དེ་བས་ན་ངས་བོད་དང་ཡུ་གུར། ནང་སོག་གཙོས་པའི་རྒྱ་ནག་གི་གྲངས་ཉུང་མི་རིགས་ཚོར་དོན་དངོས་ཀྱི་རང་དབང་ཞིག་དགོས་ཀྱི་ཡོད་དམ་ཞེས་པའི་དྲི་བ་འདི་འདོན་བཞིན་ཡོད།།
མི་རིགས་ཤིག་ལ་དབང་སྒྱུར་བྱ་འདོད་ན་མི་རིགས་དེའི་ཆིག་སྒྲིལ་གྱི་ནུས་པ་རྩ་གཏོར་དུ་བཏང་སྟེ་མེ་སྟག་རིམ་མཆེད་བཞིན་དུ་དབང་སྒྱུར་བྱ་དགོས་པ་ནི་དམག་དོན་མཁས་པས་ཉམས་མྱོང་དངོས་ལ་ཕྱོགས་སྡོམ་ཡང་དག་བྱས་པའི་གྲུབ་དོན་ཞིག་རེད་ལ། དོན་དངོས་ཐོག་ནས་ཀྱང་དམག་དོོན་ཐབས་བྱུས་འདི་གཞི་རྩར་བཟུང་སྟེ་ལས་དོན་ལག་བསྟར་བྱས་པས་གྲུབ་འབྲས་ཀྱང་མིག་མཐོང་ལག་ཟིན་བྱུང་ཡོད་པ་ནི་དཔེ་མཚོན་གཅིག་གི་ཐོག་ནས་གསལ་བཤད་བྱས་ན་ཟུར་བལྟས་ལེབ་མཐོང་གི་དཔེ་དང་བལ་པོས་སེ་འུ་མ་ཟོས་ཀྱང་ཁ་དོག་ཉིད་ལས་བྲོ་བ་ཤེས་ངེས་པ་ཞིག་རེད།
དེ་ཡང་ལོ་རབས་བཞི་བཅུ་པའི་ནང་གོ་གུང་དམག་འཁྲུག་ཡོངས་སུ་མཇུག་བསྒྲིལ་རྗེས་རྒྱ་ནག་གུང་ཁྲན་ཏང་གིས་རྒྱ་ནག་ཡོངས་རྫོགས་ལ་དབང་སྒྱུར་བྱས་པ་དང་དུས་མཚུངས་སུ་བོད་སོགས་ལའང་དམག་དོན་ཐབས་བྱུས་འདི་གཞི་རྩར་བཟུང་སྟེ་དབང་སྒྱུར་བྱས་པ་དེས་ད་གཟོད་གྲངས་ཉུང་མི་རིགས་དུ་མ་ཞིག་རྒྱ་ནག་གྲངས་མང་མི་རིགས་ནང་སིམ་ཡལ་དུ་གྱུར་ཏེ་མི་རིགས་རྩ་གཏོང་དུ་གྱུར ་དང་འགྱུར་བཞིན་ཡོད་པ་རེད། དཔེ་མཚོན་འདིས་ང་ཚོར་ཅི་ཞིག་གི་གོ་བརྡ་སྤྲོད་ཀྱི་ཡོད་དམ་ཞེ་ན། གྲངས་མང་མི་རིགས་ཀྱི་དབང་སྒྱུར་འོག་གྲངས་ཉུང་མི་རིགས་ལ་ཆབ་དཔལ་རིག་གསུམ་སོགས་གང་ཐད་ནས་རང་དབང་ཇི་ཙམ་ཡོད་རུང་གྲངས་མང་མི་རིགས་དེའི་ཆབ་དཔལ་རིག་གསུམ་གྱི་བཀོལ་སྤྱད་ཀྱི་ཁྱབ་རྒྱ་དང་། ཐོན་གསར་མྱུར་སྤྱོད་སོགས་ཀྱི་ཤུགས་རྐྱེན་འོག་གྲངས་ཉུང་མི་རིགས་དེ་ས་རྡོ་ལྟར་མཁྲེགས་རུང་མི་རིང་བར་སྣུམ་ཟད་ཀྱི་མར་མེ་བཞིན་དུ་འགྲོ་རྒྱུ་ཡིན་པའི་གོ་བརྡ་མཛུབ་བཙུགས་སུ་སྤྲད་ཡོད་པ་དེ་རེད། ལྷག་པར་དུ་རྒྱ་གཞུང་གི་དབང་སྒྱུར་འོག་དེ་བས་ཀྱང་གྲངས་ཉུང་མི་རིགས་རྣམས་གསོན་གནས་ཐུབ་དཀའ་སྟེ་དབང་སྒྱུར་གྱི་དམིགས་ཡུལ་དེ་རྒྱ་ནག་ཧན་མི་རིགས་ཁོ་ནའི་ཁེ་ཕན་གྱི་སླད་དུ་ཡིན་པའི་གནད་ཀྱིས་སོ། གནས་ལུགས་དེ་ལྟ་བས་ན་ང་ཚོར་དོན་དངོས་ཀྱི་རང་དབང་ཞིག་དགོས་སམ་ཞེས་པ་འདི་ནི་རྒྱའི་དབང་སྒྱུར་འོག་གནས་པའི་གྲངས་ཉུང་མི་རིགས་ཡོངས་ལ་གཅིག་མཚུངས་སུ་བཀོད་ཆོག་པའི་དྲི་གཞི་ཞིག་རེད་ལ་ང་ཚོའི་ལས་འགུལ་སྤེལ་སྟངས་འདིས་ང་ཚོ་རང་ཉིད་ལ་ཚུར་བཏོན་པའི་དྲི་བ་ཉག་གཅིག་ཀྱང་རེད། ( གལ་ཏེ་ང་ཚོར་དོན་དངོས་ཀྱི་རང་དབང་ཞིག་དགོས་ན་ད་ལྟ་ང་ཚོ་གྲངས་ཉུང་མི་རིགས་ཚོའི་ལས་འགུལ་སྤེལ་སྟངས་འདིས་ང་ཚོར་དོན་དངོས་ཀྱི་རང་དབང་ཞིག་དགོས་པའི་སེམས་དོན་ཕྱིར་མཚོན་ཐུབ་ཀྱི་འདུག་གམ། )
ཅི་ཞིག་གི་སླད་དུ་ང་ཚོས་འཛམ་གླིང་མི་མང་གི་མདུན་སར་སྡུག་སྐད་རྒྱག་བཞིན་ཡོད་དམ། དེའི་རྒྱུ་མཚན་ནི་རྒྱ་ནག་སྲིད་གཞུང་གི་རྒྱུན་ལྡན་གྱི་སྲིད་བྱུས་ལ་ལྡོག་ཕྱོགས་ཀྱི་འགྱུར་བ་ཅུང་ཟད་ཐོན་པ་ཙམ་གྱི་རེད། གལ་ཏེ་ང་ཚོས་སྡུག་སྐད་བརྒྱབ་པ་བཞིན་རྒྱ་ནག་གཞུང་གི་སྲིད་བྱུས་ལ་བཟང་ཕྱོགས་ཀྱི་འགྱུར་བ་ཕྲན་བུ་བཏང་ཚེ་ང་ཚོས་མུ་མཐུད་དུ་ལས་འགུལ་སྤེལ་གྱི་རེད་དམ། རྒྱ་གཞུང་གིས་སྲིད་བྱུས་ཇེ་བཟུང་དུ་བཏང་བ་ཙམ་གྱིས་ང་ཚོའི་འདོད་དོན་ཡོངས་སུ་འགྲུབ་པ་རེད་དམ།
གལ་ཏེ་དེ་ལྟར་མིན་ན་རྒྱུ་མཚན་ཅི་ཞིག་གིས་རྐྱེན་པས་ནམ་རྒྱུན་ང་ཚོ་གྲངས་ཉུང་མི་རིགས་རྣམས་རང་རང་གི་ས་ནས་དགུན་གྱི་ཁུ་བྱུག་བཞིན་དུ་ཁུ་སིམ་མེར་རྒྱ་གཞུང་གི་དཔལ་འབྱོར་གྱི་བསླུ་བྲིད་འོག་ཏུ་མགོ་འཁོར་ནས་སྡོད་ཀྱི་ཡོད་དམ། ཡ་མཚན་པའི་འདུ་ཤེས་འཛིན་ཚུལ་དེས་ང་ཚོར་དོན་དངོས་ཀྱི་རང་དབང་ཞིག་དགོས་མིན་ལ་སོམ་ཉི་སྐྱེ་རུ་འཇུག་གི་མི་འདུག་གམ། ང་ཚོས་མཚམས་རེ་ཕྱོགས་སོ་སོ་ནས་མི་རྒྱུ་གཉིས་ཀྱི་འགྲོ་གྲོན་གཏོང་དོན་དེ་རང་གཞན་དཀའ་སྡུག་གི་གནས་ལས་གྲོལ་ཆེད་དུ་ཡིན་པ་ནི་མདང་སྐྱེས་བྱིས་པས་ཀྱང་ལན་འདེབས་ཐུབ་པ་ཞིག་རེད།
དེ་ལྟ་ནའང་ང་ཚོར་དོན་དངོས་ཀྱི་རང་དབང་ཞིག་མ་ཐོབ་པ་དེ་སྲིད་དུ་རང་གཞན་ཚང་མ་དཀའ་སྡུག་གི་གནས་ལས་གྲོལ་ཐུབ་བམ། གྲངས་མང་མི་རིགས་ཤིག་གི་དབང་སྒྱུར་འོག་གྲངས་ཉུང་མི་རིགས་དེའི་ཚེ་སྲོག་གི་རུས་རྐང་ལ་ཐུག་པའི་སྐད་ཡིག་རིག་གཞུང་དང་བཅས་པ་མི་རིང་བར་ཉམས་ཆག་ཏུ་འགྲོ་ངེས་པ་ནི་དཔེར་ན་ཆར་ཞོད་ཆེ་བའི་དུས་སྐབས་སུ་ས་སྟོང་ན་འཁྱིལ་བའི་རྫིང་བུ་ཆུང་ངུ་དག་ཧོབ་སྒྲ་དང་བཅས་རྒྱ་མཚོར་དེད་པ་བཞིན་རེད་ལ་གོང་དུ་དྲངས་པའི་དཔེ་མཚོན་དེས་ཀྱང་མཚོན་ཐུབ།
དཔེ་དོན་འདི་ཚོའི་ཐོག་ནས་སྡོམ་ཚིག་གཅིག་འགོད་ཐུབ་པ་ནི་གྲངས་མང་མི་རིགས་ཀྱི་དབང་སྒྱུར་འོག་གྲངས་ཉུང་མི་རིགས་ཤིག་རང་དབང་ངང་བདེ་གནས་ཐུབ་ཐབས་བྲལ་བ་ཞིག་ཡིན་པ་ནི་གལ་ཏེ་གྲངས་མང་མི་རིགས་དེ་ཐེག་ཆེན་སེམས་བསྐྱེད་མཚན་ཉིད་ཚང་བ་ཞིག་རང་རྒྱུད་ལ་སྐྱེས་ཟིན་པ་ཤ་སྟག་གཅིག་ཡིན་ན་ལས་གཞན་ཆུ་དཀྲོགས་ནས་མར་ལ་རེ་སྒུག་བྱས་པ་དང་ཆུ་ལ་ཆུ་བཞག་བཞིིན་ར ེད། དེ་བས་ན་ང་ཚོའི་ལས་འགུལ་སྤེལ་ཤུགས་ཀྱི་ཁ་ཕྱོགས་འདི་དག་གིས་ང་ཚོར་དོན་དངོས་ཀྱི་རང་དབང་དེ་དགོས་པར་སྟོན་གྱི་འདུག་གམ། གལ་ཏེ་ང་ཚོར་དོན་དངོས་ཀྱི་རང་དབང་ཞིག་དགོས་ཀྱི་ཡོད་ན་ང་ཚོའི་ཐོག་ཏུ་གཞན་གྱི་དབང་སྒྱུར་ཡོད་ཕྱིན་ཆད་ལ་ངོ་རྒོལ་བྱེད་དགོས་པ་ལས་སྐབས་རེ་ཁུ་བྱུག་གི་བརྟུལ་ཞུགས་བཟུང་བ་དང་མཚམས་རེ་འབྲུག་སྒྲ་ཇི་བཞིན་གནམ་ས་འགེངས་ཚུལ་དེ་མིན་པར་དུས་ཚོད་ཀྱི་ཚག་སྒྲ་ལྟར་ཞི་བའི་འཐབ་རྒོལ་བྱ་སེམས་ཀྱི་མདུན་པ་རྒྱུན་གནས་ཐུབ་དགོས་ལ།
ཧྲོད་རན་ཞེས་པའི་སྦྲུལ་ལྟར་མགོ་ལ་རྒྱུག་པ་གཞུས་ན་མཇུག་མ་སྐྱོབ་ཏུ་ཡོང་བ་དང་། མཇུག་མར་རྒྱུག་པ་གཞུས་ན་མགོ་བོ་སྐྱོབ་ཏུ་ཡོང་ལ། སྐེད་པར་རྒྱུག་པ་གཞུས་ན་མགོ་མཇུག་གཉིས་ཀ་སྐྱོབ་ཏུ་ཡོང་བ་དེ་སྦྲུལ་དེའི་ཁྱད་རྣམ་འབྱེད་ཆོས་ཤིག་ཏུ་སྣང་བ་ལྟར་གྲངས་ཉུང་མི་རིགས་གཅིག་ལ་དྲག་གནོན་བྱེད་དུས་གྲངས་ཉུང་མི་རིགས་གཞན་དེས་འབོད་སྒྲ་སྒྲོག་ཐུབ་དགོས་ལ། གྲངས་ཉུང་མི་རིགས་གཞན་དེར་དྲག་གནོན་བྱེད་དུས་གྲངས་ཉུང་མི་རིགས་ཚུར་ཕྱོགས་དེས་འབོད་སྒྲ་སྒྲོག་ཐུབ་དགོས་ཤིང་། གྲངས་ཉུང་མི་རིགས་གཅིག་གིས་ཡར་ལངས་བྱེད་དུས་གྲངས་ཉུང་མི་རིགས་གཞན་དེས་ཀྱང་ཡར་ལངས་བྱེད་ཐུབ་པ་དགོས།
དེ་ལས་ལྡོག་སྟེ་དགྲ་ཕྱོགས་ཀྱི་སྟོབས་ཤུགས་ལ་རྒྱུས་ལོན་མི་ཐུབ་པར་རང་རང་གཅིག་པུའི་ས་ནས་ལས་འགུལ་ཇི་ཙམ་སྤེལ་ཀྱང་དེས་ནམ་ཡང་གནད་དོན་གཙང་སེལ་ཐུབ་བྱེད་ཀྱི་འབེན་དངོས་ལ་ཕོག་མི་ཐུབ་པ་ཙམ་དུ་མ་ཟད། རང་ཕྱོགས་ལ་མུ་གེའི་སྒང་ལ་ཟླ་ལྷག་གི་དཔེ་ལྟར་དྲག་གནོན་གྱི་ཆག་སྒོ་ཡང་ཡོང་ངེས་པ་ཞིག་རེད།
དེ་བས་ན་རང་གི་མི་མང་དང་རང་རྒྱལ་གྱི་བདེ་སྡུག་སླད་ཞི་བའི་འཐབ་རྒོལ་བྱ་སེམས་ཀྱི་སྙིང་སྟོབས་ལྡན་པ་ཞིག་ཡིན་ཚེ་རུ་ངར་དང་ཚོར་ཤུགས་ཀྱི་གཞན་དབང་དུ་མ་སོང་བར་དགྲ་ཕྱོགས་ཀྱི་སྟོབས་ཤུགས་ལ་མྱོང་རྒྱུས་ཆ་ཚང་ཐུབ་པའི་ཐོག་ནས་ཐབས་བྱུས་གནད་ལ་འཁེལ་བ་གདེང་དགོས་པ་ནི་གནས་སྐབས་རང་ཕྱོགས་ཀྱི་ཁེ་ཕན་སྲུང་སྐྱོབ་དང་མཐར་ཐུག་གི་རྒྱལ་ཁ་ལེན་རྒྱུའི་རྩི ག་རྨང་ལྟ་བུ་དེ་རེད་ལ་འཛམ་གླིང་ནང་དམག་དོན་ཐོག་གྲགས་ཆེ་ཤོས་དུ་བརྩི་བའི་སུན་ཙེའི་དམག་དོན་བསྟན་བཅོས་ཀྱི་དགོངས་དོན་ཡང་དེ་ལས་མ་འདས་པ་ཞིག་རེད། དེ་བས་ན་ཐབས་བྱུས་འདི་བློ་ངོར་ཆུད་པའི་མི་སྣ་ཞིག་གིས་ད་གཟོད་རང་ཉིད་གཅིག་པུས་ཤིན་ཏུ་ཆེ་བའི་ཕ་བོང་ཞིག་འདེགས་མི་ཐུབ་པ་ཇི་བཞིན་རྒྱ་གཞུང་གི་སྲིད་བྱུས་ལ་འགྱུར་བ་གཏོང་མི་ཐུབ་པ་ཙམ་དུ་མ་ཟད། ཕྱོགས་སོ་སོ་ནས་སྐབས་རེ་ཡར་ལངས་རེ་བྱས་པ་དེ་དག་ནི་སྟག་གི་མདུན་སར་ཙི་ཙིས་མཆེ་བ་ངོམ་སྟོན་བྱས་པ་ཙམ་ལས་ཅི་ཡང་མེད་པ་ཞིག་ཏུའང་མཐོང་ངེས་པ་རེད། རྒྱུ་མཚན་དེ་བས་ན་ང་ཚོ་གྲངས་ཉུང་མི་རིགས་ཚོར་དོན་དངོས་ཀྱི་རང་དབང་ཞིག་དགོས་ཀྱི་ཡོད་ན་ཧྲོད་རན་ཞེས་པའི་སྦྲུལ་ལྟར་བྱེད་དགོས་པ་ལས་གཅིག་གི་ཚེ་སྲོག་མེ་རུ་སྒྲོན་དུས་གཅིག་གི་རྒྱང་རིང་ནས་ཁུ་སིམ་མེར་གཏན་ནས་སྒུག་སྡོད་བྱེད་མི་ཉན།
བྱ་སྤྱོད་དེ་དང་སྣང་ཚུལ་དེས་དུས་ནམ་ཡང་རྒྱ་གཞུང་གི་སྲིད་བྱུས་ལ་འགྱུར་བ་གཏོང་མི་ཐུབ་བ་མ་ཟད་རྒྱ་གཞུང་གི་སྟོབས་ཤུགས་རྒྱུན་གནས་དང་སྲ་བརྟན་ཡོང་རྒྱུར་ཕན་ནུས་ཐོན་ངེས་པ་ཞིག་རེད། རྒྱུ་མཚན་དེ་བས་ན་གྲངས་ཉུང་མི་རིགས་རྣམས་ཁ་ཆད་བྱས་པ་ལྟར་ཉིན་བརྒྱ་དུས་གཅིག་ཏུ་ཕྱོགས་ཡོངས་ནས་ཡར་ལངས་བྱ་ཐུབ་པའི་དུས་ཚོད་དེ་ནི་ཆེས་མཐའ་མཇུག་གི་རྒྱ་ནག་སྲིད་གཞུང་མཇུག་བསྡུ་བའི་ཉིན་མོ་དེ་རེད་ལ་གྲངས་ཉུང་མི་རིགས་རྣམས་རྒྱ་གཞུང་གི་དབང་སྒྱུར་ལས་མཐར་བྱེད་ཀྱི་མཇུག་མཐའི་ཉིན་མོ་དེ་ཡང་རེད། དེ་བས་ན་གནད་དོན་འདིའི་འགག་རྩ་ཐུག་ས་ནི་གྲངས་ཉུང་མི་རིགས་ཡོངས་ལ་དོན་དངོས་ཀྱི་རང་དབང་ཞིག་དགོས་མིན་དེར་ཐུག་ཡོད་པ་ལས་གནས་སྐབས་ཀྱི་རང་དབང་ཉི་ཚེ་བ་ཞིག་དགོས་མིན་དེར་ཐུག་མེད་པ་ནི་གྲངས་ཉུང་མི་རིགས་ཚོས་ལས་འགུལ་སྤེལ་སྟངས་ཀྱི་བྱ་སྤྱོད་དེའི་ཐོག་ནས་བདེན་དཔང་ར་སྤྲོད་བྱས་འདུག། དེ་བས་ན་ངས་བོད་དང་ཡུ་གུར། ནང་སོག་གཙོས་པའི་རྒྱ་ནག་གི་གྲངས་ཉུང་མི་རིགས་ཚོར་དོན་དངོས་ཀྱི་རང་དབང་ཞིག་དགོས་ཀྱི་ཡོད་དམ་ཞེས་པའི་དྲི་བ་འདི་འདོན་བཞིན་ཡོད།།
Tuesday, December 27, 2011
བོད་རང་བཙན་ལེན་སྟངས་ཀྱི་འཆར་སྣང་ཁྲིམས་གཏུག་མ།
ཅོ་རི་ཉི་མ།
རིང་ནས་སྙིང་དུ་བརྣག་བའི་འདོད་པའི་དོན།།
ཡོངས་རྫོགས་བོད་ལྗོངས་རང་དབང་གཙང་མའི་དཔལ།།
ལྷུན་འགྲུབ་ཆོས་སྲིད་ཟུང་འབྲེལ་དགའ་སྟོན་ལ།།
སྤྱོད་པའི་སྐལ་བཟང་མྱུར་བ་ཉིད་དུ་སྩོལ།། ཞེས་པའི་གདུལ་བྱ་ཡིན། བོད་དམངས་སྙིང་དུ་བརྣག་བའི་འདོད་པའི་དོན། ཡོངས་རྫོགས་བོད་ལྗོངས་རང་བཙན་གཙང་མའི་དཔལ། དམངས་གཙོ་ཕོ་བྲང་ཏ་ལའི་དགའ་སྟོན་ལ། སྤྱོད་པའི་སྐལ་བཟང་མྱུར་དུ་སྩོལ་དུ་གསོལ།ཞེས་པ་དམངས་ཀྱི་རེ་འདུན་ཡིན།།། ༡༩༥༩ལོར་༧གོང་ས་མཆོག་དང་བོད་གཞུང་དགའ་ལྡན་ཕོ་བྲང་གཉིས་གཙོར་བོད་འབངས་ཆིག་འབུམ་ལྷག་རྒྱ་བལ་འབྲུག་གསུམ་གྱི་ལུང་པའི་ནང་དུ་སྐྱབས་བཅོལ་ལ་བསླེབས་པ་རེད།འཛམ་གླིང་རྒྱལ་སྤྱི་དང་ལྷག་པ་ཏུ་ཨ་རི་རྒྱ་གར་སོགས་ཀྱིས་བོད་ཀྱི་རྒྱལ་ཁུངས་སུ་རྒྱ་དམར་གུང་ཁྲན་ཏང་གིས་བཙན་འཛུལ་བྱས་པར་མིག་གིས་མཐོང་ཡོད་ལ་བོད་ཡུལ་བཙན་ཕྲོགས་བྱས་པར་ཤེས་ཡོད། མ་ཟད་བོད་ཀྱི་ས་ཤོར་སྐབསà! ��སུ་མདོ་ཁམས་ཆུ་བཞི་སྒང་དྲུག་གི་བསྟན་སྲུང་དང་བླངས་དམག་སྒར་ལ་ཨ་མེ་རི་ཀས་གོ་ལག་ཆ་ཡི་རྒྱབ་སྐྱོར་གནང་མྱངས་ཡོད་ལ་གོ་ལག་དེ་དག་བེད་སྤྱོད་ནས་རྒྱ་དམག་གི་ལག་འོག་ནས་༧གོང་ས་མཆོག་དང་བོད་གཞུང་དགའ་ལྡན་ཕོ་བྲང་འབངས་མི་ཆིག་འབུལ་དང་བཅས་སྐྱབས་བཅོལ་དུ་བསླེབས་ཐུབ་པ་བྱུང་བ་རེད།༧གོང་ས་མཆོག་དང་བོད་གཞུང་དགའ་ལྡན་ཕོ་བྲང་བོད་འབངས་ཆིག་འབུལ་ལྷག་ཕྱི་རྒྱལ་ཁབ་ཏུ་སྐྱབས་བཅོལ་ཤོར་སོང་བ་རྒྱུ་མཚན་གྱིས་བོད་རང་བཙན་མེད་པར་བཟོ་མ་ཐུབ་པ་རེད། ༡༩༥༩་ལོར་རྒྱ་དཔོན་ཀྲུང་དན་གྱིས་ལྷ་ས་དམག་གིས་བཟུང་ཚར་ནས་མའོ་ཀྲུང་ཞིའི་ལ་བོད་ཟ་ཚར་ཟེར་བའི་སྙན་གསོལ་ཞུས་པ་རེད།སྐབས་དེར་དུས་མའོ་ཀྲུང་ཞིའི་ཡིས་ཏ་ལའི་བླ་མ་ག་པ་ཡོད་དམ་ཞེས་དྲིས་པ་རེད།དམག་དཔོན་ཀྲུང་དན་གྱིས་ཏ་ལའི་བླ་མ་རྒྱ་གར་ལ་བྲོས་ཤོར་སོང་ཞེས་ལན་བཏབ་པ་རེད།མའོ་ཀྲུང་ཞིའི་ཡིས་ཏ་ལའི་བླ་བ་ཤོར་ཚར་ན་བོད་ཟ་ཐུབ་མེད་པ་རེད་ཞེས་གསུངས་ཡོད།རང་བཙན་ཆ་ཚང་ཤོར་མེད་པའི་རྒྱུ་མཚན་ཆེན་པོ་གཅིག་རེད། ༡༩༥༩་ལོར་༧གོང་ས་མཆོག་བོད་ཀྱི་ཡབ་མེས་དམ་པ་གཙོ་བོ་གྱུར་པའི་བོད་གཞུང་དགའ་ཕོ་བྲང་བོད་འབངས་ཆིག་འབུལ་དང་བཅས་པ་ཕྱི་རྒྱལ་ཁབ་ཁག་ཏུ་སྐྱབས་བཅོལ་བསླེབས་པར་འཛམ་གླིང་རྒྱལ་སྤྱི་དང་ཨ་རི་རྒྱ་གར་སོགས་ཀྱི་སྲིད་གཞུང་ཁག་ཏུ་དེབ་སྐྱེལ་ཡོད་མེད་ལ་མ་ལྟོས་པ་དོན་དངོས་པོའི་ཐོག་ནས་༧གོང་ས་མཆོག་བོད་རྒྱལ་ཁབ་ཀྱི་དབུ་ཁྲིད་དང་བོད་གཞུང་དགའ་ལྡན་ཕོ་བྲང་ལ་ངོས་ལེན་བྱས་ཡོད། མ་ཟད་དེང་སང་གི་གནས་སྟངས་སུ་བལྟས་ནའང་འཛམ་གླིང་ཐོག་གི་རྒྱལ་ཁབ་མང་པོས་བོད་ཀྱི་དབུ་ཁྲིད་དེར་དབུ་ཁྲིད་ཤིག་དང་བཙན་བྱོལ་གཞུང་འདི་བོད་མི་རིགས་སྲིད་གཞུང་ཞིག་ཡིན་པར་བོད་ཀྱི་རྒྱལ་དར་འདི་རྒྱལ་དར་ཞིག་ཡིན་པར་སེམས་ཀྱིས་ངོས་ལེན་གནང་གི་ཡོད།བཙན་བྱོལ་བོད་གཞུང་གི་ཡིག་ཆ་རྣམས་ཀྱང་ཕྱིའི་རྒྱལ་ཁབ་ཁག་གིས་ངོས་ལེན་གནང་གི་ཡོད།གནད་དོན་འདིའི་ཐོག་ནས་ཕྱེད་རང་བཙན་ཡོད་པར་མཚོན་གྱི་ཡོད། རྡ་ས་རི་བོའི་སྟེང་གི་དམངས་གཙོ་ལམ་ནས་འོས་བསྡུ་བྱུང་བའི་སྲིད་འཛིན་བློ་བཟང་སེང་གེ་མཆོག་དང་བོད་གཞུང་བཀའ་ཤག་མ་ལག་དང་བཅས་པ་ངོ་བོ་རང་བཙན་གྱི་ཐོག་ཏུ་གནས་ཡོད།ཕྱོགས་གང་ལ་བསམ་ཀྱང་བོད་རྒྱལ་ཁབ་ཀྱི་རྒྱལ་དར་དང་རྒྱལ་གླུ།བཙན་བྱོལ་བོད་གཞུང་གི་བཅའ་ཁྲིམས་དང་མ་འོང་རྩ་ཁྲིམས།བོད་རྒྱ་ཆེན་མི་དམངས་ཀྱི་ཤ་རུས་ཁྲག་གསུམ་དང་ལུས་སེམས་སུ་འཐིམ་ནས་ཡོད་པ་ནི་བོད་རྒྱལ་ཁབ་དང་བོད་རང་བཙན་ཡིན།གནད་ལུགས་འདི་དག་གིས་ཕྱེད་རང་བཙན་ཡོད་པར་མཚོན་གྱི་ཡོད། ལྷག་པ་ཏུ་བོད་རྒྱལ་ཁབ་ཀྱི་དབུ་ཁྲིད་༧གོང་ས་མཆོག་འཛམ་གླིང་རྒྱལ་ཁབ་ཁག་གིས་མཐོང་ཆེན་པོ་ཡོད་པ་ནི་རང་བཙན་ཡོད་པའི་རྒྱལ་ཁབ་ཀྱི་དབུ་ཁྲིད་ཚོ་ལས་མཐོང་ཆེ་བ་མེད་ནའང་ཆུང་བ་རྩ་ནས་མེད།ནུབ་ཕྱོགས་ཡུང་རོ་གླིང་དུ་རྒྱལ་ཁབ་ཁག་ཅིག་གིས་བོད་ཀྱི་རྒྱལ་དར་རང་གི་སྲིད་གཞུང་ཁང་སོགས་ཀྱི་ཐོག་ཏུ་འཛུགས་ཡོད་ལ་བོད་རང་བཙན་ལ་མཐའ་གཅིག་ཏུ་རྒྱབ་སྐྱོར་བྱས་དང་བྱེད་བཞིན་པ་རེད།ཡུང་རོ་ནང་གི་སྟོབས་ཆེ་ཤོས་ཧྥི་ངན་སི་དང་འཇར་མི་ནིས་སོགས་རེད།རྒྱལ་ཁབ་འདི་དག་གིས་བོད་རང་བཙན་ལ་རྒྱབ་སྐྱོར་གནང་གི་ཡོད།མ་ཟད་༢༠༠༨ལོར་ཡུང་རོལ་གྲོས་ཚོགས་འཐུས་མིས་༧གོང་ས་མཆོག་ལ་རང་བཙན་ཐོག་ཏུ་ཕེབས་དང་ང་ཚོས་རྒྱབ་སྐྱོར་བྱེད་ཆོག་ཞེས་ཞུས་སོང༌།འདི་དག་གིས་རྣམ་པ་འགྱུར་བའི་རང་བཙན་ཡོད་པར་མཚོན་གྱི་ཡོད།། ཨ་རིའི་གྲོས་ཚོགས་ཀྱིས་ངོས་ནས་ཉིན་ཆ་བཙན་བྱོལ་ནང་དུ་བོད་ཀྱི་སྐད་ཡིག་སྲུང་སྐྱོབ་དང་བོད་མིའི་ངོ་བོ་སྲུང་སྐྱོབ་བྱེད་ཀྱི་ཡིན་ཞེས་གསུངས་པ་འདིས་བོད་རང་བཙན་ལ་རྒྱབ་སྐྱོར་མཚོན་གྱི་ཡོད་ལ་དོན་དངོས་པོའི་ཐོག་གི་རང་བཙན་ལ་རྒྱབ་སྐྱོར་གནང་སྟངས་ཤིག་ངོས་འཛིན་བྱེད་ཆོག སྲིད་འཛིན་བློ་བཟང་སེང་གེས་མཛད་སྒོའི་གཏམ་བཤད་ནང་བོད་ཀྱི་རང་དབང་བསྐྱར་གསོ་བྱེད་ནས་༧གོང་ས་མཆོག་བོད་ཀྱི་མི་རྗེ་ཕོ་བྲང་པོ་ཏ་ལའི་ནང་དུ་གདན་འདྲེན་ཞུ་རྒྱུའི་འབད་བརྩོན་བྱེད་རྒྱུ་ཡིན་ཞེས་དང༌།སྲིད་འཛིན་བློ་བཟང་སེང་གེ་མཆོག་གིས་བོད་ཁྱིམ་སློབ་ཟུར་བསྟན་འཛིན་རིག་གྲོལ་ལགས་ཀྱིས།བོད་ཡུལ་གྱི་ས་ཕོན་ཆེན་པོ་ཞིག་བཞུགས་སྒར་ངྷ་རམ་ས་ལར་ཁྱེར་ཡོང་བའི་སྐབས་སུ་བོད་ཀྱི་སའི་ཐིག་ཏུ་རྒྱལ་དར་འཛུགས་པ་དང༌།བོད་རང་དབང་བསྐྱར་གསོ་དང་༧གོང་ས་མཆོག་བོད་ཀྱི་རྒྱལ་ས་ལྷ་སར་གདན་འདྲེན་ཐོག གཞིས་བྱེས་བོད་མི་ཚང་མ་ཉིན་གཅིག་བོད་ལ་མཇལ་འཛོམས་ཐུབ་པའི་ཉིན་མོ་ཞིག་འཆར་རྒྱུ་དེ་བོད་མི་སྤྱི་ཡོངས་ཀྱི་རེ་བ་དང་འབད་བརྩོན་བྱ་ཡུལ་དེ་ཡིན་ཞེས་གསུངས་ཡོད།བོད་རང་དབང་བསྐྱར་གསོ་ཟེར་དུས་རང་བཙན་མ་གཏོགས་སྔར་ནས་ཡོད་བསྡད་པ་ཞིག་ད་ལྟའི་ཆ་བསྐྱར་གསོ་བྱ་རྒྱུ་ཞིག ་མེད།གསུངས་སྟངས་འདི་དག་གིས་སྲིད་འཛིན་བློ་བཟང་སེང་གེའི་སེམས་ཁམས་བོད་རང་བཙན་དང་འདྲེས་ནས་ཡོད་པར་གསལ་བསྟན་བྱེད་ཡོད།འདི་ཡང་ཕྱེད་རང་བཙན་ཡོད་པའི་མཚོན་རྟགས་ཤིག་ཡིན། ༧གོང་ས་མཆོག་གིས་སྲིད་འཛིན་བློ་བཟང་སེང་གེའི་མཛད་སྒོའི་ཐོག་ཏུ་བོད་མི་རིགས་རིག་གཞུང་དང་བཅས་པ་འཛམ་གླིང་ཐོག་ཏུ་ནག་བསུབས་བཏང་མ་ཐུབ་ཙམ་བྱུང་ཡོད་ཞེས་གསུངས་ཡོད།འཛམ་གླིང་ཐོག་ཏུ་བོད་རྒྱལ་ཁབ་ཀྱི་སྲིད་གཞུང་བཀའ་ཤག་མ་ལག་དང་བཅས་པ་ལྷག་པ་ཡོད་པ་ནི་གཙོ་བོ་༧གོང་ས་མཆོག་དང་བོད་ཀྱི་ཕ་མེས་དམ་པ་ཚོ་བྱས་རྗེས་ཡིན་པར་ཤེས་དགོས།གནས་ཚུལ་འདི་དག་གི་ཐོག་ཏུ་བོད་མི་སེམས་ལྡན་ཞིག་ཡིན་ན་བཀའ་དྲིན་ལ་བསམ་གཞིགས་བྱེད་དུས་མིག་ཆུ་སེམས་སུ་ལྷུང་ཡོང་བ་ཆོས་ཉིད་ཤིག་ལོས་ཡིན། བཀའ་སློབ་འདིས་ནག་བསུབས་མ་ཐུབ་པར་ཕྱེད་རང་བཙན་ལྷག་ཡོད་པར་བསྟན་གྱི་ཡོད། མ་འོང་བོད་རང་བཙན་ལེན་སྟངས། བཙན་བྱོལ་ནང་གི་རྩོམ་པ་པོའི་ཚོགས་གཙོ་ཆབ་བྲག་ལྷ་མོ་སྐྱབས་ལགས་ཀྱིས་སྡོམ་ཚིག་འདི་འདྲ་ཞིག་གནང་ཡོད།་་བདག་གིས་གོ་སྐབས་གང་ཞིག་རེ་བ་རྒྱག་གིན་ཡོད་ཟེར་ན་རྒྱ་ནག་དམངས་གཙོར་འགྱུར་བའི་ཉི་མ་དེའོ།དེའི་བར་ལ་ང་ཚོས་གཞན་མ་ཐུབ་ན་ཆོག ངེས་པར་ཐུབ་དགོས་པ་གཅིག་ཡོད་པ་ནི་རང་གི་རིག་གཞུང་དང་རང་ཉིད་མཉམ་གནས་ཐུབ་རྒྱུ་འདི་རེད།ཞེས་གསུངས་ཡོད།སྡོམ་ཚིག་འདི་ནི་ཁོང་མི་གཅིག་གི་བསམ་ཚུལ་ཙམ་མིན་པར་བོད་མི་ཤེས་ཡོན་ཅན་མང་ཆེ་བས་བསམ་ཚུལ་ཞིག་རེད། འཚེ་མེད་ཞི་བདེའི་ལྟ་གྲུབ་ལ་གཞིར་བཅོལ་བའི་ཐོག་ནས་ང་རང་ཚོས་ངོས་ནས་རང་བཙན་དང་རང་སྐྱོང་གང་བཤད་ཀྱང་གུང་ཁྲན་ཏང་གིས་དཔོན་རིགས་ཚོས་ངོས་ནས་ངོས་ལེན་བྱས་མེད་ལ་མ་འོང་པ་ཡང་ངོས་ལེན་བྱེད་ཀྱི་མ་རེད།ད་་་ང་ཚོ་ལ་ཐབས་ཤེས་གཅིག་ཡོད་པ་ནི་གུང་ཁྲན་ཏང་ཤི་སྒུག་བྱེད་ཀྱི་འདིར་རེད།གུང་ཁྲན་ཏང་ཚེ་ཐུང་རེར་གཏོང་རྒྱུ་དེར་རེད།ང་ཚོས་གུང་ཁྲན་ཏང་ཤི་སྒུག་བྱེད་པའི་དུས་ཡུན་ནང་རང་ཉིད་ཤི་མི་འགྲོ་བ་གནང་དགོས་པ་ནི་གནད་འགག་ཆེ་ཤོས་རེད།རང་ཉིད་དང་མཉམ་དུ་རང་གི་སྐད་ཡིག་གཙོ་བོ་གྱུར་པའི་བོད་མི་རིགས་ཀྱི་ངོ་བོ་མཚོན་པའི་རིག་གཞུང་རྣམས་སུ་བདག་པོ་རྒྱབ་ཐུབ་དགོས། སྐད་ཡིག་དང་རིག་གཞུང་བདག་པོ་རྒྱབ་སྟངས་༢༠༠༩ལོར་བྲིས་པའི་ཐ་སྙད་གསར་པའི་སྐོར་གྱི་རྩོམ་ཡིག་ནང་དུ་གསལ་བསྟན་བྱས་ཡོད་ལ་མ་བཀའ་སྤྱི་གཉིས་སུ་སྙན་ཞུ་ཕུལ་བརྩིས་ཀྱང་ཡོད་པས་འདིར་གསལ་བཤད་དགོས་ པར་མ་མཐོང༌། རང་བཙན་རྩོད་དུས་སུ་དང་པོར་རྩོད་ས་ངོས་འཛིན་ལ་དབྱེ་ན་གཉིས་ཡོད།གུང་ཁྲན་ཏང་དང་འཛམ་གླིང་རྒྱལ་སྤྱི་གཉིས་རེད།དང་པོར་གུང་ཁྲན་ཏང་གི་མཉམ་དུ་བོད་རང་བཙན་བཤད་ས་མེད།བོད་རང་བཙན་བཤད་ན་གུང་ཁྲན་ཏང་གིས་ང་ཚོ་གསོད་ཀྱི་རེད།གནད་དོན་གཅིག་རེད།གཉིས་ནས་གུང་ཁྲན་ཏང་འདིས་རྒྱ་ནག་མི་དམངས་ཀྱི་སྐུ་ཚབ་མཚོན་ཐུབ་ཀྱི་མེད་ལ་རྒྱ་ནག་རྒྱལ་ཁབ་ཀྱི་བདག་པོ་ཡང་མིན་པས་སྐད་ཆ་བཤད་ཀྱང་ཕན་ཐོགས་མེད།རྗེས་སུ་རྒྱ་ནག་ནང་དུ་དམངས་གཙོ་ལམ་ནས་འོས་བསྡུ་བྱུང་བའི་སྲིད་འཛིན་དང་དབུ་ཁྲིད་སླེབས་དུས་སུ་བདག་པོའི་མཉམ་དུ་རང་བཙན་དང་རང་སྐྱོང་གང་བཤད་ནའང་དོན་དངོས་དང་མཐུན་པ་རེད། གྲུབ་འབྲས་ཤིག་ཀྱང་ཡོང་ངེས་རེད། རྒྱལ་སྤྱིའི་ནང་དུ་བོད་རང་བཙན་རྩོད་སྟངས། འཛམ་གླིང་འདིའི་ཐོག་ཏུ་མི་སྡེ་ཡི་སྤྱི་ཚོགས་ཤིག་དང་ཡུལ་ལུང་ཞིག་ལ་རྒྱལ་ཁབ་ཀྱི་ཐོབ་ཐང་ཡོད་མེད་དང་རང་བཙན་ཡོད་མེད་གཞིར་འཛིན་ས་འཛམ་གླིང་མཉམ་འབྲེལ་རྒྱལ་ཚོགས་ནང་དུ་དེབ་བསྐྱེལ་ཡོད་མེད་རེད།འཛམ་གླིང་མཉམ་འབྲེལ་རྒྱལ་ཚོགས་ཀྱི་ཚོགས་ཁུངས་སུ་རྒྱལ་ཁབ་༡༩༢ཡོད།རྒྱལ་ཚོགས་ཀྱི་ཚོགས་ཁུངས་སུ་འཛུལ་ཞུགས་བྱེད་པར་ཚོགས་ཁུངས་ཀྱི་རྒྱལ་ཁབ་དེ་དག་གིས་ངོས་ལེན་གནང་དགོས།གུང་ཁྲན་ཏང་གིས་ངོས་ལེན་གནང་གི་མ་རེད་ཏེ་ཁོ་རྒྱལ་ཁབ་གཅིག་གཅིག་པོ་རེད།དམངས་གཙོའི་སྤྱི་ཚོགས་ནང་དུ་གཅིག་གི་ཤུགས་ཙམ་མ་གཏོགས་མེད། གུང་ཁྲན་ཏང་ལ་རེ་བ་མི་རྒྱབ་ཁོ་ཕར་ཞོག ད་་་རྒྱལ་སྤྱིའི་་ཚོགས་ཁུངས་ཡིན་པའི་རྒྱལ་ཁབ་༡༩༡་གིས་ངོས་ནས་བོད་རང་བཙན་ལ་ངོས་ལེན་ཡོང་ཐབས་བྱེད་དགོས།རྒྱལ་ཁབ་དེ་དག་གི་ནང་ནས་རྒྱལ་ཁབ་༣༧ཙམ་གྱི་ནང་དུ་བཙན་བྱོལ་བོད་མི་གནས་བསྡད་བྱས་ཀྱི་ཡོད།བཙན་བྱོལ་བོད་གཞུང་གི་ཚོགས་ཁུངས་ཡིན་པའི་བོད་རིགས་སྤྱི་མཐུན་ཚོགས་པ་བཙུགས་ཡོད།རང་རང་གིས་རང་ཉིད་ཀྱི་སྐྱབས་བཅོལ་ཡུལ་གྱི་རྒྱལ་ཁབ་དེ་དག་གིས་བཙན་བྱོལ་གཞུང་འདིར་སྐྱབས་བཅོལ་གཞུང་ཞིག་དང་བོད་རྒྱལ་ཁབ་འདི་རྒྱལ་ཁབ་ཤིག་ཡིན་པར་ངོས་ལེན་ཡོང་ཐབས་ཁྲིམས་གཏུག་བྱེད་དགོས། བཙན་བྱོལ་བོད་གཞུང་གིས་ངོས་ནས་ཀྱང་འཚེ་མེད་ཞི་བདེའི་ལྟ་གྲུབ་ལ་གཞིར་བཅོལ་ནས་བཙན་བྱོལ་བོད་མིའི་སྐྱབས་ཡུལ་གྱི་རྒྱལ་ཁབ་ཁག་གི་ཁྲིམས་ཁང་་ནང་དུ་ཁ་མཆུ་རྒྱབ་དགོས་ལ་རྒྱལ་ཁབ་རེ་རེས་ངོས་ནས་བཙན་བྱོལ་བོད་གཞུང་འདིར་སྐྱབས་བཅོལ་གཞུང་ཡིན་པ་དང་བོད་རང་བཙན་ཡིན་པར་རྒྱལ་སྤྱིས་ངོས་ལེན་ཡོང་ཐབས་ཀྱི་རྒྱབ་སྐྱོར་འཚོལ་དགོས།འཛམ་གླིང་ཐོག་གི་དམངས་གཙོ་རྒྱལ་ཁབ་ཁག་ཏུ་ཁྲིམས་གཏུག་བྱེད་ས་དང་དྲང་བདེན་བཤད་ས་ཡོད།ང་ཚོས་རྒྱབ་སྐྱོར་ཐོབ་ངེས་ཡིན་པས་ཡིད་ཆེས་བྱེད་ཆོག སྲིད་འཛིན་བློ་བཟང་སེང་གེ་མཆོག་གིས་བོད་དོན་འཐབ་རྩོད་ཀྱི་ནུས་པ་བཅུ་དང་རྩ་དོན་གསུམ་གསུངས་ཡོད་པ་རྣམས་བེད་སྤྱོད་ཀྱིས་དམངས་གཙོ་རྒྱལ་ཁབ་ཁག་ཏུ་ཁྲིམས་གཏུག་བྱ་ཆོགལྷག་པ་ཏུ་༧གོང་ས་མཆོག་གི་གཟི་བརྗིད་ཀྱི་ནུས་པ་ཧ་ཅང་ཆེན་པོ་རེད།འདིར་བེད་སྤྱོད་བྱེད་ཆོགབོད་ཀྱི་ཁོར་གཡུ་ཡི་ནུས་པ་བེད་སྤྱོད་བྱེད་ཆོག ད་དུང་ཁ་མཆུ་མ་ཐོབ་ན་ཞི་བའི་ངོ་རྒོལ་གྱི་ཐོག་ནས་སྲོག་བེད་སྤྱོད་གཏོང་ཆོག བོད་མི་མང་པོས་བོད་ཀྱི་རྩ་དོན་ཐོག་ཏུ་ཤི་དགོས་པ་བྱུང་ན་གྲལ་སྒྲིག་ཡོད་ཞེས་བཙན་བྱོལ་བོད་གཞུང་ལ་དེབ་བསྐྱེལ་བྱས་ཡོད། འདི་དག་ནི་ཁྲིམས་གཏུག་གི་ནུས་པ་ཐོན་པའི་ཆ་རྐྱེན་ཡིན། ཁྲིམས་གཏུག་ཐུབ་པའི་ཁྲིམས་རྩོད་པ། ང་ཚོ་ལ་རྒྱལ་སྤྱིའི་ཁྲིམས་ལུགས་སུ་མཁས་པའི་སྲིད་འཛིན་བློ་བཟང་སེང་གེ་མཆོག་བསླེབས་ཡོད་པ་ནི་ཁྲིམས་རྩོད་ཐུབ་པའི་ཁྱད་ཆོས་གལ་ཆེ་ཞིག་ཚང་བ་རེད། དེང་སང་ནུབ་ཕྱོགས་རྒྱལ་ཁབ་ཁག་གི་ནང་དུ་རྒྱལ་སྤྱིའི་ཁྲིམས་རྩོད་པའི་ཁྱད་ལས་སློབ་སྦྱོང་ཡོད་པ་བོད་མི་མི་ཉུང་བ་ཞིག་ཡོད།ཁྲིམས་རྩོད་པ་བོད་མི་འདི་དག་ནི་བོད་དོན་འཐབ་རྩོད་ཀྱི་ཆེད་དུ་གལ་ཆེན་པོ་ཆགས་ཡོད།མ་འོང་པ་ཡང་ཁྲིམས་རྩོད་པའི་ཁྱད་ལས་པ་བོད་མི་མང་པོ་ཐོན་ངེས་རེད།ང་ཚོས་ཁྲིམས་གཏུག་ཐུབ་པའི་ཆ་རྐྱེན་རེད།ཁྲིམས་རྩོད་པ་འདི་དག་བཙན་བྱོལ་བོད་གཞུང་གིས་ངོས་ནས་བདག་པོ་ཡག་པོ་རྒྱབ་དགོས་ལ་བེད་སྤྱོད་ཡག་པོ་གཏོང་དགོས།འཛམ་གླིང་ཐོག་ཏུ་ཡོད་པའི་བོད་མི་ཁྲིམས་རྩོད་པ་རྣམས་ཀྱིས་རྒྱལ་སྤྱིའི་ཁྲིམས་ལུགས་དང་མཐུན་པ་ས་གནས་ཡུལ་ཁྲིམས་དང་མཐུན་པའི་ཐོག་ནས་བཙན་བྱོལ་བོད་གཞུང་གི་ཁྲིམས་གཏུག་བྱེད་སྟངས་གཏན་འབེབས་བྱ་དགོས།བཙན་བྱོལ་བོད་མི་རྣམས་ཀྱིས་ཁ་ཕྱོགས་དང་ལམ་ཕྱོགས་གཅིག་གི་ཐོག་ནས་བཙན་བྱོལ་བོད་གཞུང་འདི་རྒྱལ་སྤྱི! ས་ངོས་ལེན་ཡོད་པའི་སྐྱབས་བཅོལ་གཞུང་ལ་སྒྱུར་ཐུབ་པ་བྱེད་དགོས། འཇམ་དབྱངས་ནོེར་བུ་ལགས་ཀྱིས་སྔར་ནས་སྟོན་བསྡད་པའི་བོད་རང་བཙན་གྱི་དཔང་རྟགས་རྣམས་དང་དཔང་རྟགས་གང་ཡོད་པ་ཚང་མ་གྲལ་སྒྲིག་ཡོད་པའི་ཐོག་ནས་ཁྲིམས་ཁང་ནང་དུ་སྟོན་དགོས།བཙན་བྱོལ་བོད་གཞུང་གིས་ཁ་མཆུ་རྒྱབ་སྟངས་གཏན་འབེབས་ཚར་དུས་ས་གནས་བོད་རིགས་སྤྱི་མཐུན་ཚོགས་པ་ཁག་གིས་ས་གནས་ས་ཐོག་ཏུ་ལག་ལེན་བསྟར་དགོས།ཁྲིམས་རྩོད་པ་དང་དཔང་རྟགས།འཛམ་གླིང་ཐོག་གི་སྐད་ཡིག་མང་ཤོས་བཙན་བྱོལ་བོད་མིས་ཤེས་ཀྱི་ཡོད་པ།འཛམ་གླིང་རྒྱལ་ཁབ་མང་པོའི་ཁྲིམས་ལུགས་ཤེས་ཀྱི་ཡོད་པར་སོགས་བོད་མི་རིགས་འདི་ལ་ཁྲིམས་གཏུག་ཐུབ་པའི་ཆ་རྐྱེན་བཟང་པོ་ཞིག་ཚང་བསྡད་ཡོད་ད།ཀི་ཧུ་ཧུ།་་ཀི་ཧུ་ཧུ།་་ཀི་ཧུ་ཧུ།། ནོར་བུ་རང་ལ་ཡོད་དུས་ནོར་བུའི་ནོར་ཉམས་ཆད་དགོས་ཟེར་བར་འདི་འདྲ་ལ་གོ་དགོས་པར་འདོད་དོ། རྒྱ་ནག་གི་དམངས་གཙོ་ལ་བོད་མིའི་འགན་ཁུར། རྒྱ་མི་རིགས་དུང་ཕྱུར་མང་པོའི་རང་དབང་དམངས་གཙོ་ལ་བོད་མིས་འགན་ཁུར་དགོས།རྩོད་རོགས་བྱེད་དགོས།དམངས་གཙོ་དོན་གཉེར་བའི་རྒྱ་རིགས་རྣམས་དང་བློ་སེམས་གཅིག་སྒྲིལ་གྱི་ཐོག་ནས་རྒྱ་ནག་དམངས་གཙོ་ཅན་དུ་འགྱུར་བ་ལ་ཤུགས་རྒྱབ་དགོས།ང་ཚོས་ངེས་པ་ཏུ་བསམ་བློ་གཏོང་དགོས་པ་ནི་མི་དམངས་བཅིངས་གྲོལ་དམག་ཟེར་བ་འདི་རྒྱ་ནག་མི་དམངས་གསོད་མཁན་ལག་དམར་བ་ཞིག་ལ་མི་འགྱུར་ཐབས་བེད་དགོས། འདི་ལ་གཟབ་དགོས། གུན་ཁྲན་ཏང་དམངས་གཙོ་ལ་སྒྱུར་དགོས་པ་ནི་སྤྱིར་མི་སེར་དུང་ཕྱུར་༡༣་གྱི་རང་དབང་དང་སྒེར་བོད་མི་རིགས་ཀྱི་ཐོབ་ཐང་དང་འབྲེལ་བ་ཆེ་བས་བོད་ཕྱི་ནང་གཉིས།བོད་གཞུང་དམངས་གཉིས་ཀྱིས་ཤུགས་རྒྱབ་ནས་རྒྱ་ནག་དམངས་གཙོ་ལ་སྒྱུར་ཐུབ་པ་བྱ་དགོས། མི་དམངས་བཅིངས་འགྲོལ་དམག གུང་ཁྲན་ཏང་དམངས་གཙོ་སྒྱུར་བ་ལ་མི་དམངས་བཅིངས་འགྲོལ་དམག་ལ་བསམ་བློ་གཏོང་དགོས། མི་དམངས་བཅིངས་འགྲོལ་དམག་འདི་རྒྱ་ནག་མི་དམངས་གསོད་པའི་ཤན་པ་ལག་དམར་བ་ཞིག་ལ་མི་འགྱུར་ཐབས་བྱེད་དགོས།རྒྱ་ནག་ནང་དུ་དམངས་གཙོའི་ལས་འགུལ་བས་གྱེན་ལང་ཆེན་པོ་བྱུང་ན་མི་དམངས་བསྡམས་གསོད་བྱེད་མདོག་ཁག་པོ་རེད།འཇིགས་སྣང་ཆེ་ཤོས་འདིར་རེད།རྒྱ་ནག་དམངས་གཙོ་དོན་གཉེར་བ་ཚོས་བསམ་བློ་གཏོང་དགོས་པའི་སྐད་ཆ་གཅིག་རེད། མི་དམངས་བཅིངས་འགྲོལ་དམག་གིས་མི་སེར་མི་གསོད་པའི་གདེང་ཚོད་མེད་ན་རྒྱ་ནག་དམངས་གཙོ་ལ་སྒྱུར་འདོད་བྱེད་ན་ནོར་འཁྲུལ་རེད།དང་པོར་མི་དམངས་བཅིངས་འགྲོལ་དམག་ལ་བསླབ་བྱ་རྒྱབ་དགོས།དེ་ཡང་དམག་མི་དེ་དག་ལ་ཨ་མ་ཡོད་མདོག་ཁག་པོ་རེད།རང་རང་གི་ཨ་མ་ལགས་ཚོས་རང་གི་བུ་དེ་ཨ་མ་རང་ཉིད་མི་གསོད་པའི་དམག་མི་ཞིག་དང་སྤུན་ཟླ་མི་གསོད་པ།རྒྱ་ནག་མི་དམངས་དུང་ཕྱུར་༡༣་གྱི་ཐོག་ཏུ་མེ་མདའ་མི་རྒྱབ་མཁན་གྱི་མི་དམངས་བཅིངས་འགྲོལ་དམག་མི་ཞིག་ཡོང་ཐུབ་པའི་བསླབ་བྱ་རྒྱབ་དགོས། རྒྱ་ནག་གི་རྩོམ་བྲིས་པ་དང་སྒྱུ་རྩལ་བ།གླུ་བ་དང་གླུ་མ་བཅས་ཀྱིས་མི་དམངས་བཅིངས་དམག་ལ་མི་དམངས་མི་གསོད་མི་ཉན་པའི་བསླབ་བྱ་རྒྱབ་རོགས་བྱོས།།རྒྱ་རིགས་དུང་ཕྱུར་མང་པོའི་སྲོག་གི་ཆེད་དུ་བསམ་བློ་ཐོངས། རྒྱ་མཁས་དབང་ཚོ།། མཇུག་སྡོམ། འཛམ་གླིང་མཉམ་འབྲེལ་རྒྱལ་ཚོགས་ནང་དུ་དེབ་སྐྱེལ་ཐུབ་པའི་ཉིན་མོ་དེ་ནས་བོད་རང་བཙན་ཐོབ་ཚར་བ་རེད་ལ་གུང་ཁྲན་ཏང་ཤི་སོང་ན་ས་ཆ་ཚུར་ལེན་གྱི་གཅིག་པོ་རེད།གུང་ཁྲན་ཏང་སྡོད་པའི་རིང་དུ་བོད་མི་རྣམས་ཀྱིས་མ་འོང་བོད་རང་བཙན་ཐོབ་དུས་སུ་བོད་ཀྱི་ཆབ་སྲིད་དང་དཔལ་འབྱོར་རིག་གནས།ཕྱི་རྒྱལ་ཁབ་ཁག་གི་ཁྱད་ལས་བོད་ཡིག་ནང་དུ་སྒྱུར་བ་དང་ཁ་བ་རི་པ་ལ་དགོས་མཁོ་ཆེ་བའི་རིག་གནས་རྣམས་ནང་འདྲེན་བྱེད་དགོས།དེ་འདྲ་མ་ཐུབ་ན་རང་བཙན་ཐོབ་ཀྱང་བདེ་སྐྱིད་མི་ཐོབ།རང་བཙན་ཐོབ་ཀྱང་རང་ཡུལ་ཟིན་མི་ཐུབ། རང་བཙན་ཐོབ་ཀྱང་འཚོ་བ་མི་འཁྱོངས།ངེས་པ་ཏུ་བྱ་ཐུབ་པ་བྱེད་དགོས། ངས་ཅིག་བཤད་པ་འདི་༧གོང་ས་མཆོག་གི་རྒྱ་སྐྱིད་བོད་བདེ་ཡི་ལྟ་གྲུབ་དང་མི་འགལ་ལ་བཀྲས་མཐོང་གི་རང་ཐག་རང་གཅོད་ཀྱི་ལམ་ཕྱོགས་དང་མཐུན་གྱི་ཡོད།བདེན་པ་ཁྲིམས་ལུགས་ཀྱི་མདུན་སར་ཨུ་ཚུགས་རྒྱབ་སྟངས་འདི་ཟམ་གདོང་གི་བདེན་པའི་ཨུ་ཚུགས་ཟེར་ནའང་འདི་འདྲ་ཞིག་མིན་ནམ་སྙམ།དགེའོ། རྩམ་པ་ཡུན་རིང་ཟས་པའི་རིན་འབབ་ལ། རྩམ་གཟན་བོད་མི་རྣམས་ཀྱི་ཞབས་དྲུང་དུ། རྩམ་ཕྲུག་ཅོ་རིའི་སྙིང་གིས་མ་བཟོད་པར། རྩམ་སྐད་འདི་དག་ཁ་ནས་ཤོར་སོང་ངོ།།༢༠༡༡ལོར་སྤྱི་ཟླ་༡༢པའི་ཚེས་༡༣ཉིན་བྲིས།བོད་རང་བཙན་རྒྱལ་ལོ།།
རིང་ནས་སྙིང་དུ་བརྣག་བའི་འདོད་པའི་དོན།།
ཡོངས་རྫོགས་བོད་ལྗོངས་རང་དབང་གཙང་མའི་དཔལ།།
ལྷུན་འགྲུབ་ཆོས་སྲིད་ཟུང་འབྲེལ་དགའ་སྟོན་ལ།།
