ཕྱག་གི་ཞལ་པར་དང་འབྲེལ་བའི་འཕྲོད་བསྟེན།

འཛམ་གླིང་འཕྲོད་བསྟེན་ཚོགས་པས་ཉེ་ལམ་ཞིབ་འཇུག་བྱས་པ་བརྒྱུད་ཤེས་རྟོགས་བྱུང་བར་གཞིགས་ན།། དེང་གི་དུས་སུ་ལག་ཐོགས་ཁ་པར་ཡང་མི་ལ་སྐྲན་ནད་བཟོ་མཁན་གྱི་དགྲ་བོ་ཆུང་ཆུང་ཞིག་ཡིན་པར་གསལ་བསྒྲགས་སྤེལ་འདུག། དེ་ཡང་གཤམ་གསལ། འཛམ་གླིང་འཕྲོད་བསྟེན་ཚོགས་པས་ཉེ་ལམ་ཞིབ་འཇུག་བྱས་པ་བརྒྱུད་ཤེས་རྟོགས་བྱུང་བར་གཞིགས་ན།། དེང་གི་དུས་སུ་ལག་ཐོགས་ཁ་པར་ཡང་མི་ལ་སྐྲན་ནད་བཟོ་མཁན་གྱི་དགྲ་བོ་ཆུང་ཆུང་ཞིག་ཡིན་པར་གསལ་བསྒྲགས་སྤེལ་འདུག། དེ་ཡང་གཤམ་གསལ། ༡༽ཁ་པར་གློག་སྤར་ནས་དུས་ཡུན་རིང་པོར་བསྟུད་མར་ལུས་ཐོག་ཏུ་འབྱར་ནས་བཟུང་ན་ཁ་པར་གློག་རླབས་ཀྱིས་མིའི་ཁོག་པའི་ནང་ལ་གློག་གནོད་པ་ཕོགས་ཀྱི་ཡོད་པ་དང་།། ༢༽ཁ་པར་ལ་སྒྲ་སྐུད་སྦྲེལ་ནས་ཡུན་རིང་བསྟུད་མར་གླུ་གཞས་ཉན་པ་དང་གློག་བརྙན་བལྟ་བ་སོགས་བྱས་ན་མིའི་རྣ་དབང་ལ་གནོད་ཚེ་ཆེན་པོ་བཟོ་གྱི་ཡོད།། ༣༽ཁ་པར་ནང་གི་པར་རིས་དང་དྲྭ་རྒྱའི་པོད་འཕྲིན་དང་འུར་འཕྲིན་སོགས་ལ་ཆུ་ཚོད་གཅིག་ཡན་བསྟུད་མར་བལྟ་ཀློག་བྱེད་དྲགས་ན་གློག་རླབས་ཀྱིས་ཀླད་རྩྭ་དང་དབང་རྩྭའི་མ་ལག་ལ་ཡང་གནོད་འཚེ་བཟོ་གྱི་ཡོད།། ༤༽ཁ་པར་གློག་སྤར་བཞིན་པའི་སྐབས་སུ་ཡུན་རིན་ལག་ཏུ་འཛིན་ནས་བསྡད་དྲགས་ན་ལུས་དབང་གི་ཤེས་པ་ལ་ཡང་མངོན་གསལ་མེད་པའི་གནོད་སྐྱོན་བཟོ་གྱི་ཡོད་པ་མ་ཟད།། ༥༽ལྷག་པར་དུ་མི་འགའ་ཞིག་གིས་དགོང་མོ་གཟིམ་ཆས་ནང་དུ་འཛུལ་ནས་ཁ་པར་གྱི་རིག་ནུས་ལ་རོལ་བ་དང་། གློག་མ་བཀག་པར་སྔས་མགོའི་འགྲམ་དུ་མཚན་གང་བཞག་གྱི་ཡོད་པ་ནི་ཉེན་ཚབས་ཤིན་ཏུ་ཆེན་པོ་ཡིན།། གོང་གསལ་གྱི་གློག་རླབས་གནོད་འཚེ་བྱེད་ཚུལ་ལ་སྣང་འཇོག་མེད་པར་གོམས་འཇགས་སུ་སོང་ན་སྤྱིར་བཏང་གི་གནོད་འཚེ་ཙམ་མ་ཡིན་པར་རྗེས་སུ་སྐྲན་ནད་སློང་སྲིད་པའི་ར་སྤྲོད་བྱས་འདུག་པས་ཚང་མས་ཚད་མཐུན་གྱི་བེད་སྤྱོད་བྱེད་ཤེས་པ་གནང་རོགས།། ༼ཁ་པར་གྱི་གློག་ཤུགས་ག་ཚོད་ཀྱིས་ཆེ་ན་གློག་རླབས་ཀྱི་གནོད་ཚབས་དེ་བས་ཆེ་བ་ཡོད་པས།།ཀུ་ཤུ་རྟགས་ཅན་སོགས་སྤུས་ཚད་ལེགས་པའི་ཁ་པར་ཚང་མ་ཆེད་དུ་གློག་ཤུགས་ཆེན་པོ་མེད་པ་བཟོ་དགོས་དོན་ཡང་དམིགས་ཡུལ་དེ་ལྟར་ཡིན་ནོ།༽

སྤྲུལ་སྐུ་དག་ལ་གནང་བའི་སློབ་གཉེར་བསླབ་བྱ།

༄༅། །རབ་འབྱམས་རྒྱལ་བ་ཀུན་གྱི་ཡེ་ཤེས་ནི། །དུས་མཐར་ཐུབ་བསྟན་རྒྱལ་མཚན་བསྒྲེང་བའི་ཕྱིར།།
གསུམ་ལྡན་ངུར་སྨྲིག་འཆང་བའི་རྣམ་རོལ་པ། །ཡབ་རྗེ་འཇིགས་མེད་དབང་པོའི་ཞབས་ལ་འདུལ།།
སྤྲུལ་སྐུ་དག་ལ་གནང་བའི་སློབ་གཉེར་བསླབ་བྱ།
--------------------------------------------------------------------------------

དཀོན་མཆོག་བསྟན་པའི་སྒྲོན་མེ།
༄༅། །རབ་འབྱམས་རྒྱལ་བ་ཀུན་གྱི་ཡེ་ཤེས་ནི། །དུས་མཐར་ཐུབ་བསྟན་རྒྱལ་མཚན་བསྒྲེང་བའི་ཕྱིར།།
གསུམ་ལྡན་ངུར་སྨྲིག་འཆང་བའི་རྣམ་རོལ་པ། །ཡབ་རྗེ་འཇིགས་མེད་དབང་པོའི་ཞབས་ལ་འདུལ།།
དམ་པའི་སྐྱེས་བུ་འགའ་ཞིག་མདོ་སྔགས་ཀྱི། །ལམ་བཟང་སྒྲུབ་ཚུལ་བསླབ་བྱ་དགོས་སོ་ཟེར།།
གཞན་ལ་ཕན་པའི་བསླབ་བྱ་བྱེད་པ་པོ། །རང་ཉིད་བསམ་ཞིང་རང་ལ་ཡི་མུག་སྐྱེས།།
འདི་ཕྱིའི་སྐྱབས་སུ་བླ་མ་བསྟེན་ན་ཡང་། །བདེན་ཁ་རང་གིས་བཟུང་བ་ཡིད་རེ་མུག །
དལ་འབྱོར་དོན་ཆེ་རྙེད་དཀའ་ཟེར་བཞིནདུ། །དོན་མེད་སྟོང་པར་གཟད་པ་ཡིད་རེ་མུག །
ནོར་རྐུན་མཐོང་ནས་ཤིན་ཏུ་ཟོན་བྱེད་ཀྱང་། །མི་རྐུན་གཤིན་རྗེའི་ཟོན་མེད་ཡིད་རེ་མུག །
ལྐོག་གྱུར་གནས་ལུགས་འཚོལ་བའི་ཁུལ་བྱེད་ཀྱང་། །མངོན་འགྱུར་འཆི་བ་མི་མཐོང་ཡིད་རེ་མུག །
ཉེས་སྤྱོད་ཆུ་བོ་ཐུར་དུ་རྒྱུག་བཞིན་དུ། །བདེ་འགྲོའི་རི་རྩེར་ཕྱིནའདོད་ཡིད་རེ་མུག །
བདེ་འགྲོར་མ་ཟད་བདེ་བ་ཅན་འདོད་ཀྱང་། །དམྱལ་བའི་གཏིང་རྡོ་བྱེད་བ་ཡིད་རེ་མུག །
སྐྱིད་སྡུག་འདམ་དབང་ཡོད་ཅིང་ཤེས་བཞིནདུ། །ཐར་མེད་བཙོན་རར་འཇུག་པ་ཡིད་རེ་མུག །
གཞན་ལ་འདི་ཕྱིའི་སྐྱབས་འཇུག་ཁས་ལེན་ཡང་། །རང་ཉིད་གར་འགྲོ་མེད་པ་ཡིད་རེ་མུག །
བསྟན་འཛིན་གོང་མའི་གྲལ་དུ་འཚང་ན་ཡང་། །བསྟན་པའི་སྒོ་རུ་མ་ཆུད་ཡིད་རེ་མུག །
སྡོམ་གསུམ་ནོར་བུའི་གཏེར་ཁ་ཕྱེ་བ་ལས། །ཉེས་ལྟུང་རྙོག་ཆུ་རྡོལ་བ་ཡིད་རེ་མུག །
གྲོལ་བ་ཐར་བ་དོན་གཉེར་ཟེར་བཞིན་དུ། །སྲེད་མཁོས་ཕྱི་ཕྱིར་འཆིང་བ་ཡིད་རེ་མུག །
ཐར་འདོད་སྐྱེས་བུ་ཡིན་པ་གཞིར་བཞག་ལ། །ཅི་བྱས་འཁོར་བའི་རྒྱུར་སོང་ཡིད་རེ་མུག །
མིག་རྩ་ཁོར་ལ་གཏད་དེ་ཆོག་ཤེས་ཀྱི། །གདམས་ངག་བྲོ་བའི་ཆོས་བཤད་ཡིད་རེ་མུག །
དཀའ་ཚེགས་ཆེ་ལ་འདི་ཕྱི་གང་དུ་ཡང་། །ཕན་མེད་ཤྭ་སྡུག་ཁྱི་སྡུག་ཡིད་རེ་མུག །
རྩེ་གཅིག་དད་པའི་རྒྱུ་ནོར་བསགས་བསགས་ཀྱང་། །འཆི་ཚེ་ཅམ་གྱིས་བསྐྱུར་དགོས་ཡིད་རེ་མུག །
འདི་བས་འདི་དགོས་མང་སྟེ་བཤོལ་བའི་འོས། །དམ་ཆོས་གཅིག་པུར་བབ་པ་ཡིད་རེ་མུག །
བསྟན་པའི་བྱ་བར་བཏགས་ནས་སྡེ་དགོན་བསྐྱངས། །ཆགས་སྡང་རུ་མར་སོང་པ་ཡིད་རེ་མུག །
གྲྭ་སློབ་སྦྱིན་བདག་ངན་པ་ཡར་ཐེན་པས། །རང་ཉིད་ཐུར་དུ་ལྷུང་བ་ཡིད་རེ་མུག །
རྒྱ་ཆེན་གཞུང་ལུགས་ལྟ་བའི་མིག་བགྲད་ནས། །བླང་དོར་ལག་ནོམ་དགོས་བ་ཡིད་རེ་མུག །
འགྲིག་འགྲིག་ཆོས་གཏམ་བཤད་ཀྱང་སྤྱོད་ཚུལ་ལ། །བལྟས་ཀྱིན་གྲོགས་ཀྱི་ཞེ་ཁྲེལ་ཡིད་རེ་མུག །
གཡོ་སྒྱུ་འཕྲལ་ལ་གཞན་གྱི་མ་ཤེས་ཀྱང་། །མཆོག་གསུམ་ཐུགས་ཁྲེལ་འབྱུང་བ་ཡིད་རེ་མུག །
སྙིང་རྗེའི་ཉམས་བཏོད་རང་མཁོ་ཕུགས་སུ་བཅུག །བྱི་ལའི་འཇམ་སྐད་འདོན་པ་ཡིད་རེ་མུག །
དགེ་སྦྱོར་བྱས་ཀྱིན་སེམས་དང་རྨི་ལྟས་ཚུན། །ཇེ་ཐུར་ཇེ་ཐུར་འགྲོ་བ་ཡིད་རེ་མུག །
མི་ཚེ་ཆོས་ལ་བསྐྱལ་བའི་མལ་ས་ནས། །དུད་འགྲོའི་བེམ་པོ་བྱུང་ན་ཡིད་རེ་མུག །
ད་ལྟ་གདེང་ཡོད་ཁུལ་གྱིས་སོས་བདེར་བསྡད། །འཆི་ཁ་སྡུག་སྨྲས་ཤོར་ན་ཡིད་རེ་མུག །
མདོར་ན་འཁྲུལ་པ་མེད་པ་རྒྱལ་བའི་བཀའ། །སྔོན་བྱོན་དམ་པའི་གསུང་དང་རྣམ་པར་ཐར། །
འཁོར་འདས་སྐྱོན་ཡོན་གང་གི་སྒོ་ནས་ཀྱང་། །རང་གི་སེམས་ལ་བལྟས་ན་ཡིད་རེ་མུག །
འོན་ཀྱང་ཁོ་བོ་ད་ལྟ་མི་རྣམས་ཀྱིས། །དམ་པར་བཀུར་བས་རང་རྒྱུས་ཤེས་བཞིན་དུ། །
སྟོང་འུར་ལང་བས་དམ་པའི་ཁུར་འཛིན་ཅིང་། །དེ་ཡི་རྫུན་འགེབས་གཡོ་སྒྱུ་ཅི་ཡང་བྱས། །
རང་གི་ངང་ཚུལ་འདི་ཡིས་རྗེས་དཔག་ན། །སྙིགས་དུས་བླ་སྤྲུལ་དགེ་བའི་བཤེས་གཉེན་དུ། །
གྲགས་པའི་ཁྲོད་ནའང་ཕྱི་ནང་གོ་འཛོལ་བ། །ང་འདྲ་ཡོད་དམ་སྙམ་དུ་དོགས་པ་སྐྱེས། །
མཆོད་གྲལ་ལྡེར་བཟོ་ལྟ་བུའི་བླ་ཆེན་དང་། །བཅོས་མའི་མེ་ཏོག་འདྲ་བའི་སྐུ་སྐྱེའི་རིགས། །
མཁས་དང་གྲུབ་པའི་འབག་གྱོན་གར་མཁན་རྣམས། །གཞན་མགོ་འདོན་པའི་སྔོན་ལ་རང་མགོ་ཐོན།།
ངང་ཚུལ་དྲང་པོར་སྨྲས་པའི་བདེན་གཏམ་འདིས། །མི་རྣམས་རང་སེམས་ལྟ་བའི་མིག་འདྲེན་དུ། །
སོང་སྟེ་སྐྱོན་ཡོན་བླང་དོར་ངོས་ཟིན་ནས། །ཆོས་ལ་ཆོས་བཞིན་སྤྱོང་པའི་རྒྱུར་གྱུར་ཅིག །
ཅེས་པ་འདི་ནི་མཁྱེན་རབ་ཀྱི་དབང་ཕྱུག་རྩེ་དབུ་སྤྲུལ་སྐུ་འཇམས་དབྱངས་བཤེས་གཉེན་གྱིས་བསླབ་བྱ་ཞིག་དགོས་ཚུལ་བྱུང་བ་ལྟར་བྲི་བར་བརྩམས་པའི་ཚེ། གཞན་ལ་སློབ་པ་ལ་རང་ཇི་འདྲར་སོང་འདུག་སྙམ་དུ་རྣམ་རྟོག་གི་རྒྱུ་ཚུལ་འདི་འདྲ་ཞིག་བྱུང་པ་ལྟར་སྐོ་ཀླུའི་ཚུལ་དུ། ༑ བཙུན་པ་དཀོན་མཆོག་བསྟན་པའི་སྒྲོན་མེས་འཕྲལ་དུ་སྨྲས་པའོ།།

ངས་མིག་ཤེལ་ངེས་པར་གྱོན་དགོས་སམ།

དྲི་བ། ང་ནི་ད་ལྟ་ལོ་༡༩ ཡིན། འོན་ཀྱང་ངའི་མིག་ཟ་འཕྲུག་རྒྱག་གི་འདུག་སྟབས་ཨེམ་ཆིས་སློབ་སྦྱོང་བྱེད་དུས་མིག་ཤེལ་རྒྱག་དགོས་པ་བརྗོད་བྱུང་། ངའི་མིག་གི་ཨང་གྲངས་SPH -0.5 དང་ CYL 0.75 རེད། ང་ནི་སློབ་ཕྲུག་ཤིག་ཡིན་པར་སོང་སློབ་སྦྱོང་མང་པོ་བྱ་དགོས་པས་གཏན་གཏན་ཇི་ལྟར་བྱེད་དགོས་སམ། ངའི་cyl ཨང་གྲངས་དེ་ཉེན་ཁ་ཅན་ཡིན་ནམ།

ལན། ཁྱེད་ལ་ཆ་ཤས་ཙམ་གྱིས་ཐང་རིང་མི་མཐོང་བ་ཡོད་པ་ཙམ་ལ་གཞིག་ན་ཁྱེད་ཀྱིས་རྟག་ཏུ་མིག་ཤེལ་མ་གྱོན་ནའང་འགྲིགས། ཁྱེད་ཀྱིས་མིག་ཤེལ་མ་གྱོན་པར་དེབ་སོགས་ཀློག་དུས་མགོ་ན་བ་སོགས་ཡོད་ན་མིག་ཤེལ་གྱོན་དགོས། cyl ཨང་གྲངས་དེ་ཙམ་ཆེན་པོ་ཞེ་དྲག་མིན་པས་ཉེན་ཁ་ཆེ་བ་མེད། ངས་ཁྱེད་ལ་བརྗོད་རྒྱུ་གཅིག་པུ་དེ་ནི་འོད་སྣང་སྐྱོ་པོའི་འོག་སློབ་སྦྱོང་བྱ་རྒྱུ་མེད་པ་དང་། ལྷག་པར་དེབ་སོགས་ཀློག་དུས་གདོང་པའི་རྩར་ཁྱེར་ནས་ཀློག་རྒྱུ་མེད། དུས་ནས་དུས་སུ་ཆུ་གཙང་མས་མིག་བཀྲུ་དགོས།

ལན་འདེབས་བྱེད་པོ། ཨེམ་ཆི་ཨར་ཇུན། ཀེ མིཥྲ

མཆིན་ནད་། (Hepatitis B)