སྤྱོད་པའི་སྐལ་བཟང་མྱུར་བ་ཉིད་དུ་སྩོལ།། ཞེས་པའི་གདུལ་བྱ་ཡིན། བོད་དམངས་སྙིང་དུ་བརྣག་བའི་འདོད་པའི་དོན། ཡོངས་རྫོགས་བོད་ལྗོངས་རང་བཙན་གཙང་མའི་དཔལ། དམངས་གཙོ་ཕོ་བྲང་ཏ་ལའི་དགའ་སྟོན་ལ། སྤྱོད་པའི་སྐལ་བཟང་མྱུར་དུ་སྩོལ་དུ་གསོལ།ཞེས་པ་དམངས་ཀྱི་རེ་འདུན་ཡིན།།། ༡༩༥༩ལོར་༧གོང་ས་མཆོག་དང་བོད་གཞུང་དགའ་ལྡན་ཕོ་བྲང་གཉིས་གཙོར་བོད་འབངས་ཆིག་འབུམ་ལྷག་རྒྱ་བལ་འབྲུག་གསུམ་གྱི་ལུང་པའི་ནང་དུ་སྐྱབས་བཅོལ་ལ་བསླེབས་པ་རེད།འཛམ་གླིང་རྒྱལ་སྤྱི་དང་ལྷག་པ་ཏུ་ཨ་རི་རྒྱ་གར་སོགས་ཀྱིས་བོད་ཀྱི་རྒྱལ་ཁུངས་སུ་རྒྱ་དམར་གུང་ཁྲན་ཏང་གིས་བཙན་འཛུལ་བྱས་པར་མིག་གིས་མཐོང་ཡོད་ལ་བོད་ཡུལ་བཙན་ཕྲོགས་བྱས་པར་ཤེས་ཡོད། མ་ཟད་བོད་ཀྱི་ས་ཤོར་སྐབསà! ��སུ་མདོ་ཁམས་ཆུ་བཞི་སྒང་དྲུག་གི་བསྟན་སྲུང་དང་བླངས་དམག་སྒར་ལ་ཨ་མེ་རི་ཀས་གོ་ལག་ཆ་ཡི་རྒྱབ་སྐྱོར་གནང་མྱངས་ཡོད་ལ་གོ་ལག་དེ་དག་བེད་སྤྱོད་ནས་རྒྱ་དམག་གི་ལག་འོག་ནས་༧གོང་ས་མཆོག་དང་བོད་གཞུང་དགའ་ལྡན་ཕོ་བྲང་འབངས་མི་ཆིག་འབུལ་དང་བཅས་སྐྱབས་བཅོལ་དུ་བསླེབས་ཐུབ་པ་བྱུང་བ་རེད།༧གོང་ས་མཆོག་དང་བོད་གཞུང་དགའ་ལྡན་ཕོ་བྲང་བོད་འབངས་ཆིག་འབུལ་ལྷག་ཕྱི་རྒྱལ་ཁབ་ཏུ་སྐྱབས་བཅོལ་ཤོར་སོང་བ་རྒྱུ་མཚན་གྱིས་བོད་རང་བཙན་མེད་པར་བཟོ་མ་ཐུབ་པ་རེད། ༡༩༥༩་ལོར་རྒྱ་དཔོན་ཀྲུང་དན་གྱིས་ལྷ་ས་དམག་གིས་བཟུང་ཚར་ནས་མའོ་ཀྲུང་ཞིའི་ལ་བོད་ཟ་ཚར་ཟེར་བའི་སྙན་གསོལ་ཞུས་པ་རེད།སྐབས་དེར་དུས་མའོ་ཀྲུང་ཞིའི་ཡིས་ཏ་ལའི་བླ་མ་ག་པ་ཡོད་དམ་ཞེས་དྲིས་པ་རེད།དམག་དཔོན་ཀྲུང་དན་གྱིས་ཏ་ལའི་བླ་མ་རྒྱ་གར་ལ་བྲོས་ཤོར་སོང་ཞེས་ལན་བཏབ་པ་རེད།མའོ་ཀྲུང་ཞིའི་ཡིས་ཏ་ལའི་བླ་བ་ཤོར་ཚར་ན་བོད་ཟ་ཐུབ་མེད་པ་རེད་ཞེས་གསུངས་ཡོད།རང་བཙན་ཆ་ཚང་ཤོར་མེད་པའི་རྒྱུ་མཚན་ཆེན་པོ་གཅིག་རེད། ༡༩༥༩་ལོར་༧གོང་ས་མཆོག་བོད་ཀྱི་ཡབ་མེས་དམ་པ་གཙོ་བོ་གྱུར་པའི་བོད་གཞུང་དགའ་ཕོ་བྲང་བོད་འབངས་ཆིག་འབུལ་དང་བཅས་པ་ཕྱི་རྒྱལ་ཁབ་ཁག་ཏུ་སྐྱབས་བཅོལ་བསླེབས་པར་འཛམ་གླིང་རྒྱལ་སྤྱི་དང་ཨ་རི་རྒྱ་གར་སོགས་ཀྱི་སྲིད་གཞུང་ཁག་ཏུ་དེབ་སྐྱེལ་ཡོད་མེད་ལ་མ་ལྟོས་པ་དོན་དངོས་པོའི་ཐོག་ནས་༧གོང་ས་མཆོག་བོད་རྒྱལ་ཁབ་ཀྱི་དབུ་ཁྲིད་དང་བོད་གཞུང་དགའ་ལྡན་ཕོ་བྲང་ལ་ངོས་ལེན་བྱས་ཡོད། མ་ཟད་དེང་སང་གི་གནས་སྟངས་སུ་བལྟས་ནའང་འཛམ་གླིང་ཐོག་གི་རྒྱལ་ཁབ་མང་པོས་བོད་ཀྱི་དབུ་ཁྲིད་དེར་དབུ་ཁྲིད་ཤིག་དང་བཙན་བྱོལ་གཞུང་འདི་བོད་མི་རིགས་སྲིད་གཞུང་ཞིག་ཡིན་པར་བོད་ཀྱི་རྒྱལ་དར་འདི་རྒྱལ་དར་ཞིག་ཡིན་པར་སེམས་ཀྱིས་ངོས་ལེན་གནང་གི་ཡོད།བཙན་བྱོལ་བོད་གཞུང་གི་ཡིག་ཆ་རྣམས་ཀྱང་ཕྱིའི་རྒྱལ་ཁབ་ཁག་གིས་ངོས་ལེན་གནང་གི་ཡོད།གནད་དོན་འདིའི་ཐོག་ནས་ཕྱེད་རང་བཙན་ཡོད་པར་མཚོན་གྱི་ཡོད། རྡ་ས་རི་བོའི་སྟེང་གི་དམངས་གཙོ་ལམ་ནས་འོས་བསྡུ་བྱུང་བའི་སྲིད་འཛིན་བློ་བཟང་སེང་གེ་མཆོག་དང་བོད་གཞུང་བཀའ་ཤག་མ་ལག་དང་བཅས་པ་ངོ་བོ་རང་བཙན་གྱི་ཐོག་ཏུ་གནས་ཡོད།ཕྱོགས་གང་ལ་བསམ་ཀྱང་བོད་རྒྱལ་ཁབ་ཀྱི་རྒྱལ་དར་དང་རྒྱལ་གླུ།བཙན་བྱོལ་བོད་གཞུང་གི་བཅའ་ཁྲིམས་དང་མ་འོང་རྩ་ཁྲིམས།བོད་རྒྱ་ཆེན་མི་དམངས་ཀྱི་ཤ་རུས་ཁྲག་གསུམ་དང་ལུས་སེམས་སུ་འཐིམ་ནས་ཡོད་པ་ནི་བོད་རྒྱལ་ཁབ་དང་བོད་རང་བཙན་ཡིན།གནད་ལུགས་འདི་དག་གིས་ཕྱེད་རང་བཙན་ཡོད་པར་མཚོན་གྱི་ཡོད། ལྷག་པ་ཏུ་བོད་རྒྱལ་ཁབ་ཀྱི་དབུ་ཁྲིད་༧གོང་ས་མཆོག་འཛམ་གླིང་རྒྱལ་ཁབ་ཁག་གིས་མཐོང་ཆེན་པོ་ཡོད་པ་ནི་རང་བཙན་ཡོད་པའི་རྒྱལ་ཁབ་ཀྱི་དབུ་ཁྲིད་ཚོ་ལས་མཐོང་ཆེ་བ་མེད་ནའང་ཆུང་བ་རྩ་ནས་མེད།ནུབ་ཕྱོགས་ཡུང་རོ་གླིང་དུ་རྒྱལ་ཁབ་ཁག་ཅིག་གིས་བོད་ཀྱི་རྒྱལ་དར་རང་གི་སྲིད་གཞུང་ཁང་སོགས་ཀྱི་ཐོག་ཏུ་འཛུགས་ཡོད་ལ་བོད་རང་བཙན་ལ་མཐའ་གཅིག་ཏུ་རྒྱབ་སྐྱོར་བྱས་དང་བྱེད་བཞིན་པ་རེད།ཡུང་རོ་ནང་གི་སྟོབས་ཆེ་ཤོས་ཧྥི་ངན་སི་དང་འཇར་མི་ནིས་སོགས་རེད།རྒྱལ་ཁབ་འདི་དག་གིས་བོད་རང་བཙན་ལ་རྒྱབ་སྐྱོར་གནང་གི་ཡོད།མ་ཟད་༢༠༠༨ལོར་ཡུང་རོལ་གྲོས་ཚོགས་འཐུས་མིས་༧གོང་ས་མཆོག་ལ་རང་བཙན་ཐོག་ཏུ་ཕེབས་དང་ང་ཚོས་རྒྱབ་སྐྱོར་བྱེད་ཆོག་ཞེས་ཞུས་སོང༌།འདི་དག་གིས་རྣམ་པ་འགྱུར་བའི་རང་བཙན་ཡོད་པར་མཚོན་གྱི་ཡོད།། ཨ་རིའི་གྲོས་ཚོགས་ཀྱིས་ངོས་ནས་ཉིན་ཆ་བཙན་བྱོལ་ནང་དུ་བོད་ཀྱི་སྐད་ཡིག་སྲུང་སྐྱོབ་དང་བོད་མིའི་ངོ་བོ་སྲུང་སྐྱོབ་བྱེད་ཀྱི་ཡིན་ཞེས་གསུངས་པ་འདིས་བོད་རང་བཙན་ལ་རྒྱབ་སྐྱོར་མཚོན་གྱི་ཡོད་ལ་དོན་དངོས་པོའི་ཐོག་གི་རང་བཙན་ལ་རྒྱབ་སྐྱོར་གནང་སྟངས་ཤིག་ངོས་འཛིན་བྱེད་ཆོག སྲིད་འཛིན་བློ་བཟང་སེང་གེས་མཛད་སྒོའི་གཏམ་བཤད་ནང་བོད་ཀྱི་རང་དབང་བསྐྱར་གསོ་བྱེད་ནས་༧གོང་ས་མཆོག་བོད་ཀྱི་མི་རྗེ་ཕོ་བྲང་པོ་ཏ་ལའི་ནང་དུ་གདན་འདྲེན་ཞུ་རྒྱུའི་འབད་བརྩོན་བྱེད་རྒྱུ་ཡིན་ཞེས་དང༌།སྲིད་འཛིན་བློ་བཟང་སེང་གེ་མཆོག་གིས་བོད་ཁྱིམ་སློབ་ཟུར་བསྟན་འཛིན་རིག་གྲོལ་ལགས་ཀྱིས།བོད་ཡུལ་གྱི་ས་ཕོན་ཆེན་པོ་ཞིག་བཞུགས་སྒར་ངྷ་རམ་ས་ལར་ཁྱེར་ཡོང་བའི་སྐབས་སུ་བོད་ཀྱི་སའི་ཐིག་ཏུ་རྒྱལ་དར་འཛུགས་པ་དང༌།བོད་རང་དབང་བསྐྱར་གསོ་དང་༧གོང་ས་མཆོག་བོད་ཀྱི་རྒྱལ་ས་ལྷ་སར་གདན་འདྲེན་ཐོག གཞིས་བྱེས་བོད་མི་ཚང་མ་ཉིན་གཅིག་བོད་ལ་མཇལ་འཛོམས་ཐུབ་པའི་ཉིན་མོ་ཞིག་འཆར་རྒྱུ་དེ་བོད་མི་སྤྱི་ཡོངས་ཀྱི་རེ་བ་དང་འབད་བརྩོན་བྱ་ཡུལ་དེ་ཡིན་ཞེས་གསུངས་ཡོད།བོད་རང་དབང་བསྐྱར་གསོ་ཟེར་དུས་རང་བཙན་མ་གཏོགས་སྔར་ནས་ཡོད་བསྡད་པ་ཞིག་ད་ལྟའི་ཆ་བསྐྱར་གསོ་བྱ་རྒྱུ་ཞིག ་མེད།གསུངས་སྟངས་འདི་དག་གིས་སྲིད་འཛིན་བློ་བཟང་སེང་གེའི་སེམས་ཁམས་བོད་རང་བཙན་དང་འདྲེས་ནས་ཡོད་པར་གསལ་བསྟན་བྱེད་ཡོད།འདི་ཡང་ཕྱེད་རང་བཙན་ཡོད་པའི་མཚོན་རྟགས་ཤིག་ཡིན། ༧གོང་ས་མཆོག་གིས་སྲིད་འཛིན་བློ་བཟང་སེང་གེའི་མཛད་སྒོའི་ཐོག་ཏུ་བོད་མི་རིགས་རིག་གཞུང་དང་བཅས་པ་འཛམ་གླིང་ཐོག་ཏུ་ནག་བསུབས་བཏང་མ་ཐུབ་ཙམ་བྱུང་ཡོད་ཞེས་གསུངས་ཡོད།འཛམ་གླིང་ཐོག་ཏུ་བོད་རྒྱལ་ཁབ་ཀྱི་སྲིད་གཞུང་བཀའ་ཤག་མ་ལག་དང་བཅས་པ་ལྷག་པ་ཡོད་པ་ནི་གཙོ་བོ་༧གོང་ས་མཆོག་དང་བོད་ཀྱི་ཕ་མེས་དམ་པ་ཚོ་བྱས་རྗེས་ཡིན་པར་ཤེས་དགོས།གནས་ཚུལ་འདི་དག་གི་ཐོག་ཏུ་བོད་མི་སེམས་ལྡན་ཞིག་ཡིན་ན་བཀའ་དྲིན་ལ་བསམ་གཞིགས་བྱེད་དུས་མིག་ཆུ་སེམས་སུ་ལྷུང་ཡོང་བ་ཆོས་ཉིད་ཤིག་ལོས་ཡིན། བཀའ་སློབ་འདིས་ནག་བསུབས་མ་ཐུབ་པར་ཕྱེད་རང་བཙན་ལྷག་ཡོད་པར་བསྟན་གྱི་ཡོད། མ་འོང་བོད་རང་བཙན་ལེན་སྟངས། བཙན་བྱོལ་ནང་གི་རྩོམ་པ་པོའི་ཚོགས་གཙོ་ཆབ་བྲག་ལྷ་མོ་སྐྱབས་ལགས་ཀྱིས་སྡོམ་ཚིག་འདི་འདྲ་ཞིག་གནང་ཡོད།་་བདག་གིས་གོ་སྐབས་གང་ཞིག་རེ་བ་རྒྱག་གིན་ཡོད་ཟེར་ན་རྒྱ་ནག་དམངས་གཙོར་འགྱུར་བའི་ཉི་མ་དེའོ།དེའི་བར་ལ་ང་ཚོས་གཞན་མ་ཐུབ་ན་ཆོག ངེས་པར་ཐུབ་དགོས་པ་གཅིག་ཡོད་པ་ནི་རང་གི་རིག་གཞུང་དང་རང་ཉིད་མཉམ་གནས་ཐུབ་རྒྱུ་འདི་རེད།ཞེས་གསུངས་ཡོད།སྡོམ་ཚིག་འདི་ནི་ཁོང་མི་གཅིག་གི་བསམ་ཚུལ་ཙམ་མིན་པར་བོད་མི་ཤེས་ཡོན་ཅན་མང་ཆེ་བས་བསམ་ཚུལ་ཞིག་རེད། འཚེ་མེད་ཞི་བདེའི་ལྟ་གྲུབ་ལ་གཞིར་བཅོལ་བའི་ཐོག་ནས་ང་རང་ཚོས་ངོས་ནས་རང་བཙན་དང་རང་སྐྱོང་གང་བཤད་ཀྱང་གུང་ཁྲན་ཏང་གིས་དཔོན་རིགས་ཚོས་ངོས་ནས་ངོས་ལེན་བྱས་མེད་ལ་མ་འོང་པ་ཡང་ངོས་ལེན་བྱེད་ཀྱི་མ་རེད།ད་་་ང་ཚོ་ལ་ཐབས་ཤེས་གཅིག་ཡོད་པ་ནི་གུང་ཁྲན་ཏང་ཤི་སྒུག་བྱེད་ཀྱི་འདིར་རེད།གུང་ཁྲན་ཏང་ཚེ་ཐུང་རེར་གཏོང་རྒྱུ་དེར་རེད།ང་ཚོས་གུང་ཁྲན་ཏང་ཤི་སྒུག་བྱེད་པའི་དུས་ཡུན་ནང་རང་ཉིད་ཤི་མི་འགྲོ་བ་གནང་དགོས་པ་ནི་གནད་འགག་ཆེ་ཤོས་རེད།རང་ཉིད་དང་མཉམ་དུ་རང་གི་སྐད་ཡིག་གཙོ་བོ་གྱུར་པའི་བོད་མི་རིགས་ཀྱི་ངོ་བོ་མཚོན་པའི་རིག་གཞུང་རྣམས་སུ་བདག་པོ་རྒྱབ་ཐུབ་དགོས། སྐད་ཡིག་དང་རིག་གཞུང་བདག་པོ་རྒྱབ་སྟངས་༢༠༠༩ལོར་བྲིས་པའི་ཐ་སྙད་གསར་པའི་སྐོར་གྱི་རྩོམ་ཡིག་ནང་དུ་གསལ་བསྟན་བྱས་ཡོད་ལ་མ་བཀའ་སྤྱི་གཉིས་སུ་སྙན་ཞུ་ཕུལ་བརྩིས་ཀྱང་ཡོད་པས་འདིར་གསལ་བཤད་དགོས་ པར་མ་མཐོང༌། རང་བཙན་རྩོད་དུས་སུ་དང་པོར་རྩོད་ས་ངོས་འཛིན་ལ་དབྱེ་ན་གཉིས་ཡོད།གུང་ཁྲན་ཏང་དང་འཛམ་གླིང་རྒྱལ་སྤྱི་གཉིས་རེད།དང་པོར་གུང་ཁྲན་ཏང་གི་མཉམ་དུ་བོད་རང་བཙན་བཤད་ས་མེད།བོད་རང་བཙན་བཤད་ན་གུང་ཁྲན་ཏང་གིས་ང་ཚོ་གསོད་ཀྱི་རེད།གནད་དོན་གཅིག་རེད།གཉིས་ནས་གུང་ཁྲན་ཏང་འདིས་རྒྱ་ནག་མི་དམངས་ཀྱི་སྐུ་ཚབ་མཚོན་ཐུབ་ཀྱི་མེད་ལ་རྒྱ་ནག་རྒྱལ་ཁབ་ཀྱི་བདག་པོ་ཡང་མིན་པས་སྐད་ཆ་བཤད་ཀྱང་ཕན་ཐོགས་མེད།རྗེས་སུ་རྒྱ་ནག་ནང་དུ་དམངས་གཙོ་ལམ་ནས་འོས་བསྡུ་བྱུང་བའི་སྲིད་འཛིན་དང་དབུ་ཁྲིད་སླེབས་དུས་སུ་བདག་པོའི་མཉམ་དུ་རང་བཙན་དང་རང་སྐྱོང་གང་བཤད་ནའང་དོན་དངོས་དང་མཐུན་པ་རེད། གྲུབ་འབྲས་ཤིག་ཀྱང་ཡོང་ངེས་རེད། རྒྱལ་སྤྱིའི་ནང་དུ་བོད་རང་བཙན་རྩོད་སྟངས། འཛམ་གླིང་འདིའི་ཐོག་ཏུ་མི་སྡེ་ཡི་སྤྱི་ཚོགས་ཤིག་དང་ཡུལ་ལུང་ཞིག་ལ་རྒྱལ་ཁབ་ཀྱི་ཐོབ་ཐང་ཡོད་མེད་དང་རང་བཙན་ཡོད་མེད་གཞིར་འཛིན་ས་འཛམ་གླིང་མཉམ་འབྲེལ་རྒྱལ་ཚོགས་ནང་དུ་དེབ་བསྐྱེལ་ཡོད་མེད་རེད།འཛམ་གླིང་མཉམ་འབྲེལ་རྒྱལ་ཚོགས་ཀྱི་ཚོགས་ཁུངས་སུ་རྒྱལ་ཁབ་༡༩༢ཡོད།རྒྱལ་ཚོགས་ཀྱི་ཚོགས་ཁུངས་སུ་འཛུལ་ཞུགས་བྱེད་པར་ཚོགས་ཁུངས་ཀྱི་རྒྱལ་ཁབ་དེ་དག་གིས་ངོས་ལེན་གནང་དགོས།གུང་ཁྲན་ཏང་གིས་ངོས་ལེན་གནང་གི་མ་རེད་ཏེ་ཁོ་རྒྱལ་ཁབ་གཅིག་གཅིག་པོ་རེད།དམངས་གཙོའི་སྤྱི་ཚོགས་ནང་དུ་གཅིག་གི་ཤུགས་ཙམ་མ་གཏོགས་མེད། གུང་ཁྲན་ཏང་ལ་རེ་བ་མི་རྒྱབ་ཁོ་ཕར་ཞོག ད་་་རྒྱལ་སྤྱིའི་་ཚོགས་ཁུངས་ཡིན་པའི་རྒྱལ་ཁབ་༡༩༡་གིས་ངོས་ནས་བོད་རང་བཙན་ལ་ངོས་ལེན་ཡོང་ཐབས་བྱེད་དགོས།རྒྱལ་ཁབ་དེ་དག་གི་ནང་ནས་རྒྱལ་ཁབ་༣༧ཙམ་གྱི་ནང་དུ་བཙན་བྱོལ་བོད་མི་གནས་བསྡད་བྱས་ཀྱི་ཡོད།བཙན་བྱོལ་བོད་གཞུང་གི་ཚོགས་ཁུངས་ཡིན་པའི་བོད་རིགས་སྤྱི་མཐུན་ཚོགས་པ་བཙུགས་ཡོད།རང་རང་གིས་རང་ཉིད་ཀྱི་སྐྱབས་བཅོལ་ཡུལ་གྱི་རྒྱལ་ཁབ་དེ་དག་གིས་བཙན་བྱོལ་གཞུང་འདིར་སྐྱབས་བཅོལ་གཞུང་ཞིག་དང་བོད་རྒྱལ་ཁབ་འདི་རྒྱལ་ཁབ་ཤིག་ཡིན་པར་ངོས་ལེན་ཡོང་ཐབས་ཁྲིམས་གཏུག་བྱེད་དགོས། བཙན་བྱོལ་བོད་གཞུང་གིས་ངོས་ནས་ཀྱང་འཚེ་མེད་ཞི་བདེའི་ལྟ་གྲུབ་ལ་གཞིར་བཅོལ་ནས་བཙན་བྱོལ་བོད་མིའི་སྐྱབས་ཡུལ་གྱི་རྒྱལ་ཁབ་ཁག་གི་ཁྲིམས་ཁང་་ནང་དུ་ཁ་མཆུ་རྒྱབ་དགོས་ལ་རྒྱལ་ཁབ་རེ་རེས་ངོས་ནས་བཙན་བྱོལ་བོད་གཞུང་འདིར་སྐྱབས་བཅོལ་གཞུང་ཡིན་པ་དང་བོད་རང་བཙན་ཡིན་པར་རྒྱལ་སྤྱིས་ངོས་ལེན་ཡོང་ཐབས་ཀྱི་རྒྱབ་སྐྱོར་འཚོལ་དགོས།འཛམ་གླིང་ཐོག་གི་དམངས་གཙོ་རྒྱལ་ཁབ་ཁག་ཏུ་ཁྲིམས་གཏུག་བྱེད་ས་དང་དྲང་བདེན་བཤད་ས་ཡོད།ང་ཚོས་རྒྱབ་སྐྱོར་ཐོབ་ངེས་ཡིན་པས་ཡིད་ཆེས་བྱེད་ཆོག སྲིད་འཛིན་བློ་བཟང་སེང་གེ་མཆོག་གིས་བོད་དོན་འཐབ་རྩོད་ཀྱི་ནུས་པ་བཅུ་དང་རྩ་དོན་གསུམ་གསུངས་ཡོད་པ་རྣམས་བེད་སྤྱོད་ཀྱིས་དམངས་གཙོ་རྒྱལ་ཁབ་ཁག་ཏུ་ཁྲིམས་གཏུག་བྱ་ཆོགལྷག་པ་ཏུ་༧གོང་ས་མཆོག་གི་གཟི་བརྗིད་ཀྱི་ནུས་པ་ཧ་ཅང་ཆེན་པོ་རེད།འདིར་བེད་སྤྱོད་བྱེད་ཆོགབོད་ཀྱི་ཁོར་གཡུ་ཡི་ནུས་པ་བེད་སྤྱོད་བྱེད་ཆོག ད་དུང་ཁ་མཆུ་མ་ཐོབ་ན་ཞི་བའི་ངོ་རྒོལ་གྱི་ཐོག་ནས་སྲོག་བེད་སྤྱོད་གཏོང་ཆོག བོད་མི་མང་པོས་བོད་ཀྱི་རྩ་དོན་ཐོག་ཏུ་ཤི་དགོས་པ་བྱུང་ན་གྲལ་སྒྲིག་ཡོད་ཞེས་བཙན་བྱོལ་བོད་གཞུང་ལ་དེབ་བསྐྱེལ་བྱས་ཡོད། འདི་དག་ནི་ཁྲིམས་གཏུག་གི་ནུས་པ་ཐོན་པའི་ཆ་རྐྱེན་ཡིན། ཁྲིམས་གཏུག་ཐུབ་པའི་ཁྲིམས་རྩོད་པ། ང་ཚོ་ལ་རྒྱལ་སྤྱིའི་ཁྲིམས་ལུགས་སུ་མཁས་པའི་སྲིད་འཛིན་བློ་བཟང་སེང་གེ་མཆོག་བསླེབས་ཡོད་པ་ནི་ཁྲིམས་རྩོད་ཐུབ་པའི་ཁྱད་ཆོས་གལ་ཆེ་ཞིག་ཚང་བ་རེད། དེང་སང་ནུབ་ཕྱོགས་རྒྱལ་ཁབ་ཁག་གི་ནང་དུ་རྒྱལ་སྤྱིའི་ཁྲིམས་རྩོད་པའི་ཁྱད་ལས་སློབ་སྦྱོང་ཡོད་པ་བོད་མི་མི་ཉུང་བ་ཞིག་ཡོད།ཁྲིམས་རྩོད་པ་བོད་མི་འདི་དག་ནི་བོད་དོན་འཐབ་རྩོད་ཀྱི་ཆེད་དུ་གལ་ཆེན་པོ་ཆགས་ཡོད།མ་འོང་པ་ཡང་ཁྲིམས་རྩོད་པའི་ཁྱད་ལས་པ་བོད་མི་མང་པོ་ཐོན་ངེས་རེད།ང་ཚོས་ཁྲིམས་གཏུག་ཐུབ་པའི་ཆ་རྐྱེན་རེད།ཁྲིམས་རྩོད་པ་འདི་དག་བཙན་བྱོལ་བོད་གཞུང་གིས་ངོས་ནས་བདག་པོ་ཡག་པོ་རྒྱབ་དགོས་ལ་བེད་སྤྱོད་ཡག་པོ་གཏོང་དགོས།འཛམ་གླིང་ཐོག་ཏུ་ཡོད་པའི་བོད་མི་ཁྲིམས་རྩོད་པ་རྣམས་ཀྱིས་རྒྱལ་སྤྱིའི་ཁྲིམས་ལུགས་དང་མཐུན་པ་ས་གནས་ཡུལ་ཁྲིམས་དང་མཐུན་པའི་ཐོག་ནས་བཙན་བྱོལ་བོད་གཞུང་གི་ཁྲིམས་གཏུག་བྱེད་སྟངས་གཏན་འབེབས་བྱ་དགོས།བཙན་བྱོལ་བོད་མི་རྣམས་ཀྱིས་ཁ་ཕྱོགས་དང་ལམ་ཕྱོགས་གཅིག་གི་ཐོག་ནས་བཙན་བྱོལ་བོད་གཞུང་འདི་རྒྱལ་སྤྱི! ས་ངོས་ལེན་ཡོད་པའི་སྐྱབས་བཅོལ་གཞུང་ལ་སྒྱུར་ཐུབ་པ་བྱེད་དགོས། འཇམ་དབྱངས་ནོེར་བུ་ལགས་ཀྱིས་སྔར་ནས་སྟོན་བསྡད་པའི་བོད་རང་བཙན་གྱི་དཔང་རྟགས་རྣམས་དང་དཔང་རྟགས་གང་ཡོད་པ་ཚང་མ་གྲལ་སྒྲིག་ཡོད་པའི་ཐོག་ནས་ཁྲིམས་ཁང་ནང་དུ་སྟོན་དགོས།བཙན་བྱོལ་བོད་གཞུང་གིས་ཁ་མཆུ་རྒྱབ་སྟངས་གཏན་འབེབས་ཚར་དུས་ས་གནས་བོད་རིགས་སྤྱི་མཐུན་ཚོགས་པ་ཁག་གིས་ས་གནས་ས་ཐོག་ཏུ་ལག་ལེན་བསྟར་དགོས།ཁྲིམས་རྩོད་པ་དང་དཔང་རྟགས།འཛམ་གླིང་ཐོག་གི་སྐད་ཡིག་མང་ཤོས་བཙན་བྱོལ་བོད་མིས་ཤེས་ཀྱི་ཡོད་པ།འཛམ་གླིང་རྒྱལ་ཁབ་མང་པོའི་ཁྲིམས་ལུགས་ཤེས་ཀྱི་ཡོད་པར་སོགས་བོད་མི་རིགས་འདི་ལ་ཁྲིམས་གཏུག་ཐུབ་པའི་ཆ་རྐྱེན་བཟང་པོ་ཞིག་ཚང་བསྡད་ཡོད་ད།ཀི་ཧུ་ཧུ།་་ཀི་ཧུ་ཧུ།་་ཀི་ཧུ་ཧུ།། ནོར་བུ་རང་ལ་ཡོད་དུས་ནོར་བུའི་ནོར་ཉམས་ཆད་དགོས་ཟེར་བར་འདི་འདྲ་ལ་གོ་དགོས་པར་འདོད་དོ། རྒྱ་ནག་གི་དམངས་གཙོ་ལ་བོད་མིའི་འགན་ཁུར། རྒྱ་མི་རིགས་དུང་ཕྱུར་མང་པོའི་རང་དབང་དམངས་གཙོ་ལ་བོད་མིས་འགན་ཁུར་དགོས།རྩོད་རོགས་བྱེད་དགོས།དམངས་གཙོ་དོན་གཉེར་བའི་རྒྱ་རིགས་རྣམས་དང་བློ་སེམས་གཅིག་སྒྲིལ་གྱི་ཐོག་ནས་རྒྱ་ནག་དམངས་གཙོ་ཅན་དུ་འགྱུར་བ་ལ་ཤུགས་རྒྱབ་དགོས།ང་ཚོས་ངེས་པ་ཏུ་བསམ་བློ་གཏོང་དགོས་པ་ནི་མི་དམངས་བཅིངས་གྲོལ་དམག་ཟེར་བ་འདི་རྒྱ་ནག་མི་དམངས་གསོད་མཁན་ལག་དམར་བ་ཞིག་ལ་མི་འགྱུར་ཐབས་བེད་དགོས། འདི་ལ་གཟབ་དགོས། གུན་ཁྲན་ཏང་དམངས་གཙོ་ལ་སྒྱུར་དགོས་པ་ནི་སྤྱིར་མི་སེར་དུང་ཕྱུར་༡༣་གྱི་རང་དབང་དང་སྒེར་བོད་མི་རིགས་ཀྱི་ཐོབ་ཐང་དང་འབྲེལ་བ་ཆེ་བས་བོད་ཕྱི་ནང་གཉིས།བོད་གཞུང་དམངས་གཉིས་ཀྱིས་ཤུགས་རྒྱབ་ནས་རྒྱ་ནག་དམངས་གཙོ་ལ་སྒྱུར་ཐུབ་པ་བྱ་དགོས། མི་དམངས་བཅིངས་འགྲོལ་དམག གུང་ཁྲན་ཏང་དམངས་གཙོ་སྒྱུར་བ་ལ་མི་དམངས་བཅིངས་འགྲོལ་དམག་ལ་བསམ་བློ་གཏོང་དགོས། མི་དམངས་བཅིངས་འགྲོལ་དམག་འདི་རྒྱ་ནག་མི་དམངས་གསོད་པའི་ཤན་པ་ལག་དམར་བ་ཞིག་ལ་མི་འགྱུར་ཐབས་བྱེད་དགོས།རྒྱ་ནག་ནང་དུ་དམངས་གཙོའི་ལས་འགུལ་བས་གྱེན་ལང་ཆེན་པོ་བྱུང་ན་མི་དམངས་བསྡམས་གསོད་བྱེད་མདོག་ཁག་པོ་རེད།འཇིགས་སྣང་ཆེ་ཤོས་འདིར་རེད།རྒྱ་ནག་དམངས་གཙོ་དོན་གཉེར་བ་ཚོས་བསམ་བློ་གཏོང་དགོས་པའི་སྐད་ཆ་གཅིག་རེད། མི་དམངས་བཅིངས་འགྲོལ་དམག་གིས་མི་སེར་མི་གསོད་པའི་གདེང་ཚོད་མེད་ན་རྒྱ་ནག་དམངས་གཙོ་ལ་སྒྱུར་འདོད་བྱེད་ན་ནོར་འཁྲུལ་རེད།དང་པོར་མི་དམངས་བཅིངས་འགྲོལ་དམག་ལ་བསླབ་བྱ་རྒྱབ་དགོས།དེ་ཡང་དམག་མི་དེ་དག་ལ་ཨ་མ་ཡོད་མདོག་ཁག་པོ་རེད།རང་རང་གི་ཨ་མ་ལགས་ཚོས་རང་གི་བུ་དེ་ཨ་མ་རང་ཉིད་མི་གསོད་པའི་དམག་མི་ཞིག་དང་སྤུན་ཟླ་མི་གསོད་པ།རྒྱ་ནག་མི་དམངས་དུང་ཕྱུར་༡༣་གྱི་ཐོག་ཏུ་མེ་མདའ་མི་རྒྱབ་མཁན་གྱི་མི་དམངས་བཅིངས་འགྲོལ་དམག་མི་ཞིག་ཡོང་ཐུབ་པའི་བསླབ་བྱ་རྒྱབ་དགོས། རྒྱ་ནག་གི་རྩོམ་བྲིས་པ་དང་སྒྱུ་རྩལ་བ།གླུ་བ་དང་གླུ་མ་བཅས་ཀྱིས་མི་དམངས་བཅིངས་དམག་ལ་མི་དམངས་མི་གསོད་མི་ཉན་པའི་བསླབ་བྱ་རྒྱབ་རོགས་བྱོས།།རྒྱ་རིགས་དུང་ཕྱུར་མང་པོའི་སྲོག་གི་ཆེད་དུ་བསམ་བློ་ཐོངས། རྒྱ་མཁས་དབང་ཚོ།། མཇུག་སྡོམ། འཛམ་གླིང་མཉམ་འབྲེལ་རྒྱལ་ཚོགས་ནང་དུ་དེབ་སྐྱེལ་ཐུབ་པའི་ཉིན་མོ་དེ་ནས་བོད་རང་བཙན་ཐོབ་ཚར་བ་རེད་ལ་གུང་ཁྲན་ཏང་ཤི་སོང་ན་ས་ཆ་ཚུར་ལེན་གྱི་གཅིག་པོ་རེད།གུང་ཁྲན་ཏང་སྡོད་པའི་རིང་དུ་བོད་མི་རྣམས་ཀྱིས་མ་འོང་བོད་རང་བཙན་ཐོབ་དུས་སུ་བོད་ཀྱི་ཆབ་སྲིད་དང་དཔལ་འབྱོར་རིག་གནས།ཕྱི་རྒྱལ་ཁབ་ཁག་གི་ཁྱད་ལས་བོད་ཡིག་ནང་དུ་སྒྱུར་བ་དང་ཁ་བ་རི་པ་ལ་དགོས་མཁོ་ཆེ་བའི་རིག་གནས་རྣམས་ནང་འདྲེན་བྱེད་དགོས།དེ་འདྲ་མ་ཐུབ་ན་རང་བཙན་ཐོབ་ཀྱང་བདེ་སྐྱིད་མི་ཐོབ།རང་བཙན་ཐོབ་ཀྱང་རང་ཡུལ་ཟིན་མི་ཐུབ། རང་བཙན་ཐོབ་ཀྱང་འཚོ་བ་མི་འཁྱོངས།ངེས་པ་ཏུ་བྱ་ཐུབ་པ་བྱེད་དགོས། ངས་ཅིག་བཤད་པ་འདི་༧གོང་ས་མཆོག་གི་རྒྱ་སྐྱིད་བོད་བདེ་ཡི་ལྟ་གྲུབ་དང་མི་འགལ་ལ་བཀྲས་མཐོང་གི་རང་ཐག་རང་གཅོད་ཀྱི་ལམ་ཕྱོགས་དང་མཐུན་གྱི་ཡོད།བདེན་པ་ཁྲིམས་ལུགས་ཀྱི་མདུན་སར་ཨུ་ཚུགས་རྒྱབ་སྟངས་འདི་ཟམ་གདོང་གི་བདེན་པའི་ཨུ་ཚུགས་ཟེར་ནའང་འདི་འདྲ་ཞིག་མིན་ནམ་སྙམ།དགེའོ། རྩམ་པ་ཡུན་རིང་ཟས་པའི་རིན་འབབ་ལ། རྩམ་གཟན་བོད་མི་རྣམས་ཀྱི་ཞབས་དྲུང་དུ། རྩམ་ཕྲུག་ཅོ་རིའི་སྙིང་གིས་མ་བཟོད་པར། རྩམ་སྐད་འདི་དག་ཁ་ནས་ཤོར་སོང་ངོ།།༢༠༡༡ལོར་སྤྱི་ཟླ་༡༢པའི་ཚེས་༡༣ཉིན་བྲིས།བོད་རང་བཙན་རྒྱལ་ལོ།།
Sunday, November 20, 2011
༄༅། །ཐ་སྙད་གསར་པ།
ཅོ་རི་ཉི་མ། སུད་སི།
བོད་ཁ་བ་ཅན་གྱི་སྐད་ཡིག་གི་སྐོར་ལ་ང་རང་བོད་སྐད་ཡག་པོ་མི་ཤེས་པའི་བོད་མི་དཀྱུས་མ་ཞིག་གིས་ངོས་ནས་དོན་ཅུང་ཟད་ཞུ་སྙིང་སྤྲོ་བ་ནི། ས་ཡི་གོ་ལ་འདིའི་སྟེང་དུ་རྒྱལ་ཁབ་མི་འདྲ་རེ་རེས་དངོས་པོ་གསར་པར་མི་འདྲ་བ་རེ་རེ་བཟོ་བསྐྲུན་བྱས་ནས། དངོས་པོ་གསར་པ་མི་འདྲ་རེ་ལ་མིང་ཚིག་གི་ཐ་སྙད་གསར་པ་མི་འདྲ་བ་རེ་ཐོག་མ་བརྡ་སྦྱར་ནས་མིའི་སྤྱི་ཚོགས་ནང་དུ་རླུང་འཕྲིན་དང་བརྙན་འཕྲིན་ཁག་ནས་དངོས་པོ་འདིའི་མིང་ལ་འདི་ཟེར་ཞེས་ཁྱབ་བསྒྲག་བྱེད་པ་དང༌། དེ་འདྲ་བའི་མིང་ཚིག་གི་ཐ་སྙད་དེ་དངོས་མིང་ཡིན་པ་དང༌། རྒྱུ་མཚན་ནི། ང་རང་ཚོ་ཁ་བ་རི་པའི་བསྟན་བཅོས་མཚན་ཉིད་རིག་པའི་གཞུང་ལས། སྐྱེ་བོའི་བརྗོད་པ་ལྕེ་རྐན་ལས་བྱུང་བའི་སྐད་ཀྱི་གདངས། ཡི་གེའི་མཚན་ཉིད། མིང༌། ཚིག་དང༌། ཡི་གེ་གསུམ་དོན་གཅིག། མིང་ལ་དབྱེ་ན། དངོས་མིང་དང་བཏགས་མིང་གཉིས། དོན་དེ་ལ་འདོད་རྒྱལ་མཁན་པོས་ཐོག་མ་བརྡ་སྦྱར་ཞིང་སྦྱར་བ་སྟར་དོན་དེ་འཁྲུལ་མེད་དུ་གོ་བ་བྱེད་པའི་ཉན་བྱ། དངོས་མིང་གི་མཚན་ཉིད། དོན་དེ་ལ་འདོད་རྒྱལ་མཁན་པོས་ཐོག་མ་བརྡ་སྦྱར་མ་ཡིན་པ་ཕྱིས་བརྡ་སྦྱར་བའི་ཉན་བྱ། བཏགས་མིང་གི་མཚན་ཉིད།དཔེར་ན། CAMPTERཀམ་པུ་ཌར་ཞེས་པ་དངོས་མིང་དང་རྗེས་སུ་བརྡ་སྦྱར་བའི་གློག་ཀླད་དང་རིག་པའི་གཏེར་མཛོད་ཞེས་པ་ནི་བཏགས་མིང་རེད། དེང་སང་ང་ཚོ་བོད་པའི་སྤྱི་ཚོགས་ནང་མཁས་པ་ཁག་ཅིག་གིས་བོད་ཡིག་འདང་གི་མི་འདུག་ཟེར་བའི་རྒྱུ་མཚན་ནི། འཛམ་གླིང་འདིའི་སྟེང་དུ་གསར་ཐོན་ཅ་ལག་མི་འདྲ་བ་དུ་མ་དང༌། ཆབ་སྲིད་ཀྱི་ཚོགས་པ་མི་འདྲ་བ་རེ་ལ་རྩ་ཁྲིམས་ཀྱི་འགྲོ་ལུགས་མི་འདྲ་བ་རེ་དང༌། དཔལ་འབྱོར་གྱི་ཡར་རྒྱས་མི་འདྲ་བ་རེ་ལ་ཚན་རིག་གི་ལག་རྩལ་མི་འདྲ་བ་རེ་དང༌། ཚན་རིག་གི་ལག་རྩལ་མི་འདྲ་བ་རེ་ལ་རྡུལ་ཕྲན་གྱི་འཕྲུལ་འཁོར་མི་འདྲ་བ་རེ་ཡོད་པ་རྣམས་ལ་ཐུན་མོང་མ་ཡིན་པའི་བོད་སྐད་ཀྱི་ཐོག་ནས་མིང་ཚིག་གི་ཐ་སྙད་མི་འདུག་སྙམ་པ་རེད། དཔེར་ན། ཀམ་པུ་ཌར་ལ་ཀམ་པུ་ཌར་ཞེས་བརྗོད་པ་དེ་རྒྱལ་ཁབ་ཞན་གྱི་སྐད་ཡིག་དུ་འདོད་པ་དང༌། ཀམ་པུ་ཌར་ལ་གློག་ཀླད་ཞེས་བརྗོད་པ་དེ་ཐུན་མོང་མ་ཡིན་པའི་བོད་ཀྱི་སྐད་ཡིག་དུ་འདོད་དོ།། དེ་འདྲ་འདོད་པའི་མཁས་དབང་རྣམས་ལ་ཞུ་རྒྱུ། CAMPUTERཀམ་པུ་ཌར་ཞེས་བྲིས་པ་དང་བརྗོད་པ་དེ་བོད་སྐད་དུ་མི་འདོད་ན། ཨ་མེ་རི་ཀའི་རྒྱལ་ས་ཝ་ཤིང་ཁྲོན་ལ་ཝ་ཤིང་ཁྲོན་ཞེས་བྲི་བའམ་བརྗོད་པ་དེ་བོད་སྐད་དུ་ཨེ་འདོད། མི་འདོད་ན། བོད་ཀྱི་རྒྱལ་ས་ལྷ་ས་ལ་LHASAཞེས་བྲི་བ་དང་བརྗོད་པ་དེ་དབྱིན་སྐད་དུ་ཨེ་འདོད། མི་འདོད་ན།དབྱིན་སྐད་ཐོག་ནས་ཇི་ལྟར་བྲི་དགོས་ཇི་ལྟར་བརྗོད་དགོས། འདོད་ན། ཀམ་པུ་ཌར་ཞེས་པ་ཡང་བོད་སྐད་དུ་འདོད་པར་ཐལ། གཅིག་མཚུངས་ཡིན་པའི་ཕྱིར། ཧཧཧཧཧཧ་ ཀམ་པུ་ཌར་ལ་གློག་ཀླད་ཞེས་མིང་བཏགས་པ་དེ་ནི་མིང་ལྷག་རེད། དཔེར་ན། དང་པོ་བུ་ཞིག་སྐྱེ་དུས་བླ་མའི་དྲུང་དུ་རིག་འཛིན་ཞེས་པ་མཚན་གསོལ། གཉིས་པ་རྐང་པ་ཆག་དུས་རིག་འཛིན་རྐང་འཁྱོག་ཞེས་པའི་མིང་ལྷག་བཏགས། རིག་འཛིན་ཞེས་པ་ནི་དངོས་མིང་རེད་ལ། རྐང་འཁྱོག་ཞེས་པ་ནི་མིང་ལྷག་ཡིན་པ་ཚང་མས་མཁྱེན་གསལ་ལྟར། དེ་དང་དེ་འདྲ་བའི་འཛམ་གླིང་འདིའི་སྟེང་དུ་གྲངས་ལས་འདས་པའི་གསར་ཐོན་གྱི་དངོས་པོ་ཐམས་ཅད་ལ་མིང་ལྷག་རེ་བཏགས་ནས། དེ་ནི་ང་རང་ཚོའི་ཐུན་མོང་མ་ཡིན་པའི་བོད་ཀྱི་སྐད་ཡིག་གི་ཡིག་སྲོལ་དུ་འདོད་པ་ཡིན་ན། བོད་མི་རིགས་ཀྱི་སྟེང་དུ་རྨོངས་པའི་མུན་ནག་འཁྲིགས་པ་དང༌། བོད་ཀྱི་སྐད་ཡིག་སྣུམ་ཟད་མར་མེ་བཞིན་དུ་འགྱུར་འགྲོ་བའི་ཉེན་ཁ་ཡོད་པར་སྣང༌། རྒྱུ་མཚན་ནི། དཔེར་ན། ཀམ་པུ་ཌར་ཞེས་བོད་མི་ཞིག་གི་ཁ་ནས་བརྗོད་དུས་འཛམ་གླིང་འདིའི་སྟེང་དུ་མི་མང་དུང་ཕྱུར་མང་པོས་ཧ་གོ་ཐུབ་པ་དང་གློག་ཀླད་ཞེས་འབོད་པ་ཡིན་ན་མི་བརྒྱ་ཕྲག་ཁ་ཤས་མ་གཏོགས་གོ་མི་ཐོབ་པ་ནི་ང་རང་ཚོས་མིག་མཐོང་ལག་གསལ་རེད། སྐད་ཡིག་གི་ཡོན་ཏན་གཙོ་བོ་ནི་འགྲོ་བ་མི་དང་མིའི་བར་ལ་གོ་བརྡ་ཕྲད་ཐུབ་པ་དེ་རེད། ང་རང་ཚོའི་སྐད་ཡིག་འདིའི་ཐོག་ནས་མི་རིགས་མང་པོ་ཞིག་དང་རྒྱལ་ཁབ་མང་པོ་ཞིག་ལ་གོ་བརྡ་འཕྲོད་ཐུབ་པའི་ཐག་ཐུང་དུ་བཏོང་ཐུབ་པ་ཡིན་ན། དཔེར་ན། ནང་པ་སངས་རྒྱས་པའི་ལྟ་བ་རྟེན་འབྱུང་དང་སྤྱོད་པ་འཚེ་བ་མེད་པ་གཉིས་ཉིན་རེ་མི་ཚེའི་ནང་བེད་སྤྱོད་བྱེད་ནས་མཐར་ཐུག་གི་བདེ་བ་ཐོབ་ཐུབ་པའི་རིག་གནས་དེ་མི་རིགས་གཞན་ཞིག་དང་རྒྱལ་ཁབ་གཞན་ཞིག་གི་རྩ་བ་ནས་སློབ་སྦྱོང་བྱེད་དགོས་པ་མེད་ན་ཡང༌། ཆབ་སྲིད་ཀྱི་རྩ་ཁྲིམས་དང༌། དཔལ་འབྱོར་གྱི་ལམ་ལུགས། ཚན་རིག་གི་ལག་རྩལ། བཟོ་ལས། ཞིང་ལས། འབྲོག་ལས་ལ་སོགས་པ་མཐར་ན་རྩྭ་བཀྲག་བཟོ་སྟངས་ཡང་མི་རིགས་གཞན་དང་རྒྱལ་ཁབ་གཞན་གྱི་རྩ་ནས་རིག་གནས་དེ་ཚོ་སློབ་སྦྱོང་བྱེད་པ་ལ་མགྱོགས་ཚད་མྱུར་དུ་ཕྱིན་པ་རེད། དེ་ལྟར་མ་ཡིན་པ་བྱ་དངོས་གསར་པ་རེ་ལ་མིང་ལྷག་གསར་པ་རེ་བཏགས་ནས་མི་རིགས་གཞན་ཞིག་ལ་གོ་བརྡ་འཕྲོད་ནས་ཡོན་ཏན་སྦྱོང་རྒྱུ་ཕར་བཞག་ང་རང་ཚོ་ནང་ཁུལ་ཡང་རིག་གནས་དེ་ཚོའི་སྐོར་བཤད་དུས་གོ་བརྡ་མ་འཕྲོད་ནས་བོད་ཡིག་གི་འདང་གི་མི་འདུག་ཟེར་ནས་མགོ་བོ་སྒུར་སྡོད་པ་དེ་ནི། བོད་མི་རིགས་ཀྱི་སྟེང་དུ་འཁྲིགས་པའི་རྨོངས་པའི་མུན་ནག་རེད། གཉིས་པ། བོད་ཀྱི་སྐད་ཡིག་དེ་སྣུམ་ཟད་མར་མེ་བཞིན་དུ་འགྱུར་འགྲོ་བ་སྣང་བའི་རྒྱུ་མཚན་ནི། ཐ་སྙད་གསར་པ་བཟོ་བའི་མཁས་དབང་ཚོས་བྱ་དངོས་གསར་པ་རེ་ལ་མིང་ལྷག་གསར་པའི་ཐ་སྙད་རེ་བཏགས་ནས་ཚིག་མཛོད་ཆེ་ཐག་ཆོད་ཅིག་བཟོས་པ་ཡིན་ན་ཡང་བོད་རྒྱ་ཆེའི་མི་དམངས་ཀྱིས་གསར་དུ་སྦྱོང་དགོས་པ་ལས་སྔར་ནས་ཤེས་པའི་ཐ་སྙད་ནི་གཅིག་ཀྱང་མེད། དེ་འདྲ་བའི་མིང་ཚིག་གི་ཐ་སྙད་རྣམས་ཁས་བརྗོད་ཐུབ་པ་དང་ལག་པས་བྲི་ཤེས་པ་དོན་གོ་ཐུབ་པ་སློབ་སྦྱོང་བྱེད་དགོས་པའི་བྱེད་པ་པོ་ནི། བོད་ཕྱི་ནང་གཉིས་སུ་གནས་པའི་བོད་རིགས་རྣམ་པ་མ་གཏོགས་གཞན་སུ་ཡང་མེད། བོད་ཁ་བ་ཅན་ལ་གནས་པའི་བོད་རིགས་སྤུན་ཟླའི་ནང་ནས་སུ་དང་སུ་ཡིས་མིང་ཚིག་གི་ཐ་སྙད་གསར་པར་སློབ་སྦྱོང་བྱེད་འདོད་དོ་ཞེས་ཞིབ་ཅིང་ཕྲ་བའི་བསམ་བློ་བཏོང་དུས། མཐོ་རིམ་མི་དྲག་ཁག་གིས་སྦྱོང་ངོ་ཞེ་ན། དེ་ནི་མ་ཡིན་སྟེ། དབང་ཤེད་ཆེ་བའི་དཔོན་ངན་ཟ་རྔམ་ཅན་གྱི་གཅེས་ཕྲུག་དང་འབྱོར་པ་ཆེ་བའི་ཚོང་དཔོན་རྒྱུ་རྔམ་ཅན་གྱི་སྙིང་ཕྲུག་ཡོན་ཏན་ཆེ་བའི་དགེ་རྒན་རྒྱ་སྐད་ཅན་བུ་ཕྲུག་རྣམས་ཀྱིས་ནི། ཉིན་རེའི་འཚོ་བའི་ནང་དུ་ཡང་རྒྱ་སྐད་བེད་སྤྱོད་བྱེད་ནས་མི་ཚེ་སྐྱེལ་བ་མ་གཏོགས་རང་གི་དྲིན་ཅན་ཨ་མའི་སྐད་ཡིག་ལ་འབད་བརྩོན་དང་སྦྱོང་བརྡར་བྱེད་པ་ནི། ཉིན་མོ་ཡི་སྐར་མ་དང་རི་བོང་རྭ་ནང་བཞིན་རེད། འོ་ན་ད་སུ་ཡོད།། རི་བོ་མཐོ་སྒང་སྟེང་དུ་གནས་པའོ་འབྲོག་པ་དང་ལུང་ཁུག་གྲོང་གསེབ་ཁག་ཏུ་གནས་པའོ་ཞིང་པ་རྣམས་ཀྱིས་སློབ་སྦྱོང་བྱེད་དོ་ཞེ་ན། དེ་ནི་མ་ཡིན་ཏེ། བོད་ཀྱི་ཞིང་འབྲོག་རྒྱ་ཆེའི་མང་ཚོགས་ནང་དུ་བརྒྱ་ཆ་ལྔ་བཅུ་ཐམ་པ་ནི་ཡིག་རྨོངས་ཡིན་དྲུག་ཅུ་ཐམ་པ་ནི་ཀླད་རྙིང་ཡིན་བདུན་ཅུ་ཐམ་པ་ནི་ཤེས་མེད་ཡིན། དེ་འདྲ་བའི་ཞིང་འབྲོག་བོད་མི་རྣམས་ཀྱིས་མིང་ཚིག་གི་ཐ་སྙད་གསར་པ་སློབ་སྦྱོང་བྱེད་ན་རྣམ་རྟོག་རེད། བོད་རིགས་ཀྱི་སྐད་ཡིག་ཉམས་ན་མི་རིགས་བླ་སྲོག་ཤི་འགྲོ་བ་ཧ་གོ་བ་བྱུང་ན་ཐན་རྟགས་རེད། འོ་ན་ད་སུ་ཡོད་ཞེ་ན། མཐོ་རིམ་མི་དྲག་ནང་དུ་བཞུགས་པའི་ཤེས་ལྡན་མི་སྣ་ཁག་དང་ཞིང་འབྲོག་དམངས་ཚོགས་ནང་དུ་བཞུགས་པའི་བོད་མི་ཁག་གཅིག་གིས་ནི། བོད་རིགས་ཀྱི་ལ་རྒྱ་ཡིད་ལ་བཅང། ལྷག་བསམ་སེམས་ལ་སྒོམ། སྙིང་སྟོབས་དཔང་དུ་སྐྱེད་ནས་བོད་མི་རིགས་ཀྱི་སྐད་ཡིག་དེ་མ་ཉམ་གོང་འཕེལ་དང་ཉམ་པ་སླར་གསོ་བྱེད་ནས་འཛམ་གླིང་གི་དུས་རབས་གསར་པའི་རིག་གནས་ཐམས་ཅད་རང་གི་དྲིན་ཅན་ཨ་མའི་སྐད་ཡིག་ཐོག་ནས་སྦྱོང་བརྡར་བྱེད་ཐུབ་པ་དགོས་བསམ་པས་རེ་འདུན་སྙིང་གི་དཀྱིལ་ལ་བཞག་པའི་གངས་ཕྲུག་རྣམས་ཀྱིས་ནི། བོད་ཁ་བ་ཅན་གྱི་ཡི་གེ་སྲོལ་བཏོད་པ་པོ་ཐོན་མི་སམ་བྷོ་ཊ་ཡི་ཡིག་སྲོལ་དང་མཐུན་པ་སྒྲ་རིག་པའི་བསྟན་བཅོས་དང་མ་འགལ་བའི་མིང་ཚིག་གི་ཐ་སྙད་གསར་པ་སློབ་སྦྱོང་བྱེད་རྒྱུ་བྱུང་ན་སྐམ་པ་ཆུ་འདོད་ལྟར་སྦྱོང་བརྡར་བྱེད་དང་མི་བྱེད་ཐེ་ཚོམ་སྤུ་ཙམ་ཡང་མི་དགོས། དེ་འདྲ་བའི་གངས་ཕྲུག་རྣམས་ལ་ང་རང་ས་མཐར་འཁྱམ་པའི་སྤྲང་འཁྱམ་བོད་མི་ཞིག་གིས་ལག་གཉིས་ཐལ་མོ་བྲང་ཁའི་སྙིང་ལ་སྦྱར་ནས་ཕྱག་གསུམ་འཚལ་ནས་ཞུ་གསོལ། ཡོན་ཏན་ཅན་གྱི་མི་དེ། ཁ་བ་ཅན་གྱི་ལྷ་རེད། ལ་རྒྱ་ཅན་གྱི་མི་དེ། དམར་ཁམས་གླིང་གི་རྒྱུད་རེད། ལྷག་བསམ་ཅན་གྱི་མི་དེ། གངས་ཅན་ཡུལ་གྱི་ནོར་རེད། སྙིང་སྟོབས་ཅན་གྱི་མི་དེ། བཙན་པོ་གདུང་གི་རྒྱུད་རེད། གཉིས་པ། ཕྱི་རོལ་དུ་ཡོད་པའི་བཙན་བྱོལ་བོད་མིའི་སྤྱི་ཚོགས་ནང་དུ་མིང་ཚིག་གི་ཐ་སྙད་གསར་པ་སྦྱོང་འདོད་པ་ཅི་ཙམ་ཡོད་དོ་ཞེ་ན། ཁ་ནས་བཤད་རྒྱུར་སྐད་ཡིག་ནི་མི་རིགས་བླ་སྲོག་དང་མི་རིགས་ནི་རྒྱལ་ཁབ་ཀྱི་སྲོག་ཤིང་རེད་ཁ་ཡོད་ཚད་ཐམས་ཅད་མ་ཎི་འདོན་པ་ནང་བཞིན་ཡིན་ཡང༌། དོན་ལག་ལེན་བསྟར་དུས། འཛམ་གླིང་རྒྱལ་ཁབ་མང་པོའི་གནས་ཚུལ་མཁྱེན་རྒྱ་ཆེ་བའི་སྐུ་དྲག་དང་ཡོ་རོབ་ཨ་མེ་རི་ཀའི་ནང་གཏན་སྡོད་བྱེད་པའི་འབྱོར་ལྡན་བོད་མི་རྣམས་ཀྱིས་ནི། རང་གི་བུ་ཕྲུག་ནུབ་ཕྱོགས་ཡུལ་གྲུ་ཁག་གི་ཕུན་སུམ་ཚོགས་པ་སྐད་ཡིག་སློབ་སྦྱོང་བྱེད་པར་བཏང་ནས་འབྱོར་ལྡན་རྒྱལ་ཁབ་ཁག་གི་མཐོ་སློབ་ལ་འགྲོ་ཐུབ་པ་བྱེད་དགོས་བསམ་རེ་འདུན་སྙིང་ལ་བཅང་བ་མ་གཏོགས། བོད་མི་རིགས་ཀྱི་བླ་སྲོག་ཁ་བ་རི་པའི་སྐད་ཡིག་སློབ་སྦྱོང་བྱེད་པའི་དུས་ཚོད་ཡང་མེད་ལ་རྗེས་སུ་ལུས་པའི་སྐད་ཡིག་ཞིག་སྦྱོང་ནས་དུས་རབས་གསར་པའི་རིག་གནས་སྦྱོང་ཐུབ་པའི་རེ་བ་ཡང་བྱེད་བཞིན་མེད། འོ་ན་ད་བཙན་བྱོལ་སྤྱི་ཚོགས་ནང་སུ་ཡོད། བོད་ཁ་བ་ཅནགྱི་རིག་གཞུང་ནང་པ་སངས་རྒྱས་པའི་ལྟ་གྲུབ་ལ་མཁས་པ་དང་བོད་ཀྱི་སྐད་ཡིག་ལ་ཤེས་ཚད་ཧ་ཅང་མཐོ་བའི་གྲྭ་ས་སེར་འབྲས་དགེ་གསུམ་དང་ཆོས་རྒྱུད་ཆེན་པོ་བཞི་ཡི་དགོན་སྡེ་ཁག་གི་གྲྭ་མང་ནས་སྦྱོང་ངོ་ཞེ་ན། དེ་ནི་མ་ཡིན་སྟེ། དེ་རྣམས་ཀྱིས་ནི་ནང་པ་སངས་རྒྱས་པའི་ལྟ་གྲུབ་ལ་བསླབ་པ་སློབ་གཉེར་བྱེད་ནས་མ་གྱུར་སེམས་ཅན་ཐམས་ཅད་ཐར་པ་དང་ཐམས་ཅད་མཁྱེན་པའི་གོ་འཕང་ཐོབ་ན་སྙམ་པ་ལས་ཐ་སྙད་གསར་པའི་མིང་ཚིག་དང་དུས་རབས་གསར་པའི་རིག་གནས་སློབ་སྦྱོང་བྱེད་ནས་ཁ་བ་རི་པའི་འཇིག་རྟེན་འཁོར་བའི་རྣམ་གཞག་ཡར་རྒྱས་གཏོང་དགོས་བསམ་པ་སེམས་ཀྱི་ཟུར་ལ་མེད། འོ་ན་ད་སུ་ཡོད་ཞེ་ན། རྒྱ་གར་བལ་ཡུལ་དུ་ཡོད་པའི་བཙན་འབྱོར་བོད་གཞུང་སློབ་གྲྭ་ཁག་གི་སློབ་ཕྲུག་རྣམས་ཀྱིས་སྦྱོང་ངོ་ཞེ་ན། བཙན་བྱོལ་བོད་གཞུང་གི་སློབ་མ་འཛིན་གྲྭ་བཅུ་གཉིས་པ་ཞིག་ལ་བོད་ནས་སླེབས་པའི་གསར་འབྱོར་བ་འཛིན་གྲྭ་ལྔ་པའི་བོད་ཡིག་ཤེས་ཚད་ཙམ་ཡང་མེད། ཅི་ཡིན་ཞེ་ན། བཙན་བྱོལ་བོད་མི་སྤྱི་ཚོགས་ནང་དུ་སློབ་མ་རྣམས་ཀྱིས་བོད་ཡིག་ལ་དོ་སྣང་མེད་པ་དང་ཕ་མ་རྣམས་ཀྱིས་རྒྱབ་བསྣན་མེད་པའི་རྒྱུ་མཚན་གྱིས་རེད། རྒྱུ་མཚན་ཅི་ཡིན་ཞེ་ན། ང་རང་ཚོས་བོད་ཀྱི་སྐད་ཡིག་ཐོག་ནས་དུས་རབས་གསར་པའི་རིག་གནས་སྦྱོང་མི་ཐོབ་པ་དང༌། དུས་རབས་གསར་པའི་རིག་གནས་སློབ་སྦྱོང་བྱེད་མ་ཐུབ་ན་རང་ཉིད་དུས་རབས་གསར་པའི་ནང་དུ་རྗེས་སུ་ལུས་པའི་མི་ཞིག་ཆགས་འགྲོ་བ་དང༌། ཕ་མ་སུ་ཡིན་ཡང་རང་གི་བུ་ཕྲུག་མདུན་ལ་སླེབས་ན་བསམ་པ་ལས་རྗེས་སུ་ལུས་ཆུག་འདོད་རྩ་བ་ནས་མེད། བོད་མི་ཀླད་རྙིང་པ་ཁག་གཅིག་གིས་ང་རང་ཚོའི་བོད་ཀྱི་སྐད་ཡིག་འདི་ཕུན་སུམ་ཚོགས་པའི་སྐད་ཡིག་ཞིག་དང་དུས་རབས་གསར་རྙིང་གི་རིག་གནས་ཐམས་ཅད་ང་རང་ཚོའི་སྐད་ཡིག་ནང་དུ་ཡོད་པ་མ་ཟད། གནམ་གྲུ་དང་ཟླ་བའི་གོ་ལ་ཡི་ཐོག་ཏུ་འགྲོ་ཐུབ་པའི་མེ་ཤུགས་འཕུར་མདའ་ལ་སོགས་བཟོ་བསྐྲུན་བྱེད་བཏང་ཐམས་ཅད་འབུམ་བཀའ་འགྱུར་བསྟན་འགྱུར་ནང་དུ་ཡོད་ཞེས་སྤོབས་པ་ཆེན་པོའི་ཐོག་ནས་གསུངས་ན་ཡང༌། དོན་དངོས་སུ་འབུམ་བཀའ་འགྱུར་བསྟན་འགྱུར་པོ་ཏི་བརྒྱ་ཉིས་བརྒྱ་འགོ་ནས་མཐའ་བར་ཏུ་ཀློག་ན་ཡང་གནམ་གྲུ་དང་མེ་ཤུགས་འཕུར་མདའ་ལ་སོགས་བཟོ་བསྐྲུན་བྱེད་བཏང་ཡོད་རྒྱུ་ཕར་བཞག་གནམ་གྲུ་ཞེས་པའི་ཚིག་ཙམ་ཡང་མཐོང་རྒྱུ་མེད། འབུམ་བཀའ་འགྱུར་བསྟན་འགྱུར་ནང་དུ་མེད་ན་ཡང་བཀའ་བློན་ཁྲི་པ་མཁས་དབང་ཟམ་གདོང་རིན་པོ་ཆེས་འགོ་ཁྲིད་པའི་བཙན་འབྱོར་བོད་གཞུང་གིས་དེང་སང་ཚན་རིག་བོད་ཀྱི་སྐད་ཡིག་ནང་དུ་བསྒྱུར་ཡོད་ཞེས་པའི་དེབ་གཅིག་ང་རང་གིས་ཀློག་རྒྱུ་བྱུང༌། དེབ་དེ་ཡི་ནང་རི་པིན་རྒྱལ་ཁབ་ལ་བྱ་ཕོ་རྔ་མ་རིང་ཤོས་ཞིག་ལ་ཁྲི་ཉེར་ལྔ་ཡོད་པ་དང་ཨུ་རུ་སུ་ལུང་པའི་ནང་བུ་མོ་ལོ་བརྒྱད་ལོན་པ་ཞིག་ལ་ཕྲུག་གུ་སྐྱེ་བའི་ལོ་རྒྱུས་བོད་ཡིག་ནང་དུ་བསྒྱུར་བའི་དེབ་དེ་འདྲ་བ་ཙམ་གྱིས་ཚན་རིག་ང་རང་ཚོའི་སྐད་ཡིག་ནང་ཡོད་གསུངས་པ་ཡིན་ན། ནུབ་ཕྱོགས་ཚན་རིག་པའི་རྐང་པ་བརྫིས་ས་ལ་བོད་ཚན་རིག་པའི་མགོ་ཡིས་ཐུག་པའི་རེ་བ་ཡང་མེད། གནད་འགག་ཆེ་ཤོས་དང་ཛ་དྲག་ཆེ་ཤོས་གཉིས་ནི། དང་པོ་གནད་འགག་ཆེ་ཤོས་ནི། ང་རང་ཚོའི་སྐད་ཡིག་ནང་དུ་ས་ཡི་གོ་ལའི་སྟེང་གི་གསར་ཐོན་གྱི་དངོས་པོ་འདིའི་མིང་ལ་འདི་ཡིན་ཞེས་དང༌། དངོས་པོ་འདི་ཡི་མིང་གི་དག་ཆ་འདི་ལྟར་འབྲི་དགོས་ཞེས་ང་རང་ཚོར་བོད་སྤྱི་ཡོངས་ལ་ཁྱབ་པའི་ཚིག་མཛོད་རྩ་བ་བརྟེན་ས་ཞིག་དང་ཆ་འཇོག་ས་ཞིག་དགོས་རྒྱུ་དེ་གནད་འགག་ཆེ་ཤོས་ཏུ་སྣང༌། ཕྱི་ལོ་༡༩༥༩ལོ་ནས་ད་ལྟར་བར་དུ་བོད་ཀྱི་སྐད་ཡིག་ནང་དུ་གསར་ཐོན་གྱི་ཐ་སྙད་ཐམས་ཅད་རྩོམ་པ་པོ་དང་གསར་འཕྲིན་རླུང་འཕྲིན་བརྙན་འཕྲིན་ཁག་གིས་རང་སྣང་གང་ཤར་དང་སྐད་ཡིག་གཞན་ཞིག་ནས་དོན་བསྒྱུར་བྱེད་ནས་བྲིས་པ་ཙམ་མ་གཏོགས་མེད། དཔེར་ན། མེ་འཁོར་རླངས་འཁོར་གློག་ཀླད་ཞེས་མིང་ཚིག་གི་ཐ་སྙད་ཐམས་ཅད་རྒྱ་མི་སྐད་ནས་དོན་བསྒྱུར་བྱེད་ནས་བྱུང་བ་ཞིག་རེད། དེ་དང་འདི་འདྲ་བའི་རང་སྣང་གང་དྲན་གྱིས་མིང་ལྷག་གསར་པ་རེ་ལ་བྲི་བཏང་གསར་པ་རེའི་ཐོག་ནས་བོད་ཀྱི་སྐད་ཡིག་འདི་བེད་སྤྱོད་བྱེད་པ་ཡིན་ན། མཐའ་མ་སྐད་ཡིག་དང་མི་རིགས་རྩ་བ་ཉིད་ནས་སིལ་བུར་འཐོར་འགྲོ་བའི་རྒྱུ་མཚན་ནི། ང་ཡི་རྩ་བའི་བླ་མ་བོད་ཁ་བ་ཅན་གྱི་མཁས་དབང་དགེ་འདུན་ཆོས་འཕེལ་གྱིས་བརྩམས་པའི་དེབ་ཐེར་དཀར་པོ་ལས། དེ་མིན་དེང་སང་མཐའ་མི་འགའ་ཞིག་གིས། དབུས་ཀྱི་ཕལ་སྐད། ལ་དྭགས་ཀྱི་ཕལ་སྐད་ལ་སོགས་སྣང་བ་གང་དྲན་གྱི་སྐད་མཛོད་དང་གླེགས་བམ་སྡེབ་པ་འདིའི་རིགས། བརྒྱ་ལ་དར་སྲོལ་ཆེ་རུ་སོང་ན། ཡུལ་སོ་སོའི་ཕལ་སྐད་མི་འདྲ་བའི་རྐྱེན་གྱིས། བོད་ཀྱི་སྤྱི་སྐད་ཡང་དུམ་བུར་ཆད་དེ། ནམ་ཞིག་ན་ཡུལ་སོ་སོའི་སྐད་དང་ཡི་གེ་ཕན་ཚུན་བརྡ་མི་འཕྲོད་པ་ཞིག་འོང་ངེས་ལ། སྐད་ཡིག་སོ་སོར་གྱེས་པས། བསམ་འཁྱེར་དང་སྤྱོད་ལམ་སོགས་ཀྱང་ཐ་དད་དུ་སོང་སྟེ། མཐར་བོད་ཀྱི་རིགས་རྒྱལ་ཁབ་རྩ་བ་ཉིད་ནས་སིལ་བུར་འཐོར་བའི་རྐྱེན་དུ་འགྲོ་བ་ལགས་ཞེས་གསུངས་པ་དེ། བཙན་འབྱོར་བོད་གཞུང་ཤེས་རིག་ལས་ཁུངས་གིས་ངོས་ནས་མཁྱེན་སོང་ངོ༌།། བཙན་འབྱོར་བོད་གཞུང་ཤེས་ལས་ཁུངས་འཛུགས་ནས་མི་ལོ་ལྔ་བཅུ་སོང་ཡང་ཞལ་ནས་གསུངས་དུས་བོད་ཀྱི་རིག་གཞུང་དང་བོད་ཀྱི་སྐད་ཡིག་ཞེས་མ་ཎི་འདོན་པ་ནང་བཞིན་ཡང་དོན་དངོས་ཐོག་མིང་ཚིག་གི་ཐ་སྙད་གཅིག་མཐུན་ཞིག་དང་ཆ་འཇོག་ས་རྩ་བ་བརྟེན་ས་ཞིག་བཟོས་མེད་པ་དེ་ནི། འཇིག་རྟེན་གྱི་ཁ་རྒྱུན་ལ། ཁ་བཤད་ཆུ་ཡི་ལྦུ་བ། ལག་ལེན་གསེར་གྱི་ཐིག་པ་ཞེས་པ་ནང་བཞིན་ང་རང་བོད་མི་དཀྱུས་མ་ཞིག་བློ་ཕམ་ཡོད་ལ་སེམས་སྐྱོ་བའི་གནས་ཞིག་རེད། དེང་སང་ཡུ་རོབ་ཨ་མེ་རི་ཀའི་ནང་བོད་པས་བོད་ཡིག་བེད་སྤྱོད་བྱེད་བཏང་ནི། དཔེར་ན། སུད་སི་དང་ལེཀ་ཊེན་སྤྲཡན་བོད་རིགས་མི་མང་གི་སྒྲིག་གཞི། ལེཀ་ཊེན་སྤྲཡན་ཞེས་པའི་མིང་ཚིག་གི་ཐ་སྙད་དེ་ནི་འཇར་མན་སྐད་ཡིག་ཐོག་ནས་རྒདྲྟཏྲདྤྟརྣཔྲྤྟདྲརྣ་ཞེས་བྲིས་ཡོད། ཨེ་ཤེ་ཡ་རང་དབང་རླུང་འཕྲིན་ལས་ཁུངས་ཀྱི་བོད་སྐད་སྡེ་ཚན་ནས་རྐྱཐཐྲདཎརྣདྲཔྲྤདཎརྣ་ཞེས་པའི་ཡུལ་མིང་ཞིག་ལ་བོད་ཡིག་ཐོག་ནས་ཨཕ་ག་ནིསྟ྄ན་ཞེས་བྲིས་ཡོད་པ་དེ་ཚོ་ནི། ང་རང་ཚོ་བོད་ཁ་བ་ཅན་གྱི་སྐད་ཡིག་སློབ་དཔོན་ཐུན་མི་སམ་བྷོ་ཊ་ཡི་ཡིག་སྲོལ་དང་མི་མཐུན་པའི་བྲིས་བཏང་ཞིག་རེད་འདུག་སྙམ། སུམ་ཅུ་པའི་རྩ་བ་ལས། ག་ང་ད་ན་བ་མ་འ་ར་ལ་ས་རྣམས་རྗེས་འཇུག་བཅུ། ད་དང་ས་གཉིས་ཡང་འཇུག་སྟེ་ཞེས་རྗེས་འཇུག་བཅུ་དང་ཡང་འཇུག་གཉིས་གསུངས་ཡོད། དེང་སང་མཁས་དབང་ཚོས་ཀ་དང་ཡ་གཉིས་རྗེས་འཇུག་དང་ན་ཡང་འཇུག་ཏུ་བཞག་ནས་བྲིས་པ་དང༌། ཨ་དང་ཕ་གཉིས་མིང་གཞི་མཉམ་འཇོག་བྱེད་ནས་བྲིས་པ་འདི་རིགས་བརྒྱ་ལ་དར་སྲོལ་ཆེ་རུ་སོང་ན། ཐོན་མི་སམ་བྷོ་ཊ་རང་ཉིད་ཀྱིས་ཀྱང་བོད་ཡིག་ཀློག་མི་ཤེས་པ་ཞིག་འོང་ངེས་ལ། རྩ་བ་རྟེན་ས་དང་ཁུངས་གཏུག་ས་མེད་པ་རང་སྣང་གང་ཤར་བྱེད་ནས་བྲིས་པ་དེས་བོད་མི་རིགས་ཀྱི་སྐད་ཡིག་སིལ་བུར་འཐོར་འགྲོ་བའི་རྐྱེན་དུ་སྣང༌། དེ་ལྟར་མ་ཡིན་པ་མིང་ཚིག་གི་ཐ་སྙད་འདི་གཉིས་ཐོན་མི་སམ་བྷོ་ཊའི་ཡི་གེའི་ལུགས་སྲོལ་དང་མཐུན་པ་སྒྲ་རིག་པའི་བསྟན་བཅོས་དང་མ་འགལ་བའི་ཐོག་ནས་འདོན་སྟངས་ཤིག་དང་འགྲེལ་བཤད་ཡོད་པ་ཡིན་ན། ཨེ་ཤེ་ཡ་རང་དབང་རླུང་འཕྲིན་ཁང་གི་རང་དབང་གླེང་མོལ་ཐོག་ནས་བོད་རིགས་རྒྱ་ཆེ་མི་དམངས་ཀྱི་མདུན་དུ་མིང་ཚིག་གི་ཐ་སྙད་འདི་གཉིས་འདོན་ཤེས་པ་དང་འགྲེལ་བཤད་རྒྱག་ཤེས་པའི་བོད་མི་དཀྱུས་མ་ང་ལྟ་བུ་ཞིག་ཡོང་ཐུབ་པ་ཡིན་ན། ཀློག་ཡོན་སུད་སི་སྒོར་མོ་བརྒྱ་ཐམ་པ་དང་མཇལ་དར་གཅིག་འབུལ་རྒྱུ་ཡིན། དེ་ལས་ལྷག་རྩོམ་པ་པོ་དང་གསར་འགོད་པ་དགེ་བཤེས་ལྷ་རམས་པ་ཕེབས་པ་ཡིན་ན། སུད་སི་སྒོར་མོ་ཉིས་བརྒྱ་དང་མཇལ་དར་ཞིག་འབུལ་རྒྱུ་ཡིན། དེ་ལས་ཀྱང་ལྷག་པའི་བོད་བཙན་འབྱོར་གཞུང་གི་སློབ་དཔོན་མཁས་དབང་ཟམ་གདོང་རིན་པོ་ཆེན་ཕེབས་ཐུབ་པ་ཡིན་ན། སུད་སི་སྒོར་མོ་སུམ་བརྒྱ་དང་མཇལ་དར་ཞིག་དང་ཕྱག་གསུམ་འཚལ་རྒྱུ་ཡིན། གཉིས་པ་ཛ་དྲག་ཆེ་ཤོས་ནི། ང་རང་ཚོའི་བཙན་འབྱོར་བོད་མི་སྤྱི་ཚོགས་ནང་དུ་ནུབ་ཕྱོགས་ཡུལ་གྲུ་ཁག་གི་དུས་རབས་གསར་པའི་རིག་གནས་ལ་མཁས་པ་དང་བོད་ཡིག་ལ་ཤེས་ཚད་ཧ་ཅང་མཐོ་བའི་ཁྱད་ཆོས་གཉིས་ལྡན་གྱི་བོད་མི་རྣམས་དགུང་ལོ་མཐོ་པོ་ལ་ཕེབས་བཞིན་འདུག། ཁྱད་ཆོས་གཉིས་ལྡན་གྱི་བོད་མི་དེ་ཚོ་ཞལ་བཞུགས་པའི་སྐབས་སུ་ང་རང་ཚོ་བོད་ཁ་བ་རི་པ་ལ་དགོས་མཁོ་ཡོད་པའི་དུས་རབས་གསར་པའི་རིག་གནས་ཐམས་ཅད་བོད་ཀྱི་སྐད་ཡིག་ནང་དུ་བསྒྱུར་དགོས་པ་ནི་གནས་ཚུལ་ཛ་དྲག་ཞིག་ཏུ་སྣང༌། དཔེར་ན། ཁྱད་ཆོས་གཉིས་ལྡན་གྱི་བོད་མི་སྨན་པ་རྟའུ་དཔལ་ལྡན་ལྟ་བུར་ཆ་མཚོན་ན། ནུབ་ཕྱོགས་པའི་གསོ་བ་རིག་པ་ཁོང་དུ་ཆུད་པ་དང་བོད་ཡིག་ལ་ཤེས་ཚད་ཧ་ཅང་མཐོ་བའི་ཁྱད་ཆོས་གཉིས་ལྡན་གྱི་བོད་མི་ཞིག་རེད། དེ་ཚོ་ཞལ་བཞུགས་པའི་སྐབས་སུ་བཙན་འབྱོར་བོད་གཞུང་ཤེས་རིག་ལས་ཁུངས་ནས་ནུབ་ཕྱོགས་པའི་གསོ་བ་རིག་པ་བོད་ཡིག་ལ་བསྒྱུར་མི་དགོས་པ་ཅི་ཡིན་ཞེས་དྲི་རྒྱུ་ཡིན། དེ་དང་དེ་འདྲ་བའི་ཞིང་ལས་འབྲོག་ལས་བཟོ་ལས་ལ་སོགས་ཡར་ཐོན་ཅན་གྱི་རྒྱལ་ཁབ་ཁག་གི་ལས་དོན་རིག་གནས་ཐམས་ཅད་བོད་ཀྱི་སྐད་ཡིག་ནང་དུ་ཚུར་བསྒྱུར་ཐུབ་པ་ཡིན་ན། དེ་ནི་ང་རང་ཚོའི་མི་རིགས་ཆེད་དུ་རིན་ཆེན་གསེར་ལས་ལྷག་པའི་དགོས་མཁོ་ཡོད་པར་སྣང༌། དཔེར་ན། ང་རང་ཚོ་བོད་ལ་ཆ་འཇོག་ན། འོ་མ་ཡོད་ཀྱང་ཕྱུར་བ་བཟོ་མི་ཤེས། ས་ཆ་ཡོད་ཀྱང་ཞིང་ལས་འདེད་མི་ཤེས། གཏེར་ཁ་ཡོད་ཀྱང་བཟོ་གྲྭ་འཛུགས་མི་ཤེས། གསེར་དངུལ་ཡོད་ཀྱང་དངུལ་ཁང་འཛུགས་མི་ཤེས། གནས་ཚུལ་འདི་ཚོ་མིག་གི་མདུན་དུ་བཞག་ནས་བོད་ཀྱི་མཁས་དབང་ཚང་མས་ཁ་མ་གྲགས་པ་ལྐུགས་པ་ཆགས་སོང་ངམ། འོ་ན་དུས་རབས་ཉི་ཤུ་རྩ་གཅིག་ནང་དུ་སླེབས་ན་ཡང་རྨོངས་གཉིད་ཁུག་ནས་སྡོད་ཀྱི་ཡིན་པའི། གལ་སྲིད་དུས་རབས་གསར་པའི་ལག་ཤེས་དང་རིག་གནས་ཐམས་ཅད་ང་རང་ཚོའི་སྐད་ཡིག་ནང་དུ་བསྒྱུར་ཐུབ་པ་ཡིན་ན། བོད་ཀྱི་སྐད་ཡིག་འདིའི་ཐོག་ནས་དུས་རབས་གསར་པའི་སྤྱི་ཚོགས་ནང་དུ་བོད་མི་རྣམས་ཀྱིས་རྗེས་སུ་མ་ལུས་པའི་འཚོ་བ་གསར་པ་ཞིག་སྐྱེལ་ཐུབ་པའི་རེ་བ་ཡོད་པ་དང༌། དེ་འདྲ་བྱུང་ན་བོད་ཡིག་སློབ་སྦྱོང་བྱེད་མི་མང་དུ་འགྲོ་བ་དང་བོད་ཡིག་ལ་མཐོང་ཆེ་རུ་འགྲོ་བ་ནི་ཞུ་མ་དགོས་པ་མཁྱེན་གསལ་རེད། རང་ཉིད་དང་ཁྲག་རྒྱུད་འབྲེལ་བའི་སྤུན་ཟླ་ལྷན་རྒྱས་ལགས། ད་འདི་ནས་གུས་པའི་བྲིས་མཚམས་བཞག་རྒྱུ་ཡིན།འཇིག་རྟེན་གྱི་ཁ་རྒྱུན་ལ། བཤད་མང་ན་ཕ་གཏམ་བུ་ལ་ཕོག། ཟ་མང་ན་བྲང་ཁའི་མཆིན་པ་ན་ཞེས་པ་ནང་བཞིན་མཚམས་བཞག་ན་བསམ། དེ་ལས་རྒྱ་ཆེ་ཀློག་པ་པོས་གུས་པས་ཡིག་ནོར་དང་བཤད་པ་ཐལ་གྲགས་པ་རྣམས་ལ་སྐྱོན་བརྗོད་དང་དགག་པ་མང་ཙམ་ཡོད་པ་མཁྱེན། ཕྱི་ལོ་༢༠༠༩ཕྱི་ཟླ་༡༠ཚེས་༨ཉིན་ཕུལ། བྲི་པ་པོ་ནི་ཅོ་རི་ཉི་མ་ཡིན། བྲིས་པའི་ཡུལ་ནི་ནུབ་ཕྱོགས་སུད་སི་ཡིན། བྲིས་པའི་བརྗོད་བྱ་ཐ་སྙད་གསར་པ་ཡིན། བྲིས་པའི་དོན་ནི་མི་རིགས་ཆེད་དུ་ཡིན།