རྩོམ་པ་པོ། སྨན་པ་རིག་འཛིན་བཟང་མོ།

མཆིན་ནད་དུག་ཐབས་སམ་ཧེ་པ་ཀྲ་ཀྲི་སི་སྦི་ཡི་སྐོར་རགས་ཙམ་གླེང་བ།

དེང་དུས་ནུབ་ལུགས་པས་གྲགས་ཆེ་བའི་ནད་གཞི་ཧེ་པ་ཀྲ་ཡེ་ཀྲི་སི་སྦི་ཞེས་པ་བོད་ལུགས་ནས་དྭངས་མ་མ་ཞུ་མཁྲིས་ནད་དུག་ཐབས་ཡིན་པར་འདོད། བོད་ཀྱི་གསོ་བ་རིག་པའི་གཞུང་ལུགས་ལྟར་སྨྲས་ན་ནད་གཞི་འདི་གསར་པ་ཞིག་མིན་པར་གནའ་དུས་ནས་ཡོད་པ་ཞིག་ཡིན།
༡༽ རྒྱུ། ཕྱི་ལུགས་པས་ནད་འདི་རྒྱུ་རྐྱེན་སྲིན་རིགས་ཁོ་ན་ལས་འབྱུང་ཞེས་པ་རང་ལུགས་ལྟར་ན་གཙོ་ཆེར་ཕོ་བའི་བད་མཁྲིས་རླུང་གསུམ་གྱི་མེ་དྲོད་མཐུ་ཞན་པས་ཁ་ཟས་དྭངས་སྙིགས་ཕྱེ་མ་ནུས་ཤིང༌། སྙིགས་མ་དྭངས་མའི་རྩ་སྦུབས་སུ་ཤོར་བ་ཟུངས་སུ་མ་སྨིན་པར་ངན་ཁྲག་རྒྱས་ཏེ་མཆིན་རྩར་གནས་པ་ལྷན་སྐྱེས་སྲིན་དང་བསྡོངས་ནས་ནད་ཀུན་འབྱུང་བར་འགྱུར་ངེས།
༢༽ སློང་རྐྱེན། རྒྱུད་ལས་ནད་སློང་རྐྱེན་གཉིས་དྲན་པས་རྟག་ཏུ་སྤོང་ཞེས་པ་ལྟར་ནད་སློང་རྐྱེན་གཙོ་བོ་ཟས་སྤྱོད་གཉིས་ལས། དང་པོ་ཁ་ཟས་སུ་རྒྱུན་དུ་ཚ་སྐྱུར་ཤས་ཆེ་བ་ཆང་རག་དང༌། ཤིང་ཏོག་མ་སྨིན་པ་དང་སྐྱུར་མོའི་རིགས། འཇུ་དཀའ་བའི་རིགས། འོ་མ་གྲང་མོ། སྔོ་ངད་རྗེན་ཚལ། ཤ་ཤིན་ཏུ་རིད་པའམ་མི་གཙང་བ། ཚིལ་སྣུམ་རིགས་བསྟེན་དྲགས་པ། གཞན་ཡང་མར་དང༌། སྣུམ་ནང་དུ་བརྔོ་བསྲེག་བྱས་པའི་སྒོ་ང་དང་ཤ རྒྱུ་མ་དང་གློ་བ། སྟར་ཁའི་འབྲས་བུ་དང་བ་དམ་ལ་སོགས་པ་སྣུམ་ལྡན་གྱི་རིགས། རུལ་སུངས་ཀྱི་རིགས། ཕྱུར་ར་རྙིང་པའམ་རུལ་པ། ཕག་ཤ་སོགས་བསྙལ་ཤའི་རིགས། གཉིས་པ་སྤྱོད་ལམ་སེམས་ལ་ཞེ་སྡང་དྲག་པོ་སྐྱེས་ནས་ལུས་ཁམས་འཁྲུགས་པའམ་ཡང་ན་དལ་བར་འདུག་དང་མྱ་ངན་སེམས་དུབ་ཀྱིས་ལུས་ཁམས་ཀྱི་ནད་འགོག་ནུས་པ་ཆུང་དུ་ཕྱིན་ཏེ་ནད་དུག་དེ་ཉིད་རིམས་ནད་གཞན་དང་འདྲ་བར་འགོས་ཁྱབ་ཡོང་གི་ཡོད། མདོར་ན་རྒྱུ་རྐྱེན་གཙོ་བོ་ཟས་དང་སྤྱོད་ལམ་གཉིས་ཁོ་ནར་རག་ལས་པ་མཆིན་ནད་ལེའུ་ལས་ཀྱང་རྒྱུ་རྐྱེན་ཚ་སྐྱུར་ཟས་དང་དྲག་ཤུལ་སྐྱེད་ཅེས་གསུངས་སོ།།
༣༽ ནད་རྟགས། ནད་གཞི་འདི་ཆུང་ངུའི་སྐབས་མངོན་ཚུལ་གྱི་རྟགས་གསལ་པོ་མེད་ཀྱང་སྔར་ཚུལ་གྱི་སྐབས་སུ། ཁྲག་གི་ཆུ་སེར་ལ་རྐྱེན་བྱུང་བ། ཕོ་བ་དང་རྒྱུ་མའི་བྱ་ལས་མི་བདེ་ཞིང་ཆུ་མདོག་སེར་བ། ཆམ་རིམས་ལྟ་བུའི་ནད་གཞིས་ཟིན་པ་སོགས་འབྱུང༌། དེ་རྗེས་རིམ་པས་དུས་ཡུན་གང་འཚམས་སོང་རྗེས། དང་ག་ཞན། ཞེ་མེར་ཞིང་སྐྱུག ངལ་དུབ་ཆེ། གྲོད་ཁོག་ན་ཞིང་སྦོ། རྩིབ་མ་གཡས་ཀྱི་སྟེང་གཟེར་ཞིང་ཚིགས་གཞི་ན། བཤང་བའི་མདོག་སྐྱ་བའམ་དཀར། མགོ་ན། ཆུ་མདོག་མར་ནག་འདྲ་བ་དང༌། སྨུག་ཤས་ཅན། དམར་སེར་ལྡན་པ། དྲི་དུགས་པ། ལྦུ་ཚེག་སྒྲ་བཅས་སངས་སྐྱེན། འཇུ་སྟོབས་ཞན། ཕོ་བ་སྦོ་ལ་སྐབས་རེ་གཟེར། ལྗིད་ཚད་ཆགས། སྐབས་རེ་བཤང་བའི་ནང་ཁྲག་འདྲེས་པའམ་ནག་པོར་འབྱུང༌། སྣ་ཁྲག་འབྱུང༌། མཐའ་མཇུག་མཆིན་པ་རུལ་ནས་དུད་ཁུར་ལུ་བ་ཡིན།
༤༽ ནད་འགོ་སྟངས། ལུས་ཁམས་ཀྱི་ནད་འགོག་ནུས་པ་ཆུང་དུ་ཕྱིན་པའི་སྐབས་སུ་མཆིན་པའི་ཁྲག་སྲིན་གྱི་ནད་འབུ་ཡོད་པའི་མི་དང་འབྲེལ་ཐུག་དངོས་སུ་བྱུང་བའམ་ཡང་ན་བརྒྱུད་ནས་བྱུང་བ་གང་ཡང་རུང་བ་ལས་ཁྲག་སྲིན་དེ་ཉིད་ཁྲག་གམ་ལུས་ཀྱི་ཆུ་སེར་གང་རུང་གི་རྨ་ཁ་དང་རྩ་ལམ་བརྒྱུད་གཅིག་ནས་གཅིག་ལ་འགོ་བ་ཡིན། གཞན་ཡང་མ་ནད་བུ་ལ་ལྷུང་བའི་ལྷན་སྐྱེས་ཀྱི་ལམ་ནས་འགོས་ཁྱབ་ཡོང་བ་ཡང་ཡོད། ཁྲག་གསབ་བརྒྱུད་ནས་འགོ་བ་བཅས་མདོར་ན་ཁྲག་དང་ཆུ་སེར་བརྒྱུད་ནས་འགོ་བ་མ་གཏོགས་ནད་གཞི་འདི་ཡོད་པའི་མི་དང་ལྷན་དུ་སྐད་ཆ་ཤོད་སྐབས་ཁ་རླངས་ཕོག་པ་དང༌། ཟ་མ་ཟ་བ། ལག་པ་བཏང་བ། གོས་མཉམ་བསྲེས་བྱེད་པ་སོགས་ནས་འགོ་བ་མིན།
༥༽ སྔོན་འགོག ནད་མ་ཕོག་སྔོན་ནས་དོ་སྣང་དགོས་པ། དེང་དུས་སྔར་དང་མི་འདྲ་བར་འཕྲུལ་ཆས་ཀྱི་ཆ་རྐྱེན་ལེགས་པས་ནད་གཞི་ཡོད་མེད་བརྟག་དཔྱད་བྱེད་དགོས་པ་དང༌། མེད་ན་སྔོན་འགོག་གི་ཁབ་རྒྱག་དགོས་པ་ཡིན། སྔོན་དུ་བརྗོད་པ་ལྟར་རྒྱུ་རྐྱེན་དང་འགོ་སྟངས་སོགས་ལ་རྒྱུན་དུ་དོ་སྣང་བྱེད་དགོས་པ་མ་ཟད། ནད་གཞི་འདི་ཡོད་པ་ཚོས་གོང་གསལ་ལྟར་རྒྱུན་དུ་ཟས་སྤྱོད་ཀྱི་སྤང་བླང་དང་སྨན་བཅོས་ཚུལ་བཞིན་བྱེད་རྒྱུ་དང༌། རང་གི་ནད་དེ་གཞན་ལ་མི་འགོ་བ་བྱེད་རྒྱུ་ཧ་ཅང་གལ་ཆེ།
༦༽ འགོས་ཉེན་ཆེ་བའི་རིགས། སྨན་པ་དང༌། སྨན་གཡོག ཁྲག་བརྟག་དཔྱད་བྱེད་མཁན། བུ་ནང་ཁུལ་བཤང་ལམ་དུ་འཁྲིག་པ་སྤྱོད་མཁན། ནད་གཞི་འདི་ཡོད་པའི་བཟའ་ཟླར་ལུས་འབྲེལ་བྱེད་མཁན། གང་བྱུང་ལོག་གཡེམ་བྱེད་མཁན། རྩ་ལམ་བརྒྱུད་སྦྲིད་སྨན་བེད་སྤྱོད་གཏོང་མཁན། ཨ་མར་ནད་གཞི་འདི་ཡོད་པའི་ཕྲུ་གུ། སྐྲ་ཁང་དང་སྨན་ཁང་ནང་ནས་སྐྲ་གྲི་དང་སྨན་ཁབ་དུག་སེལ་མ་བྱས་པ་བེད་སྤྱོད་བྱེད་མཁན་སོགས་ཡིན།
༧༽ ཟས་སྤྱོད་སྤང་བླང་བྱ་ཚུལ། དང་པོ་སྤང་བྱའི་ཟས་སྐོམ། ཚ་སྐྱུར་གྱི་རིགས། དཔེར་ན་ཁ་ཟས་ནང་སི་པན་དང༌། ཤ་སྨན་དྲོད་ཆེའི་རིགས་མང་པོ་བླུགས་པ། ཆང་དང་ཨ་རག མཚུར། ཨིམ་ལི། ལིམ་བུ། ཤིང་ཏོག་མ་སྨིན་པ་སྐྱུར་མོའི་རིགས། ཆུ་མངར་མོའི་རིགས། ཤིང་ཏོག་ཁུ་བ་བཅོས་མའི་རིགས་དང༌། ལྕགས་ཀྲིན་ནང་ལ་རུལ་སུངས་ཀྱི་འགོག་རྫས་བླུགས་པའི་ཁ་ཟས་རིགས་དང༌། ཞག་ཚིལ་གྱི་རིགས། ཤ་ཚིལ་ཅན་དང༌། མར་རྙིང་པ། སྣུམ་དང་ཞག་མར་མང་པོའི་ནང་བརྔོ་བསྲེག་བྱས་པ་རྒྱ་གར་གྱི་ས་མོ་ས་དང་པ་ཀོ་ར། ཆོ་ལེ་བྷ་ཌོ་ར། པུ་རི་ལྟ་བུ། བྱ་སྒོང་བརྔོས་མ་དང་སྒོ་ངའི་སེར་རིལ། སྟར་ཁའི་འབྲས་བུ་དང་བ་དམ་ལ་སོགས་པ་སྣུམ་ལྡན་གྱི་རིགས། རུལ་སུངས་ཀྱི་རིགས། ཕྱུར་ར་རྙིང་པའམ་རུལ་པ། ཕག་ཤ་སོགས་བསྙལ་ཤའི་རིགས། པད་ཚལ་དང་ལ་ཕུག་གྲང་ཚལ་སོགས་རྗེན་ཚལ་དང༌། སོན་ལ་ཕུག་བསྙལ་བ་སྐྱུར་མོའི་(Pickle)རིགས། ཤ་སྐམ་པོ་དང་རྗེན་པ་སོགས་ཤིན་ཏུ་འཇུ་དཀའ་བའི་རིགས་ངེས་པར་དུ་སྤང་དགོས།
གཉིས་པ་སྤང་བྱའི་སྤྱོད་ལམ། ལུས་རྩོལ་བས་བཅགས་པའམ་ལུས་རྩལ་ཤུགས་ཆེའི་རིགས་དང༌། ཞིང་ལས་དང་དོ་བོ་འོར་འདྲེན་སོགས་ཤུགས་ལས་ཀྱི་རིགས། མེ་ཉི་ལ་སོགས་ཚ་དྲོད་ཆེ་བའི་སར་འགྲོ་སྡོད་ལས་གསུམ་བྱེད་པ་སྤང་དགོས། མྱ་ངན་སེམས་ལས་སྡུག་བསྔལ་དང༌། ཞེ་སྡང་དངངས་སྐྲག་གི་རིགས་ཞི་ཐབས་བྱ་དགོས།
གསུམ་པ་བླང་བྱའི་ཟས་སྐོམ། ཁ་ཟས་བསིལ་འཇམ་འཇུ་སླ་བའི་རིགས་བསྟེན་དགོས་པ་དཔེར་ན། འབྲས་སོགས་འབྲུ་རིགས་དང༌། སྔོ་ཚལ་སོགས་རླངས་བཅོས་དང་ཆུར་བཙོས་པ་ལ་སྡོར་ཉུང་ཙམ་བརྒྱབ་པ་བསྟེན་ན་འཕྲོད་ཆེ། ཤ་རིགས་སྐབས་རེ་ཕྲན་བུ་གཟུགས་ཁམས་ཀྱི་བབས་དང་བསྟུན་ནས་ཟ་རྒྱུ་ཡང་དབྱར་སོས་དང༌། སྟོན་དུས་སུ་ཉུང་ཙམ་བསྟེན་དགོས། སྤང་དགོས་པའི་ཤིང་ཏོག་ཕུད་དེ་མིན་ལེགས་པར་སྨིན་པའི་ཤིང་ཏོག་འདྲ་མིན་དང༌། དེ་དག་གི་ཁུ་བ་སོས་པ་མང་ཉུང་རན་ཙམ་འཐུང་དགོས། ཁ་སྤྲི་མེད་པའི་འོ་མ་དང་ཞོ་དར་བ་སོགས་དང༌། ཚ་ཇ་དང་མངར་ཇ་ཀོ་ཧཕི་སོགས་གར་པོ་མ་ཡིན་པ་འཐུང་ཆོག དེ་བཞིན་སྨན་རྩིས་ཁང་ནས་བཟོ་སྐྲུན་བྱས་པའི་སྨན་ཇ་དང་མཁྲིས་ཇ་འོས་འཚམས་འཐུང་དགོས་ལ། ཆུ་ཁོལ་མའམ་ཁོལ་གྲང་གང་མང་ཡུལ་དུས་དང་གནམ་གཤིས་ལ་བསྟུན་ནས་འཐུང་དགོས་པ་ཡིན།
བཞི་པ་བླང་བྱའི་སྤྱོད་ལམ། སྤྱིར་གོང་གསལ་སློང་རྐྱེན་གྱི་ཟས་སྤྱོད་རྣམས་དོ་སྣང་ཆེན་པོའི་ངང་སྤང་དགོས་པ་དང༌། ལྷག་པར་ཆང་རག་དང་ཐ་མག་སོགས་སྨྱོ་རྫས་ཀྱི་རིགས་ངེས་པར་དུ་སྤང་དགོས། དེ་བཞིན་བསིལ་སར་ལུས་སེམས་ཞི་ལྷོད་ངང་རང་གི་བློ་དང་མཐུན་པའི་གྲོགས་བཟང་པོ་དང་ལྷན་དུ་གནས་ན་སྨན་བཅོས་ཀྱི་ནུས་པ་མྱུར་བར་ཐོན་ཐུབ་པའི་ཁྱད་ཆོས་ལྡན་པ་ཡིན།
མཆིན་ནད་དུག་ཐབས་ཀྱི་ནད་གཞི་འདི་དེང་སང་འཛམ་གླིང་གི་འཕྲོད་བསྟེན་དང་འབྲེལ་བའི་དཀའ་ངལ་ཆེ་ཤོས་ཤིག་ཆགས་ཡོད་པ་དང༌།ལྷག་པར་དུ་མཆིན་པའི་བྱེད་ལས་ཡར་རྒྱས་ཕྱིན་པ་དང༌། ཕོ་མཆིན་ཉམས་རྒུད་དུ་ཕྱིན་པ་ལས་སྐྱོབ་པ་སོགས་ཀྱི་ནུས་པ་ཐོན་ཡོད་པས། ནད་གཞི་དེ་ཡང་སྔར་ཚུལ་གྱི་སྐབས་མངོན་ཚུལ་གསལ་པོ་མེད་པར་བག་ལ་ཉལ་བའི་ཚུལ་ལྟ་བུ་ཞིག་ལ་གནས་ཤིང༌། རྐྱེན་གློ་བུར་བ་དང་འཕྲད་ཚེ་སྲོག་ལ་རྒོལ་བ་ཞིག་ཡིན་པར་བརྟེན། གསོ་དཔྱད་སྨན་པའི་ངག་དང་ཟས་སྤྱོད་ཀྱི་སྤང་བླང་རྣམས་ལྷོད་ཡང་དུ་མི་འགྲོ་བར་ཚུལ་བཞིན་བསྟེན་རྒྱུའི་གནད་འགག་འདི་ནི་ནད་མེད་བདེ་བར་འདོད་པ་ཚང་མས་ངེས་པར་དུ་ཤེས་དགོས་པས་མ་ཚད། ལྷག་པར་དུ་ནད་གཞི་སྔོན་འགོག་ཆེད་རང་ལས་གཞན་གཅེས་པའི་ཀུན་སློང་བཟང་པོས་མཆིན་ནད་འདིའི་ནད་འབུ་མི་གཞན་ལ་འགོས་ཁྱབ་མི་འགྲོ་བའི་ཐབས་ལམ་མཁྱེན་རྟོགས་ཀྱིས་ལག་བསྟར་བྱ་དགོས་པ་ནི་ཤིན་ཏུ་གལ་ཆེའོ།།

VIRUS? ཝི་རསེ་བྱ་བ་དེ་གང་ཡིན་ནམ།

《༡》
ཝི་རསེ་འམ་གཉེན་སྲིན་ནི་ཆེས་ཆུང་བའི་སྐྱེ་དངོས་ཕྲ་མོ་ཞིག་ཡིན་ཞིང་དེ་ནི་གློག་རྡུལ་གྱི་ཆེ་ཤེལ་ལ་མ་བསྟེན་པར་མཐོང་མི་ནུས་པའི་ཆོས་ཤིག་ཡིན། འཛམ་གླིང་ནང་གི་ཆུ་དང་རླུང་གིས་མཚོན་པའི་དངོས་པོ་མཐའ་དག་གི་སྟེང་དུ་ཝི་རསེ་རྙེད་རྒྱུ་ཡོད།
《༢》
ཝི་རསེ་ནི་བྷེཀ་ཊི་རི་ཡ་bacteria སྟེ་ཕྲ་སྲིན་དག་དང་མི་འདྲ་བར་རང་ངོས་ནས་བསྐྱར་སྐྲུན་བྱ་རྒྱུའི་ནུས་པ་མེད་ཅིང་། ཁོང་ཚོས་གཉེན་ཁ་རྒྱས་པའམ་ནད་རིགས་འགོ་ཟིན་པའི་cell སྲེལ་ཏེ་སྦུབས་ཕྲན་ཚོའི་DNAཌི་ཨེན་ཨེ་སྟེང་ཕྱིན་ནས་དེ་དག་ཝི་རསེ་མང་པོ་བསྐྱར་སྐྲུན་བྱེད་ཆེད་དུ་སྤྱོད་ཀྱི་ཡོད།
《༣》
ཁྱེད་ཀྱི་ལུས་པོས་ནད་རིགས་འགོག་བྱེད་ཀྱི་མ་ལག་immune system སྤྱད་ནས་ཝི་རསེ་ཡིས་ནད་འགོ་བའི་སྤྱོད་པ་དེར་འཐབ་མོ་བྱེད་ཀྱི་ཡོད།
《༤》
ཝི་རསེ་ཡིས་སྤྱིར་བཏང་གི་འཆམ་པ་དང་། influenza ཨིན་ཕུལེན་ཛ་ཞེས་པའི་ཚ་བའི་རིམས་ནད་དང་། HIV/AID ཨེ་ཛེ་འམ་རེག་དུག་ཞེས་པ་ལ་སོགས་པའི་ན་ཚ་དང་ནད་རིམས་དེ་དག་གི་རྒྱུ་རྐྱེན་བྱེད་ཀྱི་ཡོད།