བོད་ཁ་བ་ཅན་གྱི་སྐད་ཡིག་གི་སྐོར་ལ་ང་རང་བོད་སྐད་ཡག་པོ་མི་ཤེས་པའི་བོད་མི་དཀྱུས་མ་ཞིག་གིས་ངོས་ནས་དོན་ཅུང་ཟད་ཞུ་སྙིང་སྤྲོ་བ་ནི། ས་ཡི་གོ་ལ་འདིའི་སྟེང་དུ་རྒྱལ་ཁབ་མི་འདྲ་རེ་རེས་དངོས་པོ་གསར་པར་མི་འདྲ་བ་རེ་རེ་བཟོ་བསྐྲུན་བྱས་ནས། དངོས་པོ་གསར་པ་མི་འདྲ་རེ་ལ་མིང་ཚིག་གི་ཐ་སྙད་གསར་པ་མི་འདྲ་བ་རེ་ཐོག་མ་བརྡ་སྦྱར་ནས་མིའི་སྤྱི་ཚོགས་ནང་དུ་རླུང་འཕྲིན་དང་བརྙན་འཕྲིན་ཁག་ནས་དངོས་པོ་འདིའི་མིང་ལ་འདི་ཟེར་ཞེས་ཁྱབ་བསྒྲག་བྱེད་པ་དང༌། དེ་འདྲ་བའི་མིང་ཚིག་གི་ཐ་སྙད་དེ་དངོས་མིང་ཡིན་པ་དང༌། རྒྱུ་མཚན་ནི། ང་རང་ཚོ་ཁ་བ་རི་པའི་བསྟན་བཅོས་མཚན་ཉིད་རིག་པའི་གཞུང་ལས། སྐྱེ་བོའི་བརྗོད་པ་ལྕེ་རྐན་ལས་བྱུང་བའི་སྐད་ཀྱི་གདངས། ཡི་གེའི་མཚན་ཉིད། མིང༌། ཚིག་དང༌། ཡི་གེ་གསུམ་དོན་གཅིག། མིང་ལ་དབྱེ་ན། དངོས་མིང་དང་བཏགས་མིང་གཉིས། དོན་དེ་ལ་འདོད་རྒྱལ་མཁན་པོས་ཐོག་མ་བརྡ་སྦྱར་ཞིང་སྦྱར་བ་སྟར་དོན་དེ་འཁྲུལ་མེད་དུ་གོ་བ་བྱེད་པའི་ཉན་བྱ། དངོས་མིང་གི་མཚན་ཉིད། དོན་དེ་ལ་འདོད་རྒྱལ་མཁན་པོས་ཐོག་མ་བརྡ་སྦྱར་མ་ཡིན་པ་ཕྱིས་བརྡ་སྦྱར་བའི་ཉན་བྱ། བཏགས་མིང་གི་མཚན་ཉིད།དཔེར་ན། CAMPTERཀམ་པུ་ཌར་ཞེས་པ་དངོས་མིང་དང་རྗེས་སུ་བརྡ་སྦྱར་བའི་གློག་ཀླད་དང་རིག་པའི་གཏེར་མཛོད་ཞེས་པ་ནི་བཏགས་མིང་རེད། དེང་སང་ང་ཚོ་བོད་པའི་སྤྱི་ཚོགས་ནང་མཁས་པ་ཁག་ཅིག་གིས་བོད་ཡིག་འདང་གི་མི་འདུག་ཟེར་བའི་རྒྱུ་མཚན་ནི། འཛམ་གླིང་འདིའི་སྟེང་དུ་གསར་ཐོན་ཅ་ལག་མི་འདྲ་བ་དུ་མ་དང༌། ཆབ་སྲིད་ཀྱི་ཚོགས་པ་མི་འདྲ་བ་རེ་ལ་རྩ་ཁྲིམས་ཀྱི་འགྲོ་ལུགས་མི་འདྲ་བ་རེ་དང༌། དཔལ་འབྱོར་གྱི་ཡར་རྒྱས་མི་འདྲ་བ་རེ་ལ་ཚན་རིག་གི་ལག་རྩལ་མི་འདྲ་བ་རེ་དང༌། ཚན་རིག་གི་ལག་རྩལ་མི་འདྲ་བ་རེ་ལ་རྡུལ་ཕྲན་གྱི་འཕྲུལ་འཁོར་མི་འདྲ་བ་རེ་ཡོད་པ་རྣམས་ལ་ཐུན་མོང་མ་ཡིན་པའི་བོད་སྐད་ཀྱི་ཐོག་ནས་མིང་ཚིག་གི་ཐ་སྙད་མི་འདུག་སྙམ་པ་རེད། དཔེར་ན། ཀམ་པུ་ཌར་ལ་ཀམ་པུ་ཌར་ཞེས་བརྗོད་པ་དེ་རྒྱལ་ཁབ་ཞན་གྱི་སྐད་ཡིག་དུ་འདོད་པ་དང༌། ཀམ་པུ་ཌར་ལ་གློག་ཀླད་ཞེས་བརྗོད་པ་དེ་ཐུན་མོང་མ་ཡིན་པའི་བོད་ཀྱི་སྐད་ཡིག་དུ་འདོད་དོ།། དེ་འདྲ་འདོད་པའི་མཁས་དབང་རྣམས་ལ་ཞུ་རྒྱུ། CAMPUTERཀམ་པུ་ཌར་ཞེས་བྲིས་པ་དང་བརྗོད་པ་དེ་བོད་སྐད་དུ་མི་འདོད་ན། ཨ་མེ་རི་ཀའི་རྒྱལ་ས་ཝ་ཤིང་ཁྲོན་ལ་ཝ་ཤིང་ཁྲོན་ཞེས་བྲི་བའམ་བརྗོད་པ་དེ་བོད་སྐད་དུ་ཨེ་འདོད། མི་འདོད་ན། བོད་ཀྱི་རྒྱལ་ས་ལྷ་ས་ལ་LHASAཞེས་བྲི་བ་དང་བརྗོད་པ་དེ་དབྱིན་སྐད་དུ་ཨེ་འདོད། མི་འདོད་ན།དབྱིན་སྐད་ཐོག་ནས་ཇི་ལྟར་བྲི་དགོས་ཇི་ལྟར་བརྗོད་དགོས། འདོད་ན། ཀམ་པུ་ཌར་ཞེས་པ་ཡང་བོད་སྐད་དུ་འདོད་པར་ཐལ། གཅིག་མཚུངས་ཡིན་པའི་ཕྱིར། ཧཧཧཧཧཧ་ ཀམ་པུ་ཌར་ལ་གློག་ཀླད་ཞེས་མིང་བཏགས་པ་དེ་ནི་མིང་ལྷག་རེད། དཔེར་ན། དང་པོ་བུ་ཞིག་སྐྱེ་དུས་བླ་མའི་དྲུང་དུ་རིག་འཛིན་ཞེས་པ་མཚན་གསོལ། གཉིས་པ་རྐང་པ་ཆག་དུས་རིག་འཛིན་རྐང་འཁྱོག་ཞེས་པའི་མིང་ལྷག་བཏགས། རིག་འཛིན་ཞེས་པ་ནི་དངོས་མིང་རེད་ལ། རྐང་འཁྱོག་ཞེས་པ་ནི་མིང་ལྷག་ཡིན་པ་ཚང་མས་མཁྱེན་གསལ་ལྟར། དེ་དང་དེ་འདྲ་བའི་འཛམ་གླིང་འདིའི་སྟེང་དུ་གྲངས་ལས་འདས་པའི་གསར་ཐོན་གྱི་དངོས་པོ་ཐམས་ཅད་ལ་མིང་ལྷག་རེ་བཏགས་ནས། དེ་ནི་ང་རང་ཚོའི་ཐུན་མོང་མ་ཡིན་པའི་བོད་ཀྱི་སྐད་ཡིག་གི་ཡིག་སྲོལ་དུ་འདོད་པ་ཡིན་ན། བོད་མི་རིགས་ཀྱི་སྟེང་དུ་རྨོངས་པའི་མུན་ནག་འཁྲིགས་པ་དང༌། བོད་ཀྱི་སྐད་ཡིག་སྣུམ་ཟད་མར་མེ་བཞིན་དུ་འགྱུར་འགྲོ་བའི་ཉེན་ཁ་ཡོད་པར་སྣང༌། རྒྱུ་མཚན་ནི། དཔེར་ན། ཀམ་པུ་ཌར་ཞེས་བོད་མི་ཞིག་གི་ཁ་ནས་བརྗོད་དུས་འཛམ་གླིང་འདིའི་སྟེང་དུ་མི་མང་དུང་ཕྱུར་མང་པོས་ཧ་གོ་ཐུབ་པ་དང་གློག་ཀླད་ཞེས་འབོད་པ་ཡིན་ན་མི་བརྒྱ་ཕྲག་ཁ་ཤས་མ་གཏོགས་གོ་མི་ཐོབ་པ་ནི་ང་རང་ཚོས་མིག་མཐོང་ལག་གསལ་རེད། སྐད་ཡིག་གི་ཡོན་ཏན་གཙོ་བོ་ནི་འགྲོ་བ་མི་དང་མིའི་བར་ལ་གོ་བརྡ་ཕྲད་ཐུབ་པ་དེ་རེད། ང་རང་ཚོའི་སྐད་ཡིག་འདིའི་ཐོག་ནས་མི་རིགས་མང་པོ་ཞིག་དང་རྒྱལ་ཁབ་མང་པོ་ཞིག་ལ་གོ་བརྡ་འཕྲོད་ཐུབ་པའི་ཐག་ཐུང་དུ་བཏོང་ཐུབ་པ་ཡིན་ན། དཔེར་ན། ནང་པ་སངས་རྒྱས་པའི་ལྟ་བ་རྟེན་འབྱུང་དང་སྤྱོད་པ་འཚེ་བ་མེད་པ་གཉིས་ཉིན་རེ་མི་ཚེའི་ནང་བེད་སྤྱོད་བྱེད་ནས་མཐར་ཐུག་གི་བདེ་བ་ཐོབ་ཐུབ་པའི་རིག་གནས་དེ་མི་རིགས་གཞན་ཞིག་དང་རྒྱལ་ཁབ་གཞན་ཞིག་གི་རྩ་བ་ནས་སློབ་སྦྱོང་བྱེད་དགོས་པ་མེད་ན་ཡང༌། ཆབ་སྲིད་ཀྱི་རྩ་ཁྲིམས་དང༌། དཔལ་འབྱོར་གྱི་ལམ་ལུགས། ཚན་རིག་གི་ལག་རྩལ། བཟོ་ལས། ཞིང་ལས། འབྲོག་ལས་ལ་སོགས་པ་མཐར་ན་རྩྭ་བཀྲག་བཟོ་སྟངས་ཡང་མི་རིགས་གཞན་དང་རྒྱལ་ཁབ་གཞན་གྱི་རྩ་ནས་རིག་གནས་དེ་ཚོ་སློབ་སྦྱོང་བྱེད་པ་ལ་མགྱོགས་ཚད་མྱུར་དུ་ཕྱིན་པ་རེད། དེ་ལྟར་མ་ཡིན་པ་བྱ་དངོས་གསར་པ་རེ་ལ་མིང་ལྷག་གསར་པ་རེ་བཏགས་ནས་མི་རིགས་གཞན་ཞིག་ལ་གོ་བརྡ་འཕྲོད་ནས་ཡོན་ཏན་སྦྱོང་རྒྱུ་ཕར་བཞག་ང་རང་ཚོ་ནང་ཁུལ་ཡང་རིག་གནས་དེ་ཚོའི་སྐོར་བཤད་དུས་གོ་བརྡ་མ་འཕྲོད་ནས་བོད་ཡིག་གི་འདང་གི་མི་འདུག་ཟེར་ནས་མགོ་བོ་སྒུར་སྡོད་པ་དེ་ནི། བོད་མི་རིགས་ཀྱི་སྟེང་དུ་འཁྲིགས་པའི་རྨོངས་པའི་མུན་ནག་རེད། གཉིས་པ། བོད་ཀྱི་སྐད་ཡིག་དེ་སྣུམ་ཟད་མར་མེ་བཞིན་དུ་འགྱུར་འགྲོ་བ་སྣང་བའི་རྒྱུ་མཚན་ནི། ཐ་སྙད་གསར་པ་བཟོ་བའི་མཁས་དབང་ཚོས་བྱ་དངོས་གསར་པ་རེ་ལ་མིང་ལྷག་གསར་པའི་ཐ་སྙད་རེ་བཏགས་ནས་ཚིག་མཛོད་ཆེ་ཐག་ཆོད་ཅིག་བཟོས་པ་ཡིན་ན་ཡང་བོད་རྒྱ་ཆེའི་མི་དམངས་ཀྱིས་གསར་དུ་སྦྱོང་དགོས་པ་ལས་སྔར་ནས་ཤེས་པའི་ཐ་སྙད་ནི་གཅིག་ཀྱང་མེད། དེ་འདྲ་བའི་མིང་ཚིག་གི་ཐ་སྙད་རྣམས་ཁས་བརྗོད་ཐུབ་པ་དང་ལག་པས་བྲི་ཤེས་པ་དོན་གོ་ཐུབ་པ་སློབ་སྦྱོང་བྱེད་དགོས་པའི་བྱེད་པ་པོ་ནི། བོད་ཕྱི་ནང་གཉིས་སུ་གནས་པའི་བོད་རིགས་རྣམ་པ་མ་གཏོགས་གཞན་སུ་ཡང་མེད། བོད་ཁ་བ་ཅན་ལ་གནས་པའི་བོད་རིགས་སྤུན་ཟླའི་ནང་ནས་སུ་དང་སུ་ཡིས་མིང་ཚིག་གི་ཐ་སྙད་གསར་པར་སློབ་སྦྱོང་བྱེད་འདོད་དོ་ཞེས་ཞིབ་ཅིང་ཕྲ་བའི་བསམ་བློ་བཏོང་དུས། མཐོ་རིམ་མི་དྲག་ཁག་གིས་སྦྱོང་ངོ་ཞེ་ན། དེ་ནི་མ་ཡིན་སྟེ། དབང་ཤེད་ཆེ་བའི་དཔོན་ངན་ཟ་རྔམ་ཅན་གྱི་གཅེས་ཕྲུག་དང་འབྱོར་པ་ཆེ་བའི་ཚོང་དཔོན་རྒྱུ་རྔམ་ཅན་གྱི་སྙིང་ཕྲུག་ཡོན་ཏན་ཆེ་བའི་དགེ་རྒན་རྒྱ་སྐད་ཅན་བུ་ཕྲུག་རྣམས་ཀྱིས་ནི། ཉིན་རེའི་འཚོ་བའི་ནང་དུ་ཡང་རྒྱ་སྐད་བེད་སྤྱོད་བྱེད་ནས་མི་ཚེ་སྐྱེལ་བ་མ་གཏོགས་རང་གི་དྲིན་ཅན་ཨ་མའི་སྐད་ཡིག་ལ་འབད་བརྩོན་དང་སྦྱོང་བརྡར་བྱེད་པ་ནི། ཉིན་མོ་ཡི་སྐར་མ་དང་རི་བོང་རྭ་ནང་བཞིན་རེད། འོ་ན་ད་སུ་ཡོད།། རི་བོ་མཐོ་སྒང་སྟེང་དུ་གནས་པའོ་འབྲོག་པ་དང་ལུང་ཁུག་གྲོང་གསེབ་ཁག་ཏུ་གནས་པའོ་ཞིང་པ་རྣམས་ཀྱིས་སློབ་སྦྱོང་བྱེད་དོ་ཞེ་ན། དེ་ནི་མ་ཡིན་ཏེ། བོད་ཀྱི་ཞིང་འབྲོག་རྒྱ་ཆེའི་མང་ཚོགས་ནང་དུ་བརྒྱ་ཆ་ལྔ་བཅུ་ཐམ་པ་ནི་ཡིག་རྨོངས་ཡིན་དྲུག་ཅུ་ཐམ་པ་ནི་ཀླད་རྙིང་ཡིན་བདུན་ཅུ་ཐམ་པ་ནི་ཤེས་མེད་ཡིན། དེ་འདྲ་བའི་ཞིང་འབྲོག་བོད་མི་རྣམས་ཀྱིས་མིང་ཚིག་གི་ཐ་སྙད་གསར་པ་སློབ་སྦྱོང་བྱེད་ན་རྣམ་རྟོག་རེད། བོད་རིགས་ཀྱི་སྐད་ཡིག་ཉམས་ན་མི་རིགས་བླ་སྲོག་ཤི་འགྲོ་བ་ཧ་གོ་བ་བྱུང་ན་ཐན་རྟགས་རེད། འོ་ན་ད་སུ་ཡོད་ཞེ་ན། མཐོ་རིམ་མི་དྲག་ནང་དུ་བཞུགས་པའི་ཤེས་ལྡན་མི་སྣ་ཁག་དང་ཞིང་འབྲོག་དམངས་ཚོགས་ནང་དུ་བཞུགས་པའི་བོད་མི་ཁག་གཅིག་གིས་ནི། བོད་རིགས་ཀྱི་ལ་རྒྱ་ཡིད་ལ་བཅང། ལྷག་བསམ་སེམས་ལ་སྒོམ། སྙིང་སྟོབས་དཔང་དུ་སྐྱེད་ནས་བོད་མི་རིགས་ཀྱི་སྐད་ཡིག་དེ་མ་ཉམ་གོང་འཕེལ་དང་ཉམ་པ་སླར་གསོ་བྱེད་ནས་འཛམ་གླིང་གི་དུས་རབས་གསར་པའི་རིག་གནས་ཐམས་ཅད་རང་གི་དྲིན་ཅན་ཨ་མའི་སྐད་ཡིག་ཐོག་ནས་སྦྱོང་བརྡར་བྱེད་ཐུབ་པ་དགོས་བསམ་པས་རེ་འདུན་སྙིང་གི་དཀྱིལ་ལ་བཞག་པའི་གངས་ཕྲུག་རྣམས་ཀྱིས་ནི། བོད་ཁ་བ་ཅན་གྱི་ཡི་གེ་སྲོལ་བཏོད་པ་པོ་ཐོན་མི་སམ་བྷོ་ཊ་ཡི་ཡིག་སྲོལ་དང་མཐུན་པ་སྒྲ་རིག་པའི་བསྟན་བཅོས་དང་མ་འགལ་བའི་མིང་ཚིག་གི་ཐ་སྙད་གསར་པ་སློབ་སྦྱོང་བྱེད་རྒྱུ་བྱུང་ན་སྐམ་པ་ཆུ་འདོད་ལྟར་སྦྱོང་བརྡར་བྱེད་དང་མི་བྱེད་ཐེ་ཚོམ་སྤུ་ཙམ་ཡང་མི་དགོས། དེ་འདྲ་བའི་གངས་ཕྲུག་རྣམས་ལ་ང་རང་ས་མཐར་འཁྱམ་པའི་སྤྲང་འཁྱམ་བོད་མི་ཞིག་གིས་ལག་གཉིས་ཐལ་མོ་བྲང་ཁའི་སྙིང་ལ་སྦྱར་ནས་ཕྱག་གསུམ་འཚལ་ནས་ཞུ་གསོལ། ཡོན་ཏན་ཅན་གྱི་མི་དེ། ཁ་བ་ཅན་གྱི་ལྷ་རེད། ལ་རྒྱ་ཅན་གྱི་མི་དེ། དམར་ཁམས་གླིང་གི་རྒྱུད་རེད། ལྷག་བསམ་ཅན་གྱི་མི་དེ། གངས་ཅན་ཡུལ་གྱི་ནོར་རེད། སྙིང་སྟོབས་ཅན་གྱི་མི་དེ། བཙན་པོ་གདུང་གི་རྒྱུད་རེད། གཉིས་པ། ཕྱི་རོལ་དུ་ཡོད་པའི་བཙན་བྱོལ་བོད་མིའི་སྤྱི་ཚོགས་ནང་དུ་མིང་ཚིག་གི་ཐ་སྙད་གསར་པ་སྦྱོང་འདོད་པ་ཅི་ཙམ་ཡོད་དོ་ཞེ་ན། ཁ་ནས་བཤད་རྒྱུར་སྐད་ཡིག་ནི་མི་རིགས་བླ་སྲོག་དང་མི་རིགས་ནི་རྒྱལ་ཁབ་ཀྱི་སྲོག་ཤིང་རེད་ཁ་ཡོད་ཚད་ཐམས་ཅད་མ་ཎི་འདོན་པ་ནང་བཞིན་ཡིན་ཡང༌། དོན་ལག་ལེན་བསྟར་དུས། འཛམ་གླིང་རྒྱལ་ཁབ་མང་པོའི་གནས་ཚུལ་མཁྱེན་རྒྱ་ཆེ་བའི་སྐུ་དྲག་དང་ཡོ་རོབ་ཨ་མེ་རི་ཀའི་ནང་གཏན་སྡོད་བྱེད་པའི་འབྱོར་ལྡན་བོད་མི་རྣམས་ཀྱིས་ནི། རང་གི་བུ་ཕྲུག་ནུབ་ཕྱོགས་ཡུལ་གྲུ་ཁག་གི་ཕུན་སུམ་ཚོགས་པ་སྐད་ཡིག་སློབ་སྦྱོང་བྱེད་པར་བཏང་ནས་འབྱོར་ལྡན་རྒྱལ་ཁབ་ཁག་གི་མཐོ་སློབ་ལ་འགྲོ་ཐུབ་པ་བྱེད་དགོས་བསམ་རེ་འདུན་སྙིང་ལ་བཅང་བ་མ་གཏོགས། བོད་མི་རིགས་ཀྱི་བླ་སྲོག་ཁ་བ་རི་པའི་སྐད་ཡིག་སློབ་སྦྱོང་བྱེད་པའི་དུས་ཚོད་ཡང་མེད་ལ་རྗེས་སུ་ལུས་པའི་སྐད་ཡིག་ཞིག་སྦྱོང་ནས་དུས་རབས་གསར་པའི་རིག་གནས་སྦྱོང་ཐུབ་པའི་རེ་བ་ཡང་བྱེད་བཞིན་མེད། འོ་ན་ད་བཙན་བྱོལ་སྤྱི་ཚོགས་ནང་སུ་ཡོད། བོད་ཁ་བ་ཅནགྱི་རིག་གཞུང་ནང་པ་སངས་རྒྱས་པའི་ལྟ་གྲུབ་ལ་མཁས་པ་དང་བོད་ཀྱི་སྐད་ཡིག་ལ་ཤེས་ཚད་ཧ་ཅང་མཐོ་བའི་གྲྭ་ས་སེར་འབྲས་དགེ་གསུམ་དང་ཆོས་རྒྱུད་ཆེན་པོ་བཞི་ཡི་དགོན་སྡེ་ཁག་གི་གྲྭ་མང་ནས་སྦྱོང་ངོ་ཞེ་ན། དེ་ནི་མ་ཡིན་སྟེ། དེ་རྣམས་ཀྱིས་ནི་ནང་པ་སངས་རྒྱས་པའི་ལྟ་གྲུབ་ལ་བསླབ་པ་སློབ་གཉེར་བྱེད་ནས་མ་གྱུར་སེམས་ཅན་ཐམས་ཅད་ཐར་པ་དང་ཐམས་ཅད་མཁྱེན་པའི་གོ་འཕང་ཐོབ་ན་སྙམ་པ་ལས་ཐ་སྙད་གསར་པའི་མིང་ཚིག་དང་དུས་རབས་གསར་པའི་རིག་གནས་སློབ་སྦྱོང་བྱེད་ནས་ཁ་བ་རི་པའི་འཇིག་རྟེན་འཁོར་བའི་རྣམ་གཞག་ཡར་རྒྱས་གཏོང་དགོས་བསམ་པ་སེམས་ཀྱི་ཟུར་ལ་མེད། འོ་ན་ད་སུ་ཡོད་ཞེ་ན། རྒྱ་གར་བལ་ཡུལ་དུ་ཡོད་པའི་བཙན་འབྱོར་བོད་གཞུང་སློབ་གྲྭ་ཁག་གི་སློབ་ཕྲུག་རྣམས་ཀྱིས་སྦྱོང་ངོ་ཞེ་ན། བཙན་བྱོལ་བོད་གཞུང་གི་སློབ་མ་འཛིན་གྲྭ་བཅུ་གཉིས་པ་ཞིག་ལ་བོད་ནས་སླེབས་པའི་གསར་འབྱོར་བ་འཛིན་གྲྭ་ལྔ་པའི་བོད་ཡིག་ཤེས་ཚད་ཙམ་ཡང་མེད། ཅི་ཡིན་ཞེ་ན། བཙན་བྱོལ་བོད་མི་སྤྱི་ཚོགས་ནང་དུ་སློབ་མ་རྣམས་ཀྱིས་བོད་ཡིག་ལ་དོ་སྣང་མེད་པ་དང་ཕ་མ་རྣམས་ཀྱིས་རྒྱབ་བསྣན་མེད་པའི་རྒྱུ་མཚན་གྱིས་རེད། རྒྱུ་མཚན་ཅི་ཡིན་ཞེ་ན། ང་རང་ཚོས་བོད་ཀྱི་སྐད་ཡིག་ཐོག་ནས་དུས་རབས་གསར་པའི་རིག་གནས་སྦྱོང་མི་ཐོབ་པ་དང༌། དུས་རབས་གསར་པའི་རིག་གནས་སློབ་སྦྱོང་བྱེད་མ་ཐུབ་ན་རང་ཉིད་དུས་རབས་གསར་པའི་ནང་དུ་རྗེས་སུ་ལུས་པའི་མི་ཞིག་ཆགས་འགྲོ་བ་དང༌། ཕ་མ་སུ་ཡིན་ཡང་རང་གི་བུ་ཕྲུག་མདུན་ལ་སླེབས་ན་བསམ་པ་ལས་རྗེས་སུ་ལུས་ཆུག་འདོད་རྩ་བ་ནས་མེད། བོད་མི་ཀླད་རྙིང་པ་ཁག་གཅིག་གིས་ང་རང་ཚོའི་བོད་ཀྱི་སྐད་ཡིག་འདི་ཕུན་སུམ་ཚོགས་པའི་སྐད་ཡིག་ཞིག་དང་དུས་རབས་གསར་རྙིང་གི་རིག་གནས་ཐམས་ཅད་ང་རང་ཚོའི་སྐད་ཡིག་ནང་དུ་ཡོད་པ་མ་ཟད། གནམ་གྲུ་དང་ཟླ་བའི་གོ་ལ་ཡི་ཐོག་ཏུ་འགྲོ་ཐུབ་པའི་མེ་ཤུགས་འཕུར་མདའ་ལ་སོགས་བཟོ་བསྐྲུན་བྱེད་བཏང་ཐམས་ཅད་འབུམ་བཀའ་འགྱུར་བསྟན་འགྱུར་ནང་དུ་ཡོད་ཞེས་སྤོབས་པ་ཆེན་པོའི་ཐོག་ནས་གསུངས་ན་ཡང༌། དོན་དངོས་སུ་འབུམ་བཀའ་འགྱུར་བསྟན་འགྱུར་པོ་ཏི་བརྒྱ་ཉིས་བརྒྱ་འགོ་ནས་མཐའ་བར་ཏུ་ཀློག་ན་ཡང་གནམ་གྲུ་དང་མེ་ཤུགས་འཕུར་མདའ་ལ་སོགས་བཟོ་བསྐྲུན་བྱེད་བཏང་ཡོད་རྒྱུ་ཕར་བཞག་གནམ་གྲུ་ཞེས་པའི་ཚིག་ཙམ་ཡང་མཐོང་རྒྱུ་མེད། འབུམ་བཀའ་འགྱུར་བསྟན་འགྱུར་ནང་དུ་མེད་ན་ཡང་བཀའ་བློན་ཁྲི་པ་མཁས་དབང་ཟམ་གདོང་རིན་པོ་ཆེས་འགོ་ཁྲིད་པའི་བཙན་འབྱོར་བོད་གཞུང་གིས་དེང་སང་ཚན་རིག་བོད་ཀྱི་སྐད་ཡིག་ནང་དུ་བསྒྱུར་ཡོད་ཞེས་པའི་དེབ་གཅིག་ང་རང་གིས་ཀློག་རྒྱུ་བྱུང༌། དེབ་དེ་ཡི་ནང་རི་པིན་རྒྱལ་ཁབ་ལ་བྱ་ཕོ་རྔ་མ་རིང་ཤོས་ཞིག་ལ་ཁྲི་ཉེར་ལྔ་ཡོད་པ་དང་ཨུ་རུ་སུ་ལུང་པའི་ནང་བུ་མོ་ལོ་བརྒྱད་ལོན་པ་ཞིག་ལ་ཕྲུག་གུ་སྐྱེ་བའི་ལོ་རྒྱུས་བོད་ཡིག་ནང་དུ་བསྒྱུར་བའི་དེབ་དེ་འདྲ་བ་ཙམ་གྱིས་ཚན་རིག་ང་རང་ཚོའི་སྐད་ཡིག་ནང་ཡོད་གསུངས་པ་ཡིན་ན། ནུབ་ཕྱོགས་ཚན་རིག་པའི་རྐང་པ་བརྫིས་ས་ལ་བོད་ཚན་རིག་པའི་མགོ་ཡིས་ཐུག་པའི་རེ་བ་ཡང་མེད། གནད་འགག་ཆེ་ཤོས་དང་ཛ་དྲག་ཆེ་ཤོས་གཉིས་ནི། དང་པོ་གནད་འགག་ཆེ་ཤོས་ནི། ང་རང་ཚོའི་སྐད་ཡིག་ནང་དུ་ས་ཡི་གོ་ལའི་སྟེང་གི་གསར་ཐོན་གྱི་དངོས་པོ་འདིའི་མིང་ལ་འདི་ཡིན་ཞེས་དང༌། དངོས་པོ་འདི་ཡི་མིང་གི་དག་ཆ་འདི་ལྟར་འབྲི་དགོས་ཞེས་ང་རང་ཚོར་བོད་སྤྱི་ཡོངས་ལ་ཁྱབ་པའི་ཚིག་མཛོད་རྩ་བ་བརྟེན་ས་ཞིག་དང་ཆ་འཇོག་ས་ཞིག་དགོས་རྒྱུ་དེ་གནད་འགག་ཆེ་ཤོས་ཏུ་སྣང༌། ཕྱི་ལོ་༡༩༥༩ལོ་ནས་ད་ལྟར་བར་དུ་བོད་ཀྱི་སྐད་ཡིག་ནང་དུ་གསར་ཐོན་གྱི་ཐ་སྙད་ཐམས་ཅད་རྩོམ་པ་པོ་དང་གསར་འཕྲིན་རླུང་འཕྲིན་བརྙན་འཕྲིན་ཁག་གིས་རང་སྣང་གང་ཤར་དང་སྐད་ཡིག་གཞན་ཞིག་ནས་དོན་བསྒྱུར་བྱེད་ནས་བྲིས་པ་ཙམ་མ་གཏོགས་མེད། དཔེར་ན། མེ་འཁོར་རླངས་འཁོར་གློག་ཀླད་ཞེས་མིང་ཚིག་གི་ཐ་སྙད་ཐམས་ཅད་རྒྱ་མི་སྐད་ནས་དོན་བསྒྱུར་བྱེད་ནས་བྱུང་བ་ཞིག་རེད། དེ་དང་འདི་འདྲ་བའི་རང་སྣང་གང་དྲན་གྱིས་མིང་ལྷག་གསར་པ་རེ་ལ་བྲི་བཏང་གསར་པ་རེའི་ཐོག་ནས་བོད་ཀྱི་སྐད་ཡིག་འདི་བེད་སྤྱོད་བྱེད་པ་ཡིན་ན། མཐའ་མ་སྐད་ཡིག་དང་མི་རིགས་རྩ་བ་ཉིད་ནས་སིལ་བུར་འཐོར་འགྲོ་བའི་རྒྱུ་མཚན་ནི། ང་ཡི་རྩ་བའི་བླ་མ་བོད་ཁ་བ་ཅན་གྱི་མཁས་དབང་དགེ་འདུན་ཆོས་འཕེལ་གྱིས་བརྩམས་པའི་དེབ་ཐེར་དཀར་པོ་ལས། དེ་མིན་དེང་སང་མཐའ་མི་འགའ་ཞིག་གིས། དབུས་ཀྱི་ཕལ་སྐད། ལ་དྭགས་ཀྱི་ཕལ་སྐད་ལ་སོགས་སྣང་བ་གང་དྲན་གྱི་སྐད་མཛོད་དང་གླེགས་བམ་སྡེབ་པ་འདིའི་རིགས། བརྒྱ་ལ་དར་སྲོལ་ཆེ་རུ་སོང་ན། ཡུལ་སོ་སོའི་ཕལ་སྐད་མི་འདྲ་བའི་རྐྱེན་གྱིས། བོད་ཀྱི་སྤྱི་སྐད་ཡང་དུམ་བུར་ཆད་དེ། ནམ་ཞིག་ན་ཡུལ་སོ་སོའི་སྐད་དང་ཡི་གེ་ཕན་ཚུན་བརྡ་མི་འཕྲོད་པ་ཞིག་འོང་ངེས་ལ། སྐད་ཡིག་སོ་སོར་གྱེས་པས། བསམ་འཁྱེར་དང་སྤྱོད་ལམ་སོགས་ཀྱང་ཐ་དད་དུ་སོང་སྟེ། མཐར་བོད་ཀྱི་རིགས་རྒྱལ་ཁབ་རྩ་བ་ཉིད་ནས་སིལ་བུར་འཐོར་བའི་རྐྱེན་དུ་འགྲོ་བ་ལགས་ཞེས་གསུངས་པ་དེ། བཙན་འབྱོར་བོད་གཞུང་ཤེས་རིག་ལས་ཁུངས་གིས་ངོས་ནས་མཁྱེན་སོང་ངོ༌།། བཙན་འབྱོར་བོད་གཞུང་ཤེས་ལས་ཁུངས་འཛུགས་ནས་མི་ལོ་ལྔ་བཅུ་སོང་ཡང་ཞལ་ནས་གསུངས་དུས་བོད་ཀྱི་རིག་གཞུང་དང་བོད་ཀྱི་སྐད་ཡིག་ཞེས་མ་ཎི་འདོན་པ་ནང་བཞིན་ཡང་དོན་དངོས་ཐོག་མིང་ཚིག་གི་ཐ་སྙད་གཅིག་མཐུན་ཞིག་དང་ཆ་འཇོག་ས་རྩ་བ་བརྟེན་ས་ཞིག་བཟོས་མེད་པ་དེ་ནི། འཇིག་རྟེན་གྱི་ཁ་རྒྱུན་ལ། ཁ་བཤད་ཆུ་ཡི་ལྦུ་བ། ལག་ལེན་གསེར་གྱི་ཐིག་པ་ཞེས་པ་ནང་བཞིན་ང་རང་བོད་མི་དཀྱུས་མ་ཞིག་བློ་ཕམ་ཡོད་ལ་སེམས་སྐྱོ་བའི་གནས་ཞིག་རེད། དེང་སང་ཡུ་རོབ་ཨ་མེ་རི་ཀའི་ནང་བོད་པས་བོད་ཡིག་བེད་སྤྱོད་བྱེད་བཏང་ནི། དཔེར་ན། སུད་སི་དང་ལེཀ་ཊེན་སྤྲཡན་བོད་རིགས་མི་མང་གི་སྒྲིག་གཞི། ལེཀ་ཊེན་སྤྲཡན་ཞེས་པའི་མིང་ཚིག་གི་ཐ་སྙད་དེ་ནི་འཇར་མན་སྐད་ཡིག་ཐོག་ནས་རྒདྲྟཏྲདྤྟརྣཔྲྤྟདྲརྣ་ཞེས་བྲིས་ཡོད། ཨེ་ཤེ་ཡ་རང་དབང་རླུང་འཕྲིན་ལས་ཁུངས་ཀྱི་བོད་སྐད་སྡེ་ཚན་ནས་རྐྱཐཐྲདཎརྣདྲཔྲྤདཎརྣ་ཞེས་པའི་ཡུལ་མིང་ཞིག་ལ་བོད་ཡིག་ཐོག་ནས་ཨཕ་ག་ནིསྟ྄ན་ཞེས་བྲིས་ཡོད་པ་དེ་ཚོ་ནི། ང་རང་ཚོ་བོད་ཁ་བ་ཅན་གྱི་སྐད་ཡིག་སློབ་དཔོན་ཐུན་མི་སམ་བྷོ་ཊ་ཡི་ཡིག་སྲོལ་དང་མི་མཐུན་པའི་བྲིས་བཏང་ཞིག་རེད་འདུག་སྙམ། སུམ་ཅུ་པའི་རྩ་བ་ལས། ག་ང་ད་ན་བ་མ་འ་ར་ལ་ས་རྣམས་རྗེས་འཇུག་བཅུ། ད་དང་ས་གཉིས་ཡང་འཇུག་སྟེ་ཞེས་རྗེས་འཇུག་བཅུ་དང་ཡང་འཇུག་གཉིས་གསུངས་ཡོད། དེང་སང་མཁས་དབང་ཚོས་ཀ་དང་ཡ་གཉིས་རྗེས་འཇུག་དང་ན་ཡང་འཇུག་ཏུ་བཞག་ནས་བྲིས་པ་དང༌། ཨ་དང་ཕ་གཉིས་མིང་གཞི་མཉམ་འཇོག་བྱེད་ནས་བྲིས་པ་འདི་རིགས་བརྒྱ་ལ་དར་སྲོལ་ཆེ་རུ་སོང་ན། ཐོན་མི་སམ་བྷོ་ཊ་རང་ཉིད་ཀྱིས་ཀྱང་བོད་ཡིག་ཀློག་མི་ཤེས་པ་ཞིག་འོང་ངེས་ལ། རྩ་བ་རྟེན་ས་དང་ཁུངས་གཏུག་ས་མེད་པ་རང་སྣང་གང་ཤར་བྱེད་ནས་བྲིས་པ་དེས་བོད་མི་རིགས་ཀྱི་སྐད་ཡིག་སིལ་བུར་འཐོར་འགྲོ་བའི་རྐྱེན་དུ་སྣང༌། དེ་ལྟར་མ་ཡིན་པ་མིང་ཚིག་གི་ཐ་སྙད་འདི་གཉིས་ཐོན་མི་སམ་བྷོ་ཊའི་ཡི་གེའི་ལུགས་སྲོལ་དང་མཐུན་པ་སྒྲ་རིག་པའི་བསྟན་བཅོས་དང་མ་འགལ་བའི་ཐོག་ནས་འདོན་སྟངས་ཤིག་དང་འགྲེལ་བཤད་ཡོད་པ་ཡིན་ན། ཨེ་ཤེ་ཡ་རང་དབང་རླུང་འཕྲིན་ཁང་གི་རང་དབང་གླེང་མོལ་ཐོག་ནས་བོད་རིགས་རྒྱ་ཆེ་མི་དམངས་ཀྱི་མདུན་དུ་མིང་ཚིག་གི་ཐ་སྙད་འདི་གཉིས་འདོན་ཤེས་པ་དང་འགྲེལ་བཤད་རྒྱག་ཤེས་པའི་བོད་མི་དཀྱུས་མ་ང་ལྟ་བུ་ཞིག་ཡོང་ཐུབ་པ་ཡིན་ན། ཀློག་ཡོན་སུད་སི་སྒོར་མོ་བརྒྱ་ཐམ་པ་དང་མཇལ་དར་གཅིག་འབུལ་རྒྱུ་ཡིན། དེ་ལས་ལྷག་རྩོམ་པ་པོ་དང་གསར་འགོད་པ་དགེ་བཤེས་ལྷ་རམས་པ་ཕེབས་པ་ཡིན་ན། སུད་སི་སྒོར་མོ་ཉིས་བརྒྱ་དང་མཇལ་དར་ཞིག་འབུལ་རྒྱུ་ཡིན། དེ་ལས་ཀྱང་ལྷག་པའི་བོད་བཙན་འབྱོར་གཞུང་གི་སློབ་དཔོན་མཁས་དབང་ཟམ་གདོང་རིན་པོ་ཆེན་ཕེབས་ཐུབ་པ་ཡིན་ན། སུད་སི་སྒོར་མོ་སུམ་བརྒྱ་དང་མཇལ་དར་ཞིག་དང་ཕྱག་གསུམ་འཚལ་རྒྱུ་ཡིན། གཉིས་པ་ཛ་དྲག་ཆེ་ཤོས་ནི། ང་རང་ཚོའི་བཙན་འབྱོར་བོད་མི་སྤྱི་ཚོགས་ནང་དུ་ནུབ་ཕྱོགས་ཡུལ་གྲུ་ཁག་གི་དུས་རབས་གསར་པའི་རིག་གནས་ལ་མཁས་པ་དང་བོད་ཡིག་ལ་ཤེས་ཚད་ཧ་ཅང་མཐོ་བའི་ཁྱད་ཆོས་གཉིས་ལྡན་གྱི་བོད་མི་རྣམས་དགུང་ལོ་མཐོ་པོ་ལ་ཕེབས་བཞིན་འདུག། ཁྱད་ཆོས་གཉིས་ལྡན་གྱི་བོད་མི་དེ་ཚོ་ཞལ་བཞུགས་པའི་སྐབས་སུ་ང་རང་ཚོ་བོད་ཁ་བ་རི་པ་ལ་དགོས་མཁོ་ཡོད་པའི་དུས་རབས་གསར་པའི་རིག་གནས་ཐམས་ཅད་བོད་ཀྱི་སྐད་ཡིག་ནང་དུ་བསྒྱུར་དགོས་པ་ནི་གནས་ཚུལ་ཛ་དྲག་ཞིག་ཏུ་སྣང༌། དཔེར་ན། ཁྱད་ཆོས་གཉིས་ལྡན་གྱི་བོད་མི་སྨན་པ་རྟའུ་དཔལ་ལྡན་ལྟ་བུར་ཆ་མཚོན་ན། ནུབ་ཕྱོགས་པའི་གསོ་བ་རིག་པ་ཁོང་དུ་ཆུད་པ་དང་བོད་ཡིག་ལ་ཤེས་ཚད་ཧ་ཅང་མཐོ་བའི་ཁྱད་ཆོས་གཉིས་ལྡན་གྱི་བོད་མི་ཞིག་རེད། དེ་ཚོ་ཞལ་བཞུགས་པའི་སྐབས་སུ་བཙན་འབྱོར་བོད་གཞུང་ཤེས་རིག་ལས་ཁུངས་ནས་ནུབ་ཕྱོགས་པའི་གསོ་བ་རིག་པ་བོད་ཡིག་ལ་བསྒྱུར་མི་དགོས་པ་ཅི་ཡིན་ཞེས་དྲི་རྒྱུ་ཡིན། དེ་དང་དེ་འདྲ་བའི་ཞིང་ལས་འབྲོག་ལས་བཟོ་ལས་ལ་སོགས་ཡར་ཐོན་ཅན་གྱི་རྒྱལ་ཁབ་ཁག་གི་ལས་དོན་རིག་གནས་ཐམས་ཅད་བོད་ཀྱི་སྐད་ཡིག་ནང་དུ་ཚུར་བསྒྱུར་ཐུབ་པ་ཡིན་ན། དེ་ནི་ང་རང་ཚོའི་མི་རིགས་ཆེད་དུ་རིན་ཆེན་གསེར་ལས་ལྷག་པའི་དགོས་མཁོ་ཡོད་པར་སྣང༌། དཔེར་ན། ང་རང་ཚོ་བོད་ལ་ཆ་འཇོག་ན། འོ་མ་ཡོད་ཀྱང་ཕྱུར་བ་བཟོ་མི་ཤེས། ས་ཆ་ཡོད་ཀྱང་ཞིང་ལས་འདེད་མི་ཤེས། གཏེར་ཁ་ཡོད་ཀྱང་བཟོ་གྲྭ་འཛུགས་མི་ཤེས། གསེར་དངུལ་ཡོད་ཀྱང་དངུལ་ཁང་འཛུགས་མི་ཤེས། གནས་ཚུལ་འདི་ཚོ་མིག་གི་མདུན་དུ་བཞག་ནས་བོད་ཀྱི་མཁས་དབང་ཚང་མས་ཁ་མ་གྲགས་པ་ལྐུགས་པ་ཆགས་སོང་ངམ། འོ་ན་དུས་རབས་ཉི་ཤུ་རྩ་གཅིག་ནང་དུ་སླེབས་ན་ཡང་རྨོངས་གཉིད་ཁུག་ནས་སྡོད་ཀྱི་ཡིན་པའི། གལ་སྲིད་དུས་རབས་གསར་པའི་ལག་ཤེས་དང་རིག་གནས་ཐམས་ཅད་ང་རང་ཚོའི་སྐད་ཡིག་ནང་དུ་བསྒྱུར་ཐུབ་པ་ཡིན་ན། བོད་ཀྱི་སྐད་ཡིག་འདིའི་ཐོག་ནས་དུས་རབས་གསར་པའི་སྤྱི་ཚོགས་ནང་དུ་བོད་མི་རྣམས་ཀྱིས་རྗེས་སུ་མ་ལུས་པའི་འཚོ་བ་གསར་པ་ཞིག་སྐྱེལ་ཐུབ་པའི་རེ་བ་ཡོད་པ་དང༌། དེ་འདྲ་བྱུང་ན་བོད་ཡིག་སློབ་སྦྱོང་བྱེད་མི་མང་དུ་འགྲོ་བ་དང་བོད་ཡིག་ལ་མཐོང་ཆེ་རུ་འགྲོ་བ་ནི་ཞུ་མ་དགོས་པ་མཁྱེན་གསལ་རེད། རང་ཉིད་དང་ཁྲག་རྒྱུད་འབྲེལ་བའི་སྤུན་ཟླ་ལྷན་རྒྱས་ལགས། ད་འདི་ནས་གུས་པའི་བྲིས་མཚམས་བཞག་རྒྱུ་ཡིན།འཇིག་རྟེན་གྱི་ཁ་རྒྱུན་ལ། བཤད་མང་ན་ཕ་གཏམ་བུ་ལ་ཕོག། ཟ་མང་ན་བྲང་ཁའི་མཆིན་པ་ན་ཞེས་པ་ནང་བཞིན་མཚམས་བཞག་ན་བསམ། དེ་ལས་རྒྱ་ཆེ་ཀློག་པ་པོས་གུས་པས་ཡིག་ནོར་དང་བཤད་པ་ཐལ་གྲགས་པ་རྣམས་ལ་སྐྱོན་བརྗོད་དང་དགག་པ་མང་ཙམ་ཡོད་པ་མཁྱེན། ཕྱི་ལོ་༢༠༠༩ཕྱི་ཟླ་༡༠ཚེས་༨ཉིན་ཕུལ། བྲི་པ་པོ་ནི་ཅོ་རི་ཉི་མ་ཡིན། བྲིས་པའི་ཡུལ་ནི་ནུབ་ཕྱོགས་སུད་སི་ཡིན། བྲིས་པའི་བརྗོད་བྱ་ཐ་སྙད་གསར་པ་ཡིན། བྲིས་པའི་དོན་ནི་མི་རིགས་ཆེད་དུ་ཡིན།
Thursday, June 9, 2011
ཚ་བ་མདའ་སྨྱུག་དང་འབྲེལ་བ་ཡོད་མེད་ཀྱི་སྐད་ཆ་འགའ།
སེང་རྡོར།
____ ཚ་བ་མདའ་སྨྱུག་ལགས་གར་ཡོད་མ་ཤེས་ལོ་འཁོར་རེ་ཟུང་ཕྱིན་པར་རྗེས་དྲན་ཞུ།
འདི་ནས་ལྡོག་སྟེ་བརྩིས་ན་མི་ལོ་དྲུག་གི་སྔོན་རེད། སྤྱི་ལོ་ཉིས་སྟོང་ལྔའི་དགུན་དཀྱིལ་ཞིག་ལ་ཁོ་བོས་སངས་རྒྱས་ཀྱི་མདོ་ག་པར་ཡོད་དམ་ཞེས་པའི་རྩོམ་ཡིག་ཐུང་ངུ་ཞིག་བྲིས་ཏེ་ལོ་དེར་ཕ་ཡུལ་ནས་བསྐྲུན་པའི་དྲེལ་གཞུང་རིག་རྩལ་ཚོགས་པའི་གཏམ་གླེང་ཆེད་བསྒྲིགས་ཅེས་པའི་དེབ་ཏུ་བཀོད་བཞག ཚེག་ཡིག་འབྲུ་ཉུང་ཞིང་ལུང་དཔེ་བརྗོད་ཀྱིས་དབུལ་ནའང་། ཤོག་ལྷེ་འགའ་ལས་མེད་པའི་རྩོམ་ཐུང་དེ་རྗེས་ཀྱི་རྟུལ་ཕོད་བྲི་དགོས་པའི་རྒྱུ་རྐྱེན་གཙོ་བོ་གཅིག་ཡིན། རྟུལ་ཕོད་ནང་བཅད་ལྷུག་གཉི་གའི་ལམ་ནས་ཤོབ་ཀྱི་ཕུང་བོ་བརྒྱད་ཁྲི་བཞི་སྟོང་ཞེས་པའི་རྩོམ་ཆ་གཅིག་བྲིས་ཡོད། དམ་པ་ཁང་དཀར་སོགས་ཀྱི་དཔེ་དེབ་རེ་ཟུང་བཀླགས་པས་ཡིག་ཚོགས་ཅུང་མང་དུ་འཕེལ་ཡོད་མ་གཏོགས། ནང་དོན་ཕལ་ཆེར་སྔར་གྱི་དེ་ག་རང་ངོ་།
གཞེས་ནིང་ལོར་དྲ་ཐོག་ཏུ་ཞུགས་རྗེས། ཚ་བ་མདའ་སྨྱུག་ལགས་ཀྱི་ལོག་རྟོགས་སྙིང་སྟོབས་ཞེས་པ་མཇལ་ཐུབ་སོང་། ལོག་རྟོགས་སྙིང་སྟོབས་དེ་གཞུང་བཀའ་པོད་ལྔ་ཡི་རིགས་དབྱེ་བཀར་ཐོག་བར་བར་དགེ་རྒན་ཆེན་མོ་དོར་ཞི་དང་མཁན་པོ་ཚུལ་ཁྲིམས་བློ་གྲོས་སོགས་ཀྱི་ལྟ་ཚུལ་ཕྱོགས་སྔར་བཀོད་དེ་བྲིས་པའི་རྩོམ་རིང་ཞིག་རེད། དེའང་གསལ་པོར་བཤད་ན་གནའ་བོའི་སྟོན་པ་ནས་དེ་རིང་གི་རྗེས་མཇུག་སེར་སྐྱ་གཅིག་ཀྱང་ཤོར་མ་བཅུག་པའི་ཡི་གེའི་ལས་འགུལ་རྩུབ་པོ་ཞིག་རེད། ཨ་ལགས་ཚེ་ཏན་ཞབས་དྲུང་གིས་ཐོན་མིའི་ཞལ་ལུང་འབྲི་སྟངས་དང་རྣམ་པའི་ཆ་ནས་འདྲ་པོ་ཡོད།
ཟླ་འོད་གཞོན་ནུའི་འཁྲི་ཤིང་དང་དེ་ལས་ཀྱང་སྔ་བའི་མདའ་སྨྱུག་ལགས་ཀྱི་རྩོམ་དག་བཀླགས་ན། ཁོང་གིས་ཀྱང་མཁན་པོ་བཀྲ་ཤིས་བསྟན་པ་རབ་རྒྱས་སོགས་སངས་རྒྱས་དངོས་ཀྱི་ཚད་དུ་བཀུར་ཐུབ་པའི་འབབ་ཚིགས་ཤིག་བརྒྱུད་མྱོང་བ་ཤེས་ལ། ལོག་རྟོགས་སྙིང་སྟོབས་ཀྱིས་ས་མཚམས་ཕྱེ་བའི་བྲིས་རྩོམ་གསར་མ་ཁག་མཇལ་སྐབས། དུས་ཚོད་ཀྱི་སྐས་རྐང་དང་ལྡན་པར་རིམ་པས་མཁན་པོ་དགེ་བཤེས་སོགས་ལ་ཁོ་ཆད་ཅིང་བློ་ལོག་སྟེ། མཐར་ནི་ལོག་པར་རྟོགས་པའི་སྙིང་སྟོབས་ཆ་ཚང་རྙེད་པ་སྟེ། སྡོམ་པ་ནི་རང་དབང་གི་དགྲ་བོ་ཡིན། རྒྱུད་ལ་སྡོམ་པ་ལེན་པ་ནི་སྐེ་ལ་ལྕེབ་ཐག་གོན་པ་ཡིན་ཞེས་པའམ། དེ་ཚོ་ཡོད་ཚད་ལ་བརྗེད་ཟས་བརྗེད་ཆུ་འདྲ་དྲངས་པ་ཡིན་ན་མ་གཏོགས་སོགས་ཀྱི་རིང་ཐུང་ཕོ་འདོམ་དགུ་བརྒྱ་ཡོད་པའི་དགག་གཟེར་ནག་པོ་ཞིག་བསྐྱུར་ཏེ་ཕེབས་སོང་བ་གོ་ཡོང། ལོག་རྟོགས་སྙིང་སྟོབས་ཞེས་པའི་ཚིག་སྒྲོས་གཞན་ཞིག་ནི་ཤོབ་ཀྱི་ཕུང་བོ་བརྒྱད་ཁྲི་བཞི་སྟོང་རང་རེད། ཡང་ན་དེ་ལས་ཀྱང་ངམ་ནག་སྟེ། ལོག་རྟོགས་སྙིང་སྟོབས་ཅེས་པའི་ཁོག་ཏུ་ཁོ་བོའི་ཤོབ་ཀྱི་ཕུང་བོ་བརྒྱད་ཁྲི་བཞི་སྟོང་ལྟ་བུ་བརྒྱ་ཐམ་པ་ཡང་བསྡུས་ཏེ་འདུག ཁང་དཀར་ལགས་སོགས་ཀྱིས་རྒྱུ་ཆའི་ཚུལ་དུ་བཏོན་པ་གང་ཞིག་མདའ་སྨྱུག་ལགས་ཀྱིས་གཅིག་གཅིག་གཉིས་གཉིས་སུ་གཏན་ལ་ཕབ་ཚར་ཡོད།
གཞན་ཞིག་ནི། ལོག་རྟོགས་སྙིང་སྟོབས་སོགས་མཇལ་ན་ཁོང་གི་ཐོས་པ་དེ་དགེ་འདུན་ཆོས་འཕེལ་དང་མཉམ་པོར་ལྟ་ཆོག་པ་ཞིག་འདུག གང་བྲིས་ཐམས་ཅད་པོ་གཙང་ཆེན་གྲུ་ཡིས་གཤགས་པ་ནང་བཞིན་ཐོགས་ས་ཅི་ཡང་ཡོད་མི་འདུག་སྟེ། རང་རེའི་ཤར་ལྷོ་ཕྱོགས་མཚམས་ནས་བསྒྲུགས་ཁུལ་བྱས་པ་དག་དང་གཏན་མི་འདྲའོ། ཁོང་རྣམས་ཀྱི་ཐོས་པ་དེ་དྲ་ཐོག་པེ་ཏོའི་གཤེར་སྒོའི་ནང་དྲི་བ་ཞིག་བརྒྱབ་པ་བཞིན་ཐམས་ཅད་ཀུན་ཀྱང་ཀློང་དུ་བརྡོལ་ཡོད་འདུག དེའི་རྐྱེན་གྱིས་ཁོ་བོས་རྒྱུན་པར་དགེ་འདུན་ཆོས་འཕེལ་དང་ཚ་བ་མདའ་སྨྱུག་སོགས་ཀྱི་དེ་རྩོམ་སྟངས་ཤིག་དང་རྩོམ་ལུས་ཤིག་ལ་ལྟོས་པ་ཅང་མེད་པར། དཔེ་ཀློག་གི་ཁམས་ཆེན་པོ་ཞིག་གིས་ཐག་བཅད་འདུག་ཅེས་ཟེར་པ་ཡིན་ནོ། དེ་ནི་ལད་མོ་བྱེད་ཐུབ་ས་ཞིག་མིན་ལ་ལད་མོ་བྱས་ཏེ་ཡོང་བ་ཞིག་ཀྱང་མིན། ངེས་པ་དོན་གྱི་མང་ཐོས་ཁོང་འདྲ་བོད་ཙམ་ཕར་ཞོག་འཛམ་གླིང་ཆེན་པོ་འདིར་ཡང་མང་པོ་ཞིག་ཨེ་ཡོད་མི་ཤེས།
ཕྱིར་བདག་གི་སྟེང་བབས་ན། ཚ་བ་མདའ་སྨྱུག་གི་ལོག་རྟོགས་སྙིང་སྟོབས་ཤེས་པ་ནས་བཟུང་ཤོབ་ཀྱི་ཕུང་བོ་བརྒྱད་ཁྲི་བཞི་སྟོང་ཇེ་རྒྱས་ཇེ་ཞིབ་གཏོང་དགོས་སྙམ་པའི་འཆར་གཞི་དེ་ཧྲིལ་གྱིས་མཚམས་བཞག་པ་ཡིན། རྒྱུ་མཚན་ཧ་ཅང་སླ་སྟེ། ངས་བཤད་དགོས་པ་དག་ཁོང་གིས་ཡོངས་སུ་བཤད་ཟིན་ལ། ངས་བཤད་མ་ཤེས་པ་མང་ཞིག་ཀྱང་ཁོང་གིས་བཤད་ཟིན་ཏེ་ཡོད། དེ་ནི་ང་རང་སྤྲོ་དགོས་པའི་དོན་དག་ཅིག་སྟེ། རང་གཅིག་པུའི་སོམ་ཉིའི་མདུད་པ་ཁེར་རྐྱང་དེར་གློ་བུར་དུ་དྲིས་ལན་རྙེད་བྱུང་བས་སོ། ཡང་ན་བསམ་བློ་གཏོང་ཕྱོགས་རང་དང་འདྲ་བ་རེ་གནམ་འོག་ཏུ་མེད་མི་སྲིད་པའི་ཡིད་ཆེས་རྙེད་པས་སོ། འོན་ཀྱང་བགྲང་བྱ་རེ་ཟུང་བསྐྱལ་མ་ཐག ཡང་བསྐྱར་གང་ཞིག་ན་ཅི་ཞིག་ལུས་འདུག་པའམ་ག་རེ་ཆད་ཡོད་པ་ལྟ་བུའི་སེམས་ཁྲལ་རེ་མི་སྐྱེས་ཐུ་མེད་བྱུང་། དེ་ནི་ཅི་ཞིག་ཡིན་སྲིད་དམ།
ལར་ཆོས་ལུགས་གང་ཡང་རྟོག་གེའི་རིག་པས་འགྲེལ་ཐབས་མེད་པ་ངས་ད་ལྟ་ཡིན་རུང་ཁས་ལེན། འོན་ཏེ། ཁོ་བོའི་རྩོམ་ཐུང་ཁག་ཡིན་ན་འདྲ། ཚ་བ་མདའ་སྨྱུག་གི་རྩོམ་རིང་དེ་ཡིན་ན་འདྲ། དགག་རྒྱུ་གང་ཞིག་དགག་ཚར་པའི་ཤུལ་དུ་ཆོས་ལུགས་ལ་བསྐྱུར་པའི་སྐད་ཆ་ནི་ཁོ་བོ་ལྟར་ན་ཆོས་ལུགས་གང་ཡང་རིག་གནས་ཤིག་ཡིན་པར་ངེས་པ་རྙེད་ན་ཞེས་པ་དེ་ཙམ་དང་། ཚ་བ་མདའ་སྨྱུག་ཁོང་ལྟར་ན་ངས་དགོས་པའི་དབང་གིས་བཅོས་མའི་དད་པ་ཞིག་བྱེད་ཀྱིན་ཡོད་ཅེས་པ་འདི་ཙམ་རེད། སྟེས་དབང་ཞེས་པ་ཡིན་རྒྱུ་རེད་དེ། དགོན་སྡེའི་དངོས་གཞིའི་སྦྱངས་རིམ་ཁག་ཐད་ཀར་མ་སོང་བའི་ཁོ་བོའི་ངག་དང་ནང་བསྟན་མཚན་ཉིད་རིག་པའི་བསླབ་བྱ་སྐོར་ཞིག་དངོས་སུ་རྫོགས་ཟིན་པའི་ཚ་བ་མདའ་སྨྱུག་གི་གཏམ་གཉིས་མ་བགྲོས་ངང་གིས་ཐོད་ཐུག་ཡོད་ཨང་། ལར་ན་དེ་ཙམ་གྱིས་ཀྱང་ཚོད་ཚོད་དུ་སྤོབས་པ་ལྟ་བུ་རེ་ཐོབ་རྒྱུ་འདུག་མོད། ཉལ་ཐོག་ལག་པ་བྲང་ཐོག་གིས་དལ་མོར་འདང་བརྒྱབ་ན། ཡོངས་རྫོགས་ཤེས་ཚར་པའི་ཚ་བ་མདའ་སྨྱུག་གི་གསུང་ཡིན་ན་འདྲ་ལ། ཕྱེད་ཙམ་ལས་གོ་མེད་པའི་ཁོ་བོའི་སྐད་ཆ་ཡིན་ནའང་འདྲ། ཆོས་ལུགས་ལ་བསྐྱུར་པའི་གནས་མལ་དེ་ཅུང་ཟད་དོག་དྲགས་པ་ཨེ་ཡིན་གྱི་སེམས་འཚུབ་རེ་ཁད་ཀྱིས་སྐྱེས་འོངས་སོ།
ཁོ་བོའི་ཉོག་བཤད་དག་མ་གླེང་ཡང་ཆོག་མོད། ཆོས་ལུགས་ཞེས་པ་དེ་རྟ་རྒན་ཞིག་ཡིན་རྒྱུའི་དབང་དུ་བྱས་ན་ལྕག་བཞུ་ཡོབ་རྡུང་གིས་བརྒྱུགས་བརྒྱུགས་མཐར་དབུགས་ཁམ་གང་ལེན་དབང་བྱིན་པ་ནི་ལོག་རྟོགས་སྙིང་སྟོབས་མཇུག་གི་ངས་དགོས་པའི་དབང་གིས་བཅོས་མའི་དད་པ་ཞིག་བྱེད་ཀྱིན་ཡོད་ཅེས་པ་འདི་ག་ཙམ་རེད། སྙན་ངག་བཞིན་ཕྱི་བསློགས་ནང་བསློགས་བྱས་ཚེ་བཅོས་མའི་དད་པ་ཞེས་པའི་ཁོག་ཏུ་ཧ་ཅང་མང་པོ་ཞིག་བསྡུས་ཡོད་ཅེས་བཤད་ཐུབ་མོད། རྒྱུན་ལྡན་ལྟར་ན་བཅོས་མའི་དད་པ་ཞེས་པ་འདི་སྒྲ་དོན་གང་ཐད་ནས་དེ་ཙམ་འཁྱེར་བདེ་ཡག་པོ་ཞིག་མིན་པ་ལྟ་བུར་སྣང་།