བོད་གཞུང་སྨན་རྩིས་ཁང་གི་ངེས་སྟོན་པ་དང་བླ་ཞབས་སྨན་པ་རྟ་མགྲིན་ཚེ་དབང་ལགས་སུ་ ནད་རིགས་འདིའི་སྐོར་ནས་བཅར་འདྲི་ཞུས་པ།

དུས་བབ་དྲ་རྒྱ་ལས་བཤུས།

དྲི་བ། སྐུ་ཉིད་ཀྱིས་བཙན་བྱོལ་སྤྱི་ཚོགས་ནང་རེག་དུག་གི་ན་ཚ་དེ་ཚབས་ཆེ་ཆུང་གང་འདྲ་ཞིག་ལ་གཟིགས་ཀྱིན་ཡོད་དམ།

ལན། ན་ཚ་དེ་བོད་མིའི་སྤྱི་ཚོགས་ཙམ་མ་ཟད་འཛམ་གླིང་ཁྱོན་ཡོངས་སུ་ཚབས་ཆེན་པོར་མཐོང་གི་ཡོད་ལ། ཉེན་ཁ་ཡང་ཆེན་པོ་རེད། འཛམ་གླིང་ནང་དེང་སྐབས་ཚན་རིག་དང་ཉམས་ཞིབ་ཐོག་ཡར་རྒྱས་ཤུགས་ཆེར་འགྲོ་བཞིན་ཡོད་ནའང་། ན་ཚ་འདིའི་རིགས་ལ་སྨན་བཅོས་བྱེད་མ་ཐུབ་པར་སྐད་རྒྱག་གི་ཡོད། ལྷག་པར་དུ་བོད་མིར་མི་འབོར་ཉུང་ཉུང་ཞིག་ལས་མེད་སྟབས་མི་གཅིག་ལ་ན་ཚ་འདི་ཡོད་ནའང་བོད་མི་རིགས་ཉམས་ཆག་ཏུ་འགྲོ་རྒྱུའི་ཉེན་ཁ་ཡོད། བོད་མིའི་གཤིས་སྤྱོད་ནང་ན་ཚ་འདིའི་རིགས་བྱུང་སྐབས་སྦ་གསང་བྱེད་པ་དང་ངོ་ཚ་བྱེད་རྒྱུའི་གོམས་གཤིས་ཤིག་ཡོད། དེར་བརྟེན་སྤྱི་ཚོགས་ནང་ན་ཚ་འདིའི་རིགས་ཡོད་མཁན་གཅིག་བསླེབ་ནའང་རྩྭ་ལ་མེ་མཆེད་པ་ལྟར་ལམ་སང་ཁྱབ་འགྲོ་རྒྱུའི་ཉེན་ཁ་ཡོད།

དྲི་བ། བཙན་བྱོལ་སྤྱི་ཚོགས་ནང་བོད་མི་ཅི་ཙམ་ལ་གཉན་ནད་རེག་དུག་གི་ན་ཚ་ཡོད་པར་ཚོད་དཔག་གནང་བཞིན་པ་དང་། སྨན་རྩིས་ཁང་ལ་ན་ཚ་དེ་ཡོད་མཁན་གྱི་བོད་མིས་སྨན་བསྟེན་བྱེད་མྱོང་ངམ།

ལན། དེ་ལ་རིགས་གཉིས་ཡོད། གཅིག སྨན་རྩིས་ཁང་ལ་ནད་པ་རང་ཉིད་ཚུར་ཡོང་སྟེ་སྨན་བསྟེན་བྱས་ན་མ་གཏོགས་ཕར་ཉམས་ཞིབ་བྱེད་པ་དང་། ན་ཚ་དེ་ཡོད་རིགས་ལ་སྨན་སྤྲད་དེ་ཕན་ཐོགས་གང་འདྲ་ཡོད་མེད་བརྟག་དཔྱད་བྱེད་ཀྱི་མེད་སྟབས་ལབ་ཐུབ་ཀྱི་མེད། ཡིན་ནའང་། ང་ཚོས་དེ་སྔོན་ཧོ་ལན་ཌིར་འབྲེལ་བ་བྱས་ཏེ་སྨན་རྩིས་ཁང་གི་ངོས་ནས་ཕར་སྨན་པ་གཏོང་གི་ཡོད་ལ། སྨན་པ་གཏོང་ས་དེ་འཛམ་གླིང་ནང་ན་ཚ་འདིའི་རིགས་ཧ་ཅང་མང་བོ་ཡོད་སའི་ལུང་པ་ཞིག་རེད། ཉམས་ཞིབ་བྱས་མྱོང་མེད་སྟབས་ན་ཚ་འདིའི་རིགས་ལ་བོད་སྨན་གྱིས་བརྒྱ་ཆ་བརྒྱ་ཕན་གྱི་འདུག་ཟེར་རྒྱུ་ཁག་ནའང་། ང་ཡང་ཐེངས་མང་བོར་སྨན་བཅོས་བྱེད་དུ་འགྲོ་མྱོང་བས། བརྟག་དཔྱད་དང་ཉམས་ཞིབ་བྱས་ཏེ་རེག་དུག་གི་ན་ཚར་ངོས་འཛིན་བྱས་པའི་ནད་པ་དེ་འདྲ་ཕྱི་ལུགས་ཀྱི་སྨན་པས་ཟླ་བ་གསུམ་དང་དྲུག་ལ་མ་གཏོགས་གསོན་ཐུབ་ཀྱི་མ་རེད། གཟུགས་པོའི་གནས་སྟངས་ཀྱི་ཆ་ནས་ལྕོགས་ཀྱི་མ་རེད་ཟེར་བ་དེ་འདྲ་བོད་སྨན་ཟོས་ཏེ་ལོ་ལྔ་དང་དྲུག ད་ལྟའང་མ་ཤི་བར་བསྡད་ཡོད་པ་ཧ་ཅང་མང་བོ་ཡོད། དེར་བརྟེན་བོད་སྨན་གྱིས་ཕན་གྱིན་འདུག

གང་ཡིན་ཟེར་ན་མིའི་བསམ་བློའི་ངོས་ནས་བརྒྱ་ཆ་བརྒྱ་ཕན་གྱི་ཡོད། བོད་སྨན་གྱི་ཁྱད་ཆོས་མ་འདྲ་བ་དེ། ནད་པར་སྨན་བཅོས་བྱེད་སྐབས་ནད་པར་དམིགས་བསལ་གྱིས་ལམ་སྟོན་མ་འདྲ་བ་དང་། ནད་པར་ན་ཚ་གང་འདྲ་ཞིག་ན་རུང་རང་གི་སེམས་ནང་དུ་ན་ཚར་བའི་རྗེས་སུ་དོ་སྣང་བྱེད་དགོས་པ་དང་། དོ་སྣང་བྱེད་སྟངས་ཤེས་དགོས་པར་མ་ཟད། ན་ཚ་དེ་རང་གི་གཟུགས་པོའི་ནང་བསླེབས་པའི་རྒྱུ་མཚན་རང་ཉིས་ཀྱིས་ངོས་ཟིན་པ་བྱས་ཏེ། དེའི་ཐོག་ཟས་བཅུད་དང་ཉིན་རེའི་སོ་སོའི་མི་ཚེ་སྐྱེལ་སྟངས་སྐོར་ལ་ཡིད་གཟབ་དགོས་པའི་བསླབ་བྱ་བརྒྱབ་དུས། བསླབ་བྱ་དེས་ནད་པ་མང་བོར་སེམས་ཀྱི་ཚོར་བ་བདེ་བ་ཞིག་དང་། ཡག་པོ་བསླེབས་ཏེ་གཟུགས་པོའི་ནང་དུ་སྨན་ལྟར་ཕན་རླབས་ཆེན་པོ་ཡོང་གི་ཡོད། བོད་སྨན་བསྟེན་སྐབས་སྨན་འཐུང་བ་ཙམ་གྱིས་མི་ཆོག་པར་ཟས་དང་ལུས་ངག་ཡིད་གསུམ་གྱི་སྤྱོད་ལམ་གལ་ཆེན་པོ་ཡིན་སྟབས། ནད་པར་སློབ་གསོ་ཐེབས་ཏེ་ན་ཚ་དེས་སྡུག་བསྔལ་ག་ཚོད་མྱོང་གི་ཡོད་ནའང་། བདེ་བའི་ཚོར་བ་ཤུགས་ཆེ་རུ་ཕྱིན་ཏེ་གཟུགས་པོའི་ནང་དུ་ན་ཚ་སྔོན་འགོག་བྱེད་པའི་ཤུགས་དེ་རང་བཞིན་གྱིས་སླེབས་ཡོང་གི་ཡོད། དེ་བཞིན་ནད་པས་ཟ་མ་ཟ་དགོས་པ་དེ་གལ་ཆེན་པོ་ཡིན་པ་ཤེས་ཀྱི་ཡོད་ལ། ཟ་མ་མ་ཟོས་ན་གཟུགས་པོ་འཚོ་ཐུབ་ཀྱི་མེད་པ་དེ་ཡང་ཤེས་ཀྱི་ཡོད། ཟ་མ་ཟ་བ་དེ་བོད་ཀྱི་སྨན་གཞུང་ནང་དུ་ལུས་ཟུངས་བདུན་ཟེར་ལ། ལུས་ཟུངས་བདུན་གྱི་དྭངས་མ་དེ་གཟུགས་པོའི་ནང་གི་སྙིང་དང་རྩ་ལམ་དུ་ཕྱིན་ཏེ། མིའི་ཚེ་སྲོག་གནས་པའི་གཞི་བྱེད་ཀྱིན་ཡོད། དེ་གལ་ཆེན་པོ་རེད།

གཉིས་པ། སྨན་དེ་ནད་པའི་གཟུགས་པོའི་ནང་གི་གནས་བབ་དང་ན་ཚའི་ཚབས་ཆེ་ཆུང་ལ་བལྟས་ཏེ་སྤྲོད་སྐབས། སྨན་གྱིས་ཕན་པ་མ་གཏོགས་གནོད་རྒྱུ་གང་ཡང་མེད། གང་ཡིན་ཟེར་ན་བོད་སྨན་ནི་ཕྱི་རྒྱལ་གྱི་སྨན་ལྟར་དམིགས་ཡུལ་གཅིག་གི་ཆེད་དུ་དམིགས་ཏེ་བཟོས་པ་མིན་པར། མི་སོ་སོའི་གཟུགས་པོའི་གནས་སྟངས་ནང་རླུང་མཁྲིས་བད་ཀན་གསུམ་གྱིས་གཉེར་བའི་ཆ་སྙོམས་དང་མ་སྙོམས་ཟེར་བ་ཡོད་སྟབས། རླུང་མཁྲིས་བད་ཀན་གསུམ་ནི་མི་ཚང་མའི་གཟུགས་པོའི་ནང་དུ་ཡོད་པ་ཞིག་རེད། དེ་མེད་ན་མིའི་གཟུགས་པོའི་ནང་དུ་བསམ་བློ་གཏོང་བ་དང་འགུལ་སྐྱོད་བྱེད་པ་སོགས་དོན་ལྔ་སྣོད་དྲུག་གི་ལས་ཀ་བྱེད་པར་སྟངས་འཛིན་བྱེད་ཐུབ་ཀྱི་མེད། དེར་བརྟེན་རླུང་མཁྲིས་བད་ཀན་གསུམ་གྱི་ཆ་ཤས་ལ་བལྟས་ཏེ་བོད་སྨན་གྱི་སྦྱོར་བ་ནི་ཕྱི་རྒྱལ་གྱི་སྨན་དང་མ་འདྲ་བའི་ཁྱད་ཆོས་ལྡན་པ་ཞིག་རེད། དེའི་ཆ་ནས་ནུས་པ་ཆེན་པོ་འདོན་ཐུབ་ཀྱིན་ཡོད།

དེ་མིན་བཙན་བྱོལ་ནང་ངས་ཚོད་དཔག་བྱས་ན་རེག་དུག་ཅན་སུམ་བརྒྱ་ཙམ་ཞིག་མེད་དམ་སྙམ། དེ་ཡང་བོད་མིའི་མི་འབོར་ལ་ཆ་བཞག་སྟེ་ལབ་ཀྱིན་ཡོད། ང་ཚོའི་ས་གནས་ཁག་གི་ཡན་ལག་སྨན་ཁང་ནང་སྨན་ཟ་མཁན་ཡོང་གི་ཡོད་ལ། དམག་སྒར་ཁག་ནས་ཀྱང་སྨན་ཟ་མཁན་ཡོང་གི་ཡོད། ངྷ་ས་ལྟ་བུར་མཚོན་ན་བོད་རིགས་ལས་ཀ་མེད་མཁན་མང་བོ་ཡོད་སྟབས། ཉལ་ཐ་འཐེན་མཁན་ལྟ་བུའི་རིགས་ཀྱང་མང་བོ་ཡོང་གི་འདུག དཔེར་ན་སྨན་རྩིས་ཁང་གིས་ཆ་རྐྱེན་ཞན་པ་དང་འཚོ་བ་སྐྱོ་བའི་ནད་པའི་རིགས་ལ་སྨན་རིན་མེད་དུ་སྤྲོད་ཀྱིན་ཡོད་ལ། ངས་སྨན་རིན་མེད་དུ་སྤྲད་པ་ཙམ་གྱིས་འགྲིག་གི་མེད་པར་གཟུགས་པོའི་ནང་དུ་ཕན་གནོད་གང་འདྲ་ཡོང་གི་ཡོད་མེད་ལ་བརྟག་དཔྱད་བྱ་རྒྱུ་གལ་ཆེན་པོ་རེད་ཅེས་བཤད་ཀྱིན་ཡོད་སྟབས། ད་ལྟ་བར་དུ་སྨན་མུ་མཐུད་དེ་ཟ་མཁན་མང་བོ་འདུག



དྲི་བ། སྐུ་ཉིད་ཀྱིས་གསུངས་པ་ལྟར་གཙོ་བོ་བོད་སྨན་རང་གི་ཐོག་ནས་ཕྱི་ལུགས་ཀྱི་སྨན་དང་མི་འདྲ་བའི་ནུས་པ་ཞིག་འདོན་ཐུབ་ཀྱི་ཡོད་ན། མ་འོངས་པར་ན་ཚ་དང་སྨན་གཉིས་ཀར་ཞིབ་འཇུག་བྱས་ཏེ་རེག་དུག་གི་ཆེད་དུ་སྨན་གསར་བཏོད་བྱེད་པའམ། ཐབས་ལམ་གཞན་བཙལ་ན་རྙེད་ཀྱི་རེད་དམ།

ལན། རྙེད་ཐག་ཆོད་རྙེད་ངེས་རེད། ང་ཚོའི་བོད་སྨན་གྱི་སྨན་གཞུང་དེ་གཞི་ཆེན་པོ་རྒྱ་མཚོ་ནང་བཞིན་རེད། རྒྱ་མཚོའི་ནང་དུ་མི་ཞིག་ཕྱིན་ཚེ་སོ་སོའི་རིག་པས་མ་འདང་བའི་དཀའ་ངལ་ལས་རྒྱ་མཚོའི་ནང་གི་ནོར་བུ་རྫོགས་འགྲོ་རྒྱུ་མེད། གཉིས་ནས་རྒྱ་གར་དང་ཕྱི་རྒྱལ་ལུང་པའི་ཁྲིམས་ལུགས་ཀྱི་ཐོག་ནས་སྨན་གྱི་རྒྱུ་ཆའི་ནང་དུ་མང་བོ་ཞིག་བཀག་འགོག་ཡོད་པ་དང་། བེད་སྤྱོད་གཏོང་མི་ཆོག་པ་དེ་འདྲ་ཡོད། གང་ལྟར་བོད་སྨན་གྱི་ཐོག་ནས་ན་ཚ་དེར་བརྟག་དཔྱད་བྱས་ཏེ་སྨན་གསར་བཏོད་བྱ་དགོས་བྱུང་ན། བྱ་མ་ཐུབ་པ་གང་ཡང་མི་འདུག་སྙམ། གཙོ་བོ་སོ་སོས་རིག་པ་བཏང་མ་བཏང་རེད། དཔེར་ན་ད་ལྟ་སྨན་བཟོས་ཡོད་པ་དེ་ཚོས་གཉན་གྱི་སྲིན་འབུའི་ན་ཚ་སྟེ། གཉན་ནད་ཙམ་མིན་པར་གློ་ནད་གཉན་ཚད་ཟེར་བ་དེ་གཉན་ནད་རེག་དུག་གི་སྤུན་མཆེད་རེད་ཟེར་གྱིན་ཡོད་ལ། དེར་ཡང་བོད་སྨན་སྤྲད་ན་ཧ་ཅང་གི་ཕན་པ་ཡོང་གི་འདུག དེའི་རིགས་ཀྱང་འགོས་ནད་རིགས་རེད། གཉན་ནད་རེག་དུག་ལྟ་བུ་ཡིན་ན་ནད་འབུའི་ཆ་ནས་ཡོང་གི་ཡོད་ལ། ཤུགས་ཆེ་ཆུང་དང་རིགས་མ་འདྲ་བ། ཡོང་སའི་འབྱུང་ཁུངས་མ་འདྲ་བ་རེད། གང་ལྟར་ཆ་རྐྱེན་ལྡན་པ་དང་མཐུན་རྐྱེན་ཡག་པོ་བྱུང་ན། ཉམས་ཞིབ་བྱས་ཏེ་ནད་པ་དེ་འདྲར་སྨན་བཅོས་བྱས་ན་ད་ལྟའི་ཆར་བརྒྱ་ཆ་བརྒྱ་མ་བྱུང་ནའང་། མིའི་མི་ཚེ་ཡུན་རིང་པོར་གནས་པ་དང་དཀའ་ངལ་ལས་ཐར་ཏེ་ཅུང་ཙམ་ཞི་བའི་ངང་གནས་ཐུབ་པ་སོགས་ཀྱི་ཕན་ནུས་མང་བོ་ཡོང་གི་ཡོད། མ་འོངས་པར་ཡང་གོ་སྐབས་ཆེན་པོ་འདུག