བདག་ནི་རང་དང་གཞན་གྱིས་ལབ་པ་ལྟར་དགོན་སྡེའི་སྦྱངས་རིམ་ཁག་དངོས་སུ་མ་སོང་བར་ལྷན་སྐྱེས་དང་དཔེ་ཀློག་ཙམ་གྱིས་འུར་རྒྱག་མཁན་ཡིན་ཕྱིར། ཁོབས་སུ་མ་ཆུད་པའི་ཆ་འགའ་ཞིག་ཡོད་ན་སྐྱོན་མི་སྲིད། སོ་སོས་རིམ་པས་ཇེ་གསལ་གཏོང་ཆོག་ལ་གཞན་དག་ཀྱང་འཕར་བ་རྗེས་ཐོག་གཅིག་གིས་མི་ཡོང་ལས་ཆེ་མོད། ཚ་བ་མདའ་སྨྱུག་ཁོང་གཞན་དང་མི་འདྲ་སྟེ། ཆོས་ལུགས་ཕྱོགས་ཀྱི་མཁས་པ་དོ་ཟླ་མེད་པ་ཞིག་ལ་བརྩི་ཆོག་པ་ཡིན་པས། ཚིག་གཅིག་གཉིས་ཙམ་གྱིས་ཀྱང་གཞན་ལ་ཤུགས་རྐྱེན་བློ་ཡུལ་ལས་འདས་པ་རེ་སྟེར་སྲིད་པ་རེད། དེའི་ཕྱིར་ཁོང་གིས་ད་དུང་ཆོས་ལུགས་ཐད་གཞན་འགའ་རེ་བཤད་མེད་པ་ལྟ་བུའི་སྟོང་ཆ་མཐོང་གི་ཟེར་པ་ཡིན།
དེ་ལྟ་ནའང་། ལོག་རྟོགས་སྙིང་སྟོབས་ཐད་ནས་ཁོང་ལ་དོན་དང་མཐུན་པའི་དགག་ལན་ཞིག་སུས་ཀྱང་བསྐྱོན་ཤེས་ཐབས་མེད་དེ། རྩོམ་རྩལ་དང་ཁ་སྟབས་ཙམ་གྱིས་ཟེར་པ་མིན། ཆོས་ལུགས་ཀུན་དང་བྱེ་བྲག་སངས་རྒྱས་ཆོས་ལུགས་ཀྱི་རྒྱུ་རྙོག་དངོས་ནི་ཁོང་ཉིད་ཀྱིས་གསུངས་པ་དང་ཨ་ན་མ་ན་ཡིན་པས་དོན་དངོས་ལ་བསྙོན་ནུས་པའི་རིག་པ་ཞིག་སྲིད་འདིར་གཞི་མི་གྲུབ་པས་སོ།
ངས་བལྟས་ན་ཚ་བ་མདའ་སྨྱུག་གམ་ལོག་རྟོག་སྙིང་སྟོབས་ཞེས་པ་འདི་སངས་རྒྱས་ཆོས་ལུགས་ཀྱི་རྩ་བར་བཀོད་པའི་བསྐལ་བའི་རྟགས་ཐམ་རིང་མོ་ཞིག་ཡིན་པ་རེད། འདི་ཕན་ཆད་དགག་རྒྱུ་མེད་ལ་དགག་ནའང་སྙིང་པོ་མེད། སངས་རྒྱས་ཆོས་ལུགས་འདི་རྟོག་གེ་རིག་པ་དང་བསྲེས་ཐོག་ཚད་མ་སོགས་ཀྱི་རྒྱབ་རོགས་འོག་ད་ལྟའི་བར་དཀའ་ལས་གང་ཡང་མ་བརྒྱབ་པར་ཀུན་གྱིས་བདེན་པ་ཉག་གཅིག་ཏུ་ཁུར་ཏེ་འོངས་ཕྱིར་ལྕགས་དམར་སྐམ་གཅུན་གྱི་བཀའ་བསྒོ་འདི་སྤྱིར་ན་འབབ་སྟེ་ཡོད་མོད། ད་དུང་མུ་མཐུད་དགག་ཕྱིན་ཆོས་ལུགས་ཀྱིས་བསྐྱེད་པའི་ཉེས་པ་དེས་མི་ཚད་པའི་ཉེས་པ་གཞན་ཞིག་མི་འབྱུང་བའི་ངེས་པའང་མི་འདུག་པ་འདྲ།སྟབས་ཉེས་ན་མཐའ་ཟད་པའི་མཐའ་ཞིག་སྟེ་ཤེས་བྱ་ལ་བསྙོན་པ་ལྟ་བུའི་ཕྱིན་ཅི་ལོག་པའང་ཁ་དར་སྲིད་པ་ཞིག་རེད།
འདི་ཡང་གཙོ་བོ་ཁ་སང་དེ་རིང་གི་དྲ་ཐོག་བལྟས་ནས་བཤད་པ་ཡིན། རགས་ཕྱོགས་ནས་མི་ཡོངས་རྫོགས་པོ་ཆོས་ལུགས་ལ་དགག་པ་བསྐྱོན་མཁན་ཡིན་པ་ལྟ་བུར་སྣང་། དེ་འདྲ་རང་ག་ལ་ཡིན་མོད། དུས་འདིར་ཆོས་ལུགས་ལ་ཁ་རྡུང་གཏོང་མཁན་ཉུང་ཉུང་ཞིག་གཞི་ནས་མ་རེད། ཁ་རྡུང་གཏོང་མཁན་མང་ཆེར་ལ་གང་ནས་འོངས་པ་མི་ཤེས་པའི་སྡང་ཞེན་ཞིག་ཀྱང་ཡོད་པ་འདྲ། འདི་རྒྱུན་ལྡན་ཞིག་ལ་ཅིས་ཀྱང་མཐོང་དཀའོ། དེ་ལ་རྒྱུ་རྐྱེན་མང་མོད་གཙོ་བོ་གཅིག་ནི། ཚ་བ་མདའ་སྨྱུག་ཁོང་དང་ངེད་སོགས་ཀྱིས་ཆོས་ལུགས་ནི་རིག་གནས་ཤིག་ཡིན་ཞེས་པའམ་ངས་དགོས་པའི་དབང་གིས་བཅོས་མའི་དད་པ་ཞིག་བྱེད་ཀྱིན་ཡོད་ལྟ་བུའི་སྐད་ཆ་ཐུང་ངུ་རེ་ལས་མ་བསྐྱུར་པས་རེད་འདོད།
མི་རྣམས་ལོག་རྟོགས་སྙིང་སྟོབས་དང་ཤོབ་ཀྱི་ཕུང་བོ་བརྒྱད་ཁྲི་བཞི་སྟོང་ལྟ་བུའི་ཁ་བྱང་གིས་བསླུས་པ་དང་ལོག་རྟོགས་སྙིང་སྟོབས་གཞུང་དངོས་ཀྱི་ལེའུ་རིང་མོ་ཁག་ལས་མཇུག་བྱང་ཐུང་ངུའི་ནང་གི་ངས་དགོས་པའི་དབང་གིས་བཅོས་མའི་དད་པ་ཞིག་བྱེད་ཀྱིན་ཡོད་ལྟ་བུའི་ཚིག་ཕྲེང་ཕྱེད་པ་ཙམ་དེར་དོ་སྣང་རྩ་བ་ནས་སླེབས་ཀྱིན་མེད་ཚོད་རེད། དེ་ལ་དོ་སྣང་མ་བྱུང་བས་དགོངས་གཞི་ཅན་གྱི་ཚིག་ཕྱེད་པ་དེ་དག་ཕལ་ཆེར་མ་བྲིས་པ་དང་ཁྱད་མེད་པ་ལྟ་བུ་ཆགས་སོང་བ་རེད།
འདི་མུར་ཕྱིན་ཚེ་སྒྱུ་རྩལ་དང་དཔལ་ཡོན་གྱི་ཆ་རུ་གྱུར་པ་གང་ཞིག བསམ་བློ་དང་ཤེས་རིག་གི་ངོ་བོར་གྲུབ་པ་གང་ཞིག མི་ཆོས་དང་ལྟ་སྤྱོད་ཀྱི་གཞུང་རྟར་སྨིན་པ་གང་ཞིག་སྟེ། ཆོས་ལུགས་མ་རེད་ཅེ་ན་ཆོས་ལུགས་ཡིན་པ་དང་ཆོས་ལུགས་རེད་ཅེ་ནའང་ཆོས་ལུགས་མིན་པ་སོགས་ཀྱི་ཧ་ཅང་མང་པོ་མང་པོ་ཞིག་ལ་གནས་མ་ཡིན་པའི་བརྡབ་གསིག་དང་ཆག་གྲུམ་མི་འབྱུང་བའི་ངེས་པ་མེད་པ་འདྲ། འདི་ནི་ཁོ་བོས་གོང་ནས་ཅི་ཞིག་ལུས་འདུག་པའམ་ག་རེ་ཆད་ཡོད་པ་ལྟ་བུའི་སེམས་ཁྲལ་རེ་མི་སྐྱེས་ཐུ་མེད་རེད་ལབ་པའི་འགག་རྩའི་དོན་པོ་ཡིན། དེ་ལྟ་ན། ཕྱི་ཕྱིར་ང་རང་ཚོས་ཆོས་ལུགས་ཀྱི་སྡོང་རྒན་འདི་རེ་ཞིག་བརྐོ་མཚམས་བཞག་སྟེ་ལས་ཀ་གཞན་དག་ལ་དྲན་པ་བསྐོར་ན་ག་འདྲ་ཡིན་ནམ་ཞེས་པའོ།
____ ཚ་བ་མདའ་སྨྱུག་ལགས་གར་ཡོད་མ་ཤེས་ལོ་འཁོར་རེ་ཟུང་ཕྱིན་པར་རྗེས་དྲན་ཞུ།
འདི་ནས་ལྡོག་སྟེ་བརྩིས་ན་མི་ལོ་དྲུག་གི་སྔོན་རེད། སྤྱི་ལོ་ཉིས་སྟོང་ལྔའི་དགུན་དཀྱིལ་ཞིག་ལ་ཁོ་བོས་སངས་རྒྱས་ཀྱི་མདོ་ག་པར་ཡོད་དམ་ཞེས་པའི་རྩོམ་ཡིག་ཐུང་ངུ་ཞིག་བྲིས་ཏེ་ལོ་དེར་ཕ་ཡུལ་ནས་བསྐྲུན་པའི་དྲེལ་གཞུང་རིག་རྩལ་ཚོགས་པའི་གཏམ་གླེང་ཆེད་བསྒྲིགས་ཅེས་པའི་དེབ་ཏུ་བཀོད་བཞག ཚེག་ཡིག་འབྲུ་ཉུང་ཞིང་ལུང་དཔེ་བརྗོད་ཀྱིས་དབུལ་ནའང་། ཤོག་ལྷེ་འགའ་ལས་མེད་པའི་རྩོམ་ཐུང་དེ་རྗེས་ཀྱི་རྟུལ་ཕོད་བྲི་དགོས་པའི་རྒྱུ་རྐྱེན་གཙོ་བོ་གཅིག་ཡིན། རྟུལ་ཕོད་ནང་བཅད་ལྷུག་གཉི་གའི་ལམ་ནས་ཤོབ་ཀྱི་ཕུང་བོ་བརྒྱད་ཁྲི་བཞི་སྟོང་ཞེས་པའི་རྩོམ་ཆ་གཅིག་བྲིས་ཡོད། དམ་པ་ཁང་དཀར་སོགས་ཀྱི་དཔེ་དེབ་རེ་ཟུང་བཀླགས་པས་ཡིག་ཚོགས་ཅུང་མང་དུ་འཕེལ་ཡོད་མ་གཏོགས། ནང་དོན་ཕལ་ཆེར་སྔར་གྱི་དེ་ག་རང་ངོ་།
གཞེས་ནིང་ལོར་དྲ་ཐོག་ཏུ་ཞུགས་རྗེས། ཚ་བ་མདའ་སྨྱུག་ལགས་ཀྱི་ལོག་རྟོགས་སྙིང་སྟོབས་ཞེས་པ་མཇལ་ཐུབ་སོང་། ལོག་རྟོགས་སྙིང་སྟོབས་དེ་གཞུང་བཀའ་པོད་ལྔ་ཡི་རིགས་དབྱེ་བཀར་ཐོག་བར་བར་དགེ་རྒན་ཆེན་མོ་དོར་ཞི་དང་མཁན་པོ་ཚུལ་ཁྲིམས་བློ་གྲོས་སོགས་ཀྱི་ལྟ་ཚུལ་ཕྱོགས་སྔར་བཀོད་དེ་བྲིས་པའི་རྩོམ་རིང་ཞིག་རེད། དེའང་གསལ་པོར་བཤད་ན་གནའ་བོའི་སྟོན་པ་ནས་དེ་རིང་གི་རྗེས་མཇུག་སེར་སྐྱ་གཅིག་ཀྱང་ཤོར་མ་བཅུག་པའི་ཡི་གེའི་ལས་འགུལ་རྩུབ་པོ་ཞིག་རེད། ཨ་ལགས་ཚེ་ཏན་ཞབས་དྲུང་གིས་ཐོན་མིའི་ཞལ་ལུང་འབྲི་སྟངས་དང་རྣམ་པའི་ཆ་ནས་འདྲ་པོ་ཡོད།
ཟླ་འོད་གཞོན་ནུའི་འཁྲི་ཤིང་དང་དེ་ལས་ཀྱང་སྔ་བའི་མདའ་སྨྱུག་ལགས་ཀྱི་རྩོམ་དག་བཀླགས་ན། ཁོང་གིས་ཀྱང་མཁན་པོ་བཀྲ་ཤིས་བསྟན་པ་རབ་རྒྱས་སོགས་སངས་རྒྱས་དངོས་ཀྱི་ཚད་དུ་བཀུར་ཐུབ་པའི་འབབ་ཚིགས་ཤིག་བརྒྱུད་མྱོང་བ་ཤེས་ལ། ལོག་རྟོགས་སྙིང་སྟོབས་ཀྱིས་ས་མཚམས་ཕྱེ་བའི་བྲིས་རྩོམ་གསར་མ་ཁག་མཇལ་སྐབས། དུས་ཚོད་ཀྱི་སྐས་རྐང་དང་ལྡན་པར་རིམ་པས་མཁན་པོ་དགེ་བཤེས་སོགས་ལ་ཁོ་ཆད་ཅིང་བློ་ལོག་སྟེ། མཐར་ནི་ལོག་པར་རྟོགས་པའི་སྙིང་སྟོབས་ཆ་ཚང་རྙེད་པ་སྟེ། སྡོམ་པ་ནི་རང་དབང་གི་དགྲ་བོ་ཡིན། རྒྱུད་ལ་སྡོམ་པ་ལེན་པ་ནི་སྐེ་ལ་ལྕེབ་ཐག་གོན་པ་ཡིན་ཞེས་པའམ། དེ་ཚོ་ཡོད་ཚད་ལ་བརྗེད་ཟས་བརྗེད་ཆུ་འདྲ་དྲངས་པ་ཡིན་ན་མ་གཏོགས་སོགས་ཀྱི་རིང་ཐུང་ཕོ་འདོམ་དགུ་བརྒྱ་ཡོད་པའི་དགག་གཟེར་ནག་པོ་ཞིག་བསྐྱུར་ཏེ་ཕེབས་སོང་བ་གོ་ཡོང། ལོག་རྟོགས་སྙིང་སྟོབས་ཞེས་པའི་ཚིག་སྒྲོས་གཞན་ཞིག་ནི་ཤོབ་ཀྱི་ཕུང་བོ་བརྒྱད་ཁྲི་བཞི་སྟོང་རང་རེད། ཡང་ན་དེ་ལས་ཀྱང་ངམ་ནག་སྟེ། ལོག་རྟོགས་སྙིང་སྟོབས་ཅེས་པའི་ཁོག་ཏུ་ཁོ་བོའི་ཤོབ་ཀྱི་ཕུང་བོ་བརྒྱད་ཁྲི་བཞི་སྟོང་ལྟ་བུ་བརྒྱ་ཐམ་པ་ཡང་བསྡུས་ཏེ་འདུག ཁང་དཀར་ལགས་སོགས་ཀྱིས་རྒྱུ་ཆའི་ཚུལ་དུ་བཏོན་པ་གང་ཞིག་མདའ་སྨྱུག་ལགས་ཀྱིས་གཅིག་གཅིག་གཉིས་གཉིས་སུ་གཏན་ལ་ཕབ་ཚར་ཡོད།
གཞན་ཞིག་ནི། ལོག་རྟོགས་སྙིང་སྟོབས་སོགས་མཇལ་ན་ཁོང་གི་ཐོས་པ་དེ་དགེ་འདུན་ཆོས་འཕེལ་དང་མཉམ་པོར་ལྟ་ཆོག་པ་ཞིག་འདུག གང་བྲིས་ཐམས་ཅད་པོ་གཙང་ཆེན་གྲུ་ཡིས་གཤགས་པ་ནང་བཞིན་ཐོགས་ས་ཅི་ཡང་ཡོད་མི་འདུག་སྟེ། རང་རེའི་ཤར་ལྷོ་ཕྱོགས་མཚམས་ནས་བསྒྲུགས་ཁུལ་བྱས་པ་དག་དང་གཏན་མི་འདྲའོ། ཁོང་རྣམས་ཀྱི་ཐོས་པ་དེ་དྲ་ཐོག་པེ་ཏོའི་གཤེར་སྒོའི་ནང་དྲི་བ་ཞིག་བརྒྱབ་པ་བཞིན་ཐམས་ཅད་ཀུན་ཀྱང་ཀློང་དུ་བརྡོལ་ཡོད་འདུག དེའི་རྐྱེན་གྱིས་ཁོ་བོས་རྒྱུན་པར་དགེ་འདུན་ཆོས་འཕེལ་དང་ཚ་བ་མདའ་སྨྱུག་སོགས་ཀྱི་དེ་རྩོམ་སྟངས་ཤིག་དང་རྩོམ་ལུས་ཤིག་ལ་ལྟོས་པ་ཅང་མེད་པར། དཔེ་ཀློག་གི་ཁམས་ཆེན་པོ་ཞིག་གིས་ཐག་བཅད་འདུག་ཅེས་ཟེར་པ་ཡིན་ནོ། དེ་ནི་ལད་མོ་བྱེད་ཐུབ་ས་ཞིག་མིན་ལ་ལད་མོ་བྱས་ཏེ་ཡོང་བ་ཞིག་ཀྱང་མིན། ངེས་པ་དོན་གྱི་མང་ཐོས་ཁོང་འདྲ་བོད་ཙམ་ཕར་ཞོག་འཛམ་གླིང་ཆེན་པོ་འདིར་ཡང་མང་པོ་ཞིག་ཨེ་ཡོད་མི་ཤེས།
ཕྱིར་བདག་གི་སྟེང་བབས་ན། ཚ་བ་མདའ་སྨྱུག་གི་ལོག་རྟོགས་སྙིང་སྟོབས་ཤེས་པ་ནས་བཟུང་ཤོབ་ཀྱི་ཕུང་བོ་བརྒྱད་ཁྲི་བཞི་སྟོང་ཇེ་རྒྱས་ཇེ་ཞིབ་གཏོང་དགོས་སྙམ་པའི་འཆར་གཞི་དེ་ཧྲིལ་གྱིས་མཚམས་བཞག་པ་ཡིན། རྒྱུ་མཚན་ཧ་ཅང་སླ་སྟེ། ངས་བཤད་དགོས་པ་དག་ཁོང་གིས་ཡོངས་སུ་བཤད་ཟིན་ལ། ངས་བཤད་མ་ཤེས་པ་མང་ཞིག་ཀྱང་ཁོང་གིས་བཤད་ཟིན་ཏེ་ཡོད། དེ་ནི་ང་རང་སྤྲོ་དགོས་པའི་དོན་དག་ཅིག་སྟེ། རང་གཅིག་པུའི་སོམ་ཉིའི་མདུད་པ་ཁེར་རྐྱང་དེར་གློ་བུར་དུ་དྲིས་ལན་རྙེད་བྱུང་བས་སོ། ཡང་ན་བསམ་བློ་གཏོང་ཕྱོགས་རང་དང་འདྲ་བ་རེ་གནམ་འོག་ཏུ་མེད་མི་སྲིད་པའི་ཡིད་ཆེས་རྙེད་པས་སོ། འོན་ཀྱང་བགྲང་བྱ་རེ་ཟུང་བསྐྱལ་མ་ཐག ཡང་བསྐྱར་གང་ཞིག་ན་ཅི་ཞིག་ལུས་འདུག་པའམ་ག་རེ་ཆད་ཡོད་པ་ལྟ་བུའི་སེམས་ཁྲལ་རེ་མི་སྐྱེས་ཐུ་མེད་བྱུང་། དེ་ནི་ཅི་ཞིག་ཡིན་སྲིད་དམ།
ལར་ཆོས་ལུགས་གང་ཡང་རྟོག་གེའི་རིག་པས་འགྲེལ་ཐབས་མེད་པ་ངས་ད་ལྟ་ཡིན་རུང་ཁས་ལེན། འོན་ཏེ། ཁོ་བོའི་རྩོམ་ཐུང་ཁག་ཡིན་ན་འདྲ། ཚ་བ་མདའ་སྨྱུག་གི་རྩོམ་རིང་དེ་ཡིན་ན་འདྲ། དགག་རྒྱུ་གང་ཞིག་དགག་ཚར་པའི་ཤུལ་དུ་ཆོས་ལུགས་ལ་བསྐྱུར་པའི་སྐད་ཆ་ནི་ཁོ་བོ་ལྟར་ན་ཆོས་ལུགས་གང་ཡང་རིག་གནས་ཤིག་ཡིན་པར་ངེས་པ་རྙེད་ན་ཞེས་པ་དེ་ཙམ་དང་། ཚ་བ་མདའ་སྨྱུག་ཁོང་ལྟར་ན་ངས་དགོས་པའི་དབང་གིས་བཅོས་མའི་དད་པ་ཞིག་བྱེད་ཀྱིན་ཡོད་ཅེས་པ་འདི་ཙམ་རེད། སྟེས་དབང་ཞེས་པ་ཡིན་རྒྱུ་རེད་དེ། དགོན་སྡེའི་དངོས་གཞིའི་སྦྱངས་རིམ་ཁག་ཐད་ཀར་མ་སོང་བའི་ཁོ་བོའི་ངག་དང་ནང་བསྟན་མཚན་ཉིད་རིག་པའི་བསླབ་བྱ་སྐོར་ཞིག་དངོས་སུ་རྫོགས་ཟིན་པའི་ཚ་བ་མདའ་སྨྱུག་གི་གཏམ་གཉིས་མ་བགྲོས་ངང་གིས་ཐོད་ཐུག་ཡོད་ཨང་། ལར་ན་དེ་ཙམ་གྱིས་ཀྱང་ཚོད་ཚོད་དུ་སྤོབས་པ་ལྟ་བུ་རེ་ཐོབ་རྒྱུ་འདུག་མོད། ཉལ་ཐོག་ལག་པ་བྲང་ཐོག་གིས་དལ་མོར་འདང་བརྒྱབ་ན། ཡོངས་རྫོགས་ཤེས་ཚར་པའི་ཚ་བ་མདའ་སྨྱུག་གི་གསུང་ཡིན་ན་འདྲ་ལ། ཕྱེད་ཙམ་ལས་གོ་མེད་པའི་ཁོ་བོའི་སྐད་ཆ་ཡིན་ནའང་འདྲ། ཆོས་ལུགས་ལ་བསྐྱུར་པའི་གནས་མལ་དེ་ཅུང་ཟད་དོག་དྲགས་པ་ཨེ་ཡིན་གྱི་སེམས་འཚུབ་རེ་ཁད་ཀྱིས་སྐྱེས་འོངས་སོ།
ཁོ་བོའི་ཉོག་བཤད་དག་མ་གླེང་ཡང་ཆོག་མོད། ཆོས་ལུགས་ཞེས་པ་དེ་རྟ་རྒན་ཞིག་ཡིན་རྒྱུའི་དབང་དུ་བྱས་ན་ལྕག་བཞུ་ཡོབ་རྡུང་གིས་བརྒྱུགས་བརྒྱུགས་མཐར་དབུགས་ཁམ་གང་ལེན་དབང་བྱིན་པ་ནི་ལོག་རྟོགས་སྙིང་སྟོབས་མཇུག་གི་ངས་དགོས་པའི་དབང་གིས་བཅོས་མའི་དད་པ་ཞིག་བྱེད་ཀྱིན་ཡོད་ཅེས་པ་འདི་ག་ཙམ་རེད། སྙན་ངག་བཞིན་ཕྱི་བསློགས་ནང་བསློགས་བྱས་ཚེ་བཅོས་མའི་དད་པ་ཞེས་པའི་ཁོག་ཏུ་ཧ་ཅང་མང་པོ་ཞིག་བསྡུས་ཡོད་ཅེས་བཤད་ཐུབ་མོད། རྒྱུན་ལྡན་ལྟར་ན་བཅོས་མའི་དད་པ་ཞེས་པ་འདི་སྒྲ་དོན་གང་ཐད་ནས་དེ་ཙམ་འཁྱེར་བདེ་ཡག་པོ་ཞིག་མིན་པ་ལྟ་བུར་སྣང་།
བདག་ནི་རང་དང་གཞན་གྱིས་ལབ་པ་ལྟར་དགོན་སྡེའི་སྦྱངས་རིམ་ཁག་དངོས་སུ་མ་སོང་བར་ལྷན་སྐྱེས་དང་དཔེ་ཀློག་ཙམ་གྱིས་འུར་རྒྱག་མཁན་ཡིན་ཕྱིར། ཁོབས་སུ་མ་ཆུད་པའི་ཆ་འགའ་ཞིག་ཡོད་ན་སྐྱོན་མི་སྲིད། སོ་སོས་རིམ་པས་ཇེ་གསལ་གཏོང་ཆོག་ལ་གཞན་དག་ཀྱང་འཕར་བ་རྗེས་ཐོག་གཅིག་གིས་མི་ཡོང་ལས་ཆེ་མོད། ཚ་བ་མདའ་སྨྱུག་ཁོང་གཞན་དང་མི་འདྲ་སྟེ། ཆོས་ལུགས་ཕྱོགས་ཀྱི་མཁས་པ་དོ་ཟླ་མེད་པ་ཞིག་ལ་བརྩི་ཆོག་པ་ཡིན་པས། ཚིག་གཅིག་གཉིས་ཙམ་གྱིས་ཀྱང་གཞན་ལ་ཤུགས་རྐྱེན་བློ་ཡུལ་ལས་འདས་པ་རེ་སྟེར་སྲིད་པ་རེད། དེའི་ཕྱིར་ཁོང་གིས་ད་དུང་ཆོས་ལུགས་ཐད་གཞན་འགའ་རེ་བཤད་མེད་པ་ལྟ་བུའི་སྟོང་ཆ་མཐོང་གི་ཟེར་པ་ཡིན།
དེ་ལྟ་ནའང་། ལོག་རྟོགས་སྙིང་སྟོབས་ཐད་ནས་ཁོང་ལ་དོན་དང་མཐུན་པའི་དགག་ལན་ཞིག་སུས་ཀྱང་བསྐྱོན་ཤེས་ཐབས་མེད་དེ། རྩོམ་རྩལ་དང་ཁ་སྟབས་ཙམ་གྱིས་ཟེར་པ་མིན། ཆོས་ལུགས་ཀུན་དང་བྱེ་བྲག་སངས་རྒྱས་ཆོས་ལུགས་ཀྱི་རྒྱུ་རྙོག་དངོས་ནི་ཁོང་ཉིད་ཀྱིས་གསུངས་པ་དང་ཨ་ན་མ་ན་ཡིན་པས་དོན་དངོས་ལ་བསྙོན་ནུས་པའི་རིག་པ་ཞིག་སྲིད་འདིར་གཞི་མི་གྲུབ་པས་སོ།
ངས་བལྟས་ན་ཚ་བ་མདའ་སྨྱུག་གམ་ལོག་རྟོག་སྙིང་སྟོབས་ཞེས་པ་འདི་སངས་རྒྱས་ཆོས་ལུགས་ཀྱི་རྩ་བར་བཀོད་པའི་བསྐལ་བའི་རྟགས་ཐམ་རིང་མོ་ཞིག་ཡིན་པ་རེད། འདི་ཕན་ཆད་དགག་རྒྱུ་མེད་ལ་དགག་ནའང་སྙིང་པོ་མེད། སངས་རྒྱས་ཆོས་ལུགས་འདི་རྟོག་གེ་རིག་པ་དང་བསྲེས་ཐོག་ཚད་མ་སོགས་ཀྱི་རྒྱབ་རོགས་འོག་ད་ལྟའི་བར་དཀའ་ལས་གང་ཡང་མ་བརྒྱབ་པར་ཀུན་གྱིས་བདེན་པ་ཉག་གཅིག་ཏུ་ཁུར་ཏེ་འོངས་ཕྱིར་ལྕགས་དམར་སྐམ་གཅུན་གྱི་བཀའ་བསྒོ་འདི་སྤྱིར་ན་འབབ་སྟེ་ཡོད་མོད། ད་དུང་མུ་མཐུད་དགག་ཕྱིན་ཆོས་ལུགས་ཀྱིས་བསྐྱེད་པའི་ཉེས་པ་དེས་མི་ཚད་པའི་ཉེས་པ་གཞན་ཞིག་མི་འབྱུང་བའི་ངེས་པའང་མི་འདུག་པ་འདྲ།སྟབས་ཉེས་ན་མཐའ་ཟད་པའི་མཐའ་ཞིག་སྟེ་ཤེས་བྱ་ལ་བསྙོན་པ་ལྟ་བུའི་ཕྱིན་ཅི་ལོག་པའང་ཁ་དར་སྲིད་པ་ཞིག་རེད།
འདི་ཡང་གཙོ་བོ་ཁ་སང་དེ་རིང་གི་དྲ་ཐོག་བལྟས་ནས་བཤད་པ་ཡིན། རགས་ཕྱོགས་ནས་མི་ཡོངས་རྫོགས་པོ་ཆོས་ལུགས་ལ་དགག་པ་བསྐྱོན་མཁན་ཡིན་པ་ལྟ་བུར་སྣང་། དེ་འདྲ་རང་ག་ལ་ཡིན་མོད། དུས་འདིར་ཆོས་ལུགས་ལ་ཁ་རྡུང་གཏོང་མཁན་ཉུང་ཉུང་ཞིག་གཞི་ནས་མ་རེད། ཁ་རྡུང་གཏོང་མཁན་མང་ཆེར་ལ་གང་ནས་འོངས་པ་མི་ཤེས་པའི་སྡང་ཞེན་ཞིག་ཀྱང་ཡོད་པ་འདྲ། འདི་རྒྱུན་ལྡན་ཞིག་ལ་ཅིས་ཀྱང་མཐོང་དཀའོ། དེ་ལ་རྒྱུ་རྐྱེན་མང་མོད་གཙོ་བོ་གཅིག་ནི། ཚ་བ་མདའ་སྨྱུག་ཁོང་དང་ངེད་སོགས་ཀྱིས་ཆོས་ལུགས་ནི་རིག་གནས་ཤིག་ཡིན་ཞེས་པའམ་ངས་དགོས་པའི་དབང་གིས་བཅོས་མའི་དད་པ་ཞིག་བྱེད་ཀྱིན་ཡོད་ལྟ་བུའི་སྐད་ཆ་ཐུང་ངུ་རེ་ལས་མ་བསྐྱུར་པས་རེད་འདོད།
མི་རྣམས་ལོག་རྟོགས་སྙིང་སྟོབས་དང་ཤོབ་ཀྱི་ཕུང་བོ་བརྒྱད་ཁྲི་བཞི་སྟོང་ལྟ་བུའི་ཁ་བྱང་གིས་བསླུས་པ་དང་ལོག་རྟོགས་སྙིང་སྟོབས་གཞུང་དངོས་ཀྱི་ལེའུ་རིང་མོ་ཁག་ལས་མཇུག་བྱང་ཐུང་ངུའི་ནང་གི་ངས་དགོས་པའི་དབང་གིས་བཅོས་མའི་དད་པ་ཞིག་བྱེད་ཀྱིན་ཡོད་ལྟ་བུའི་ཚིག་ཕྲེང་ཕྱེད་པ་ཙམ་དེར་དོ་སྣང་རྩ་བ་ནས་སླེབས་ཀྱིན་མེད་ཚོད་རེད། དེ་ལ་དོ་སྣང་མ་བྱུང་བས་དགོངས་གཞི་ཅན་གྱི་ཚིག་ཕྱེད་པ་དེ་དག་ཕལ་ཆེར་མ་བྲིས་པ་དང་ཁྱད་མེད་པ་ལྟ་བུ་ཆགས་སོང་བ་རེད།
འདི་མུར་ཕྱིན་ཚེ་སྒྱུ་རྩལ་དང་དཔལ་ཡོན་གྱི་ཆ་རུ་གྱུར་པ་གང་ཞིག བསམ་བློ་དང་ཤེས་རིག་གི་ངོ་བོར་གྲུབ་པ་གང་ཞིག མི་ཆོས་དང་ལྟ་སྤྱོད་ཀྱི་གཞུང་རྟར་སྨིན་པ་གང་ཞིག་སྟེ། ཆོས་ལུགས་མ་རེད་ཅེ་ན་ཆོས་ལུགས་ཡིན་པ་དང་ཆོས་ལུགས་རེད་ཅེ་ནའང་ཆོས་ལུགས་མིན་པ་སོགས་ཀྱི་ཧ་ཅང་མང་པོ་མང་པོ་ཞིག་ལ་གནས་མ་ཡིན་པའི་བརྡབ་གསིག་དང་ཆག་གྲུམ་མི་འབྱུང་བའི་ངེས་པ་མེད་པ་འདྲ། འདི་ནི་ཁོ་བོས་གོང་ནས་ཅི་ཞིག་ལུས་འདུག་པའམ་ག་རེ་ཆད་ཡོད་པ་ལྟ་བུའི་སེམས་ཁྲལ་རེ་མི་སྐྱེས་ཐུ་མེད་རེད་ལབ་པའི་འགག་རྩའི་དོན་པོ་ཡིན། དེ་ལྟ་ན། ཕྱི་ཕྱིར་ང་རང་ཚོས་ཆོས་ལུགས་ཀྱི་སྡོང་རྒན་འདི་རེ་ཞིག་བརྐོ་མཚམས་བཞག་སྟེ་ལས་ཀ་གཞན་དག་ལ་དྲན་པ་བསྐོར་ན་ག་འདྲ་ཡིན་ནམ་ཞེས་པའོ།
ཚུལ་ཁྲིམས་བློ་གྲོས་ཀྱིས་སྐད་ཡིག་སྒུལ་སྟངས།
དྷི་ལྷ་ལྡན།
༡ ལེབ་ཀྱིས་བསླངས་པ།
ཅི་ཞིག་གི་དུས་ན་བོད་ཀྱི་ཤེས་ཡོན་པའི་སྡེ་ནས་མི་རིགས་ཀྱི་སྲོག་རྩ་དང་། རིག་གཞུང་གི་འགག་སྒོ་ཡོད་ཚད་སྐད་ཡིག་ལ་འབྲེལ་ཡོད་པའི་རྟོགས་པ་སད་དེ་སྐད་ཡིག་གི་ཆེད་དུ་འུར་བརྒྱབ་པ་རེད། རེད་དེ་སྐད་ཡིག་རང་གི་སྲོག་རྩ་ནས་དམ་དུ་བཟུང་ཞིང་། སྐད་ཡིག་རང་གི་ངོ་གདོང་ནས་རླབས་ཆེ་བའི་ལས་དོན་མང་པོ་ཞིག་བསྒྲུབས་པ་སྟེ། བརྡ་འཕྲིན་དུས་རབས་ཀྱི་གཞུང་ལམ་སྟེང་དུ་ཤར་གྱིས་བཞག་པ་དང་། རྒྱལ་སྤྱིའི་སློབ་གྲྭ་ཆེ་ཁག་དག་ཏུའང་བོད་ཡིག་གིས་ས་ཁོང་བཟུང་ཞིང་། སྤྱི་ཚོགས་ཀྱི་ཉེར་མཁོ་མང་དག་ཅིག་ལ་བོད་ཡིག་བཀོལ་སྤྱོད་ཀྱི་གཞི་རྒྱ་ཆེ་རུ་བཏང་བ་སོགས་བྱུང་ཡོད་ནའང་།
བོད་པ་རང་རེའི་སྤྱི་དམངས་ཁྲོད་ཀྱི་མི་བུ་སྒེར་བ་རེ་རེ་དང་། རང་ས་རང་ཡུལ་གྱི་འཚོ་བའི་ཁྲོད་ཀྱི་སྐད་ཆའི་འགྱུར་བ་རེ་རེ་ལ་བསྐྲུན་སྤེལ་བཅོས་གསུམ་གང་ཡང་མ་ཐུབ་པར། “བསྲེས་སྐད”དང“་གཞན་སྐད”ཀྱི་གནོན་
ཤུགས་འོག་བོད་མིའི་ཕ་སྐད་གཙང་མ་དེའི་སྲོག་དབུགས་རླུང་གསུམ་གྱི་རྒྱུ་བ་གཅོད་ལ་ཁད་པ་དང་། ཕ་སྐད་ཀྱི་གོ་དང་ཐོབ་ཐང་ཡོད་ཚད་འཕྲོག་ཅིང་མཐའ་རུ་སྤྱུགས་ལ་ཁད་པའི་ཚད་དུ་ལྷུང་སོང་བ་རེད།
རེད་དེ། ཉེ་ཆར་དགེ་ཚུལ་ཁྲིམས་བློ་གྲོས་ཀྱིས་སྐད་ཡིག་གི་སྐོར་གྱི་ལེགས་རྩོམ་སྟེ། 《འཛམ་གླིང་སྐད་ཡིག་གི་སྐྱེ་འཆིའི་རྣམ་གཞག་ལུག་རྫི་རྒན་པོའི་ཀི་སྒྲ》ཞེས་པ་བརྩམས་གནང་ཞིང་། ཁོང་གིས་མགོ་བརྩམས་ཤིང་བོད་ཡུལ་སྣ་འདུས་ཀྱི་མི་བུ་མང་དག་ཅིག་གིས་ཐ་སྙད་གསར་འདོགས་ཀྱི་མིང་མཛོད་ཅིག་བསྒྲིགས་པ་དེས། བོད་མི་བྱིངས་ལེབ་ཀྱིས་བསླངས་ཤིང་། བོད་དམངས་ཕལ་འུར་གྱིས་སྤུར་ཏེ་ཚང་མ་སྐད་ཡིག་གི་སྟེང་དུ་བསྐོར་སོང་བ་རེད།
དེ་ནི་བོད་ཁུལ་ཡོངས་དང་། ལྷག་ཏུ་དམངས་ཁྲོད་ན་ཁོའི་མིང་གི་སྙན་པ་དེས་ལེབ་ཀྱིས་ཁེབས་ཡོད་པས་དཔེ་དེབ་དེ་དག་གི་ནུས་ཤུགས་ཀྱང་ཁོའི་མཚན་སྙན་དང་བསྡོངས་ཏེ་བོད་དམངས་ཁྲོད་དུ་འཛུལ་ཞིང་། ཚང་མས་དགའ་གུས་མོས་གསུམ་གྱིས་དང་དུ་བླངས་ཏེ་རོང་འབྲོག་དམངས་ཁྲོད་ཀྱི་རྒན་པོ་སྐྲ་དཀར་ནས། བྱིས་པ་སོ་དཀར་ཡན་འུར་གྱིས་སྤུར་ཏེ། ཡོངས་ཀྱིས་སློབ་ཅིང་བཀོལ་གྱིས་འདུག་པས། དུས་ད་ལྟ་ནི་འབྲོག་པའི་རྩ་ཐང་དང་། རོང་བའི་ཞིང་ཐང་ཡོངས་ན་བོད་སྐད་གཙང་མ་ཞིག་གི་གླུ་སྐད་སླར་ཡང་སྙན་ལྷང་ལྷང་དུ་གྲགས་ཏེ་འོང་གིན་ཡོད་ན། འདི་ཉིད་བོད་མིའི་རང་གཤིས་སུ་གྲུབ་པའི་ཨ་གསར་དང་འུར་འགྲོགས། ལད་ཟློས་དང་ཚུལ་ཆོས་ཙམ་མིན་པར་ཡུན་གྱིས་བརྟན་ཞིང་བྱིངས་ཀྱིས་ཁྱབ་པའི་རེ་སྨོན་ཡོད་ལ། ཆེན་པོ་དག་གིས་ཀྱང་མར་འཐེན་དང་གཞོག་གཏུབ་སོགས་མི་བྱེད་པར་ཐུན་མོང་གི་དམིགས་ཡུལ་དེར་ཐུན་མོང་གིས་ཤུགས་རྒྱག་པའི་རེ་འདུན་ཀྱང་ཡོད།
༢ ཤིང་རྟའི་ལམ་སྲོལ།
བོད་ཀྱི་སྤྱི་དམངས་ཁྲོད་དེ་འདྲའི་བསྲེས་སྐད་དང་གཞན་སྐད་མང་པོ་ཞིག་འཛུལ་ཏེ་འོང་བའི་རྒྱུ་མཚན་མེད་པ་མིན་ཏེ། ༡ ཁོར་ཡུག་གི་གནོན་ཤུགས་ཏེ། རང་ས་རང་ཡུལ་ནས་ཀྱང་བོད་མི་རྣམས་གྲངས་ཉུང་མི་རིགས་སུ་གྱུར་ཞིང་། ཕ་ས་ཕ་ཁྱིམ་ནས་ཀྱང་རང་གི་ཕ་སྐད་དེས་རང་གི་ལྟོ་གོས་འཚོལ་བ་དང་། སྨན་ཁང་དང་དངུལ་ཁང་སོགས་འཚོ་བའི་ཁྲོད་ཆེས་ཆེར་འབྲེལ་དགོས་པ་དག་ཏུའང་ས་ཆོད་མེད་པ་དེས་གཞན་སྐད་ཅིག་མི་ཤོདཀྱང་ཨེ་འཁྲོལ་དང་། མི་འཁྱོངས་ཀྱང་ཨེ་ཤོད་ཅིག་མི་ལྟ་ག་མེད་དུ་གྱུར་སོང་བ་རེད། ༢ གསར་བྱུང་གི་དངོས་རྫས་དང་གསར་དར་གྱི་བྱ་ལས་སྣ་ཚོགས་པ་དེ་དག་ལ་བོད་རང་གི་ཐ་སྙད་ཅིག་མེད་སོང་དུས། བོད་རང་གི་ཕ་སྐད་ཀྱིས་བཤད་འདོད་ཀྱང་ཐབས་མེད་དུ་གྱུར་ཏེ་ཡོད་པ་རེད།
དེ་བས་གནད་དོན་སྔ་མ་དེ་ནི་ཐག་གཅོད་གཞན་ཞིག་ནས་འཚོལ་དགོས་པ་ལགས་མོད། ཕྱི་མ་དེ་ནི་ཁོང་ཁོང་གིས་མགོ་བརྩམས་ཏེ་བསྒྲུབས་པའི་ཐ་སྙད་གསར་འདོགས་ཀྱི་ལས་དོན་གཉེར་སྟངས་འདི་ག་ལས་མེད་པ་རེད། སྤྱིར་སྟངས་བཤདན་དེའི་ཡར་སྔོན་ནས་ཀྱང་ཐ་སྙད་གསར་འདོགས་ལ་ཤུགས་རྒྱག་མཁན་ཡོད་འདུག་མོད། དེ་དག་གིས་དེ་ཙམ་གཡོ་འགུལ་བཟོ་མ་ཐུབ་ཅིང་། འདི་ཉིད་ཀྱིས་ལེབ་ཀྱི་བསླངས་ཤིང་ཡོངས་ཀྱི་སྤུར་བ་དེས་འུ་ཚོའི་གནའ་བོའི་གཞུང་ལུགས་ནས་བྱུང་བའི་ཐ་སྙད་ཅིག་སྦྱར་ན་ཤིང་རྟའི་སྲོལ་འབྱེད་ཅེས་པ་དེར་གྱུར་ཡོད་པ་སྟེ། མིང་མཛོད་འདིའི་རྐྱེན་གྱིས་སྔོན་ཆད་བསྒྲིགས་ཤིང་དཔེ་ཆའི་ཁྲོད་སྐད་མེད་དུ་གཉིད་ཡོད་པ་དག་གི་ནུས་ཤུགས་ཀྱང་ཧྲིལ་གྱིས་བསླངས་བཞག་པ་དེས། ཀློག་མཁན་ཙམ་མིན་པར་ཐ་སྙད་གསར་འདོགས་ཀྱི་ལས་དོན་སྒྲུབ་མཁན་དག་ལའང་བཀའ་དྲིན་ཆེ་བ་ཞིག་ཏུ་འཁུམས།
དེ་བས་སྔོན་ཆད་ནས་ཀྱང་རྣམ་གཞག་འདི་ཡོད་པ་ལགས་པས་གསར་བཏོད་ཅིག་མིན་ནའང་། རྒྱ་ཆེན་པོར་སྤེལ་ཞིང་། ཡོངས་ཁྱབ་ཀྱིས་སྒུལ་བ་དེས་ཤིང་རྟའི་ལམ་སྲོལ་འབྱེད་མཁན་དུ་གྱུར་ཡོད་པ་སྟེ། གཞུང་ལུགས་ཆེན་པོ་ཞིག་དཔེ་རུ་དྲངས་ན། ཡིག་ཆ་འགའ་ཞིག་ཏུ་སངས་རྒྱས་བསྐྱངས་ཀྱིས་དབུ་མ་ཐལ་འགྱུར་བའི་རྣམ་གཞག་བཀྲོལ་བར་བྱས་ནའང་། རྒྱས་བསྡུས་དང་རྒྱ་ཁྱབ་ཆེ་ཆུང་ཞིག་གིས་རྐང་ལམ་ཙམ་ལས་ཤིང་རྟའི་སྲོལ་འབྱེད་དུ་གྱུར་མ་ཐུབ་ཅིང་། སློབ་དཔོན་ཀླུ་སྒྲུབ་ཀྱིས་ཐལ་འགྱུར་བའི་རྣམ་གཞག་ལུང་རིག་གིས་རྒྱས་པར་གཏན་ལ་ཕབ་ཅིང་། ཡོངས་ཁྱབ་ཏུ་བཏང་བ་དེས་ཁོང་ཐལ་འགྱུར་བའི་ཤིང་རྟའི་སྲོལ་འབྱེད་དུ་གྱུར་སོང་བ་ལྟ་བུའོ། །འདི་རང་རེའི་སྐད་དུ་ཤིང་རྟའི་སྲོལ་འབྱེད་ཅེས་པ་ཞིག་ཡོད་པ་དེ་ཅི་ཡིན་པ་ཞོར་དུ་ངོ་སྤྲོད་པ་དང་ལྷན་དུ་དེ་ལྟར་ཡིན་པར་བསྟན་པ་ཡིན།
༣ གཏོར་བཤིག་དང་ཞིབ་བཞེངས་།
བྱ་དངོས་གང་ཡིན་ཀྱང་ཉེས་ཆ་གཏོར་བཤིག་དང་ལེགས་ཆ་ཞིབ་བཞེངས་མ་བྱས་ན་མུ་ནས་མུ་རུ་རྫོབ་ཅིང་ཉོག་པར་འགྱུར་བའི་གནས་ལུགས་དེས། ཐ་སྙད་གསར་འདོགས་ཀྱི་མིང་མཛོད་འདིའང་འུར་གཅིག་གིས་ལགས་སོ་ཞེས་སུ་རྗོད་ཅིང་། ཕྱོགས་གཅིག་ནས་ལག་ཏུ་བསྟར་རྐྱང་བྱས་ན་འགྲིག་མིན་ཅི་རིགས་ཤིག་ཀྱང་ཡོད་སྲིད་ན། དེ་ལ་དེ་མིན་གྱི་གསེད་དགྲོལ་བྱེད་པ་ནི “ཀ་ཁའི་བདག་པོ”དང “ ཀ་ཁའི་རིག་གཞུང”གི་དོན་དག་ཅིག་ཏུའང་ངེས་ལ། ཁོ་པ་ཚོས་དེབ་ཀྱི་བར་གསེང་ན་བསམ་འཆར་བསྡུ་ལེན་གྱི་ཤོག་ལྷེ་ཞིག་བཞག་ཡོད་པ་དེ་ཡི་རེ་བཞག་ཀྱང་ཡིན་སྲིད།
རེད་དེ་དོན་མེད་ཀྱི་རྩོད་གླེང་སྟེ། “ཚུལ་ཁྲིམས་བློ་གྲོས་མེད་ན་ཐ་སྙད་གསར་འདོགས་ཡོད་མེད”སོགས་ཐུན་མོང་གི་སྐད་ཡིག་གླེང་ས་ན་མི་སྒེར་དང་ཚོགས་པ་སྒེར་གྱི་ལྟ་བ་འཁྱེར་ནས་ཡོང་བ་ནི་ལྡོག་ཕྱོགས་ཀྱི་གཏོར་བཤིག་ཁོ་ནར་ངེས།
མ་གཞི་བསམ་འཆར་དང་ནོར་བཅོས་ནི་ལྷག་བསམ་དང་རེ་འདོད་ཀྱི་ཁོངས་སུ་གཏོགས་པ་ལགས་ན། དེ་ལ་བདག་པོའི་ངོས་ནས་ཀྱང་ཅི་བཞིན་དང་ལེན་དང་གསལ་བཤད་ཅིག་བྱེད་པ་ནི་འོས་འགན་ཞིག་ཏུ་ངེས། དཔེར་ན་བྱ་བྱིའུ་ཞིབ་འཇུག་པ་འཇུ་བཀྲ་ཤིས་བཟང་པོ་ལགས་ཀྱིས་བྱ་བྱིའུ་ཡི་ཐ་སྙད་འགའ་ནོར་བཅོས་བྱས་པ་ཞིག་མཐོང་སོང་མོད། དེ་ལ་ཡིན་མིན་གྱི་སྐད་བརྡ་ཅི་ཡང་གོ་བར་མ་གྱུར་ན། དེ་དང་དེ་ལྟ་བུ་དག་ལ་མིང་མཛོད་རང་སྟེང་ནས་ཁ་ཞིག་གྲགས་རྒྱུ་ནི་ང་དང་ཁོ་ཚོའི་རེ་བ་ཡིན་ཏེ། ཀ་ཁའི་རིག་གཞུང་དང་ཀ་ཁའི་ཚེ་སྲོག་གི་སླད་དུ་ངལ་བ་གདོང་དུ་བསུས་ཤིང་། ཉིན་མཚན་རེ་བས་སྐྱེལ་གྱིན་པའི་རྒན་ལགས་ཀྱི་འབད་པ་ཡག་ནས་ལེགས་སུ་ཕྱིན་པ་དང་། འུ་ཚོའི་སྐད་ཡིག་གི་ཚེ་སྲོག་འཆི་མེད་རྟག་བརྟན་གྱི་ངོ་བོར་ལྷུན་གྱིས་གྲུབ་པའི་སླད་དུའོ། །
སླར་ཡང་བཤད་འདོད་པ་གཅིག་ནི། ཐ་སྙད་གསར་འདོགས་ཀྱི་ཐད་ནས་བྱ་དངོས་གཅིག་ལ་མིང་མང་པོ་འདོགས་པར་རྒོལ་ཞིང་། དེའི་ཁ་གཏད་དུ“གཅིག་གྱུར” ཞེས་པའི་སྐད་ཆ་བཀོལ་མཁན་ཀྱང་འགའ་ཞིག་མཆིས་མོད། ཁོ་བོས་ནི་དོན་དང་མཐུན་ཞིང་རྗོད་པ་བདེ་བའི་མིང་ཞིག་ཡིན་ཕྱིན་བྱ་དངོས་གཅིག་ལ་མིང་མང་དུ་ཡོད་ཀྱང་ཉེས་འགལ་མ་མཆིས་ཏེ། “དོན་གཅིག་ལ་མིང་གི་རྣམ་གྲངས”ཞེས་པ་དེ་འུ་ཚོའི་སྲོལ་རྒྱུན་གྱི་ཁྲོད་དུའང་ཡོད་ལ། བྱ་དངོས་ཡོད་ཚད་ལ་མིང་གཅིག་རེ་ལས་བཀོལ་དུ་མེད་པར་གྱུར་ན་དེ་ནི་སྐད་ཆ་ནུས་མེད་ཅིག་མིན་པའི་ངེས་པའང་མེད། དེ་བས་སྐད་ཡིག་གཞན་དག་ལའང་བྱ་དངོས་གཅིག་ལ་མིང་དུ་མ་བཀོལ་དུ་ཡོད་པ་དང་། ང་ཚོའི་སྲོལ་རྒྱུན་གྱི་བྱ་དངོས་དག་གི་ཐ་སྙད་ལ་ཏོག་ཙམ་བསམ་གཞིག་བྱེད་ཅིང་། “དོན་གཅིག་མིང་གི་རྣམ་གྲངས”ཞེས་པར་འཁྱུག་ཙམ་བལྟ་བར་བྱས་ན“གཅིག་གྱུར”ཞེས་པའི་སྐད་ཆ་དེ་ཡང་སྐབས་འདིར་དེ་འདྲའི་འབྱོར་མོ་ཞིག་མིན་ཀྱང་སྲིད། དེ་ནི་ང་དང་རྒན་ལགས་བར་གྱི་བསམ་གཞིག་གཏོང་ཕྱོགས་ཀྱི་ཁྱད་པར་དེ་ཡང་ཡིན་སྲིད། མ་གཞི་རྒན་ལགས་དང་བདག་གི་བསམ་བློ་གཏོང་ཕྱོགས་ཡོངས་ཆུ་ལ་ཆུ་བཞག་བཞིན་དབྱེར་མེད་དུ་འདྲེས་ཆོག་ཆོག་རྐྱང་ཡིན་པའི་ངེས་པའང་མེད་དེ། བདག་གི་བསམ་བློ་ནར་མ་སོན་པ་ཡིན་ཀྱང་སྲིད་མོད་བསམ་བློ་གཏོང་སྟངས་འགའ་ཞིག་ནི་བཙན་གྱིས་མ་བསྟུན་ན་བབ་ཀྱིས་མཐོ་མ་ཐུགས་སའང་ཡོད་དེ། དེ་ནི《བདག་དང་རྒན་ལགས་ཀྱི་བསམ་བློ་གཏོང་སྟངས》ཞེས་པ་ལས་བཤད་པ་ལྟར་ལགས།
༡ ལེབ་ཀྱིས་བསླངས་པ།
ཅི་ཞིག་གི་དུས་ན་བོད་ཀྱི་ཤེས་ཡོན་པའི་སྡེ་ནས་མི་རིགས་ཀྱི་སྲོག་རྩ་དང་། རིག་གཞུང་གི་འགག་སྒོ་ཡོད་ཚད་སྐད་ཡིག་ལ་འབྲེལ་ཡོད་པའི་རྟོགས་པ་སད་དེ་སྐད་ཡིག་གི་ཆེད་དུ་འུར་བརྒྱབ་པ་རེད། རེད་དེ་སྐད་ཡིག་རང་གི་སྲོག་རྩ་ནས་དམ་དུ་བཟུང་ཞིང་། སྐད་ཡིག་རང་གི་ངོ་གདོང་ནས་རླབས་ཆེ་བའི་ལས་དོན་མང་པོ་ཞིག་བསྒྲུབས་པ་སྟེ། བརྡ་འཕྲིན་དུས་རབས་ཀྱི་གཞུང་ལམ་སྟེང་དུ་ཤར་གྱིས་བཞག་པ་དང་། རྒྱལ་སྤྱིའི་སློབ་གྲྭ་ཆེ་ཁག་དག་ཏུའང་བོད་ཡིག་གིས་ས་ཁོང་བཟུང་ཞིང་། སྤྱི་ཚོགས་ཀྱི་ཉེར་མཁོ་མང་དག་ཅིག་ལ་བོད་ཡིག་བཀོལ་སྤྱོད་ཀྱི་གཞི་རྒྱ་ཆེ་རུ་བཏང་བ་སོགས་བྱུང་ཡོད་ནའང་།
བོད་པ་རང་རེའི་སྤྱི་དམངས་ཁྲོད་ཀྱི་མི་བུ་སྒེར་བ་རེ་རེ་དང་། རང་ས་རང་ཡུལ་གྱི་འཚོ་བའི་ཁྲོད་ཀྱི་སྐད་ཆའི་འགྱུར་བ་རེ་རེ་ལ་བསྐྲུན་སྤེལ་བཅོས་གསུམ་གང་ཡང་མ་ཐུབ་པར། “བསྲེས་སྐད”དང“་གཞན་སྐད”ཀྱི་གནོན་
ཤུགས་འོག་བོད་མིའི་ཕ་སྐད་གཙང་མ་དེའི་སྲོག་དབུགས་རླུང་གསུམ་གྱི་རྒྱུ་བ་གཅོད་ལ་ཁད་པ་དང་། ཕ་སྐད་ཀྱི་གོ་དང་ཐོབ་ཐང་ཡོད་ཚད་འཕྲོག་ཅིང་མཐའ་རུ་སྤྱུགས་ལ་ཁད་པའི་ཚད་དུ་ལྷུང་སོང་བ་རེད།
རེད་དེ། ཉེ་ཆར་དགེ་ཚུལ་ཁྲིམས་བློ་གྲོས་ཀྱིས་སྐད་ཡིག་གི་སྐོར་གྱི་ལེགས་རྩོམ་སྟེ། 《འཛམ་གླིང་སྐད་ཡིག་གི་སྐྱེ་འཆིའི་རྣམ་གཞག་ལུག་རྫི་རྒན་པོའི་ཀི་སྒྲ》ཞེས་པ་བརྩམས་གནང་ཞིང་། ཁོང་གིས་མགོ་བརྩམས་ཤིང་བོད་ཡུལ་སྣ་འདུས་ཀྱི་མི་བུ་མང་དག་ཅིག་གིས་ཐ་སྙད་གསར་འདོགས་ཀྱི་མིང་མཛོད་ཅིག་བསྒྲིགས་པ་དེས། བོད་མི་བྱིངས་ལེབ་ཀྱིས་བསླངས་ཤིང་། བོད་དམངས་ཕལ་འུར་གྱིས་སྤུར་ཏེ་ཚང་མ་སྐད་ཡིག་གི་སྟེང་དུ་བསྐོར་སོང་བ་རེད།
དེ་ནི་བོད་ཁུལ་ཡོངས་དང་། ལྷག་ཏུ་དམངས་ཁྲོད་ན་ཁོའི་མིང་གི་སྙན་པ་དེས་ལེབ་ཀྱིས་ཁེབས་ཡོད་པས་དཔེ་དེབ་དེ་དག་གི་ནུས་ཤུགས་ཀྱང་ཁོའི་མཚན་སྙན་དང་བསྡོངས་ཏེ་བོད་དམངས་ཁྲོད་དུ་འཛུལ་ཞིང་། ཚང་མས་དགའ་གུས་མོས་གསུམ་གྱིས་དང་དུ་བླངས་ཏེ་རོང་འབྲོག་དམངས་ཁྲོད་ཀྱི་རྒན་པོ་སྐྲ་དཀར་ནས། བྱིས་པ་སོ་དཀར་ཡན་འུར་གྱིས་སྤུར་ཏེ། ཡོངས་ཀྱིས་སློབ་ཅིང་བཀོལ་གྱིས་འདུག་པས། དུས་ད་ལྟ་ནི་འབྲོག་པའི་རྩ་ཐང་དང་། རོང་བའི་ཞིང་ཐང་ཡོངས་ན་བོད་སྐད་གཙང་མ་ཞིག་གི་གླུ་སྐད་སླར་ཡང་སྙན་ལྷང་ལྷང་དུ་གྲགས་ཏེ་འོང་གིན་ཡོད་ན། འདི་ཉིད་བོད་མིའི་རང་གཤིས་སུ་གྲུབ་པའི་ཨ་གསར་དང་འུར་འགྲོགས། ལད་ཟློས་དང་ཚུལ་ཆོས་ཙམ་མིན་པར་ཡུན་གྱིས་བརྟན་ཞིང་བྱིངས་ཀྱིས་ཁྱབ་པའི་རེ་སྨོན་ཡོད་ལ། ཆེན་པོ་དག་གིས་ཀྱང་མར་འཐེན་དང་གཞོག་གཏུབ་སོགས་མི་བྱེད་པར་ཐུན་མོང་གི་དམིགས་ཡུལ་དེར་ཐུན་མོང་གིས་ཤུགས་རྒྱག་པའི་རེ་འདུན་ཀྱང་ཡོད།
༢ ཤིང་རྟའི་ལམ་སྲོལ།
བོད་ཀྱི་སྤྱི་དམངས་ཁྲོད་དེ་འདྲའི་བསྲེས་སྐད་དང་གཞན་སྐད་མང་པོ་ཞིག་འཛུལ་ཏེ་འོང་བའི་རྒྱུ་མཚན་མེད་པ་མིན་ཏེ། ༡ ཁོར་ཡུག་གི་གནོན་ཤུགས་ཏེ། རང་ས་རང་ཡུལ་ནས་ཀྱང་བོད་མི་རྣམས་གྲངས་ཉུང་མི་རིགས་སུ་གྱུར་ཞིང་། ཕ་ས་ཕ་ཁྱིམ་ནས་ཀྱང་རང་གི་ཕ་སྐད་དེས་རང་གི་ལྟོ་གོས་འཚོལ་བ་དང་། སྨན་ཁང་དང་དངུལ་ཁང་སོགས་འཚོ་བའི་ཁྲོད་ཆེས་ཆེར་འབྲེལ་དགོས་པ་དག་ཏུའང་ས་ཆོད་མེད་པ་དེས་གཞན་སྐད་ཅིག་མི་ཤོདཀྱང་ཨེ་འཁྲོལ་དང་། མི་འཁྱོངས་ཀྱང་ཨེ་ཤོད་ཅིག་མི་ལྟ་ག་མེད་དུ་གྱུར་སོང་བ་རེད། ༢ གསར་བྱུང་གི་དངོས་རྫས་དང་གསར་དར་གྱི་བྱ་ལས་སྣ་ཚོགས་པ་དེ་དག་ལ་བོད་རང་གི་ཐ་སྙད་ཅིག་མེད་སོང་དུས། བོད་རང་གི་ཕ་སྐད་ཀྱིས་བཤད་འདོད་ཀྱང་ཐབས་མེད་དུ་གྱུར་ཏེ་ཡོད་པ་རེད།
དེ་བས་གནད་དོན་སྔ་མ་དེ་ནི་ཐག་གཅོད་གཞན་ཞིག་ནས་འཚོལ་དགོས་པ་ལགས་མོད། ཕྱི་མ་དེ་ནི་ཁོང་ཁོང་གིས་མགོ་བརྩམས་ཏེ་བསྒྲུབས་པའི་ཐ་སྙད་གསར་འདོགས་ཀྱི་ལས་དོན་གཉེར་སྟངས་འདི་ག་ལས་མེད་པ་རེད། སྤྱིར་སྟངས་བཤདན་དེའི་ཡར་སྔོན་ནས་ཀྱང་ཐ་སྙད་གསར་འདོགས་ལ་ཤུགས་རྒྱག་མཁན་ཡོད་འདུག་མོད། དེ་དག་གིས་དེ་ཙམ་གཡོ་འགུལ་བཟོ་མ་ཐུབ་ཅིང་། འདི་ཉིད་ཀྱིས་ལེབ་ཀྱི་བསླངས་ཤིང་ཡོངས་ཀྱི་སྤུར་བ་དེས་འུ་ཚོའི་གནའ་བོའི་གཞུང་ལུགས་ནས་བྱུང་བའི་ཐ་སྙད་ཅིག་སྦྱར་ན་ཤིང་རྟའི་སྲོལ་འབྱེད་ཅེས་པ་དེར་གྱུར་ཡོད་པ་སྟེ། མིང་མཛོད་འདིའི་རྐྱེན་གྱིས་སྔོན་ཆད་བསྒྲིགས་ཤིང་དཔེ་ཆའི་ཁྲོད་སྐད་མེད་དུ་གཉིད་ཡོད་པ་དག་གི་ནུས་ཤུགས་ཀྱང་ཧྲིལ་གྱིས་བསླངས་བཞག་པ་དེས། ཀློག་མཁན་ཙམ་མིན་པར་ཐ་སྙད་གསར་འདོགས་ཀྱི་ལས་དོན་སྒྲུབ་མཁན་དག་ལའང་བཀའ་དྲིན་ཆེ་བ་ཞིག་ཏུ་འཁུམས།
དེ་བས་སྔོན་ཆད་ནས་ཀྱང་རྣམ་གཞག་འདི་ཡོད་པ་ལགས་པས་གསར་བཏོད་ཅིག་མིན་ནའང་། རྒྱ་ཆེན་པོར་སྤེལ་ཞིང་། ཡོངས་ཁྱབ་ཀྱིས་སྒུལ་བ་དེས་ཤིང་རྟའི་ལམ་སྲོལ་འབྱེད་མཁན་དུ་གྱུར་ཡོད་པ་སྟེ། གཞུང་ལུགས་ཆེན་པོ་ཞིག་དཔེ་རུ་དྲངས་ན། ཡིག་ཆ་འགའ་ཞིག་ཏུ་སངས་རྒྱས་བསྐྱངས་ཀྱིས་དབུ་མ་ཐལ་འགྱུར་བའི་རྣམ་གཞག་བཀྲོལ་བར་བྱས་ནའང་། རྒྱས་བསྡུས་དང་རྒྱ་ཁྱབ་ཆེ་ཆུང་ཞིག་གིས་རྐང་ལམ་ཙམ་ལས་ཤིང་རྟའི་སྲོལ་འབྱེད་དུ་གྱུར་མ་ཐུབ་ཅིང་། སློབ་དཔོན་ཀླུ་སྒྲུབ་ཀྱིས་ཐལ་འགྱུར་བའི་རྣམ་གཞག་ལུང་རིག་གིས་རྒྱས་པར་གཏན་ལ་ཕབ་ཅིང་། ཡོངས་ཁྱབ་ཏུ་བཏང་བ་དེས་ཁོང་ཐལ་འགྱུར་བའི་ཤིང་རྟའི་སྲོལ་འབྱེད་དུ་གྱུར་སོང་བ་ལྟ་བུའོ། །འདི་རང་རེའི་སྐད་དུ་ཤིང་རྟའི་སྲོལ་འབྱེད་ཅེས་པ་ཞིག་ཡོད་པ་དེ་ཅི་ཡིན་པ་ཞོར་དུ་ངོ་སྤྲོད་པ་དང་ལྷན་དུ་དེ་ལྟར་ཡིན་པར་བསྟན་པ་ཡིན།
༣ གཏོར་བཤིག་དང་ཞིབ་བཞེངས་།
བྱ་དངོས་གང་ཡིན་ཀྱང་ཉེས་ཆ་གཏོར་བཤིག་དང་ལེགས་ཆ་ཞིབ་བཞེངས་མ་བྱས་ན་མུ་ནས་མུ་རུ་རྫོབ་ཅིང་ཉོག་པར་འགྱུར་བའི་གནས་ལུགས་དེས། ཐ་སྙད་གསར་འདོགས་ཀྱི་མིང་མཛོད་འདིའང་འུར་གཅིག་གིས་ལགས་སོ་ཞེས་སུ་རྗོད་ཅིང་། ཕྱོགས་གཅིག་ནས་ལག་ཏུ་བསྟར་རྐྱང་བྱས་ན་འགྲིག་མིན་ཅི་རིགས་ཤིག་ཀྱང་ཡོད་སྲིད་ན། དེ་ལ་དེ་མིན་གྱི་གསེད་དགྲོལ་བྱེད་པ་ནི “ཀ་ཁའི་བདག་པོ”དང “ ཀ་ཁའི་རིག་གཞུང”གི་དོན་དག་ཅིག་ཏུའང་ངེས་ལ། ཁོ་པ་ཚོས་དེབ་ཀྱི་བར་གསེང་ན་བསམ་འཆར་བསྡུ་ལེན་གྱི་ཤོག་ལྷེ་ཞིག་བཞག་ཡོད་པ་དེ་ཡི་རེ་བཞག་ཀྱང་ཡིན་སྲིད།
རེད་དེ་དོན་མེད་ཀྱི་རྩོད་གླེང་སྟེ། “ཚུལ་ཁྲིམས་བློ་གྲོས་མེད་ན་ཐ་སྙད་གསར་འདོགས་ཡོད་མེད”སོགས་ཐུན་མོང་གི་སྐད་ཡིག་གླེང་ས་ན་མི་སྒེར་དང་ཚོགས་པ་སྒེར་གྱི་ལྟ་བ་འཁྱེར་ནས་ཡོང་བ་ནི་ལྡོག་ཕྱོགས་ཀྱི་གཏོར་བཤིག་ཁོ་ནར་ངེས།
མ་གཞི་བསམ་འཆར་དང་ནོར་བཅོས་ནི་ལྷག་བསམ་དང་རེ་འདོད་ཀྱི་ཁོངས་སུ་གཏོགས་པ་ལགས་ན། དེ་ལ་བདག་པོའི་ངོས་ནས་ཀྱང་ཅི་བཞིན་དང་ལེན་དང་གསལ་བཤད་ཅིག་བྱེད་པ་ནི་འོས་འགན་ཞིག་ཏུ་ངེས། དཔེར་ན་བྱ་བྱིའུ་ཞིབ་འཇུག་པ་འཇུ་བཀྲ་ཤིས་བཟང་པོ་ལགས་ཀྱིས་བྱ་བྱིའུ་ཡི་ཐ་སྙད་འགའ་ནོར་བཅོས་བྱས་པ་ཞིག་མཐོང་སོང་མོད། དེ་ལ་ཡིན་མིན་གྱི་སྐད་བརྡ་ཅི་ཡང་གོ་བར་མ་གྱུར་ན། དེ་དང་དེ་ལྟ་བུ་དག་ལ་མིང་མཛོད་རང་སྟེང་ནས་ཁ་ཞིག་གྲགས་རྒྱུ་ནི་ང་དང་ཁོ་ཚོའི་རེ་བ་ཡིན་ཏེ། ཀ་ཁའི་རིག་གཞུང་དང་ཀ་ཁའི་ཚེ་སྲོག་གི་སླད་དུ་ངལ་བ་གདོང་དུ་བསུས་ཤིང་། ཉིན་མཚན་རེ་བས་སྐྱེལ་གྱིན་པའི་རྒན་ལགས་ཀྱི་འབད་པ་ཡག་ནས་ལེགས་སུ་ཕྱིན་པ་དང་། འུ་ཚོའི་སྐད་ཡིག་གི་ཚེ་སྲོག་འཆི་མེད་རྟག་བརྟན་གྱི་ངོ་བོར་ལྷུན་གྱིས་གྲུབ་པའི་སླད་དུའོ། །
སླར་ཡང་བཤད་འདོད་པ་གཅིག་ནི། ཐ་སྙད་གསར་འདོགས་ཀྱི་ཐད་ནས་བྱ་དངོས་གཅིག་ལ་མིང་མང་པོ་འདོགས་པར་རྒོལ་ཞིང་། དེའི་ཁ་གཏད་དུ“གཅིག་གྱུར” ཞེས་པའི་སྐད་ཆ་བཀོལ་མཁན་ཀྱང་འགའ་ཞིག་མཆིས་མོད། ཁོ་བོས་ནི་དོན་དང་མཐུན་ཞིང་རྗོད་པ་བདེ་བའི་མིང་ཞིག་ཡིན་ཕྱིན་བྱ་དངོས་གཅིག་ལ་མིང་མང་དུ་ཡོད་ཀྱང་ཉེས་འགལ་མ་མཆིས་ཏེ། “དོན་གཅིག་ལ་མིང་གི་རྣམ་གྲངས”ཞེས་པ་དེ་འུ་ཚོའི་སྲོལ་རྒྱུན་གྱི་ཁྲོད་དུའང་ཡོད་ལ། བྱ་དངོས་ཡོད་ཚད་ལ་མིང་གཅིག་རེ་ལས་བཀོལ་དུ་མེད་པར་གྱུར་ན་དེ་ནི་སྐད་ཆ་ནུས་མེད་ཅིག་མིན་པའི་ངེས་པའང་མེད། དེ་བས་སྐད་ཡིག་གཞན་དག་ལའང་བྱ་དངོས་གཅིག་ལ་མིང་དུ་མ་བཀོལ་དུ་ཡོད་པ་དང་། ང་ཚོའི་སྲོལ་རྒྱུན་གྱི་བྱ་དངོས་དག་གི་ཐ་སྙད་ལ་ཏོག་ཙམ་བསམ་གཞིག་བྱེད་ཅིང་། “དོན་གཅིག་མིང་གི་རྣམ་གྲངས”ཞེས་པར་འཁྱུག་ཙམ་བལྟ་བར་བྱས་ན“གཅིག་གྱུར”ཞེས་པའི་སྐད་ཆ་དེ་ཡང་སྐབས་འདིར་དེ་འདྲའི་འབྱོར་མོ་ཞིག་མིན་ཀྱང་སྲིད། དེ་ནི་ང་དང་རྒན་ལགས་བར་གྱི་བསམ་གཞིག་གཏོང་ཕྱོགས་ཀྱི་ཁྱད་པར་དེ་ཡང་ཡིན་སྲིད། མ་གཞི་རྒན་ལགས་དང་བདག་གི་བསམ་བློ་གཏོང་ཕྱོགས་ཡོངས་ཆུ་ལ་ཆུ་བཞག་བཞིན་དབྱེར་མེད་དུ་འདྲེས་ཆོག་ཆོག་རྐྱང་ཡིན་པའི་ངེས་པའང་མེད་དེ། བདག་གི་བསམ་བློ་ནར་མ་སོན་པ་ཡིན་ཀྱང་སྲིད་མོད་བསམ་བློ་གཏོང་སྟངས་འགའ་ཞིག་ནི་བཙན་གྱིས་མ་བསྟུན་ན་བབ་ཀྱིས་མཐོ་མ་ཐུགས་སའང་ཡོད་དེ། དེ་ནི《བདག་དང་རྒན་ལགས་ཀྱི་བསམ་བློ་གཏོང་སྟངས》ཞེས་པ་ལས་བཤད་པ་ལྟར་ལགས།
Monday, March 14, 2011
མཆིན་ནད་། (Hepatitis B)
རྩོམ་པ་པོ། སྨན་པ་རིག་འཛིན་བཟང་མོ།
མཆིན་ནད་དུག་ཐབས་སམ་ཧེ་པ་ཀྲ་ཀྲི་སི་སྦི་ཡི་སྐོར་རགས་ཙམ་གླེང་བ།
དེང་དུས་ནུབ་ལུགས་པས་གྲགས་ཆེ་བའི་ནད་གཞི་ཧེ་པ་ཀྲ་ཡེ་ཀྲི་སི་སྦི་ཞེས་པ་བོད་ལུགས་ནས་དྭངས་མ་མ་ཞུ་མཁྲིས་ནད་དུག་ཐབས་ཡིན་པར་འདོད། བོད་ཀྱི་གསོ་བ་རིག་པའི་གཞུང་ལུགས་ལྟར་སྨྲས་ན་ནད་གཞི་འདི་གསར་པ་ཞིག་མིན་པར་གནའ་དུས་ནས་ཡོད་པ་ཞིག་ཡིན།
༡༽ རྒྱུ། ཕྱི་ལུགས་པས་ནད་འདི་རྒྱུ་རྐྱེན་སྲིན་རིགས་ཁོ་ན་ལས་འབྱུང་ཞེས་པ་རང་ལུགས་ལྟར་ན་གཙོ་ཆེར་ཕོ་བའི་བད་མཁྲིས་རླུང་གསུམ་གྱི་མེ་དྲོད་མཐུ་ཞན་པས་ཁ་ཟས་དྭངས་སྙིགས་ཕྱེ་མ་ནུས་ཤིང༌། སྙིགས་མ་དྭངས་མའི་རྩ་སྦུབས་སུ་ཤོར་བ་ཟུངས་སུ་མ་སྨིན་པར་ངན་ཁྲག་རྒྱས་ཏེ་མཆིན་རྩར་གནས་པ་ལྷན་སྐྱེས་སྲིན་དང་བསྡོངས་ནས་ནད་ཀུན་འབྱུང་བར་འགྱུར་ངེས།
༢༽ སློང་རྐྱེན། རྒྱུད་ལས་ནད་སློང་རྐྱེན་གཉིས་དྲན་པས་རྟག་ཏུ་སྤོང་ཞེས་པ་ལྟར་ནད་སློང་རྐྱེན་གཙོ་བོ་ཟས་སྤྱོད་གཉིས་ལས། དང་པོ་ཁ་ཟས་སུ་རྒྱུན་དུ་ཚ་སྐྱུར་ཤས་ཆེ་བ་ཆང་རག་དང༌། ཤིང་ཏོག་མ་སྨིན་པ་དང་སྐྱུར་མོའི་རིགས། འཇུ་དཀའ་བའི་རིགས། འོ་མ་གྲང་མོ། སྔོ་ངད་རྗེན་ཚལ། ཤ་ཤིན་ཏུ་རིད་པའམ་མི་གཙང་བ། ཚིལ་སྣུམ་རིགས་བསྟེན་དྲགས་པ། གཞན་ཡང་མར་དང༌། སྣུམ་ནང་དུ་བརྔོ་བསྲེག་བྱས་པའི་སྒོ་ང་དང་ཤ རྒྱུ་མ་དང་གློ་བ། སྟར་ཁའི་འབྲས་བུ་དང་བ་དམ་ལ་སོགས་པ་སྣུམ་ལྡན་གྱི་རིགས། རུལ་སུངས་ཀྱི་རིགས། ཕྱུར་ར་རྙིང་པའམ་རུལ་པ། ཕག་ཤ་སོགས་བསྙལ་ཤའི་རིགས། གཉིས་པ་སྤྱོད་ལམ་སེམས་ལ་ཞེ་སྡང་དྲག་པོ་སྐྱེས་ནས་ལུས་ཁམས་འཁྲུགས་པའམ་ཡང་ན་དལ་བར་འདུག་དང་མྱ་ངན་སེམས་དུབ་ཀྱིས་ལུས་ཁམས་ཀྱི་ནད་འགོག་ནུས་པ་ཆུང་དུ་ཕྱིན་ཏེ་ནད་དུག་དེ་ཉིད་རིམས་ནད་གཞན་དང་འདྲ་བར་འགོས་ཁྱབ་ཡོང་གི་ཡོད། མདོར་ན་རྒྱུ་རྐྱེན་གཙོ་བོ་ཟས་དང་སྤྱོད་ལམ་གཉིས་ཁོ་ནར་རག་ལས་པ་མཆིན་ནད་ལེའུ་ལས་ཀྱང་རྒྱུ་རྐྱེན་ཚ་སྐྱུར་ཟས་དང་དྲག་ཤུལ་སྐྱེད་ཅེས་གསུངས་སོ།།
༣༽ ནད་རྟགས། ནད་གཞི་འདི་ཆུང་ངུའི་སྐབས་མངོན་ཚུལ་གྱི་རྟགས་གསལ་པོ་མེད་ཀྱང་སྔར་ཚུལ་གྱི་སྐབས་སུ། ཁྲག་གི་ཆུ་སེར་ལ་རྐྱེན་བྱུང་བ། ཕོ་བ་དང་རྒྱུ་མའི་བྱ་ལས་མི་བདེ་ཞིང་ཆུ་མདོག་སེར་བ། ཆམ་རིམས་ལྟ་བུའི་ནད་གཞིས་ཟིན་པ་སོགས་འབྱུང༌། དེ་རྗེས་རིམ་པས་དུས་ཡུན་གང་འཚམས་སོང་རྗེས། དང་ག་ཞན། ཞེ་མེར་ཞིང་སྐྱུག ངལ་དུབ་ཆེ། གྲོད་ཁོག་ན་ཞིང་སྦོ། རྩིབ་མ་གཡས་ཀྱི་སྟེང་གཟེར་ཞིང་ཚིགས་གཞི་ན། བཤང་བའི་མདོག་སྐྱ་བའམ་དཀར། མགོ་ན། ཆུ་མདོག་མར་ནག་འདྲ་བ་དང༌། སྨུག་ཤས་ཅན། དམར་སེར་ལྡན་པ། དྲི་དུགས་པ། ལྦུ་ཚེག་སྒྲ་བཅས་སངས་སྐྱེན། འཇུ་སྟོབས་ཞན། ཕོ་བ་སྦོ་ལ་སྐབས་རེ་གཟེར། ལྗིད་ཚད་ཆགས། སྐབས་རེ་བཤང་བའི་ནང་ཁྲག་འདྲེས་པའམ་ནག་པོར་འབྱུང༌། སྣ་ཁྲག་འབྱུང༌། མཐའ་མཇུག་མཆིན་པ་རུལ་ནས་དུད་ཁུར་ལུ་བ་ཡིན།
༤༽ ནད་འགོ་སྟངས། ལུས་ཁམས་ཀྱི་ནད་འགོག་ནུས་པ་ཆུང་དུ་ཕྱིན་པའི་སྐབས་སུ་མཆིན་པའི་ཁྲག་སྲིན་གྱི་ནད་འབུ་ཡོད་པའི་མི་དང་འབྲེལ་ཐུག་དངོས་སུ་བྱུང་བའམ་ཡང་ན་བརྒྱུད་ནས་བྱུང་བ་གང་ཡང་རུང་བ་ལས་ཁྲག་སྲིན་དེ་ཉིད་ཁྲག་གམ་ལུས་ཀྱི་ཆུ་སེར་གང་རུང་གི་རྨ་ཁ་དང་རྩ་ལམ་བརྒྱུད་གཅིག་ནས་གཅིག་ལ་འགོ་བ་ཡིན། གཞན་ཡང་མ་ནད་བུ་ལ་ལྷུང་བའི་ལྷན་སྐྱེས་ཀྱི་ལམ་ནས་འགོས་ཁྱབ་ཡོང་བ་ཡང་ཡོད། ཁྲག་གསབ་བརྒྱུད་ནས་འགོ་བ་བཅས་མདོར་ན་ཁྲག་དང་ཆུ་སེར་བརྒྱུད་ནས་འགོ་བ་མ་གཏོགས་ནད་གཞི་འདི་ཡོད་པའི་མི་དང་ལྷན་དུ་སྐད་ཆ་ཤོད་སྐབས་ཁ་རླངས་ཕོག་པ་དང༌། ཟ་མ་ཟ་བ། ལག་པ་བཏང་བ། གོས་མཉམ་བསྲེས་བྱེད་པ་སོགས་ནས་འགོ་བ་མིན།
༥༽ སྔོན་འགོག ནད་མ་ཕོག་སྔོན་ནས་དོ་སྣང་དགོས་པ། དེང་དུས་སྔར་དང་མི་འདྲ་བར་འཕྲུལ་ཆས་ཀྱི་ཆ་རྐྱེན་ལེགས་པས་ནད་གཞི་ཡོད་མེད་བརྟག་དཔྱད་བྱེད་དགོས་པ་དང༌། མེད་ན་སྔོན་འགོག་གི་ཁབ་རྒྱག་དགོས་པ་ཡིན། སྔོན་དུ་བརྗོད་པ་ལྟར་རྒྱུ་རྐྱེན་དང་འགོ་སྟངས་སོགས་ལ་རྒྱུན་དུ་དོ་སྣང་བྱེད་དགོས་པ་མ་ཟད། ནད་གཞི་འདི་ཡོད་པ་ཚོས་གོང་གསལ་ལྟར་རྒྱུན་དུ་ཟས་སྤྱོད་ཀྱི་སྤང་བླང་དང་སྨན་བཅོས་ཚུལ་བཞིན་བྱེད་རྒྱུ་དང༌། རང་གི་ནད་དེ་གཞན་ལ་མི་འགོ་བ་བྱེད་རྒྱུ་ཧ་ཅང་གལ་ཆེ།
༦༽ འགོས་ཉེན་ཆེ་བའི་རིགས། སྨན་པ་དང༌། སྨན་གཡོག ཁྲག་བརྟག་དཔྱད་བྱེད་མཁན། བུ་ནང་ཁུལ་བཤང་ལམ་དུ་འཁྲིག་པ་སྤྱོད་མཁན། ནད་གཞི་འདི་ཡོད་པའི་བཟའ་ཟླར་ལུས་འབྲེལ་བྱེད་མཁན། གང་བྱུང་ལོག་གཡེམ་བྱེད་མཁན། རྩ་ལམ་བརྒྱུད་སྦྲིད་སྨན་བེད་སྤྱོད་གཏོང་མཁན། ཨ་མར་ནད་གཞི་འདི་ཡོད་པའི་ཕྲུ་གུ། སྐྲ་ཁང་དང་སྨན་ཁང་ནང་ནས་སྐྲ་གྲི་དང་སྨན་ཁབ་དུག་སེལ་མ་བྱས་པ་བེད་སྤྱོད་བྱེད་མཁན་སོགས་ཡིན།
༧༽ ཟས་སྤྱོད་སྤང་བླང་བྱ་ཚུལ། དང་པོ་སྤང་བྱའི་ཟས་སྐོམ། ཚ་སྐྱུར་གྱི་རིགས། དཔེར་ན་ཁ་ཟས་ནང་སི་པན་དང༌། ཤ་སྨན་དྲོད་ཆེའི་རིགས་མང་པོ་བླུགས་པ། ཆང་དང་ཨ་རག མཚུར། ཨིམ་ལི། ལིམ་བུ། ཤིང་ཏོག་མ་སྨིན་པ་སྐྱུར་མོའི་རིགས། ཆུ་མངར་མོའི་རིགས། ཤིང་ཏོག་ཁུ་བ་བཅོས་མའི་རིགས་དང༌། ལྕགས་ཀྲིན་ནང་ལ་རུལ་སུངས་ཀྱི་འགོག་རྫས་བླུགས་པའི་ཁ་ཟས་རིགས་དང༌། ཞག་ཚིལ་གྱི་རིགས། ཤ་ཚིལ་ཅན་དང༌། མར་རྙིང་པ། སྣུམ་དང་ཞག་མར་མང་པོའི་ནང་བརྔོ་བསྲེག་བྱས་པ་རྒྱ་གར་གྱི་ས་མོ་ས་དང་པ་ཀོ་ར། ཆོ་ལེ་བྷ་ཌོ་ར། པུ་རི་ལྟ་བུ། བྱ་སྒོང་བརྔོས་མ་དང་སྒོ་ངའི་སེར་རིལ། སྟར་ཁའི་འབྲས་བུ་དང་བ་དམ་ལ་སོགས་པ་སྣུམ་ལྡན་གྱི་རིགས། རུལ་སུངས་ཀྱི་རིགས། ཕྱུར་ར་རྙིང་པའམ་རུལ་པ། ཕག་ཤ་སོགས་བསྙལ་ཤའི་རིགས། པད་ཚལ་དང་ལ་ཕུག་གྲང་ཚལ་སོགས་རྗེན་ཚལ་དང༌། སོན་ལ་ཕུག་བསྙལ་བ་སྐྱུར་མོའི་(Pickle)རིགས། ཤ་སྐམ་པོ་དང་རྗེན་པ་སོགས་ཤིན་ཏུ་འཇུ་དཀའ་བའི་རིགས་ངེས་པར་དུ་སྤང་དགོས།
གཉིས་པ་སྤང་བྱའི་སྤྱོད་ལམ། ལུས་རྩོལ་བས་བཅགས་པའམ་ལུས་རྩལ་ཤུགས་ཆེའི་རིགས་དང༌། ཞིང་ལས་དང་དོ་བོ་འོར་འདྲེན་སོགས་ཤུགས་ལས་ཀྱི་རིགས། མེ་ཉི་ལ་སོགས་ཚ་དྲོད་ཆེ་བའི་སར་འགྲོ་སྡོད་ལས་གསུམ་བྱེད་པ་སྤང་དགོས། མྱ་ངན་སེམས་ལས་སྡུག་བསྔལ་དང༌། ཞེ་སྡང་དངངས་སྐྲག་གི་རིགས་ཞི་ཐབས་བྱ་དགོས།
གསུམ་པ་བླང་བྱའི་ཟས་སྐོམ། ཁ་ཟས་བསིལ་འཇམ་འཇུ་སླ་བའི་རིགས་བསྟེན་དགོས་པ་དཔེར་ན། འབྲས་སོགས་འབྲུ་རིགས་དང༌། སྔོ་ཚལ་སོགས་རླངས་བཅོས་དང་ཆུར་བཙོས་པ་ལ་སྡོར་ཉུང་ཙམ་བརྒྱབ་པ་བསྟེན་ན་འཕྲོད་ཆེ། ཤ་རིགས་སྐབས་རེ་ཕྲན་བུ་གཟུགས་ཁམས་ཀྱི་བབས་དང་བསྟུན་ནས་ཟ་རྒྱུ་ཡང་དབྱར་སོས་དང༌། སྟོན་དུས་སུ་ཉུང་ཙམ་བསྟེན་དགོས། སྤང་དགོས་པའི་ཤིང་ཏོག་ཕུད་དེ་མིན་ལེགས་པར་སྨིན་པའི་ཤིང་ཏོག་འདྲ་མིན་དང༌། དེ་དག་གི་ཁུ་བ་སོས་པ་མང་ཉུང་རན་ཙམ་འཐུང་དགོས། ཁ་སྤྲི་མེད་པའི་འོ་མ་དང་ཞོ་དར་བ་སོགས་དང༌། ཚ་ཇ་དང་མངར་ཇ་ཀོ་ཧཕི་སོགས་གར་པོ་མ་ཡིན་པ་འཐུང་ཆོག དེ་བཞིན་སྨན་རྩིས་ཁང་ནས་བཟོ་སྐྲུན་བྱས་པའི་སྨན་ཇ་དང་མཁྲིས་ཇ་འོས་འཚམས་འཐུང་དགོས་ལ། ཆུ་ཁོལ་མའམ་ཁོལ་གྲང་གང་མང་ཡུལ་དུས་དང་གནམ་གཤིས་ལ་བསྟུན་ནས་འཐུང་དགོས་པ་ཡིན།
བཞི་པ་བླང་བྱའི་སྤྱོད་ལམ། སྤྱིར་གོང་གསལ་སློང་རྐྱེན་གྱི་ཟས་སྤྱོད་རྣམས་དོ་སྣང་ཆེན་པོའི་ངང་སྤང་དགོས་པ་དང༌། ལྷག་པར་ཆང་རག་དང་ཐ་མག་སོགས་སྨྱོ་རྫས་ཀྱི་རིགས་ངེས་པར་དུ་སྤང་དགོས། དེ་བཞིན་བསིལ་སར་ལུས་སེམས་ཞི་ལྷོད་ངང་རང་གི་བློ་དང་མཐུན་པའི་གྲོགས་བཟང་པོ་དང་ལྷན་དུ་གནས་ན་སྨན་བཅོས་ཀྱི་ནུས་པ་མྱུར་བར་ཐོན་ཐུབ་པའི་ཁྱད་ཆོས་ལྡན་པ་ཡིན།
མཆིན་ནད་དུག་ཐབས་ཀྱི་ནད་གཞི་འདི་དེང་སང་འཛམ་གླིང་གི་འཕྲོད་བསྟེན་དང་འབྲེལ་བའི་དཀའ་ངལ་ཆེ་ཤོས་ཤིག་ཆགས་ཡོད་པ་དང༌།ལྷག་པར་དུ་མཆིན་པའི་བྱེད་ལས་ཡར་རྒྱས་ཕྱིན་པ་དང༌། ཕོ་མཆིན་ཉམས་རྒུད་དུ་ཕྱིན་པ་ལས་སྐྱོབ་པ་སོགས་ཀྱི་ནུས་པ་ཐོན་ཡོད་པས། ནད་གཞི་དེ་ཡང་སྔར་ཚུལ་གྱི་སྐབས་མངོན་ཚུལ་གསལ་པོ་མེད་པར་བག་ལ་ཉལ་བའི་ཚུལ་ལྟ་བུ་ཞིག་ལ་གནས་ཤིང༌། རྐྱེན་གློ་བུར་བ་དང་འཕྲད་ཚེ་སྲོག་ལ་རྒོལ་བ་ཞིག་ཡིན་པར་བརྟེན། གསོ་དཔྱད་སྨན་པའི་ངག་དང་ཟས་སྤྱོད་ཀྱི་སྤང་བླང་རྣམས་ལྷོད་ཡང་དུ་མི་འགྲོ་བར་ཚུལ་བཞིན་བསྟེན་རྒྱུའི་གནད་འགག་འདི་ནི་ནད་མེད་བདེ་བར་འདོད་པ་ཚང་མས་ངེས་པར་དུ་ཤེས་དགོས་པས་མ་ཚད། ལྷག་པར་དུ་ནད་གཞི་སྔོན་འགོག་ཆེད་རང་ལས་གཞན་གཅེས་པའི་ཀུན་སློང་བཟང་པོས་མཆིན་ནད་འདིའི་ནད་འབུ་མི་གཞན་ལ་འགོས་ཁྱབ་མི་འགྲོ་བའི་ཐབས་ལམ་མཁྱེན་རྟོགས་ཀྱིས་ལག་བསྟར་བྱ་དགོས་པ་ནི་ཤིན་ཏུ་གལ་ཆེའོ།།
མཆིན་ནད་དུག་ཐབས་སམ་ཧེ་པ་ཀྲ་ཀྲི་སི་སྦི་ཡི་སྐོར་རགས་ཙམ་གླེང་བ།
དེང་དུས་ནུབ་ལུགས་པས་གྲགས་ཆེ་བའི་ནད་གཞི་ཧེ་པ་ཀྲ་ཡེ་ཀྲི་སི་སྦི་ཞེས་པ་བོད་ལུགས་ནས་དྭངས་མ་མ་ཞུ་མཁྲིས་ནད་དུག་ཐབས་ཡིན་པར་འདོད། བོད་ཀྱི་གསོ་བ་རིག་པའི་གཞུང་ལུགས་ལྟར་སྨྲས་ན་ནད་གཞི་འདི་གསར་པ་ཞིག་མིན་པར་གནའ་དུས་ནས་ཡོད་པ་ཞིག་ཡིན།
༡༽ རྒྱུ། ཕྱི་ལུགས་པས་ནད་འདི་རྒྱུ་རྐྱེན་སྲིན་རིགས་ཁོ་ན་ལས་འབྱུང་ཞེས་པ་རང་ལུགས་ལྟར་ན་གཙོ་ཆེར་ཕོ་བའི་བད་མཁྲིས་རླུང་གསུམ་གྱི་མེ་དྲོད་མཐུ་ཞན་པས་ཁ་ཟས་དྭངས་སྙིགས་ཕྱེ་མ་ནུས་ཤིང༌། སྙིགས་མ་དྭངས་མའི་རྩ་སྦུབས་སུ་ཤོར་བ་ཟུངས་སུ་མ་སྨིན་པར་ངན་ཁྲག་རྒྱས་ཏེ་མཆིན་རྩར་གནས་པ་ལྷན་སྐྱེས་སྲིན་དང་བསྡོངས་ནས་ནད་ཀུན་འབྱུང་བར་འགྱུར་ངེས།
༢༽ སློང་རྐྱེན། རྒྱུད་ལས་ནད་སློང་རྐྱེན་གཉིས་དྲན་པས་རྟག་ཏུ་སྤོང་ཞེས་པ་ལྟར་ནད་སློང་རྐྱེན་གཙོ་བོ་ཟས་སྤྱོད་གཉིས་ལས། དང་པོ་ཁ་ཟས་སུ་རྒྱུན་དུ་ཚ་སྐྱུར་ཤས་ཆེ་བ་ཆང་རག་དང༌། ཤིང་ཏོག་མ་སྨིན་པ་དང་སྐྱུར་མོའི་རིགས། འཇུ་དཀའ་བའི་རིགས། འོ་མ་གྲང་མོ། སྔོ་ངད་རྗེན་ཚལ། ཤ་ཤིན་ཏུ་རིད་པའམ་མི་གཙང་བ། ཚིལ་སྣུམ་རིགས་བསྟེན་དྲགས་པ། གཞན་ཡང་མར་དང༌། སྣུམ་ནང་དུ་བརྔོ་བསྲེག་བྱས་པའི་སྒོ་ང་དང་ཤ རྒྱུ་མ་དང་གློ་བ། སྟར་ཁའི་འབྲས་བུ་དང་བ་དམ་ལ་སོགས་པ་སྣུམ་ལྡན་གྱི་རིགས། རུལ་སུངས་ཀྱི་རིགས། ཕྱུར་ར་རྙིང་པའམ་རུལ་པ། ཕག་ཤ་སོགས་བསྙལ་ཤའི་རིགས། གཉིས་པ་སྤྱོད་ལམ་སེམས་ལ་ཞེ་སྡང་དྲག་པོ་སྐྱེས་ནས་ལུས་ཁམས་འཁྲུགས་པའམ་ཡང་ན་དལ་བར་འདུག་དང་མྱ་ངན་སེམས་དུབ་ཀྱིས་ལུས་ཁམས་ཀྱི་ནད་འགོག་ནུས་པ་ཆུང་དུ་ཕྱིན་ཏེ་ནད་དུག་དེ་ཉིད་རིམས་ནད་གཞན་དང་འདྲ་བར་འགོས་ཁྱབ་ཡོང་གི་ཡོད། མདོར་ན་རྒྱུ་རྐྱེན་གཙོ་བོ་ཟས་དང་སྤྱོད་ལམ་གཉིས་ཁོ་ནར་རག་ལས་པ་མཆིན་ནད་ལེའུ་ལས་ཀྱང་རྒྱུ་རྐྱེན་ཚ་སྐྱུར་ཟས་དང་དྲག་ཤུལ་སྐྱེད་ཅེས་གསུངས་སོ།།
༣༽ ནད་རྟགས། ནད་གཞི་འདི་ཆུང་ངུའི་སྐབས་མངོན་ཚུལ་གྱི་རྟགས་གསལ་པོ་མེད་ཀྱང་སྔར་ཚུལ་གྱི་སྐབས་སུ། ཁྲག་གི་ཆུ་སེར་ལ་རྐྱེན་བྱུང་བ། ཕོ་བ་དང་རྒྱུ་མའི་བྱ་ལས་མི་བདེ་ཞིང་ཆུ་མདོག་སེར་བ། ཆམ་རིམས་ལྟ་བུའི་ནད་གཞིས་ཟིན་པ་སོགས་འབྱུང༌། དེ་རྗེས་རིམ་པས་དུས་ཡུན་གང་འཚམས་སོང་རྗེས། དང་ག་ཞན། ཞེ་མེར་ཞིང་སྐྱུག ངལ་དུབ་ཆེ། གྲོད་ཁོག་ན་ཞིང་སྦོ། རྩིབ་མ་གཡས་ཀྱི་སྟེང་གཟེར་ཞིང་ཚིགས་གཞི་ན། བཤང་བའི་མདོག་སྐྱ་བའམ་དཀར། མགོ་ན། ཆུ་མདོག་མར་ནག་འདྲ་བ་དང༌། སྨུག་ཤས་ཅན། དམར་སེར་ལྡན་པ། དྲི་དུགས་པ། ལྦུ་ཚེག་སྒྲ་བཅས་སངས་སྐྱེན། འཇུ་སྟོབས་ཞན། ཕོ་བ་སྦོ་ལ་སྐབས་རེ་གཟེར། ལྗིད་ཚད་ཆགས། སྐབས་རེ་བཤང་བའི་ནང་ཁྲག་འདྲེས་པའམ་ནག་པོར་འབྱུང༌། སྣ་ཁྲག་འབྱུང༌། མཐའ་མཇུག་མཆིན་པ་རུལ་ནས་དུད་ཁུར་ལུ་བ་ཡིན།
༤༽ ནད་འགོ་སྟངས། ལུས་ཁམས་ཀྱི་ནད་འགོག་ནུས་པ་ཆུང་དུ་ཕྱིན་པའི་སྐབས་སུ་མཆིན་པའི་ཁྲག་སྲིན་གྱི་ནད་འབུ་ཡོད་པའི་མི་དང་འབྲེལ་ཐུག་དངོས་སུ་བྱུང་བའམ་ཡང་ན་བརྒྱུད་ནས་བྱུང་བ་གང་ཡང་རུང་བ་ལས་ཁྲག་སྲིན་དེ་ཉིད་ཁྲག་གམ་ལུས་ཀྱི་ཆུ་སེར་གང་རུང་གི་རྨ་ཁ་དང་རྩ་ལམ་བརྒྱུད་གཅིག་ནས་གཅིག་ལ་འགོ་བ་ཡིན། གཞན་ཡང་མ་ནད་བུ་ལ་ལྷུང་བའི་ལྷན་སྐྱེས་ཀྱི་ལམ་ནས་འགོས་ཁྱབ་ཡོང་བ་ཡང་ཡོད། ཁྲག་གསབ་བརྒྱུད་ནས་འགོ་བ་བཅས་མདོར་ན་ཁྲག་དང་ཆུ་སེར་བརྒྱུད་ནས་འགོ་བ་མ་གཏོགས་ནད་གཞི་འདི་ཡོད་པའི་མི་དང་ལྷན་དུ་སྐད་ཆ་ཤོད་སྐབས་ཁ་རླངས་ཕོག་པ་དང༌། ཟ་མ་ཟ་བ། ལག་པ་བཏང་བ། གོས་མཉམ་བསྲེས་བྱེད་པ་སོགས་ནས་འགོ་བ་མིན།
༥༽ སྔོན་འགོག ནད་མ་ཕོག་སྔོན་ནས་དོ་སྣང་དགོས་པ། དེང་དུས་སྔར་དང་མི་འདྲ་བར་འཕྲུལ་ཆས་ཀྱི་ཆ་རྐྱེན་ལེགས་པས་ནད་གཞི་ཡོད་མེད་བརྟག་དཔྱད་བྱེད་དགོས་པ་དང༌། མེད་ན་སྔོན་འགོག་གི་ཁབ་རྒྱག་དགོས་པ་ཡིན། སྔོན་དུ་བརྗོད་པ་ལྟར་རྒྱུ་རྐྱེན་དང་འགོ་སྟངས་སོགས་ལ་རྒྱུན་དུ་དོ་སྣང་བྱེད་དགོས་པ་མ་ཟད། ནད་གཞི་འདི་ཡོད་པ་ཚོས་གོང་གསལ་ལྟར་རྒྱུན་དུ་ཟས་སྤྱོད་ཀྱི་སྤང་བླང་དང་སྨན་བཅོས་ཚུལ་བཞིན་བྱེད་རྒྱུ་དང༌། རང་གི་ནད་དེ་གཞན་ལ་མི་འགོ་བ་བྱེད་རྒྱུ་ཧ་ཅང་གལ་ཆེ།
༦༽ འགོས་ཉེན་ཆེ་བའི་རིགས། སྨན་པ་དང༌། སྨན་གཡོག ཁྲག་བརྟག་དཔྱད་བྱེད་མཁན། བུ་ནང་ཁུལ་བཤང་ལམ་དུ་འཁྲིག་པ་སྤྱོད་མཁན། ནད་གཞི་འདི་ཡོད་པའི་བཟའ་ཟླར་ལུས་འབྲེལ་བྱེད་མཁན། གང་བྱུང་ལོག་གཡེམ་བྱེད་མཁན། རྩ་ལམ་བརྒྱུད་སྦྲིད་སྨན་བེད་སྤྱོད་གཏོང་མཁན། ཨ་མར་ནད་གཞི་འདི་ཡོད་པའི་ཕྲུ་གུ། སྐྲ་ཁང་དང་སྨན་ཁང་ནང་ནས་སྐྲ་གྲི་དང་སྨན་ཁབ་དུག་སེལ་མ་བྱས་པ་བེད་སྤྱོད་བྱེད་མཁན་སོགས་ཡིན།
༧༽ ཟས་སྤྱོད་སྤང་བླང་བྱ་ཚུལ། དང་པོ་སྤང་བྱའི་ཟས་སྐོམ། ཚ་སྐྱུར་གྱི་རིགས། དཔེར་ན་ཁ་ཟས་ནང་སི་པན་དང༌། ཤ་སྨན་དྲོད་ཆེའི་རིགས་མང་པོ་བླུགས་པ། ཆང་དང་ཨ་རག མཚུར། ཨིམ་ལི། ལིམ་བུ། ཤིང་ཏོག་མ་སྨིན་པ་སྐྱུར་མོའི་རིགས། ཆུ་མངར་མོའི་རིགས། ཤིང་ཏོག་ཁུ་བ་བཅོས་མའི་རིགས་དང༌། ལྕགས་ཀྲིན་ནང་ལ་རུལ་སུངས་ཀྱི་འགོག་རྫས་བླུགས་པའི་ཁ་ཟས་རིགས་དང༌། ཞག་ཚིལ་གྱི་རིགས། ཤ་ཚིལ་ཅན་དང༌། མར་རྙིང་པ། སྣུམ་དང་ཞག་མར་མང་པོའི་ནང་བརྔོ་བསྲེག་བྱས་པ་རྒྱ་གར་གྱི་ས་མོ་ས་དང་པ་ཀོ་ར། ཆོ་ལེ་བྷ་ཌོ་ར། པུ་རི་ལྟ་བུ། བྱ་སྒོང་བརྔོས་མ་དང་སྒོ་ངའི་སེར་རིལ། སྟར་ཁའི་འབྲས་བུ་དང་བ་དམ་ལ་སོགས་པ་སྣུམ་ལྡན་གྱི་རིགས། རུལ་སུངས་ཀྱི་རིགས། ཕྱུར་ར་རྙིང་པའམ་རུལ་པ། ཕག་ཤ་སོགས་བསྙལ་ཤའི་རིགས། པད་ཚལ་དང་ལ་ཕུག་གྲང་ཚལ་སོགས་རྗེན་ཚལ་དང༌། སོན་ལ་ཕུག་བསྙལ་བ་སྐྱུར་མོའི་(Pickle)རིགས། ཤ་སྐམ་པོ་དང་རྗེན་པ་སོགས་ཤིན་ཏུ་འཇུ་དཀའ་བའི་རིགས་ངེས་པར་དུ་སྤང་དགོས།
གཉིས་པ་སྤང་བྱའི་སྤྱོད་ལམ། ལུས་རྩོལ་བས་བཅགས་པའམ་ལུས་རྩལ་ཤུགས་ཆེའི་རིགས་དང༌། ཞིང་ལས་དང་དོ་བོ་འོར་འདྲེན་སོགས་ཤུགས་ལས་ཀྱི་རིགས། མེ་ཉི་ལ་སོགས་ཚ་དྲོད་ཆེ་བའི་སར་འགྲོ་སྡོད་ལས་གསུམ་བྱེད་པ་སྤང་དགོས། མྱ་ངན་སེམས་ལས་སྡུག་བསྔལ་དང༌། ཞེ་སྡང་དངངས་སྐྲག་གི་རིགས་ཞི་ཐབས་བྱ་དགོས།
གསུམ་པ་བླང་བྱའི་ཟས་སྐོམ། ཁ་ཟས་བསིལ་འཇམ་འཇུ་སླ་བའི་རིགས་བསྟེན་དགོས་པ་དཔེར་ན། འབྲས་སོགས་འབྲུ་རིགས་དང༌། སྔོ་ཚལ་སོགས་རླངས་བཅོས་དང་ཆུར་བཙོས་པ་ལ་སྡོར་ཉུང་ཙམ་བརྒྱབ་པ་བསྟེན་ན་འཕྲོད་ཆེ། ཤ་རིགས་སྐབས་རེ་ཕྲན་བུ་གཟུགས་ཁམས་ཀྱི་བབས་དང་བསྟུན་ནས་ཟ་རྒྱུ་ཡང་དབྱར་སོས་དང༌། སྟོན་དུས་སུ་ཉུང་ཙམ་བསྟེན་དགོས། སྤང་དགོས་པའི་ཤིང་ཏོག་ཕུད་དེ་མིན་ལེགས་པར་སྨིན་པའི་ཤིང་ཏོག་འདྲ་མིན་དང༌། དེ་དག་གི་ཁུ་བ་སོས་པ་མང་ཉུང་རན་ཙམ་འཐུང་དགོས། ཁ་སྤྲི་མེད་པའི་འོ་མ་དང་ཞོ་དར་བ་སོགས་དང༌། ཚ་ཇ་དང་མངར་ཇ་ཀོ་ཧཕི་སོགས་གར་པོ་མ་ཡིན་པ་འཐུང་ཆོག དེ་བཞིན་སྨན་རྩིས་ཁང་ནས་བཟོ་སྐྲུན་བྱས་པའི་སྨན་ཇ་དང་མཁྲིས་ཇ་འོས་འཚམས་འཐུང་དགོས་ལ། ཆུ་ཁོལ་མའམ་ཁོལ་གྲང་གང་མང་ཡུལ་དུས་དང་གནམ་གཤིས་ལ་བསྟུན་ནས་འཐུང་དགོས་པ་ཡིན།
བཞི་པ་བླང་བྱའི་སྤྱོད་ལམ། སྤྱིར་གོང་གསལ་སློང་རྐྱེན་གྱི་ཟས་སྤྱོད་རྣམས་དོ་སྣང་ཆེན་པོའི་ངང་སྤང་དགོས་པ་དང༌། ལྷག་པར་ཆང་རག་དང་ཐ་མག་སོགས་སྨྱོ་རྫས་ཀྱི་རིགས་ངེས་པར་དུ་སྤང་དགོས། དེ་བཞིན་བསིལ་སར་ལུས་སེམས་ཞི་ལྷོད་ངང་རང་གི་བློ་དང་མཐུན་པའི་གྲོགས་བཟང་པོ་དང་ལྷན་དུ་གནས་ན་སྨན་བཅོས་ཀྱི་ནུས་པ་མྱུར་བར་ཐོན་ཐུབ་པའི་ཁྱད་ཆོས་ལྡན་པ་ཡིན།
མཆིན་ནད་དུག་ཐབས་ཀྱི་ནད་གཞི་འདི་དེང་སང་འཛམ་གླིང་གི་འཕྲོད་བསྟེན་དང་འབྲེལ་བའི་དཀའ་ངལ་ཆེ་ཤོས་ཤིག་ཆགས་ཡོད་པ་དང༌།ལྷག་པར་དུ་མཆིན་པའི་བྱེད་ལས་ཡར་རྒྱས་ཕྱིན་པ་དང༌། ཕོ་མཆིན་ཉམས་རྒུད་དུ་ཕྱིན་པ་ལས་སྐྱོབ་པ་སོགས་ཀྱི་ནུས་པ་ཐོན་ཡོད་པས། ནད་གཞི་དེ་ཡང་སྔར་ཚུལ་གྱི་སྐབས་མངོན་ཚུལ་གསལ་པོ་མེད་པར་བག་ལ་ཉལ་བའི་ཚུལ་ལྟ་བུ་ཞིག་ལ་གནས་ཤིང༌། རྐྱེན་གློ་བུར་བ་དང་འཕྲད་ཚེ་སྲོག་ལ་རྒོལ་བ་ཞིག་ཡིན་པར་བརྟེན། གསོ་དཔྱད་སྨན་པའི་ངག་དང་ཟས་སྤྱོད་ཀྱི་སྤང་བླང་རྣམས་ལྷོད་ཡང་དུ་མི་འགྲོ་བར་ཚུལ་བཞིན་བསྟེན་རྒྱུའི་གནད་འགག་འདི་ནི་ནད་མེད་བདེ་བར་འདོད་པ་ཚང་མས་ངེས་པར་དུ་ཤེས་དགོས་པས་མ་ཚད། ལྷག་པར་དུ་ནད་གཞི་སྔོན་འགོག་ཆེད་རང་ལས་གཞན་གཅེས་པའི་ཀུན་སློང་བཟང་པོས་མཆིན་ནད་འདིའི་ནད་འབུ་མི་གཞན་ལ་འགོས་ཁྱབ་མི་འགྲོ་བའི་ཐབས་ལམ་མཁྱེན་རྟོགས་ཀྱིས་ལག་བསྟར་བྱ་དགོས་པ་ནི་ཤིན་ཏུ་གལ་ཆེའོ།།
Thursday, January 20, 2011
སྐྱེ་བ་སྔ་ཕྱི།
མཁས་དབང་དུང་དཀར་བློ་བཟང་འཕྲིན་ལས།
གོང་དུ་ཤི་དུས་ཆོས་མ་གཏོགས་གང་གིས་ཀྱང་མི་ཕན་པའི་སྒྲུབ་བྱེད་བཤད་ཟིན་པར་བརྟེན་ཡང་མི་ལ་ལའི་སེམས་ནང་ཤི་དུས་ཆོས་ཀྱིས་ཕན་གྱི་ཡོད་ནའང་འདྲ། ཕན་གྱི་མེད་ནའང་འདྲ། གང་ལྟར་སྐྱེ་བ་སྔ་ཕྱི་ཟེར་བ་དེ་ནི་ཤོད་ཚུལ་ཙམ་ལས་དངོས་སུ་ཨེ་ཡོད་སྙམ་པ་ཡོང་སྲིད་པར་བརྟེན་སྐྱེ་བ་སྔ་ཕྱི་ཡོད་པའི་རྒྱུ་མཚན་འདི་བྱུང་བ་རེད། སྐྱེ་བ་སྔ་ཕྱི་ཡོད་པའི་སྐོར་དེ་རིག་པ་ཧ་ཅང་གཏིང་ཟབ་པོ་ཡོད་ཅིང་། ཚད་མ་རིག་པ་ལེའུ་གཉིས་པའི་ནང་གཙོ་བོ་སྐྱེ་བ་སྔ་ཕྱིའི་སྐོར་བཤད་ཡོད། འདིར་མདོར་བསྡུས་ཙམ་ཞུས་ན།
སྐྱེ་བ་སྔ་ཕྱི་ཟེར་བ་མེད་ཅེས་བཤད་ན་དེའི་ལན་དུ་འདི་ལྟར་སྟེ། ཤི་བའི་རྗེས་སུ་རང་གི་རྣམ་ཤེས་དེ་མེད་པར་འགྲོ་མི་སྲིད་པར་སྐྱེ་བ་རྗེས་མ་ཡོད་པར་འདོད་ལ། འོ་ན་འཇིག་རྟེན་ཐོག་གི་དངོས་པོ་ཚང་མ་དང་པོ་སྐྱེ་བ། བར་དུ་གནས་པ། མཐའ་མ་འཇིག་པའམ་མེད་པར་འགྲོ་བ་ནི་ལྡོག་ཐབས་མེད་པའི་ཆོས་ཉིད་ཅིག་ཡིན་པས་རྣམ་ཤེས་ཀྱང་ཆོས་ཉིད་དེ་ལས་ལྡོག་ཏུ་མེད་པས་ད་དུང་སྐྱེ་བ་རྗེས་མར་འགྲོ་ཟེར་བ་དེ་མེད་པར་ལུས་པོ་ཤི་བའི་རྗེས་སུ་རྣམ་ཤེས་ཀྱང་མེད་ཅེས་བཤད་ཚེ་སངས་རྒྱས་ཆོས་ལུགས་པས་རྣམ་ཤེས་ནི་ལུས་པོ་ཁོ་ནར་བརྟེན་ནས་བྱུང་བ་ཞིག་མིན་པར་དཔེར་ན་ནས་དང་། གྲོ། སྲན་མ། འབྲས། ཤིང་། ལྕགས་སོགས་ཚང་མ་འཇིག་རྟེན་འདིའི་ཐོག་གི་དངོས་པོ་སྤྱིར་བཏང་བ་ཤ་སྟག་ཡིན་ནའང་དེ་ཚོ་ཚང་མར་སོ་སོ་ཆགས་ཡས་ལ་སོ་སོ་དང་རིགས་འདྲ་བའི་རྒྱུ་ཞིག་ངེས་པར་དགོས་ཤིང་། རིགས་མི་འདྲ་བའི་རྒྱུ་ལ་བརྟེན་ནས་རིགས་འདྲ་བའི་འབྲས་བུ་ཡོང་མི་སྲིད་དེ་དཔེར་ན་གྲོ་བཏབ་ན་གྲོ་དང་། སྲན་མ་བཏབ་ན་སྲན་མ་སྐྱེ་བ་ལས་གྲོ་ལ་སྲན་མ་དང་སྲན་མར་གྲོ་སོགས་སྐྱེ་མི་སྲིད་པས་འཇིག་རྟེན་ཐོག་གི་དངོས་པོ་སྤྱིར་བཏང་རྣམས་ཀྱང་དེ་ལྟར་ཡིན་ན་རྣམ་ཤེས་ནི་ལོས་ཡིན། གང་ཞེ་ན། རྣམ་ཤེས་ནི་ཕྱི་རོལ་ཡུལ་གྱི་དངོས་པོ་ངོས་འཛིན་བྱེད་པའི་ནུས་པ་ཡོད་པ་དང་། དངོས་པོ་ལ་བཀོད་འདོམས་བྱེད་ཐུབ་མཁན། དངོས་པོའི་ཆོས་ཉིད་ལ་ཤེས་རྟོགས་བྱེད་ཐུབ་མཁན། འཕེལ་རྒྱས་འགྲོ་བའི་ནུས་པ་ཆེན་པོ་ཡོད་པ་བཅས་དངོས་པོ་གཞན་དང་མི་འདྲ་བ་ཚད་མཐོ་པོ་ཞིག་ཡིན་པས་དངོས་པོ་ཚད་མཐོ་པོ་འདི་འདྲ་ཞིག་གི་རྒྱུ་དེ་རང་དང་རིགས་འདྲ་བ་ཞིག་མེད་ན་དངོས་པོ་དེ་ཡང་མི་སྲིད། འོ་ན་ཁྱེད་ཀྱི་རྣམ་ཤེས་དེ་གང་ནས་བྱུང་བ་རེད་དམ་ཞེས་དྲིས་ན་མི་མང་ཆེ་བས་ཕལ་ཆེར་རང་གི་རྣམ་ཤེས་དེ་ཨ་མའི་ཁོག་ནས་སྐྱེ་བའི་ཉིན་དེ་ནས་བྱུང་ཞེས་ཤོད་བཟོ་ཡོད།
འོན་ཀྱང་དེ་འདྲ་མིན་ཏེ་ཨ་མའི་ཁོག་པའི་ནང་ཟླ་དགུ་ངོ་བཅུ་གནས་ཚང་གཡར་རིང་ཚ་གྲང་གི་སྡུག་བསྔལ་ཧ་ཅང་མང་པོ་མྱོང་དགོས་པ་དཔེར་ན་ཨ་མས་ལྟོ་ཆས་ཚ་པོ་བཟའ་དུས་ཚ་བའི་སྡུག་བསྔལ་དང་། ལྟོ་ཆས་གྲང་མོ་བཟའ་དུས་གྲང་བའི་སྡུག་བསྔལ། ཨ་མས་ལམ་དུ་མཆོངས་རྒྱག་རྒྱག་དུས་གཡང་དུ་ལྷུང་བའི་སྡུག་བསྔལ། ཨ་མས་ཐོག་ཁར་འཛེགས་དུས་རང་གིས་དངོས་པོ་ཆེན་པོ་ཞིག་ཡར་བཀྱག་པ་ལྟ་བུའི་སྡུག་བསྔལ། ཨ་མ་ལྟོ་ཟ་ཡས་མང་དྲག་ན་རང་ཉིད་རི་ཆེན་པོ་ཞིག་གིས་མནན་པ་ལྟ་བུའི་སྡུག་བསྔལ་སོགས་ཚོར་བ་དེ་འདྲ་ཡོང་གི་ཡོད་པ་མ་ཟད། སྐྱེ་བའི་སྐབས་སུའང་ཨ་མའི་ཁོག་པའི་ནང་ནས་མགོ་རྟིང་ལོག་རྗེས་རང་གི་ཤུགས་དང་ཨ་མའི་ཤུགས་གཉིས་ཀས་འདེད་དེ་རང་གི་ལུས་པོ་དེ་ལྕགས་ཀྱི་བུ་ག་ཆུང་ཆུང་ཞིག་ནང་བཙིར་ནས་མར་འཐེན་པ་ལྟ་བུའི་སྡུག་བསྔལ་ཡོད་སྟབས་སྐྱེ་མ་ཐག་སྐད་ཤུགས་གང་ཡོད་ཀྱིས་ངུ་བ་དེ་སྡུག་བསྔལ་དེ་དངོས་སུ་ཚོར་སྣང་ཡོང་གི་ཡོད་པའི་རྟགས་ཡིན་པར་བརྟེན་ཨ་མའི་ཁོག་ནང་དུ་ཡོད་དུས་ནས་རྣམ་ཤེས་མེད་ན་ཚོར་བ་དེ་དག་ཡོང་ཐབས་མེད་པས་ཚོར་བ་ཡོང་ཡས་ཀྱི་རྣམ་ཤེས་དེ་ལ་ཁོ་དང་རིགས་མཐུན་པའི་རྣམ་ཤེས་ཤིག་ཡོད་དགོས་པ་ལས་རྒྱུ་རྐྱེན་གང་ཡང་མེད་པར་གློ་བུར་དུ་བྱུང་བ་ཞིག་མིན།
འོ་ན་ཨ་མའི་ཁོག་པའི་ནང་ཡོད་པའི་ཕྲུ་གུ་དེའི་རྣམ་ཤེས་དེ་ལ་རྒྱུ་ཞིག་ངེས་པར་ཡོང་སྲིད་ལ་དེ་ཡང་རིགས་མི་འདྲ་བའི་རྒྱུ་ཞིག་རྩ་བ་ནས་མིན་པས་ཡང་སྙིང་རིགས་འདྲ་བའི་རྒྱུ་དེ་ཕ་མ་གཉིས་ཀྱི་ཁོག་ཏུ་ཡོད་དང་ཡང་ན་དེ་མིན་གང་དུ་ཡོད་ཅེ་ན། དེ་ནི་རང་གི་རྣམ་ཤེས་ཀྱི་རྒྱུ་ཞིག་ལས་ཕ་མ་གཉིས་ཀྱི་ལུས་ཐོག་ནས་བྱུང་བ་ཞིག་མིན། དེས་ན་ད་ལྟའི་རང་གི་རྣམ་ཤེས་དེའི་རྒྱུ་དེ་སུའི་རྣམ་ཤེས་ཡིན་ནམ་ཞེ་ན། དེའི་རིག་པ་ཧ་ཅང་གཏིང་ཟབ་པོ་ཡོད་དེ་ཨ་མའི་ཁོག་པའི་ནང་གི་ཕྲུ་གུ་དེའི་རྣམ་ཤེས་ཀྱི་རྒྱུ་དེ་རང་དང་རིགས་འདྲ་བ་ཞིག་ཡིན་པ་ལས་རིགས་མི་འདྲ་བ་ལ་བརྟེན་ནས་ཡོང་མི་སྲིད་ལ། རིགས་འདྲ་བའི་རྒྱུ་ནི་རྣམ་ཤེས་ཤིག་རང་ལས་རྣམ་ཤེས་མིན་པའི་རྒྱུ་ཞིག་གིས་རྣམ་ཤེས་ཀྱི་རྒྱུ་བྱེད་མི་ཐུབ་པ་དཔེར་ན་ལྕགས་ལ་ལྕགས་ཆགས་ཐུབ་པའི་རྒྱུ་ཞིག་དང་གྲོ་ལ་གྲོ་ཆགས་ཐུབ་པའི་རྒྱུ་ཞིག་དགོས་པ་ལྟར་རྣམ་ཤེས་ལ་རྣམ་ཤེས་ཆགས་ཐུབ་པའི་རྒྱུ་ཞིག་དགོས་པ་ལས་རྣམ་ཤེས་མ་ཡིན་པ་ཞིག་རྣམ་ཤེས་ཀྱི་རྒྱུ་ལ་བསྒྱུར་ཏེ་རྣམ་ཤེས་ཆགས་པ་ཞིག་རྩ་བ་ནས་ཡོང་མི་སྲིད། དེས་ན་རང་གི་རྣམ་ཤེས་དེའི་རྒྱུ་རྣམ་ཤེས་ཤིག་ཡིན་པ་གཏན་འཁེལ་རེད། འོ་ན་རྣམ་ཤེས་དེ་པ་ཕའི་རྣམ་ཤེས་ཡིན་དང་། ཨ་མའི་རྣམ་ཤེས་ཡིན། ཡང་ན་ཕ་མ་ཟུང་གི་རྣམ་ཤེས་བསྡོམས་ནས་བྱུང་བ་ཡིན་ནམ་ཞེ་ན། དེ་ཕ་མ་གཉིས་ཀ་དང་འབྲེལ་བ་མེད་པར་སོ་སོ་རང་གི་རྣམ་ཤེས་ཡིན་ཏེ་དཔེར་ན་པ་ཕའི་རྣམ་ཤེས་ལས་བྱུང་བ་ཡིན་ན་པ་ཕ་རིག་པ་སྐྱོ་པོ་གང་ཡང་མི་ཤེས་མཁན་ཞིག་ལ་ཕྲུ་གུ་ཡང་དེ་དང་འདྲ་བ་ཞིག་ཡོད་དགོས་པ་དང་། གལ་ཏེ་ཨ་མའི་རྣམ་ཤེས་ལས་བྱུང་བ་ཡིན་ན་ཨ་མ་ཞེ་སྡང་དང་ང་རྒྱལ་ཚ་པོ་ཡོད་པ་ཞིག་ལ་ཕྲུ་གུ་ཡང་དེ་དང་འདྲ་བ་ཞིག་དགོས་པས་དེ་ནི་གཏན་འཁེལ་མེད། དེར་བརྟེན་རྣམ་ཤེས་དེ་རང་གི་རང་གི་རྣམ་ཤེས་ཡིན་པ་བརྗོད་མི་དགོས།
དེ་ལ་རྒྱུ་མཚན་ལྔ་ཡོད། ༡. རང་གི་ལུས་པོ་དེ་རྣམ་ཤེས་ཆགས་ཡས་ཀྱི་རྒྱུ་མིན་པ། ༢. ཕ་མའི་ལུས་པོ་དེ་ཡང་རང་གི་རྣམ་ཤེས་ཆགས་ཡས་ཀྱི་རྒྱུ་མིན་པ། ༣. དབུགས་ནི་རྣམ་ཤེས་ཆགས་ཡས་ཀྱི་རྐྱེན་ཡིན་པ་ལས་རྒྱུ་མིན་པ། ༤ .མ་ཡི་མངལ་དུ་ཉིང་མཚམས་སྦྱར་བའི་སྐབས་ཀྱི་རྣམ་ཤེས་དེ་ལ་རིགས་སྔ་མ་ཡོད་པ། ༥. འཆི་ཁའི་དུས་ཀྱི་སེམས་དེས་རྣམ་ཤེས་ཕྱི་མ་མཚམས་སྦྱོར་བྱེད་པ་བཅས་ཡིན།
༡. རང་གི་ལུས་པོ་དེ་རྣམ་ཤེས་ཆགས་ཡས་ཀྱི་རྒྱུ་མིན་པ་ནི། རྒྱུ་དང་རྐྱེན་ཞེས་ཁག་གཉིས་ཡོད་པ་ལས་རྣམ་ཤེས་ཆགས་ཡས་ཀྱི་རྒྱུ་དེ་ལུས་མིན། འོན་ཀྱང་རྐྱེན་དེ་ལུས་ཡིན། རྒྱུ་དང་རྐྱེན་གཉིས་དབྱེ་བ་ཡོད་པ་དེ་ཚད་མ་རྣམ་འགྲེལ་སློབ་ཁྲིད་བྱེད་སྐབས་ཞུས་ཟིན་པ་ལྟར་ཡིན། དཔེར་ན་མར་བཏབ་པའི་སོན་དེ་འབྲུ་ཡིན་ན་ཡར་སྐྱེ་ཡས་དེའང་འབྲུ་ཡིན་པས་ཡར་སྐྱེ་ཡས་ཀྱི་སོན་འབྲུ་དེ་རྒྱུ་ཡིན་ལ། སོན་དེ་ལ་བརྟེན་ནས་འབྲས་བུ་ཡོང་དགོས་ན་ས་དང་། ཆུ། ལུད། དྲོད་བཅས་ཀྱི་ཆ་རྐྱེན་འཛོམས་དགོས་པས་དེ་དག་ནི་རྐྱེན་ཡིན། རྐྱེན་ཡོད་ནའང་རྒྱུ་མེད་ན་འབྲས་བུ་ཡོང་ཐབས་མེད་ལ། རྒྱུའི་ངོ་བོ་དེ་འབྲས་བུའི་ངོ་བོར་འགྱུར་དགོས་པར་བརྟེན་རིགས་མི་འདྲ་བའི་རྒྱུ་དེ་རིགས་མི་འདྲ་བའི་འབྲས་བུའི་ངོ་བོ་ལ་འགྱུར་ཐུབ་ཐབས་མེད་སྟབས་རྒྱུ་དེ་རང་དང་རིགས་འདྲ་བའི་འབྲས་བུའི་ངོ་བོ་ལ་འགྱུར་ཐུབ་པ་ཞིག་དགོས་པ་ཡིན། དཔེར་ན་ནས་བཏབ་ན་ནས་སྐྱེ་བ་དང་། འབྲས་བཏབ་ན་འབྲས་སྐྱེ་བ་ལས་ནས་བཏབ་ན་གྲོ་སྐྱེ་བ་དང་འབྲས་བཏབ་ན་སྲན་མ་སྐྱེ་བ་སོགས་ཀྱི་དཔེ་མེད། དཔེར་ན་ཞིང་ཁ་དང་། ཆུ། ལུད། དྲོད་སོགས་ཀྱི་ཆ་རྐྱེན་ཚང་མ་འཛོམས་ནའང་སོན་མེད་ན་འབྲས་བུ་ཡོང་ཐབས་མེད། དེ་རྒྱུ་མཚན་གང་ཡིན་ཞེ་ན། སོན་དེ་ལ་བརྟེན་ནས་རང་དང་རིགས་འདྲ་བའི་འབྲས་བུ་ཞིག་ཆགས་དགོས་པས་ཡིན། དེར་བརྟེན་རྒྱུ་དང་འབྲས་བུ་གཉིས་རིགས་མི་འདྲ་བ་ཞིག་ཡིན་ན་རྒྱུ་དེ་ལ་བརྟེན་ནས་འབྲས་བུ་དེ་ཡོང་མི་ཐུབ། དེས་ན་ལུས་པོ་དེ་ཡང་རྣམ་ཤེས་ཆགས་ཡས་ཀྱི་རྒྱུ་ཡིན་ན་རང་ཤི་ཚར་བའི་རྗེས་སུ་རང་གི་ལུས་པོ་བསྡད་ཡོད་ནའང་རྣམ་ཤེས་དེ་ལུས་པོ་དང་ཁ་བྲལ་ཟིན་པས་གལ་ཏེ་ལུས་པོ་དེ་རྣམ་ཤེས་ཆགས་ཡས་ཀྱི་རྒྱུ་ཡིན་ན་ལུས་པོ་གར་ཡོད་སར་རྣམ་ཤེས་ཡོད་དགོས་པས་དེ་མེད། དེར་བརྟེན་ལུས་པོ་དེ་རྣམ་ཤེས་ཆགས་ཡས་ཀྱི་རྒྱུ་མིན་པའི་རྒྱུ་མཚན་དང་པོ་དེ་ཡིན། རྒྱུ་མཚན་གཉིས་པ་ནི་རང་གི་ལུས་པོ་དེ་རྣམ་ཤེས་ཆགས་ཡས་ཀྱི་རྒྱུ་ཡིན་ན་ལུས་སྟོབས་ཆེ་བར་རྣམ་ཤེས་སྟོབས་ཆེ་བ་དང་། ལུས་སྟོབས་ཆུང་བར་རྣམ་ཤེས་སྟོབས་ཆུང་བ། ལུས་སྟོབས་ཆེ་ན་རིག་པ་ཡག་པ་དང་། ལུས་སྟོབས་ཆུང་ན་རིག་པ་གཞན་པ་ཡོང་དགོས་སྟབས་དེ་ཡང་ངེས་པ་མེད་པས་རང་གི་ལུས་པོ་དེ་རྣམ་ཤེས་ཆགས་ཡས་ཀྱི་རྒྱུ་མིན་པའི་རྒྱུ་མཚན་གཉིས་པ་དེ་ཡིན། ཡང་རང་གི་དབང་པོ་ལྔ་པོ་དེ་རྣམ་ཤེས་ཆགས་ཡས་ཀྱི་རྒྱུ་མིན་ནམ་སྙམ་ན་དེ་ཡང་མིན་ཏེ་ལོང་བ་དང་འོན་པ་ལའང་རྣམ་ཤེས་ཡོད་པས་དེ་ནི་རྒྱུ་མཚན་གསུམ་པ་ཡིན།
༢. ཕ་མའི་ལུས་པོ་དེའང་རང་གི་རྣམ་ཤེས་ཆགས་ཡས་ཀྱི་རྒྱུ་མིན་པ་ནི། ཕ་མའི་སེམས་ལ་སྐྱོན་དང་ཡོན་ཏན་གང་ཡོད་པ་ལྟར་བུ་ཕྲུག་ལའང་ཡོད་དགོས་པས་དེ་ནི་ངེས་པ་གཏན་ནས་མེད་པ་དང་། ཕ་མ་གཅིག་ལས་སྐྱེས་པའི་བུ་ཕྲུག་ལའང་སྐྱོན་དང་ཡོན་ཏན་ཆེ་ཆུང་དང་། ཤེས་རིག་གསལ་མི་གསལ་སོགས་ཀྱི་ཁྱད་པར་དཔག་ཏུ་མེད་པ་ཡོད།
༣. དབུགས་ནི་རྣམ་ཤེས་ཆགས་ཡས་ཀྱི་རྒྱུ་མིན་པ་སྟེ། དབུགས་འགྲོ་འོང་གི་ཆ་ལ་སྐྱོན་གང་ཡང་མེད་པར་གཅིག་མཚུངས་ཡིན་ཀྱང་། ཤེས་རིག་གསལ་མི་གསལ་དང་། ཡོན་ཏན་ཆེ་ཆུང་སོགས་ཀྱི་ཁྱད་པར་ཆེན་པོ་ཡོད་པ་དང་། དབུགས་ཀྱི་འགྲོ་འོང་རྒྱུན་ལྡན་ཡིན་ཀྱང་ཚོར་བ་ཉམས་པ་དང་། དྲན་པ་ཉམས་ནས་སྨྱོ་བ་དེ་འདྲའང་མང་པོ་མཐོང་རྒྱུ་ཡོད། གལ་ཏེ་དབུགས་དེ་རྣམ་ཤེས་ཀྱི་རྒྱུ་ཡིན་ན་དབུགས་རྟག་ཏུ་ཕར་གཏོང་ཚུར་ལེན་བྱེད་ཀྱི་ཡོད་པས་དབུགས་ཕར་གཏོང་ཚུར་ལེན་བྱེད་ཐེངས་རེར་རྣམ་ཤེས་ཀྱང་བརྗེ་ལེན་ཐེངས་རེ་བྱེད་དགོས་ཤིང་། དེ་འདྲ་ཡིན་ན་དབུགས་ཀྱི་གྲངས་དང་མཉམ་པའི་རྣམ་ཤེས་གསར་པ་ཡོང་དགོས་ལ་ཡོན་ཏན་སློབ་སྦྱོང་བྱེད་ཡས་ལ་ཆ་བཞག་ནའང་ཉིན་རེ་ཉིན་རེ་བརྗེད་འགྲོ་བ་ལས་གསོག་འཇོག་བྱེད་ཐུབ་ཐབས་མེད་པ་མཐོང་ཆོས་སུ་གྱུར་པས་ན་དབུགས་ཀྱི་འགྲོ་འོང་ནི་རྣམ་ཤེས་ཀྱི་རྒྱུ་མིན།
༤ . མ་ཡི་མངལ་དུ་ཉིང་མཚམས་སྦྱར་བའི་སྐབས་ཀྱི་རྣམ་ཤེས་དེ་ལ་རིགས་འདྲ་སྔ་མ་ཡོད་པ་སྟེ། རང་ཉིད་ཐོག་མ་ཨ་མའི་ཁོག་ཏུ་འཁོར་མ་ཐག་པའི་རྣམ་ཤེས་སྐད་ཅིག་དང་པོ་དེ་ལ་རྒྱུ་ཞིག་ངེས་པར་ཡོད་དགོས་ཤིང་། རྒྱུ་དང་རྐྱེན་མེད་པར་བྱུང་བ་ཞིག་གཏན་ནས་མིན། རང་ཉིད་མ་ཡི་མངལ་དུ་འཁོར་མ་ཐག་པའི་རྣམ་ཤེས་སྐད་ཅིག་དང་པོ་དེ་ལ་རང་དང་རིགས་འདྲ་བའི་རྒྱུ་ཞིག་ཡོད། རང་དང་རིགས་འདྲ་བའི་རྒྱུ་ཞིག་ལ་བརྟེན་ནས་བྱུང་བ་ཡིན་ཙང་རྒྱུ་དེ་ག་དུས་བྱུང་བ་དང་གང་ནས་བྱུང་བ་ཡིན་ནམ་ཞེ་ན་དེ་ཡང་གློ་བུར་བྱུང་བ་ཞིག་མིན། ཡང་དཔེར་ན་རང་ཉིད་མི་ལུས་ལེན་དགོས་ན་ཕ་མ་གཉིས་ཀ་མི་ཡིན་དགོས་པ་ལས་དུད་འགྲོའི་རིགས་ལ་སྐྱེ་མི་སྲིད། འོན་ཀྱང་པ་ཕ་བོང་བུ་དང་ཨ་མ་རྟ་ཡིན་ན་དྲེའུ་སྐྱེ་བ་དེ་ནི་ཕ་དེ་ཕྲུ་གུ་དེའི་ཐུན་མོང་མ་ཡིན་པའི་རིགས་ཆགས་ཡས་ཀྱི་རྒྱུ་ཡིན་པ་དང་མ་ནི་རྐྱེན་ཡིན། རྣམ་ཤེས་ནི་གཟུགས་སྒྲ་དྲི་རོ་སོགས་ཚང་མ་མི་ལྡན་པ་ཞིག་ཡིན་ནའང་གསོན་ཉམས་ལྡན་པ་དང་། ནུས་པ་ཆེ་བ། ཕྱི་རོལ་ཡུལ་གྱི་ངོ་བོ་དང་སྣང་ཚུལ་ངོས་འཛིན་ཐུབ་མཁན་ཞིག་ཡིན་པས་གློ་བུར་དུ་ཡོང་མི་སྲིད་པར་དེ་ལ་རང་དང་རིགས་འདྲ་བའི་རྒྱུ་སྔོན་མ་ཞིག་གཏན་གཏན་ཡོད། དཔེར་ན་ཐོག་མ་ཕ་མ་གཉིས་ཀྱི་ས་བོན་གྱི་ནང་དུ་རང་གི་རྣམ་ཤེས་དེ་ཞུགས་མ་ཐག་རང་གི་ལུས་པོ་དེ་ཆུ་འཁོལ་མའི་ནང་བཙོས་པ་ལྟ་བུའི་ཚོར་སྣང་ཡོང་གི་ཡོད་པས་རྣམ་ཤེས་མེད་ན་ཚོར་སྣང་ཡོང་མི་ཤེས་ལ་མའི་མངལ་དུ་ཕྲུ་གུས་འགུལ་སྐྱོད་བྱེད་པ་དེ་ཡང་རྣམ་ཤེས་ཡོད་པས་ཡིན། དེས་ན་རྣམ་ཤེས་གསར་པ་དེ་ལ་རང་དང་རིགས་འདྲ་བའི་རྒྱུ་ཞིག་ངེས་པར་ཡོད་པར་བརྟེན་དེ་ཐོག་ནས་སྐྱེ་བ་སྔོན་མ་ཡོད་པ་མཚོན་པ་ཡིན་ཟེར།