དྲི་བ། ད་ལྟའི་ཆར་ན་ཚ་འདི་འཛམ་གླིང་ནང་ཁྱབ་བརྡལ་དུ་འགྲོ་བཞིན་པ་དང་མི་ཧ་ཅང་མང་བོར་དཀའ་ངལ་འཕྲད་ཀྱིན་ཡོད་ཐོག འདི་ལ་ཕན་ནུས་ལྡན་པའི་སྨན་ཞིག་བྱུང་མེད་སྟབས་སྨན་རྩིས་ཁང་ངམ། ཡང་ན་སྐུ་ཉིད་ལྟ་བུའི་སྨན་པ་བགྲེས་པོ་དེ་འདྲ་མཉམ་དུ་འདི་ལ་བརྟག་དཔྱད་བྱེད་པ་དང་། ནུས་པ་འདོན་རྒྱུའི་ཐུགས་རེ་འདྲ་ཡོད་དམ།

ལན། ད་ལྟའི་ཆར་སྨན་རྩིས་ཁང་རང་གིས་ན་ཚ་འདིའི་རིགས་ལ་དམིགས་སུ་བཀར་ཏེ་ཉམས་ཞིབ་བྱ་རྒྱུའི་ལས་འགུལ་བརྩམས་མེད་མོད། མ་འོངས་པར་ཡོང་མི་སྲིད་པ་མིན། ད་ལྟ་ང་ཚོར་སྨན་གྱི་ཕྱོགས་ནས་ཆ་རྐྱེན་དེ་ཙམ་མ་འདང་བ་མེད་ནའང་། དེ་མིན་གྱི་ཆ་རྐྱེན་གཞན་གྱིས་འདང་གི་མེད། གཙོ་བོ་དེ་ལྟ་བུའི་ནད་རིགས་ལ་བརྟག་དཔྱད་བྱ་སའི་ཚད་ལྡན་གྱི་བརྟག་དཔྱད་ཁང་ཞིག་དགོས་པ་རེད།

དཔེར་ན་ནད་པ་ཁག་ཅིག་སྨན་ཁང་ལེགས་པོ་ཞིག་ཏུ་མ་བྱིན་པར་དང་ཐོག་འགོས་ནད་འདུག་ཟེར་བ་དང་། དེ་ནས་མི་འདུག་ཟེར་བ་ལྟ་བུ་ཡོང་གི་འདུག ངས་སྔོན་མ་ལྡི་ལིར་ལོ་ཉི་ཤུའི་རིང་སྨན་པ་བྱས་ཏེ་བསྡད་རིང་དམག་ཁུངས་ནས་ན་ཚ་དེའི་རིགས་འདུག་ཟེར་མཁན་གྱི་བཟའ་ཚང་ཞིག་ཡོད། ཁོང་གཉིས་ལེག་ནོ་དང་ལྡི་ལིར་བརྟག་དཔྱད་བྱེད་དུ་ཕྱིན་ཏེ་འདུག་ཟེར་གྱིན་འདུག རྗེས་སུ་བོད་སྨན་བསྟན་ཏེ་ལོ་གསུམ་བཞི་འགོར་རྗེས་ཧ་ཅང་ཡག་པོ་དྲག་སྐྱེད་བྱུང་སོང་། དེར་བརྟེན་དེ་ཚོའི་གྲས་ལ་བརྟག་དཔྱད་བྱེད་ས་ཚད་ལྡན་ཞིག་བྱུང་ན། དང་ཐོག་ནད་ཚ་དེ་ངོ་འཕྲོད་རྒྱུ་གལ་ཆེན་པོ་རེད། སྨན་ཁང་ཡིན་ནའང་རེད་ཟེར་བ་དང་མ་རེད་ཟེར་བ་ལྟ་བུའི་ཐག་ཆོད་ལ་མ་ཆོད་ཀྱི་སྐད་ཆ་མང་བོ་ཡོང་གི་ཡོད་སྟབས། ནད་པར་བརྟག་དཔྱད་བྱེད་སྐབས་བརྟག་དཔྱད་ལེགས་པོ་བྱེད་པའི་འཕྲུལ་ཆས་ཚད་ལྡན་དགོས་པ་དང་། དེས་ནད་ཚ་དེ་ཡོད་པར་བརྒྱ་ཆ་ཅི་ཙམ་ཞིག་ཁེག་ཐག་ཐུབ་པ། ལྷག་པར་འཕྲུལ་ཆས་དེ་བེད་སྤྱོད་ཚད་ལྡན་གཏོང་ཐུབ་མཁན་གྱི་མི་དགོས་པ་རེད།

ད་ལྟ་ང་ཚོར་ཧྥ་རི་སན་དང་ཕྱི་རྒྱལ་ཁག་ཏུ་ནད་པ་དེ་འདྲ་ཡོད། སྨན་ཟོས་ཏེ་ལོ་གསུམ་བཞི་བྱིན་རྗེས་ནད་ཚ་མི་འདུག་ཟེར་གྱིན་འདུག ཁྲག་ནང་དུ་བརྟག་དཔྱད་མ་འདྲ་བ་མང་བོ་བྱེད་ཀྱིན་འདུག་ལ་བརྟག་དཔྱད་བྱས་རྗེས་སྔོན་མ་མང་བོ་ཡོད་ནའང་། དེང་སྐབས་མི་འདུག ནད་འབུ་ཉུང་དུ་ཕྱིན་འདུག་ཟེར་བ་དང་། རེ་ཟུང་གིས་ནད་འབུ་རྩ་བ་ནས་མེད་པར་ཆགས་ཏེ་མི་འདུག་ཟེར་བ་ལྟ་བུ་ཡོང་གི་ཡོད་ནའང་། བརྟག་དཔྱད་བྱས་པ་དེ་ཁོང་ཚོས་ཡིད་ཆེས་ག་ཚོད་ཅིག་བྱེད་ཀྱིན་ཡོད་མེད་ལབ་ཐུབ་ཀྱི་མི་འདུག དེར་བརྟེན་གཙོ་བོ་བརྟག་དཔྱད་ཁང་ཚད་ལྡན་ཞིག་མེད་ན་ཞིབ་འཇུག་བྱ་ཁག་པོ་རེད།



དྲི་བ། གོང་ནས་སྐུ་ཉིད་ཀྱིས་ནད་པ་ཚོར་སྨན་བསྟེན་བྱེད་སྐབས་སློབ་སྟོན་བྱ་རྒྱུ་དེ་གལ་ཆེན་པོ་རེད་གསུངས་སོང་། སློབ་སྟོན་བྱེད་སྐབས་ནད་པ་དེའི་བསམ་བློའི་ནང་འདུ་ཤེས་གཙོ་བོ་གང་དང་གང་ཁྱེར་དགོས་སམ།

ལན། འདུ་ཤེས་གཙོ་བོ་དེ་ན་ཚ་ག་རེ་བྱུང་ནའང་སོ་སོ་ལན་པ་རེད། སུ་གཅིག་ཀྱང་ལན་པ་མ་རེད། ང་སྔོན་མར་ལྡི་ལིར་སྡོད་སྐབས་རྒྱ་གར་ནད་པ་རེ་འགས་ང་ལ་ན་ཚ་དེ་དཀོན་མཆོག་གིས་གནང་བྱུང་ལབ་ཀྱིན་འདུག ངས་ཁོང་ཚོར་དཀོན་མཆོག་གིས་གནང་གི་མེད། དཀོན་མཆོག་གིས་ལམ་ཁ་འདིར་ཕྱིན་ན་བདེ་བ་དང་འདིར་ཕྱིན་ན་སྡུག་བསྔལ་ཡོད། འདི་བྱས་ན་སྐྱོན་དང་གན་བྱས་ན་དགེ་བ་རེད་ཅེས་ལམ་སྟོན་གནང་གི་ཡོད། ལྷག་པར་དུ་ང་ཚོའི་སྟོན་པ་སངས་རྒྱས་བཅོམ་ལྡན་འདས་ལ་ཆ་མཚོན་ན་སངས་རྒྱས་རང་གིས་དཀའ་སྤྱད་གྲངས་མེད་ལ་ཚོགས་བསགས། སྒྲིབ་པ་སྦྱངས་ཏེ་སངས་རྒྱས་པ་རེད། དེའི་ལམ་སྟོན་ནང་དུ་ང་འདི་ལྟ་བུའི་ལམ་ཁ་ཞིག་ཏུ་ཕྱིན་པ་ཡིན། ང་ལ་དེ་ལྟ་བུ་ཞིག་བྱུང་། ཁྱེད་ཚོ་ཡང་གན་དང་འདི་ལྟ་བུ་ཞིག་ཏུ་ཕྱིན་ན་ཡག་པོ་ཡོད་ཅེས་གསུངས་ཡོད། དེར་བརྟེན་སོ་སོ་རང་ཉིད་ཀྱིས་དོ་སྣང་བྱ་དགོས་པ་གལ་ཆེན་པོ་རེད་ལ། གཟུགས་པོའི་ནང་དུ་ན་ཚ་དེ་ལྟ་བུ་ཞིག་ཡོང་ན་སོ་སོ་རང་གི་ལས་ངན་པའམ། བྱ་བ་ངན་པ། མ་ཤེས་པ་སོགས་ལ་བརྟེན་ནས་བྱུང་བ་རེད། དེར་བརྟེན་རང་ཉིད་ལ་སྐྱོན་ཡོང་གི་ཡོད་པ་དེ་ངོས་ལེན་བྱ་དགོས་པ་རེད། དེ་ངོས་ལེན་བྱས་རྗེས་དང་ལེན་བྱ་དགོས་པའི་བསླབ་བྱ་ནི། སྨན་པར་དུས་ལྟར་བསྟེན་པ་དང་སྨན་དུས་ལྟར་འཐུང་བ། ཟས་ལེགས་པོར་ཟ་བ། སྨན་པས་འཛུམ་སྟོན་གནང་བ་ལྟར་སྤྱོད་ལམ་ལ་འཛེམ་པ་བཅས་ནི་གལ་ཆེ་ཤོས་རེད། དེ་ལྟར་བྱས་ན་སྨན་གྱི་ངོ་སོ་འཐོན་གྱི་རེད་ལ། རང་ཉིད་ཀྱང་དྲག་སྐྱེད་ཡོང་གི་རེད།

གཙོ་བོ་ན་ཚ་དེ་ལྟ་བུ་ཞིག་བྱུང་རྗེས་ཐབས་ལམ་ཁྱོན་ནས་མ་བཙལ་བར་འདུག་རྒྱུ་མེད་པར། ཐབས་ལམ་འཚོལ་དགོས་པ་རེད། ཐབས་ལམ་ག་རེ་ཡིན་ནའང་ཡོད། ལས་དང་འབྲེལ་བ་ཡོད་པའི་སྨན་པ་དང་ལས་དང་འབྲེལ་བའི་སྨན་ཡོད། གང་ལྟར་ཐབས་ལམ་མང་བོ་ཡོད་སྟབས་སོ་སོ་དང་འབྲེལ་བའི་ཐབས་ལམ་གང་ཡོད་པ་དེ་ངོ་འཕྲོད་རྒྱུ་གལ་ཆེན་པོ་རེད། དེར་བརྟེན་རང་ཉིད་ལ་སེམས་གསོ་བཏང་སྟེ་ན་ཚ་ཡིན་ནའང་དྲག་སྐྱེད་ཡོད་ཅིང་། གལ་སྲིད་མ་དྲག་ནའང་དཀའ་ངལ་ཉུང་དུ་འགྲོ་རྒྱུ་ཡོད་པའི་ཡིད་ཆེས་བྱེད་དགོས།

མིག་ནད་ཞི་བར་བྱེད་པའི་མདོ་བཞུགས་སོ།།

༄༅། །རྒྱ་གར་སྐད་དུ། ཨཱརྱ་ཨཀྵི་རོ་ག་པྲ་ཤ་ས་ཎི་སྰུ་ཏྲ། བོད་སྐད་དུ་འཕགས་པ་མིག་ནད་རབ་ཏུ་ཞི་བར་བྱེད་པའི་མདོ་སངས་རྒྱས་དང་བྱང་ཆུབ་སེམས་པ་ཐམས་ཅད་ལ་ཕྱག་འཚལ་ལོ།།

འདི་སྐད་བདག་གི་ཐོས་པ་དུས་གཅིག་ན། བཅོམ་ལྡན་འདས་རྒྱལ་པོའི་ཁབ་ན་བྱ་རྒོད་ཕུང་པོའི་རི་ལ་བཞུགས་ཏེ། དེ་ནས་གནོད་སྦྱིན་གྱི་སྡེ་དཔོན་ཆེན་པོ་ནག་པོ་བཅོམ་ལྡན་འདས་ག་ལ་བ་དེར་སོང་སྟེ། ཕྱིན་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་རྒྱལ་པོའི་ཁབ་གྲོང་ཁྱེར་ཆེན་པོ་འདིར་མིག་ནད་བྱུང་ན་དེ་དག་ལ་ཇི་ལྟར་སྒྲུབ་པར་གྱིས། བཅོམ་ལྡན་འདས་ཀྱིས་བཀའ་སྩལ་པ། ནག་པོ་མིག་ནད་ཀྱི་སྔགས་ཀྱི་ཚིག་འདི་དག་ཡོད་དེ། ཏ་དྱ་ཐ། རུ་དྷི་རེ་ཕུ་ར་དྷི་ར། ཨཀྵི་ཕུ། རུ་དྷ་རི་པིྃ་ག་ལེ་ཕུ། བྷ་ཏེ་ཕུཿཧ་ན་ཏེ་ཕུཿམཱཾ་ས་དུ་དྷུ་བྷི་ཕུ། པད་མ་ཨཀྵི་ཕུ། པད་མ་དཎྜ་ཧི་ར་ཎི་ཡེ་ཕུ་སཱཧཱ། བཅོམ་ལྡན་འདས་ཀྱི་དེ་སྐད་ཅེས་བཀའ་སྩལ་ནས་གནོད་སྦྱིན་གྱི་སྡེ་དཔོན་ཆེན་པོ་ནག་པོ་ཡི་རངས་ཏེ་བཅོམ་ལྡན་འདས་ཀྱི་གསུངས་པ་ལ་མངོན་པར་བསྟོད་དོ། ། ཆོ་ག་ནི་འདི་ཡིན་ཏེ། སྲད་བུ་དཀར་པོ་ལ་ལན་བདུན་བཟླས་པ་བྱས་ཏེ། མདུད་པ་མདུན་བོར་རོ། །ཆུ་ལ་ལན་བདུན་བཟླས་པ་བྱས་ལག་པས་བྱབས་ན། མིག་ནད་ཞི་བར་འགྱུར་རོ། །འཕགས་པ་མིག་ནད་ཞི་བར་བྱེད་པའི་མདོ་རྫོགས་སོ།།

ཆུ་འཐུང་ཚཱུལ།

དུས་ཚོད་གནད་སྨིན་ཐོག་ཆུ་མང་པོ་འཐུང་ན་མིའི་ལུས་པོའི་བདེ་ཐང་ལ་རྗེས་འབྲས་ལྡན་པའི་ནུས་པ་འཐོན་ཐུབ།

༡༽ གོམ་པ་རྒྱབ་ནས་ཕྱིན་པའི་རྗེས་ཆུ་ཕོར་པ་གཉིས་འཐུང་ན་དབང་རྩའམ་འབུད་རོལ་དེ་དག་གྲུང་པོ་བཟོ་བར་ཕན་ཐོགས་ཡོད།
༢༽ ཁ་ལག་མ་ཟས་གོང་གི་སྐར་མ་༣༠སྔོན་དུ་ཆུ་ཕོར་པ་གང་འཐུང་ན་ཟས་འཇུ་བར་ཕན་ཐོགས་ཡོད།
༣༽ གཟུགས་པོ་མ་འཁྲུ་གོང་རོལ་དུ་ཆུ་ཕོར་པ་གང་འཐུང་ན་ཁྲག་གཤེད་བཅོག་པར་ཕན་ཐོགས་ཡོད།
༤༽ མ་ཉལ་གོང་དུ་ཆུ་ཕོར་པ་གང་འཐུང་ན་གྲིབ་དང་སྙིང་བགད་ན་ཚ་འགོག་པའི་ཕན་ཐོགས་ཡོད།

རང་རིགས་བོད་མི་རྣམས་ཀྱིས་ཐུགས་ཟབ་དགོས་པ།

མེཀ་སི་ཀོ་ནས་དར་ཁྱབ་བྱུང་བའི་ཕག་འཆག་གི་ནད་གཞི་དེ་ད་ཆ་རྒྱ་གར་གྱི་ནང་འགོས་ཁྱབ་ཕྱིན་ཏེ་ད་ལྟའི་བར་རྒྱ་གར་བ་མི་ཉུང་བ་ཞིག་གི་ཚེ་སྲོག་ཤོར་ཡོད་པ་མ་ཚད། སྤུ་ན་སོགས་ཀྱི་ནང་སློབ་གྲྭ་སོགས་སྒོ་རྒྱབ་བྱུང་འདུག།།དེ་འདྲ་སོང་གཙང་ད་བར་ང་ཚོ་བོད་མིའི་ཁྲོད་ཕག་འཆམ་གྱི་ནད་ཕོག་པ་སུ་ཡང་བྱུང་ཡོད་ཟོ་མི་འདུག་ན། བོད་མི་ཚོས་ནད་གཞི་དེ་མ་ཕོག་པའི་ཐབས་ལམ་ལ་ཤིན་ཏུ་བརྩོན་གལ་ཆེ་སྙམ། གལ་ཏེ་བོད་མི་གང་ཞིག་ལ་ནད་གཞི་དེ་ཕོག་ཕོག་སོང་ན་དེས་རྐྱེན་པས་རང་རིགས་བོད་མི་མང་པོ་ཞིག་ལ་འགོས་ཉེན་ཆེན་པོ་ཡོད་པ་དང་། ལྷག་པར་འདན་ས་ལྟ་བུའི་གྲྭ་ས་དང་སློབ་གྲྭ་སོགས་ཀྱི་ནང་ནད་དེ་སླེབས་ན་དཀའ་ངལ་ཆེན་པོ་ཡོང་རྒྱུ་མ་ཟད་མི་མང་པོ་ཚེ་སྲོག་ཀྱང་ཤོར་ཉེན་ཡོད།

ཕག་འཆམ་གྱི་ནད་གཞི་དེ་ནི་H1N1ཟེར་བའི་ནད་འབུ་ཕྲ་མོ་དེས་བཟོ་གི་ཡོད་ལ། ནད་འབུ་དེ་མཁའ་རླུང་བརྒྱུད་འགོ་ཐུབ་པར་
བརྟེན་ནད་གཞི་ཕོག་པས་མིས་གློ་རྒྱབ་པ་དང་ཧབ་ཆི་རྒྱབ་པའི་སྐབས་འགོས་ཀྱི་ཡོད།

ནད་རྟགས་ནི།
༡ ༼སྤྱི་ཡོངས་ཀྱི་ནད་རྟགས༽རེ་འགའ་འམ་ཐོབ་རྒྱག་ཚ་བ་༣༨་ཡན་ལ་ཕར་བ་དང་གློ་རྒྱབ་པ།
༢ ཐང་ཆད་པ་དང་འཁྱགས་པ།
༣ མགོ་ན་བ། མགྲིན་པ་མི་བདེ་བ། སྣ་ཆུ་འཐོན་པ། ཧབ་ཆི་རྒྱབ་པ།
༤ གྲོད་ཁོག་མི་བདེ་བ། དངས་ཁ་ཤོར་བ། གྲོད་ཁོག་བཤེལ་བ།
༥ ཚིགས་དང་རྒྱུས་པ་ན་བ།

སྨྱུག་རྒོད་གངས་བུ་དཔལ་ནས།