༥. འཆི་ཁའི་དུས་ཀྱི་སེམས་དེས་རྣམ་ཤེས་ཕྱི་མ་མཚམས་སྦྱོར་བྱེད་པ་སྟེ། སྐྱེ་བ་སྔོན་མ་རྣམ་ཤེས་ཡོད་པ་གཏན་འཁེལ་བ་ཡིན་སྟབས་ད་ལྟའི་རྣམ་ཤེས་དེའང་སྐྱེ་བ་རྗེས་མར་འགྲོ་རྒྱུ་ཡིན་པ་ངེས་གཏན་རེད། གོང་དུ་སྐྱེ་བ་སྔ་མ་ཡོད་པའི་རྒྱུ་མཚན་བཞི་བཤད་རྗེས་ད་ལྟའི་རྣམ་ཤེས་དེ་ཚེ་རྗེས་མར་འགྲོ་རྒྱུ་ཡོད་པ་གཏན་འཁེལ་བ་རེད། འོ་ན་རྣམ་ཤེས་དེ་རང་གི་ལུས་པོའི་ཐོག་ཏུ་གནས་ཡོད་ན་ལུས་པོ་འཐོར་དུས་རྣམ་ཤེས་ཀྱང་འཐོར་འགྲོ་བས་དེ་ཟུར་དུ་གནས་དགོས་པའི་རྒྱུ་མཚན་མི་འདུག་སྙམ་ཚེ་དེ་ནི་དེ་འདྲ་མ་ཡིན་པར་དཔེར་ན་སྐྱེ་བ་སྔ་ཕྱི་མཁས་མི་ལེན་མཁན་ཞིག་ལ་ཆ་བཞག་ནའང་ཤི་ཁར་རང་གི་ལུས་སེམས་ལ་ཆགས་ཞེན་མེད་མཁན་རྩ་བ་ནས་མེད་དེ་རང་གཙོ་བོ་བྱེད་པའི་སྒེར་སེམས་དེ་ཡོད་ཕྱིན་རང་འཇིག་རྟེན་འདི་ནས་ཁ་བྲལ་པར་རང་གི་ལུས་རྟེན་དེར་ཆགས་ཞེན་སྐྱེས་ནས་སེམས་སྐྱོ་ལྷང་ལྷང་མེ་བྱེད་མཁན་ཡོང་མི་སྲིད་ཅིང་། སྐྱེ་བ་སྔ་ཕྱི་མཁས་མི་ལེན་མཁན་ཞིག་ཡིན་ནའང་རང་གི་ལུས་པོ་ལ་ཆགས་ཞེན་མེད་མཁན་མེད། དེ་ནི་འཇིག་རྟེན་འདིའི་ཐོག་སྲོག་ཆགས་ཆེ་ཆུང་ཚང་མ་གཅིག་མཚུངས་ཡིན། ཆགས་ཞེན་བྱེད་པ་དེ་སྐྱེ་བ་རྗེས་མར་འགྲོ་བའམ་རྣམ་ཤེས་རྗེས་མ་ཡོང་བའི་རྒྱུ་ཡིན་ཏེ་རང་གཙོ་བོ་བྱེད་པའི་སྒེར་སེམས་དེ་མེད་པ་བཟོ་མ་ཐུབ་བར་སྐྱེ་བ་ཡང་ནས་ཡང་དུ་ལེན་དགོས་པར་བརྟེན་སྐྱེ་བ་ལེན་མི་དགོས་པ་ཞིག་བྱེད་དགོས་ན་རང་གཙོ་བོ་བྱེད་པའི་སྒེར་སེམས་དེ་རྩ་བ་ནས་མེད་པ་བཟོ་དགོས། དེ་བཟོ་ཐུབ་ན་འཁོར་བའི་སྡུག་བསྔལ་ལས་ཐར་ཏེ་བཅིངས་འགྲོལ་ཐོབ་པ་ཡིན་ཟེར།
གཞན་ཡང་དངོས་པོ་གང་འདྲ་ཞིག་ཡིན་ནའང་དང་པོ་སྐྱེ་བ་དང་། བར་དུ་གནས་པ། མཐའ་མ་འཇིག་པ་ཞེས་པ་དེ་འདྲ་ཞིག་ཡིན་ནམ་ཞེ་ན་མཐའ་མ་འཇིག་པ་ཟེར་བ་དེ་རྒྱུན་ཆད་དེ་རྩ་བ་ནས་མེད་པར་འགྱུར་བའི་དོན་མིན་ཏེ་དཔེར་ན་ཤིང་ལ་ཆ་བཞག་ན་མེར་བསྲེགས་རྗེས་ཁག་ཅིག་སོལ་བ་དང་ཁག་ཅིག་ཐལ་བར་གྱུར་ཐོག ཡང་སོལ་བ་དེ་མེར་བསྲེགས་ཏེ་ཐལ་བར་འགྱུར་ནའང་དེའི་རྒྱུན་དེ་གཏན་ནས་ཆད་མེད། འོ་ན་ས་གཞི་རིལ་མོ་འདིའི་ཐོག་གི་སྲོག་ཆགས་རྣམས་གོ་ལ་འདི་གའི་ཐོག་གློ་བུར་གསར་དུ་བྱུང་བ་ཡིན་ནམ་གཞན་ནས་ཡོང་བ་ཡིན་ཞེ་ན། དེའི་ཐད་སངས་རྒྱས་ཆོས་ལུགས་ཀྱི་བཤད་སྲོལ་ལྟར་ན་གོ་ལ་འདིའི་ཐོག་གསར་དུ་བྱུང་བ་ཞིག་ཡིན། འོན་ཀྱང་སྔར་མེད་གསར་སྐྱེས་གློ་བུར་དུ་བྱུང་བ་ཞིག་མ་ཡིན་པར་འཇིག་རྟེན་གཞན་ནས་ཚེ་འཕོས་པ་ཞིག་ཡིན་ཟེར། དེའི་རྒྱུ་མཚན་ནི་གོང་དུ་ཞུས་ཟིན་པ་དེ་དག་ཡིན། དཔེར་ན་ས་གཞི་རིལ་མོ་འདིའི་ཐོག་ཏུ་ས་དང་། ཆུ། ཤིང་། ལྕགས། རྡོ་ལ་སོགས་པའི་དངོས་པོ་དེ་རྣམས་ནི་འབྱུང་བ་ལྔ་ཡི་རྡུལ་ཕྲན་ཚོགས་པ་ལ་བརྟེན་ནས་བྱུང་བ་ཤ་སྟག་ཡིན་པ་དང་། མི་ཡང་འབྱུང་བ་ལྔ་ཡི་རྡུལ་ཕྲན་ཚོགས་པ་ལ་བརྟེན་ནས་བྱུང་བ་ཡིན་ལ་ལུས་པོ་དང་འབྲེལ་བ་ཡོད་པའི་རྣམ་ཤེས་དེའང་རང་དང་རིགས་འདྲ་བའི་དངོས་པོ་ཞིག་ལ་བརྟེན་ནས་བྱུང་བ་ལས་རྣམ་ཤེས་མེད་པའི་དངོས་པོ་གཅིག་ནས་རྣམ་ཤེས་ཡོད་པའི་དངོས་པོ་ཞིག་ཡོང་ཐུབ་ཐབས་མེད་པས་རྣམ་ཤེས་ཀྱི་རྒྱུ་དེ་ལ་རྣམ་ཤེས་ཤིག་ངེས་པར་ཡོད་དགོས། དེར་བརྟེན་འཇིག་རྟེན་ཐོག་སྲོག་ཆགས་ཐོག་མ་ཆགས་ཡོང་དུས་དེའི་རྣམ་ཤེས་དེ་ཡང་དེ་དང་རིགས་འདྲ་བའི་རྣམ་ཤེས་ཤིག་ལ་བརྟེན་ནས་བྱུང་བ་ལས་གློ་བུར་དུ་རྣམ་ཤེས་མ་ཡིན་པ་ཞིག་གིས་རྒྱུ་བྱས་ནས་གསར་དུ་བྱུང་བ་ཞིག་མིན། སྐྱེ་བ་མང་པོར་གོམས་འདྲིས་བྱས་ཏེ་འཚང་རྒྱ་བ་ཟེར་བའི་སངས་རྒྱས་ཆོས་ལུགས་ཀྱི་ལྟ་ཚུལ་དེ་ལ་དགག་པ་རྒྱག་ཆེད་ཕྱི་རོལ་མུ་སྟེགས་པས་སྐྱེ་བ་མང་པོར་གོམས་འདྲིས་བྱས་ཏེ་འཚང་རྒྱ་བ་ཟེར་བ་དེ་མེད་པར་སྐྱེ་བ་གཅིག་རང་ཡིན་ཏེ་དེ་ཚར་ན་བཞུ་མར་ལ་ཕུ་བཏབ་པ་ཇི་བཞིན་གང་ཡང་མེད་ཅེས་ཟེར།
གོང་དུ་ཤི་དུས་ཆོས་མ་གཏོགས་གང་གིས་ཀྱང་མི་ཕན་པའི་སྒྲུབ་བྱེད་བཤད་ཟིན་པར་བརྟེན་ཡང་མི་ལ་ལའི་སེམས་ནང་ཤི་དུས་ཆོས་ཀྱིས་ཕན་གྱི་ཡོད་ནའང་འདྲ། ཕན་གྱི་མེད་ནའང་འདྲ། གང་ལྟར་སྐྱེ་བ་སྔ་ཕྱི་ཟེར་བ་དེ་ནི་ཤོད་ཚུལ་ཙམ་ལས་དངོས་སུ་ཨེ་ཡོད་སྙམ་པ་ཡོང་སྲིད་པར་བརྟེན་སྐྱེ་བ་སྔ་ཕྱི་ཡོད་པའི་རྒྱུ་མཚན་འདི་བྱུང་བ་རེད། སྐྱེ་བ་སྔ་ཕྱི་ཡོད་པའི་སྐོར་དེ་རིག་པ་ཧ་ཅང་གཏིང་ཟབ་པོ་ཡོད་ཅིང་། ཚད་མ་རིག་པ་ལེའུ་གཉིས་པའི་ནང་གཙོ་བོ་སྐྱེ་བ་སྔ་ཕྱིའི་སྐོར་བཤད་ཡོད། འདིར་མདོར་བསྡུས་ཙམ་ཞུས་ན།
སྐྱེ་བ་སྔ་ཕྱི་ཟེར་བ་མེད་ཅེས་བཤད་ན་དེའི་ལན་དུ་འདི་ལྟར་སྟེ། ཤི་བའི་རྗེས་སུ་རང་གི་རྣམ་ཤེས་དེ་མེད་པར་འགྲོ་མི་སྲིད་པར་སྐྱེ་བ་རྗེས་མ་ཡོད་པར་འདོད་ལ། འོ་ན་འཇིག་རྟེན་ཐོག་གི་དངོས་པོ་ཚང་མ་དང་པོ་སྐྱེ་བ། བར་དུ་གནས་པ། མཐའ་མ་འཇིག་པའམ་མེད་པར་འགྲོ་བ་ནི་ལྡོག་ཐབས་མེད་པའི་ཆོས་ཉིད་ཅིག་ཡིན་པས་རྣམ་ཤེས་ཀྱང་ཆོས་ཉིད་དེ་ལས་ལྡོག་ཏུ་མེད་པས་ད་དུང་སྐྱེ་བ་རྗེས་མར་འགྲོ་ཟེར་བ་དེ་མེད་པར་ལུས་པོ་ཤི་བའི་རྗེས་སུ་རྣམ་ཤེས་ཀྱང་མེད་ཅེས་བཤད་ཚེ་སངས་རྒྱས་ཆོས་ལུགས་པས་རྣམ་ཤེས་ནི་ལུས་པོ་ཁོ་ནར་བརྟེན་ནས་བྱུང་བ་ཞིག་མིན་པར་དཔེར་ན་ནས་དང་། གྲོ། སྲན་མ། འབྲས། ཤིང་། ལྕགས་སོགས་ཚང་མ་འཇིག་རྟེན་འདིའི་ཐོག་གི་དངོས་པོ་སྤྱིར་བཏང་བ་ཤ་སྟག་ཡིན་ནའང་དེ་ཚོ་ཚང་མར་སོ་སོ་ཆགས་ཡས་ལ་སོ་སོ་དང་རིགས་འདྲ་བའི་རྒྱུ་ཞིག་ངེས་པར་དགོས་ཤིང་། རིགས་མི་འདྲ་བའི་རྒྱུ་ལ་བརྟེན་ནས་རིགས་འདྲ་བའི་འབྲས་བུ་ཡོང་མི་སྲིད་དེ་དཔེར་ན་གྲོ་བཏབ་ན་གྲོ་དང་། སྲན་མ་བཏབ་ན་སྲན་མ་སྐྱེ་བ་ལས་གྲོ་ལ་སྲན་མ་དང་སྲན་མར་གྲོ་སོགས་སྐྱེ་མི་སྲིད་པས་འཇིག་རྟེན་ཐོག་གི་དངོས་པོ་སྤྱིར་བཏང་རྣམས་ཀྱང་དེ་ལྟར་ཡིན་ན་རྣམ་ཤེས་ནི་ལོས་ཡིན། གང་ཞེ་ན། རྣམ་ཤེས་ནི་ཕྱི་རོལ་ཡུལ་གྱི་དངོས་པོ་ངོས་འཛིན་བྱེད་པའི་ནུས་པ་ཡོད་པ་དང་། དངོས་པོ་ལ་བཀོད་འདོམས་བྱེད་ཐུབ་མཁན། དངོས་པོའི་ཆོས་ཉིད་ལ་ཤེས་རྟོགས་བྱེད་ཐུབ་མཁན། འཕེལ་རྒྱས་འགྲོ་བའི་ནུས་པ་ཆེན་པོ་ཡོད་པ་བཅས་དངོས་པོ་གཞན་དང་མི་འདྲ་བ་ཚད་མཐོ་པོ་ཞིག་ཡིན་པས་དངོས་པོ་ཚད་མཐོ་པོ་འདི་འདྲ་ཞིག་གི་རྒྱུ་དེ་རང་དང་རིགས་འདྲ་བ་ཞིག་མེད་ན་དངོས་པོ་དེ་ཡང་མི་སྲིད། འོ་ན་ཁྱེད་ཀྱི་རྣམ་ཤེས་དེ་གང་ནས་བྱུང་བ་རེད་དམ་ཞེས་དྲིས་ན་མི་མང་ཆེ་བས་ཕལ་ཆེར་རང་གི་རྣམ་ཤེས་དེ་ཨ་མའི་ཁོག་ནས་སྐྱེ་བའི་ཉིན་དེ་ནས་བྱུང་ཞེས་ཤོད་བཟོ་ཡོད།
འོན་ཀྱང་དེ་འདྲ་མིན་ཏེ་ཨ་མའི་ཁོག་པའི་ནང་ཟླ་དགུ་ངོ་བཅུ་གནས་ཚང་གཡར་རིང་ཚ་གྲང་གི་སྡུག་བསྔལ་ཧ་ཅང་མང་པོ་མྱོང་དགོས་པ་དཔེར་ན་ཨ་མས་ལྟོ་ཆས་ཚ་པོ་བཟའ་དུས་ཚ་བའི་སྡུག་བསྔལ་དང་། ལྟོ་ཆས་གྲང་མོ་བཟའ་དུས་གྲང་བའི་སྡུག་བསྔལ། ཨ་མས་ལམ་དུ་མཆོངས་རྒྱག་རྒྱག་དུས་གཡང་དུ་ལྷུང་བའི་སྡུག་བསྔལ། ཨ་མས་ཐོག་ཁར་འཛེགས་དུས་རང་གིས་དངོས་པོ་ཆེན་པོ་ཞིག་ཡར་བཀྱག་པ་ལྟ་བུའི་སྡུག་བསྔལ། ཨ་མ་ལྟོ་ཟ་ཡས་མང་དྲག་ན་རང་ཉིད་རི་ཆེན་པོ་ཞིག་གིས་མནན་པ་ལྟ་བུའི་སྡུག་བསྔལ་སོགས་ཚོར་བ་དེ་འདྲ་ཡོང་གི་ཡོད་པ་མ་ཟད། སྐྱེ་བའི་སྐབས་སུའང་ཨ་མའི་ཁོག་པའི་ནང་ནས་མགོ་རྟིང་ལོག་རྗེས་རང་གི་ཤུགས་དང་ཨ་མའི་ཤུགས་གཉིས་ཀས་འདེད་དེ་རང་གི་ལུས་པོ་དེ་ལྕགས་ཀྱི་བུ་ག་ཆུང་ཆུང་ཞིག་ནང་བཙིར་ནས་མར་འཐེན་པ་ལྟ་བུའི་སྡུག་བསྔལ་ཡོད་སྟབས་སྐྱེ་མ་ཐག་སྐད་ཤུགས་གང་ཡོད་ཀྱིས་ངུ་བ་དེ་སྡུག་བསྔལ་དེ་དངོས་སུ་ཚོར་སྣང་ཡོང་གི་ཡོད་པའི་རྟགས་ཡིན་པར་བརྟེན་ཨ་མའི་ཁོག་ནང་དུ་ཡོད་དུས་ནས་རྣམ་ཤེས་མེད་ན་ཚོར་བ་དེ་དག་ཡོང་ཐབས་མེད་པས་ཚོར་བ་ཡོང་ཡས་ཀྱི་རྣམ་ཤེས་དེ་ལ་ཁོ་དང་རིགས་མཐུན་པའི་རྣམ་ཤེས་ཤིག་ཡོད་དགོས་པ་ལས་རྒྱུ་རྐྱེན་གང་ཡང་མེད་པར་གློ་བུར་དུ་བྱུང་བ་ཞིག་མིན།
འོ་ན་ཨ་མའི་ཁོག་པའི་ནང་ཡོད་པའི་ཕྲུ་གུ་དེའི་རྣམ་ཤེས་དེ་ལ་རྒྱུ་ཞིག་ངེས་པར་ཡོང་སྲིད་ལ་དེ་ཡང་རིགས་མི་འདྲ་བའི་རྒྱུ་ཞིག་རྩ་བ་ནས་མིན་པས་ཡང་སྙིང་རིགས་འདྲ་བའི་རྒྱུ་དེ་ཕ་མ་གཉིས་ཀྱི་ཁོག་ཏུ་ཡོད་དང་ཡང་ན་དེ་མིན་གང་དུ་ཡོད་ཅེ་ན། དེ་ནི་རང་གི་རྣམ་ཤེས་ཀྱི་རྒྱུ་ཞིག་ལས་ཕ་མ་གཉིས་ཀྱི་ལུས་ཐོག་ནས་བྱུང་བ་ཞིག་མིན། དེས་ན་ད་ལྟའི་རང་གི་རྣམ་ཤེས་དེའི་རྒྱུ་དེ་སུའི་རྣམ་ཤེས་ཡིན་ནམ་ཞེ་ན། དེའི་རིག་པ་ཧ་ཅང་གཏིང་ཟབ་པོ་ཡོད་དེ་ཨ་མའི་ཁོག་པའི་ནང་གི་ཕྲུ་གུ་དེའི་རྣམ་ཤེས་ཀྱི་རྒྱུ་དེ་རང་དང་རིགས་འདྲ་བ་ཞིག་ཡིན་པ་ལས་རིགས་མི་འདྲ་བ་ལ་བརྟེན་ནས་ཡོང་མི་སྲིད་ལ། རིགས་འདྲ་བའི་རྒྱུ་ནི་རྣམ་ཤེས་ཤིག་རང་ལས་རྣམ་ཤེས་མིན་པའི་རྒྱུ་ཞིག་གིས་རྣམ་ཤེས་ཀྱི་རྒྱུ་བྱེད་མི་ཐུབ་པ་དཔེར་ན་ལྕགས་ལ་ལྕགས་ཆགས་ཐུབ་པའི་རྒྱུ་ཞིག་དང་གྲོ་ལ་གྲོ་ཆགས་ཐུབ་པའི་རྒྱུ་ཞིག་དགོས་པ་ལྟར་རྣམ་ཤེས་ལ་རྣམ་ཤེས་ཆགས་ཐུབ་པའི་རྒྱུ་ཞིག་དགོས་པ་ལས་རྣམ་ཤེས་མ་ཡིན་པ་ཞིག་རྣམ་ཤེས་ཀྱི་རྒྱུ་ལ་བསྒྱུར་ཏེ་རྣམ་ཤེས་ཆགས་པ་ཞིག་རྩ་བ་ནས་ཡོང་མི་སྲིད། དེས་ན་རང་གི་རྣམ་ཤེས་དེའི་རྒྱུ་རྣམ་ཤེས་ཤིག་ཡིན་པ་གཏན་འཁེལ་རེད། འོ་ན་རྣམ་ཤེས་དེ་པ་ཕའི་རྣམ་ཤེས་ཡིན་དང་། ཨ་མའི་རྣམ་ཤེས་ཡིན། ཡང་ན་ཕ་མ་ཟུང་གི་རྣམ་ཤེས་བསྡོམས་ནས་བྱུང་བ་ཡིན་ནམ་ཞེ་ན། དེ་ཕ་མ་གཉིས་ཀ་དང་འབྲེལ་བ་མེད་པར་སོ་སོ་རང་གི་རྣམ་ཤེས་ཡིན་ཏེ་དཔེར་ན་པ་ཕའི་རྣམ་ཤེས་ལས་བྱུང་བ་ཡིན་ན་པ་ཕ་རིག་པ་སྐྱོ་པོ་གང་ཡང་མི་ཤེས་མཁན་ཞིག་ལ་ཕྲུ་གུ་ཡང་དེ་དང་འདྲ་བ་ཞིག་ཡོད་དགོས་པ་དང་། གལ་ཏེ་ཨ་མའི་རྣམ་ཤེས་ལས་བྱུང་བ་ཡིན་ན་ཨ་མ་ཞེ་སྡང་དང་ང་རྒྱལ་ཚ་པོ་ཡོད་པ་ཞིག་ལ་ཕྲུ་གུ་ཡང་དེ་དང་འདྲ་བ་ཞིག་དགོས་པས་དེ་ནི་གཏན་འཁེལ་མེད། དེར་བརྟེན་རྣམ་ཤེས་དེ་རང་གི་རང་གི་རྣམ་ཤེས་ཡིན་པ་བརྗོད་མི་དགོས།
དེ་ལ་རྒྱུ་མཚན་ལྔ་ཡོད། ༡. རང་གི་ལུས་པོ་དེ་རྣམ་ཤེས་ཆགས་ཡས་ཀྱི་རྒྱུ་མིན་པ། ༢. ཕ་མའི་ལུས་པོ་དེ་ཡང་རང་གི་རྣམ་ཤེས་ཆགས་ཡས་ཀྱི་རྒྱུ་མིན་པ། ༣. དབུགས་ནི་རྣམ་ཤེས་ཆགས་ཡས་ཀྱི་རྐྱེན་ཡིན་པ་ལས་རྒྱུ་མིན་པ། ༤ .མ་ཡི་མངལ་དུ་ཉིང་མཚམས་སྦྱར་བའི་སྐབས་ཀྱི་རྣམ་ཤེས་དེ་ལ་རིགས་སྔ་མ་ཡོད་པ། ༥. འཆི་ཁའི་དུས་ཀྱི་སེམས་དེས་རྣམ་ཤེས་ཕྱི་མ་མཚམས་སྦྱོར་བྱེད་པ་བཅས་ཡིན།
༡. རང་གི་ལུས་པོ་དེ་རྣམ་ཤེས་ཆགས་ཡས་ཀྱི་རྒྱུ་མིན་པ་ནི། རྒྱུ་དང་རྐྱེན་ཞེས་ཁག་གཉིས་ཡོད་པ་ལས་རྣམ་ཤེས་ཆགས་ཡས་ཀྱི་རྒྱུ་དེ་ལུས་མིན། འོན་ཀྱང་རྐྱེན་དེ་ལུས་ཡིན། རྒྱུ་དང་རྐྱེན་གཉིས་དབྱེ་བ་ཡོད་པ་དེ་ཚད་མ་རྣམ་འགྲེལ་སློབ་ཁྲིད་བྱེད་སྐབས་ཞུས་ཟིན་པ་ལྟར་ཡིན། དཔེར་ན་མར་བཏབ་པའི་སོན་དེ་འབྲུ་ཡིན་ན་ཡར་སྐྱེ་ཡས་དེའང་འབྲུ་ཡིན་པས་ཡར་སྐྱེ་ཡས་ཀྱི་སོན་འབྲུ་དེ་རྒྱུ་ཡིན་ལ། སོན་དེ་ལ་བརྟེན་ནས་འབྲས་བུ་ཡོང་དགོས་ན་ས་དང་། ཆུ། ལུད། དྲོད་བཅས་ཀྱི་ཆ་རྐྱེན་འཛོམས་དགོས་པས་དེ་དག་ནི་རྐྱེན་ཡིན། རྐྱེན་ཡོད་ནའང་རྒྱུ་མེད་ན་འབྲས་བུ་ཡོང་ཐབས་མེད་ལ། རྒྱུའི་ངོ་བོ་དེ་འབྲས་བུའི་ངོ་བོར་འགྱུར་དགོས་པར་བརྟེན་རིགས་མི་འདྲ་བའི་རྒྱུ་དེ་རིགས་མི་འདྲ་བའི་འབྲས་བུའི་ངོ་བོ་ལ་འགྱུར་ཐུབ་ཐབས་མེད་སྟབས་རྒྱུ་དེ་རང་དང་རིགས་འདྲ་བའི་འབྲས་བུའི་ངོ་བོ་ལ་འགྱུར་ཐུབ་པ་ཞིག་དགོས་པ་ཡིན། དཔེར་ན་ནས་བཏབ་ན་ནས་སྐྱེ་བ་དང་། འབྲས་བཏབ་ན་འབྲས་སྐྱེ་བ་ལས་ནས་བཏབ་ན་གྲོ་སྐྱེ་བ་དང་འབྲས་བཏབ་ན་སྲན་མ་སྐྱེ་བ་སོགས་ཀྱི་དཔེ་མེད། དཔེར་ན་ཞིང་ཁ་དང་། ཆུ། ལུད། དྲོད་སོགས་ཀྱི་ཆ་རྐྱེན་ཚང་མ་འཛོམས་ནའང་སོན་མེད་ན་འབྲས་བུ་ཡོང་ཐབས་མེད། དེ་རྒྱུ་མཚན་གང་ཡིན་ཞེ་ན། སོན་དེ་ལ་བརྟེན་ནས་རང་དང་རིགས་འདྲ་བའི་འབྲས་བུ་ཞིག་ཆགས་དགོས་པས་ཡིན། དེར་བརྟེན་རྒྱུ་དང་འབྲས་བུ་གཉིས་རིགས་མི་འདྲ་བ་ཞིག་ཡིན་ན་རྒྱུ་དེ་ལ་བརྟེན་ནས་འབྲས་བུ་དེ་ཡོང་མི་ཐུབ། དེས་ན་ལུས་པོ་དེ་ཡང་རྣམ་ཤེས་ཆགས་ཡས་ཀྱི་རྒྱུ་ཡིན་ན་རང་ཤི་ཚར་བའི་རྗེས་སུ་རང་གི་ལུས་པོ་བསྡད་ཡོད་ནའང་རྣམ་ཤེས་དེ་ལུས་པོ་དང་ཁ་བྲལ་ཟིན་པས་གལ་ཏེ་ལུས་པོ་དེ་རྣམ་ཤེས་ཆགས་ཡས་ཀྱི་རྒྱུ་ཡིན་ན་ལུས་པོ་གར་ཡོད་སར་རྣམ་ཤེས་ཡོད་དགོས་པས་དེ་མེད། དེར་བརྟེན་ལུས་པོ་དེ་རྣམ་ཤེས་ཆགས་ཡས་ཀྱི་རྒྱུ་མིན་པའི་རྒྱུ་མཚན་དང་པོ་དེ་ཡིན། རྒྱུ་མཚན་གཉིས་པ་ནི་རང་གི་ལུས་པོ་དེ་རྣམ་ཤེས་ཆགས་ཡས་ཀྱི་རྒྱུ་ཡིན་ན་ལུས་སྟོབས་ཆེ་བར་རྣམ་ཤེས་སྟོབས་ཆེ་བ་དང་། ལུས་སྟོབས་ཆུང་བར་རྣམ་ཤེས་སྟོབས་ཆུང་བ། ལུས་སྟོབས་ཆེ་ན་རིག་པ་ཡག་པ་དང་། ལུས་སྟོབས་ཆུང་ན་རིག་པ་གཞན་པ་ཡོང་དགོས་སྟབས་དེ་ཡང་ངེས་པ་མེད་པས་རང་གི་ལུས་པོ་དེ་རྣམ་ཤེས་ཆགས་ཡས་ཀྱི་རྒྱུ་མིན་པའི་རྒྱུ་མཚན་གཉིས་པ་དེ་ཡིན། ཡང་རང་གི་དབང་པོ་ལྔ་པོ་དེ་རྣམ་ཤེས་ཆགས་ཡས་ཀྱི་རྒྱུ་མིན་ནམ་སྙམ་ན་དེ་ཡང་མིན་ཏེ་ལོང་བ་དང་འོན་པ་ལའང་རྣམ་ཤེས་ཡོད་པས་དེ་ནི་རྒྱུ་མཚན་གསུམ་པ་ཡིན།
༢. ཕ་མའི་ལུས་པོ་དེའང་རང་གི་རྣམ་ཤེས་ཆགས་ཡས་ཀྱི་རྒྱུ་མིན་པ་ནི། ཕ་མའི་སེམས་ལ་སྐྱོན་དང་ཡོན་ཏན་གང་ཡོད་པ་ལྟར་བུ་ཕྲུག་ལའང་ཡོད་དགོས་པས་དེ་ནི་ངེས་པ་གཏན་ནས་མེད་པ་དང་། ཕ་མ་གཅིག་ལས་སྐྱེས་པའི་བུ་ཕྲུག་ལའང་སྐྱོན་དང་ཡོན་ཏན་ཆེ་ཆུང་དང་། ཤེས་རིག་གསལ་མི་གསལ་སོགས་ཀྱི་ཁྱད་པར་དཔག་ཏུ་མེད་པ་ཡོད།
༣. དབུགས་ནི་རྣམ་ཤེས་ཆགས་ཡས་ཀྱི་རྒྱུ་མིན་པ་སྟེ། དབུགས་འགྲོ་འོང་གི་ཆ་ལ་སྐྱོན་གང་ཡང་མེད་པར་གཅིག་མཚུངས་ཡིན་ཀྱང་། ཤེས་རིག་གསལ་མི་གསལ་དང་། ཡོན་ཏན་ཆེ་ཆུང་སོགས་ཀྱི་ཁྱད་པར་ཆེན་པོ་ཡོད་པ་དང་། དབུགས་ཀྱི་འགྲོ་འོང་རྒྱུན་ལྡན་ཡིན་ཀྱང་ཚོར་བ་ཉམས་པ་དང་། དྲན་པ་ཉམས་ནས་སྨྱོ་བ་དེ་འདྲའང་མང་པོ་མཐོང་རྒྱུ་ཡོད། གལ་ཏེ་དབུགས་དེ་རྣམ་ཤེས་ཀྱི་རྒྱུ་ཡིན་ན་དབུགས་རྟག་ཏུ་ཕར་གཏོང་ཚུར་ལེན་བྱེད་ཀྱི་ཡོད་པས་དབུགས་ཕར་གཏོང་ཚུར་ལེན་བྱེད་ཐེངས་རེར་རྣམ་ཤེས་ཀྱང་བརྗེ་ལེན་ཐེངས་རེ་བྱེད་དགོས་ཤིང་། དེ་འདྲ་ཡིན་ན་དབུགས་ཀྱི་གྲངས་དང་མཉམ་པའི་རྣམ་ཤེས་གསར་པ་ཡོང་དགོས་ལ་ཡོན་ཏན་སློབ་སྦྱོང་བྱེད་ཡས་ལ་ཆ་བཞག་ནའང་ཉིན་རེ་ཉིན་རེ་བརྗེད་འགྲོ་བ་ལས་གསོག་འཇོག་བྱེད་ཐུབ་ཐབས་མེད་པ་མཐོང་ཆོས་སུ་གྱུར་པས་ན་དབུགས་ཀྱི་འགྲོ་འོང་ནི་རྣམ་ཤེས་ཀྱི་རྒྱུ་མིན།
༤ . མ་ཡི་མངལ་དུ་ཉིང་མཚམས་སྦྱར་བའི་སྐབས་ཀྱི་རྣམ་ཤེས་དེ་ལ་རིགས་འདྲ་སྔ་མ་ཡོད་པ་སྟེ། རང་ཉིད་ཐོག་མ་ཨ་མའི་ཁོག་ཏུ་འཁོར་མ་ཐག་པའི་རྣམ་ཤེས་སྐད་ཅིག་དང་པོ་དེ་ལ་རྒྱུ་ཞིག་ངེས་པར་ཡོད་དགོས་ཤིང་། རྒྱུ་དང་རྐྱེན་མེད་པར་བྱུང་བ་ཞིག་གཏན་ནས་མིན། རང་ཉིད་མ་ཡི་མངལ་དུ་འཁོར་མ་ཐག་པའི་རྣམ་ཤེས་སྐད་ཅིག་དང་པོ་དེ་ལ་རང་དང་རིགས་འདྲ་བའི་རྒྱུ་ཞིག་ཡོད། རང་དང་རིགས་འདྲ་བའི་རྒྱུ་ཞིག་ལ་བརྟེན་ནས་བྱུང་བ་ཡིན་ཙང་རྒྱུ་དེ་ག་དུས་བྱུང་བ་དང་གང་ནས་བྱུང་བ་ཡིན་ནམ་ཞེ་ན་དེ་ཡང་གློ་བུར་བྱུང་བ་ཞིག་མིན། ཡང་དཔེར་ན་རང་ཉིད་མི་ལུས་ལེན་དགོས་ན་ཕ་མ་གཉིས་ཀ་མི་ཡིན་དགོས་པ་ལས་དུད་འགྲོའི་རིགས་ལ་སྐྱེ་མི་སྲིད། འོན་ཀྱང་པ་ཕ་བོང་བུ་དང་ཨ་མ་རྟ་ཡིན་ན་དྲེའུ་སྐྱེ་བ་དེ་ནི་ཕ་དེ་ཕྲུ་གུ་དེའི་ཐུན་མོང་མ་ཡིན་པའི་རིགས་ཆགས་ཡས་ཀྱི་རྒྱུ་ཡིན་པ་དང་མ་ནི་རྐྱེན་ཡིན། རྣམ་ཤེས་ནི་གཟུགས་སྒྲ་དྲི་རོ་སོགས་ཚང་མ་མི་ལྡན་པ་ཞིག་ཡིན་ནའང་གསོན་ཉམས་ལྡན་པ་དང་། ནུས་པ་ཆེ་བ། ཕྱི་རོལ་ཡུལ་གྱི་ངོ་བོ་དང་སྣང་ཚུལ་ངོས་འཛིན་ཐུབ་མཁན་ཞིག་ཡིན་པས་གློ་བུར་དུ་ཡོང་མི་སྲིད་པར་དེ་ལ་རང་དང་རིགས་འདྲ་བའི་རྒྱུ་སྔོན་མ་ཞིག་གཏན་གཏན་ཡོད། དཔེར་ན་ཐོག་མ་ཕ་མ་གཉིས་ཀྱི་ས་བོན་གྱི་ནང་དུ་རང་གི་རྣམ་ཤེས་དེ་ཞུགས་མ་ཐག་རང་གི་ལུས་པོ་དེ་ཆུ་འཁོལ་མའི་ནང་བཙོས་པ་ལྟ་བུའི་ཚོར་སྣང་ཡོང་གི་ཡོད་པས་རྣམ་ཤེས་མེད་ན་ཚོར་སྣང་ཡོང་མི་ཤེས་ལ་མའི་མངལ་དུ་ཕྲུ་གུས་འགུལ་སྐྱོད་བྱེད་པ་དེ་ཡང་རྣམ་ཤེས་ཡོད་པས་ཡིན། དེས་ན་རྣམ་ཤེས་གསར་པ་དེ་ལ་རང་དང་རིགས་འདྲ་བའི་རྒྱུ་ཞིག་ངེས་པར་ཡོད་པར་བརྟེན་དེ་ཐོག་ནས་སྐྱེ་བ་སྔོན་མ་ཡོད་པ་མཚོན་པ་ཡིན་ཟེར།
༥. འཆི་ཁའི་དུས་ཀྱི་སེམས་དེས་རྣམ་ཤེས་ཕྱི་མ་མཚམས་སྦྱོར་བྱེད་པ་སྟེ། སྐྱེ་བ་སྔོན་མ་རྣམ་ཤེས་ཡོད་པ་གཏན་འཁེལ་བ་ཡིན་སྟབས་ད་ལྟའི་རྣམ་ཤེས་དེའང་སྐྱེ་བ་རྗེས་མར་འགྲོ་རྒྱུ་ཡིན་པ་ངེས་གཏན་རེད། གོང་དུ་སྐྱེ་བ་སྔ་མ་ཡོད་པའི་རྒྱུ་མཚན་བཞི་བཤད་རྗེས་ད་ལྟའི་རྣམ་ཤེས་དེ་ཚེ་རྗེས་མར་འགྲོ་རྒྱུ་ཡོད་པ་གཏན་འཁེལ་བ་རེད། འོ་ན་རྣམ་ཤེས་དེ་རང་གི་ལུས་པོའི་ཐོག་ཏུ་གནས་ཡོད་ན་ལུས་པོ་འཐོར་དུས་རྣམ་ཤེས་ཀྱང་འཐོར་འགྲོ་བས་དེ་ཟུར་དུ་གནས་དགོས་པའི་རྒྱུ་མཚན་མི་འདུག་སྙམ་ཚེ་དེ་ནི་དེ་འདྲ་མ་ཡིན་པར་དཔེར་ན་སྐྱེ་བ་སྔ་ཕྱི་མཁས་མི་ལེན་མཁན་ཞིག་ལ་ཆ་བཞག་ནའང་ཤི་ཁར་རང་གི་ལུས་སེམས་ལ་ཆགས་ཞེན་མེད་མཁན་རྩ་བ་ནས་མེད་དེ་རང་གཙོ་བོ་བྱེད་པའི་སྒེར་སེམས་དེ་ཡོད་ཕྱིན་རང་འཇིག་རྟེན་འདི་ནས་ཁ་བྲལ་པར་རང་གི་ལུས་རྟེན་དེར་ཆགས་ཞེན་སྐྱེས་ནས་སེམས་སྐྱོ་ལྷང་ལྷང་མེ་བྱེད་མཁན་ཡོང་མི་སྲིད་ཅིང་། སྐྱེ་བ་སྔ་ཕྱི་མཁས་མི་ལེན་མཁན་ཞིག་ཡིན་ནའང་རང་གི་ལུས་པོ་ལ་ཆགས་ཞེན་མེད་མཁན་མེད། དེ་ནི་འཇིག་རྟེན་འདིའི་ཐོག་སྲོག་ཆགས་ཆེ་ཆུང་ཚང་མ་གཅིག་མཚུངས་ཡིན། ཆགས་ཞེན་བྱེད་པ་དེ་སྐྱེ་བ་རྗེས་མར་འགྲོ་བའམ་རྣམ་ཤེས་རྗེས་མ་ཡོང་བའི་རྒྱུ་ཡིན་ཏེ་རང་གཙོ་བོ་བྱེད་པའི་སྒེར་སེམས་དེ་མེད་པ་བཟོ་མ་ཐུབ་བར་སྐྱེ་བ་ཡང་ནས་ཡང་དུ་ལེན་དགོས་པར་བརྟེན་སྐྱེ་བ་ལེན་མི་དགོས་པ་ཞིག་བྱེད་དགོས་ན་རང་གཙོ་བོ་བྱེད་པའི་སྒེར་སེམས་དེ་རྩ་བ་ནས་མེད་པ་བཟོ་དགོས། དེ་བཟོ་ཐུབ་ན་འཁོར་བའི་སྡུག་བསྔལ་ལས་ཐར་ཏེ་བཅིངས་འགྲོལ་ཐོབ་པ་ཡིན་ཟེར།
གཞན་ཡང་དངོས་པོ་གང་འདྲ་ཞིག་ཡིན་ནའང་དང་པོ་སྐྱེ་བ་དང་། བར་དུ་གནས་པ། མཐའ་མ་འཇིག་པ་ཞེས་པ་དེ་འདྲ་ཞིག་ཡིན་ནམ་ཞེ་ན་མཐའ་མ་འཇིག་པ་ཟེར་བ་དེ་རྒྱུན་ཆད་དེ་རྩ་བ་ནས་མེད་པར་འགྱུར་བའི་དོན་མིན་ཏེ་དཔེར་ན་ཤིང་ལ་ཆ་བཞག་ན་མེར་བསྲེགས་རྗེས་ཁག་ཅིག་སོལ་བ་དང་ཁག་ཅིག་ཐལ་བར་གྱུར་ཐོག ཡང་སོལ་བ་དེ་མེར་བསྲེགས་ཏེ་ཐལ་བར་འགྱུར་ནའང་དེའི་རྒྱུན་དེ་གཏན་ནས་ཆད་མེད། འོ་ན་ས་གཞི་རིལ་མོ་འདིའི་ཐོག་གི་སྲོག་ཆགས་རྣམས་གོ་ལ་འདི་གའི་ཐོག་གློ་བུར་གསར་དུ་བྱུང་བ་ཡིན་ནམ་གཞན་ནས་ཡོང་བ་ཡིན་ཞེ་ན། དེའི་ཐད་སངས་རྒྱས་ཆོས་ལུགས་ཀྱི་བཤད་སྲོལ་ལྟར་ན་གོ་ལ་འདིའི་ཐོག་གསར་དུ་བྱུང་བ་ཞིག་ཡིན། འོན་ཀྱང་སྔར་མེད་གསར་སྐྱེས་གློ་བུར་དུ་བྱུང་བ་ཞིག་མ་ཡིན་པར་འཇིག་རྟེན་གཞན་ནས་ཚེ་འཕོས་པ་ཞིག་ཡིན་ཟེར། དེའི་རྒྱུ་མཚན་ནི་གོང་དུ་ཞུས་ཟིན་པ་དེ་དག་ཡིན། དཔེར་ན་ས་གཞི་རིལ་མོ་འདིའི་ཐོག་ཏུ་ས་དང་། ཆུ། ཤིང་། ལྕགས། རྡོ་ལ་སོགས་པའི་དངོས་པོ་དེ་རྣམས་ནི་འབྱུང་བ་ལྔ་ཡི་རྡུལ་ཕྲན་ཚོགས་པ་ལ་བརྟེན་ནས་བྱུང་བ་ཤ་སྟག་ཡིན་པ་དང་། མི་ཡང་འབྱུང་བ་ལྔ་ཡི་རྡུལ་ཕྲན་ཚོགས་པ་ལ་བརྟེན་ནས་བྱུང་བ་ཡིན་ལ་ལུས་པོ་དང་འབྲེལ་བ་ཡོད་པའི་རྣམ་ཤེས་དེའང་རང་དང་རིགས་འདྲ་བའི་དངོས་པོ་ཞིག་ལ་བརྟེན་ནས་བྱུང་བ་ལས་རྣམ་ཤེས་མེད་པའི་དངོས་པོ་གཅིག་ནས་རྣམ་ཤེས་ཡོད་པའི་དངོས་པོ་ཞིག་ཡོང་ཐུབ་ཐབས་མེད་པས་རྣམ་ཤེས་ཀྱི་རྒྱུ་དེ་ལ་རྣམ་ཤེས་ཤིག་ངེས་པར་ཡོད་དགོས། དེར་བརྟེན་འཇིག་རྟེན་ཐོག་སྲོག་ཆགས་ཐོག་མ་ཆགས་ཡོང་དུས་དེའི་རྣམ་ཤེས་དེ་ཡང་དེ་དང་རིགས་འདྲ་བའི་རྣམ་ཤེས་ཤིག་ལ་བརྟེན་ནས་བྱུང་བ་ལས་གློ་བུར་དུ་རྣམ་ཤེས་མ་ཡིན་པ་ཞིག་གིས་རྒྱུ་བྱས་ནས་གསར་དུ་བྱུང་བ་ཞིག་མིན། སྐྱེ་བ་མང་པོར་གོམས་འདྲིས་བྱས་ཏེ་འཚང་རྒྱ་བ་ཟེར་བའི་སངས་རྒྱས་ཆོས་ལུགས་ཀྱི་ལྟ་ཚུལ་དེ་ལ་དགག་པ་རྒྱག་ཆེད་ཕྱི་རོལ་མུ་སྟེགས་པས་སྐྱེ་བ་མང་པོར་གོམས་འདྲིས་བྱས་ཏེ་འཚང་རྒྱ་བ་ཟེར་བ་དེ་མེད་པར་སྐྱེ་བ་གཅིག་རང་ཡིན་ཏེ་དེ་ཚར་ན་བཞུ་མར་ལ་ཕུ་བཏབ་པ་ཇི་བཞིན་གང་ཡང་མེད་ཅེས་ཟེར།
Sunday, November 14, 2010
ཀོ་རློན་གྱི་ཞྭ་མོ།
རྩོམ་པ་པོ། ནོར་བུ་དོན་ལྡན།
༄། ཉེ་ཆར་ཕྱི་ཟླ་ ༡༠ ཚེས་ ༡༡ ཉིན་ “ཀྲུང་གོའི་གསར་འགྱུར་དྲ་བ་” ཟེར་བའི་ནང་། “བོད་བརྒྱུད་ནང་བསྟན་གྱི་དགོན་པ་དོ་དམ་བྱེད་ཐབས་” ཁྱབ་བསྒྲགས་བྱས་གནས་སྐོར་གནས་ཚུལ་ཞིག་སྤེལ་འདུག་པའི་ནང་། བོད་བརྒྱུད་ནང་བསྟན་ལ་བརྟེན་ནས་སྤྱི་ཚོགས་ཀྱི་སྒྲིག་ལམ་ལ་གཏོར་བརླག་དང་སྤྱི་དམངས་ཀྱི་བདེ་ཐང་ལ་གནོད་འཚེ་བྱེད་མི་ཆོག་པ། རྒྱལ་ཁབ་ཀྱི་སློབ་གསོའི་ལམ་ལུགས་ལ་བར་ཆད་བྱེད་མི་ཆོག་པ། རྒྱལ་ཁབ་ཀྱི་ཁེ་ཕན་ལ་གནོད་པ་དང་སྤྱི་དམངས་ཀྱི་ཁྲིམས་མཐུན་ཁེ་དབང་ལ་གནོད་པའི་ལས་འགུལ་སྤེལ་མི་ཆོག་པ། ཕྱི་ནང་གི་ཁ་བྲལ་སྟོབས་ཤུགས་རྐྱེན་ཐེབས་ནས་མི་རིགས་མཐུན་སྒྲིལ་ལ་གཏོར་བརླག་དང་། མེས་རྒྱལ་ཁ་བྲལ་དུ་གཏོང་བའི་བྱ་འགུལ་མི་ཆོག་པ། ཏཱ་ལའི་རུ་ཚོགས་ཀྱིས་བོད་ཁུལ་ཟིང་ཆ་སློང་བ་དང་ཁ་བྲལ་དུ་གཏོང་བའི་ངན་ཇུས་སྤེལ་བར་འགོག་རྒོལ་དགོས་ལུགས་སྐོར་སོགས་མི་ཆོག་མི་འགྲིགས་པ་ཤ་སྟག་བཀོད་པ་ཞིག་ཐོན་འདུག།
གཡས་ལ་སྤྱན་དང་། གཡོན་ལ་མིག་གི་དཔེ་བཞིན་ཁྱབ་ཁོངས་མི་རིགས་ལ་དབྱེ་འབྱེད་བྱེད་ན་མི་ཆོག་པའི་ཁ་སྙན་ཕུགས་ངན་གྱི་ཁྲིམས་སྒྲིག་བརྒྱ་བཟོས་ནའང་། དེ་ནས་ཐར་བའི་ལམ་སྟོང་ཕྱེ་རྒྱུ་ཡིན་པ་ཆོས་ཉིད་ཡིན། རྒྱ་ནག་ལ་ཁྲིམས་དང་སྒྲིག་གཞི་ཟེར་བ་འགྲེམས་སྟོན་གྱི་ཡོ་ཆས་ཡོད་རུང་དོན་ངོ་མའི་ཐོག་རྒྱ་གཞུང་གིས་གང་བཤད་གང་བྱས་ཁྲིམས་རེད། ཡུལ་གོམས་གཤིས་ལུགས་ལ་སྲུང་བརྩི་ཟེར་ཡང་ཡུལ་གོམས་གཤིས་ལུགས་ལ་བརྩི་མེད་རྡོག་རོལ་གཏོང་མཁན་སུ་ཡིན་ང་ཚོ་ཚང་མས་ཤེས་གསལ་ཡིན། ལུས་ལ་སེན་བཏོག་བརྒྱབ་ན། ཨ་ཚ་ཞེས་སྐད་ངན་ཤོར་བ་ལྟར་བོད་མིར་སྡང་ཟུག་དང་། བོད་མིའི་བློ་ལ་མི་བབས་པའི་བྱེད་ཕྱོགས་ལག་བསྟར་བྱས་སྟབས་དེ་ལ་གྱེན་ལོག་བྱས་པ་ནི་འུ་ཐུག་པའི་བྱེད་ཕྱོགས་ཤིག་ལས་ཕྱི་ནང་གི་སྟོབས་ཤུགས་ཀྱི་ཤུགས་རྐྱེན་དང་འབྲེལ་བ་གང་ཡང་མེད།
ཕྱི་ལོ་ ༡༩༥༩ ལོ་ནས་བཟུང་ད་བར་མི་ལོ་ ༥༠ ལྷག་ཙམ་རིང་བོད་མིའི་ཐོག་གདུག་རྩུབ་དྲག་གནོན་དང་། ངན་སེམས་བཅངས་པའི་སློབ་གསོ་དྲིལ་བསྒྲགས་ཇི་བྱས་ཀྱིས་བོད་མི་མགུ་ཐུབ་པ་ག་རེ་བཟོ་ཐུབ་སོང་། འཇིགས་སྣང་དང་དངངས་སྐྲག་འོག་ནས་བདེ་སྐྱིད་ག་འདྲ་སེ་ཡོང་གི་རེད། ཕྱིའི་ཁྲ་ཁྲ་ཟིང་ཟིང་གིས་ནང་སེམས་ཀྱི་བདེ་སྐྱིད་སྐྲུན་ཐབས་བྱེད་པ་ནི་ལྐུག་རྟགས་རྒྱུགས་སྤྲོད་བྱས་པ་རེད། ཁས་སྐྱིད་པོ་བཤད་པ་དེས། སེམས་པའི་སྡུག་བསྔལ་སེལ་མི་ཐུབ། ཕྱི་རྗིག་པ་ལས་ནང་སྣུམ་ན་དགའ། བོད་ཕྱི་ནང་དུ་གནས་པའི་བོད་མི་འདས་གསོན་ཀུན་གྱི་གློ་སྙིང་བྲང་གསུམ་བསྟན་ཡུལ་ྋསྐྱབས་མགོན་ཏཱ་ལའི་བླ་མ་རིན་པོ་ཆེར་མཚན་སྨད་སྐྱོན་འཛུགས་བྱས་དང་བྱེད་བཞིན་དུ་བོད་མི་མང་དང་སེམས་ཐག་ཉེ་པོ་ཡོང་རེ་བྱས་པ་ནི་རྩིས་ལོག་ཐེབས་པ་རེད། ཆོས་ཕྱོགས་ཀྱི་འགྲོ་སྟངས་འགྲོ་ལུགས་དང་གནད་དོན་གང་ཡང་མི་ཤེས་པའི་ཆབ་སྲིད་པས་དགོན་པའི་ལམ་ལུགས་བཅོས་བསྒྱུར་ཟེར་བ་ནི་སངས་རྒྱས་ཀྱི་དབུ་ལ་བྱིས་པའི་ལག་རྩེད་རྩེད་པ་མིན་ན་ཅི་ཡིན། རྩ་ཁྲིམས་ནང་ཆོས་དད་རང་དབང་ཡོད་ལུགས་མ་ཎི་བགྲང་པ་ལྟར་བགྲངས་པ་དང་། གཏམ་བཤད་བྱས་ཚད་ལ་ཆོས་ལུགས་རང་དབང་ཡོད་ལུགས་བཤད་བཞིན། དོན་དུ་ཆོས་ལུགས་བྱེད་སྒོར་ཉེ་དུས་ལམ་ལུགས་ལ་བཅོས་བསྒྱུར་བྱས་ཡོད་།
ཕྱི་ལོ་ ༢༠༠༠ ལོ་ནས་ྋགོང་ས་ཆེན་པོའི་སྐུ་དཔར་སྒྲིག་གཤོམ་མི་ཆོག་པ་དང་། སྐུ་དཔར་བཞུགས་ཡོད་མེད་བསྔོགས་བཤེར་བྱས་པ། འཁྲུངས་ལྷ་དབྱར་གསོལ་སྲུང་བརྩི་མི་ཆོག་པའི་ཁྲིམས་ཐོག་ནས་བཀའ་རྒྱ་བཏང་བ། བསངས་གསོལ་བཏང་ན་བཏང་དོན་ཇི་ཡིན་བསུན་གཙེར་བཟོས་པ།
གསེར་རྟ་བླ་རུང་ཆོས་སྡེར་མཚོན་ན། ཕྱི་ལོ་ ༡༩༩༦ ལོར་བོད་ཡུལ་ཡོངས་སུ་རྒྱལ་གཅེས་ཆོས་གཅེས་ཟེར་བའི་ལས་འགུལ་འགོ་འཛུགས་བྱས་པ་ལྟར་གསེར་རྟ་བླ་རུང་ཆོས་སྡེར་ཡང་དམིགས་བསལ་གྱི་དམ་དྲག་བྱེད་འགོ་བཙུགས་པ་རེད།
གཡས་ལ་སྤྱན་དང་། གཡོན་ལ་མིག་གི་དཔེ་བཞིན་ཁྱབ་ཁོངས་མི་རིགས་ལ་དབྱེ་འབྱེད་བྱེད་ན་མི་ཆོག་པའི་ཁ་སྙན་ཕུགས་ངན་གྱི་ཁྲིམས་སྒྲིག་བརྒྱ་བཟོས་ནའང་། དེ་ནས་ཐར་བའི་ལམ་སྟོང་ཕྱེ་རྒྱུ་ཡིན་པ་ཆོས་ཉིད་ཡིན། རྒྱ་ནག་ལ་ཁྲིམས་དང་སྒྲིག་གཞི་ཟེར་བ་འགྲེམས་སྟོན་གྱི་ཡོ་ཆས་ཡོད་རུང་དོན་ངོ་མའི་ཐོག་རྒྱ་གཞུང་གིས་གང་བཤད་གང་བྱས་ཁྲིམས་རེད། ཡུལ་གོམས་གཤིས་ལུགས་ལ་སྲུང་བརྩི་ཟེར་ཡང་ཡུལ་གོམས་གཤིས་ལུགས་ལ་བརྩི་མེད་རྡོག་རོལ་གཏོང་མཁན་སུ་ཡིན་ང་ཚོ་ཚང་མས་ཤེས་གསལ་ཡིན། ལུས་ལ་སེན་བཏོག་བརྒྱབ་ན། ཨ་ཚ་ཞེས་སྐད་ངན་ཤོར་བ་ལྟར་བོད་མིར་སྡང་ཟུག་དང་། བོད་མིའི་བློ་ལ་མི་བབས་པའི་བྱེད་ཕྱོགས་ལག་བསྟར་བྱས་སྟབས་དེ་ལ་གྱེན་ལོག་བྱས་པ་ནི་འུ་ཐུག་པའི་བྱེད་ཕྱོགས་ཤིག་ལས་ཕྱི་ནང་གི་སྟོབས་ཤུགས་ཀྱི་ཤུགས་རྐྱེན་དང་འབྲེལ་བ་གང་ཡང་མེད།
ཕྱི་ལོ་ ༡༩༥༩ ལོ་ནས་བཟུང་ད་བར་མི་ལོ་ ༥༠ ལྷག་ཙམ་རིང་བོད་མིའི་ཐོག་གདུག་རྩུབ་དྲག་གནོན་དང་། ངན་སེམས་བཅངས་པའི་སློབ་གསོ་དྲིལ་བསྒྲགས་ཇི་བྱས་ཀྱིས་བོད་མི་མགུ་ཐུབ་པ་ག་རེ་བཟོ་ཐུབ་སོང་། འཇིགས་སྣང་དང་དངངས་སྐྲག་འོག་ནས་བདེ་སྐྱིད་ག་འདྲ་སེ་ཡོང་གི་རེད། ཕྱིའི་ཁྲ་ཁྲ་ཟིང་ཟིང་གིས་ནང་སེམས་ཀྱི་བདེ་སྐྱིད་སྐྲུན་ཐབས་བྱེད་པ་ནི་ལྐུག་རྟགས་རྒྱུགས་སྤྲོད་བྱས་པ་རེད། ཁས་སྐྱིད་པོ་བཤད་པ་དེས། སེམས་པའི་སྡུག་བསྔལ་སེལ་མི་ཐུབ། ཕྱི་རྗིག་པ་ལས་ནང་སྣུམ་ན་དགའ། བོད་ཕྱི་ནང་དུ་གནས་པའི་བོད་མི་འདས་གསོན་ཀུན་གྱི་གློ་སྙིང་བྲང་གསུམ་བསྟན་ཡུལ་ྋསྐྱབས་མགོན་ཏཱ་ལའི་བླ་མ་རིན་པོ་ཆེར་མཚན་སྨད་སྐྱོན་འཛུགས་བྱས་དང་བྱེད་བཞིན་དུ་བོད་མི་མང་དང་སེམས་ཐག་ཉེ་པོ་ཡོང་རེ་བྱས་པ་ནི་རྩིས་ལོག་ཐེབས་པ་རེད། ཆོས་ཕྱོགས་ཀྱི་འགྲོ་སྟངས་འགྲོ་ལུགས་དང་གནད་དོན་གང་ཡང་མི་ཤེས་པའི་ཆབ་སྲིད་པས་དགོན་པའི་ལམ་ལུགས་བཅོས་བསྒྱུར་ཟེར་བ་ནི་སངས་རྒྱས་ཀྱི་དབུ་ལ་བྱིས་པའི་ལག་རྩེད་རྩེད་པ་མིན་ན་ཅི་ཡིན། རྩ་ཁྲིམས་ནང་ཆོས་དད་རང་དབང་ཡོད་ལུགས་མ་ཎི་བགྲང་པ་ལྟར་བགྲངས་པ་དང་། གཏམ་བཤད་བྱས་ཚད་ལ་ཆོས་ལུགས་རང་དབང་ཡོད་ལུགས་བཤད་བཞིན། དོན་དུ་ཆོས་ལུགས་བྱེད་སྒོར་ཉེ་དུས་ལམ་ལུགས་ལ་བཅོས་བསྒྱུར་བྱས་ཡོད་།
ཕྱི་ལོ་ ༢༠༠༠ ལོ་ནས་ྋགོང་ས་ཆེན་པོའི་སྐུ་དཔར་སྒྲིག་གཤོམ་མི་ཆོག་པ་དང་། སྐུ་དཔར་བཞུགས་ཡོད་མེད་བསྔོགས་བཤེར་བྱས་པ། འཁྲུངས་ལྷ་དབྱར་གསོལ་སྲུང་བརྩི་མི་ཆོག་པའི་ཁྲིམས་ཐོག་ནས་བཀའ་རྒྱ་བཏང་བ། བསངས་གསོལ་བཏང་ན་བཏང་དོན་ཇི་ཡིན་བསུན་གཙེར་བཟོས་པ།
གསེར་རྟ་བླ་རུང་ཆོས་སྡེར་མཚོན་ན། ཕྱི་ལོ་ ༡༩༩༦ ལོར་བོད་ཡུལ་ཡོངས་སུ་རྒྱལ་གཅེས་ཆོས་གཅེས་ཟེར་བའི་ལས་འགུལ་འགོ་འཛུགས་བྱས་པ་ལྟར་གསེར་རྟ་བླ་རུང་ཆོས་སྡེར་ཡང་དམིགས་བསལ་གྱི་དམ་དྲག་བྱེད་འགོ་བཙུགས་པ་རེད།
ཕྱི་ལོ་ ༡༩༩༩ ལོར་གལ་སྲིད་གྲ་བཙུན་རྣམས་རང་འགུལ་གྱིས་སོ་སོའི་ཕ་ཡུལ་དུ་མ་ལོག་ན་གྲ་ཤག་གཏོར་བཤིག་དམ་དྲག་དང་། གྲྭ་བཙུན་རྣམས་བཙན་ཤེད་ཀྱིས་རང་ཡུལ་དུ་སྐྱེལ་རྒྱུ་ཡིན་ལུགས་ཀྱི་སྡིགས་ར་དང་འཇིགས་བསྐུལ་བྱས་ཡོད།
ཕྱི་ལོ་ ༢༠༠༡ ལོརརྒྱ་ནག་གི་ཞིང་ཆེན་ ༢༡ ཁོངས་ཀྱི་ལས་བྱེད་དང་། རྒྱ་དམག་བརྒྱ་ཕྲག་མང་པོའི་ཐོག། མཚོན་ལྡན་རླངས་འཁོར་གྲངས་མང་ཆེད་འབྱོར་གྱིས་ཆོས་སྡེ་དེར་བོད་རིགས་གྲྭ་བཙུན་ ༨༨༠༠ སྐོར་དང་རྒྱ་རིགས་གཏན་སྡོད་སློབ་མ་ཆིག་སྟོང་སྐོར་བཅས་ཡོད་པ་ནས་ཐོག་མར་རྒྱ་རིགས་སློབ་མ་ཁག་གི་གྲ་ཤག་གཏོར་བཤིག་དང་། ཕྱི་ཟླ་ ༦ ཚེས་ ༢༧ ཉིན་གྱི་ཞོགས་པའི་ཚོུད་ ༩ དང་སྐར་མ་ ༡༥ ཐོག་ཐོག་མར་བཙུན་མའི་ཆོས་སྡེ་ནས་ཁང་པ་རེ་རེ་བཞིན་རྩ་གཏོར་བཏང་། དེ་ནས་རིམ་གྱིས་གྲ་ཤག་གཏོར་བཤིགས་བཏང་སྟེ་ཁྱོན་ཕྱི་ཟླ་ ༦ ཚེས་ ༢༧ ནས་ཕྱི་ཟླ་༧ ཚེས་ ༡༢ བར་གྲ་ཤག་ ༢༢༠༠ ལྷག་རྩ་གཏོར་བཏང་། གྲ་པ་ཆིག་སྟོང་དང་བཙུན་མ་བཞི་བརྒྱ་མ་གཏོགས་སྡོད་མི་ཆོག་པའི་བཙན་བཀའ་བཏང་སྟེ་གྲ་བཙུན་འཕྲོད་ལྷག་རང་ཡུལ་དུ་ཕྱིར་འབུད་བྱས། གོང་གསལ་གྲ་བཙུན་ ༡༤༠༠ སློབ་གླིང་དེར་མུ་མཐུད་སྡོད་ཆོག་པའི་ལག་འཁྱེར་བོད་རྒྱ་གཉིས་ཐོག་ཡོད་པའི་ཐོག་དེ་དག་གི་གྲ་ཤག་ལ་དམིགས་བསལ་གྱི་སྒོ་རྟགས་བརྒྱབ་ཡོད་རུང་། ཕྱི་ལོ་ ༢༠༠༢ ཟླ་ ༡༢ ཚེས་ ༢༦ ཉིན་ཆོས་སྡེ་ཁོངས་གཏོགས་སྒོ་རྟགས་ཅན་གྱི་བཞུགས་ཤག་དེ་ཚོ་ཡང་གཏོར་བཤིགས་བཏང་བ་དང་། ཆོས་སྡེར་ལས་བྱེད་དང་སྲུང་དམག་གཏན་འཛུགས་བྱས་ཡོད་པ་རེད།
དེ་ལྟར་རང་གིས་སྤྲད་པའི་ཡིག་ཆར་རང་གིས་བརྩི་མེད་བཏང་མཁན་གྱི་གཞུང་ལ་རེ་བ་བརྒྱབ་ས་འདུག་གམ། ཡིད་ཆེས་བློ་གཏད་ཡོང་ས་རེད་དང་མ་རེད་བསམ་གཞིགས་བྱེད་དང་། དེ་དང་དེ་འདྲའི་སྔར་བཤད་ཕྱིས་འགལ་དང་། ཁྲིམས་སྒྲིག་ཡིག་ཆར་གསལ་བ་ལས་བྱེད་པས་བརྩི་མེད་བཏང་བ་སོགས་ས་གནས་ལས་བྱེད་པས་དབུས་གཞུང་གི་བཀའ་རེད་ཟེར་བ་དང་། དབུས་གཞུང་གིས་ས་གནས་ལས་བྱེད་པས་བྱེད་སྟངས་མ་ཤེས་པ་རེད་སོགས་ཕན་ཚུན་ཁག་དཀྲི་བྱས་པའི་གནས་ཚུལ་བརྗོད་ཀྱིས་མི་ལངས་པ་ཡོད།
དེ་བཞིན་ལྷོ་ཁ་གྲྭ་ནང་རྫོང་ཁོངས་སུ་ཆགས་པའི་བསམ་ཡས་སུ་བསམ་ཡས་དགོན་པའི་སྦྱིན་བདག་གྲས་རྒྱ་ནག་ཀོང་ཀྲོའུ་ནས་ཡིན་པའི་རྒྱ་རིགས་གཉིས་ནས་མི་དམངས་ཤོག་སྒོར་འབུམ་བརྒྱད་ཙམ་འགྲོ་སོང་བཏང་སྟེ་གསེར་ཟངས་ལས་གྲུབ་པའི་གུ་རུའི་སྣང་བརྙན་ཆེན་པོ་ཞིག་གསར་བཞེངས་ཞུས་ཡོད་པ་དེ་ཕྱི་ལོ་ ༢༠༠༧ ཟླ་ ༥ པའི་ཟླ་དཀྱིལ་ནང་བོད་རང་སྐྱོང་ལྗོངས་ལྷོ་ཁ་ས་ཁུལ་གྱི་འབྲེལ་ཡོད་ཚན་པས་ཉེན་རྟོག་དམག་མི་བཏང་སྟེ། དེ་ཉིན་མཆོད་མཇལ་ཡོང་མཁན་དད་ལྡན་དང་། བསམ་ཡས་ཉེ་འཁོར་དུ་ཡོད་པའི་གྲྭ་བཙུན་ཚུན་ཕར་འགྲོ་ཚུར་འོང་མི་ཆོག་པ་བྱས་ཏེ་སྐུ་བརྙན་གཏོར་བཤིགས་བཏང་ཡོད། འོན་ཀྱང་ལོ་དེའི་ཕྱི་ཟླ་༦ ཚེས་ ༤ ཉིན་ཀྲུང་གོའི་བོད་ཀྱི་ཆ་འཕྲིན་དྲ་རྒྱ་ཞེས་པའི་ཐོག། བསམ་ཡས་དགོན་པའི་དམངས་གཙོ་བདག་གཉེར་ཨུ་ཡོན་ལྷན་ཁང་ནས་རང་འགུལ་ཐོག་བཤིག་གཏོར་བྱས་ཚུལ་གནས་ཚུལ་སྤེལ་ཡོད། གཞུང་གནས་ནས་རྫུན་བཤད་ན་དྲང་པོའི་རེ་བ་གང་ནས་འཚོལ་དགོས། ཁྲིམས་དཔོན་གྱིས་ཁྲིམས་མ་དྲང་ན་ཁྲིམས་གཏུགས་སུ་ལ་བྱེད་དགོས་རེད། དེ་ལྟར་སྔ་ཚིག་ཕྱི་འགལ་བྱས་ཏེ་རང་གི་རྔོ་ལོ་རང་གིས་འཕྱར་བ་ཡིན།
༢༠༠༧/༧/༡༨ ཉིན་བོད་བརྒྱུད་ནང་བསྟན་བླ་སྤྲུལ་གྱི་ཡང་སྲིད་ངོས་འཛིན་དོ་དམ་བྱེད་ཐབས་སྐོར་ཡིག་ཆ་སྤེལ་བའི་ནང་། ཞིང་ཆེན་ངམ་རང་སྐྱོང་ཀྱི་ཆོས་ལུགས་ལས་དོན་སྡེ་ཚན་དང་། རྒྱལ་ཁབ་ཀྱི་ཆོས་ལུགས་ལས་དོན་ཅུས། རྒྱལ་སྲིད་སྤྱི་ཁྱབ་ཁང་བཅས་འབྲེལ་ཡོད་སོ་སོས་བླ་སྤྲུལ་ཡང་སྲིད་ངོས་འཛིན་ཆོག་པའི་བཀའ་འཁྲོལ་དང་བཅས་ཆོག་མཆན་མེད་པར་ངོས་འཛིན་བྱེད་མི་ཆོག་པ་དང་། སྤྲུལ་སྐུའི་ཡང་སྲིད་ངོས་འཛིན་ལ་རྒྱལ་ཁབ་ཀྱི་ཕྱི་ལོགས་ཀྱི་སྒྲིག་འཛུགས་སུ་ཞིག་གིས་ཀྱང་ཐེ་གཏོགས་དང་ཁ་ལོ་བསྒྱུར་མི་ཆོག་ཅེས། དོན་སྙིང་མི་ལོ་ ༡༢༨༨ སོང་བའི་ལམ་ལུགས་ལ་བཅོས་བསྒྱུར་བྱས་ཡོད།
མངའ་རིས་སྒེར་རྩེ་རྫོང་ཁོངས། དར་ཆེན་ཤང་། བླ་མ་དབང་ཐང་རིན་པོ་ཆེའི་རྒྱང་གྲགས་དགོན་པའི་ཉེ་འདབས་སུ་གུ་རུ་སྣང་སྲིད་ཟིལ་གནོན་གྱི་སྐུ་བརྙན་མཐོ་ཚད་ཐོག་བརྩེགས་གཉིས་ཡོད་པ་ཞིག་གསར་བཞེངས་ཞུས་པ་དེ་ཕྱི་ལོ་ ༢༠༠༧ ཟླ་ ༨ ཚེས་ ༡༧ ཉིན་གྱི་སྔ་དྲོ་ཚོུད་ ༧ ཐོག་རྒྱ་དམག་གོ་ལག་མཉམ་འཁྱེར་གྲངས་ ༥༠༠ ཙམ་རླང་འཁོར་ནང་འབྱོར་ཏེ་དྲག་སྤྱོད་པའི་བྱེད་སྟངས་དང་ཁྱད་པར་མེད་པ་སྐུ་བརྙན་གཏོར་བཤིགས་བཏང་བ་དང་།
བོད་མི་ནི་ཕྱི་མི་རེད། རྒྱ་ནག་རང་ལའང་རང་དབང་ཡོད་མེད་ཉེ་པའི་ཆར་རྒྱ་ནག་གི་མཐོ་རིམ་ཤེས་ཡོན་ཅན་གྱི་བསམ་ཡོད་མི་སྣ་མྱོང་ཅན་ཟུར་པ་མང་པོ་ཞིག་གིས་རྒྱ་ནག་རྒྱ་ཆེའི་མང་ཚོགས་ལ་སྨྲ་བརྗོད་དང་འདྲི་རྩོམ་གྱི་རང་དབང་དགོས་འདུན་བཏོན་པ་ནི་ཤ་ཚའི་དགོངས་འཆར་ཡང་དག་པ་ཞིག་རེད། དེ་བཞིན་དེ་སྔ་རྒྱ་ནག་གི་སྲིད་འཛིན་ལིའུ་ཤེ་ནན་གྱི་སྲས་མོའི་སྐུ་ཟླ་རྒྱལ་ཁབ་ཀྱི་སྲུང་སྐྱོབ་སློབ་གཉེར་ཁང་གི་མཁའ་དམག་དམག་སྤྱི་གྲས་ལིའུ་ཡཱརྫོ་ནས་ཀྱང་སྲིད་གཞུང་དང་རང་གི་ཕྱག་སྦྲེལ་དམག་སྤྱི་གཞན་རྣམས་ལ་རྒྱ་ནག་འདི་བཞིན་ཨ་རིའི་ལུགས་ལྟར་དམངས་གཙོའི་ལམ་ལུགས་ཐོག་བསྐྱོད་ན་རབ་དང་། དེ་མིན་དེ་སྔ་རུ་སུར་བྱུང་བ་ལྟར་འཐོར་ཞིག་འགྲོ་རྒྱུ་གཉིས་གང་འོས་དགའ་འདེམས་བྱེད་པའི་དུས་ལ་སླེབས་སྐོར་ཧོང་ཀོང་གི་དུས་དེབ་ཤིག་ནང་གནས་ཚུལ་སྤེལ་ཐོན་བྱུང་ཡོད། དགོངས་ཚུལ་འདི་དུས་ཚོད་དང་མཐུན་པའི་མང་ཚོགས་ཀྱི་རང་དབང་ཁེ་ཕན་དང་འབྲེལ་བའི་རླབས་ཆེན་གྱི་དགོངས་པ་ཡིན་པ་དུས་ཚོད་འགྲོ་གིན་གསལ་རྟོགས་ཡོང་རྒྱུ་ཡིན། དེ་ལྟར་རྒྱ་རིགས་ཀྱིས་སྐད་ངན་ཤོར་ན། བོད་མིར་ཁག་ག་རེ་འདུག་གམ།
ཆབ་འབངས་གཅིག་པ་ཡིན་ན་གཡས་མདའ་ལ་མ་ཕྱོགས། གཡོན་གཞུ་ལ་མ་ཕྱོགས་པ། བྱམས་བརྩེའི་གཅེས་སྐྱོང་ལ་ཁྱད་པར་མེད་པ་དགོས། ངོ་ཆེ་ཆུང་གི་དབྱེ་འབྱེད་བྱེད་ན། ཤོད་མི་ཕོད་ཀྱང་སེམས་པར་ན་ཚ་བཟོ་གི་རེད།
ཁ་ནས་སྤྱི་ཚོགས་རིང་ལུགས་ཀྱི་དར་ཆ་འཕྱར་ཞིང་། ལག་ལེན་ཐོག་མ་རྩའི་རིང་ལུགས་སུ་བསྐྱོད་དེ་དྲིལ་བུ་གཅིག་ནས་སྐད་གཉིས་བརྒྱབ་པ་ལས། མིང་དོན་མཚུངས་པའི་མང་གཙོའི་ལམ་ལུགས་ཐོག་ཤར་བསྐྱོད་བྱེད་ན་རྒྱ་ནག་གཞུང་མང་གཉིས་ཀར་འཕྲལ་ཕུགས་གཉིས་སྨན་ཡོང་རྒྱུ་ངེས་པ་ཡིན།
Friday, September 10, 2010
སྒྲ་འབྱུང་ཚུལ་དང་དེའི་ཁྱད་ཆོས་།
བཞག་ལྡོམ་དར་རྒྱས་།
འགྲོ་ བ་ཡོངས་འཇིག་རྟེན་འདིར་འཚོ་པར་སྒྲ་ནི་ཧ་ཅང་གལ་ཆེ་བ་ཞིག་ཡིན་ལ་སྒྲའི་དབྱངས་ རྟར་བརྟེན་ནས་ཕན་ཚུན་འབྲེལ་བ་བྱེད་ཀྱིན་ཡོད་ལ་སྒྲ་ལ་བརྟེན་ནས་རླུང་འཕྲིན་ ལས་གསར་འགྱུར་དང་སྙན་འཇེབས་ཆེ་བའི་རོལ་དབྱངས་སོགས་ཉན་ཀྱི་ཡོད་། ད་དུང་འུ་ཚོས་སྒྲ་ལ་བརྟེན་ནས་ཞབས་བྲོ་འང་རྒྱག་གི་ཡོད་། འུ་ཚོས་ཧ་ཅང་མཐོ་བའི་སྒྲ་ཐོས་སྐབས་བློ་བུར་དུ་གཡས་གཡོན་ལ་ལྟ་ཞིང་དེ་ཡིས་འུ་ ཚོའི་བདེ་འཇགས་སུ་རོགས་བྱེད་། ཡིན་ན་ཡང་། སྒྲ་དེ་གང་ཞིག་རེད་།
སྒྲའི་གཡོ་འགུལ་།
Sound Vibration
རོལ་ དབྱངས་མཁན་པོས་རྔའི་ངོགས་སུ་གཞུས་སྐབས་རྔ་ལས་གཡོ་འགུལ་ལམ་འགུལ་སྐྱོད་ལྡན་ པའི་རླབས་རྒྱུན་འབྱུང་ཞིང་དེར་བརྟེན་ནས་གཡོ་འགུལ་ལྡན་པའི་སྒྲ་འབྱུང་། ། དེ་ཡིས་ཉེས་འཁོར་གྱི་དངོས་པོ་དང་མཁའ་དབྱིངས་ཀྱི་རླུང་རྡུལ་ཀྱང་གཡོ་འགུལ་ བྱ་། གཡོ་འགུལ་ལྡན་པའི་སྒྲ་དེ་མཁའ་རླུང་བརྒྱུད་ནས་ཁྱེད་ཀྱིས་ཐོས་ཤིང་། དེས་ཁྱེད་ཀྱི་རྣའི་རྔ་ཆུང་ (eardrum) ཡང་གཡོ་འགུལ་བྱ་།
སྒྲའི་རྦ་རླབས་།
Sound Waves
ཁྱེད་ ཀྱིས་རྡོ་ཕྲན་གཅིག་ཆུའམ་མཚེའུ་ཞིག་གི་ནང་དུ་གཡུག་སྐབས་དེས་ཆུར་རྦ་རླབས་ བསྐྲུན་ཞིང་། རྦ་རླབས་དེ་ཀོར་ཀོར་ངང་ཕྱི་ལོགས་སུ་འཕྱོ་ཡོང་ལ་། འཕྱོ་ཡོང་བའི་རྦ་རླབས་དེའི་ནང་དུ་གཡོ་འགུལ་ཀྱི་སྒྲ་འབྱུང་ཞིང་སྒྲའི་རྦ་ རླབས་དེ་ཡང་ཟླུམ་པོ་ཚུལ་དུ་ཕྱི་རུ་འཕྱོ་ཡོང་། འོན་ཏེ་། དེ་རྣམས་ཡར་དང་མར་ད་དུང་གཡས་དང་གཡོན་བཅས་ཕྱོགས་ཡོངས་སུ་འཕྱོ་འགྲོ དེའི་ཕྱིར་ཁྱེད་ཀྱིས་ཐོས་བའི་སྒྲ་དག་ནི་སྐབས་རེ་འོག་དང་གོང་། མཚམས་རེ་ཁྱེད་ཀྱི་མཐའ་འཁོར་ནས་སླེབས་ཡོང་།
བྲག་ཅ་།
Echoes
སྒྲའི་རླབས་རྒྱུན་དེ་དངོས་པོ་ཧ་ཅང་མཁྲེགས་པོ་ངོགས་སུ་གཞུ་ཞིང་དེ་བྲག་ཅའི་ཚུལ་དུ་ཚུར་འཁོར་པར་གྲོང་འཁྱེར་གྱི་རླང་འཁོར་འཇོག་ས་(garage) ལྟ་བུའི་སྒོ་དོག་ཅིང་ངོས་ཡོད་ཚད་དངོས་པོ་མཁྲེགས་པོས་བཟོས་པ་ཞིག་གམ་ཡང་ན་ བྲག་རོང་གིས་ཁེངས་བའི་མཐོ་སྒང་བོད་པའི་བྲག་འགག་ཞིག་ནས་ཁྱེད་ཀྱིས་ཆེས་མཐོ་ བའི་སྒྲ་གང་ཞིག་བསྒྲོགས་ན་། སྒྲའི་དབྱངས་རྟ་དེ་ཕར་ཕྱོགས་སུ་བརྡབས་སྟེ་ཚུར་སྒྲ་འབྱུང་ཡོང་བའི་དེ་ནི་གོང་དུ་བཤད་པའི་བྲག་ཅ་ཞེས་པ་དེ་ཡིན་། ཕྱོགས་གཞན་ནས་བཤན་ན་དངོས་པོ་སོབ་སོབ་རིགས་ཉལ་ཆས་དང་ས་གདན་། ད་ དུང་ནང་ཆས་ལྟ་བུ་ཁྱེད་ཀྱི་སྡོད་ཁང་གི་ནང་དུ་ཉར་ཏེ་སྒོ་ཡོད་ཚད་བརྒྱབ་ཅིང་ཧ་ ཅང་མཐོ་བའི་ཀུ་ཅོ་གང་ཞིག་བརྒྱབ་ཀྱང་ཚུར་སྒྲ་གང་ཡང་མི་ཐོས་། རྒྱུ་མཚན་ནི་དངོས་པོ་སོབ་སོབ་རིགས་ཀྱིས་སྒྲ་ཕར་འཐེན་ཞིང་དངོས་པོ་དེའི་ནང་དུ་ཉར་ (absorb) འདུག་པས་ཡིན་། དེའི་ཕྱིར་ཁྱེད་ཀྱིས་དངོས་པོ་སོབ་སོབ་ཀྱི་རིགས་ནས་བྲག་ཅ་ཐོས་དཀའ་།
སྒྲའི་མཐོ་དམའ་དང་དེའི་འདར་རྒྱུན་།
Pitch and Frequency
ཤུག་ལུ་(whistle) ལྟ་བུའི་སྒྲ་ཧ་ཅང་མཐོ་ཞིང་དུང་ཆེན་(horn) གྱི་སྒྲ་གཏིང་རིང་ཞིང་དམའ་།
ཤུག་ལུ་ཡི་སྒྲའི་རྦ་རླབས་ཐ་དག་ཕན་ཚུན་བཉམ་དུ་ཐག་ཉེ་སར་ཡོད་པའི་དེའི་སྒྲས་མཁའ་རླུང་མགྱོགས་དམྱུར་ངང་གཡོ་འགུལ་བྱ་ཞིང་། དེའི་སྒྲའི་འདར་རྒྱུན་ཀྱི་ཚད་ཤིན་ཏུ་མཐོ་པས་འུ་ཚོའི་རྣ་ལམ་ན་སྒྲ་དེ་ཆེས་མཐོ་ཞིང་གཟན་པོ་ཡིན་། དུང་ཆེན་གྱི་སྒྲས་མདུན་གྱི་རླང་བུ་ཆེས་དལ་ཞིང་སློད་པོ་ངང་གཡོ་འགུལ་བྱ་ཞིང་དེའི་སྒྲའི་རྦ་རླབས་དག་ཐག་རིང་དུ་གྱེས་འགྲོ་། དེའི་ཕྱིར་། དེའི་སྒྲའི་འདར་རྒྱུན་གྱི་ཚད་དམའ་ཞིང་འུ་ཚོའི་རྣ་བར་སྒྲ་དེ་གཏིང་རིང་ལ་ཧ་ཅང་སློད་པོའམ་ཚད་དམའ་མོ་ཡིན་།
སྒྲའི་དྲག་ཞན་།
Volume
སྒྲའི་ དྲག་ཞན་ཞེས་བ་ནི་སྒྲ་གང་ཞིག་ཕན་ཚུན་སྡུར་པའི་ཆ་ནས་སྒྲའི་ཚད་དམའ་མོའི་རིགས་ ལ་སྒྲ་ཞན་པ་དང་སྒྲའི་ཚད་མཐོ་པའི་རིགས་ལ་སྒྲ་དྲག་པ་ཅེས་བཤད་པ་ཞིག་རེད་། དཔེར་ན་། ལུག་ རྫིས་རི་འགོ་ནས་སྐད་ཤུགས་ཆེན་པོའི་ངང་ཀུ་འདེབས་སྐབས་དེའི་སྒྲ་དྲག་ཅིང་ཚད་ མཐོ་། རྒྱུ་མཚན་ནི་། ཀུ་དེ་འདེབས་པར་ལུག་རྫིའི་མགྲིན་པར་ནུས་ཤུགས་ཧ་ཅང་འདོན་དགོས་པའི་ཡིན་། ཕྱོགས་གཞན་ནས་བཤད་ན་ཁྱེད་ཀྱི་འཛིན་མོས་མདུན་འཇོག་སྟེང་དུ་སློད་པོར་གཞུས་ སྐབས་སྒྲ་དེ་ཆེས་སློད་ཅིང་དམའ་ལ་ཤུགས་དེ་ཙམ་མེད་། དེའི་ཕྱིར་ཚན་རིག་པས་སྒྲ་དྲག་ཞན་གྱི་ཚད་མཇལ་(decibels)སྐབས་མཁའ་དབྱིངས་འཕུར་གྲུ་ལྟ་བུའི་སྒྲའི་དྲག་ཚད་༡༩༠དང་མཉམ་གྲོལ་རོལ་དབྱངས་དགོང་ཚོགས་༡༡༥་། འདུ་འཛི་ཆེ་པའི་ཁྲོམ་སྲང་༧༠་། སློབ་གྲྭའི་འཛིན་ཁང་ནང་༤༥་། སྟོན་ཁའི་ཤིང་ལོ་མར་ལྷུང་སྐབས་༡༠ བཅས་ཡིན་།
སྒྲ་དང་དངོས་པོ་།
Sound and matter
སྒྲའི་རླབས་རྒྱུན་གཡོ་འགུལ་ནི་འཇིག་རྟེན་འདིའི་དངོས་པོ་མཁྲེགས་པོ་(solids)དང་གཤེར་ཁུ(liquids)་། ཡང་ན་གསོལ་རླངས(gases)ཁོ་ ནར་བརྟེན་ནས་བྱུང་བ་ཞིག་ཡིན་ཞིང་། ཁྱེད་ཀྱིས་ཟླ་བའི་སྟེང་ནས་སྐད་ཆེན་པོའི་ངང་ཀུ་ཅི་ལྟར་འདེབས་རུང་སྒྲ་གང་ཡང་ མི་ཐོས་། རྒྱ་མཚན་ནི་ཟླ་བའི་སྟེང་ན་མཁའ་རླུང་ངམ་རླུང་གི་དཀྱིལ་འཁོར་ (atmosphere)མེད་ ལ་སྒྲའི་རྦ་རླབས་འཁྱེར་མཁན་གྱི་གསོལ་རླངས་ཀྱང་མེད་། སྒྲའི་རྦ་རླབས་མང་ཆེ་བ་དངོས་པོ་མཁྲེགས་པོ་བརྒྱུད་དེ་མགྱོགས་སུ་འགུལ་སྐྱོད་ བྱེད་ཀྱི་ཡོད་། དེའི་ཕྱིར་དངོས་པོ་མཁྲེགས་པོ་རིགས་ཀྱི་རྡུལ་ཕྲན་(atoms)དག་ ཕན་ཚུན་ཧ་ཅང་ཐག་ཉེ་ཞིང་མཉམ་དུ་འདུས་ནས་ཡོད་པས་སྒྲའི་རྦ་རླབས་རྡུལ་ཕྲན་གཅིག་ ནས་གཅིག་ལ་ཤིན་ཏུ་མགྱོགས་པོའི་ཚུལ་དུ་འགུལ་སྐྱོད་བྱ་ཐུབ་། ཡིན་ན་ཡང་སྒྲའི་རྦ་རླབས་དངོས་པོ་གཤེར་བའི་རིགས་ལས་དལ་ཞིང་སློད་པོའི་ངང་ འགུལ་སྐྱོད་བྱ་། རྒྱུ་མཚན་ནི་དེའི་རྡུལ་ཕྲན་རྣམས་ཕན་ཚུན་ཕྱོགས་རིང་དུ་གྱེས་ཤིང་སྒྲའི་རྦ་ རླབས་རྡུལ་ཕྲན་གཅིག་ནས་གཅིག་བརྒྱུད་དེ་འགུལ་སྐྱོད་བྱེད་པ་ཅུང་ཙམ་འགོར་། གསོལ་རླངས་ཀྱིས་སྒྲའི་རྦ་རླབས་འགུལ་སྐྱོད་བྱེད་པ་དངོས་པོ་གཤེར་ཁུ་ལས་ཀྱང་ འགོར་། རྒྱུ་མཚན་ནི་དེའི་རྡུལ་ཕྲན་རྣམས་ཕན་ཚུན་ཧ་ཅང་རིང་དུ་གྱེས་ཤིང་དེའི་རྡུལ་ ཕྲན་གཅིག་ནས་གཅིག་བརྒྱུད་དེ་སྒྲའི་རྦ་རླབས་འགུལ་སྐྱོད་བྱེད་པ་དངོས་པོ་གཤེར་ ཁུ་ལས་ཀྱང་འགོར་བ་ཡིན་།
འགྲོ་ བ་ཡོངས་འཇིག་རྟེན་འདིར་འཚོ་པར་སྒྲ་ནི་ཧ་ཅང་གལ་ཆེ་བ་ཞིག་ཡིན་ལ་སྒྲའི་དབྱངས་ རྟར་བརྟེན་ནས་ཕན་ཚུན་འབྲེལ་བ་བྱེད་ཀྱིན་ཡོད་ལ་སྒྲ་ལ་བརྟེན་ནས་རླུང་འཕྲིན་ ལས་གསར་འགྱུར་དང་སྙན་འཇེབས་ཆེ་བའི་རོལ་དབྱངས་སོགས་ཉན་ཀྱི་ཡོད་། ད་དུང་འུ་ཚོས་སྒྲ་ལ་བརྟེན་ནས་ཞབས་བྲོ་འང་རྒྱག་གི་ཡོད་། འུ་ཚོས་ཧ་ཅང་མཐོ་བའི་སྒྲ་ཐོས་སྐབས་བློ་བུར་དུ་གཡས་གཡོན་ལ་ལྟ་ཞིང་དེ་ཡིས་འུ་ ཚོའི་བདེ་འཇགས་སུ་རོགས་བྱེད་། ཡིན་ན་ཡང་། སྒྲ་དེ་གང་ཞིག་རེད་།
སྒྲའི་གཡོ་འགུལ་།
Sound Vibration
རོལ་ དབྱངས་མཁན་པོས་རྔའི་ངོགས་སུ་གཞུས་སྐབས་རྔ་ལས་གཡོ་འགུལ་ལམ་འགུལ་སྐྱོད་ལྡན་ པའི་རླབས་རྒྱུན་འབྱུང་ཞིང་དེར་བརྟེན་ནས་གཡོ་འགུལ་ལྡན་པའི་སྒྲ་འབྱུང་། ། དེ་ཡིས་ཉེས་འཁོར་གྱི་དངོས་པོ་དང་མཁའ་དབྱིངས་ཀྱི་རླུང་རྡུལ་ཀྱང་གཡོ་འགུལ་ བྱ་། གཡོ་འགུལ་ལྡན་པའི་སྒྲ་དེ་མཁའ་རླུང་བརྒྱུད་ནས་ཁྱེད་ཀྱིས་ཐོས་ཤིང་། དེས་ཁྱེད་ཀྱི་རྣའི་རྔ་ཆུང་ (eardrum) ཡང་གཡོ་འགུལ་བྱ་།
སྒྲའི་རྦ་རླབས་།
Sound Waves
ཁྱེད་ ཀྱིས་རྡོ་ཕྲན་གཅིག་ཆུའམ་མཚེའུ་ཞིག་གི་ནང་དུ་གཡུག་སྐབས་དེས་ཆུར་རྦ་རླབས་ བསྐྲུན་ཞིང་། རྦ་རླབས་དེ་ཀོར་ཀོར་ངང་ཕྱི་ལོགས་སུ་འཕྱོ་ཡོང་ལ་། འཕྱོ་ཡོང་བའི་རྦ་རླབས་དེའི་ནང་དུ་གཡོ་འགུལ་ཀྱི་སྒྲ་འབྱུང་ཞིང་སྒྲའི་རྦ་ རླབས་དེ་ཡང་ཟླུམ་པོ་ཚུལ་དུ་ཕྱི་རུ་འཕྱོ་ཡོང་། འོན་ཏེ་། དེ་རྣམས་ཡར་དང་མར་ད་དུང་གཡས་དང་གཡོན་བཅས་ཕྱོགས་ཡོངས་སུ་འཕྱོ་འགྲོ དེའི་ཕྱིར་ཁྱེད་ཀྱིས་ཐོས་བའི་སྒྲ་དག་ནི་སྐབས་རེ་འོག་དང་གོང་། མཚམས་རེ་ཁྱེད་ཀྱི་མཐའ་འཁོར་ནས་སླེབས་ཡོང་།
བྲག་ཅ་།
Echoes
སྒྲའི་རླབས་རྒྱུན་དེ་དངོས་པོ་ཧ་ཅང་མཁྲེགས་པོ་ངོགས་སུ་གཞུ་ཞིང་དེ་བྲག་ཅའི་ཚུལ་དུ་ཚུར་འཁོར་པར་གྲོང་འཁྱེར་གྱི་རླང་འཁོར་འཇོག་ས་(garage) ལྟ་བུའི་སྒོ་དོག་ཅིང་ངོས་ཡོད་ཚད་དངོས་པོ་མཁྲེགས་པོས་བཟོས་པ་ཞིག་གམ་ཡང་ན་ བྲག་རོང་གིས་ཁེངས་བའི་མཐོ་སྒང་བོད་པའི་བྲག་འགག་ཞིག་ནས་ཁྱེད་ཀྱིས་ཆེས་མཐོ་ བའི་སྒྲ་གང་ཞིག་བསྒྲོགས་ན་། སྒྲའི་དབྱངས་རྟ་དེ་ཕར་ཕྱོགས་སུ་བརྡབས་སྟེ་ཚུར་སྒྲ་འབྱུང་ཡོང་བའི་དེ་ནི་གོང་དུ་བཤད་པའི་བྲག་ཅ་ཞེས་པ་དེ་ཡིན་། ཕྱོགས་གཞན་ནས་བཤན་ན་དངོས་པོ་སོབ་སོབ་རིགས་ཉལ་ཆས་དང་ས་གདན་། ད་ དུང་ནང་ཆས་ལྟ་བུ་ཁྱེད་ཀྱི་སྡོད་ཁང་གི་ནང་དུ་ཉར་ཏེ་སྒོ་ཡོད་ཚད་བརྒྱབ་ཅིང་ཧ་ ཅང་མཐོ་བའི་ཀུ་ཅོ་གང་ཞིག་བརྒྱབ་ཀྱང་ཚུར་སྒྲ་གང་ཡང་མི་ཐོས་། རྒྱུ་མཚན་ནི་དངོས་པོ་སོབ་སོབ་རིགས་ཀྱིས་སྒྲ་ཕར་འཐེན་ཞིང་དངོས་པོ་དེའི་ནང་དུ་ཉར་ (absorb) འདུག་པས་ཡིན་། དེའི་ཕྱིར་ཁྱེད་ཀྱིས་དངོས་པོ་སོབ་སོབ་ཀྱི་རིགས་ནས་བྲག་ཅ་ཐོས་དཀའ་།
སྒྲའི་མཐོ་དམའ་དང་དེའི་འདར་རྒྱུན་།
Pitch and Frequency
ཤུག་ལུ་(whistle) ལྟ་བུའི་སྒྲ་ཧ་ཅང་མཐོ་ཞིང་དུང་ཆེན་(horn) གྱི་སྒྲ་གཏིང་རིང་ཞིང་དམའ་།
ཤུག་ལུ་ཡི་སྒྲའི་རྦ་རླབས་ཐ་དག་ཕན་ཚུན་བཉམ་དུ་ཐག་ཉེ་སར་ཡོད་པའི་དེའི་སྒྲས་མཁའ་རླུང་མགྱོགས་དམྱུར་ངང་གཡོ་འགུལ་བྱ་ཞིང་། དེའི་སྒྲའི་འདར་རྒྱུན་ཀྱི་ཚད་ཤིན་ཏུ་མཐོ་པས་འུ་ཚོའི་རྣ་ལམ་ན་སྒྲ་དེ་ཆེས་མཐོ་ཞིང་གཟན་པོ་ཡིན་། དུང་ཆེན་གྱི་སྒྲས་མདུན་གྱི་རླང་བུ་ཆེས་དལ་ཞིང་སློད་པོ་ངང་གཡོ་འགུལ་བྱ་ཞིང་དེའི་སྒྲའི་རྦ་རླབས་དག་ཐག་རིང་དུ་གྱེས་འགྲོ་། དེའི་ཕྱིར་། དེའི་སྒྲའི་འདར་རྒྱུན་གྱི་ཚད་དམའ་ཞིང་འུ་ཚོའི་རྣ་བར་སྒྲ་དེ་གཏིང་རིང་ལ་ཧ་ཅང་སློད་པོའམ་ཚད་དམའ་མོ་ཡིན་།
སྒྲའི་དྲག་ཞན་།
Volume
སྒྲའི་ དྲག་ཞན་ཞེས་བ་ནི་སྒྲ་གང་ཞིག་ཕན་ཚུན་སྡུར་པའི་ཆ་ནས་སྒྲའི་ཚད་དམའ་མོའི་རིགས་ ལ་སྒྲ་ཞན་པ་དང་སྒྲའི་ཚད་མཐོ་པའི་རིགས་ལ་སྒྲ་དྲག་པ་ཅེས་བཤད་པ་ཞིག་རེད་། དཔེར་ན་། ལུག་ རྫིས་རི་འགོ་ནས་སྐད་ཤུགས་ཆེན་པོའི་ངང་ཀུ་འདེབས་སྐབས་དེའི་སྒྲ་དྲག་ཅིང་ཚད་ མཐོ་། རྒྱུ་མཚན་ནི་། ཀུ་དེ་འདེབས་པར་ལུག་རྫིའི་མགྲིན་པར་ནུས་ཤུགས་ཧ་ཅང་འདོན་དགོས་པའི་ཡིན་། ཕྱོགས་གཞན་ནས་བཤད་ན་ཁྱེད་ཀྱི་འཛིན་མོས་མདུན་འཇོག་སྟེང་དུ་སློད་པོར་གཞུས་ སྐབས་སྒྲ་དེ་ཆེས་སློད་ཅིང་དམའ་ལ་ཤུགས་དེ་ཙམ་མེད་། དེའི་ཕྱིར་ཚན་རིག་པས་སྒྲ་དྲག་ཞན་གྱི་ཚད་མཇལ་(decibels)སྐབས་མཁའ་དབྱིངས་འཕུར་གྲུ་ལྟ་བུའི་སྒྲའི་དྲག་ཚད་༡༩༠དང་མཉམ་གྲོལ་རོལ་དབྱངས་དགོང་ཚོགས་༡༡༥་། འདུ་འཛི་ཆེ་པའི་ཁྲོམ་སྲང་༧༠་། སློབ་གྲྭའི་འཛིན་ཁང་ནང་༤༥་། སྟོན་ཁའི་ཤིང་ལོ་མར་ལྷུང་སྐབས་༡༠ བཅས་ཡིན་།
སྒྲ་དང་དངོས་པོ་།
Sound and matter
སྒྲའི་རླབས་རྒྱུན་གཡོ་འགུལ་ནི་འཇིག་རྟེན་འདིའི་དངོས་པོ་མཁྲེགས་པོ་(solids)དང་གཤེར་ཁུ(liquids)་། ཡང་ན་གསོལ་རླངས(gases)ཁོ་ ནར་བརྟེན་ནས་བྱུང་བ་ཞིག་ཡིན་ཞིང་། ཁྱེད་ཀྱིས་ཟླ་བའི་སྟེང་ནས་སྐད་ཆེན་པོའི་ངང་ཀུ་ཅི་ལྟར་འདེབས་རུང་སྒྲ་གང་ཡང་ མི་ཐོས་། རྒྱ་མཚན་ནི་ཟླ་བའི་སྟེང་ན་མཁའ་རླུང་ངམ་རླུང་གི་དཀྱིལ་འཁོར་ (atmosphere)མེད་ ལ་སྒྲའི་རྦ་རླབས་འཁྱེར་མཁན་གྱི་གསོལ་རླངས་ཀྱང་མེད་། སྒྲའི་རྦ་རླབས་མང་ཆེ་བ་དངོས་པོ་མཁྲེགས་པོ་བརྒྱུད་དེ་མགྱོགས་སུ་འགུལ་སྐྱོད་ བྱེད་ཀྱི་ཡོད་། དེའི་ཕྱིར་དངོས་པོ་མཁྲེགས་པོ་རིགས་ཀྱི་རྡུལ་ཕྲན་(atoms)དག་ ཕན་ཚུན་ཧ་ཅང་ཐག་ཉེ་ཞིང་མཉམ་དུ་འདུས་ནས་ཡོད་པས་སྒྲའི་རྦ་རླབས་རྡུལ་ཕྲན་གཅིག་ ནས་གཅིག་ལ་ཤིན་ཏུ་མགྱོགས་པོའི་ཚུལ་དུ་འགུལ་སྐྱོད་བྱ་ཐུབ་། ཡིན་ན་ཡང་སྒྲའི་རྦ་རླབས་དངོས་པོ་གཤེར་བའི་རིགས་ལས་དལ་ཞིང་སློད་པོའི་ངང་ འགུལ་སྐྱོད་བྱ་། རྒྱུ་མཚན་ནི་དེའི་རྡུལ་ཕྲན་རྣམས་ཕན་ཚུན་ཕྱོགས་རིང་དུ་གྱེས་ཤིང་སྒྲའི་རྦ་ རླབས་རྡུལ་ཕྲན་གཅིག་ནས་གཅིག་བརྒྱུད་དེ་འགུལ་སྐྱོད་བྱེད་པ་ཅུང་ཙམ་འགོར་། གསོལ་རླངས་ཀྱིས་སྒྲའི་རྦ་རླབས་འགུལ་སྐྱོད་བྱེད་པ་དངོས་པོ་གཤེར་ཁུ་ལས་ཀྱང་ འགོར་། རྒྱུ་མཚན་ནི་དེའི་རྡུལ་ཕྲན་རྣམས་ཕན་ཚུན་ཧ་ཅང་རིང་དུ་གྱེས་ཤིང་དེའི་རྡུལ་ ཕྲན་གཅིག་ནས་གཅིག་བརྒྱུད་དེ་སྒྲའི་རྦ་རླབས་འགུལ་སྐྱོད་བྱེད་པ་དངོས་པོ་གཤེར་ ཁུ་ལས་ཀྱང་འགོར་བ་ཡིན་།
Monday, August 30, 2010
༄༅།། གདན་སའི་སློབ་གཉེར་ཡར་རྒྱས་གཏོང་ཕྱོགས་ཀྱི་བསམ་ཚུལ།
སེར་བྱེས་ར་རྒྱ་བློ་བཟང་དཔལ་ལྡན།
བོད་མི་རིགས་ཙམ་དུ་མ་ཟད་འཛམ་གླིང་སྤྱིའི་ཤེས་རིག་གི་མ་ཡུམ་ལྟ་བུར་གྱུར་པའི་ནང་བསྟན་ཆོས་ལུགས་སློབ་གཉེར་བྱེད་པོ་དག་ལ་སྤུས་ཚད་ཡག་པོ་ཞིག་མ་འཛོམས་ན་བོད་མི་རིགས་ཀྱི་མཚང་དང༌། ནང་བསྟན་ཆོས་ལུགས་ཀྱི་ཕམ་ཁ་ཉག་གཅིག་ཡིན། དེའི་ཕྱིར་དགོན་སྡེ་ཁག་གི་དུས་རབས་ཀྱི་འགྲོས་དང་བསྟུན་ནས་སློབ་གཉེར་ལམ་སྲོལ་དང་དེའི་གལ་ཆེན་རང་བཞིན་གྱིས་མི་རྣམས་ཀྱི་བློ་ཡིད་འགུག་ཐུབ་པ་ཞིག་ངེས་པར་བཟོ་དགོས། གང་མགྱོགས་ཀྱིས་དེ་ལྟར་བཟོ་མ་ཐུབ་ན་ཉམས་ཉེས་སུ་འགྲོ་པར་ཐག་ཆོད་པ་ཞིག་རེད། ནམ་རྒྱུན་གྲྭ་བའི་ཀུན་སྤྱོད་མི་ལེགས་པ་དང་ཁྱིམ་པ་སུན་འབྱིན་གྱི་ལས་གསོག་རབས་ཀྱི་སྐད་ཆ་དེ་ཡང་ཉུང་དུ་གཏོང་རྒྱུར་ང་ཚོས་ལག་ལེན་ཁྲོད་ཐབས་ཤེས་ལ་བསྟེན་ནས་བྱེད་དགོས་པ་ཞིག་རེད། གནས་སྟངས་འདི་ལ་དགོངས་ནས་ྋགོང་ས་སྐྱབས་མགོན་ཆེན་པོས་དེང་རབས་ཅན་གྱི་ངོ་བོ་ནི་དེང་དུས་ཀྱི་སློབ་གསོ་ལ་རག་ལས་ཤིང་། ཚན་རིག་དང་འཕྲུལ་ལས་ལ་བྱང་བར་བྱེད་པ་ནི་དེང་རབས་ཀྱི་སློབ་གསོའི་སྙིང་པོ་ཡིན་པ་ངས་སྐབས་དེར་རྟོགས། ང་རང་སྒེར་ནས་སློབ་གསོའི་ལས་གཞི་འདིར་འཆང་བའི་ཆོད་སེམས་དེ་ད་དུང་ཡང་འགྱུར་མེད་པས། ཐ་ན་ཕུལ་དུ་བྱུང་བའི་གནའ་རབས་ཀྱི་ནང་ཆོས་གཙོ་བོ་ཁྲིད་སའི་དགོན་སྡེ་ཁག་གི་ཁྲིད་གཞིའི་སློབ་ཚན་ལའང་ཚན་རིག་འཇོག་དགོས་པའི་སྐུལ་མ་གཏོང་གི་ཡོད་ཅེས་ལོ་ནས་ལོ་བསྟུད་གདན་ས་ཁག་ལ་ཚན་རིག་གི་སློབ་ཚན་འཛུགས་དགོས་པ་དང༌། གྲྭ་བས་ཚན་རིག་སྦྱོང་དགོས་པ། མི་དམངས་ཀྱིས་གཞུང་ཆེན་ཁག་ལ་སློབ་སྦྱོང་བྱེད་དགོས་པའི་བཀའ་སློབ་རླབས་ཆེ་བ་དེ་དག་གསུང་བཞིན་པ་རེད། དེ་ནི་གདན་སའི་སློབ་གཉེར་གཅིག་པུའི་གནད་དོན་ཞིག་ཀྱང་མིན་པར་བོད་མི་རིགས་ཀྱི་སྐད་ཡིག་ཕུན་སུམ་ཇེ་ཚོགས་སུ་གཏོང་བ་དང༌། ནང་བསྟན་ཆོས་ལུགས་ཀྱི་སློབ་གཉེར་ཁང་རྣམས་ཀྱི་དུས་རབས་གསར་བའི་མི་དམངས་ཀྱི་འདོད་བློ་སྐོང་ཐུབ་པ་ཞིག་འོངས་པའི་ཆེད་དུ་རེད། རང་ཅག་གིས་ཀྱང་ྋགོང་ས་སྐྱབས་མགོན་ཆེན་པོ་རླབས་ཆེའི་བཀའ་སློབ་དེ་དག་སྣང་མེད་དུ་མ་བཞག་པར་སློབ་གཉེར་བའི་ཁྲིད་གཞིའི་སློབ་ཚན་ནང་དུ་ཚན་རིག་འཇོག་ཐུབ་བྱེད་པའམ་ད་ལྟའི་གདན་སའི་ཁྲོད་ཀྱི་ཚན་རིག་འཛིན་གྲྭ་འདི་ཡར་རྒྱས་གོང་འཕེལ་དུ་གཏོང་ཅི་ཐུབ་བྱ་དགོས་པར་མཐོང་། གང་ལྟར་གྲྭ་བ་རྣམས་ཀྱིས་ཚན་རིག་དང་དབྱིན་སྐད་སོགས་མི་རིགས་གཞན་གྱི་ཤེས་རིག་སྦྱང་རྒྱུ་ནི་ྋགོང་ས་མཆོག་གིས་དགོངས་གཞི་ཡིན་པ་མ་ཟད། བོད་མི་རིགས་ཀྱི་མ་འོངས་པའི་དར་རྒུད་ལ་ཐད་ཀར་འབྲེལ་བའི་གནད་དོན་གལ་ཆེན་ཞིག་ཡིན།
ྋགོང་ས་སྐྱབས་མགོན་ཆེན་པོ་མཆོག་གིས་བོད་ཀྱི་གནའ་རབས་ཀྱི་རིག་གཞུང་དང་ཆོས་གཅིག་པུ་ཤེས་པ་ལས། དེང་དུས་འཛམ་གླིང་གི་ཤེས་ཡོན་མ་ཤེས་ན་མི་ཕྱེད་ཀ་ལྟ་བུ་ཡིན། ཡང་དེང་དུས་ཀྱི་ཤེས་ཡོན་ཤེས་པ་ལས་བོད་རང་ལ་གནའ་རབས་ནས་ཡོད་པའི་བཟང་པོའི་ཤེས་ཡོན་དེ་དག་མ་ཤེས་ན་མི་ཕྱེད་ཀ་ལྟ་བུ་ཞིག་ཡིན། སོ་སོའི་ཤ་ཁྲག་རུས་གསུམ་བོད་མི་ཡིན་ནའང་ངོ་ཐོག་བོད་པའི་དྲི་མ་ཁ་བའི་ཁྱད་ཆོས་མ་ཚང་ན་བོད་པ་ཕྱེད་ཀ་ལྟ་བུ་ཡིན། དེར་བརྟེན་ང་ཚོའི་མི་རབས་གསར་པ་ཚོས་དུས་རབས་ཉི་ཤུ་པ་དང་དུས་རབས་ཉེར་གཅིག་པའི་རྗེས་ཟིན་ཐུབ་པ་ཞིག་དང༌། དུས་ཚོད་ཀྱི་འགྱུར་འགྲོས་དང་བསྟུན་ནས་མཉམ་དུ་འགྲོ་ཐུབ་པ་ཞིག་དགོས། ཞེས་གསུངས་པ་ལྟར་སློབ་གཉེར་འཕེལ་རྒྱས་དང་སྤུས་ཚད་ཡག་པོའི་འཛོམས་ཐབས་ཀྱི་འཆར་འགོད་ལག་ལེན་དང་བཅས་པ་གཏན་ལ་འབེབ་རྒྱུ་ཕྱི་དྲགས་པ་ལས་སྔ་དྲགས་མེད། དཔེར་ན། ༸གོང་ས་མཆོག་གིས་སྔར་ནས་ཡང་དང་ཡང་དུ་གསུངས་པའི་དགེ་ལུགས་སྤྱི་ལ་ཁྱབ་པའི་སྒྲིག་གཞི་དགོས་སྐོར་གསུངས་པ་དེ་ཡང་གདན་ས་གསུམ་ལ་སློབ་གཞི་གཅིག་གྱུར་དང་སློབ་ཚན་གཅིག་གྱུར་འཛིན་གྲྭའི་འགྲོ་སྟངས་གཅིག་གྱུར། དགེ་བཤེས་དང་མིང་བཏགས་ཀྱི་རིམ་པ་གཅིག་གྱུར། དེ་དག་གི་འཛིན་སྐྱོང་དང་སྒྲིག་གཞི་གཅིག་གྱུར་བཅས་ནི་དགེ་ལུགས་སྤྱི་ལ་ཁྱབ་པའི་སྒྲིག་གཞི་དགོས་སྐོར་གསུངས་པའི་བཀའ་སློབ་དེ་དག་གི་ནང་སྙིང་ལྟེ་བ་དེ་ཡིན་ཡང་ང་ཚོས་ཇི་བཞིན་བསྒྲུབས་ཐུབ་མེད། ྋགོང་ས་མཆོག་གིས་ཐུགས་ཕམ་ཆེན་པོས་གསུངས་དོན། ང་ཚོས་གཞུང་ལུགས་དེ་དག་ད་ལྟ་རྩེད་ཆས་ལྟ་བུར་གྱུར་ཏེ། ནང་དོན་གོ་ཐབས་ལ་བསམ་བློ་གཏོང་མི་དགོས། བསྟན་དོན་ཉམས་ལེན་ལ་སྦྱོར་མི་དགོས། མི་ཚེའི་རིང་ཁྱབ་མཐའ་དང་རྟགས་གསལ་གྱིས་སྐྱེལ་བ་ནི་བློ་ཕམ་དགོས་པ་དང༌། དགེ་ལུགས་པའི་ཞབས་འདྲེན་ལྟ་བུ་རེད་ཅེས་བཀའ་གནང་ཡོད་པ་རེད། བཀའ་སློབ་འདི་ཙམ་གྱིས་ཀྱང་ང་ཚོས་སློབ་གཉེར་བྱེད་ཕྱོགས་ལ་འགྱུར་བ་ཅི་འདྲ་གཏོང་དགོས་མིན་གསལ་སྟོན་བྱས་ཡོད་པ་རེད། མདོར་ན་སློབ་གཉེར་ཡར་རྒྱས་ཀྱི་འགོག་རྐྱེན་ཆེ་ཤོས་ནི་སྒྲིག་འཛུགས་དང་འཛིན་སྐྱོང་གིས་ངོས་ནས་སློབ་གསོའི་སྒྲིག་གཞི་དང་འཆར་བཀོད་འཐུས་ཚང་ཞིག་མེད་པ་དེ་རེད། དེར་བརྟེན་སློབ་ཐོན་པའི་ཁྲོད་ནས་༸གོང་ས་སྐྱབས་མགོན་ཆེན་པོའི་ཐུགས་རེ་ལྟར་གྱི་སློབ་གཉེར་བ་ཧ་ཅང་ཉུང་ངུ་ཞིག་ལས་ཐོན་ཐུབ་ཀྱི་མེད།
འོ་ན་ཇི་ལྟར་བྱེད་དགོས་ཞེ་ན་སློབ་གཉེར་བ་རྣམས་ལ་མ་མཐའ་ཡང་སྤྱི་ཚོགས་སློབ་གསོ་དང་བོད་ཡིག་གི་རྨང་གཞི་བརྟན་པོ་ཡོད་པ་དང༌། དགོས་མེད་ཀྱི་ཚིག་འཁྲི་སྐམ་པོའི་རྟགས་གསལ་ཇེ་ཉུང་དུ་གཏོང་བ་དང༌། གདན་ས་གསུམ་གྱི་དབུ་ཕར་དང་མཛོད་རྣམ་འགྲེལ་བཅས་ཀྱི་སློབ་གཞི་གཅིག་གྱུར་ཡིན་པ། སློབ་གཉེར་བས་གཞུང་ཆེན་ཁག་གི་རྩ་འགྲེལ་དང་སྡོམ་གང་བློ་འཛིན་བྱེད་དགོས་མིན་སློབ་གཉེར་བ་དྲག་གྲས་རྣམས་དང་ཉམས་མྱོང་ཅན་རྣམས་ཀྱི་བསམ་ཚུལ་གཞི་རྩར་བཞག་སྟེ་ཕྱོགས་ཞེན་གྱི་དབང་དུ་མ་སོང་བར་བསྒྱུར་བཅོས་གཏོང་དགོས་རིགས་དུས་ཐོག་བསྒྱུར་བཅོས་དང་གཏན་འབེབས་བྱེད་དགོས། ལོ་རེའི་རྒྱུགས་སྤྲོད་གང་ཞིག་འཕྲོད་དང་མ་འཕྲོད་པའི་ས་མཚམས་གསལ་ཞིང་ལག་ལེན་ལ་གཙང་མར་འགེལ་རྒྱུ། ཞབས་བརྟན་དང་ཚོགས་འཚོགས་རྒྱུ་ཉུང་དུ་གཏོང་རྒྱུ། འཛིན་གྲྭ་གང་ཞིག་ལ་དཔེ་ཁྲིད་དགེ་རྒན་དམིགས་འཛུགས་ཀྱིས་གཏན་འབེབས་བྱེད་པ། དཔེ་ཁྲིད་དགེ་རྒན་རྣམས་ལ་བོད་གཞུང་དང་གྲྭ་ཚང་ནས་གཟིགས་བཟོས་དང་ཟླ་ཕོགས་སྤྲོད་པ། སློབ་གཉེར་བ་དཔེ་ཁྲིད་ལ་འགྲོ་མིན་ཐད་སྒྲིག་འཛུགས་ཀྱི་ངོས་ནས་མི་སྣ་ཆེད་བསྐོས་ཀྱིས་བལྟ་རྟོག་བྱེད་པ། བགྲོ་གླེང་དང༌། ཚིག་འགྲེལ། གཞུང་གི་གོ་རིམ་སྒྲིག་རྒྱུ་མང་དུ་གཏོང་བ། མི་རེ་རེ་བཞིན་སྐབས་སུ་བབ་པའི་རྩོད་གཞུང་རེ་རེའི་དོན་དག་དང༌། དོན་དག་དེ་སྒྲུབ་བྱེད་ཀྱི་རིགས་ལམ་ཅི་ཡོད་སྦྱངས་བཤད་བྱེད་དུ་འཇུག་པ། དེ་ལ་འཛིན་གྲོགས་གཅིག་པའམ་ཡང་ན་འཛིན་གྲྭ་གོང་རིམ་ནས་དོགས་འདྲི་བྱེད་པ། འཛིན་གྲྭའི་ནང་གཞུང་ཆེན་ཁག་ལ་བརྡར་ཤ་གཅོད་མི་ཐུབ་མཁན་རྣམས་ལ་རིགས་གནས་ཆུང་ཁག་གི་སློབ་གཞི་གོ་སྒྲིག་བྱེད་དགོས། གཞི་གསུམ་གྱི་ཕྱག་ལེན་དང་དེའི་དགོས་དམིགས། སྡོམ་གསུམ་གྱི་བསླབ་བྱ་གཉིས་ཡང་ནས་ཡང་དུ་ངོ་སྤྲོད་བྱེད་པ། འཛིན་གྲྭ་ཐོན་མཚམས་སུ་བཀའ་རིམ་འཛིན་གྲྭའི་ནང་སྤུངས་གསོག་བྱས་ནས་མི་འཇོག་པར་རང་ཉིད་ཀྱི་ཤེས་ཚད་དང་བསྟུན་པའི་མིང་བཏགས་སྤྲོད་པ། གལ་སྲིད་ལོ་ཤས་རིང་བཀའ་རིམ་འཛིན་གྲྭར་སྤུངས་གསོག་བྱེད་དགོས་བྱུང་ན་རྒྱལ་སྲས་ཞི་བ་ལྷའི་སྤྱོད་འཇུག་ཆེན་མོ་དང་། རྗེ་བླ་མའི་ལམ་རིམ་ཆེ་ཆུང་གི་མཚོན་པའི་གནའ་དེང་གི་རིག་གནས་ཁྲིད་གཞིའི་སློབ་ཚན་གོ་སྒྲིག་བྱེད་དགོས་པ་ལས་ད་ལྟ་ནང་བཞིན་སྣང་མེད་དུ་གཏོང་མི་རུང་།
ལོ་རེ་བཞིན་གྲོས་ཚོགས་འཐུས་མི་རྣམས་དང་མཁས་པའི་ལྷན་ཚོགས་ཀྱི་ཚོགས་མི་ཡོངས་དང་གྲྭ་ཚང་འདིའི་སློབ་གཉེར་བ་དྲག་གྲས་རྣམས་མཉམ་འཛོམས་ཐོག་སློབ་གཉེར་ཡར་རྒྱས་གཏོང་ཕྱོགས་དང་འབྲེལ་བའི་བགྲོ་གླེང་ཐེངས་གཅིག་ངེས་པར་འཚོགས་དགོས། དེ་ཙམ་མ་ཟད་སློབ་གཉེར་ཐོན་མཚམས་སུ་སློབ་ཐོན་གྱི་ཕྱག་འཁྱེར་ཙམ་སྤྲོད་རྒྱུར་གནད་འགག་ཆེར་མེད་ཀྱང་ཚད་ལྡན་གྱི་ཤེས་ཚད་མེད་མཁན་ལ་གཞུང་ལུགས་རབ་འབྱམས་པའི་ཕྱག་འཁྱེར་དང་། རིགས་གཅིག་རྐང་འཛིན་གྱི་ཕྱག་འཁྱེར་སྤྲད་ན་སྤྱི་ཚོགས་ནང་ཕྱག་འཁྱེར་གྱི་མཐོང་ཆག་སྟེ་མ་འོངས་པར་ཕྱག་འཁྱེར་འདི་རིགས་འཁྱེར་མཁན་ལ་སྤྱི་ཚོགས་ནང་བརྩི་མཐོང་མེད་པར་འགྲོ་ངེས་རེད། དེས་བོད་ཀྱི་མཁས་དབང་དང་བོད་ཀྱི་ཤེས་རིག་གི་མ་འོངས་པར་གྱོང་གུད་ཐེབས་རྒྱུ་ཡིན་པས་ཡིད་གཟབ་དགོས་གལ་ཆེ། དཔེར་ན་དབུ་ཕར་རབ་འབྱམས་པའི་ཕྱག་འཁྱེར་སྤྲོད་ས་དེ་དབུ་ཕར་གང་ཡིན་དབུ་ནས་མཇུག་བར་གྱི་ལོ་རེའི་བྲིས་རྒྱུགས་དང། རྩོད་རྒྱུགས། ཟུར་སྦྱོང་སློབ་ཚན་བཅས་ཀྱི་གྲུབ་འབྲས་ཕྱོགས་བསྡོམས་བྱས་ཏེ་ཨང་དང་པོའི་རྣམས་ལ་མ་གཏོགས་ཕུལ་མི་རུང་། དེ་བཞིན་ནང་དོན་རིག་པའི་རིགས་གཅིག་རྐང་འཛིན་བྱེད་མཁན་རྣམས་ལ་ཡང་ཆེད་སྦྱོང་གི་གྲུབ་འབྲས་རྩེ་ཕུལ་རྣམས་ལ་མ་གཏོགས་ཕྱག་འཁྱེར་སྤྲོད་མི་རིགས། སློབ་གཉེར་དྲག་དྲས་རྣམས་རྒྱལ་ཕྱི་ནང་གི་མཐོ་སློབ་ཁག་ལ་ཟབ་སྦྱོང་གང་མང་གཏོང་ཐུབ་ཐབས་བྱེད་དགོས། དུས་ཚོད་དམ་འཛིན་དང་ནམ་རྒྱུན་སློབ་གཉེར་བའི་སྒྲིག་ལམ་ཚགས་ཇེ་དམ་དུ་གཏོང་བ་བཅས་ནི་གདན་སའི་སློབ་གཉེར་འཕེལ་རྒྱས་དང་སྤུས་ཚད་ཇེ་མཐོར་གཏོང་བ་ལ་རྨ་གཞིའི་གྲུབ་ཆ་དག་རེད། འདི་ལྟར་ལག་ལེན་ལ་ཁེལ་ཐུབ་ན་བོད་ནང་ཁུལ་ལ་ནང་བསྟན་སློབ་གཉེར་བ་སྤུས་ལེགས་ཤིག་སྐྱེད་སྲིང་བྱེད་ཐུབ་པར་ཐེ་ཚོམ་ཅི་ཡང་མེད། དེ་ལྟ་མིན་པར་འདུལ་བ་མ་སླེབས་པར་སྡོམ་གསུམ་བསླབ་བྱའི་མིང་ཙམ་ཡང་མི་ཤེས་ཤིང༌། འདུལ་བའི་བཅོས་མཚམས་དང་དགོས་དམིགས་ཅི་ཡང་མི་ཤེས་པའི་དུག་གསུམ་རྒྱུད་ལྡན་གྱི་གང་ཟག་རྣམས་ཚོགས་གཏམ་དང་འགྱིག་ཐག་གིས་ནམ་ཡང་འདུལ་དཀའ་ཞིང༌། སློབ་གཉེར་བ་རྣམས་ལ་སློབ་གཞི་སློབ་འདོད་ཀྱི་འདུན་པ་དེ་ཡང་ཡོང་དཀའ་བ་ཞིག་རེད།
༸གོང་ས་མཆོག་གིས་ལས་རིགས་གང་དང་གང་ཞིག་ཡིན་ཡང་རང་རྐྱ་འཕེར་བའི་སྒོ་ནས་བསམ་བློ་གཏོང་ཐུབ་པ་དང༌། འཆར་གཞི་བཀོད་ཐུབ་པ། ལག་ལེན་བྱེད་ཐུབ་པ་བཅས་ཀྱི་རིགས་གཅིག་རྐང་འཛིན་པ་ཐོན་པ་བྱེད་དགོས། རིགས་གཅིག་རྐང་འཛིན་གྱི་མི་བཅུ་བྱུང་ཡང་དེའི་ཚོད་ཀྱི་ནུས་པ་ཐོན་རྒྱུ་དང༌། མི་བརྒྱ་ཐམ་པ་བྱུང་ནའང་དེའི་ཚོད་ཀྱི་ནུས་པ་ཐོན་རྒྱུ་རེད་ཅེས་ངས་འབོད་སྐུལ་རིམ་པར་བྱས་པ་ཡིན། དེ་ལྟར་འབོད་སྐུལ་བྱས་ཏེ་ལོ་སུམ་ཅུ་ཙམ་ཕྱིན་སོང༌། ཐོག་མའི་ལོ་ཉི་ཤུ་ང་ཚོས་རྐང་པ་འཛུགས་ཐབས་བྱས་པ་དང༌། དེ་རྗེས་ཀྱི་ལོ་སུམ་ཅུ་མ་ཟིན་ཙམ་རིང་ང་ཚོས་ཡར་རྒྱས་གཏོང་རྒྱུ་དང༌། ཚགས་ཚུད་གཏོང་རྒྱུའི་ལས་ཀ་དེ་དག་ཡག་པོ་ཞིག་བྱུང་ཨེ་ཡོད་བསམ་གྱི་འདུག་ཅེས་གསུངས་པ་ལྟར་ྋགོང་ས་སྐྱབས་མགོན་ཆེན་པོའི་ཐུགས་རེ་ཇི་བཞིན་བོད་མི་རིགས་ཀྱི་མ་འོངས་པའི་དར་རྒྱས་ལ་ཕན་རླབས་ཆེན་པོ་བསྐྲུན་ནུས་པའི་སློབ་གཉེར་བ་ཞིག་སྐྱེད་སྲིང་བྱེད་པ་ལ་ད་དུང་དེ་ཙམ་གྱིས་མི་ཆོག་པར། བོད་ཀྱི་སྐད་ཡིག་དང་ཆོས་ལུགས་ཀྱི་སློབ་ཚན་རྣམས་གཞིར་བཞག་པའི་ཐོག། ཨང་རྩིས་དང༌། ཚན་རིག དེང་རབས་སེམས་ཁམས་རིག་པ། དབྱིན་ཇི་དང༌། ལེགས་སྦྱར། པ་ལིའི་སྐད་སོགས་སྐད་རིགས་གཞན་པ་དང༌། གཞུང་ལུགས་བྱེ་བྲག་པ་དང༌། གྲུབ་མཐའ་བྱེ་བྲག་པ། རྒྱུད་སྡེ་བྱེ་བྲག་པ་སོགས་ཀྱི་ཆེད་སྦྱོང་གི་སློབ་ཚན་ཀྱང་ངེས་པར་དུ་གྲ་སྒྲིག་བྱེད་དགོས་པ་དང་། སློབ་གཉེར་དྲག་གྲས་ནང་ནང་དོན་རིགས་པའི་རིགས་གཅིག་རྐང་འཛིན་གྱི་ལས་གཞི་གོ་སྒྲིག་བྱེད་མ་ཐུབ་ཀྱང་ལྷ་རམས་ཐོན་ཟིན་པ་རྣམས་ལ། རང་རང་གི་འདོད་མོས་བཞིན་གཞུང་ལུགས་བྱེ་བྲག་པ་ཞིག་ལ་རིགས་གཅིག་རྐང་འཛིན་བྱེད་དགོས་ཚུལ་གྱི་སྐུལ་འདེད་བྱེད་རྒྱུ་དང་། རིགས་གཅིག་རྐང་འཛིན་ཐོན་མཚམས་སུ་ཨང་རིམ་ལ་གཞིགས་ནས་སློབ་གཉེར་བའི་འཛིན་གྲྭའི་དགེ་རྒན་ལ་དམིགས་འཛུགས་བྱེད་དགོས།
དེ་རྣམས་ཀྱིས་གཞུང་ལུགས་ཁག་ལ་རིགས་གཅིག་རྐང་འཛིན་བྱེད་སྐབས་སུ་དགོས་ངེས་ཀྱི་རྨང་གཞིའི་ཆ་རྐྱེན་ཁག་ཅིག གཞུང་དེའི་ཁུངས་གཏུག་སའི་མདོ་དང་བསྟན་བཅོས་ལ་འགྱུར་ཁྱད་ཡོད་མེད་དང་། འགྱུར་ཁྱད་ཀྱི་དབང་གིས་མཁས་པའི་བཞེད་ཚུལ་མི་མཐུན་པ་བྱུང་ཡོད་མེད། རྐང་འཛིན་བྱེད་སའི་གཞུང་དེའི་རྩོམ་པ་པོ་དང་། དེས་ཡུལ་གང་དུ། རྒྱུ་རྐྱེནཅི་འདྲ་ཞིག་གི་འོག་ཏུ། ཚུལ་ཇི་ལྟར་བརྩམས་པ་དང་། རྩོམ་པ་པོས་སློབ་མ་སུ་དང་དེས་གང་དང་གང་ལ་འཆད་ཉན་སྤེལ་བ་དང་། དུས་ཚིགས་སོ་སོར་ཡུལ་ཕྱོགས་གང་ནས་གང་དུ་ཁྱབ་ཡོད་མེད། བོད་དུ་དུས་ནམ་ཞིག་དང་། རྒྱལ་པོ་གང་ཞིག་གི་བཀའ་ལུང་འོག་པཎྜི་ཏ་དང་ལོ་ཙྭ་བ་སུ་དང་གང་གིས་ཐོག་མར་བསྒྱུར་བ་དང་། འགྱུར་བཅོས་ག་ཚད་ཕྱིན་ཡོད་མེད། གཞུང་སོ་སོར་འགྲེལ་བ་འགྲེལ་བཤད། སྤྱི་མཐའ་དཔྱོད། མཆན་དང་། ཟིན་བྲིས་ཁག་ག་ཚད་བྱུང་བ། གཞུང་སོ་སོར་སྐབས་དང་རབ་བྱེད་ལེའུ་སོགས་ག་ཚད་ཀྱིས་གྲུབ་ཡོད་མེད་དང་། ཤོག་ལྡེབ་ཅི་ཙམ་བཞུགས་པ། གང་དུ་དཔར་སྐྲུན་གནང་བ། གོང་གསལ་དེ་ཁག་འཕེལ་དང་འགྲིབ། དེས་བོད་ཀྱི་སྤྱི་ཚོགས་དང་རིག་གཞུང་ལ་ཤུགས་རྐྱེན་ཅི་ཙམ་ཐེབས་ཡོད་མེད་ཁ་གསལ་ཐོག་དཀའ་གནས་གང་དང་གང་ཡོད་ཚུལ། དེ་ལ་མཁས་པ་གཞན་གྱིས་བཤད་ཚུལ་མི་མཐུན་པ་གང་ཡོད། རང་ཉིད་ཀྱི་འདོད་ཕྱོགས་གང་ཡིན་པ་དང་དེའི་རྒྱབ་ལྗོངས་སུ་ལུང་རིགས་གང་ཡོད། ལྷག་པར་རིགས་པས་སྒྲུབ་བྱེད་གང་ཡོད་སོགས་གནད་དུ་ཁེལ་བའི་དངོས་ཐོག་བདེན་འཚོལ་གྱི་རིགས་པས་སྒྲུབ་བྱེད་ལྡན་པའི་རྩོམ་ཤོག་བྲིས་ནས་ཡིག་ངག་གཉིས་ཐོག་ནས་རྒྱུགས་སྤྲོད་བྱེད་དགོས།
དེ་ལྟར་བྱས་ན་རྒྱལ་སྤྱིའི་ཚད་གཞི་ཅན་གྱི་ནང་བསྟན་མཚན་ཉིད་རིག་པའི་མཁས་དབང་མང་པོ་ཞིག་སྐྱེད་སྲིང་བྱེད་ཐུབ་པ་དང༌། ཆོས་ལུགས་འདིའི་མ་འོངས་པའི་རྒྱུད་འཛིན་ཐད་ཀྱི་སེམས་ཁྲལ་དེ་ཡང་ཞི་ངེས་པར་མ་ཟད། བོད་བརྒྱུད་ནང་བསྟན་གྱི་སྙན་གྲགས་ད་ལྟ་ལས་ཀྱང་རྒྱས་པ་དང༌། བོད་བརྒྱུད་ནང་བསྟན་འབུམ་རམས་པའི་གོ་མིང་དེ་ཡང་བདེ་བླག་ཏུ་འབྱུང་ངེས་ཤིག་རེད། དེ་ལྟའི་འཆར་གཞི་དང་ལག་ལེན་མྱུར་དུ་མགོ་འཛུགས་དགོས་ཏེ། རང་ཅག་མ་གཏོགས་བོད་བརྒྱུད་ནང་བསྟན་གྱི་ལ་རྒྱ་དང་དེའི་འཕེལ་རྒྱས་ལ་ཤ་ཚ་བྱེད་མཁན་སུ་ཞིག་ཡོད། ༸གོང་ས་མཆོག་གིས། དེ་བཞིན་ཆོས་རྒྱུད་ཁག་གི་བཤད་གྲྭ་ཚོ་ཧ་ཅང་ཡག་པོ་ཡོད། ད་དུང་ཡར་རྒྱས་གཏོང་དགོས་ཞེས་སྔ་ལོ་ང་ཚོ་སྐད་ཆ་བྱུང༌། ཉམས་པ་སོར་ཆུད་དང་མི་ཉམས་གོང་འཕེལ་ཞེས་པའི་ཚིག་གཉིས་པོ་འདིའི་ནང་ང་ཚོས་ལས་ཀ་བྱེད་རྒྱུ་མང་པོ་ཡོད་པ་དེ་ལ་ང་ཚོས་བསམ་བློ་གཏོང་དགོས་ཞེས་སྐད་ཆ་བྱུང༌ཞེས་གསུངས་པ་ལྟར་མི་ཉམས་གོང་འཕེལ་དུ་གཏོང་ཚུལ་ལ་འབྲེལ་ཡོད་ཚང་མས་བློ་རྩེ་གཅིག་སྒྲིམ་གྱིས་བསམ་བློ་གཏོང་རྒྱུ་གལ་གནད་ཤིན་ཏུ་ཆེ་བས་དེ་དོན་ཐུགས་མངའ་ཡོང་བ་ཞུ།
གོང་དུ་བཤད་པའི་སྐད་ཆ་འདི་དག་ལྷག་བསམ་རྣམ་པར་དག་པའི་ངང་ྋགོང་ས་སྐྱབས་མགོན་པོའི་ཐུགས་བཞེད་འགྲུབ་ཐུབ་པ་དང༌། བོད་མི་རིགས་ཀྱི་ཆོས་དང་རིག་གཞུང་དུས་རབས་འདིའི་ནང་རང་རྐྱ་འཕེར་བའི་ངང་ཡར་རྒྱས་སུ་འགྲོ་ཐུབ་པ། ད་ལྟ་དང་མ་འོངས་པའི་གདན་སའི་སློབ་གཉེར་བ་རྣམས་ཀྱི་མི་ཚེའི་མདུན་ལམ་དོན་ལྡན་ཞིག་འོང་ཐབས་ལ་རང་གི་རྣམ་དཔྱོད་ཀྱིས་ལྕོག་ཚོད་ཅིག་བཤད་པ་ལས། རང་དོན་སྒྲུབ་ཐབས་དང༌། ཡང་ན་སྐད་གྲགས་འགྲོ་ཐབས། རང་རེའི་ལས་ཀྱི་སྣེ་མོར་གཏོགས་པ་རྣམས་ལ་ལྟ་ཚུལ་ངན་པ་འཆང་བ་སོགས་གཏན་ནས་མིན་པས་གཟིགས་པོ་རྣམས་ཀྱིས་ཞིབ་འཇུག་གཟབ་ནན་དང༌། ཐུགས་དཀྱེལ་ཆེན་པོ་ཞིག་གནང་པའི་རེ་བ་དང་ཡིད་ཆེས་རྩེ་གཅིག་ཏུ་བྱེད་བཞིན་ཡོད། སྤྱི་ལོ་ ༢༠༡༠ ལོའི་ ༠༨ ཚེས་ ༠༨ ཉིན།
ཁོ་བོས་༢༠༠༧་ལོར་དུས་རབས་གསར་པའི་དགོན་སྡེའི་སློབ་གསོའི་ཁ་ཕྱོགས་ལ་ཅུང་ཟད་དཔྱད་པ་ཅེས་པའི་རྩོམ་ཡིག་ཅིག་སྤེལ་ཟིན་པ་དེའི་སྙིང་དོན་གཞིར་བཞག་ཐོག་ཁ་སྣོན་ཅུང་ཙམ་བྱས་ཏེ་བྲིས་པ་ཞིག་ཡིན། གདན་སའི་སློབ་གཉེར་ཁང་ཞིག་ལ་ཕུད་བསམ་ཡང་རྐྱེན་དབང་ཞིག་གིས་ཕུད་ཐུབ་མ་སོང་བས་དྲ་ཐོག་ཏུ་བཀོད་པ་ཡིན།
བོད་མི་རིགས་ཙམ་དུ་མ་ཟད་འཛམ་གླིང་སྤྱིའི་ཤེས་རིག་གི་མ་ཡུམ་ལྟ་བུར་གྱུར་པའི་ནང་བསྟན་ཆོས་ལུགས་སློབ་གཉེར་བྱེད་པོ་དག་ལ་སྤུས་ཚད་ཡག་པོ་ཞིག་མ་འཛོམས་ན་བོད་མི་རིགས་ཀྱི་མཚང་དང༌། ནང་བསྟན་ཆོས་ལུགས་ཀྱི་ཕམ་ཁ་ཉག་གཅིག་ཡིན། དེའི་ཕྱིར་དགོན་སྡེ་ཁག་གི་དུས་རབས་ཀྱི་འགྲོས་དང་བསྟུན་ནས་སློབ་གཉེར་ལམ་སྲོལ་དང་དེའི་གལ་ཆེན་རང་བཞིན་གྱིས་མི་རྣམས་ཀྱི་བློ་ཡིད་འགུག་ཐུབ་པ་ཞིག་ངེས་པར་བཟོ་དགོས། གང་མགྱོགས་ཀྱིས་དེ་ལྟར་བཟོ་མ་ཐུབ་ན་ཉམས་ཉེས་སུ་འགྲོ་པར་ཐག་ཆོད་པ་ཞིག་རེད། ནམ་རྒྱུན་གྲྭ་བའི་ཀུན་སྤྱོད་མི་ལེགས་པ་དང་ཁྱིམ་པ་སུན་འབྱིན་གྱི་ལས་གསོག་རབས་ཀྱི་སྐད་ཆ་དེ་ཡང་ཉུང་དུ་གཏོང་རྒྱུར་ང་ཚོས་ལག་ལེན་ཁྲོད་ཐབས་ཤེས་ལ་བསྟེན་ནས་བྱེད་དགོས་པ་ཞིག་རེད། གནས་སྟངས་འདི་ལ་དགོངས་ནས་ྋགོང་ས་སྐྱབས་མགོན་ཆེན་པོས་དེང་རབས་ཅན་གྱི་ངོ་བོ་ནི་དེང་དུས་ཀྱི་སློབ་གསོ་ལ་རག་ལས་ཤིང་། ཚན་རིག་དང་འཕྲུལ་ལས་ལ་བྱང་བར་བྱེད་པ་ནི་དེང་རབས་ཀྱི་སློབ་གསོའི་སྙིང་པོ་ཡིན་པ་ངས་སྐབས་དེར་རྟོགས། ང་རང་སྒེར་ནས་སློབ་གསོའི་ལས་གཞི་འདིར་འཆང་བའི་ཆོད་སེམས་དེ་ད་དུང་ཡང་འགྱུར་མེད་པས། ཐ་ན་ཕུལ་དུ་བྱུང་བའི་གནའ་རབས་ཀྱི་ནང་ཆོས་གཙོ་བོ་ཁྲིད་སའི་དགོན་སྡེ་ཁག་གི་ཁྲིད་གཞིའི་སློབ་ཚན་ལའང་ཚན་རིག་འཇོག་དགོས་པའི་སྐུལ་མ་གཏོང་གི་ཡོད་ཅེས་ལོ་ནས་ལོ་བསྟུད་གདན་ས་ཁག་ལ་ཚན་རིག་གི་སློབ་ཚན་འཛུགས་དགོས་པ་དང༌། གྲྭ་བས་ཚན་རིག་སྦྱོང་དགོས་པ། མི་དམངས་ཀྱིས་གཞུང་ཆེན་ཁག་ལ་སློབ་སྦྱོང་བྱེད་དགོས་པའི་བཀའ་སློབ་རླབས་ཆེ་བ་དེ་དག་གསུང་བཞིན་པ་རེད། དེ་ནི་གདན་སའི་སློབ་གཉེར་གཅིག་པུའི་གནད་དོན་ཞིག་ཀྱང་མིན་པར་བོད་མི་རིགས་ཀྱི་སྐད་ཡིག་ཕུན་སུམ་ཇེ་ཚོགས་སུ་གཏོང་བ་དང༌། ནང་བསྟན་ཆོས་ལུགས་ཀྱི་སློབ་གཉེར་ཁང་རྣམས་ཀྱི་དུས་རབས་གསར་བའི་མི་དམངས་ཀྱི་འདོད་བློ་སྐོང་ཐུབ་པ་ཞིག་འོངས་པའི་ཆེད་དུ་རེད། རང་ཅག་གིས་ཀྱང་ྋགོང་ས་སྐྱབས་མགོན་ཆེན་པོ་རླབས་ཆེའི་བཀའ་སློབ་དེ་དག་སྣང་མེད་དུ་མ་བཞག་པར་སློབ་གཉེར་བའི་ཁྲིད་གཞིའི་སློབ་ཚན་ནང་དུ་ཚན་རིག་འཇོག་ཐུབ་བྱེད་པའམ་ད་ལྟའི་གདན་སའི་ཁྲོད་ཀྱི་ཚན་རིག་འཛིན་གྲྭ་འདི་ཡར་རྒྱས་གོང་འཕེལ་དུ་གཏོང་ཅི་ཐུབ་བྱ་དགོས་པར་མཐོང་། གང་ལྟར་གྲྭ་བ་རྣམས་ཀྱིས་ཚན་རིག་དང་དབྱིན་སྐད་སོགས་མི་རིགས་གཞན་གྱི་ཤེས་རིག་སྦྱང་རྒྱུ་ནི་ྋགོང་ས་མཆོག་གིས་དགོངས་གཞི་ཡིན་པ་མ་ཟད། བོད་མི་རིགས་ཀྱི་མ་འོངས་པའི་དར་རྒུད་ལ་ཐད་ཀར་འབྲེལ་བའི་གནད་དོན་གལ་ཆེན་ཞིག་ཡིན།
ྋགོང་ས་སྐྱབས་མགོན་ཆེན་པོ་མཆོག་གིས་བོད་ཀྱི་གནའ་རབས་ཀྱི་རིག་གཞུང་དང་ཆོས་གཅིག་པུ་ཤེས་པ་ལས། དེང་དུས་འཛམ་གླིང་གི་ཤེས་ཡོན་མ་ཤེས་ན་མི་ཕྱེད་ཀ་ལྟ་བུ་ཡིན། ཡང་དེང་དུས་ཀྱི་ཤེས་ཡོན་ཤེས་པ་ལས་བོད་རང་ལ་གནའ་རབས་ནས་ཡོད་པའི་བཟང་པོའི་ཤེས་ཡོན་དེ་དག་མ་ཤེས་ན་མི་ཕྱེད་ཀ་ལྟ་བུ་ཞིག་ཡིན། སོ་སོའི་ཤ་ཁྲག་རུས་གསུམ་བོད་མི་ཡིན་ནའང་ངོ་ཐོག་བོད་པའི་དྲི་མ་ཁ་བའི་ཁྱད་ཆོས་མ་ཚང་ན་བོད་པ་ཕྱེད་ཀ་ལྟ་བུ་ཡིན། དེར་བརྟེན་ང་ཚོའི་མི་རབས་གསར་པ་ཚོས་དུས་རབས་ཉི་ཤུ་པ་དང་དུས་རབས་ཉེར་གཅིག་པའི་རྗེས་ཟིན་ཐུབ་པ་ཞིག་དང༌། དུས་ཚོད་ཀྱི་འགྱུར་འགྲོས་དང་བསྟུན་ནས་མཉམ་དུ་འགྲོ་ཐུབ་པ་ཞིག་དགོས། ཞེས་གསུངས་པ་ལྟར་སློབ་གཉེར་འཕེལ་རྒྱས་དང་སྤུས་ཚད་ཡག་པོའི་འཛོམས་ཐབས་ཀྱི་འཆར་འགོད་ལག་ལེན་དང་བཅས་པ་གཏན་ལ་འབེབ་རྒྱུ་ཕྱི་དྲགས་པ་ལས་སྔ་དྲགས་མེད། དཔེར་ན། ༸གོང་ས་མཆོག་གིས་སྔར་ནས་ཡང་དང་ཡང་དུ་གསུངས་པའི་དགེ་ལུགས་སྤྱི་ལ་ཁྱབ་པའི་སྒྲིག་གཞི་དགོས་སྐོར་གསུངས་པ་དེ་ཡང་གདན་ས་གསུམ་ལ་སློབ་གཞི་གཅིག་གྱུར་དང་སློབ་ཚན་གཅིག་གྱུར་འཛིན་གྲྭའི་འགྲོ་སྟངས་གཅིག་གྱུར། དགེ་བཤེས་དང་མིང་བཏགས་ཀྱི་རིམ་པ་གཅིག་གྱུར། དེ་དག་གི་འཛིན་སྐྱོང་དང་སྒྲིག་གཞི་གཅིག་གྱུར་བཅས་ནི་དགེ་ལུགས་སྤྱི་ལ་ཁྱབ་པའི་སྒྲིག་གཞི་དགོས་སྐོར་གསུངས་པའི་བཀའ་སློབ་དེ་དག་གི་ནང་སྙིང་ལྟེ་བ་དེ་ཡིན་ཡང་ང་ཚོས་ཇི་བཞིན་བསྒྲུབས་ཐུབ་མེད། ྋགོང་ས་མཆོག་གིས་ཐུགས་ཕམ་ཆེན་པོས་གསུངས་དོན། ང་ཚོས་གཞུང་ལུགས་དེ་དག་ད་ལྟ་རྩེད་ཆས་ལྟ་བུར་གྱུར་ཏེ། ནང་དོན་གོ་ཐབས་ལ་བསམ་བློ་གཏོང་མི་དགོས། བསྟན་དོན་ཉམས་ལེན་ལ་སྦྱོར་མི་དགོས། མི་ཚེའི་རིང་ཁྱབ་མཐའ་དང་རྟགས་གསལ་གྱིས་སྐྱེལ་བ་ནི་བློ་ཕམ་དགོས་པ་དང༌། དགེ་ལུགས་པའི་ཞབས་འདྲེན་ལྟ་བུ་རེད་ཅེས་བཀའ་གནང་ཡོད་པ་རེད། བཀའ་སློབ་འདི་ཙམ་གྱིས་ཀྱང་ང་ཚོས་སློབ་གཉེར་བྱེད་ཕྱོགས་ལ་འགྱུར་བ་ཅི་འདྲ་གཏོང་དགོས་མིན་གསལ་སྟོན་བྱས་ཡོད་པ་རེད། མདོར་ན་སློབ་གཉེར་ཡར་རྒྱས་ཀྱི་འགོག་རྐྱེན་ཆེ་ཤོས་ནི་སྒྲིག་འཛུགས་དང་འཛིན་སྐྱོང་གིས་ངོས་ནས་སློབ་གསོའི་སྒྲིག་གཞི་དང་འཆར་བཀོད་འཐུས་ཚང་ཞིག་མེད་པ་དེ་རེད། དེར་བརྟེན་སློབ་ཐོན་པའི་ཁྲོད་ནས་༸གོང་ས་སྐྱབས་མགོན་ཆེན་པོའི་ཐུགས་རེ་ལྟར་གྱི་སློབ་གཉེར་བ་ཧ་ཅང་ཉུང་ངུ་ཞིག་ལས་ཐོན་ཐུབ་ཀྱི་མེད།
འོ་ན་ཇི་ལྟར་བྱེད་དགོས་ཞེ་ན་སློབ་གཉེར་བ་རྣམས་ལ་མ་མཐའ་ཡང་སྤྱི་ཚོགས་སློབ་གསོ་དང་བོད་ཡིག་གི་རྨང་གཞི་བརྟན་པོ་ཡོད་པ་དང༌། དགོས་མེད་ཀྱི་ཚིག་འཁྲི་སྐམ་པོའི་རྟགས་གསལ་ཇེ་ཉུང་དུ་གཏོང་བ་དང༌། གདན་ས་གསུམ་གྱི་དབུ་ཕར་དང་མཛོད་རྣམ་འགྲེལ་བཅས་ཀྱི་སློབ་གཞི་གཅིག་གྱུར་ཡིན་པ། སློབ་གཉེར་བས་གཞུང་ཆེན་ཁག་གི་རྩ་འགྲེལ་དང་སྡོམ་གང་བློ་འཛིན་བྱེད་དགོས་མིན་སློབ་གཉེར་བ་དྲག་གྲས་རྣམས་དང་ཉམས་མྱོང་ཅན་རྣམས་ཀྱི་བསམ་ཚུལ་གཞི་རྩར་བཞག་སྟེ་ཕྱོགས་ཞེན་གྱི་དབང་དུ་མ་སོང་བར་བསྒྱུར་བཅོས་གཏོང་དགོས་རིགས་དུས་ཐོག་བསྒྱུར་བཅོས་དང་གཏན་འབེབས་བྱེད་དགོས། ལོ་རེའི་རྒྱུགས་སྤྲོད་གང་ཞིག་འཕྲོད་དང་མ་འཕྲོད་པའི་ས་མཚམས་གསལ་ཞིང་ལག་ལེན་ལ་གཙང་མར་འགེལ་རྒྱུ། ཞབས་བརྟན་དང་ཚོགས་འཚོགས་རྒྱུ་ཉུང་དུ་གཏོང་རྒྱུ། འཛིན་གྲྭ་གང་ཞིག་ལ་དཔེ་ཁྲིད་དགེ་རྒན་དམིགས་འཛུགས་ཀྱིས་གཏན་འབེབས་བྱེད་པ། དཔེ་ཁྲིད་དགེ་རྒན་རྣམས་ལ་བོད་གཞུང་དང་གྲྭ་ཚང་ནས་གཟིགས་བཟོས་དང་ཟླ་ཕོགས་སྤྲོད་པ། སློབ་གཉེར་བ་དཔེ་ཁྲིད་ལ་འགྲོ་མིན་ཐད་སྒྲིག་འཛུགས་ཀྱི་ངོས་ནས་མི་སྣ་ཆེད་བསྐོས་ཀྱིས་བལྟ་རྟོག་བྱེད་པ། བགྲོ་གླེང་དང༌། ཚིག་འགྲེལ། གཞུང་གི་གོ་རིམ་སྒྲིག་རྒྱུ་མང་དུ་གཏོང་བ། མི་རེ་རེ་བཞིན་སྐབས་སུ་བབ་པའི་རྩོད་གཞུང་རེ་རེའི་དོན་དག་དང༌། དོན་དག་དེ་སྒྲུབ་བྱེད་ཀྱི་རིགས་ལམ་ཅི་ཡོད་སྦྱངས་བཤད་བྱེད་དུ་འཇུག་པ། དེ་ལ་འཛིན་གྲོགས་གཅིག་པའམ་ཡང་ན་འཛིན་གྲྭ་གོང་རིམ་ནས་དོགས་འདྲི་བྱེད་པ། འཛིན་གྲྭའི་ནང་གཞུང་ཆེན་ཁག་ལ་བརྡར་ཤ་གཅོད་མི་ཐུབ་མཁན་རྣམས་ལ་རིགས་གནས་ཆུང་ཁག་གི་སློབ་གཞི་གོ་སྒྲིག་བྱེད་དགོས། གཞི་གསུམ་གྱི་ཕྱག་ལེན་དང་དེའི་དགོས་དམིགས། སྡོམ་གསུམ་གྱི་བསླབ་བྱ་གཉིས་ཡང་ནས་ཡང་དུ་ངོ་སྤྲོད་བྱེད་པ། འཛིན་གྲྭ་ཐོན་མཚམས་སུ་བཀའ་རིམ་འཛིན་གྲྭའི་ནང་སྤུངས་གསོག་བྱས་ནས་མི་འཇོག་པར་རང་ཉིད་ཀྱི་ཤེས་ཚད་དང་བསྟུན་པའི་མིང་བཏགས་སྤྲོད་པ། གལ་སྲིད་ལོ་ཤས་རིང་བཀའ་རིམ་འཛིན་གྲྭར་སྤུངས་གསོག་བྱེད་དགོས་བྱུང་ན་རྒྱལ་སྲས་ཞི་བ་ལྷའི་སྤྱོད་འཇུག་ཆེན་མོ་དང་། རྗེ་བླ་མའི་ལམ་རིམ་ཆེ་ཆུང་གི་མཚོན་པའི་གནའ་དེང་གི་རིག་གནས་ཁྲིད་གཞིའི་སློབ་ཚན་གོ་སྒྲིག་བྱེད་དགོས་པ་ལས་ད་ལྟ་ནང་བཞིན་སྣང་མེད་དུ་གཏོང་མི་རུང་།
ལོ་རེ་བཞིན་གྲོས་ཚོགས་འཐུས་མི་རྣམས་དང་མཁས་པའི་ལྷན་ཚོགས་ཀྱི་ཚོགས་མི་ཡོངས་དང་གྲྭ་ཚང་འདིའི་སློབ་གཉེར་བ་དྲག་གྲས་རྣམས་མཉམ་འཛོམས་ཐོག་སློབ་གཉེར་ཡར་རྒྱས་གཏོང་ཕྱོགས་དང་འབྲེལ་བའི་བགྲོ་གླེང་ཐེངས་གཅིག་ངེས་པར་འཚོགས་དགོས། དེ་ཙམ་མ་ཟད་སློབ་གཉེར་ཐོན་མཚམས་སུ་སློབ་ཐོན་གྱི་ཕྱག་འཁྱེར་ཙམ་སྤྲོད་རྒྱུར་གནད་འགག་ཆེར་མེད་ཀྱང་ཚད་ལྡན་གྱི་ཤེས་ཚད་མེད་མཁན་ལ་གཞུང་ལུགས་རབ་འབྱམས་པའི་ཕྱག་འཁྱེར་དང་། རིགས་གཅིག་རྐང་འཛིན་གྱི་ཕྱག་འཁྱེར་སྤྲད་ན་སྤྱི་ཚོགས་ནང་ཕྱག་འཁྱེར་གྱི་མཐོང་ཆག་སྟེ་མ་འོངས་པར་ཕྱག་འཁྱེར་འདི་རིགས་འཁྱེར་མཁན་ལ་སྤྱི་ཚོགས་ནང་བརྩི་མཐོང་མེད་པར་འགྲོ་ངེས་རེད། དེས་བོད་ཀྱི་མཁས་དབང་དང་བོད་ཀྱི་ཤེས་རིག་གི་མ་འོངས་པར་གྱོང་གུད་ཐེབས་རྒྱུ་ཡིན་པས་ཡིད་གཟབ་དགོས་གལ་ཆེ། དཔེར་ན་དབུ་ཕར་རབ་འབྱམས་པའི་ཕྱག་འཁྱེར་སྤྲོད་ས་དེ་དབུ་ཕར་གང་ཡིན་དབུ་ནས་མཇུག་བར་གྱི་ལོ་རེའི་བྲིས་རྒྱུགས་དང། རྩོད་རྒྱུགས། ཟུར་སྦྱོང་སློབ་ཚན་བཅས་ཀྱི་གྲུབ་འབྲས་ཕྱོགས་བསྡོམས་བྱས་ཏེ་ཨང་དང་པོའི་རྣམས་ལ་མ་གཏོགས་ཕུལ་མི་རུང་། དེ་བཞིན་ནང་དོན་རིག་པའི་རིགས་གཅིག་རྐང་འཛིན་བྱེད་མཁན་རྣམས་ལ་ཡང་ཆེད་སྦྱོང་གི་གྲུབ་འབྲས་རྩེ་ཕུལ་རྣམས་ལ་མ་གཏོགས་ཕྱག་འཁྱེར་སྤྲོད་མི་རིགས། སློབ་གཉེར་དྲག་དྲས་རྣམས་རྒྱལ་ཕྱི་ནང་གི་མཐོ་སློབ་ཁག་ལ་ཟབ་སྦྱོང་གང་མང་གཏོང་ཐུབ་ཐབས་བྱེད་དགོས། དུས་ཚོད་དམ་འཛིན་དང་ནམ་རྒྱུན་སློབ་གཉེར་བའི་སྒྲིག་ལམ་ཚགས་ཇེ་དམ་དུ་གཏོང་བ་བཅས་ནི་གདན་སའི་སློབ་གཉེར་འཕེལ་རྒྱས་དང་སྤུས་ཚད་ཇེ་མཐོར་གཏོང་བ་ལ་རྨ་གཞིའི་གྲུབ་ཆ་དག་རེད། འདི་ལྟར་ལག་ལེན་ལ་ཁེལ་ཐུབ་ན་བོད་ནང་ཁུལ་ལ་ནང་བསྟན་སློབ་གཉེར་བ་སྤུས་ལེགས་ཤིག་སྐྱེད་སྲིང་བྱེད་ཐུབ་པར་ཐེ་ཚོམ་ཅི་ཡང་མེད། དེ་ལྟ་མིན་པར་འདུལ་བ་མ་སླེབས་པར་སྡོམ་གསུམ་བསླབ་བྱའི་མིང་ཙམ་ཡང་མི་ཤེས་ཤིང༌། འདུལ་བའི་བཅོས་མཚམས་དང་དགོས་དམིགས་ཅི་ཡང་མི་ཤེས་པའི་དུག་གསུམ་རྒྱུད་ལྡན་གྱི་གང་ཟག་རྣམས་ཚོགས་གཏམ་དང་འགྱིག་ཐག་གིས་ནམ་ཡང་འདུལ་དཀའ་ཞིང༌། སློབ་གཉེར་བ་རྣམས་ལ་སློབ་གཞི་སློབ་འདོད་ཀྱི་འདུན་པ་དེ་ཡང་ཡོང་དཀའ་བ་ཞིག་རེད།
༸གོང་ས་མཆོག་གིས་ལས་རིགས་གང་དང་གང་ཞིག་ཡིན་ཡང་རང་རྐྱ་འཕེར་བའི་སྒོ་ནས་བསམ་བློ་གཏོང་ཐུབ་པ་དང༌། འཆར་གཞི་བཀོད་ཐུབ་པ། ལག་ལེན་བྱེད་ཐུབ་པ་བཅས་ཀྱི་རིགས་གཅིག་རྐང་འཛིན་པ་ཐོན་པ་བྱེད་དགོས། རིགས་གཅིག་རྐང་འཛིན་གྱི་མི་བཅུ་བྱུང་ཡང་དེའི་ཚོད་ཀྱི་ནུས་པ་ཐོན་རྒྱུ་དང༌། མི་བརྒྱ་ཐམ་པ་བྱུང་ནའང་དེའི་ཚོད་ཀྱི་ནུས་པ་ཐོན་རྒྱུ་རེད་ཅེས་ངས་འབོད་སྐུལ་རིམ་པར་བྱས་པ་ཡིན། དེ་ལྟར་འབོད་སྐུལ་བྱས་ཏེ་ལོ་སུམ་ཅུ་ཙམ་ཕྱིན་སོང༌། ཐོག་མའི་ལོ་ཉི་ཤུ་ང་ཚོས་རྐང་པ་འཛུགས་ཐབས་བྱས་པ་དང༌། དེ་རྗེས་ཀྱི་ལོ་སུམ་ཅུ་མ་ཟིན་ཙམ་རིང་ང་ཚོས་ཡར་རྒྱས་གཏོང་རྒྱུ་དང༌། ཚགས་ཚུད་གཏོང་རྒྱུའི་ལས་ཀ་དེ་དག་ཡག་པོ་ཞིག་བྱུང་ཨེ་ཡོད་བསམ་གྱི་འདུག་ཅེས་གསུངས་པ་ལྟར་ྋགོང་ས་སྐྱབས་མགོན་ཆེན་པོའི་ཐུགས་རེ་ཇི་བཞིན་བོད་མི་རིགས་ཀྱི་མ་འོངས་པའི་དར་རྒྱས་ལ་ཕན་རླབས་ཆེན་པོ་བསྐྲུན་ནུས་པའི་སློབ་གཉེར་བ་ཞིག་སྐྱེད་སྲིང་བྱེད་པ་ལ་ད་དུང་དེ་ཙམ་གྱིས་མི་ཆོག་པར། བོད་ཀྱི་སྐད་ཡིག་དང་ཆོས་ལུགས་ཀྱི་སློབ་ཚན་རྣམས་གཞིར་བཞག་པའི་ཐོག། ཨང་རྩིས་དང༌། ཚན་རིག དེང་རབས་སེམས་ཁམས་རིག་པ། དབྱིན་ཇི་དང༌། ལེགས་སྦྱར། པ་ལིའི་སྐད་སོགས་སྐད་རིགས་གཞན་པ་དང༌། གཞུང་ལུགས་བྱེ་བྲག་པ་དང༌། གྲུབ་མཐའ་བྱེ་བྲག་པ། རྒྱུད་སྡེ་བྱེ་བྲག་པ་སོགས་ཀྱི་ཆེད་སྦྱོང་གི་སློབ་ཚན་ཀྱང་ངེས་པར་དུ་གྲ་སྒྲིག་བྱེད་དགོས་པ་དང་། སློབ་གཉེར་དྲག་གྲས་ནང་ནང་དོན་རིགས་པའི་རིགས་གཅིག་རྐང་འཛིན་གྱི་ལས་གཞི་གོ་སྒྲིག་བྱེད་མ་ཐུབ་ཀྱང་ལྷ་རམས་ཐོན་ཟིན་པ་རྣམས་ལ། རང་རང་གི་འདོད་མོས་བཞིན་གཞུང་ལུགས་བྱེ་བྲག་པ་ཞིག་ལ་རིགས་གཅིག་རྐང་འཛིན་བྱེད་དགོས་ཚུལ་གྱི་སྐུལ་འདེད་བྱེད་རྒྱུ་དང་། རིགས་གཅིག་རྐང་འཛིན་ཐོན་མཚམས་སུ་ཨང་རིམ་ལ་གཞིགས་ནས་སློབ་གཉེར་བའི་འཛིན་གྲྭའི་དགེ་རྒན་ལ་དམིགས་འཛུགས་བྱེད་དགོས།
དེ་རྣམས་ཀྱིས་གཞུང་ལུགས་ཁག་ལ་རིགས་གཅིག་རྐང་འཛིན་བྱེད་སྐབས་སུ་དགོས་ངེས་ཀྱི་རྨང་གཞིའི་ཆ་རྐྱེན་ཁག་ཅིག གཞུང་དེའི་ཁུངས་གཏུག་སའི་མདོ་དང་བསྟན་བཅོས་ལ་འགྱུར་ཁྱད་ཡོད་མེད་དང་། འགྱུར་ཁྱད་ཀྱི་དབང་གིས་མཁས་པའི་བཞེད་ཚུལ་མི་མཐུན་པ་བྱུང་ཡོད་མེད། རྐང་འཛིན་བྱེད་སའི་གཞུང་དེའི་རྩོམ་པ་པོ་དང་། དེས་ཡུལ་གང་དུ། རྒྱུ་རྐྱེནཅི་འདྲ་ཞིག་གི་འོག་ཏུ། ཚུལ་ཇི་ལྟར་བརྩམས་པ་དང་། རྩོམ་པ་པོས་སློབ་མ་སུ་དང་དེས་གང་དང་གང་ལ་འཆད་ཉན་སྤེལ་བ་དང་། དུས་ཚིགས་སོ་སོར་ཡུལ་ཕྱོགས་གང་ནས་གང་དུ་ཁྱབ་ཡོད་མེད། བོད་དུ་དུས་ནམ་ཞིག་དང་། རྒྱལ་པོ་གང་ཞིག་གི་བཀའ་ལུང་འོག་པཎྜི་ཏ་དང་ལོ་ཙྭ་བ་སུ་དང་གང་གིས་ཐོག་མར་བསྒྱུར་བ་དང་། འགྱུར་བཅོས་ག་ཚད་ཕྱིན་ཡོད་མེད། གཞུང་སོ་སོར་འགྲེལ་བ་འགྲེལ་བཤད། སྤྱི་མཐའ་དཔྱོད། མཆན་དང་། ཟིན་བྲིས་ཁག་ག་ཚད་བྱུང་བ། གཞུང་སོ་སོར་སྐབས་དང་རབ་བྱེད་ལེའུ་སོགས་ག་ཚད་ཀྱིས་གྲུབ་ཡོད་མེད་དང་། ཤོག་ལྡེབ་ཅི་ཙམ་བཞུགས་པ། གང་དུ་དཔར་སྐྲུན་གནང་བ། གོང་གསལ་དེ་ཁག་འཕེལ་དང་འགྲིབ། དེས་བོད་ཀྱི་སྤྱི་ཚོགས་དང་རིག་གཞུང་ལ་ཤུགས་རྐྱེན་ཅི་ཙམ་ཐེབས་ཡོད་མེད་ཁ་གསལ་ཐོག་དཀའ་གནས་གང་དང་གང་ཡོད་ཚུལ། དེ་ལ་མཁས་པ་གཞན་གྱིས་བཤད་ཚུལ་མི་མཐུན་པ་གང་ཡོད། རང་ཉིད་ཀྱི་འདོད་ཕྱོགས་གང་ཡིན་པ་དང་དེའི་རྒྱབ་ལྗོངས་སུ་ལུང་རིགས་གང་ཡོད། ལྷག་པར་རིགས་པས་སྒྲུབ་བྱེད་གང་ཡོད་སོགས་གནད་དུ་ཁེལ་བའི་དངོས་ཐོག་བདེན་འཚོལ་གྱི་རིགས་པས་སྒྲུབ་བྱེད་ལྡན་པའི་རྩོམ་ཤོག་བྲིས་ནས་ཡིག་ངག་གཉིས་ཐོག་ནས་རྒྱུགས་སྤྲོད་བྱེད་དགོས།
དེ་ལྟར་བྱས་ན་རྒྱལ་སྤྱིའི་ཚད་གཞི་ཅན་གྱི་ནང་བསྟན་མཚན་ཉིད་རིག་པའི་མཁས་དབང་མང་པོ་ཞིག་སྐྱེད་སྲིང་བྱེད་ཐུབ་པ་དང༌། ཆོས་ལུགས་འདིའི་མ་འོངས་པའི་རྒྱུད་འཛིན་ཐད་ཀྱི་སེམས་ཁྲལ་དེ་ཡང་ཞི་ངེས་པར་མ་ཟད། བོད་བརྒྱུད་ནང་བསྟན་གྱི་སྙན་གྲགས་ད་ལྟ་ལས་ཀྱང་རྒྱས་པ་དང༌། བོད་བརྒྱུད་ནང་བསྟན་འབུམ་རམས་པའི་གོ་མིང་དེ་ཡང་བདེ་བླག་ཏུ་འབྱུང་ངེས་ཤིག་རེད། དེ་ལྟའི་འཆར་གཞི་དང་ལག་ལེན་མྱུར་དུ་མགོ་འཛུགས་དགོས་ཏེ། རང་ཅག་མ་གཏོགས་བོད་བརྒྱུད་ནང་བསྟན་གྱི་ལ་རྒྱ་དང་དེའི་འཕེལ་རྒྱས་ལ་ཤ་ཚ་བྱེད་མཁན་སུ་ཞིག་ཡོད། ༸གོང་ས་མཆོག་གིས། དེ་བཞིན་ཆོས་རྒྱུད་ཁག་གི་བཤད་གྲྭ་ཚོ་ཧ་ཅང་ཡག་པོ་ཡོད། ད་དུང་ཡར་རྒྱས་གཏོང་དགོས་ཞེས་སྔ་ལོ་ང་ཚོ་སྐད་ཆ་བྱུང༌། ཉམས་པ་སོར་ཆུད་དང་མི་ཉམས་གོང་འཕེལ་ཞེས་པའི་ཚིག་གཉིས་པོ་འདིའི་ནང་ང་ཚོས་ལས་ཀ་བྱེད་རྒྱུ་མང་པོ་ཡོད་པ་དེ་ལ་ང་ཚོས་བསམ་བློ་གཏོང་དགོས་ཞེས་སྐད་ཆ་བྱུང༌ཞེས་གསུངས་པ་ལྟར་མི་ཉམས་གོང་འཕེལ་དུ་གཏོང་ཚུལ་ལ་འབྲེལ་ཡོད་ཚང་མས་བློ་རྩེ་གཅིག་སྒྲིམ་གྱིས་བསམ་བློ་གཏོང་རྒྱུ་གལ་གནད་ཤིན་ཏུ་ཆེ་བས་དེ་དོན་ཐུགས་མངའ་ཡོང་བ་ཞུ།
གོང་དུ་བཤད་པའི་སྐད་ཆ་འདི་དག་ལྷག་བསམ་རྣམ་པར་དག་པའི་ངང་ྋགོང་ས་སྐྱབས་མགོན་པོའི་ཐུགས་བཞེད་འགྲུབ་ཐུབ་པ་དང༌། བོད་མི་རིགས་ཀྱི་ཆོས་དང་རིག་གཞུང་དུས་རབས་འདིའི་ནང་རང་རྐྱ་འཕེར་བའི་ངང་ཡར་རྒྱས་སུ་འགྲོ་ཐུབ་པ། ད་ལྟ་དང་མ་འོངས་པའི་གདན་སའི་སློབ་གཉེར་བ་རྣམས་ཀྱི་མི་ཚེའི་མདུན་ལམ་དོན་ལྡན་ཞིག་འོང་ཐབས་ལ་རང་གི་རྣམ་དཔྱོད་ཀྱིས་ལྕོག་ཚོད་ཅིག་བཤད་པ་ལས། རང་དོན་སྒྲུབ་ཐབས་དང༌། ཡང་ན་སྐད་གྲགས་འགྲོ་ཐབས། རང་རེའི་ལས་ཀྱི་སྣེ་མོར་གཏོགས་པ་རྣམས་ལ་ལྟ་ཚུལ་ངན་པ་འཆང་བ་སོགས་གཏན་ནས་མིན་པས་གཟིགས་པོ་རྣམས་ཀྱིས་ཞིབ་འཇུག་གཟབ་ནན་དང༌། ཐུགས་དཀྱེལ་ཆེན་པོ་ཞིག་གནང་པའི་རེ་བ་དང་ཡིད་ཆེས་རྩེ་གཅིག་ཏུ་བྱེད་བཞིན་ཡོད། སྤྱི་ལོ་ ༢༠༡༠ ལོའི་ ༠༨ ཚེས་ ༠༨ ཉིན།
ཁོ་བོས་༢༠༠༧་ལོར་དུས་རབས་གསར་པའི་དགོན་སྡེའི་སློབ་གསོའི་ཁ་ཕྱོགས་ལ་ཅུང་ཟད་དཔྱད་པ་ཅེས་པའི་རྩོམ་ཡིག་ཅིག་སྤེལ་ཟིན་པ་དེའི་སྙིང་དོན་གཞིར་བཞག་ཐོག་ཁ་སྣོན་ཅུང་ཙམ་བྱས་ཏེ་བྲིས་པ་ཞིག་ཡིན། གདན་སའི་སློབ་གཉེར་ཁང་ཞིག་ལ་ཕུད་བསམ་ཡང་རྐྱེན་དབང་ཞིག་གིས་ཕུད་ཐུབ་མ་སོང་བས་དྲ་ཐོག་ཏུ་བཀོད་པ་ཡིན།
Saturday, March 20, 2010
ཕྱིའི་ཆར་ཐག་ཆོད་ཀྱང་ནང་གི་ཐིགས་ཐག་ཆོད་ཡོད་དམ།
ཉེ་ལམ་གྱི་རྙོག་གླེང་ཐད་བསམ་གཞིགས་བྱས་པའི་ཟིན་ཐོ་ཆ་ལེ་ཆོལ་ལེ་གཤམ་གསལ།
ཁང་གསར་རྡོ་རྗེ།
༡༽༸གོང་ས་མཆོག་གི་དམིགས་བསལ་སྐུ་ཚབ་ཀྱིས་རྒྱ་ནག་གཞུང་ལ་གནང་བའི་ཡིག་ཆ་དེ་དག་༸གོང་ས་མཆོག་གི་དགོངས་པ་བཞིན་ཡིན་མིན་དང་།དབུ་མའི་ལམ་ལ་བཀའ་ཤག་གི་དབུ་མའི་ལམ་དང་༸གོང་ས་མཆོག་གི་དབུ་མའི་ལམ་ཞེས་གཉིས་ཡོད་ཚུལ་འདིར།ཉེ་ལམ་བཀའ་བློན་ཁྲི་པ་མཆོག་གིས་ལུང་རིགས་དཔང་རྟགས་དུ་མའི་སྒོ་ནས་དགག་བཞག་ཚ་ནན་གནང་ཡོད་ལ།འདས་པའི་ལོ་ཤས་ནང་དུའང་དེ་དང་འདྲ་བ་ཐེངས་ཁ་ཤས་གནང་ཟིན་འདུག ངས་དེ་སྔོན་སྤྱི་ཚོགས་ནང་འདིའི་ཐད་རྙོག་གླེང་ཕྲན་བུ་ཡོང་གི་ཡོད་པ་དེའི་གཞི་རྩ་ནི། གཅིག་ནས་སི་ཊའི་སི་བྷག་གི་གྲོས་འཆར་ལ་རིམ་པས་འགྱུར་བ་བཏང་བ་དང་མཉམ་དུ་བཀའ་བློན་ཁྲི་པ་རང་གིས་ཀྱང་དབུ་མའི་ལམ་ལ་འགྲེལ་བཤད་རིང་ཐུང་སྣ་ཚོགས་ཤིག་གནང་བ་དེར་ཐུག་འདུག་དྲན། དཔེར་ན་བཀའ་ཁྲི་མཆོག་གིས་དབུ་མའི་ལམ་ལ་མཐའ་བརྒྱད་ཚུལ་དྲུག་གི་སྒོ་ནས་འགྲེལ་བཤད་རིང་པོ་ཞིག་དང་། ཡང་དབུ་མའི་ལམ་ཀྱི་གནས་བབ་དེ་རྒྱལ་ཁབ་གཅིག་ལ་ལམ་ལུགས་གཉིས་ལས་མཐོ་བ་མིན་རུང་དམའ་བ་མིན་ཚུལ་ལྟ་བུའི་འགྲེལ་བརྗོད་ཁ་ཤས་གནང་རྗེས། མཐའ་མ་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་དང་། དེ་ཡང་རྒྱ་ནག་གི་རྩ་ཁྲིམས་ཀྱི་སྒྲོམ་གཞིའི་འོག་ནས་དགོས་ཚུལ་གསུངས་པ་སོགས་ལ་ཐུག་པ་རེད་དྲན། འོན་ཀྱང་ཉེ་དུས་ཀྱི་གནས་ཚུལ་ལ་བལྟ་སྐབས། རྙོག་གླེང་དེ་ཚོའི་གཞི་རྩ་ནི་གཙོ་བོ་བཀའ་ཁྲིའི་གསུང་ཕྱོགས་ཀྱི་དབང་ལས་བྱུང་བ་ཞིག་མ་ཡིན་པར། རང་རེའི་སྤྱི་ཚོགས་ནང་འགལ་ཟླའི་གནས་ཚུལ་ཡོད་པའི་སྣང་ཚུལ་གསལ་པོ་ཞིག་ཏུ་མཐོང་། དེ་ཡང་འགལ་ཟླ་དེའི་ཁོངས་སུ་རང་བཙན་དང་དབུ་མའི་ལམ་གྱི་འཐབ་རྩོད་ཡོད་པར་མ་ཟད། བཀའ་ཟུར་དང་བཀའ་ཤག་གི་འགལ་ཟླ་དང་། སྤྱི་འཐུས་དང་འཛིན་སྐྱོང་གི་འགལ་ཟླ། ༸གོང་ས་མཆོག་གི་སྐུ་ཚབ་རྙིང་པ་དང་གསར་པའི་བར་གྱི་འགལ་ཟླ། སྤྱི་འཐུས་ཚོགས་གཙོ་གསར་པ་དང་རྙིང་པའི་ཤོག་ཁག ཚོ་ཁག་བཅུ་གསུམ་གྱི་རྙོག་གླེང་ཙམ་ནས་འགོ་ཚུགས་པའི་ན་ཚ་རྙིང་པ་སོགས་འགལ་ཟླ་སྣ་ཚོགས་ཡོད་པར་མངོན་ཞིང་། དེར་བརྟེན་བཀའ་ཤག་གིས་གསལ་བཤད་ཞལ་ན་ན་གནང་ནའང་འདྲ། ༸གོང་ས་མཆོག་གིས་སྦུག་དམ་འཁོད་པའི་བཀའ་ཡིག་རིན་པོ་ཆེ་སྩལ་ནའང་འདྲ། གང་ལྟར་ག་རེ་གནང་ནའང་གསལ་པོ་ཆགས་དུས་མེད་པ་འདི་ནི་མཐར་གཏུགས་ནས་བཤད་ན་རྣ་བར་མ་སོང་བ་རེད་མ་གཏོགས་རྣ་བས་མ་གོ་བ་རྩ་བ་ནས་མ་རེད༌སྙམ།
༢༽ རྙོག་གླེང་ཆེན་པོ་ཞིག་བཟོས། བགྲོ་གླེང་ཟང་ངེ་ཟིང་ངེ་ཞིག་བྱས། ཉན་ཞིབ་རིང་པོ་ཞིག་བྱས་མཐར་བོད་མི་མང་སྤྱི་འཐུས་ལྷན་ཚོགས་ཀྱིས་སྤྱི་མོས་གྲོས་ཆོད་གཅིག་བཞག་པའི་ནང་ཡང་བསྐྱར་༸གོང་ས་མཆོག་གིས་ཡེ་ཤེས་དབྱིངས་དཔྱད་ཀྱིས་ཐག་གཅོད་གང་གནང་ལ་མོས་མཐུན་ཡོད་སྐོར་དང་། ལྷ་དགོངས་འགལ་འཁྲུག་བྱུང་ཚེ་བཟོད་གསོལ་ཞུ་རྒྱུ་ཡིན་སྐོར་གསལ་ཡོད། དེ་ནི་གྲོས་ཆོད་དེའི་ངོ་གདོང་རེད། འོན་ཀྱང་ཕྱོགས་གཞན་ནས་བཤད་ན། ༸གོང་ས་མཆོག་གིས་སྦྱོར་དངོས་མཇུག་གསུམ་ཚང་བའི་ཐབས་ལམ་གཞན་ཞིག་ཡོད་ན་འཁྱེར་ཤོག་ཅེས་ཞལ་གསལ་པོས་གསུངས་དུས། དེ་འདྲའི་ཐབས་ལམ་གསལ་པོ་འཆར་འབུལ་ཐུབ་པའི་ནུས་པ་མེད་པར་བརྟེན། ཡང་བསྐྱར་ཡེ་ཤེས་དབྱིངས་དཔྱད་ཀྱི་ཐོག་ཏུ་བབས་པར་སྣང་།
འདིར་ང་ཚོས་དོགས་པ་བྱེད་འོས་པ་ཞིག་ནི། རྒྱ་ནག་གཞུང་ལ་གནང་བའི་བསམ་འཆར་ཡིག་ཆ་དེར་སྤྱི་འཐུས་ཁ་ཤས་ཀྱིས་ཤི་ཡང་མོས་མཐུན་མེད་ཅེས་བཤད་པར་མ་ཟད། སྤྱི་འཐུས་ལ་ལས་ད་དུང་གླེན་རྟགས་དོད་པོས་༸གོང་ས་མཆོག་གིས་མཐའ་མའི་ཐག་གཅོད་བོད་མི་མང་གིས་བྱེད་ཀྱི་རེད་གསུངས་པ་དོན་ལ་གནས་མིན་དོགས་འདྲི་དང་། ཐ་ན་ལ་ལས་རྒྱ་ནག་འོག་ཏུ་ཕྱིན་ན་སྐྱབས་འགྲོའི་བསླབ་བྱ་དང་འགལ་མིན་གྱི་ལྐུགས་རྟགས་ཚ་བའི་དྲི་བ་དྲིས་ཚུལ་འདི་དག་ལ་བསམས་ན། སྤྱི་འཐུས་ཉུང་ཤས་འདི་ཚོས་སྤྱི་མོས་ཡོད་ཅེས་པ་ནི། ༸གོང་ས་མཆོག་དང་བོད་གཞུང་གི་མཛད་བྱུས་ལ་སྒོ་ཀུན་ནས་རྒོལ་བར་བརྩམས་ཀྱང་ལུང་རིགས་རྒྱུ་མཚན་དང་དཔུང་གང་གིས་ཀྱང་རྒོལ་བའི་ནུས་པ་ཟད། རང་ངོས་ནས་ཐབས་ལམ་འདི་ཡིན་ཞེས་པའང་འཆར་འབུལ་མ་ཐུབ་སྟབས། རེ་ཞིག་མོས་མཐུན་ཡོད་ཁུལ་བྱས་པ་ཙམ་ལས། དོན་དུ་འདི་ཚོས་སླར་གོ་སྐབས་ཐོབ་ཚེ་ཁ་གཡར་ས་གང་འོས་ཤིག་བཙལ་ཏེ་རྙོག་གླེང་བཟོ་བ་ལ་ཐེ་ཚོམ་ཅི་ཡང་མི་འདུག་སྙམ་པས། ཕྱི་ཆར་པའི་ཆར་ཐག་ཆོད་ཀྱང། ནང་ཐིགས་པའི་ཐིགས་ཐག་ད་དུང་ཆོད་མེད་དོ།། ཚིག་གཞན་གྱིས་བཤད་ན། ཁྲིམས་དོན་ལྟར་ན་ཐག་ཆོད་ཀྱང་དངོས་དོན་ལྟར་ན་ད་དུང་ཡང་འཁྲུན་ཐག་ཆོད་མི་འདུག་གོ །
༣༽ བོད་ཀྱི་རྩ་དོན་འདི་བོད་མི་ཡོངས་དང་འབྲེལ་བ་ཞིག་ཡིན་པར་བརྟེན། སེམས་ཁྲལ་ཡོད་ན་ཆོལ་ཁ་གསུམ་ཀ་ལ་འདྲ་མཉམ་དུ་ཡོད་དགོས་ཀྱང་རང་བཙན་བཤད་དུས་ཆོལ་ཁ་གསུམ་གྱི་ནང་ནས་ཆོལ་ཁ་གཅིག་གི་མི་ཁ་ཤས་ཀྱིས་རྟག་པར་ངར་དགོས་དོན་དང་། དབུ་མའི་ལམ་བཤད་དུས་སྔ་བར་ཕྱི་གསུམ་དུ་ཆོལ་ཁ་གཅིག་གི་ནང་གི་ཤོག་ཁག་གཅིག་གིས་ཚོར་སྣང་སྐྱེན་པོ་བྱེད་དོན་ཅི་ཡིན་ནམ། འདི་ལྟར་དོགས་པ་རྣམ་རྟོག་དང་འདི་ལྟར་ངར་ངར་ཤོར་ཤོར་བྱེད་པའི་རྒྱབ་ལྗོངས་སུ་གནད་དོན་གང་ཞིག་སྦས་ཡོད་དམ། འདི་ཚོ་ནི་ངས་བཤད་ཚོད་མི་ཤེས་པའི་དྲི་བ་རེད། འདི་ཚོ་ནི་ཀུན་གྱི་སེམས་ན་ཤར་བའི་དྲི་བ་རེད། དེ་ཚོར་ལན་ག་རེ་ཡོད་དམ།
༤༽ ད་ཐེངས་ཀྱི་བྱུང་རིམ་ཧྲིལ་པོར་བལྟ་སྐབས་ང་རང་ཡིད་འགུལ་ཐེབས་པའི་གནས་ཚུལ་གསུམ་བྱུང་། དེ་ཡང་དང་པོ་ནི་བཀའ་བློན་ཁྲི་པ་མཁས་དབང་ཟམ་གདོང་རིན་པོ་ཆེས་མཛངས་དཀྱེལ་ཆེ་བའི་བློ་གྲོས་དང་། ངང་རིང་ནན་ཏན་གྱི་ཐུགས་གཤིས། གསལ་ཞིང་བརླིང་ལ་གོ་རིམ་མ་འཆོལ་བའི་དོགས་སེལ་བཀའ་ལན་རྒྱས་བསྡུས་འཚམས་པར་གནང་བ་དེ་ཡིན་ཞིང་། མཁས་བཙུན་བཟང་གསུམ་གྱི་ཡོན་ཏན་དེ་ཚོ་མཇལ་བཞིན་བོད་མི་མང་གིས་ཐད་ཀར་འོས་འདེམས་ཞུས་པའི་བཀའ་བློན་ཁྲི་པ་གཏམ་དོན་གཉིས་མཚུངས་ཤིག་དངོས་གནས་བྱུང་འདུག་སྙམ་པ་ཤར།
གཉིས་པ་ནི། རྙོག་གླེང་འདི་ཐོག་མར་རང་དབང་གི་སྤྱི་ཚོགས་ནང་དུ་རང་དབང་གི་གླེང་སྟེགས་བརྒྱུད་དེ་ཁྱབ་ཅིང་། བར་དུ་རང་དབང་མང་གཙོའི་གྲོས་ཚོགས་ནང་བགྲོ་གླེང་དང་གྲོས་ཚོགས་ཀྱིས་ཉན་ཞིབ་སྦྱང་བཤད་ནན་ཏན་གནང་། ཐ་མར་རང་དབང་མང་གཙོའི་གྲོས་ཚོགས་ཀྱིས་སྤྱི་མོས་གྲོས་ཆོད་བཞག་པའི་བརྒྱུད་རིམ་རང་ལ་གཞིགས་ན། མང་གཙོའི་དགེ་མཚན་ལ་ཡིད་ཆེས་ལྷག་པར་དུ་སྐྱེ་བ་ཞིག་འདུག་ཀྱང་། ད་དུང་བྱིས་པའི་ལག་པར་མཚོན་ཆ་བཞག་པ་ལྟ་བུའི་ཉེན་ཁ་ཡང་མཐོང་ངོ་།།
གསུམ་པ། ཞིབ་ཏུ་བརྟག་ན། བཙན་བྱོལ་བོད་མི་བརྒྱ་ཆ་ ༩༥ ཙམ་༸གོང་ས་མཆོག་གི་མཐའ་སྐོར་དུ་རྩ་དོན་ཐོག་ལངས་ཕྱོགས་གཅིག་གྱུར་རེད་འདུག་ལ་བཀའ་ཟུར་རྣམ་པ་ཕལ་མོ་ཆེའང་གནད་འགག་ལ་ཐུག་དུས་ཆེ་འཛིན་ཆུང་བསྐྱུར་གནང་ཐུབ་མཁན་རེད། དེ་བཞིན་སྤྱི་འཐུས་ཚོའི་ནང་དུའང་ལྷག་བསམ་དང་གཞུང་ཞེན། ཤེས་ཡོན་ལྡན་པའི་མི་སྣ་གང་ཙམ་ཆོལ་ཁ་གསུམ་ཁའི་ནང་འདུག་པ་མཐོང་ནས་བློ་ཅུང་ཟད་བདེའོ།།
གཞན་ཡང་དེང་རབས་ཀྱི་འཕྲུལ་ལས་ལག་རྩལ་ཡར་རྒྱས་སོང་བར་བརྟེན་ནས། དེང་སྐབས་དྷ་སར་གྲོས་ཚོགས་འཚོགས་པ་དང་ཉན་ཞིབ་ཀྱི་ལས་རིམ་ཧྲིལ་པོ་མཐུན་རྐྱེན་ལྡན་ཚེ་འཛམ་གླིང་ཡོངས་ནས་བལྟ་ཐུབ་ཅིང་། འདི་ག་ཁེ་ཎ་ཌར་ཡང་སྐབས་རེ་སྒྲ་གཟུགས་གསལ་པོ་རང་མེད་པ་དང་། སྐབས་རེ་སྒྲ་གཟུགས་གཉིས་སྔ་རྗེས་འཛོལ་བའི་དཀའ་ངལ་ཙམ་ལས་སྤྱིར་ན་གསལ་བར་བལྟ་ཉན་ཐུབ་པ། བར་བར་དུ་དཀའ་ངལ་འཕྲད་སྐབས་ལམ་སེང་འབྲེལ་ཡོད་ལས་བྱེད་ལ་ཡིག་འབྲེལ་གྱིས་གསལ་ཞུ་བྱེད་ཐུབ་པ་བཅས་དེང་རབས་ཚན་རིག་གི་ལག་རྩལ་བཀོལ་ཤེས་ན་རང་རེ་ཁ་འཐོར་བོད་མིར་ཕན་པ་ཁ་ཡོད་ལག་ཡོད་ཏུ་ཆེ་བར་སྣང་བ་ཞོར་འཕྲོས་སོ།། །།
ཁང་གསར་རྡོ་རྗེའི་ཟིན་བྲིས་ལས་བཤུས།
ཁང་གསར་རྡོ་རྗེ།
༡༽༸གོང་ས་མཆོག་གི་དམིགས་བསལ་སྐུ་ཚབ་ཀྱིས་རྒྱ་ནག་གཞུང་ལ་གནང་བའི་ཡིག་ཆ་དེ་དག་༸གོང་ས་མཆོག་གི་དགོངས་པ་བཞིན་ཡིན་མིན་དང་།དབུ་མའི་ལམ་ལ་བཀའ་ཤག་གི་དབུ་མའི་ལམ་དང་༸གོང་ས་མཆོག་གི་དབུ་མའི་ལམ་ཞེས་གཉིས་ཡོད་ཚུལ་འདིར།ཉེ་ལམ་བཀའ་བློན་ཁྲི་པ་མཆོག་གིས་ལུང་རིགས་དཔང་རྟགས་དུ་མའི་སྒོ་ནས་དགག་བཞག་ཚ་ནན་གནང་ཡོད་ལ།འདས་པའི་ལོ་ཤས་ནང་དུའང་དེ་དང་འདྲ་བ་ཐེངས་ཁ་ཤས་གནང་ཟིན་འདུག ངས་དེ་སྔོན་སྤྱི་ཚོགས་ནང་འདིའི་ཐད་རྙོག་གླེང་ཕྲན་བུ་ཡོང་གི་ཡོད་པ་དེའི་གཞི་རྩ་ནི། གཅིག་ནས་སི་ཊའི་སི་བྷག་གི་གྲོས་འཆར་ལ་རིམ་པས་འགྱུར་བ་བཏང་བ་དང་མཉམ་དུ་བཀའ་བློན་ཁྲི་པ་རང་གིས་ཀྱང་དབུ་མའི་ལམ་ལ་འགྲེལ་བཤད་རིང་ཐུང་སྣ་ཚོགས་ཤིག་གནང་བ་དེར་ཐུག་འདུག་དྲན། དཔེར་ན་བཀའ་ཁྲི་མཆོག་གིས་དབུ་མའི་ལམ་ལ་མཐའ་བརྒྱད་ཚུལ་དྲུག་གི་སྒོ་ནས་འགྲེལ་བཤད་རིང་པོ་ཞིག་དང་། ཡང་དབུ་མའི་ལམ་ཀྱི་གནས་བབ་དེ་རྒྱལ་ཁབ་གཅིག་ལ་ལམ་ལུགས་གཉིས་ལས་མཐོ་བ་མིན་རུང་དམའ་བ་མིན་ཚུལ་ལྟ་བུའི་འགྲེལ་བརྗོད་ཁ་ཤས་གནང་རྗེས། མཐའ་མ་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་དང་། དེ་ཡང་རྒྱ་ནག་གི་རྩ་ཁྲིམས་ཀྱི་སྒྲོམ་གཞིའི་འོག་ནས་དགོས་ཚུལ་གསུངས་པ་སོགས་ལ་ཐུག་པ་རེད་དྲན། འོན་ཀྱང་ཉེ་དུས་ཀྱི་གནས་ཚུལ་ལ་བལྟ་སྐབས། རྙོག་གླེང་དེ་ཚོའི་གཞི་རྩ་ནི་གཙོ་བོ་བཀའ་ཁྲིའི་གསུང་ཕྱོགས་ཀྱི་དབང་ལས་བྱུང་བ་ཞིག་མ་ཡིན་པར། རང་རེའི་སྤྱི་ཚོགས་ནང་འགལ་ཟླའི་གནས་ཚུལ་ཡོད་པའི་སྣང་ཚུལ་གསལ་པོ་ཞིག་ཏུ་མཐོང་། དེ་ཡང་འགལ་ཟླ་དེའི་ཁོངས་སུ་རང་བཙན་དང་དབུ་མའི་ལམ་གྱི་འཐབ་རྩོད་ཡོད་པར་མ་ཟད། བཀའ་ཟུར་དང་བཀའ་ཤག་གི་འགལ་ཟླ་དང་། སྤྱི་འཐུས་དང་འཛིན་སྐྱོང་གི་འགལ་ཟླ། ༸གོང་ས་མཆོག་གི་སྐུ་ཚབ་རྙིང་པ་དང་གསར་པའི་བར་གྱི་འགལ་ཟླ། སྤྱི་འཐུས་ཚོགས་གཙོ་གསར་པ་དང་རྙིང་པའི་ཤོག་ཁག ཚོ་ཁག་བཅུ་གསུམ་གྱི་རྙོག་གླེང་ཙམ་ནས་འགོ་ཚུགས་པའི་ན་ཚ་རྙིང་པ་སོགས་འགལ་ཟླ་སྣ་ཚོགས་ཡོད་པར་མངོན་ཞིང་། དེར་བརྟེན་བཀའ་ཤག་གིས་གསལ་བཤད་ཞལ་ན་ན་གནང་ནའང་འདྲ། ༸གོང་ས་མཆོག་གིས་སྦུག་དམ་འཁོད་པའི་བཀའ་ཡིག་རིན་པོ་ཆེ་སྩལ་ནའང་འདྲ། གང་ལྟར་ག་རེ་གནང་ནའང་གསལ་པོ་ཆགས་དུས་མེད་པ་འདི་ནི་མཐར་གཏུགས་ནས་བཤད་ན་རྣ་བར་མ་སོང་བ་རེད་མ་གཏོགས་རྣ་བས་མ་གོ་བ་རྩ་བ་ནས་མ་རེད༌སྙམ།
༢༽ རྙོག་གླེང་ཆེན་པོ་ཞིག་བཟོས། བགྲོ་གླེང་ཟང་ངེ་ཟིང་ངེ་ཞིག་བྱས། ཉན་ཞིབ་རིང་པོ་ཞིག་བྱས་མཐར་བོད་མི་མང་སྤྱི་འཐུས་ལྷན་ཚོགས་ཀྱིས་སྤྱི་མོས་གྲོས་ཆོད་གཅིག་བཞག་པའི་ནང་ཡང་བསྐྱར་༸གོང་ས་མཆོག་གིས་ཡེ་ཤེས་དབྱིངས་དཔྱད་ཀྱིས་ཐག་གཅོད་གང་གནང་ལ་མོས་མཐུན་ཡོད་སྐོར་དང་། ལྷ་དགོངས་འགལ་འཁྲུག་བྱུང་ཚེ་བཟོད་གསོལ་ཞུ་རྒྱུ་ཡིན་སྐོར་གསལ་ཡོད། དེ་ནི་གྲོས་ཆོད་དེའི་ངོ་གདོང་རེད། འོན་ཀྱང་ཕྱོགས་གཞན་ནས་བཤད་ན། ༸གོང་ས་མཆོག་གིས་སྦྱོར་དངོས་མཇུག་གསུམ་ཚང་བའི་ཐབས་ལམ་གཞན་ཞིག་ཡོད་ན་འཁྱེར་ཤོག་ཅེས་ཞལ་གསལ་པོས་གསུངས་དུས། དེ་འདྲའི་ཐབས་ལམ་གསལ་པོ་འཆར་འབུལ་ཐུབ་པའི་ནུས་པ་མེད་པར་བརྟེན། ཡང་བསྐྱར་ཡེ་ཤེས་དབྱིངས་དཔྱད་ཀྱི་ཐོག་ཏུ་བབས་པར་སྣང་།
འདིར་ང་ཚོས་དོགས་པ་བྱེད་འོས་པ་ཞིག་ནི། རྒྱ་ནག་གཞུང་ལ་གནང་བའི་བསམ་འཆར་ཡིག་ཆ་དེར་སྤྱི་འཐུས་ཁ་ཤས་ཀྱིས་ཤི་ཡང་མོས་མཐུན་མེད་ཅེས་བཤད་པར་མ་ཟད། སྤྱི་འཐུས་ལ་ལས་ད་དུང་གླེན་རྟགས་དོད་པོས་༸གོང་ས་མཆོག་གིས་མཐའ་མའི་ཐག་གཅོད་བོད་མི་མང་གིས་བྱེད་ཀྱི་རེད་གསུངས་པ་དོན་ལ་གནས་མིན་དོགས་འདྲི་དང་། ཐ་ན་ལ་ལས་རྒྱ་ནག་འོག་ཏུ་ཕྱིན་ན་སྐྱབས་འགྲོའི་བསླབ་བྱ་དང་འགལ་མིན་གྱི་ལྐུགས་རྟགས་ཚ་བའི་དྲི་བ་དྲིས་ཚུལ་འདི་དག་ལ་བསམས་ན། སྤྱི་འཐུས་ཉུང་ཤས་འདི་ཚོས་སྤྱི་མོས་ཡོད་ཅེས་པ་ནི། ༸གོང་ས་མཆོག་དང་བོད་གཞུང་གི་མཛད་བྱུས་ལ་སྒོ་ཀུན་ནས་རྒོལ་བར་བརྩམས་ཀྱང་ལུང་རིགས་རྒྱུ་མཚན་དང་དཔུང་གང་གིས་ཀྱང་རྒོལ་བའི་ནུས་པ་ཟད། རང་ངོས་ནས་ཐབས་ལམ་འདི་ཡིན་ཞེས་པའང་འཆར་འབུལ་མ་ཐུབ་སྟབས། རེ་ཞིག་མོས་མཐུན་ཡོད་ཁུལ་བྱས་པ་ཙམ་ལས། དོན་དུ་འདི་ཚོས་སླར་གོ་སྐབས་ཐོབ་ཚེ་ཁ་གཡར་ས་གང་འོས་ཤིག་བཙལ་ཏེ་རྙོག་གླེང་བཟོ་བ་ལ་ཐེ་ཚོམ་ཅི་ཡང་མི་འདུག་སྙམ་པས། ཕྱི་ཆར་པའི་ཆར་ཐག་ཆོད་ཀྱང། ནང་ཐིགས་པའི་ཐིགས་ཐག་ད་དུང་ཆོད་མེད་དོ།། ཚིག་གཞན་གྱིས་བཤད་ན། ཁྲིམས་དོན་ལྟར་ན་ཐག་ཆོད་ཀྱང་དངོས་དོན་ལྟར་ན་ད་དུང་ཡང་འཁྲུན་ཐག་ཆོད་མི་འདུག་གོ །
༣༽ བོད་ཀྱི་རྩ་དོན་འདི་བོད་མི་ཡོངས་དང་འབྲེལ་བ་ཞིག་ཡིན་པར་བརྟེན། སེམས་ཁྲལ་ཡོད་ན་ཆོལ་ཁ་གསུམ་ཀ་ལ་འདྲ་མཉམ་དུ་ཡོད་དགོས་ཀྱང་རང་བཙན་བཤད་དུས་ཆོལ་ཁ་གསུམ་གྱི་ནང་ནས་ཆོལ་ཁ་གཅིག་གི་མི་ཁ་ཤས་ཀྱིས་རྟག་པར་ངར་དགོས་དོན་དང་། དབུ་མའི་ལམ་བཤད་དུས་སྔ་བར་ཕྱི་གསུམ་དུ་ཆོལ་ཁ་གཅིག་གི་ནང་གི་ཤོག་ཁག་གཅིག་གིས་ཚོར་སྣང་སྐྱེན་པོ་བྱེད་དོན་ཅི་ཡིན་ནམ། འདི་ལྟར་དོགས་པ་རྣམ་རྟོག་དང་འདི་ལྟར་ངར་ངར་ཤོར་ཤོར་བྱེད་པའི་རྒྱབ་ལྗོངས་སུ་གནད་དོན་གང་ཞིག་སྦས་ཡོད་དམ། འདི་ཚོ་ནི་ངས་བཤད་ཚོད་མི་ཤེས་པའི་དྲི་བ་རེད། འདི་ཚོ་ནི་ཀུན་གྱི་སེམས་ན་ཤར་བའི་དྲི་བ་རེད། དེ་ཚོར་ལན་ག་རེ་ཡོད་དམ།
༤༽ ད་ཐེངས་ཀྱི་བྱུང་རིམ་ཧྲིལ་པོར་བལྟ་སྐབས་ང་རང་ཡིད་འགུལ་ཐེབས་པའི་གནས་ཚུལ་གསུམ་བྱུང་། དེ་ཡང་དང་པོ་ནི་བཀའ་བློན་ཁྲི་པ་མཁས་དབང་ཟམ་གདོང་རིན་པོ་ཆེས་མཛངས་དཀྱེལ་ཆེ་བའི་བློ་གྲོས་དང་། ངང་རིང་ནན་ཏན་གྱི་ཐུགས་གཤིས། གསལ་ཞིང་བརླིང་ལ་གོ་རིམ་མ་འཆོལ་བའི་དོགས་སེལ་བཀའ་ལན་རྒྱས་བསྡུས་འཚམས་པར་གནང་བ་དེ་ཡིན་ཞིང་། མཁས་བཙུན་བཟང་གསུམ་གྱི་ཡོན་ཏན་དེ་ཚོ་མཇལ་བཞིན་བོད་མི་མང་གིས་ཐད་ཀར་འོས་འདེམས་ཞུས་པའི་བཀའ་བློན་ཁྲི་པ་གཏམ་དོན་གཉིས་མཚུངས་ཤིག་དངོས་གནས་བྱུང་འདུག་སྙམ་པ་ཤར།
གཉིས་པ་ནི། རྙོག་གླེང་འདི་ཐོག་མར་རང་དབང་གི་སྤྱི་ཚོགས་ནང་དུ་རང་དབང་གི་གླེང་སྟེགས་བརྒྱུད་དེ་ཁྱབ་ཅིང་། བར་དུ་རང་དབང་མང་གཙོའི་གྲོས་ཚོགས་ནང་བགྲོ་གླེང་དང་གྲོས་ཚོགས་ཀྱིས་ཉན་ཞིབ་སྦྱང་བཤད་ནན་ཏན་གནང་། ཐ་མར་རང་དབང་མང་གཙོའི་གྲོས་ཚོགས་ཀྱིས་སྤྱི་མོས་གྲོས་ཆོད་བཞག་པའི་བརྒྱུད་རིམ་རང་ལ་གཞིགས་ན། མང་གཙོའི་དགེ་མཚན་ལ་ཡིད་ཆེས་ལྷག་པར་དུ་སྐྱེ་བ་ཞིག་འདུག་ཀྱང་། ད་དུང་བྱིས་པའི་ལག་པར་མཚོན་ཆ་བཞག་པ་ལྟ་བུའི་ཉེན་ཁ་ཡང་མཐོང་ངོ་།།
གསུམ་པ། ཞིབ་ཏུ་བརྟག་ན། བཙན་བྱོལ་བོད་མི་བརྒྱ་ཆ་ ༩༥ ཙམ་༸གོང་ས་མཆོག་གི་མཐའ་སྐོར་དུ་རྩ་དོན་ཐོག་ལངས་ཕྱོགས་གཅིག་གྱུར་རེད་འདུག་ལ་བཀའ་ཟུར་རྣམ་པ་ཕལ་མོ་ཆེའང་གནད་འགག་ལ་ཐུག་དུས་ཆེ་འཛིན་ཆུང་བསྐྱུར་གནང་ཐུབ་མཁན་རེད། དེ་བཞིན་སྤྱི་འཐུས་ཚོའི་ནང་དུའང་ལྷག་བསམ་དང་གཞུང་ཞེན། ཤེས་ཡོན་ལྡན་པའི་མི་སྣ་གང་ཙམ་ཆོལ་ཁ་གསུམ་ཁའི་ནང་འདུག་པ་མཐོང་ནས་བློ་ཅུང་ཟད་བདེའོ།།
གཞན་ཡང་དེང་རབས་ཀྱི་འཕྲུལ་ལས་ལག་རྩལ་ཡར་རྒྱས་སོང་བར་བརྟེན་ནས། དེང་སྐབས་དྷ་སར་གྲོས་ཚོགས་འཚོགས་པ་དང་ཉན་ཞིབ་ཀྱི་ལས་རིམ་ཧྲིལ་པོ་མཐུན་རྐྱེན་ལྡན་ཚེ་འཛམ་གླིང་ཡོངས་ནས་བལྟ་ཐུབ་ཅིང་། འདི་ག་ཁེ་ཎ་ཌར་ཡང་སྐབས་རེ་སྒྲ་གཟུགས་གསལ་པོ་རང་མེད་པ་དང་། སྐབས་རེ་སྒྲ་གཟུགས་གཉིས་སྔ་རྗེས་འཛོལ་བའི་དཀའ་ངལ་ཙམ་ལས་སྤྱིར་ན་གསལ་བར་བལྟ་ཉན་ཐུབ་པ། བར་བར་དུ་དཀའ་ངལ་འཕྲད་སྐབས་ལམ་སེང་འབྲེལ་ཡོད་ལས་བྱེད་ལ་ཡིག་འབྲེལ་གྱིས་གསལ་ཞུ་བྱེད་ཐུབ་པ་བཅས་དེང་རབས་ཚན་རིག་གི་ལག་རྩལ་བཀོལ་ཤེས་ན་རང་རེ་ཁ་འཐོར་བོད་མིར་ཕན་པ་ཁ་ཡོད་ལག་ཡོད་ཏུ་ཆེ་བར་སྣང་བ་ཞོར་འཕྲོས་སོ།། །།
ཁང་གསར་རྡོ་རྗེའི་ཟིན་བྲིས་ལས་བཤུས།
Subscribe to:
Posts (Atom)